دائرة الضوء والضيف اخي العزيز العمده [الأرشيف]

محمد البنيان

24-08-2003, 12:26 AM

الحقيقة
انا دخلت هنا للترحيب يالاستاذ العزيز
العمدة الغالي علينا
والاشادة بكل ما يصدر منه
حقا شخصية تمتلك حب الجميع
اتمنى له التوفيق دوما
امين

كما اود تقديم الشكر الي معد الطرح
الاستاذ عبد الحكيم
على مجهودة الرائع والملحوظ

كما اوجة التحية الي كل من شارك
في
الطرح
وخفو ياجماعة على العمده
دا مهما كان عمده ..
وجي من اجازة لسه

من محب لك

العمدة

24-08-2003, 09:10 AM

أخي الكريم الرائع عبدالحكيم .

أحييك أخي الفاضل على هذا التقديم ( الكبير ) ليتني أكون وكما تفضلت

الف تحية لشخصك العطر , ولهذا الموضوع الجميل , وكم أنتم كرماء بأنكم

اخترتم شخصي المتواضع ليكون في هذا المكان الرائع .

أنه لشرف لي ولكل عضو يشرف بالجلوس هنا .

ولا يمكن أن أتحدث هنا دون الإشارة والإشادة بالأخ الغالي الرائع

محيي إبراهيم , فلكما التحية والتقدير والثناء .

مرة أخرى أخي الكريم أستاذ عبدالحكيم تقبل إحترامي وتقديري .

مصراوى

24-08-2003, 09:38 AM

:):):)
أخى الرائع و صديقى الحميم
ما أجمل أن تكون ضيفنا فأنت وبلا جدال أكثر شخصيات المنتدى قربا لقلوب كل الاعضاء بدماثة خلقك و طيبتك
إسمح لى بنوعين من الأسئلة
النوع الأول :5:
1- لماذا أنت مزواج وكيف تجمع المعلومات عن بنات الكفر ( غيرى أنا طبعا :p )
2- ما هى مكونات صينية الحلوجى التى تتعشى بها دائما ;) )
3- مين اللى طخ الواد إبن محمود أبو غيط اللى كان متكلم على البت سعادات :rolleyes:

النوع الثانى :4:
1- مشهد رايته ولا تنساه
2- شئ تتمنى أن تراه بمصر
3-شئ تتمنى أن تتخلص منه مصر

وأترك الفرصة لباقى الاعضاء للتحاور مع شخصيتك الثرية
:):)

ابن البلد

24-08-2003, 09:54 AM

السؤال الأول
علي طول كده وش ههههههههههههههههههه

أسم العمدة لماذا أختارته ؟؟

السؤال رقم تو

مدى تأثير منتدي اللؤلؤة عليك ؟؟

السؤال الآخير والحمد لله

أمنيه تتمناها للمنتدي ؟؟

وتحياتي لك يا عمدتنا اااااااااااا

خالد المصرى

24-08-2003, 10:05 AM

;)

العمدة فى المعصرة

احدث الافلام الكوميدية اكشن وضرب نار وكووووووول حاجه :1:

قولى يا عمدة واحنا اصحاب وحبايب كده

لو اشتغلت ممثل تحب مين تكون البطلة

سؤال تانى ................ ما الذى لم تحققة وتتمنى تحقيقه فى شخص ابنك ؟

كمان سؤال وبلاش ضرب ........:p لو جاتلك فاتورة الموبيل زى حالاتى 4000 الاف جنيه هتعمل ايه :5::5:

ولى عودة

تحياتى للعمدة والاستاذ عبد الحكيم ولى عودة مرات كتييييييييير

العمدة

24-08-2003, 10:40 AM

الأخت الرائعة بنت مصر الغالية :)

لا يمكن الحديث عن لؤلؤة المشرق بالنسبة لي .. من غير ذكر بنت مصر

فيعود الفضل لكِ أيتها الغالية .. وشرف انتسابي لهذا المنتدى الجميل

بمن فيه .. وبكل الأعضاء اللي زي الفل .. ويشهد ربي أنني لاأبالغ

وأنطق بما يجول بخاطري :)

مجدداً التحية لبنت مصر .. وكم يسعدني أن تكوني أول مشارك أو سائل

فـ على الرحب والسعة :)

دمتِ محبة للؤلؤة .. ولأخوانك . وأخواتك :)

:4: كل المنتدى بيحبك لله وفي الله :)

بنت مصر

24-08-2003, 11:31 AM

أخي الغالي جدا العمدة
اخجلتني بكلماتك التي لا استحقها
واللي اعتز بها جدا واللي اسأل الله
اني اكون فعلا اهلا لهذه الثقة الغالية

واللي بقا .... خلينا في الاسئلة وبلاش تتوهني
عشان انت وقعت ولا حدش سمى عليك ولازم
تستلقى وعدك من الاسئلة اللي في درجة الغليان

سؤالي الاول هو
ماذا يعني منتدى لؤلؤة المشرق العربي بالنسبة لك؟؟

سؤالي التاني
اكثر من تحب ان تقرأ له في المنتدى وبصراحة وبدون احراج
(اكيد كل اعمالي الادبية طبعا :D )

سؤالي التالت
لمن تحب ان تقول شكرا ولماذا؟

وكفاية عليك كده يا عمدتنا

وتمنياتي لك بالتوفيق في الاجابة على اسئلتنا

بسنت

العمدة

24-08-2003, 11:31 AM

الأخت الغالية بنت النيل :)

النور نورك أختي الغالية :)

دخلنا في الجد :)

الأسم / محمود

الحالة / متزوج ..

الأبناء .. ولد / أحمد

بنت / مصر

العمل / مترجم / لغة إنجليزية .

من صعيد مصر .

أقيم بالكويت ... معي أسرتي .

الهواية / ركوب الخيل .. محروم منه الآن طبعاً .. احب أن اقرأ كل ما يقع

تحت عيناي .. ومشاهدة كرة القدم .

وقت فراغي .. اللؤلؤة وبس :)

ومرحى بكِ وبأسئلتك في كل حين :)

العمدة

24-08-2003, 11:41 AM

مراحب حلا :)

أشرقت الأنوار :)

الإجابة عن السؤال الأول تم :)

أقرب عضو لنفسي في المنتدى سؤال صعب جداً .. فهم كثيرون وكثيرات :)

مع ذلك ومن منطلق رغبتك بالصراحة والوضوح فهو مصراوي :)

عترو .. وفؤفؤ .. هذا موضوع للتسلية وتكملته بكم :)

وهنا أشيد بالأخ الجميل وادكووووول لمشاركته الرائعة في الموضوع

وكل من شارك ولو بجملة :)

وأتمنى لو يشارك الأخرون :)

رأيي في مصراوي ;)

من يكون أقرب الأعضاء لنفسي .. رأيي فيه مجروح :)

heba

24-08-2003, 03:11 PM

بسم الله الرحمن الرحيم

عمدتنا والله صعبان على
علشان كده انا مش حسألك لأن انا اسألتى صعبه
انا فقط مررت للترحيب بك يا عمدة لؤلؤة المشرق العربى
تحياتى و بالتوفيق

خالد المصرى

24-08-2003, 08:45 PM

;);)

يا عمدة صحيح افتكرت شويه معاصر :1:

اقصد اسئلة .....

بس يا سيدى ........... لو اغمض العمدة عينيه وجال بخاطرة فى نهر الحياة

ماذا يرى ؟؟؟؟؟

سؤال عميق ده يا خلود ;)

استنى يا عمدة خوووش شريط اسئلة عميقة ....

كيف يرى العمدة نفسه وكيف يحب ان يراه الاخرون :7:

وكفايه عليك ولى عودات كتيرات افندنيا :4:

عبدالحكيم

24-08-2003, 08:56 PM

بسم الله الرحمن الرحيم:):):)
اخي العمده السلام عليكم ورحمة الله وبركاته
اخي الغالي قد غاب عني اشياء كثيره اثناء تقديمي لك ارجو المعذر انك اهل لكل ما ذكرت
اخي العمده ان دائرة الضوء تستمد الضوء في العاده من الضيف ولذلك ترى دائرة الضوء تشع فقط بوجود نجوم من امثالك
اخي العمده هو سؤال واحد
1- ما هي البلاد العربيه التي تود ان تزورها ولم تقوم بزيارتها
اخوك المحب عبدالحكيم

العمدة

24-08-2003, 09:13 PM

ياسلام عليك يا محمد يابنيان يا رائع :)

الف تحية لمرورك العطر أخي الفاضل ..

وأضم صوتي لصوتك في تحية الأخوة الكرام

في مجهوداتهم الواضحة ..

خالص تقديري ومودتي لمرورك العطر :)

العمدة

24-08-2003, 10:06 PM

مرحباً بالأخ الغالي مصراوي :)

مشهد رايته ولا تنساه

شوف ياصاحبي .. المشاهد كثيرة .. سأختار مشهد حدث معي .. ولا أتمناه

لأحد .. كنت وعلى طريق الأوتوستراد .. حدث ذلك منذ ست سنوات .. كنت

متوجهاً إلى بيت خالي في حدائق حلوان .. وفجأة وأثناء دخولي جهة اليمين

كانت تقف سيارات ميكروباص , وكان هناك تاكسي يقطع الطريق باتجاهي

فذدت بالسرعة ... في نفس اللحظة العجلة اليمين من الأمام ضربت .. شعرت بأن

العربية تتجه وكأنها بريموت كنترول في اتجاه عمود إنارة ضخم , لترتطم

بالعمود , وتقلع خرسانة العمود , وتتقلب العربية خمس مرات , كان يجلس

بجانبي زوج أختي رحمه الله , وعمي , ومن الخلف أختي , وزوجتي , وأختها

وكعادة وشهامة أبناء بلدي الأحباء , تم نقلنا بسرعة للمستشفى , توفى

زوج أختي على الفور , وحدث لي بعض الكسور , والجروح , والجالسات

من الخلف لم يحدث لهن شيء , سوى كدمات بسيطة , وجرح لعمي في الأذن

وأسفل العين , كل من شاهد العربية , لا يصدق أن من كانوا فيها يخرجوا

أحياء , رغم قوة ومتانة المرسيدس , ومع ذلك أقول الحمد والشكر لله رب

العالمين , والأعمار بيد الله .

شئ تتمنى أن تراه بمصر

أتمنى أن أرى بمصر ما أراه بالإسكندرية .. على الصعيد المحلي ..

على الصعيد الدولي .. أتمنى أن أرى بمصر ديمقراطية حقيقية ...

أتمنى أن أرى بمصر .. شبكة مواصلات على مستوى عالي ..

شئ تتمنى أن تتخلص منه مصر

الرشوة , الروتين , التســـــــــــــــول :)

أما باقي الأسئلة الصعبة :)

أنت مصدري الوحيد , والشاهد في كل عقد :) ;)

مكونات الصينية .. ها سألك البت باتعه :)

اللى طخ الواد إبن محمود أبو غيط اللى كان متكلم على البت سعادات :4:

مصراوي :)

تحياتي لمرورك أخي المبدع :)

دمت رائعاً .:)

العمدة

24-08-2003, 10:25 PM

أبن البلد هنا يامرحبا يا مرحبا :)

كنت أنوي أن أسجل بأسم أبن البلد :) لقيتك حاجز الأسم :(

بس لايق عليك :) ومش معقول المنتدى يكون من غير عمدة :)

مدى تأثير منتدى اللؤلؤة ؟

كتير أوي .. يمكنك ببساطة أن تقول أصبح جزء من حياتي اليومية :)

فعلاً لا أستطيع أن يمر يوم من غير أن أشاهد المنتدى :)

حتى في سفري كنت أدخل باستمرار لأشاهد جديد المنتدى ولكن بسرعة :)

أتمنى أن يكون منتدى اللؤلؤة أكبر منتدى وأن يظل كما هو بحب الأعضاء

للمنتدى ولبعضهم البعض , أتمنى أن يستمر هذا العطاء , وأن يظل المنتدى

بكتابه وأدبائه وأعضائه الرائعين ..

أتمنى لكل الأعضاء موفور العافية ودوام الصحة والسرور :)

العمدة

24-08-2003, 10:52 PM

خالد المصري وصل :)

طيب هاردهالك في الأفراح :)

شوف أخي الغالي .. عبلة كامل .

أتمنى لأبني أن يكون وكما يرغب ;)

أحاسب بعد كده على المكالمات :)

مش قالوا اللي قبلنا الكلام بفلوس :)

العمدة

25-08-2003, 06:02 PM

بنت مصر الغالية الف تحية :)

شوفي ياستي .. لؤلؤة المشرق يمثل بالنسبة لي الكثير ..

أولاً .. أنني لم أعد أكتب وأقرأ إلا فيه , تعلمين أنني أحد كتاب الساخر

والحقيقة بعد أن تعرفت باللؤلؤة تركت كل المنتديات .. أنظري شعارك :)

أكثر الذين أحب أن أقرأ لهم ... هبة .. بنت النيل .. بسنت .. عسوله ... رشا

من الشباب .. إسلام شمس الدين , مصراوي , وادكووووول , خالد , أبن البلد

أحب أن أقول شكراً ... لبنت مصر :) طيب ليه :)

علشان عن طريقها عرفت هذا المنتدى الجميل :)

وشكراً لأسئلتك اللي زي العسل :)

n3na3aah

25-08-2003, 06:39 PM

لالالالالالالا متقلووش عمدتنا تحت دائره الضوء و انا مضراشي

لالا كده ينفع برده

اولا احب ان اهنييك يا عمده و الصراحه احنا الي لينا الشرف لانك تستحق اكتر من انك توضع في المكان ده يكفي تميزك و خفه ضلك في المنتدي و اعتقد انك من الاشخاص الي يتشرف المنتدي بوجودك فيه

احب اغتت علييك كده بحبه اسئله

الاول
1) هل تمييل للوحده و لا بتحب الزيطه؟

2) لما بيحصل حاجه تدايقك ايه هوه رد الفعل الي انت بتاخده؟

3)ايه الحاجه الي تتمني تتخلص منها او تحب انها تكوون موجوده فيك؟

4)العمده يعتبر بالنسبالك اييه

بس دول كفايه و تحياتي لييك:)

العمدة

25-08-2003, 09:22 PM

مراحب ياهبة :)

صعبان عليكِ ليه ؟

ولا يهمك ياست الكل .. نحن لها بحول الله :)

وأهلاً بكِ سواء بالترحيب أو بالسؤال :)

جنان الفردوس

25-08-2003, 09:32 PM

يا لهوي..
:eek::eek:
اغيب يومين وارجع الاقي العمدة هنا..

لا مش ممكن
انا اتأخرت قوي وخلاص كل الاسئلة اتسئلت..
:(:(

يالا مش مشكلة انا بس حبيت ارحب بيك يا عمدتنا..
وأقولك انك منور الشبكة كلاتها..

ولو لقيت سؤال محدش سأله هبقى ألف وأرجع لك تاني..;)

العمدة

25-08-2003, 11:52 PM

مجدداً الترحيب بالأخ الغالي خالد المصري الحبيب .

لو اغمض العمدة عينيه وجال بخاطرة فى نهر الحياة

ماذا يرى ؟؟؟؟؟

في نهر الحياة .. أحمد الله أنك لم تقل بحر الحياة :) ;)

لا أظنني في هذه الخاطرة وأنا مغمض العينان .. إلا أن أرى عصافير

تزقزق فوق أشجار اللوز .. على ضفة النهر .. وتحت الأشجار جلس الشبان

يتبادلون الأخاديث الوردية , وأحلام المستقبل , وبيوت السعادة التي ستبنى

وأن عش ذاك العصفور الصغير .. يكفي .. وأن قوت يومهم عنقود فل وكيس

الفيشار :eek:

وفجأة افتح عيناي على صوت هريدي وهو يصرخ معاد الجنينية خلاص

كله يمشى ..يلا ياواد انت وهي :)

كيف يرى العمدة نفسه وكيف يحب ان يراه الاخرون

أرى نفسي ياصديقي بأنني شخص يحب الناس ويحترمهم ويراعي مشاعرهم

أحب أن يراني الأخرين .. كما أراهم .. وبنفس درجة الإحترام والتقدير

التي أكنها لهم :)

دمت رفيقاً ولك كل المودة والتقدير :)

ومرحى بعودتك في إي وقت وكل حين :)

العمدة

26-08-2003, 05:22 PM

أخي الرائع أستاذ عبدالحكيم .

مهما قلت لك أخي الكريم فلن توفيك الكلمات حقك ..

ولن أبالغ إذ قلت بأنك من رموز اللؤلؤة وأحد أهم الشخصيات

دمت أخي رائعاً وحفظك الله :)

أخي الكريم .. إجابة لسؤالك الكريم ..

لقد أسعدني الحظ بأن زرت من البلاد العربية .. سوريا ولبنان والسعودية

والعراق والكويت والأردن والبحرين ..

أتمنى يا صديقي لو أسعدني الحظ وتشرفت بالذهاب لفلسطين

والله يا أخي أتمنى فعلاً أن أزور القدس الشريف .. بس ازاي وتدنسها

بني صهيون :( الله كريم ..

الف تحية أخي الحبيب والف الف شكر لكلماتك الرقيقة والمهذبة :)

دمت رائعاً :)

العمدة

26-08-2003, 08:41 PM

نعناعة المنتدى هنا يامرحبا يامرحبا :)

السعادة كل السعادة تواجدك هنا وأنه يشرفني ويسعدني تواجدك .

الغالية نعناعه .. أسئلتك رائعة كروعتك :)

هل تمييل للوحده و لا بتحب الزيطه؟

برغم أنه يبدو أنني أحب الهيصه والزيطة :) مع ذلك فأنني أميل جداً

للهدوء .. والوحدة في أحيان كثيرة .. ومع ذلك أشتاق للزيطة .. وبعد

أقل من ساعة أجدني وقد مللت الهيصه وغادرت المكان ...

لما بيحصل حاجه تدايقك ايه هوه رد الفعل الي انت بتاخده؟

فوراً أرد .. ولو لم أرد أتضايق كثيراً .. لا أحب أن أنام وأنا غاضب من شيء

ولا أعرف كيف يتحمل الأنسان ويبات ليله وهو متضايق !

وبيني وبينك بطبعي متسامح ..ومش من أصحاب القلوب ال :4:

ايه الحاجه الي تتمني تتخلص منها او تحب انها تكوون موجوده فيك؟

أتمنى أن أتخلص من الإسراف .. و خمسة كيلو زيادة :)

أتمنى أن تكون في صفة القسوة مع أبني وأبنتي :)

لآنني مدلعهم أوي :) ولما أغضب مش باعرف بيضحكوا ودي مسألة عامله

مشكلة معاي بصراحة :)

العمده يعتبر بالنسبالك اييه

يعني لي الكثير .. والحقيقة أن شخصية العمدة التي نراها في أعمال متلفزة

أو على المسرح .. أو سينمائياً .. ليست تلك التي أعرفها وعشت معها ولازلت

العمدة ذلك الرجل الشريف النقي .. الذي يدفع من جيبه ولا يأخذ أبداً ..

الذي يضحى بوقته من أجل أبناء بلده وراحتهم ... الذي لا يخاف في الحق

حتى لو كان ضد أبناء عائلته .. العمدة .. هو من يبات الليل يفكر في اليتيم

ومشكلة الفقير .. ويشغل باله كل أبناء قريته فقيرهم قبل غنيهم وأضعفهم

قبل أشدهم ..

كم أسعدني تواجدك أيتها الرائعة :)

n3na3aah

26-08-2003, 09:55 PM

ما شاء الله ردودك جمييله يا عمده و انشاء الله كل حاجه تتمناها تتحقق باذن الله

مع تحياتي ليك :)

أشجان الليل

27-08-2003, 10:23 PM

السلام عليكم ورحمة الله..
أخي العزيز جدا العمده..

والله القاعة منورة بوجودك..
ودائرة الضوء نورها جايب من أسوان للقطب الشمالي.. :)

أنا عارفة إن الجلوس تحت دائرة الضوء مش مري علشان كده مش هسأل غير سؤال واحد..

مرتين لحد دلوقت تسيب المنتدى أجازة لمدة شهرين....

هاموت وأعرف بتغطس فين يا عمدتنا... :eek:

العمدة

27-08-2003, 11:14 PM

مليون مرحب بكِ يا جنان في كل وقت وحين :)

مفيش تأخير ولا حاجة ..

أسعدتني جداً مشاركتك اللطيفه :)

أهلاً بكِ وبأسئلتك .. وخالص التحية :)

Mrs. Virgo

28-08-2003, 10:38 AM

أنا جيت يا عمده .. بس معلش ..
البيجو اتأخرت شويه .......... :)

عندي ليك سؤال واحد بس ايه.. عجب :D

شوف يا سيدي .. رتب الأعمال التاليه .. حسب اولوياتك ..

انت في المنزل .. وفجأه كل الحاجات دي حصلت مع بعض ..
في نفس الوقت بالظبط .. تقوم بعمل ايه ثم ايه ثم ايه ..
يعني رتبهم حسب اولوياتك .. :rolleyes: فهمان !!

بكاء طفلك في الغرفه الداخليه
طرق على الباب ولا تعرف من
جرس الهاتف وايضا لا تعرف من
حنفية الماء في المطبخ تنقط بغزاره
مطر على الغسيل النظيف المنشور (طبعا انت إلي غسله ونشره)

ده مش سؤال تعجيزي ..
ده اختبار بس ..

تحياتي :)

مصراوى

28-08-2003, 10:44 AM

:1::1::1:
وقعت يا حلو خذ بالك و إنت بتجاوب
أنا سالتنى برده أسئله زى دى
ومش حقولك على النتيجه
:6:

محمد البنيان

28-08-2003, 10:53 AM

الاستاذة لميس
ميس فيرجو

بيجو ليه ؟

في
تاكس في المنتدى
وصاحب التاكس مصراوي
واتوصيل مجاني
للغاليين

قصدك ياميس فيرجو
في المنزل
او المطبخ
العمدة يريد التحديد

اعتقد انه المطبخ
والله اعلم

من محب لك

العمدة

28-08-2003, 11:03 AM

شكراً لكِ يانعناعة المنتدى :)

ولا يوجد ألطف ولا أجمل من كلامك :)

دامت أيامك برضى الله ورضى الوالدين :)

Mrs. Virgo

28-08-2003, 11:52 AM

عمده مش عارفه ..

زي ما يكون ..
يعني عندي احساس كده ان الكل مترقب الرد بتاعك
وشمه شوية ريحة شماته ... على كام حبة تحذير وتهويل وترويع.. :D

محمد البنيان .. ;)
مصراوي التاكسي بتاعه اي كلام ..
مش ماشي على العداد .. طبعا .. ده غير
ريحة الطلبات المنزليه من جبن وسمك الخ .. :rolleyes:

عمده .. انت هترد ولا هتمل مش واخد بالك !! :o

العمدة

28-08-2003, 12:21 PM

والله يا أشجان ولا أروع ولا أحلى من كلامك :)

الف الف شكر لروعة مداخلتك اللي زي الفل :)

أول مرة شهر .. فقط ..

والتانيه اللي شهرين ..

باكون في مصر .. ولما بنزل مصر باكون مشغول أوي جداً خالص ..

وباروح الصعيد يمكن كل أسبوع .. لآني بيكون عندي شغل وحاجات

لازم أكون بنفسي متواجد فيها .. غير كده :4: باستريح شوية من مصراوي :)

الف شكر لمرورك برائحة المانجو :)

العمدة

28-08-2003, 12:34 PM

مين لميس :)

حمدلله على السلامة يا باشا :)

ودي بئى مداخلات علم النفس ولا مالهاش علاقة :)

بكاء طفلك في الغرفه الداخليه
طرق على الباب ولا تعرف من
جرس الهاتف وايضا لا تعرف من
حنفية الماء في المطبخ تنقط بغزاره
مطر على الغسيل النظيف المنشور

هافتح الباب لآن مراتي على الباب :)

تدخل مراتي تشيل الطفل ..;)

هارد على التيلفون ..:4:

نقفل الحنفية ..

نلم الغسيل .. لآنه اتبهدل اتبهدل وعليه العوض في التعب :mad:

طيب فرضية أن مراتي مش على الباب ..

هابدأ بالطفل ..

الغسيل اللي اتعبت فيه ..

الميه اللي في المطبخ ..

الباب ..

أخيراً التيلفون ..

بس بيني وبينك لو حصل كل ده ومع بعضه :4: دي تبقى :6:

الف تحية لميس على مرور بطعم الفراولة :)

ميادة

28-08-2003, 11:30 PM

بسم الله الرحمن الرحيم

ايه ده؟؟؟ عمدتنا هنا!!!!!!!! من زمان؟؟؟طيب انا كنت فين؟؟!!
ادى اخرة الفول والطعمية

معلش تقبل اكبر تحية وسلام منى
وكمان شكر كبيييييير للاستاذ الكبيييييير عبد الحكيم

بس حلو اوى اننا قرايب صعايدة يعنى ماهى خفة الدم دى لازم تكون من عندنا

تقريبا كل الاسئلة اللى مكن ومش ممكن تتسأل طرحت خلاص..عشان كده هسالك سؤال واحد...إن شاء الله كده لما احمد باشا يبقى عمدة كبير ويجي يقولك انا عايز اتجوز وتكون عروسته مش مصرية (افرض مره انها عربية واخرى انها اجنبية) هيكون رد فعلك ايه؟ ولو كان لك بنت واتقدم لها عريس مش مصرى بردو رد فعلك هيكون ايه؟؟؟؟

يارب ما كنش تقلت على سعادتك وتقبل عميق تحياتى استاذى الغالى

العمدة

28-08-2003, 11:46 PM

مرحب أخي الحبيب مصراوي :)

بصراحة ياصاحبي أنا في البداية يجب أن أعتذر لكل من تشرفت

به هذه القاعة الجميلة .. وتزينت به :) أقصد تحت دائرة الضوء :)

السبب أنني وفي معظم تواجد الأحبه إما أكون غير متواجد

أو يمر الموضوع دون أن أعرف بالموضوع .. وهذه حقيقه :)

الغريبة أن القاعة .. مخفيه شويه :)

وأتمنى من كل الأخوة والأخوات ممن شرفوا بالقاعة من قبلي

أن يسامحوني ..

أما عن أختنا الجميلة ميس فيرجو .. يقيني أنها تسأل بحسن نيه

وإجابتي كذلك .. دون لف ولا دوران :)

كلما رأت عيناي أسمك .. زارتني السعادة :)

العمدة

28-08-2003, 11:48 PM

أخي الغالي محمد البنيان مرحباً بك .

طالما أخانا مصراوي صاحب التاكسي

ممكن تتوسط لنا عنده بتوصيلة مجاناً :)

لا حرمنا الله منك أخي الغالي :)

heba

29-08-2003, 09:07 AM

بسم الله الرحمن الرحيم

عمدتنا الغالى
اولا كل سنه و انت طيب مره اخرى وعقبال مليون سنه
اما بقى اسئلتى المتواضعه

1- متى تقول لنفسك انا لازم انزل مصر دلوقت ايه الموقف او الأحساس الذى يجعلك تفكر للسفر لمصر؟

2-فى احد اجاباتك قلت انك عندما تغضب تقول ولا تنام زعلان هل هذا فى كل المواقف ام ممكن فى مواضيع يفضل الصمت و عدم التسرع؟

3-ماذا تتمنى لأحمد و مصر ان يكونوا فى المستقبل ان شاء الله ؟

4-هل تستوحى شخصية هريدى من شخص حقيقى بمعنى ان هل شخصية هريدى دى موجوده فعلا؟

كفايه عليك كده يا عمده
ولو فكرت فى اسئله تانيه حارجع ان شاء الله

العمدة

29-08-2003, 10:07 AM

عمده مش عارفه ..

زي ما يكون ..
يعني عندي احساس كده ان الكل مترقب الرد بتاعك
وشمه شوية ريحة شماته ... على كام حبة تحذير وتهويل وترويع..

العزيزة ميس فيرجو :)

الخوف مش من إجاباتي :4: من كثرة إطلاعك في كتب علم النفس ;)

اللي بتجيبي منها اسئلة تدوخ :)

وبعدين مصراوي علشان صاحبي واخويا بيحذرني ;) وليه حق :4:

شكراً للأخت الكريمة فيرجو .. واسئلة جميلة :)

العمدة

29-08-2003, 10:14 AM

الف مليون مرحب بجرح الزمان :)

نورتِ المكان والزمان :)

شوفي بئى أحلى حاجة أنك صعيدية :) الجماعة بتوع اسكندرية بيشجعوا

بعض :cool: وكمان القاهريين والا بتوع المنصورة :)

علشان كده أنا سعيد أن وجدت صعايده معاي :)

أنه من دواعي سروري أختي الغالية تشريفك :)

لو أحمد رغب في الزواج من أجنبية .. سيكون رأيي لا :mad:

وأنني لا أرغب في أن تكون له زوجة غير مصرية ..

ولن أجبره على ذلك .. أحاول أن أقنعه بكل وسيلة ممكنه ..

لكن البنت لالالالالالالالالالا لو هاموت فيها دي لآ وألف لا :1:

لو راح فيها مليون هريدي .. قال أجنبي قال لاممكن أبداً :eek:

لا أحبذ زواج مصرية من أجنبي .. فما بالك لوكانت ابنتي .. لا طبعاً .

شكراً لمرورك العطر جرح الزمان :)

العمدة

29-08-2003, 08:52 PM

الغالية هبة تحياتي :)

وأنتِ طيبة وبخير وصحة وسعادة وراحة بال يارب :)

- متى تقول لنفسك انا لازم انزل مصر دلوقت ايه الموقف او الأحساس الذى يجعلك تفكر للسفر لمصر؟

المواقف كتيره .. أهمها وعلى الإطلاق لو أن والدي أو والدتي ربي يعطيهم

الصحة وموفور العافيه .. حدث لإي منهما لاسامح الله شيء ..

على مستوى البلد الذي أعيش فيه .. إذا كان هذا قصدك .. إي شيء يشعرني

بأنني شخص غير مرغوب فيه .. بأمانة .. وليس مجرد كلام .

-فى احد اجاباتك قلت انك عندما تغضب تقول ولا تنام زعلان هل هذا فى كل المواقف ام ممكن فى مواضيع يفضل الصمت و عدم التسرع؟

ما عنيته من كلامي .. لا أفضل السكوت إذا أحد تجني علي ..

والرد يكون فوري .. لآنني ألوم نفسي بشدة بعدها إذا التزمت الصمت ..

طبعاً المسألة ليست على البحري :)

هناك من هم أعزاء على قلبي ولهم محبة .. ليس من المعقول أن أرد فوراً .

أكيد المحبة أو الصداقة أو العلاقة الجميلة تفغر لهم بعض الأخطاء ..

3-ماذا تتمنى لأحمد و مصر ان يكونوا فى المستقبل ان شاء الله ؟

أتمنى ولا يكثر على الله شيء أن يصبح أحمد مكوجي رجل :5:

شعرت بأنني واخد الموضوع جد أوي .. معلهش .. بصراحة وحتى لاأكون

مبالغاً في كلامي لم أفكر بأمانة في هذا الموضوع .. غير أنه يميل للأشياء

الألكترونية .. ويحبذ العبث في كل ما يقع في يديه :)

والخسارة علي أنا :)

4-هل تستوحى شخصية هريدى من شخص حقيقى بمعنى ان هل شخصية هريدى دى موجوده فعلا؟

طبعاً .. كل موضوع أدخلت فيه هريدي هو بالفعل موجود وإن كنت لاأعرفه

بالضبط .. لكنني أتخيل شخص ما وفي سلبيه ما ..

ومن هنا تأتي الشخصية .. غير أن هريدي كأسم هذه قصة أخرى :)

الغالية هبه .. أسعدتني أسئلتك وشرفني مرورك وأهلاً بكِ

ومليون مرحب ..

الف الف شكر لكِ :)

heba

30-08-2003, 09:44 AM

بسم الله الرحمن الرحيم
مكوجى رجل يا عمده حرام عليك
طيب و مصر ما جيبتش سيرتها يعنى 0
اشكرك يا عمده و تحياتى لك0

Mrs. Virgo

30-08-2003, 11:14 AM

ما كنتش اعرف ان علم النسف بيخوف كده ...
قصدي علم النفس ;)

هابدأ بالطفل ..
عاطفيا: أنت رومانسي لأبعد الحدود
ويغلب قلبك عقلك في كثير من الأحيان .. :)

الغسيل اللي اتعبت فيه ..
عمليا: عملك يأتي في المنزله الثانيه مباشرة في اولوياتك
بعد بيتك واسرتك .. فأنت عملي تتقن عملك ووتتبعه للنهايه ..

الميه اللي في المطبخ ..
ماديا: انت شخص تحافظ على مالك .. فلا مسرف ولا بخيل ..

الباب ..
اجتماعيا (مباشر): انت اجتماعي لدرجه معقوله ..
تحب الناس ولكن الأقارب منهم فقط ..
فلا تحب الاختلاط بالغرباء بشكل كبير ..

أخيراً التليفون ..
روحانيا: انسان واقعي .. لا تؤمن بالاشباح ..
يعني إلي اتصل ممكن يستنى او يتصل ثاني :5:
إلا لو عفريت بقى :1:

المهم .. يا رب تكون اسئلتي خفيفه ..
وما كنش ضيقتك او اضغط عليك ..
او استنفذت جهدك :D

وعلى فكره يا عمده ..
.. والكلام ليك يا جار ..
الاسئله دي ما بتطلعش غير للناس إلي بعزهم قوي :)

عروسة النيل

30-08-2003, 11:25 AM

العمده تانى هو مفيش فى المنتدى غير العمده .
فى الكورة وهنناه وفى عيد ميلاده ودعناله عاوز ايه بقى يا عم عمدة
على العموم دى احسن مفاجاه ان العمدة يبقى تحت دائرة الضوء الى اعتقد انى بشارك فيها لاول مره من اجل عيون الحبيب الاهلاوى العمده .

سوالى
ماذا تتوقع من تغير فى مناخ مصر السياسى خلال الربع قرن القادم باذن الله .

هل تتوقع تنظيم مصر لكاس العالم 2010 ومدى قدرتها على ذلك .

اى الاسماء قريبة الى قلبك

وشكرا

اخوك فى الله
عروسة النيل

العمدة

30-08-2003, 11:41 AM

شكراً مجدداً هبه الغاليه :)

فعلاً نسيت أرد على جزئية مصر ..

أتمنى وربي يحقق أملي أن تكون أستاذة في كلية الطب :)

تخصص المخ والأعصاب ..

وكمان هي جريئة .. ده غير أنها جميلة أوي :)

أتمنى لكِ السعادة ..

تقديري لمرورك العطر :)

العمدة

31-08-2003, 06:24 PM

وهو محوجي الرجل مش حلو يا هبه :)

وبعدين مكوجي الرجل من شعبان أفندي عبدالرحيم ماساب

المهنة :) والمهنة خلاص ماعدش منها لازمه :)

يمكن أحمد افندي يرجعها لسابق عهدها :)

العمدة

31-08-2003, 06:31 PM

ياااااااه ماكنتش اعرف ياميس أنك خطيره للدرجه دي :)

بجد ... تحليل أكثر ما يكون للحقيقة ;)

مش ممكن :)

الف شكر لأن تهتمي بأخ لكِ .. وجزاكِ الله خيراً :)

كم تسعدني مشاركاتك أيتها الغالية ..

وأسئلتك غاية في الروعه والجمال :)

وأنا واثق كل من يحظى بشرف الجلوس هنا لسان حاله

أنا عايز من ده ;)

دمت بأمن وسلام وسعادة :)

ابن مصر

31-08-2003, 07:19 PM

بسم الله الرحمن الرحيم
اخي المبداع حبيب المنتدي
العمدة

تحياتي واحيئك علي اسلوبك المبدع جدااا
طيب نتدخل في الموضوع بقي
سؤال اول --وبكل صرحة
ماذا تعني لك مصر ؟؟
السؤال التاني --
كيف يمكن في رايك ان يكون المنتدي انجح واقوي مما هو علية ؟؟؟

3 والاخير -هل محمود العمدة يصلي -معرفتك بالدين واولادك كمان ؟؟
اجمل التمنيات

إسلام شمس الدين

31-08-2003, 07:32 PM

أخي الفاضل العمدة

لن أرهقك بالأسئلة فأعتقد أن الأخوة الأعضاء قاموا بالواجب و زيادة . .

فقط أحببت أن أشارك لتحيتك و تمني أطيب الأمنيات القلبية لك . .
و لا أنسى تحية أخي الحبيب محي إبراهيم و أخي الحبيب عبد الحكيم لمجهودهما الرائع

للجميع محبتي و تحياتي و تقديري
إسلام شمس الدين

العمدة

31-08-2003, 10:29 PM

الأخ الغالي ياعروسة النيل :)

الشكر موصول لك أول وتالي :)

بما إنك أهلاوي فلازم تتميز عن إي زملكاوي ;)

أن تشارك ولآول مرة :) هذا شرف لي يا أخي الفاضل :) تستاهل مليون وردة :)

ولازم تكون حمرا :) :5:

رداً على سؤالك الكريم أخي الرائع ..

ماذا تتوقع من تغير فى مناخ مصر السياسى خلال الربع قرن القادم باذن الله

سيكون اسوء مما نحن فيه :(

لو استمر الحال على ما نحن فيه ! ولربما وصل الدولار لعشرين جنيه :mad:

وحتى لايكون هناك طابع شؤوم .. أبشرك أن هناك تغييرات قريبة جداً :)

نرجو من الله أن ينتهي العمل بمشروع توشكي العملاق أكيد سيكون وضع

مصر أفضل بحول الله .

هل تتوقع تنظيم مصر لكاس العالم 2010 ومدى قدرتها على ذلك .

نعم أخي الكريم .. مصر تملك كل المقومات التي تعطيها الحق في التنظيم

لكن ومع الأسف .. اليوم قرأت أن الأمير عبدالله ولي عهد السعودية قد

أعطى موافقة علانية لمساندة المغرب في التنظيم !!!

ومع ذلك فرصة مصر أكبر وبأذن الله ستنال كأس العالم شرف تنظيم مصر لها :)

أقرب الأسماء لقلبي / أحمد .. أنه أسم والدي ... وأبني :)

اشكر مرورك وتشريفك وجمال اسئلتك التي هي من جمالك وروعتك :)

العمدة

01-09-2003, 11:39 AM

أخي الحبيب الغالي ابن مصر أ / عماد :)

الف شكر لطيب كلماتك التي تعبر عن صفاء ونقاء شخصك الكريم

دمت لنا أخ عزيز وغالِ ودامت أيامك بالهناء والسرور :)

أخي الحبيب ..

ماذا تعني لك مصر ؟؟

الكثير الكثير والله على ما أقول شهيد ..

يكفي أنني يا صاحبي لو تحدث شخص غير مصري عن مصر بالخير

أشعر بأنني أكاد أن أبكي ورب البيت .. ولو أنني قرأت خبر سار

عن عالم مصري أو شيء يرفع أسم مصر عالياً لرفرف قلبي كما لم

يرفرف من قبل .. لقد مررت أخي الحبيب بقصة حب جنونيه .. ما شعرت

بحبيبتي ( سابقاً ) كما أشعر مع مصر ..

مصر تعني لي الوطن .. والأهل .. والولد .. والحياة .

بيكفي أنني سميت أبنتي مصر ;)

يوم حصل العالم المصري الدكتور زويل على جائزة نوبل .. تخيل أنني شعرت

بأني أنا من حصل عليها .. ربما يستغرب البعض أو يظن أني أبالغ لا والله

أنها الحقيقة .. وكما أسعد وأفرح بكل جميل لمصر ..

أحزن أشد الحزن .. وأعطيك مثال بسيط ..

لو مصر انهزمت في مباراة لكرة القدم .. أو إي بطولة .. ومن دولة

نحن أفضل منها بمراحل في كل المجالات .. أشعر بالإحباط .. قد تستغرب لو

قلت لك لاأنام يومين ولا أحكي لك ظروف البيت بتكون ازاي ..

الحديث ياصاحبي عن أم الدنيا .. لا أخر له .. ولا ينقطع ..

فمصر يا صديقي تعني لي كل شيء .

أعتذر عن الإطالة والف شكر لك ولأسئلتك الجميلة .

رشا عبد الرازق

01-09-2003, 02:36 PM

حيث أنني حديثة العهد بهذا المنتدى الرائع فسأكتفي بتحيتك من هذا المكان المميز وأتمنى أن تزداد محبة من الله ومحبة من عباده

أعجبتني جميع ردودك وصراحتك تتجلى فيها ومشاعر الأخوه والمحبة لك من بقية الزملاء تعكس أي روعة تسكن نفسك

أشرف أن أمر بهذه الصفحة ويشرف قلمي بوجودي بينكم

وفقك الله وسدد خطاك وحقق لك كل ما تتمنى

تحياتي وتقديري العميق لك

دمت بخير

العمدة

01-09-2003, 05:19 PM

أخي الغالي ابن مصر عودة لأسئلتك الشيقة .

السؤال التاني --
كيف يمكن في رايك ان يكون المنتدي انجح واقوي مما هو علية ؟؟؟

سؤال أعتبره أكثر الأسئلة أهمية لأكثر من سبب ..

يكفي أننا من خلال اللؤلؤة تعرفنا على بعض .. واندمجت وتلاحمت

هذه الكوكبة الرائعة من الأعضاء ومن الجنسين :)

لكي يستمر المنتدى ويزداد نجاح .. لابد من نقاء وصفاء القلوب

عند البعض من الأعضاء .. فأكثر شيء يهدد إي منتدى تعكير صفو

المنتدى .. هنا يجب أن أشير بأن إي منتدى في الدنيا لايخلو من مثل

هذه الأمور .. غير أنك سألتني ويجب أن أكون صادق في كلامي .

الشيء الذي يتميز به منتدى اللؤلؤة هذا الكم الجميل من أعضاء في

الحقيقة هم اعضاء فوق العادة .. وهذا كلام حقيقي ..

الشيء الأخر .. الإشراف .. يجب أن يأخذ فرصة الإشراف من يتواجد

فترة أطول وأكبر في المنتدى .. فمن غير المعقول أن يكون المشرف

غير متواجد إلا ساعة ويمكن كل أسبوع أو أكثر ..

تواجد المشرف جداً مهم .. لأسباب كثيرة ..

تعلمها أخي الكريم بحكم تواجدك في الإشراف .. غير أنني أريد أن ألقي

الضوء عليها ..

المشرف سيتابع المقالات والمواضيع التي في الباب الذي يشرف عليه ..

وبالتأكيد سيفعل المداخلات ويحرك المواضيع التي لاتأخذ نصيب ...

المشرف الرائع .. ومعظم المشرفين هنا كذلك

سيذيد من نصيب المشاركات وينهي إي خلاف قبل أن يتفاقم بذكاء ..

أخي الحبيب اسئلتك رائعة ودسمة .. ويبدو أن لي نصيب من أن أكرر

أعتذار بسبب الإطالة :)

3 والاخير -هل محمود العمدة يصلي -معرفتك بالدين واولادك كمان ؟؟

متأكد أنه الأخير ;)

الحمد لله .. شوف أستاذ عماد .. لقد تدربت على الصوم من عمر السادسة

وكان صوم شهر رمضان كاملاً في العاشرة ..

أهم شيء كان والدي حفظه الله يسألني عنه دوماً .. الصلاة ..

ما سألني يوماً أو لاأتذكر .. هل ذاكرت .. لكنه كان يسألني هل صليت ؟

الحمد لله رب العالمين .. زوجتي سيدة محجبة والحمد لله , وأتمنى أن يكونوا

أبنائي محافظين على الصلاة .

بارك الله فيك وفي اسئلتك .. ويارب أكون وفقت في الإجابة على اسئلتك

الرائعة .. ويارب لايزعل مني أحد من المشرفين .. ولا ابن البلد :)

أتمنى لك السعادة :)