تلوث الأسماك

[bodda]

تقسم الأسماك الى اسماك المياه العذبة واسماك بحرية( مياه مالحة )
ولو اتكلمنا على الاسماك المصرية
هانلاقى ان اسماك المياه العذبة اكثر تلوثا من اسماك المياه المالحة
بسبب كثرة القاء المخلفات الصناعية والصرف الزراعى فى النيل
يليها مياه البحيرات شبه المقفلة كبحيرة المنزله مثلا
ولكن
يوجد فلتر فى الاسماك يحتجز هذه الملوثات وهو الكبد
فيفضل عدم أكله لوجود اعلى تركيز لاى ملوثات ان وجدت
ولكن بصفة عامة
تعتبر الاسماك أأمن أنواع الغذاء البروتينى
لقدرتها الفائقة على فلترة الملوثات البيئية
وهى من الأغذية الآمنه والعلاجية للكثير من الامراض
وأخف أنواع البروتينات هضما
ونعتبر دى مجرد فاتحة للموضوع ونشوف الاراء
ونتكلم
صباح الفل

[MFM]

bodda
صباح االفل

باسم الله ما شاء الله عليك عندك اجابة علي كل سؤال
بس المشكلة اللي عندي اني اقيم في الولايات المتحدة
واخر تقرير لل USFDA
جاء فيه ان هناك 55 مورد ماء في الولايات المتحدة ملوثة بنسبة عالية جدآ بالزئبق
وهذا بالطبع يجعل الاسماك والماكولات البحرية مشبعة بنسبة عالية منه
وجاءت توصياتهم كالاتي:
1- علي البنات الصغيرات والسيدات اللاتي في سن الخصوبة عدم اكل الماكولات البحرية لانه الي جانب خطورته علي الصحة العامة فانه
خطير جدآ علي الاجنة
2-الذكور يمكنهم اكل كمية صغيرة في الاسبوع حوالي 2 oz
3-الاسماك الكبيره الحجم تكون بها نسبة اعلي من الاسماك الصغيرة
4-الماكولات السمكية المستخرجة من المزارع السمكية اقل تلوثآ من المستخرجة من مصادر المياه الاخري
بصراحة انا بعد ما قرات هذا الكلام قررنا انا وزوجي والاولاد مقاطعته نهائيا علشان نبقي في الامان رغم حبنا الشديد للجمبري والسمك والكابوريا والاستكوزا طبعآ
وصباح الفل
و

[bodda]

طبعا كلام وتقارير ال USFDA مضبوطه ومدروسه بدقة

ولكن بصفة عامه تعتبر اسماك المزارع اقل تلوثا
وكذلك اسماك أعالى البحار والمحيطات
لانه كلما اقتربت الأسماك من الشواطئ زاد تلوثها
وبرضه بصفة عامه يزداد التلوث فى القشريات والمحاريات
زى الكابوريا والجمبرى والاستاكوزا والقواقع
لكن اغلب هذه الاصناف اصبح استزراعها هو الغالب
حتى ان امريكا عامله قضية على الصين واليابان
لاغراق اسواقها بالجمبرى المزروع وهو آمن
وده موجود باسواق امريكا ومكتوب عليه مستورد من اليابان او الصين
وانا كنت باجيب الاسماك وانا فى امريكا من سوق اسمه JESUP
بعد ميريلاند بحوالى 30 ميل وكنت اروح له كل اسبوع اجيب التموين
معلش اصلى مستحيل استغنى عن السمك وعائلته مرتين على الاقل اسبوعيا

وصباح الفل

[osha]

بودا،ما شاء الله عليك
اختى ميم،لو سمحت ليا رأي مختلف حبة
تخيلي لو سمعنا كلام المنظمات المعنية بالشئون الصحية بالكامل مش حناكل حاجة خالص:
السمك:ملوث بالزئبق في اماكن وفي اماكن اخرى بالرصاص
الفراخ:هورمونات
اللحمة:جنون بقر غالبا وساعات دودة معرفش ايه
البيض:السالامونيلا
الخضروات:المبيدات الحشرية
!!!!!!!!!!!!!!!!!!!!!!!!!!!!!!!
فاضل ايه محدش اتكلم عليه وطلع فيه القطط الفاطسة؟؟
اعملي زيي وتوكلي على الله وكلي السمك
وحسبي الله ونعم الوكيل فيمن تسببوا في تخويف الناس مما احل الله اكله بافعالهم وتجاربهم ونفاياتهم

[MFM]

العزيزة osha

انا متشكرة جدآ جدآ علي نصيحتك الغالية
وكنت اتمني اني انفذها لكن
انا عندي اسباب كثيرة مخلياني مش قادرة وهي :
1- الاثار المترتبة علي اكل الاسماك الملوثة بالزئبق تظهر علي الانسان بصفة عامة بعد سنوات قد تكون عديدة
اما بالنسبة للبنات فان اثارها تظهر علي الاجنة في شكل تشوهات
وانا في الحقيقة مش عاوزة اخذ المخاطرة و خصوصآ انا عندي بنتين 12 و13 سنة ربنا يبعدعنهم وعن كل الناس الشر
2- نفس الكلام ينطبق علي جنون البقر فانه مرض كامن يعني لايظهر علي الانسان الا بعد سنوات طويلة قد تصل الي عشر سنوات
3- اما السبب الاهم اللي يخليني لا ااكل السمك ولا اللحم البقري اني عندي ثلاثة اطفال ولا اريد لهم الضررباي صورة كانت
4- وانا اذا لم ااكل بعض الطعام اللذي احله الله فانا لا احرم ما احل الله ولكني احاول ان احمي نفسي وعائلتي من التلوث الذي
تسبب فيه البشر كما ذكرتي بافعالهم وتجاربهم ونفاياتهم
5- وليس بالاسماك ولا اللحم البقري وحده يحيا الانسان
واشكرك مرة اخري
اما العزيز bodda

انا اشكرك علي ردودك القيمة
وكنت اتمني اكون مقيمة في ميريلاند بس انا مقيمة بعيد عنها
وعلي فكرة القضية بين امريكا كانت مع جمبري جنوب شرق اسيا بصفة عامة لانهم اغرقوا الاسواق الاميريكية بمنتجاتهم الرخيصة جدآ مماادي الي خسائر بالمليارات لاميريكا. يعني المسألة اقتصادية بحتة
وتحياتي لكما

[bodda]

العزيزه أوشا

طبعا لو مشينا ورا موضوع الملوثات فكل شئ ملوث
حتى لبن الابقار وجد به اثار لمبيدات استخدمت فى المراعى الخضراء
كما وجد فى لبن الام ذاتها
وطبعا المبيدات طايله الفاكهه والخضار والحبوب وكل شئ
وكذلك المنتجات المهندسة وراثيا
لكن زى ما قلت قبل كده اسماك اعالى البحار زى الماكريل آمنه تماما
خاصة مع عدم أكل الكبد
أما موضوع جنون البقر
فلم يثبت حتى الان الا انه وجدت حالات جنون تصيب الانسان
تشبه فى مظهرها ما يحدث للابقار المصابه ليس الا
ولكن ثبت ان الابقار المصابه يكون فى الاحشاء والمخ
يعنى الكرشه والفشه والممبار والمخ ولحم الراس
وبالتالى فاللحوم لم يثبت اصابتها
ولم يثبت عدواها للانسان
والا كان عدد اللى ظهرت عليهم الحالات فى الانسان ( 5 حتى الان) يكون مساوى او اكتر من حالات البقر ( 2516)
والله اعلم
وبرضه المهم الانسان ياكل ما يطمئن له
حتى لو عاش على البلح واللبن
وصباح الفل

[osha]

ميم
قل لن يصيبنا الا ما كتب الله لنا
صدق الله العظيم
عندك حق في الاخذ بالاسباب ولكن ان امتنع عن اكل السمك بالنسبة لي يعتبر كابوس
وربنا يستر على اطفالنا مما لا نعرفه



عندك حق يا بودا ولكن مثلا واحدة زيي متقدرش تعيش من غير ما تاكل ممبار تعمل اييييه؟وليذهب جنون البقر الى الجحيم المهم الممبار

[ام المصريين]

شكرا على الموضوع يا بودا لكن اوقعتينا فى حيرة !!!!! هناكل ايه يا اخونا لما كل حاجة غير موثوق فيها
تعرفى ان الموضوع ده اوحى لى بفكرة : انا عندى قطعة ارض صغيرة ممكن ازرعها خضار وشوية فاكهة .....ايه رأيك؟

[osha]

ام المصريين:
كنت اشتري لابني المصاب بالحساسية خضروات من اللي مكتوب عليها انه لم يستخدم في زراعتها اسمدة كيماوية ولم ترش عليها مبيدات، وطبعا كانت غالية جدا
وبالصدفة البحتة قابلت صديقة تعمل في احد البنوك وقالت ان البنك يتعامل مع احد منتجي الخضر الذي اكد لها ان الكلام بتاع خالي من الاسمدة والكيماويات كله مسألة تجارية بحتة لا تمت للواقع بصلة وان الشركة الكبيرة تأخذ منتجاتها زي اي موزع آخر بس بتنقي الخضار النظيف،وطبق فوم وبلاستيك للتغليف واستيكر شيك
وسلم لي على جمعية حماية المستهلك.......قوي
ويجعله عامر

[bodda]

طبعا الكلام ده صح

ولا يوجد هنا ما يمكن ان نقول عليه منتج حيوى
لان ده بالمناسبه تخصصى العلمى
فالثمره التى لا ترش بالمبيدات ولا تعطى اسمدة كيميائية تكون مشوهه المظهر
لان لازم تصاب باى آفة واذا لم ترش الافات تترك ندوب واشكال
عرفتوا بقى اللى بيتباع فى السوق على انه حيوى يبقى ايه ؟؟؟
يبقى نصب كبير اوى
وللعزيزه ام المصريين اقولها كلى الل فى نفسك مع الغسيل الجيد وخلاص
واوشا طبعا تاكلى ممبار وبالهنا والشفا
بس اعزمينى لانى باموت فيه مشطشط
ده احنا اللى جننا البقر
ومساء الفل