شكراً جمهور الزمالك نتقبل التهنئة :)

[العمدة]

http://www.aljazeera.net/mritems/images/2003/1/31/1_137187_1_17.jpg



توج فريق الأهلي بطلا لكأس السوبر المصرية الثالثة لكرة القدم بعد تغلبه على غريمه التقليدي الزمالك 3-1 بركلات الترجيح بعد تعادلهما سلبا في الوقت الأصلي من المباراة التي جمعتهما مساء أمس الخميس في ملعب الكلية الحربية وحضرها 24 ألف متفرج.

جاءت المباراة جيدة المستوى في شوطها الأول الذي تفوق فيه الأهلي بطل الكأس وكان الأقرب إلى التهديف, في حين تراجع الأداء في الشوط الثاني من الفريقين رغم الصحوة النسبية للزمالك بطل الدوري بفضل التغييرات الموفقة التي قابلتها تغييرات غير موفقة للأهلي. وبدا الفريقان متخوفين من الخسارة في الوقت الأصلي.

ولعب مدرب الزمالك بطريقة جديدة على الكرة المصرية حيث نزل فريقه بخطة 4-4-2، ما تسبب في هجمات خطرة للأهلي بالانفراد والعرضيات المتقنة، ولم يستفد الزمالك من كثرة اللاعبين في خط وسطه ولاحت أكثر من فرصة للأهلي كي يتقدم في الشوط الأول، كان أخطرها لمحمد فضل من كرة عرضية لعبها خالد بيبو وسددها فضل في القائم الأيسر لمرمى الزمالك في الدقيقة 44.

في المقابل كانت هجمات الزمالك محدودة وتفتقد الخطورة وكان أقربها مرتدة سريعة مرر حازم إمام إلى عبد الحليم علي الذي سدد أرضية ضعيفة في يدي الحضري في الدقيقة السادسة.

ومع بداية الشوط الثاني دفع مدرب الأهلي البرتغالي أوليفيرا بلاعبين دفعة واحدة أحمد بلال ووائل رياض بديلين لخالد بيبو وإبراهيم سعيد, في ما دفع البرتغالي الآخر نيلو فينغادا مدرب الزمالك بأحمد صالح بدلا من عبد الحليم علي مع تغييرات تكتيكية في مراكز لاعبي الزمالك أدت إلى استعادتهم لزمام المباراة لكن دون خطورة حقيقية على مرمى الأهلي.

ولم تتغير الأمور بنزول سامح يوسف من الزمالك بدلا من حازم إمام. وقد بدا الفريقان يسعيان لضربات الترجيح حيث عاد مدرب الزمالك لطريقة 5-3-2 الدفاعية بنزول محمد صديق المدافع بدلا من معتز إينو لاعب الوسط، بينما أشرك مدرب الأهلي ياسر رضوان لاعب الوسط بدلا من محمد فضل ليلعب برأس حربة واحد إلى أن أطلق حكم المباراة الفرنسي آلان سارس صافرته معلنا تعادل الفريقين سلبا ليحتكما إلى ركلات الترجيح لحسم المباراة.

وسجل للأهلي ياسر رضوان ووائل رياض وجلبيرتو، في حين سجل للزمالك سامح يوسف, وتصدى عصام الحضري لركلتي طارق السعيد وحسام حسن، ورد القائم الأيمن للحضري ركلة محمد صديق.

وحصل الأهلي على كأس البطولة والميداليات الذهبية ومبلغ 25 ألف دولار, في ما حصل فريق الزمالك على الميداليات الفضية ومبلغ 16 ألف دولار.

[أشجان الليل]

أهم أهم أهم...

الشياطين الحمر... :5: :5: :5:

[العمدة]

الف تحية لأشجان الليل :)

أغتنم الفرصة وأطلب منك طلب :)

توصليه لبابا :) الف مبروك للأهلي :) علشان هو أهلاوي صميم :)


ماكنتش اعرف أن جمهور الأهلي قليل في المنتدى :(


يا فرحة الفانلة البيضا :)

[العمدة]

http://www.yallakora.com/NewsImages/supper%20cup.jpg

مكافآت خاصة لنجوم الأهلي..أبطال السوبر

قرر ثابت البطل مدير الكرة بالنادي الأهلي صرف مكافآت خاصة للاعبي الفريق الأول بعد الفوز علي الزمالك والحصول علي كأس السوبر المصري لأول مرة وذلك حسب اللائحة.

أكد البطل أن اللاعبين كانوا علي قدر المسئولية وأثبتوا أنهم رجال المهام والمواقف الصعبة.. فمنذ أن تولينا المسئولية كجهاز فني جديد شعرت بمدي الالتزام والجدية لدي اللاعبين لشعورهم بالذنب لضياع درع الدوري في "غمضة عين". :p
أضاف مدير الكرة أن اللقب بداية طيبة جداً من اللاعبين واستحقوا الفوز بالسوبر من الشوط الأول الذي أهدرنا فيه العديد من الفرص السهلة.. وشعرت بالقلق في شوط الفرص الضائعة لخوفي علي النتيجة والكأس لكن ركلات الترجيح أنصفتنا ونستحق اللقب عن جدارة. ;)
أشار البطل إلي أن روح الأهلي عادت من جديد وظهر ذلك جلياً في الملعب خاصة في ال 45 دقيقة الأولي.. وأنه لا وقت لالتقاط الأنفاس.. فالفريق مقبل علي بداية قوية للدوري أمام الإسماعيلي الاثنين القادم ثم لقاء إفريقي قوي ضد رينجرز في مسابقة كأس الاتحاد.

[مصراوى]

مصراوى مر من هنا :cool:
بيب بيب أهلى
بيب بيب أهلى
:):)

[عاشق لاخر قطرة]

المجد للزمالك رغم انف الحاقدين وايدي العابثين والمتأمرين

[العمدة]

أيوه كده أظهروا أنتم خايفين من زوجاتكم الزمالكاويه ;)


شكراً للمرور الأحمر :)


فين الأهلاويه ؟ :)


3 / 1

قبلها 6 / 1

حاجة تصعب على إي هريدي في العالم :)

[عاشق لاخر قطرة]

انتوا ليه ماسكين في 6/1
هو انتوا ناسيين باقي اللي عملناه فيكوا؟؟؟؟؟؟؟؟؟
ولا انتوا كل ما تتغلبوا تقولوا 6/1

[العمدة]

http://www.ahram.org.eg/Archive/2003/8/30/42635_53M.JPG


للجمهور الزملكاوي الجميل :p

صورة لآبطال السوووووووووووووووووبر :cool:

وهم سعداء :)

دامت أفراح الأهلي :)

[عروسة النيل]

لا يا عمده عيب جمهور الاهلى الى قليل دا احنا جمهورنا اكثر من عدد شعب مصر .
على العموم دا كان متوقع ولولا الحظ وبركة دعاء الاوالدين لحصل الى حصل يوم السته الشهيره وتتطلع تقاليع زى بيبو وبشير وبيبو والجون وحاجات من دى على العموم المفروض يفرح ويعمل احتفال انه وصل مع الاهلى لضربات الجزاء الى اثبتت براعة الحضري فى التصدى وقدرة نجوم فى التسديد وبراعة نجوم الزمالك المزيفين اصحاب السته فى التضيع .



على العموم الف مليون الف مبروك للاهلى ولكل الاهلاوية ولا عزاء للزملكاوية




بيبو وبشير بيبو والجون
وان كنت نسيت افكرك ببيبو 3 اجوان واسال بشير حبيبو .
حسن شحاته نزل الملعب شاف الخطيب قال مش هلعب
يا زمالك يا محتاس لا دورى ولا كاس ولا حتى طبق قلقا ولا حتى صفيحة جاز
الزمالك حديد الاهلى سيحة حتى فى الصفايح وراح يملحه.












توقيع اهلاوى صميم

عروسة النيل

[العمدة]

وأنا بقول ياعروسة النيل ده بحبه لله في لله ليه ;)


طبعاً طبعاً مصر كلها أهلاوية إلا شويه :p


شكراً لمرورك العطر بلون الفراوله :cool:


هي الفراوله لونها إيه ؟ :5:


تحياتي ياعروسة النيل :)

[عروسة النيل]

لونها احمر طبعا يا عمده
تعرف انا برضه كان عندى نفس الشعور دا تجاهك برضه مكنتش عارف ليه لكن دلوقتى اتضح السبب.







تحية ليك ولكل اهلاوى صميم

عروسة النيل

[العمدة]

أحلى كبايه كركديه للغالي ياعروسة النيل :)


ولو مش عايز كركديه :) عندنا شربات :)


أهو تغيير :)


بس كله بلون الجميل :)

[بنت مصر]

انا مش حأهني طبعا
وحفرق قهوة سادة


اشوف فيك يوم يا اهلي بس يكون يوم اسود


ويا عمدة ابقا دور على نقطة في مسابقة الصورة بقا :24:

[العاشق]

هم الأهلاوية علطول متسرعين كدة :)
ناسيين ان هم هيتغلبوا من فريق كبير أوى أوى هو :
الأسماعيلى يوم الأثنين الجاى حتحصل مصيبة للاهلى عشان هيتغلب أول أسبوع فى الدورى
وأدينا أحنا يا زمالكاوية مستنيين

[فلك 99]

بسم الله الرحمن الرحيم

مبرووووووووووووووووووووووووووووك

تحياتى لك

[العمدة]

http://www.egyptsons.com/misr/attachment.php?s=&postid=73255

طيب يا بنت مصر :)


أحنا بنحب الأهلي ومش بنكره لا الزمالك ولا إي فريق مصري :cool:

والقهوة السادة مش كويسه على الصحة :4:

الف شكر لظهور العداء بشكل أكثر وضوح ;)

[العمدة]

عاشق :3:

[العمدة]

فلك 99

الله يبارك في عمرك :)


وتحية لمرورك العطر ..

تقبل تحية بطعم العناب :)

[المحب]

ازيكم ياجماعه ,, مبروك للاهلي الفوز بضربات الحظ الترجيحيه بكأس السوبر

وبكدا الاهلي اخد الكاس بالحظ والسوبر كمان بالحظ ,, اقصد يعني ضربات الحظ ,, بغض النظر عن المستوى ,, لاني تعبت من كتر ما بقول لواحد صاحبي اهلاوي المهم عندي المستوى ,, وهو بيقول المهم النتيجة والكورة اجوان ,, فانا بقله دلوقتي الكورة اجوان ,,

انا بس لي تعقيب على اختنا الكريمه عروسه النيل :D

-----------

على العموم المفروض يفرح ويعمل احتفال انه وصل مع الاهلى لضربات الجزاء الى اثبتت براعة الحضري فى التصدى وقدرة نجوم فى التسديد وبراعة نجوم الزمالك المزيفين اصحاب السته فى التضيع

الزمالك يفرح على ايه ؟؟؟ الاهلي هو المفروض يفرح انه بيلعب قدام فريق اسمه الزمالك ,, مدرسه الفن والهندسه ,,

وبعدين براعه الحضري في ايه بالظبط ؟؟؟ ضربات الجزاء دي مجرد حظ ,, مرة تصيب ومرة تخيب ,, واظن ان عبدالواحد كان مبدع قدام الاتحاد السعودي في السوبر اللي اخدنا بضربات الحظ برضو ,, وفي ماتش الاهلي كان مش ولابد ,,

وبرضو الحضري اللي قاعدين تهللو ,, اهو ضربتين جزاء قدام فريق مش فاكر اسمه ايه في بطولة افريقيا وبرباعيه نظيفه 4/0 ..

براعه ايه بقى ؟؟؟؟

ونجوم الزمالك مش مزيفين ,, بلاش الكلام الكبير دا ياختنا عروسه النيل ,,


على العموم الف مليون الف مبروك للاهلى ولكل الاهلاوية ولا عزاء للزملكاوية

الف مبروك فعلاً بطولتين الاتنين من ضربات حظ :D


بيبو وبشير بيبو والجون
وان كنت نسيت افكرك ببيبو 3 اجوان واسال بشير حبيبو .

هو مش جاب 4 اجوان ,, امال 3 ازاي ,,,

حسن شحاته نزل الملعب شاف الخطيب قال مش هلعب

الناس اعتزلوا من زمان ,, وبعدين مش فاهم لزمتها ايه الكلمه دي


يا زمالك يا محتاس لا دورى ولا كاس ولا حتى طبق قلقا ولا حتى صفيحة جاز

نعم ؟؟؟؟؟؟؟؟؟؟؟؟؟؟؟؟؟؟

مين اخد الدوري ياجماعه ؟؟؟؟

يعني مش كفايه حكايه بيبو والتلات اجوان ,, كمان الزمالك لا دوري ولا كاس

دا الزمالك حقق بعد الـ 6/1 ... 7 بطولات بسم الله ماشاء الله ,, منهم واحدة بس بضربات الحظ الترجيحيه ,, وطلع من اتنين بضربات الحظ الترجيحيه

بينما الاهلي ياعيني بطولتين بس ,, والاتنين من ضربات الحظ ,,

صح النوم باليل :D


الزمالك حديد الاهلى سيحة حتى فى الصفايح وراح يملحه.

طيب ,,,

[خالد المصرى]

اهلى ايه الى انت جاى تقول عليه

انت عارف قبلا معنى الاهلى ايه

الدم مرسوم عليه والتيران ملمومين عليه

اهلى ايه الى انت جاى تقول عليه

يا سلام الله يرحمك يا ست


وعموماً عشان تعرفوا بس روحنا الرياضيه

الف الف الف الف (اربعه الف ) مبروك على فوزكم( سامحنى يا رب )

ههههههههههههههههه

قال اربعه صفر من فريق لسه بيتعلم كورة :5::5::5::5::5:

مبوك ع السوبر وعقبال الكليوباترا ;);)

[جنان الفردوس]

وسع السكة منك له..
أنا أهلاوية يا عمدة وجاية أبارك..
ألف ألف مبروك للأهلى..
ويارب دايما يارب..

[سمسمة]

متهيئلى الموضوع دة للشماتة صح:D

[بسمة أمل]

العفوووووووووو:mad:


بس مش هرد لان اللى قالوة الزمالكوية كفاية:4::5::5::9:




وعلى طريقة خالد المصرى


بدل سلام واحد


خليها اربع سلامات:)


سلام سلام سلام سلام:D

وصفر:D

[العمدة]

أنت يا اللي اسمك محب :)

أتيت تبارك أم تشعل المعارك :)


الكاس بتاعنا وأخدناه .. الحضري صد أو ماصدش الكاس في بيتنا


وفي قلعتنا ... وموتوا غيظاً :(


شكر للتهنئة :)

[العمدة]

كاتب الرسالة الأصلية : خالد المصرى


اهلى ايه الى انت جاى تقول عليه

انت عارف قبلا معنى الاهلى ايه

الدم مرسوم عليه والتيران ملمومين عليه

اهلى ايه الى انت جاى تقول عليه

يا سلام الله يرحمك يا ست


وعموماً عشان تعرفوا بس روحنا الرياضيه

الف الف الف الف (اربعه الف ) مبروك على فوزكم( سامحنى يا رب )

ههههههههههههههههه

قال اربعه صفر من فريق لسه بيتعلم كورة :5::5::5::5::5:

مبوك ع السوبر وعقبال الكليوباترا ;);)

هاتدخل السوبر في المارلبوروا ليه ياخالد ..

أخدنا السوبر ولا لأ .. :7:

بعدين حكاية الأربعه دي سبقناكم بسته ... مازعلتش ليه ؟

في فريق في الدنيا ياخد سته :6: يا :1:

وحكاية الأربعه خطه :p لما يشرفونا في مصر هاتشوف هانعمل إيه ;)

[العمدة]

كاتب الرسالة الأصلية : جنان الفردوس
وسع السكة منك له..
أنا أهلاوية يا عمدة وجاية أبارك..
ألف ألف مبروك للأهلى..
ويارب دايما يارب..

مليون مرحب ياجنان :)

أنا باقول عسولة المنتدى لازم تكون إهلاوية :) أمال ايه :)

الله يبارك في عمرك .

تحياتي لك بلون دم الغزال :) المسك :)

[العمدة]

كاتب الرسالة الأصلية : سمسمة
متهيئلى الموضوع دة للشماتة صح:D



صُح :5::5::5:

[العمدة]

كاتب الرسالة الأصلية : بسمة حزن
العفوووووووووو:mad:


بس مش هرد لان اللى قالوة الزمالكوية كفاية:4::5::5::9:




وعلى طريقة خالد المصرى


بدل سلام واحد


خليها اربع سلامات:)


سلام سلام سلام سلام:D

وصفر:D




وسلام سلام سلام سلام سلام سلام ... كفايه كده :5:

[أشجان الليل]

:5:


سلام سته واحد.... :5:

[العمدة]

سلام الشجعان :5::5::5:

[عروسة النيل]

لا عيب يا عمدة حاسب على كلامك ازاى يعنى مبنكرهش الزمالك الزمالك دى اعلن من الاسماعيلى يا راجل .



6_1 ظاهرة لن تتكرر

[العمدة]

معلهش ياملك أحنا الكبار برضه :)

[خالد المصرى]

يا عم الناس الى فاكرة 6/1 دى

هى 6 اكتوبر ولا ايه

طب سؤال

الماتش ده من كام سنه ؟؟؟والاهلى اخد الدورى سنتها ولا لأـ؟؟؟


طب وفينن ماتسش السنه الى فاتت 3/1 للزمالك

ولا نسيتوا هدف عبد الحليم العالمى وبعده بعتوا يشتروا هزازة لعصام الحضرى

عشان تعلم النط ع الكورة

على فكرة الاهلى له ماتش الاثنين القادم مع انبىىىىىىىى

ههههههههههههههههههه:5::5:

[عروسة النيل]

ايوة كدا يا خالد اظهرت انك زملكاوى انا هفكرك بحاجة طازة جدا مباراة السوبر .
السوبر اللاهلى اتظلم لما وصل مع فريق زى الزمالك للبلنتيات .
على العموم على راى احد كتاب مجلة الاهلى الشهيرة
سيظل فوز الاهلى على الزمالك هى القاعدة واى شئ غير هذا يعد استثناء .


تحب يا خالد تعرف السته واحد كانت امتى
ان كنت نسيت افكرت ببيبو اربع اجوان واسال بشير حبيبو












عروسة النيل

[العمدة]

كاتب الرسالة الأصلية : خالد المصرى


يا عم الناس الى فاكرة 6/1 دى

هى 6 اكتوبر ولا ايه


أكتوبر ... والعبور كمان :)

طب سؤال

اسأل ياسيدي ..

الماتش ده من كام سنه ؟؟؟والاهلى اخد الدورى سنتها ولا لأـ؟؟؟

ليه أصبح ماتش السته .. الـــــــــــ سسسسستتتتتتتتتتته بقى قديم ;) عجبي !


طب وفينن ماتسش السنه الى فاتت 3/1 للزمالك

والسنه زي الاسمها إيه دي :rolleyes:

ولا نسيتوا هدف عبد الحليم العالمى وبعده بعتوا يشتروا هزازة لعصام الحضرى

عشان تعلم النط ع الكورة

على فكرة الاهلى له ماتش الاثنين القادم مع انبىىىىىىىى

أنبي ي ي ي سته برضه :4:

ههههههههههههههههههه:5::5: