سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : ما بيفهموش

د0 احمد فنديس
19-09-2003, 01:23 PM
اللى اختشوا يابا ماتو وإنتو ما بتختشوش
قلعتوا برقع حياكم وقلتو ما نلبسوش
دم الشهايد خِلِصْ وفايدة ما منكوش

لو يوم تشد الشدايد م الجحر ما تخرجوش
تشوفو إيه اللي يحصل ومغطيين الوشوش
زي النعام لم يدفن ف راسه ولا تفهموش
إن اللى يجرى لجيرانكم ها تشوفه كل الجحوش
إللي عقولها ف ديولها متنقرشه بالرتوش


نسيتوا آيات كتابكم ومشيتو ورا ابن بوش
دلوقتى جالكم قضاكم يا مربيين ف الكروش
دا إللي بيحمى الكراسي والهيلمان والعروش
أعلنها واضحة صريحة إنتم عوالة وفاشوش

كنتم زمان يد واحدة دلوقتى ليه ما تلاقوش
حاجة تجمع ما بينكم غير مسح جِزَمْ الهاموش
الدور هاييجى عليكم وما حد يقدر يحوش
دا اللى اختشوا يابا ماتوا ياللي انتو ما بتفهموش
بنت مصر
20-09-2003, 07:34 PM
رائع يا دكتور احمد
بجد بجد تسلم ايدك على هذا الابداع

رجعت لنا الحياة وحب هذا الشعر الجميل
اللي افتقدناه لزمن طويل من ايام مبدعين
مثل سيد درويش وبيرم التونسي


بسنت
د0 احمد فنديس
21-09-2003, 04:43 AM
شكرا يا بنت مصر
بسنت
كلهم يجرون في عروقي
عمي بيرم وعمي حداد
وأستاذى جاهين
وحبيبي نجم
ألف شكر
د0 فنديس
http://www.arabicstory.net/author.php?aid=225
د0 احمد فنديس
06-10-2004, 10:13 PM
حتى الآن
يا ماما زوزو
ما بيفهموش
على درويش
07-10-2004, 09:53 AM
أخى الحبيب الغائب منذ فترة د/احمد فنديس
تحياتى لهذه المشاعر المخلصه والكلمات التى تعكس كبتا لا يخففه الا الانفجار داخل صفحتك
منذ فترة قرأت أن ايطاليا قلقه بشأن تصاعد العدوان ضد العرب والمسلمين وتخشى من ردود فعل واسعه وكان هذا فى جريدة الأخبار وعندها قلت
قل للطلاينه ماتقلقوش
كل العرب مبيختشوش

تقبل ودى واحترامى
وحمدا لله على عودتك ومعك اختنا بسنت
محمد فاروق
07-10-2004, 09:59 AM
هما مييييييييييييييييييين؟؟؟؟؟؟؟ههههههه

تسلم الايادى

محمد فاروق
د0 احمد فنديس
07-10-2004, 11:34 AM
زوعا .....ماااااااااااااااااااااااااااااااااااااااااااا اااااااااااااءءءءءءءءءءءءءءء مااااااااااءءءءءء
عرفت هما مين يا محمد يا فاروق
د0 احمد فنديس
07-10-2004, 11:39 AM
أخى العزيز علي.لم أغب إلا قهرا واكتئابا.مما يجري حولي وهم
ما بيفهمووووووش
إيطاليا قلقت؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
ونحن حالنا عجب عجب!!!!!!
أهديك قصيدتي
راعي السلام
دمت بخير
د0 احمد فنديس
24-07-2006, 11:25 PM
الحمد لله..أخيرا فهموا أنهم مابيفهموش
أعلنوا أنهم قد (انضحك) عليهم ها ها ها
وأن عملية السلام ماتت وشبعت موت
ومع ذلك ينتظرون تعليمات السيد الرئيس
(بوش)
النصر لجند الله
والنصر لحزب الله
ولا نامت أعين الجبناء
أبو منار
26-07-2006, 05:41 AM
استاذي / احمد فنديس
هذا ما تعودناه منك
تسلم ايدك
وربنا يباركلنا فيك
مروة دياب
26-07-2006, 02:03 PM
الحمد لله..أخيرا فهموا أنهم مابيفهموش
أعلنوا أنهم قد (انضحك) عليهم ها ها ها
وأن عملية السلام ماتت وشبعت موت
ومع ذلك ينتظرون تعليمات السيد الرئيس
(بوش)
النصر لجند الله
والنصر لحزب الله
ولا نامت أعين الجبناء


معلش.. انضحك عليهم!!!
النصر لجند الله بإذنه تعالى
زجل جميل نفتقده منذ مدة
و بعد إذنك د. فنديس سأقوم بنقله إلى قاعة الشعر العامي
تحياتي و تقديري
د0 احمد فنديس
26-07-2006, 08:30 PM
الحبيب أبو منار
شكرا لك دوام متابعتكم
وجليل اهتمامكم
وعلى الله يفهموا المرة دي
تحيتي
د0 احمد فنديس
26-07-2006, 08:32 PM
الكريمة مروة
تحيتي وتقديلاي وشكري
علي اهتمامك بكلماتي
الزجل منشور من قبل
ولكنهم مابيفهمووووووش
شكرا
د.ابودنيا
26-07-2006, 08:54 PM
اللى اختشوا يابا ماتو وإنتو ما بتختشوش
قلعتوا برقع حياكم وقلتو ما نلبسوش
دم الشهايد خِلِصْ وفايدة ما منكوش

لو يوم تشد الشدايد م الجحر ما تخرجوش
تشوفو إيه اللي يحصل ومغطيين الوشوش
زي النعام لم يدفن ف راسه ولا تفهموش
إن اللى يجرى لجيرانكم ها تشوفه كل الجحوش
إللي عقولها ف ديولها متنقرشه بالرتوش


نسيتوا آيات كتابكم ومشيتو ورا ابن بوش
دلوقتى جالكم قضاكم يا مربيين ف الكروش
دا إللي بيحمى الكراسي والهيلمان والعروش
أعلنها واضحة صريحة إنتم عوالة وفاشوش

كنتم زمان يد واحدة دلوقتى ليه ما تلاقوش
حاجة تجمع ما بينكم غير مسح جِزَمْ الهاموش
الدور هاييجى عليكم وما حد يقدر يحوش
دا اللى اختشوا يابا ماتوا ياللي انتو ما بتفهموش

استاذى الفاضل
نستشعر فيك دائما نبض وروح الانتصار
وفى هذة الايام بالذات نحن فى حاجة الى روحك تظللنا من هذا الوهج الردىء
اما ابداعك فنحن ننهل منه دائما
وحشنى واللهى
لك منى التحية ومن قلبى الحب الخالص
د0 احمد فنديس
27-07-2006, 02:47 PM
عزيزي د0 فوزي
أشكرك من أعماق قلبي
أنا أيضا أعتز بك..كما أعتز بكل مصري حقيقي
ابن بلد...راجل...كما كان عبد الناصر
وكما هو اليوم نصر الله
كما أسلفت القول
سأظل كما أنا كلماتي رصاصات في صدر المعتدي
والخائن الخائف الخانع
الخزي والعار لكل مستسلم جبان
والنصر للرجال المؤمنين الشجعان
شكرا لك ودامت محبتنا في الله والوطن والكلمة الشريفة

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث