أكلاتنا المصرية القديمة

**أم أحمد** · 28-10-2009 01:48 AM

المطبخ المصري غني جدا بأكلاته الشهيرة والمعروفة من زمان جدا
واللي مهما الواحد سافر واتعلم اصناف جديدة من الاكل لازم يحن للاكل المصري القديم
الملف هنا هيكون عبارة عن تجميع لبعض اصناف الاكل المصري
وطرق اعداده ولو امكن صور من تصويرنا الشخصي لهذه الاكلات المصرية
الملف هيكون خاص بتقديم الاعضاء لوصفاتهم الخاصة وخطواتهم المتبعة
وليس مجرد نقل للوصفات من مواقع اخري
فكلنا يعرف الوصفات والبحث الان علي النت يسهل الحصول علي كل شئ

لكن الجميل ان الوصفات هنا هتكون من صنع ايدينا فقط
ولو امكن ان يكون هناك صورة خاصة مصورة ايضا من مطبخنا هيكون اجمل
الموضوع مفتوح للجميع لوضع الاصناف المصرية الجميلة الشهية
حتي وان تكررت الوصفات فيمكن يكون هناك تنوع او اختلاف في طرق الاعداد والتقديم

المطلوب من كل عضو هيشارك معانا انه يذكر اسم الاكلة
المقادير
خطوات العمل
واضافة صورة من تصويره الشخصي
سواءا اثناء الاعداد او عند التقديم
او حتي لو امكن الخطوات مصورة

في انتظار مشاركتكم في مطبخنا المصري الشهي

دمتم اعزائي بكل خير

**أم أحمد** · 28-10-2009 02:15 AM

الكشري المصري

المقادير

1كوب عدس بجبة (العدس الاسمر)
2 كوب أرز
يعني العدس نصف كمية الارز
1 كوب مكرونة صغيرة وممكن كمان مكرونة اسباجيتي بستخدم النوعين سوا
نصف كوب شعرية
نصف كوب حمص شامي
4 بصلة كبيرة
3 الي 4 معالق صلصة طماطم (الطماطم طبعا احلي بس مش متوفرة عندي)
اللي بيستخدم الطماطم الفريش ممكن يعمل كوبايتن عصير طماطم
بس يزود معلقة صلصة عشان بتدي لون حلو للصلصة بعد ما تستوي
3 الي 4 فصوص ثوم مدقوقين
خل و ملح و كمون
وطبعا ملح وفلفل اسود

الطريقة:

- بغسل العدس كويس اويف(افتكر ماما في مصر كانت بتغسله وتنسيبه ينشف عشان تعرف تنقيه كويس)
بس طبعا اللي بيشتري عدس نضيف مش هيحتاج خطوة التنقية دي
- نقطع البصل شرايح رقيقة جدا (في ناس بتقطع مكعبات صغيرة اوي) ونحمره في زيت لغاية ما يتحول لونه الي البني الفاتح وما نسيبوش لغاية لما يتحرق
نصفي البصل من الزيت عشان ما يشربش زيت كتير ونطلعه في مصفاة او علي ورق ناشف لنزع الزيت تماما منه
- في نفس الحلة ومكان ما شيلنا البصل نسلق العدس بس لا نتركه يستوي اوي يعني ونضيف في مية السلق شوية ملح وشوية كمون صغيرين
-نكون جهزنا كمية الرز وغسلناها كويس ونضيفها علي العدس في نفس الحلة وما نصفيش مية العدس عشان هي دي اللي بتدي له اللون المميز للكشري

-ونقلبهم كويس في بعض ونزود مية علي حسب كمية الرز وناخد بالنا من المعيار كويس ولو في مية متبقة من سلق العدس اصلا ونملح كويس ونسيبه لغاية ما يتشرب المية ونوطي عليه ولو في شياطة نحطها تحته
نحمر الشعرية في شوية زيت صغيرين ونضيفهم علي الارز والعدس ونسيبهم يستووا سوا
في حلة تانية نسلق المكرونة ونصفيها من المية ووممكن نشوحها في شوية زيت عشان تدي لها لون وطعم
وفي حلة تانية نسلق الحمص او لو متوفر الحمص المعلب نغسله كويس ونجهزه ونصفيه في الحالتين

- لتحضير الصلصة :
نحمر التوم في شوية زيت وبعدين نضيف عليه عصير الطماطم او معجون الطماطم+ كوباية مية ونسيبه لغاية ما يتسبك ونملحها كويس وما نخليهاش لا تقيلة ولا خفيفة يعني بنتحكم في سمكها

- لتحضير الدقة :
نجيب قرن فلفل وشوية شطة و نضيف لها خل و ملح و كمون و فصين توم مدقوق و ماء ونضربهم كويس في الخلاط ونعبيهم في زجاجة وهي دي تبقي الدقة

طريقة التقديم:
- نضع الكشري (الأرز بالعدس والشعرية )ثم المكرونة ثم التقلية (البصل المحمر) ثم الحمص
و يقدم بجواره الصلصة و الدقة
وبألف هنا وشفا

ودي صورة طبق الكشري من مطبخي الخاص

**العسل المر** · 28-10-2009 04:15 AM

أختي العزيزة أم أحمد

... ازيك يا شيف هانم

فكرة موضوعك تحفة فعلاً - والأجمل انها هتكون هاند ميد

الكشري يجنن - بألف هنا وشفا على قلبك وقلب أحمد وباباه - ربنا يخليهملك

...

عايز أشوف ابن اختي لو سمحتي

- أو تعملي أبجريد للموضوع وشروطه وتقولي اللي ينزل أكله يصورها ويصور أي حد أكل منها

- ويوضح الصورة قبل وبعد الأكلة

تسلم ايدك ومواضيعك - وإن شاء الله هنزل أكله تحفه وبسيطه قوي وبحبها جدا - بس محدش يتريق بقا

مدين بالشكر ...

**nefer** · 28-10-2009 04:20 AM

تسلم إيديكى يا أم أحمد بس جوعتينى قوى
وحشنى الكشرى و الله من زمان ما أكلتوش
بس كده عرفت الطريقة و إن شاء الله هاجربها

**boukybouky** · 28-10-2009 04:13 PM

يام يام يام

شكل الطبق يفتح النفس يا سمسمة

جوعتيني ههههههههههه تصدقي بقى لي كتير مش أكلت كشري اصلا

تسلم إيديكي يا قمر هروح احضر لي اكلة حلوة و ارجعلك اشارك بها ان شاء الله

في رعاية الله ،،،

**أم أحمد** · 28-10-2009 07:22 PM

المشاركة الأصلية كتبت بواسطة العسل المر

أختي العزيزة أم أحمد

... ازيك يا شيف هانم

فكرة موضوعك تحفة فعلاً - والأجمل انها هتكون هاند ميد

الكشري يجنن - بألف هنا وشفا على قلبك وقلب أحمد وباباه - ربنا يخليهملك

...

عايز أشوف ابن اختي لو سمحتي

- أو تعملي أبجريد للموضوع وشروطه وتقولي اللي ينزل أكله يصورها ويصور أي حد أكل منها

- ويوضح الصورة قبل وبعد الأكلة

تسلم ايدك ومواضيعك - وإن شاء الله هنزل أكله تحفه وبسيطه قوي وبحبها جدا - بس محدش يتريق بقا

مدين بالشكر ...

أهلا أهلا يا عبد الرحيم

نورت مطبخي المتواضع
سعيدة اوي ان الكشري عجبك وطبعا المميز هنا انه صنع ايديا وتصويري الخاص
هو انت ما شوفتش صورة احمد قبل كده؟؟؟
دي كانت الصورة الرمزية بتاعتي فترة طويلة اوي

المرة الجاية ابقي اصور احمد مع الطبق هههههههههههه
في انتظار الاكلة بتاعتك وما تخافش مش هنتريق عليها

بس مش تتأخر علينا
خليك هنا علي طول

**sea horse** · 29-10-2009 06:27 AM

العزيزه ام احمد
تحيه تقدير لفكرة الموضوع لتجميع تراث غذائى منهوب فعلا
تصورى الطعميه اصبح يتنازع ملكيتها الفكرية معانا بلاد تانيه ؟؟؟
تلاقى سوريا تقول بتاعتنا والسودان تقول وتركيا تقول
مع انهم ماعندهمش تريقه غير على الفول المصرى واصل الطعميه والبصارة والنابت
تحيه مره تانيه للفكره الجميله
صباح الفل

**نشــــوى** · 31-10-2009 02:46 PM

حلوة فكرة الموضوع .. وشكل الكشري ماشاء الله هاااااااايل

انا هتباع بس من بعيد .. للاسف مش هقدر افيدكم خالص

بجد موضوع جميل.. تسلم لنا افكارك يا ام احمد

**أم أحمد** · 31-10-2009 11:34 PM

المشاركة الأصلية كتبت بواسطة nefer

تسلم إيديكى يا أم أحمد بس جوعتينى قوى
وحشنى الكشرى و الله من زمان ما أكلتوش
بس كده عرفت الطريقة و إن شاء الله هاجربها

أهلا اهلا يا دكتور
اتفضل الطبق كله بألف هنا وشفا

جرب كمية صغيرة وان شاء الله هيظبط معاك
هو مفيش عندكم كشري في السعودية؟؟؟
مش حضرتك مقيم في السعودية برضه ولا اييييييه

نورتني يا دكتور واسعدني حضورك الطيب

**أم أحمد** · 08-11-2009 10:32 PM

المشاركة الأصلية كتبت بواسطة boukybouky

يام يام يام

شكل الطبق يفتح النفس يا سمسمة

جوعتيني ههههههههههه تصدقي بقى لي كتير مش أكلت كشري اصلا

تسلم إيديكي يا قمر هروح احضر لي اكلة حلوة و ارجعلك اشارك بها ان شاء الله

في رعاية الله ،،،

بوكي الجميلة
اتفضلي يا حبيبتي بألف هنا وشفا
انا كنت بكسل اعمله وكنت بخاف من النتيجة

بس بجد الخطوات سهلة وسريعة
مستنية تيجي تاني باكلاتك الجميلة
نورتي يا حبيبتي

**أم أحمد** · 08-11-2009 10:36 PM

المشاركة الأصلية كتبت بواسطة sea horse

العزيزه ام احمد
تحيه تقدير لفكرة الموضوع لتجميع تراث غذائى منهوب فعلا
تصورى الطعميه اصبح يتنازع ملكيتها الفكرية معانا بلاد تانيه ؟؟؟
تلاقى سوريا تقول بتاعتنا والسودان تقول وتركيا تقول
مع انهم ماعندهمش تريقه غير على الفول المصرى واصل الطعميه والبصارة والنابت
تحيه مره تانيه للفكره الجميله
صباح الفل

أهلا يا سي هورس
نورت الموضوع وسعيدة ان الفكرة عجبتك
ومستنية مشاركات رائعة منك تثري بها الموضوع

انا فعلا استغربت من موضوع الطعمية ده
برغم انها مصرية 100%
اول ما سافرت كان نفسي في ساندويتش فلافل سخن كده بالسلطة
ووقفنا قدام سناك بار سريع كده لفت نظري انه بيقدم ساندويتشات فلافل
ولسه هاطلب لاقيت ايه كاتين ان الفلافل اصلها اسرائيلي

بصيت لزوجي وقولته مش عاوزة فلافل وخرجنا من المحل في ثانية

ان شاء الله هاعمل فلافل قريب وانزل الطريقة بتاعتي

**العسل المر** · 09-11-2009 04:52 AM

المشاركة الأصلية كتبت بواسطة أم أحمد

ان شاء الله هاعمل فلافل قريب وانزل الطريقة بتاعتي

اعملي حسابي معاكي

**أم أحمد** · 09-11-2009 05:11 PM

المشاركة الأصلية كتبت بواسطة نشــــوى

حلوة فكرة الموضوع .. وشكل الكشري ماشاء الله هاااااااايل

انا هتباع بس من بعيد .. للاسف مش هقدر افيدكم خالص

بجد موضوع جميل.. تسلم لنا افكارك يا ام احمد

أهلا يا نوشا يا قمر

ايه الناس اللي هتابع من بعيد دي
لا يا قمر عاوزينك تجربي من دلوقتي فينا
مش عاوزين كسل بقي وابدأي من دلوقتي التدريب
وزي بعضه احنا هناكل ومش هنتكلم

انما في ناس هتأكل وتتكلم بقي

منورة يا حبيبتي وفي انتظارك مع اكلة من أكلاتك

**أم أحمد** · 09-11-2009 05:12 PM

المشاركة الأصلية كتبت بواسطة العسل المر

اعملي حسابي معاكي

حاااااضر بس عليك الطحينة

**القواس** · 09-11-2009 07:39 PM

المشاركة الأصلية كتبت بواسطة أم أحمد

الكشري المصري

المقادير

1كوب عدس بجبة (العدس الاسمر)
2 كوب أرز
يعني العدس نصف كمية الارز
1 كوب مكرونة صغيرة وممكن كمان مكرونة اسباجيتي بستخدم النوعين سوا
نصف كوب شعرية
نصف كوب حمص شامي
4 بصلة كبيرة
3 الي 4 معالق صلصة طماطم (الطماطم طبعا احلي بس مش متوفرة عندي)
اللي بيستخدم الطماطم الفريش ممكن يعمل كوبايتن عصير طماطم
بس يزود معلقة صلصة عشان بتدي لون حلو للصلصة بعد ما تستوي
3 الي 4 فصوص ثوم مدقوقين
خل و ملح و كمون
وطبعا ملح وفلفل اسود

الطريقة:

- بغسل العدس كويس اويف(افتكر ماما في مصر كانت بتغسله وتنسيبه ينشف عشان تعرف تنقيه كويس)
بس طبعا اللي بيشتري عدس نضيف مش هيحتاج خطوة التنقية دي
- نقطع البصل شرايح رقيقة جدا (في ناس بتقطع مكعبات صغيرة اوي) ونحمره في زيت لغاية ما يتحول لونه الي البني الفاتح وما نسيبوش لغاية لما يتحرق
نصفي البصل من الزيت عشان ما يشربش زيت كتير ونطلعه في مصفاة او علي ورق ناشف لنزع الزيت تماما منه
- في نفس الحلة ومكان ما شيلنا البصل نسلق العدس بس لا نتركه يستوي اوي يعني ونضيف في مية السلق شوية ملح وشوية كمون صغيرين
-نكون جهزنا كمية الرز وغسلناها كويس ونضيفها علي العدس في نفس الحلة وما نصفيش مية العدس عشان هي دي اللي بتدي له اللون المميز للكشري

-ونقلبهم كويس في بعض ونزود مية علي حسب كمية الرز وناخد بالنا من المعيار كويس ولو في مية متبقة من سلق العدس اصلا ونملح كويس ونسيبه لغاية ما يتشرب المية ونوطي عليه ولو في شياطة نحطها تحته
نحمر الشعرية في شوية زيت صغيرين ونضيفهم علي الارز والعدس ونسيبهم يستووا سوا
في حلة تانية نسلق المكرونة ونصفيها من المية ووممكن نشوحها في شوية زيت عشان تدي لها لون وطعم
وفي حلة تانية نسلق الحمص او لو متوفر الحمص المعلب نغسله كويس ونجهزه ونصفيه في الحالتين

- لتحضير الصلصة :
نحمر التوم في شوية زيت وبعدين نضيف عليه عصير الطماطم او معجون الطماطم+ كوباية مية ونسيبه لغاية ما يتسبك ونملحها كويس وما نخليهاش لا تقيلة ولا خفيفة يعني بنتحكم في سمكها

- لتحضير الدقة :
نجيب قرن فلفل وشوية شطة و نضيف لها خل و ملح و كمون و فصين توم مدقوق و ماء ونضربهم كويس في الخلاط ونعبيهم في زجاجة وهي دي تبقي الدقة

طريقة التقديم:
- نضع الكشري (الأرز بالعدس والشعرية )ثم المكرونة ثم التقلية (البصل المحمر) ثم الحمص
و يقدم بجواره الصلصة و الدقة
وبألف هنا وشفا

ودي صورة طبق الكشري من مطبخي الخاص

شكرا لكي أم أحمد هذا من ألذ الأكلات عندي
لأنه كسر لروتين اللحوم
ان شاء الله أشوفك في قناة فتا فيت

الموضوع: أكلاتنا المصرية القديمة

أدوات الموضوع

تقييم هذا الموضوع

عرض

أكلاتنا المصرية القديمة

المواضيع المتشابهه

حرب الاستنزاف - جند من السماء -

الفراعنة لصوص حضارة !!!!!؟؟؟؟؟؟؟

حكايه الحرب مع اسرائيل من 67 الى 73

قراءة وتحليل في كتاب..يوميات معركة 6 اكتوبر 73 للاستاذ جمال النجار

نساء غزة جردوك من آخر ورقة شجر

ضوابط المشاركة