بابا................حانوتى

[الدكتورة نسيبة]

انا بنت حلوة ومحترمة ومثقفة ومتدينة وجامعية ومن عائلة ميسورة الحال بس فيه مشكلة ...................






بابا..................حانوتى



يا جماعة دى مش مواصفاتى او اعلان للزواج بس دى مشكلة انا قريتها قبل كدة من زمان لاختين مواصفاتهم كويسة جدااااااااااا بس كل ما يتقدم لهم عريس ويعرف مهنة والدهم يمشى بسبب مهنة والدهم

ففكرت فيها فى بنات كتير ممكن ترفض مهنة والدها سواء كان حانوتى او عشماوى (المسئول عن تنفيذ حكم الاعدام)وعلى الرغم من ان المهنة نفسها شريفة الا ان فيه ناس كتير ممكن ترفضها


يعنى انت مثلا كشاب لو تقدمت لبنت باباها حانوتى تقبلها كزوجة ليك ولا تمشى وتصرف نظر عن الموضوع كله على الرغم من ان البنت عجباك وانت مقتنع بيها ومفيش فيها اى مشاكل الا وظيفة باباها (دة من وجهة نظرك)

ولو كنتى بنت ووالدك كان حانوتى او عشماوى ترفضى تقولى مهنة والدك لاصحابك خوفا من انهم ممكن يبعدوا عنك

يا ترى فيه ناس لسه سطحيين كده؟؟؟؟؟؟؟؟؟؟؟


انا شايفة انها مهنة شريفة جدا وان الاب تعب كتير عشان تكون انت على ما انت عليه الان ايا كانت وظيفتك

حابة اعرف رايكم ولو كنتم اصدقاء لاولاد ابوهم حانوتى او عشماوى بيكون ايه رد فعلكم تجاهم لما تعرفوا وظيفة والدهم؟؟؟؟؟؟؟؟؟

مستنياكم

ووحشتونى جدااااااااااااااااااااااااااااااااااااااااا

وسلامـــــــــــــــى

[mad boy]

ميييييييييييييرااااااااااا وحشانا اوى اوى

المهم :

دى قيم مجتمع رفض كثيرا من الوظائف المختلفه ويرى الزبال من طبقه مختلفه والحانوتى من صفه الفال (والى يلمسو يتعدى من الموت)

وطبعا دى قيم غلط جدا جدا بس الاسؤا منها ان اصحاب تلك الوظائف يخجلون من اعلانها

لست مع نكران الفتاه او الولد لتلك الوظيفه بطريقه (لو عاوزك هيقبلك بحلوك بمرك)

غير كده لا اعترف به

بس امتى المجتمع يدرك كده امتى

وخصوصا ان الفرد ذكى ولاكن المجتمع ككل غبى

وفى الاخر..
ممنوع الغياب تانى الا باوامر عليا نابعه من القيادات المتمثله فينا يا ميرا

من لايزال اخوكى مادو......

[الدكتورة نسيبة]

ربنا يخليك يا محمد انتوا كمان وحشتونى جدااااااااااااااا وخلاص مفيش غياب الا على الامتحانات بقى وعليك خير

وانا فعلا معاك بس متهيقلى وظيفة الزبال على الرغم من انها مهنة شريفة بس مختلفة شوية عن مهنة الحانوتى يعنى انتا لو مستواك كويس اكيد مش هتقبل انك تناسب زبال ممكن بالعافية تقبل تناسب حانوتى

بس عارف عشان اكون صريحة معاكوا انا لو اتحطيت فى الموقف دة ممكن مقبلش الا لو فعلا كنت بحب الشخص دة جدااااااااااا بس ممكن اقبل بحانوتى عن زبال

بس اهلى معتقدش انهم هيقبلوا باى واحد منهم

وسلامــــــــى

[أمة الله]

بسم الله الرحمن الرحيم
السلام عليكم و رحمة الله و بركاته


امممممممممممم ميرا و موضوعاتها الساخنه قربت ادمن الرد عليك

رأى فى الموضوع ان المهنه بتاعة الأب او الأم مش هى الأساس اللى الواحد يبنى عليه موافقته للزواج او رفضه ما دامت مهنه لا تدخل فى إطار المحرمات
يعنى ايه الحانوتى بنته ما تتجوزش ما كلنا هانموت ان شاء الله و الحانوتى هو اللى هايغسلنا و يكفننا يعنى بنت بياع الملابس اوك و بياع الكفن لأ
و بنت عشماوى مالها يعنى ابوها بينفذ قضاء الله فى عبد من عبيده (اصل انا ابويا حانوتى)

باهزر معاكم

عايزه اقول ان مادامت المهنه ترضى الله سبحانه و تعالى و البنت اخلاقها كويسه يبقى و قد أوصى خير خلق الله بأن يتزوج الشاب بذات الدين و لم ينهه عن الزواج من بنت الحانوتى او الجلاد
و الرزق على الله

[الدكتورة نسيبة]

يشرفنى وجودك فى كل موضوع يخصنى وموضوعى ينور بوجودك يا جميل

هوة انا معاكى ان المهنة مادام ترضى ربنا خلاص بس احنا كمجتمع تهمه المظاهر كتير والنسب والاصل والفصل

يعنى انا مثلا سالت ماما قلتلها لو جالى عريس باباه حانوتى تقبلى فراحت بصالى شذرا وقالتلى هوة اصلا ايه اللى يجراة ويجى

انا نفسى لو اتحطيت فى الموقف دة ممكن ارفض الا لو الشخص دة انا بحبه بجد

ومتشكرة يا جميل على مرورك والتعليق

وسلامــــــــى

[مهرة عربية]

ازيك يا مرمر
انا حاسة ان الموضوع دة صعب على اى حد
ممكن يفكر فية
وبيفكرنى بفيلم بتاع اثار الحكيم واحمد زكى
واديكم شفتم بعد مكانت متمسكة بية فى الاخر هربت
وعلى راى ماد بوى هى قيم مجتمع مش هتتغير غير لما كل واحد يغير نفسه ويغير نظرتة للاخرين

وربنا ما يحطنا فى موقف زى دة ابدا

[osha]

الحمد لله على السلامة يا ميرا
مشكلة الشعوب العربية كلها التطير - برغم ان ربنا سبحانه وتعالى نهى عن التطير - لكن للأسف المشكلة دي متمكنة تماما من مجتمعاتنا العربية والشرقية عامة
يعني مهما بلغ بك درجة العلم برضه حتلاقي حاجة جواك مش مرتاحة لو شقت قطة سوداء على الصبح
طيب - حاجة تانية فكر فيها كويس
لو حد عرفك على أحد الأشخاص وكان شكله ومظهره في منتهى الاناقة والرونق والنظافة - وبعد كده عرفت انه حانوتي !!
انا لا اتفق مع فكرةالتطير دي - لكن انا فقط اقرر واقع متمكن من مجتمعاتنا - المشكلة ان الحاجات دي متوارثة
وعلى فكرة حتلاقي معظم المهن المضطهدة بسبب التطير تتوارثها عائلات معينة وغالبا الزيجات بتتم بين العائلات دي

سؤال بقى وعاوزة اجابة صريحة
لو انت ابنك في يوم من الأيام حب يتجوز واحدة ابوها حانوتي - حتوافقي فعلا

بصراحة انا حاكون صادقة مع نفسي لاقصى درجة واقول - لأ مش حاقبل !! ولو اضطررت لقبول الوضع تحت أي ظرف فلن أستطيع منع نفسي من التفكير فيما يفعله الرجل يوميا وهل سيأتي على الدور على يديه في يوم من الأيام ?
ليس احتقارا للمهنة والله - فكل مهنة شريفة يجب ان تحترم ولكن حاجة داخلية لن استطيع التغلب عليها بالتفكير المنطقي

[nariman]

السلام عليكم
فعلا الغالبيه العظمى فى مجتمعنا للأسف بتفكر كده وبتبص للمهن دى بسطحيه مع انهم فى النهايه بيخدموا المجتمع
يعنى فى بيت يقدر يستغنى عن الزبال أو السباك أو حتى الحانوتى
كلها مهن شريفه وبتتورث كمان

[بسمة أمل]

بسم الله الرحمن الرحيم
شكرا يا نسيبة على المناقشة الجميلة
ولو انا فعلا والدى يعمل بمهنة من السابق ذكرهم فرد فعلى سيعود على نفسيتى
لان فى بنات والدهم يعمل فى مهن متوسطة ومعقولة ولكنهم من الممكن ان يغيروا او يكذبوا عن مهنة والدهم
ومن الممكن ان توجد بنت والدها زبال او حانوتى لكنها فخورة به وبما يعانيه من اجلها
اختلاف النفوس يغير المواقف
واكيد كلنا سنقول انها وظائف شريفة لانها كذلك بالفعل وهامة جدا
لكن نظرة المجتمع احيانا تجعلنا نخشى من الارتباط بمن يمكن ان يرفضه المجتمع
ولكن الاقتناع والحب قد يقوى بعضنا لكسر هذه القيود
وصراحة التجربة العملية هى خير برهان
وجزاكِ الله كل خير يا نسيبة
والسلام عليكم

[الدكتورة نسيبة]

ازيك يا مرمر
انا حاسة ان الموضوع دة صعب على اى حد
ممكن يفكر فية
وبيفكرنى بفيلم بتاع اثار الحكيم واحمد زكى
واديكم شفتم بعد مكانت متمسكة بية فى الاخر هربت
وعلى راى ماد بوى هى قيم مجتمع مش هتتغير غير لما كل واحد يغير نفسه ويغير نظرتة للاخرين

وربنا ما يحطنا فى موقف زى دة ابدا

فطوم منورة الموضوع

هوة فعلا الموضوع دة صعب قوى

ويارب فعلا منتحط فى موقف زى دة

وعشان منبقاش زى عادل امام

بتحط نفسك فى مواقف بايييييييييييييييييييخة

وسلامـــــــى

[Dragon Shadow]

الأخت الفاضلة الدكتوره نسيبه

قرأت الموضوع وإندهشت جداً أن هناك أناس لازالوا يفكرون بهذه الطريقة وطبعاً لو حصللى الموقف ده والبنت عاجباني ولاغبار عليها لن أتردد لحظه طبعاً فى الزواج منها والله على ماأقول شهيد .... بس أنا متجوز على فكره بمعني أن هذا لن يحدث لي إلا إذا فكرت بالزواج ثانياً وهذا غير وارد على الإطلاق لأسباب يطول شرحها ....

وبعدين الأختين اللى حصل معاهم الموقف ده هما كسبانين أن العريس خلع لأنه لايستحقهم ودماغه فيها حاجه غلط وكل واحده بتاخد نصيبها ولامفر من النصيب والطيبون للطيبات ..
تحياتي العطرة لشخصكم الكريم

[ضابط شرطة]

**وحشتووووووووووني مووووووووووووووووووووت

طبعا حمدالله على سلامتك يا مرمر
وشكرا على الموضوع الــ100 ـــ 100 ده بجد
طبعا فيه ناس بتتكسف تقول مهنة والدها وناس كمان بترفض الزواج من واحده علشان مهنة والدها
لكن بصراحه كده يا ميرا : انتي لو ابوك حانوتي (معلهش) ما تتكسفيش وانت بتقوليها؟؟
او تخيلي ان مثلا مثلا يعني انك راجل وجيتي تتجوزي واللي عايزاها والدها حانوتي او عشماوي
ماهترفضيهاش؟؟؟ طبعا انت ووجهة نظرك لكن وجهة نظري ان الواحد يكون عنده نظر يعني انا مالقيتش غير
الحانوتي او العشماوي؟؟ وفيه مثل بيقول ’’ع الاصل دور‘‘ صح ولا ايه ؟؟ ف الواحد يدور على النسب الكويس اللي يشرفه
حتى لما اولادك يطلعوا يلاقوا جدهم حاجه كويسه يفتخروا بيها مش يتكسفوا منها.. واصل ممكن الزوج يعاير مراته بعد كده وده لو كان مكانته كبيرة وهي تحت .... صح ولا ايه

وكل واحد له وجهة نظر!!!!!!!!!!

على العموم الواحد مش مركز ف أي كلام خالص من الفرحه وحياتك

[عـزالديـن]

موضوع مهم وجدير بالمناقشة وأشكر اختنا الفاضلة الدكتورة نسيبة على إثارته

أتذكر انه كان هناك موضوع مشابه له لمناقشة نفس الأمر للأخت الفاضلة Noona بالقاعة العامة

وبه العديد من الردود والآراء والتعليقات

http://www.egyptsons.com/misr/showthread.php?t=32104

مع وافر التحية والتقدير

[عمرو صالح]

ميرا
متأكده انك قريتي الموضوع ده
ولا يخصك انتى
ههههههههه
على العموم يا دكتورة دي مشكلة مجتمع والموضوع مش زي ما بتقول اوشا انه تشاؤم
الموضوع ان الناس بتبص للمناصب والوظائف
والنسب ونظره المجتمع
اكيد موقف صعب جدا
اعتقد ان الطبقات دي بتتزاوج من بعضها
وزي ما قالت مهره ربنا ما يحطنا في موقف زي ده
الحمد لله

[الدكتورة نسيبة]

الحمد لله على السلامة يا ميرا
مشكلة الشعوب العربية كلها التطير - برغم ان ربنا سبحانه وتعالى نهى عن التطير - لكن للأسف المشكلة دي متمكنة تماما من مجتمعاتنا العربية والشرقية عامة
يعني مهما بلغ بك درجة العلم برضه حتلاقي حاجة جواك مش مرتاحة لو شقت قطة سوداء على الصبح
طيب - حاجة تانية فكر فيها كويس
لو حد عرفك على أحد الأشخاص وكان شكله ومظهره في منتهى الاناقة والرونق والنظافة - وبعد كده عرفت انه حانوتي !!
انا لا اتفق مع فكرةالتطير دي - لكن انا فقط اقرر واقع متمكن من مجتمعاتنا - المشكلة ان الحاجات دي متوارثة
وعلى فكرة حتلاقي معظم المهن المضطهدة بسبب التطير تتوارثها عائلات معينة وغالبا الزيجات بتتم بين العائلات دي

سؤال بقى وعاوزة اجابة صريحة
لو انت ابنك في يوم من الأيام حب يتجوز واحدة ابوها حانوتي - حتوافقي فعلا

بصراحة انا حاكون صادقة مع نفسي لاقصى درجة واقول - لأ مش حاقبل !! ولو اضطررت لقبول الوضع تحت أي ظرف فلن أستطيع منع نفسي من التفكير فيما يفعله الرجل يوميا وهل سيأتي على الدور على يديه في يوم من الأيام ?
ليس احتقارا للمهنة والله - فكل مهنة شريفة يجب ان تحترم ولكن حاجة داخلية لن استطيع التغلب عليها بالتفكير المنطقي

منورانى يا اوشا ومعلش الرد متاخر قوى بس لظروف خارجة عن ارادة المنتدى نفسه

انا معاكى فى ان ناس كتير بتتشام بس كمان فيه ناس بتعدى الموضوع وتستعيذ وخلاص بس اللى انا معاكى فيه مليون المية ان الطبقات دى فعلا بتتجوز من بعض وبيتوارثوا المهن من بعض

ومش عارفة دة العيب فينا ولا فى المجتمع ولا فى العادات اللى احنا تورثناها واعتدنا انه بمجرد سماع كلمة الموت بس نتضايق ونتخنق وانا كمان لو ابنى قالى كدة مش هوافق مع انها مهنة شريفة

وفى الاخر يارب محدش فينا يتحط فى الموقف دة

ومتشكرة يا جميل على المرور والتعليق

وسلامــــــــــــــــــــــــى