سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : بمناسبة شهر رمضان المبارك

te3mah
21-09-2003, 03:03 PM
السلام عليكم ورحمة الله وبركاته

كلها شهر بإذن الله ويهل علينا أفضل شهور السنة وأغلاها على قلوبنا
شهــر رمضــان المبــارك

وبالمناسبة الجميلة دي أنا عندي شوية اقتراحات للمنتدى :
1- عاوزين نلم من بعض مبلغ محترم كده (بشرط ابن البلد يشارك بالنص :5: ) علشان نعلق زينة في جميع قاعات المنتدى :D .

2- عاوزين نشتري فانوس كبييييييييير نعلقه على باب المنتدى :) .

3- عاوزين نخصص مُصلية للسيدات في المنتدى علشان صلاة التراويح ;) :17: .

4- جميع التليفزيونات هتتقفل بالضبة والمفتاح :11: إلا قناة إقرأ الفضائية والبرامج الدينية بس :87: .

5- عاوزين نتجمع مع بعض كل يوم لمدة خمس دقايق لذكر الله :74: يمكن نكون من عتقاء الشهر الكريم السنة دي .... إن شاء الله .

وكل سنة وأنتم طيبين
ورمضـــان كريـــــم

http://albums.masrawy.com/Photos/I65133R83698872U30314.gif
Mrs. Virgo
21-09-2003, 03:24 PM
طعمه بارك الله فيكي ..

بس نسيتي المسحراتي ..
هنخلي ابن البلد هو المسحراتي بقى .. :)
ابن البلد
21-09-2003, 03:46 PM
والله أفكار حلوة أوي يا طعمه

:)
بس ياريت بس هيئه الأوقاف تسمح لنا بكده
ماما زوزو
21-09-2003, 04:20 PM
:):):):):)

العزيزة طعمة اللذيذة

برافو برافو برافو عليكى

فكرة هايلة وكل سنة وكل اعضاء المنتدى بخير

وصحة وسلامة ويعيدة علينا الله جميعا وعلى امة الاسلام

باليمن والبركات...................................

================================================== ====

ربى لا تزغ قلوبنابعد اذ هديتنا

وهب لنا من لدنك رحمة انك انت الوهاب
te3mah
21-09-2003, 05:05 PM
جزاكم الله جميعا كل خير :)
وكل سنة وأنتم طيبين :)

وفكرة المسحراتي دي حلوة قوي يا لميس
بس نخليها بقى على بسنت :5: :D
وعاوزين حد يضربها بمفك جنب عينها الشمال
ونجيبلها جلبية مقطعة وطبلة قديمة
ونلملها كام عيل متشرد تسرح بيهم قبل الفجر :D
:5: :5: :5: :5: :5: :5:
te3mah
22-09-2003, 12:05 AM
ها يا بسنت ....
ماقولتيش إيه رأيك ؟!!! :5:
te3mah
22-09-2003, 01:05 AM
نكمل بقى ما بدأناه :D

1- سمسمة عاوزين منك خدمة صغيرة : عاوزينك تسيقي قاعة التعارف والتهاني وتعلقي فيها الزينة والفوانيس علشان الناس اللي هنعزمهم على الفطار في رمضان إن شاء الله :) .

2- ابن البلد : نظرا للارتفاع الحاد في الأسعار عاوزينك تفتحلنا جمعية تعاونية في المنتدى تبيعلنا الياميش بسعر التكلفة ... ولو ببلاش يبقى أحسن :5: ... وهنيالك يا فاعل الخير والثواب . :6: :2:

3- عاوزين هدايا وفوانيس صغيرة ماركة made in china بتغني (كماننا) و (أنا بكره إسرائيل) علشان الأطفال أحباب الله شهد ويوسف :D ... ربنا يخليهم ويبارك فيهم ... اللهم آمين .

4- عاوزين عربية فول علشان السحور كل يوم :5: ... مش هنفضل ننزل ونطلع في السبت :D .

بس كده... ولو افتكرت حاجة تانية هابقى أقولكم :)

وكل سنة وأنتم طيبين :)
بنت مصر
22-09-2003, 08:53 AM
هههههههه انا لسة شايفة الموضوع العسل دا حالا

انا طبعا موافقة على كل البنود وبأبصم عليها بالعشرة

بس في حاجة مهمة اوي عايزنها وهي مائدة رحمان
عشان كل يوم افطر بلوووووووشي :D
ابن البلد
22-09-2003, 09:21 AM
والله يا طعمه
انا شغال بأيدي وسناني
و مغلب الناس معايا كلهم
علشان نوصل بشكل كويس علي شهر رمضان بس مش عارف بقه هل الوقت هيسعنا ولا لا

علي العموم الجمعيه موجوده يا فندم
علي الناصيه تاني طرقه بجوار قاعة المناقشات :D
بلاغة الصمت
22-09-2003, 09:22 AM
يا سلام يا ولاد
رمضان قرب، كل سنة وانتم طيبين :)

والله فكرة ظريفة قوى اللى قلتوه ده

خلاص يا ولاد أنا أنا معاكم، وعندى فكرة:

عايزين نفطر يوم فى رمضان سوا، يعنى نتفق على يوم ونفطر قدام الكمبيوتر واحنا فى المنتدى فى قاعة معينة

إيه رأيكم ؟
te3mah
22-09-2003, 04:37 PM
بسنت :
آه والله نسينا موضوع مائدة الرحمن دي علشان المسحراتي (اللي هو انتي :D ) ... عموما محلولة إن شاء الله ... أنا لسه عندي ترابيزة الرسم بتاعة الكلية ، صحيح أنا حاطة عليها الكمبيوتر دلوقتي بس كله فداكي يا بسبوسة المنتدى :5: هو احنا عندنا كام مسحراتي زي القمر كده يعني ؟ :D

ابن البلد :
مش كفاية إيدك وسنانك !!!
فين رجليك وكبدتك وطحالك :5: :5:
ربنا يديك العافية ويوفقكم جميعا ويتقبل منا ومنكم ... اللهم آمين :)

بلاغة الصمت :
فكرة حلوة بتاعة الفطار الجماعي قدام المنتدى دي !!! :)
بس هنودي أجهزة الكمبيوتر فين واحنا بنفطر قدامها ؟!!!!
انت عارف الفطار في رمضان بيبقى في كاااااام طبق ؟!!! :D

جزاكم الله جميعا كل خير
وتقبل الله منا ومنكم صيامنا وقيامنا
الله آمين :)
عبدالحكيم
22-09-2003, 05:53 PM
te3mah السلام عليكم ورحمة الله وبركاته
اختي العزيزه جزاكي الله خيراً للتذكيرك لنا بقدوم هذا الشهر المبارك واما بالنسبه لتبرع انا جاهز
العمدة
22-09-2003, 05:53 PM
كاتب الرسالة الأصلية : te3mah

5- عاوزين نتجمع مع بعض كل يوم لمدة خمس دقايق لذكر الله :74: يمكن نكون من عتقاء الشهر الكريم السنة دي .... إن شاء الله .[/COLOR]

http://albums.masrawy.com/Photos/I65133R83698872U30314.gif [/B]

دعوة كريمة من أخت نبيلة :)
عبدالحكيم
22-09-2003, 05:58 PM
وهذه بعض البالونا علشان الصفحه الرئيسيه للمنتدى
te3mah
22-09-2003, 06:25 PM
جزاك الله كل خير أخي عبد الحكيم على التبرع الكريم ده :)

أخي العمدة ... تقبل الله منا ومنكم صالح الأعمال :)
اللهم آمين
جنان الفردوس
23-09-2003, 04:44 AM
ههههه..
حلو أوي الموضوع ده..
أنا لسه شايفاه دلوقتي..
بس انتوا نسيتوا لبس العيد..
المفروض تجمعوا تبرعات عشان تجيبوا هدوم جديدة للناس الغلابة..
ولا دول ملهمش نفس يعني..
يالا يا ابن البلد استعد للدفع..:5:
te3mah
23-09-2003, 09:28 AM
هههههههههههههههه
هو ابن البلد هيلاحق على إيه ولا إيه
ده هو نفسه عاوز نلمله ماعونات أمريكية ماركة " ودع أهلك " :D
علشان يخلص مننا ويرتاح :5: للأبد :5:
بسمة أمل
24-09-2003, 03:55 PM
موضوع زى العسل:)

واجمل ما فيه حكاية موائد الرحمن ولبس العيد:D

المهم كل سنة وانتم طيبين جميعا :)

ويارب شهر رمضان دة يقربنا من ربنا اكتر
ابن مصر
24-09-2003, 10:09 PM
بسم الله
طيب يا جماعة ادينا
اتكلمنا كتير واكلنا وشربنا وكمان لعبنا
:5::5::5:
كلام جميل جداااا
طيب -دلوقت --اية بقي اللي حصل ؟؟؟
يعني حانعمل اية ؟؟
وفين؟؟؟
وازاي ؟؟؟والباقي بقي انتم عارفينوا

عاوزين فعل عمل
مش بس كلام
لاننا مفيش احسن مننا في موضوع دة
احنا واللهي ناس عسل
:5::5::5:
سمسمة
25-09-2003, 02:35 PM
احم احم

انتوا جايبين فى سيرتى ليه

انا معاكم اهوه

وهابقى اعمل حفلة بس ياريت ماتجيش على غفلة خخخخخخخخ

كل سنة وانتم طيبين

ويعود علينا جميعا

فكرة عسل ياطعمة

:):):):)

البروف سمسم..:112:
طارق بن زياد
04-10-2003, 01:12 AM
الأخت Te3ma

شكرا لك على مبادرتك بالاستعداد للشهر الكريم
يمكن أن يكتب أحد الأعضاء كل يوم أية قرانية واحدة-
أو معلومة من الفقه الاسلامي نقلا عن كتاب محدد-
أو حديث شريف في الأبواب المتعددة للحديث-
و من يستطيع نشر صور من المساجد يجزيه الله كل خير
أو دعاء بالتثبيت على الايمان
أو أى دعاء في سطرين أو ثلاثة

و تقبلو الشكر و السلام
ابن البلد
04-10-2003, 09:31 AM
بقولكم بقوكم
أسمعوا أسمعوا
انا هركب القرآن الكريم كله علي الموقع
وكمان وكمان
هيكون فيه تفسير
شوفتوا بقه
بس مش عارف بقه هيعجبكم ولا لا أنا شوفته في موقع وعجبني
وعلشان كده قلت أركبه لكم
ياله شوفوا بقه حد يجيب الزينه علشان نعقلها :) :D
ماما زوزو
04-10-2003, 10:28 AM
بسم الله ماشاء الله

ابنى الغالى ابن البلد :):):):):)

بارك الله فيك واكثر من امثالك

فعلا عمل اكثر من رائع جزاك الله عنا خير الجزاء

--------------------------------------------------------------------------------

اللهم اهدنا وعافنا وارحمنا واجبرنا

فانت خير الراحمين .....................
ابن البلد
04-10-2003, 10:41 AM
شكرا يا زوزو
دي اقل حاجه ممكن الواحد يعملها :)
:141:
العمدة
04-10-2003, 09:37 PM
جميلة أوي الفكرة دي يا أخي ابن البلد .

فين الزينة بئى ياسمسمة ؟


عليكِ الزينة :)
بنت مصر
04-10-2003, 10:36 PM
بجد يا احمد تسلم ايدك دي بقا بمثابة علم ينتفع به
او ممكن نسميها صدقة جارية .. ربنا يثقل لك بيها موازينك يارب


بسنت
مصرى مسلم
04-10-2003, 10:38 PM
انا عندى اقتراح ممكن يا عمدتنا تعين مسحراتى مش هدور كتير انتا عارف مين اللى ينفع وكل سنه وانتو بخير واللى كان بيصوم نص يوم السنه اللى فاتت يصوم اليوم كله و يبطل اكل شويه و على فكره الافلام الهندى فى رمضان حرام
بتفطر علشان كلها كدب :5::5::5::5:

وعندى امنيه ان اللى بلى بالكو يبطلو كدب على العالم
te3mah
04-10-2003, 11:16 PM
جزاك الله كل خير يا ابن البلد على الحاجت الحلوة دي :)
ربنا يجعلها في ميزان حسناتك يا رب :)

أديني جيبتلوكم الفانوس أهو علشان يتعلق على باب المنتدى
http://albums.masrawy.com/Photos/I68480R87917688U30314.jpg

وآدي الأنوار كمان علشان نعلقها مع الزينة اللي هتجيبها سمسمة بإذن الله :)
http://albums.masrawy.com/Photos/I68677R28264164U30314.gif
http://albums.masrawy.com/Photos/I68677R28264164U30314.gif
http://albums.masrawy.com/Photos/I68677R28264164U30314.gif

ولو لقيت حاجة تانية هابقى أجيبهالكم إن شاء الله :)
وكل سنة وأنتم طيبين :)
سمسمة
05-10-2003, 05:47 AM
دوخت ياختى على صور حتى للتوقيع بتاعى مالاقتش:2:

كلكم واخدين فيا مقلب:2:

انا هاستقيل

انا هانتحر

بس اقولك على سر

صممت شوية صور والله ماهتلاقى زيهم فى النت كله

وجايز ادخل الموضوع النهاردة:D

البروف سمسم..:112:
te3mah
05-10-2003, 06:05 AM
كاتب الرسالة الأصلية : سمسمة

بس اقولك على سر

صممت شوية صور والله ماهتلاقى زيهم فى النت كله

وجايز ادخل الموضوع النهاردة:D

البروف سمسم..:112:
منتظرين آخر إبداعاتك يا بروف :)
سمسمة
05-10-2003, 06:07 AM
انت متصورة انها ابداعات بحق وحقيق

اه ياكسووووووووووووووووووووووووفى

:o:o:o:o:o:o

دة شخابيط:D

البروف سمسم..:112:
ابن البلد
05-10-2003, 11:25 AM
العمده
بنت مصر
مصري مسلم
طعمه
بارك الله فيكم يارب وأشكركم علي التشجيع :141:

بصوا بقه شوفوا ياله وقولوا رأيكم عمايل أيديا وحيات عنيا ههههههههه بس مش كله يعني عمايل أديا في حاجات عمايل الفي زوووم

http://islam.egyptsons.com

اتفرجوا وقلبوا فيه براحتكم
وقولولي رأيكم لان الإعلان هنزله النهارده :)
تحياتي للجميع
http://islam.egyptsons.com
http://islam.egyptsons.com
http://islam.egyptsons.com
لحسن يكون حد مشافش الموقع هههههههه :D

سمسمة ممكن تسكتي شوية مش عارفين نشتغل حايسه في كل حته كده وملخبطانا

شكرا علي النور يا طعمه
:)
te3mah
05-10-2003, 05:48 PM
اللينك مش شغال يا ابن البلد
العمدة
05-10-2003, 05:57 PM
تسلم أيدك أبو يوسف الف شكر وتحية .

ربنا يجعله في ميزان حسناتك بكل حرف لكل من يستفيد من الموقع .

شغال معاي ياطعمة .... جربي تاني كده .. بأذن الله يشتغل معاكِ

وعلى اليمين أعلى في تفسير .. وأسفل قائمة تختارين منها

السور التي ترغبين ..

كل عام وأنتم بخير .. أعاد الله عليكم شهر رمضان المبارك بالخير

واليمن والبركات .
te3mah
05-10-2003, 06:00 PM
مش شغال معايا خالص مش عارفة ليه :(
عموما جزاك الله كل خير يا ابن البلد :)
ابن البلد
05-10-2003, 06:02 PM
شغال والله يا طعمه
معلش جربي تاني

بارك الله فيك يا عمده :) شكرا يا باشااااا :)
ابن البلد
05-10-2003, 06:03 PM
طيب جربي كده يا طعمه
http://islam.egyptsons.com/index.html
سمسمة
05-10-2003, 06:03 PM
شغال وجميل اوى:)
te3mah
05-10-2003, 09:44 PM
للأسف برضه مش شغال :(
تفتكر إيه السبب ؟!!!
ابن البلد
06-10-2003, 07:54 AM
بيتهيالي يا طعمه والله أعلم يعني
أن المتصفح بتاعك لا يدعم الأطارات
Frams
ياريت لو تفتحي بالإنترنت إكسبلولر 6 الجديد ولو بتفتحي بيه شوفي يمكن أنتي مغيره في الإعدادت
ولو بتطلع لك رساله ياريت تقوليهالنا يمكن نعرف الحل
te3mah
06-10-2003, 08:05 AM
المتصفح اللي عندي الإنترنت إكسبلولر 6
ودي الراسلة اللي بتطلع لما بافتح اللينك :

Please try the following:

Click the Refresh button, or try again later.

If you typed the page address in the Address bar, make sure that it is spelled correctly.

To check your connection settings, click the Tools menu, and then click Internet Options. On the Connections tab, click Settings. The settings should match those provided by your local area network (LAN) administrator or Internet service provider (ISP).
If your Network Administrator has enabled it, Microsoft Windows can examine your network and automatically discover network connection settings.
If you would like Windows to try and discover them,
click Detect Network Settings
Some sites require 128-bit connection security. Click the Help menu and then click About Internet Explorer to determine what strength security you have installed.
If you are trying to reach a secure site, make sure your Security settings can support it. Click the Tools menu, and then click Internet Options. On the Advanced tab, scroll to the Security section and check settings for SSL 2.0, SSL 3.0, TLS 1.0, PCT 1.0.
Click the Back button to try another link.


Cannot find server or DNS Error
Internet Explorer
ابن البلد
06-10-2003, 08:12 AM
حاجه غريبه فعلا يا طعمه
الرساله دي كانت بتجيلي فعلا لما كنت بكبت عنوان الموقع بتاعنا بدون ال www
في الأول
لكن القرآن علي subhdomin يعني لازم يبدا بدون ال www
:(
والله ما عارف الحل يا طعمه :(

http://www.egyptsons.com/islam/index.html


http://www.egyptsons.com/islam/index.html

http://islam.egyptsons.com/index.html
ابن البلد
06-10-2003, 08:21 AM
طيب جربي كده يا طعمه
http://www.egyptsons.com/islam/index.html
te3mah
06-10-2003, 08:26 AM
الصفحة باينة هنا في الموضوع
بسم الله ما شاء الله
تسلم إيديك يا أحمد

بس برضه اللينك مش عاوز يفتح :(
ابن البلد
06-10-2003, 08:32 AM
طيب جربي كده يا طعمه
http://www.egyptsons.com/islam/index.html


:( وربنا يسهل
te3mah
06-10-2003, 08:33 AM
أيوة فتح خلاص
تسلم إيديك يا أحمد :)
ابن البلد
06-10-2003, 08:41 AM
:7: طيب الحمد للله
خمسين قرش بقه :)
te3mah
06-10-2003, 08:45 AM
كاتب الرسالة الأصلية : ابن البلد
:7: طيب الحمد للله
خمسين قرش بقه :)
انت قولتيلي اسمك إيه ؟!!!! :confused: :D
te3mah
13-10-2003, 12:40 AM
مش ناوي تركب مدفع رمضان في المنتدى يا ابن البلد ؟ :D
بس اوعى تفجر المنتدى باللي فيه :5:
ابن البلد
13-10-2003, 08:18 AM
لا أنا ركبت الكروت :D
بلاش المدفع ده خالص
http://ecards.egyptsons.com/rm
:)
سمسمة
15-10-2003, 06:23 AM
كروت جميلة ياابن البلد

تسلم الايد اللى ركبتهم

مش اللى عملتهم:33:

:5:

البروف سمسمة..:112:
ابن البلد
20-10-2003, 11:02 AM
وانتي طيبه يا سمسمة
الجنرال
10-11-2003, 02:54 PM
السلام عليكم ورحمه الله


شكرا على اقتراحك ونحن فى الانتظار




جزاكى الله خيرا
الكينج أبو وليــــد
10-06-2004, 11:10 AM
جميل قوووووووووووووى طعمه

واضح ان الموضوع قديم شوية بس فكرة

واحنا دخلين السناتى على رمضان نعمله

رفريش ونجدده ......!!!!

وتفضلوا هديتى بمناسبة رمضان

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث