حاول تتعرف على الصورة .... مسابقة متينة

[بنت مصر]

صورة النهاردة سهلة
وهي موجودة في المنتدى
طبعا انا مسهلاها شوية عشان اول مرة

بعد كده حندخل عند العلم الاسود يعني الغريق

ممكن اساعدكم بالاجابة على اسئلتكم بايوة او لأ وبس !!




وفي انتظار اجابتكم

[أشجان الليل]

مش عارفه...
ده ورقة مكرمشة واللا إيه..؟؟

بعد ككده موجود توقيع يعني تقصدي..؟؟

[بنت مصر]

لا تحت اسم :rolleyes:
يووووه انا مش عاوزة اتكلم :3:

قلت حقول ايوة او لا وبس يخرب بيت الرغي وسنينه :5:

[جنان الفردوس]

هل الصورة لعضو قديم..
ولا لعضو لسه طازة..
لو لعضو قديم قولي ايوة..
من غير رغي..:5:

[te3mah]

دي الصورة الرمزية بتاعة ابن البلد ... واحد بيشاور باصباعه :5:
صح مش كده :D

[جنان الفردوس]

بجد..
سبحان الله الكلمة على لساني..
كنت لسه هقولها..
بتسرقي افكاري يا طعمه..
مش ممكن كده..
بس غريبة انا مش فاكرة صورة ابن البلد كانت عاملة ازاي..:5:

[te3mah]

المشرف اللي بيطفي وينور يا جنان
:5: :5: :5: :5: :5: :5:

[جنان الفردوس]

ااااااه..
انت قصدك على ده ..
مش تقولي كده من بدري..
ايوة كده الواحد افتكر..
بس ممكن اسأل سؤال..














مين المشرف اللي بيطفي وينور.. :5:
هو حط صورة جديدة ولا ايه..؟

[te3mah]

:5: :5: :5: :5: :5: :5:
أيوة حط صورة جديدة
افتحي أي موضوع من موضوعاته أو ردوده وهتشوفي الصورة الجديدة
والتوقيع الجديد كمان

[جنان الفردوس]

اه شوفتها..
بس صورة ابن البلد مافيهاش لون ازرق خالص..
مش عارفه بس اعتقد انهم مش شبه بعض..
طب نسأل بسنت..
هل الصورة كاملة ام هذا جزء منها..( نعم كاملة/ لا ليست كاملة)
هل قمت بتغير اللون الأصلي للصورة ان ان هذا لونها الأصلي.. ( نعم قمت بتغييره/ لا لم اغير الللون الأصلي..)
بس خلاص كده هنقدر نعرف هي دي صورة ابن البلد ولا لا
:5: :5:

[وادكول مش معقول]

ههههههههههههه ما تتكلموا في التليفون احسن هههههههه

بنت مصر لهيتكم بالصورة دي وراحت قاعة تانيه ههههههههه

تقريبا والله اعلم كانت بتوزعكم من القاعة ههههههههه





ع العموم استمروا استمروا ليكم 1587146874585455 محاولة فاضلين ههههههههه

[n3na3aah]

:D:D:D:D:D:D:D


ضحكتوني ولله دمكوه زي العسل بس ازاي مش عارفيين لؤلؤه المنتدي :1: ازاي


ماشي عمتن اعتقد اناها لؤلؤه و انتظر الاجابه

[بنت مصر]

يا اهلا ويامليون وسهلا بالجميع

ما شاء الله عليكي يا طعمة اجابتك صحيحة الف مبرووووووووووك



وانتظروني في السؤال القادم




بسنت

[ابن البلد]

:)

[بنت مصر]

(2)

صورة جديدة يا تري حتتعرفوا عليها
انا سهلتها لكم خالص وروني النباهة بقا

[te3mah]

طب هي صورة رمزية لأحد أعضاء المنتدى ؟

[بنت مصر]

لا يا طعمة
اسألي كمان وانا اجاوب بايوة او لا



بسنت

[te3mah]

طب هي صورة توقيع لأحد الأعضاء ؟

[بنت مصر]

برضه لا
بس ممكن تكون عند معظم الاعضاء

شفتي بقا اني مش مسحوبة من لساني وبجاوب بس بايوة أو لا :5:

[te3mah]

مش عارفة ليه حاسه إنها صورة بوجيه عربية :5: :5: :5: :5:

[بنت النيـل]

كاتب الرسالة الأصلية : te3mah
مش عارفة ليه حاسه إنها صورة بوجيه عربية :5: :5: :5: :5:

خخخخخخ

وانا كنت ح اقول يامساء البوجيهات :5::5:

ابتديتوا المسابقة ياعفاريت

[te3mah]

غُلُب حُماري :2: :2: :2: :6: :6: :6:

[بنت مصر]

طيب حقرب لكم الصورة شوية

بس لو ماعرفنهوش حطربق المنتدى :5:

[te3mah]

موبايل
هييييه
عرفتها أخيرا

[بنت مصر]

برافو يا طعمة وليكي نقطتين نضاف
بس في نقطه منهم متوسخة شوية
عشان طلعتي روحي فيها :5:


بسنت

[بنت النيـل]

سبقتني ياطعمة

طب لو شاطرة تقولي ايه النغمة الموجودة في الموبايل ده

خخخخخخخخخ

[te3mah]

طب لو شاطرة انتي قوليلي الرصيد المتبقي فيه كام
:5: :5: :5: :5: :5: :5:

[بنت مصرية]

ده موبايل ولا ايه يا بنت مصر

[بنت مصر]

ايوة يا بنت مصرية موبايل بس طعمة خلاص حلته


تابعي المسابقة وان شاء الله تكسبي معانا وتتقاسمي انتي وطعمة :5:


بسنت

[بنت النيـل]

مممممم

نتاقسم على ايه ؟؟

هو فيه اكل ولا موبايلات هدية

ولا يكون فيه كام يوم اجازة في اسكندرية على حسابك يابسنت ههههه

[بنت مصر]

دي ايه الليل اللي مش فايته دي :77:
انا ايه اللي مسهرني لحد دلوقتي؟؟ :99:
انا شايفة اني اروح اريح جتتي احس شقيانة طول النهار :38:


:108: :108: :108: :108: :108: :108:

[بنت النيـل]

تؤ تؤ تؤ

مافيناش من الحركات اللى من غير شعر دي يابسنت

تهربي شمال تهربي يمين فيها كام يوم عندكم :cool:

ماتحاوليش

تريحي جتتك تريحي نفسك
برضه ح تريحينا وتستضيفينا عندك وخصوصا اني ماصيفتش لغاية دلوقتي :5::5:

[جنان الفردوس]

هيييييييه هييييييييه..
عرفتها .. عرفتها..
دي صورة موبايل..
صح ولا غلط..

[بنت مصر]

هههههههههههه حبيبتي جنان الفردوس
طعمه عرفتها من اد 3 شهور :5:


بسنت

[جنان الفردوس]

اه ما انا اخدت لبالي بعد كده..
انا مش عارفه الايام دي بتحصل لي حاجات غريبة..
بتوه في المواضيع ..وبلخبط في الاسماء..
مش عارفه .. اعتقد ان ده مرض ولازم اتعالج منه..:5:
لو في حد يعرف دكتور شاطر يقولي ربنا يكرمه..
لحسن انا حالتي بقت صعبه خالص..

[بنت مصر]

زي انا ما توهت عن رد بنت النيل ولسة شايفاه دلوقتي

يابنت النيل انتي تنوري اي فندق وأي مطعم وبعد كده
وبرضه تيجي لي زيارة بس والنبي هاتي معاكي الساقع
وباكو شاي وشوية سكر ولو فيها ازعاج يعني


بسنت

[بنت النيـل]

كاتب الرسالة الأصلية : بنت مصر
زي انا ما توهت عن رد بنت النيل ولسة شايفاه دلوقتي

يابنت النيل انتي تنوري اي فندق وأي مطعم وبعد كده
وبرضه تيجي لي زيارة بس والنبي هاتي معاكي الساقع
وباكو شاي وشوية سكر ولو فيها ازعاج يعني


بسنت

سالخير

وكمان عايزاني اجيب معايا الساقع وشوية سكر وباكو شاي

ناقص كمان تطلبي شاي فتلة

ماهي هيصة بقى

ده بدل ماتقولي تعالوا يااهل القاهرة الغلابة اغذيكم وادوقكم سمك طازة ونضيف بدل السمك الكاوتش اللى بتاكلوه عندكم ده :6:

لا لا لا
زعلتيني صحيح

فين الصورة الجديدة ياهرابة :4:

[وادكول مش معقول]

كاتب الرسالة الأصلية : بنت النيـل


ده بدل ماتقولي تعالوا يااهل القاهرة الغلابة اغذيكم وادوقكم سمك طازة ونضيف بدل السمك الكاوتش اللى بتاكلوه عندكم ده :6:





سمك ايه ؟؟؟ :rolleyes:
انتي داخله علي طمع ولا ايه ؟؟ :confused::confused: حاجة غريبة والله .. :confused:

يلا يا ستي:4: انا هاكلك سمك بما اني عازمني عند بنت مصر غتاته ورمي هلب علي سمك وجمبري جامبو حجم عائلي بس متخليش حد تاني ينط في الغدواية .....


معلش:3: بقه .... تعالي بس ايدك تتمد علي جمبرياية :1:واحدة مش هيحصل طيب .:mad::mad:.. سمك وقلنا ماشي

[بنت مصر]

ههههههههههههه مش سامعة

[وادكول مش معقول]

سمعه تقييييييييييييييييييييييييييييييييييل

اقعدي وريجي كده وركزي وطرطقيلي ودانك كويس وبلاش تتخضي

[بنت مصر]

طيب احسن ما دمت مش فاهمة
نخلينا في المسابقة


ونشوف الصورة بتاعة النهاردة ايه

[جنان الفردوس]

دي صورة كرسي..
صح..
مش ده chair.. ولا انا غلطانه..

[بنت مصر]

صح يا جنان الفردوس

هو فعلا كرسي

وبكده يبقى طعمة نقطتين وجنان نقطة




بسنت

[ابن البلد]

:)

[بنت مصر]

طيب انا حعمل المرة دي المسابقة ماتينيه
عشان يشترك فيها اعضاء السواريه والماتينيه



والصورة النهاردة لحاجة حلوة يارب تعرفوها

[ابن البلد]

فرخه :D

[بنت مصر]

صح فروج يا ابن البلد
ان ماكانش ابن البلد عاشق الفراخ يتعرف عليها
يبقى مين اللي حيعرفها بقا !!




طعمة نقطتين
جنان الفردوس نقطة
ابن البلد نقطة

وانتظروني في الصورة الجاية


بسنت

[ابن البلد]

طيب مش هاين عليكي ترفقيها من غير النغبشه يعني كمان مليش نفس أشوفها وهي مش منغبشه ههههههههه

[بنت مصر]

يووووووووه نسيت اهي طيب واسفة يا احمد

[n3na3aah]

انا محلتشي حاجه عايزه حاجه احلها بلييييييييييييييييييييييز

[أشجان الليل]

:2:

وأنا كمان...

ماليش دعوه...
أنا كمان عاوزه..

[lina]

ونا كمان هههههههههههه
لعبه جميله يا بسبوسه

باي باي
لينا:)

[بنت مصر]

الصور الجاية محتاجة تركيز
لاني شايفاكم بتعرفوها على طول
وانا طبعا عاملة المسابقة دي مش عشان
التسلية وانما عشان اعقدكم :5:



خدوا بالكم وركزوووووووووووا

[te3mah]

دي صورة عربية يا بسنت :)

[بنت مصر]

ما شاء الله عليك يا طعمة
اعمل الصورة سودا طيب والا اعمل ايه
ذكية ونبيهة اسم الله عليكي يا ست طعمة :5:


والنتيجة دلوقتي :

طعمة 3 نقاط
جنان الفردوس نقطة
ابن البلد نقطة


وانتظروني في السؤال القادم حخليه لكم طشاش :D


بسنت

[بنت النيـل]

انا كمان نفسي في نقطة

اخد نقطة يعني

دايما باجي متأخرة كده :)

[Mrs. Virgo]

لعبه جممميييله قوي يا بسبوسه ..

انا عايزه العب كمان .. :)

[بنت مصر]

حالا حتلعبوا
بس ركزوا انا بجهز الصورة أهو


بسنت

[بنت مصر]

صورة المرة دي صعبة شوية
واللي حيعرفها بقا يبقا انا
حروح اشوف لي شغله تانية :5:


في انتظار ردودكم

[te3mah]

متهيألي والله أعلم إن دي صورة برج سله basketball
صح؟

[بنت مصر]

غلط يا طعطوعة كان نفسي تاخدي النقطة
وتكيدي الاعادي بس فكري كويس وانتي تعرفيها

بسنت

[te3mah]

طعطع .... وطعطوعة ....!!!!
أنا بقيت حاسه إن ناقصني شوية كزبرة ناشفة وأتقلي في الزيت :D :D :D :D :D

[أشجان الليل]

ممكن تكون أباجورة مثلا؟؟

[جنان الفردوس]

اعتقد انه واحد بيقرا كتاب
يا اما صورة براود مسلمة..

[بنت مصر]

هي فعلا اباجورة
وبكده تكون النتيجة كالتالي

طعمة : 3 نقاط
جنان الفرودس : نقطة
ابن البلد: نقطة
اشجان نقطة

مبروك يا اشجان


وانتظروني في الصورة القادمة

[جنان الفردوس]

متتأخريش لو سمحتي..
انا مستنية على نار..

[بنت مصر]

أنا جيت اهو
ومعايا صورة جديدة


يلا بقا وروني الشطارة

[وادكول مش معقول]

هههههههه لا مؤاخذه بس يا بسنت
كنت عاوز اسال السونار ولا الاشعة دي بتاعت مين هههههههه

[بنت مصر]

ركز شوية يا كول
ومش عايزة اقول انك قربت

[ابن البلد]

هي فعلا منجيش غير كده يا كول



او يمكن تطلع بيضه

:D

[بنت النيـل]

هي شكلها ستارة وراها حاجة منورة

تنفع ؟؟

[بنت مصر]

لا يا أحمد ركز شوية
وانا ححط الصورة بعد التسهيل شوية

[بنت مصر]

برضه غلط يا بنت النيل
وانتي كده بعدتي خالص

[بنت النيـل]

يبقى جنين في بطن أمه

[ابن البلد]

برضك متجيش غير عود كبريت او لسان واحد أو شخبطه وخلاص
مش واضحه خالص

[بنت مصر]

طيب كده؟

[ابن البلد]

مدخنه دي ولا منارةولا أيه الموضوع
منار ههههههههه بيفكرني بأسم عزيز عليا هههههههه

[بنت مصر]

لا يا ابن البلد ولا مدخنة ولا منارة
بس ايه هي المنارة تقصد مقابر المنارة:5:

[te3mah]

أعتقد إنها كاميرا

[بنت مصر]

برافو عليكي يا طعطع شاطرة ونبيهة ما شاء الله :17:

هي فعلا كاميرا وتسحقي النقطة


وبكده تكون النتيجة
طعمة : 4 نقاط
جنان الفردوس: نقطة
أشجان الليل: نقطة
ابن البلد: نقطة



الف مبروك يا طعمة


وانتظروني في الصورة القادمة


بسنت

[بنت النيـل]

:( :(

ممممم

طيب ليه ماحطيتيش الصورة السهلة دي من الاول

[بنت مصر]

يا سلام يا اساذه بنت النيل
انتي بالذات ما تتكلميش عن
السهولة والصعوبة

خليني كاتمة في قلبي وساكتة احسن انا مبؤءة منك


شدي حيلك في الصورة الجاية

بسنت

[العمدة]

أيوه يابسنت ليكِ حق

دي عليها اسئلة عقدتني :)

قال مين الشاعر اللي كتب شعر .. وكان بيصنع أدوية .. واشتغل في الفلك

يالطيف :):):)

[بنت النيـل]

كاتب الرسالة الأصلية : العمدة
أيوه يابسنت ليكِ حق

دي عليها اسئلة عقدتني :)

قال مين الشاعر اللي كتب شعر .. وكان بيصنع أدوية .. واشتغل في الفلك

يالطيف :):):)


:eek::eek::eek:

[العمدة]

:5:


:5:


:5:

[ابن البلد]

كاميرا



طيب

[بنت مصر]

الصورة الجديدة سهلة جدا
وان شاء الله حتعرفوها بسرعة
بس ركزوا وبحلقوا كويس ..

[te3mah]

ده مفتاح انجليزي

[بنت مصر]

مش انجليزي يا طعمة
قوليها بقا تاخدي النقطة

[te3mah]

ولا تزعلي يا ستي
مفتاح فرنساوي :D :D :D

[بنت مصر]

هههههههههه طيب يا طع طع

خدي المفتاح اهو ومبروك عليكي النقطة


النتيجة حتى الآن
طعمة : 5 نقاط في وش العدو
جنان الفردوس: نقطة
أشجان الليل: نقطة
ابن البلد: نقطة

وانتظروا الصورة القادمة :)

[جنان الفردوس]

لا بقى كده مش هينفع..
انت بتنزلي الصورة وانا مش موجودة وطعمه هي اللي بتلحق الصورة دايما..
انا عايزة صورة ليا ماليش دعوة..
:2: :2:

[te3mah]

لأ معلش يا بسنت
النقطة الأخيرة مش من حقي لإني استنتجت خطأ
أنا كنت اقصد المفتاح اللي بيستخدمه الميكانيكي .... عارفاه ؟
اللي بيبقى عامل زي الهلال في آخره
ماكنتش أقصد مفتاح عادي
أعتقد كده النقطة مش من حقي:)

[وادكول مش معقول]

متزعليش يا جنان وبطلي عياط بقه مش كل حاجة تتقمصي كده ....
خدي اعرفي الصورة دي كده ولو عرفتي ليك باكو شيكولاته
( بس متاخد منه قطمة ... انا بقولك من دلوقت علشان متحمرقيش )

[Mrs. Virgo]

شهووووده . ..

صح يا رامي !!!

انا الفايزه المره دي .. :)

[وادكول مش معقول]

شاطرة يا ميسة ....

انتي صح .... وبما اننا اصحاب .... باكو الشيكولاته ليكي بس مش ناقص قطمة



ناقص نصه هههههههههه

[Mrs. Virgo]

:rolleyes: مش شكلها زي ما يكون طبخينها مع بعض :rolleyes:

يلى مش مهم .. ;)
ربنا يخليهالك .. وتفرح بيها في كل حاجه .. :)

[وادكول مش معقول]

ههههههههههههه
طيب نديهم صورة تانية وسهلة قوووووووووووووووي بس بشرط يقولوا ايه الحاجة دي ونوعها ايه ههههههههه كده نرجعها صعبة تاني كمان بدالها بدل ما يفتكروا اننا طبخينها لا سمح الله



بس من غير باكو شيكولاته بقه مش طالبة غرامة ووجع سنان ههههههه

[ابن البلد]

بسم الله الرحمن الرحيم
اللهم صلي علي النبي

مشاء الله يا واد يا رامي البنمت أحلوت مشاء الله وخمسه وخميسه في عين أي حد حتى في عينك أنت كمان


ربنا يخليهالك يا كول يا رب وتبقه أحلي وأحلي من كده

[ابن البلد]

موبيل مكعبر ههههههههههه :5:

[Mrs. Virgo]

موبيل باناسونيك .. :)

[بنت مصر]

صحيح يا كول ايه الموبايل المكعبر دا
يعني انا قلت ورايا ناس يقوموا بالمسابقة
الاقيك تختار موبايل طالع من بؤ معزة :5:

بس على فكرة يا كول شودي احلوت وبقت اموره خالص
ما شاء الله ربنا يخليها لك يارب

خلاص يا طعمة بلاها النقطة نلغووووها بس بقا ركزي شوية
في النقطة الصورة الجاية وانتي تاخديها بجدارة

انا خلاص جهزت الصورة ويلا بقا شدوا حيلكم

[العمدة]

لآ معلهش هو نوكيا :)

[بنت مصر]

نوكيا ايه ياعمدة:1::D

[العمدة]

النوكيا للصورة اللي قبلك يا بسنت :)

دي ولمؤاخذه جوز جزمة ناقص فرده :)

[بنت النيـل]

صندل حريمي بكعب عالي

سالخييييير

[العمدة]

هانقطع على بعض واحنا ولاد حارة واحدة :)

ماكانش العشم :)

[العمدة]

يعني يابسنت فين الإجابة ..

كده أنا سايب الدوار يقلب يعدل :(

وكل الغفر قبل ما حتى ماكتب الإجابة قالوا الإجابة صُح :)

بلاش كسوف بقى :)

[بنت مصر]

صح يا عمدتنا برافو عليك :17:
الحمد لله ان هريدي مش مشترك
في المسابقة دي وانك اشرفت
على الاجابة بنفسك :5:



يا بنت النيل كده تطيري مننا نقطة
اهو كده واحد من الرجالة لطش نقطة اهو :32:


عموما يا عمدتنا الف الف مبروك عليك النقطة

ويارب تستمر معانا لاخر المسابقة



ريبورت المسابقة:
طعمة: 4 نقط
جنان الفردوس: نقطة
ابن البلد: نقطة
أشجان: نقطة
العمدة: نقطة


تمنياتي بحظ سعيد للجميع واستنوني جاية تاني بصورة معقدة :19:


بسنت

[بنت مصر]

اهو رديت يا عمدتنا شوف بقا اجابتي في مسابقتك من اكون
صح والا غلط قول صح وباظي لي عشان اباظي لك نقط :D


بسنت

[جنان الفردوس]

لا انتوا بتضحكوا عليا وبتنزلوا الصور كلها وانا مش موجوده..
لا ده ظلم..
ماليش دعوة ..انا عايزة صورة ليا .. اشمعنى انتوا..
وعايزة شوكولاته كمان ..اشمعنى لميس..
:2: :2:



انا عايزة اقولك يا كول ان شؤدد حبيبة قلبي بقت زي القمر.. ربنا يحفظها ويحميها ويخليك ليها..
يا ريت تبقى تقولها ان البت آية بتسلم عليها..:5:

[بنت مصر]

الصورة الجديدة وصلت
وهي برضه سهلة خالص
اصلكم صعبتوا عليا

ركزوا فيها وانت حتعرفوها على طول

واسفة اني حطيت الصورة في مكان خطأ
بس المشكلة اني كان عندي شغل متلتل
وما كنتش شايفة قدامي الصبح


يلا بقا خليكوا في الصورة

[te3mah]

أعتقد إنها بُرنيطه

[بنت مصر]

صح يا طعمة برنيطة وبكده تكسبي نقطة جديدة
الف مبروك عليكي النقطة حبيبتي


وبكده تكون النتيجة
طعمة: 5نقط
جنان الفردوس: نقطة
ابن البلد: نقطة
أشجان: نقطة
العمدة: نقطة


وانتظروا الصورة القادمة

[بنت مصر]

صح يا طعمة برنيطة وبكده تكسبي نقطة جديدة
الف مبروك عليكي النقطة حبيبتي


وبكده تكون النتيجة
طعمة: 5نقط
جنان الفردوس: نقطة
ابن البلد: نقطة
أشجان: نقطة
العمدة: نقطة


وانتظروا الصورة القادمة

[وادكول مش معقول]

شهوده بتقولكم مرسي جداااااااااااااااااا كلكم ....




وعلي فكرة يا بنت مصر .... العمدة نقطتين لانه هو اللي عرف ان الموبيل .......... نوكيا

( مكعبر علشان فيه كاميرا فيديو مش تصوير بس )

[Mrs. Virgo]

:( ايه الظلم ده ..
وفين النقطه بتاعتي ! !! مش انا إلي عرفت صورة شهد !!

:( خلاص مش هلعب معاكم ثاني :(

[العمدة]

فيك الخير والله ياوادكول :)

تحياتنا جميعاً لشهود الأميرة الجميلة :)

أصل الحكاية ياوادكول أن جنس حواء بيتعاطف مع بعضه :)

ربنا موجود :) :) :)

[بنت مصر]

طيب والله ماهزعلكم


النتيحة هي
وبكده تكون النتيجة
طعمة: 5نقط
جنان الفردوس: نقطة
ابن البلد: نقطة
أشجان: نقطة
العمدة: نقطتين
ميس فيرجو : نقطه

:5: :5: :5: :5: :5:


وانتظروا الصورة الجديدة بعد شوية

[العمدة]

يحيا العدل :)



أهو ده الكلام :cool:

[ابن البلد]

ابن البلد نقطة

ليه هو أنا مش قلت أن فيه موبايل مكعبر

:o

[بنت مصر]

عدل برضه يا عمدة
طيب دا انا خايفة اتحط
قدام محكمة العدل الدولية
بتهمة التخابر مع جهات هريدية :5:



يادي الحوسة :5: يا ابن البلد
انتوا باين عليكم بتستكردوني عشان انا طيبة وبتصعبوا عليا :66:

[العمدة]

أحنا ناس نحب الشغل :)

فين الصورة :)

[بنت مصر]

أهي

[العمدة]

صعبه شويه يا بسنت ..

مأذنه ؟ واجهة مسجد ؟ حاجة زي كده .. ولا بعدت أنا ؟

[بنت مصر]

طيب يا عمدة بص عليها من اطارها الخارجي
وبلاش تدقق في تفاصيلها وانت حتعرفها

[te3mah]

دي نظارة يا بسنت :)

[بنت مصر]

طعطووووووووعة برافوووووووووو

فعلا نضارة يا قمر
برافو برافو برافو

شطووووووووووورة


اكتساح يامشرفة كل البنات :5:

[العمدة]

مش واضحة معاي أبداً :)

يمكن علشان مش بلبس نظارة :)

هي طعمة دخلت في الخط :( ياخسارة هاتعرفها هاتعرفها :)

[العمدة]

كتبت المداخلة قبل بسنت ما تقول

مادام طعمة هنا .. هاتعرف هاتعرف :)

بس بجد تستاهل الإكتساح :)

[te3mah]

وجون وجون وجون وجووووووون :D

الله عليكي يا طعمة .... الله عليكي :5:

معلش يا عُمدة ;)

hard luck :p

[جنان الفردوس]

لا ده ظلم..
ماليش دعوة..
انا عايزة صورة ليا وانا هعرفها على طول..
انتوا مش بتنزلوا الصور وانا موجودة..
:2: :2: :2:
انا عايزة صورة ماليش دعوة..:(

[بنت مصر]

طيب انا النهاردة ححط لكم الصورة بدري
لاني احتمال انشغل طول اليوم


بس الاول عاوزة اعرفكم النتيجة

طعمة: 6نقط
جنان الفردوس: نقطة
ابن البلد: نقطة
أشجان: نقطة
العمدة: نقطتين
ميس فيرجو : نقطه

مبروك يا طعطوووعة وحظ اوفر للجميع


بسنت

[بنت مصر]

الصورة الجديدة وصلت

وروني الشطارة ونشوف مين اللي حيعرفها

[العمدة]

ممكن يكون فنجان قهوة :)

[بنت مصر]

هو فعلا فنجان يا عمدة الف الف مبروووووووووووك
على النقطة القوية وعقبال المرات الجاية


النتيجة دلوقتي بقت


طعمة: 6نقط
جنان الفردوس: نقطة
ابن البلد: نقطة
أشجان: نقطة
العمدة: 3 نقطات
ميس فيرجو : نقطه

مبروك يا عمدتنا العبقري بس اوعا هريدي يكون بيغششك :D

[العمدة]

الله عليكِ يا بنت مصر :)

أيوه كده .. أحسن نتفضح في المنتديات اللي جنبا :)

ويقولوا سيدات وأنسات المنتدى في اللؤلؤة .. غالبين الرجالة :(

تبقى حوسة :)

مع أن الفارق لسه كتير ..


أين أنتم يا رجال المنتدى هلما يا رجال :)

[بنت مصر]

طيب انا عاوزة اخد رأيكم في حاجة
ايه رأيكم لو حطيت شخصيات


انا حستمر شوية في صور الاشياء
لو عاوزين شخصيات قولوا لي
وابقا اعملها لكم عشان
تتكلكع زيادة :5:



محدش أدك يا عمدة عيني عليك باردة وتلمة ورزله ورخمه :D



بسنت

[بنت مصر]

يووووووووووووه نسيت احط الفنجان


بس هو فنجان شاي ولكن انا كنت
عاوزة اعرف هو ايه مش ايه اللي جواه

[العمدة]

فكرة رائعة :)

بس تكون شخصيات معروفة :) مش من زمن هريدي أخناتون :)


أفكارك هايله يا بسنت .. موافقون :)

[بنت مصر]

طيب يا عمدة نشوف رأي الباقيين لاني سمعت
انها حرام انا مش عارفة صدق الكلام دا من عدمه

فياريت اللي يعرف يقول ولو حاخد التأشيرة حنزل صور مشاهير


بسنت

[العاشق]

والله تسلم ايدك يا بنت مصر على الموضوع الجميل ده :)
انا مستنى المسابقة عشان انا أول واحد حأعرفه

[العمدة]

خلاص بئى أغلبية :)

[جنان الفردوس]

وأنا كمان موافقة ولو اني مبشفش الصور غير لما تحلوها..
بس يمكن بعد ما تتكلكع محدش يعرفها لحد مانا اجي..:5:

[n3na3aah]

طبعا عادي باجي لما تكوون السابقه اتحلت انا موافقه علي الاقتراح و علي راي جنان يمكن محدش يحل الا لما اجي

ياله اشوفكه تاني :cool: فوووووووو

فينك يا لينا يا بتاعه السباق انتي

[te3mah]

وأنا كمان موافقة على الشخصيات يا بسنت :)

والفرق مابقاش كبير يا عُمدة
التنافس احتد بيني وبينك
لما نشوف .... :)

[العمدة]

نحن لها :)


:)

[Mrs. Virgo]

انا أقول أنا اقول .. انا اقول ..

بس هي فين الصوره يا بسنت ..
مش معقوله التأخير ده ..

:)

[العمدة]

أه هي فين فين ؟

[بنت مصر]

طيب حالا يا لميس ويا عمدة

ثواني بس بجهزها لكم والله

[بنت مصر]

الصورة لشخصية معروفة
وهي صورة جانبية

واسألوني الاول وانا اجاوبكم



بسنت

[Mrs. Virgo]

:rolleyes: حرام عليكي يا بسنت هعيط والله :rolleyes:
انا ما ليش في الشخصيات خالص !!!

اشمعنى على حظي يعني !! :6:

ده مين ده (نجيب محفوظ)

هو كاتب صحفي !!

[العمدة]

خيانة :)


هي فين الصورة ؟

[العمدة]

السادات ؟

[بنت مصر]

معلش يا لميس يا حبيبة قلبي
العمدة ناوي يحطم الارقام القياسية


هي فعلا يا عمدة شخصية السادات

الف مبروك عليك النقطة ياعمدة


وبكده النتيجة بقت
طعمة: 6نقطات
العمدة: 4 نقطات
جنان الفردوس: نقطة
ابن البلد: نقطة
أشجان: نقطة
ميس فيرجو : نقطه



وحظ طيب لجميع البنات وحظ نص نص لكل الرجال :5:


بسنت

[العمدة]

علشان بس تعرفوا لما نتحدي :)


شكراً يا بنت مصر يا غالية :)


وفين اللي بعدها ماعندناش وقت :)

[بنت مصر]

لا بقا استنا لو ترجع هدافة المنتدى طعمة

انا مش شايفاها اون لاين


والا الدوري حيروح مننا :5:



بسنت

[العمدة]

:5:


المهم أن الدوري سيذهب لأصحاب النفس الطويل :)



:5:

[Mrs. Virgo]

:2: :6: الله يسمحك يا بسنت :2: :6:

وانا مالي ومال السادات ده !!
كنت شفته فين يعني !!!!!
علشان اول ما تقوليلي صورة مين دي اقولك هو !!!!

كنت حطيلي صورة ريكي ولا انريكي .. :2::6:

او صورة اريكه حتى :6::2:


طيب انا مستنيه الصوره الجديده :o

[te3mah]

كاتب الرسالة الأصلية : بنت مصر
لا بقا استنا لو ترجع هدافة المنتدى طعمة

انا مش شايفاها اون لاين


والا الدوري حيروح مننا :5:



بسنت
لأ مش هيروح مننا بإذن الله :)
واحنا بنسخن بس :D
والعبرة في النهاية :cool:

وإن كنت ناسي أنا مش هانسى
6/1 في شهر خمسه :D

[ابن البلد]

6/1 في شهر خمسه هههههههههههههههه

سنه كام والنبي بيتهيألي 2002 يوم 16 يبقه ميلاد يوسف ههههههههههههههههههههه

[te3mah]

كاتب الرسالة الأصلية : ابن البلد
6/1 في شهر خمسه هههههههههههههههه

سنه كام والنبي بيتهيألي 2002 يوم 16 يبقه ميلاد يوسف ههههههههههههههههههههه
ههههههههههههه
إيه يا ابن البلد
انت مش فاكر ماتش الأهلي والزمالك
اللي الأهلي فيه غلب الزمالك 6/1

[العمدة]

ماحدش ينسى الهزيمة الرهيبة دي إلا لو كان واحد

زملكاوي :)

وهانعيدها تاني .. الأهلي حديد :)

[بنت مصر]

طعمة والعمدة اهلاوية
يبقى انتوا الاتنين مالكوش عندي ولا نقطة :5:

[العمدة]

هي طعمة إهلاوية :)


علشان كده أنا بأقول طعمه بيبو :)


كده أنا استريحت :) لما تكون هدافه المنتدى أهلاوية ..


مفيش مشكلة :)


واللي مش عاجبه ..






































يشجع الأهلي :)

[بنت مصر]

طيب اتفضلوا الصورة دي
وهي صورة جانبية لاحدى
السيدات المعروفات جدا

وروني بقا شطارتكم

[te3mah]

الملكة إليزابيث ملكة بريطانيا

[te3mah]

معلش يا بسنت
أما باحبك آه على عيني وعلى راسي
بس أنا فعلا أهلاوية :D
وبإذن الله تحضري جلستين معنا كده أنا والعمدة هتبقي كويسة قوي وعال العال :5: :5: :5:

[te3mah]

وباعيد الإجابة تاني علشان لو ماخدتيش بالك منها

هي صورة الملكة إليزابيث ملكة بريطانيا

[بنت مصر]

طعنتيني في قلبي يا طعطوعة يا اهلاوية


وعشان كده على طول ربنا انتقم هي مش اليزابيث


اسأليني شوية عشان اساعدك


بسنت

[العمدة]

الأميرة ديانا ...؟

[بنت مصر]

غلط برضه وحسهلها لكم شوية

[te3mah]

أم كلثوم طبعا :)

[بنت مصر]

برافووووووووووو يا طعطوعة

هي فعلا ام كلثوم كوكب الشرق

وانا بصراحة حبيت اجيبها صورة جانبيه
عشان لو من الواجهة نضارتها حتخليكم تعرفوها على طول


بس برضو انتي شطورة

[العمدة]

لآ بئى .. ده ظلم :)

ما شفتش التسهيل بصراحة :(

ولو شفتها .. واضحة وضوح الشمس :)

كده يابسنت :( طيب :)

مبروك يا طعامه .. أحنا ولاد فريق واحد :)

واللي عندك أحسن من اللي يروح للزمالكاوية :)

[بنت النيـل]

لا بقى

الحكم موالس

شيلوا الرف :5::5::5:

[ابن البلد]

أيه الموضوع بقه
؟؟

انا مش هجاوب تاني انا نقطي مبتتحسبش جاوبت سبع مرات ولسه عندي نقطة واحده :(

[بنت مصر]

هههههههههههه طيب استنوا بقا في صورة تحت الاعداد


شدوا حيلكم بقا




بس خلوني اقول لكم على النتيجة في السريع


طعمة: 7 نقطات
العمدة: 4 نقطات
جنان الفردوس: نقطة
ابن البلد: نقطة
أشجان: نقطة
ميس فيرجو : نقطه


بسنت

[بنت مصر]

الصرورة الجديدة اللي انا منزلاها دلوقتي
هي شخصية رجل معروف على قيد الحياة

بس مش عارفة ليه قلبي حاسس
انكم حتصعبوا على بعض وكل
واحدفيكم حيتنافس في انه
يتنازل عن نقطته للتاني
اصلكم حنينين اوي:5:



ويلا فكروا فيها بقا وقولوا لي هو مين؟؟؟؟؟

[ابن البلد]

حي مش حي مش هقول

[بنت مصر]

آل يعني عارف هو مين يا ابن البلد :97:

[ابن البلد]

لا مش عارف هو مين
بس مش هحاول أجهد نفسي
نقطي مباخدهاش لما بجاوب صح فخلاص بقه :p

[te3mah]

ده نور الشريف يا بسنت

[بنت مصر]

لا يا طعطع ركزي شوية

[te3mah]

طب هو ممثل ولا رجل سياسي ؟!!!

[بنت مصر]

رجل سياسي

[العمدة]

في منصب وزاري ولا أكبر ؟

[العمدة]

ممكن الريس الكبير :)

[العمدة]

فين الإجابة ؟

[بنت مصر]

مش الريس الكبير يا عمدة

[العمدة]

مصري ولا عربي ؟

[بنت مصر]

ولا مصري ولا عربي ياعمده
لو عاوزين اقرب لكم الصورة
شوية مفيش مانع


بسنت

[العمدة]

رئيس أمريكي سابق :)

[بنت مصر]

لا

[العمدة]

سياسي ومعروف .. وعلى قيد الحياة , مش عربي ولا مصري ..

ومش رئيس أمريكي ..

وأكيد مش كوفي أنان ؟


طيب ممكن تقربي الصورة شوية ؟

[بنت مصر]

لا مش كوفي انان

وادي الصورة وهي متبسطة

[te3mah]

معقولة ممكن يكون شارون

[العمدة]

سياسي أفريقي ؟

[te3mah]

هو شارون يا بسنت ... صح ؟

[العمدة]

بنت مصر مش معانا :)

[بنت مصر]

ايوة يا طعطوعة هو اللي ما يوعا اللي ما يتسمى شارون
وعشان كده انا في الاولكنت ان النقطة دي الكل حيتسابق
انه يتنازل عنها لحد تاني

[te3mah]

يحيا العدل :)
خدك ربنا يا بعيد أخذ عزيز مُقتدر
اللهم آمين

[ابن مصر]

فكرة جميلة جميلة جدااااااااااا

[بنت مصر]

ابن مصر الغالي هنا اهلا ومليون وسهلا
على مرورك وتشجيعك لي الدائم يا عماد :)


ومبروك يا طعمة النقطة الثمينة




بسنت

[ابن البلد]

علي فكرة يا بنت مصر
التسهيل الل عملتيه ده
يخلي أي حد ياخد الصورة ويعكس الالوان علي أي برنامج وطبعا هيعرف هو مين ده
لان بكل المقاييس الصورة بتاعت المسابقه لا تمت بصله للشكل الحقيقي لشارون حتى بعد ما ظهرت الصورة الفعليه فالشكل مش واضح

[العمدة]

من ناحية لاتمد بصلة .. لا تمد بصلة :(

بس لو الحكاية كده .. ها نعيد المسابقة ومن غير توضيح :) أه :)

فين الصورة ؟

[بنت مصر]

طيب حالا اهو يا عمدة
والله ورايا شغل متلتل
وكمان مركزة شوية
في شغل اداري في المنتدى


3 دقايق بالظبط

[بنت مصر]

الصورة جاهزة اهي ويلا وروني مين حيعرف صاحبة الصورة

[te3mah]

إيه يا بسنت ده
انتي مصورة الستارة اللي عندكوا في البيت وجايبلنا الصورة تضحكي علينا بيها :D

لأ بس القماش باين عليه حلو ومن الغالي
ده من الوكالة ولا الأزهر ؟
:5: :5: :5: :5: :5:

[te3mah]

طب هي صورة ممثلة ولا مطربة ؟

[ابن البلد]

ستارة
وشبح

نعرف منين بقه
باين عليها أنغام هههههههههههههههه

[العمدة]

لآ بئى موضوع بنت النيل أرحم :)

[ابن البلد]

بتاع أيه يا عمده قولي والنبي يمكن أروح فيه وأريح دماغي من المسابقه شوية لحسن جاوبت علي كل الصور لحد دلوقتي
وعايز أسيب المنافسه للناس بقه هههههههههههه

[n3na3aah]

ه ايه ده يا بسنت ده لولا انك قلتي انها وحده مكونتش عرفت لا وضحيها شويه و بعديين متخلييش حد غيري عشان اجاوب :2::2:

[العمدة]

والله يا ابن البلد يا غالي .. كلاهما أصعب من الأخر :(

بنت النيل مسابقة تقولك كلمتين لعالم من أكثر من ألف سنة

ويادوب تساعدك أنه تولد في كذا .. وتدوخ في البحث إنك تعرف

لاممكن أبداً :)

بنت مصر .. صورة على رأي طعمه .. ستارة .. قال إيه واحدة ..

واحدة إيه .. بتشتغل فين ؟ جنسيتها إيه ؟ أبداً ؟

يرضيك كده يا أبو يوسف :)

[ابن البلد]

ههههه لا ميرضنيش يا عمده أنا هعمل فيهم شكوي :)

[جنان الفردوس]

هههههههههه..
يا ربي يعني يوم ما أدخل وألقي السؤال محدش جاوب عليه ألقي صورة عفريت أزرق متصور من قفاه..
لا يا بسنت حرام عليك أنا أعصابي تعبت منك انت وبنت النيل..
أنتوا عملين المسابقات بتاعتكم للتعذيب مش اكتر..
:2: :2: :2:

[بنت مصر]

ههههههههههههه موتوني من الضحك

هي يا طعمة صورة مطربة

بس يا عمدة ويا نعانيعو يا ابن البلد ويا جنان الفردوس انا حسهلها
لكم شوية بس بقا ما تبقوش تشخطوا فيا بس بصراحة مش عارفة
ليه وانا بعمل الصورة كان عندي حالة غل ورغبة في الانتقام :5:

[te3mah]

مطربة مصرية ولا لبنانية ؟

[بنت مصر]

ههههههههههه لبنانية يا طعطووووعة

[العمدة]

نوال الزغبي ؟

[بنت النيـل]

نانسي عجرم

[العمدة]

أنا باقول عجرم :)

[العمدة]

المشكلة في العقد :)

أنا أعرف أنها مش بلبس عقد :(


غريبة !

[العمدة]

ياتخليكِ معانا يابنت مصر ..

وإلا المسابقة دي نخفيها :)

فينك أنتي ؟

[العمدة]

مفاجأة لو طلعت صباح :(

[بنت مصر]

يا عمده حعتبر اجابتك الاولي صحيحة ومش حبص على اللي تحتها
وحقول لك انها فعلا نوال الزغبي

[العمدة]

ياساتر :)

نشفتِ ريقي :)

طيب شكراً ;)

فين اللي بعدها :5:











:5::5:


نفسنا اتفتحت :) في ناس هاتموت :( ياحرام :( معلهش معلهش :) :5:

[te3mah]

كاتب الرسالة الأصلية : العمدة
نفسنا اتفتحت :) في ناس هاتموت :( ياحرام :( معلهش معلهش :) :5:
فكرتني بصرخة الصاعقة يا عمدة
:5: :5: :5:

هيبيض
هيموت
هيقلد الكتكوت :D :D :D

يلا مبروك عليك النقطة
بس ما تتعودش على كده كتير :cool:

[بنت مصر]

ازيكم يا جماعة وايه اخباركم
انا جايبة لكم صورة جديدة
بس واضح ان النساء حظهم في العالي
عشان كده صورة النهاردة لشخصية نسائية برضه
بس قبل ما تشوفوها عاوزة اعمل لكم ابديت للترتيب والنقاط:

طعمة: 8 نقاط
العمدة: 5 نقطات
جنان الفردوس: نقطة
ابن البلد: نقطة
أشجان: نقطة
ميس فيرجو : نقطه


واليكم الصورة اهي

[te3mah]

هي بوشها ولا قفاها يا بسنت ؟ :5: :5: :5: :5:

طب هي ممثلة ولا مطربة ؟

[بنت مصر]

هههههه قفاها
لا بوشها

[te3mah]

نقول نانسي عجرم

[بنت مصر]

لا مش نانسي يا طعطع


وحسهلها شوية اهو

[Mrs. Virgo]

:( سهليها شويه كمان :(
نفسي افوز في اي حاجه ..

[بنت مصر]

حاضر يا لميسة

[العمدة]

معالي زايد ؟

[بنت مصر]

لا يا عمدتنا

انا قربتها خالص

[العمدة]

يا بسنت أنتِ بتفتكري أنها ساهلة علشان إنتِ عارفاها :)

طيب ممثلة .. ولا مطربة .. مصرية ولا عربية ؟

[بنت مصر]

مش مصرية ولا عربية
ومش مطربة
وهي مش عايشة
ونقدر نقول انها
نوعا ما شخصية سياسية
انا كده سهلتها جامد جدا


ويلا اعرفوها بقا عشان انا مجهزة الصورة الجديدة وعاوزة انزلها




بسنت

[العمدة]

الأميرة ديانا :)


صح

[بنت مصر]

صح يا عمدة ومبروك عليك النقطة

وبكده بقا النتيجة تبقى

طعمة: 8 نقاط
العمدة: 6 نقاط
جنان الفردوس: نقطة
ابن البلد: نقطة
أشجان: نقطة
ميس فيرجو : نقطه

[العمدة]

مفيش حد عايز يقول مبروك :(


زي بعضه :) :) :)


نقولها لما الأهلي يفوز بأذن الله :)


ونغيظ اللي بالي بالي :)

[te3mah]

خيااااااااااااااانة :D

يعني أنا أرقدلي يومين في السرير ألاقيك يا عمدة قربت الفرق لنقطتين
ماشي يا عم ... ألف مبروك :)

[العمدة]

هي دي روح الفانلة الحمرا :)



الف مليون سلامة ياطعمه :)


انشالله هريدي :)


نورتِ بيتك :)

[te3mah]

الله يسلمك يا عمدتنا :)
وإن شاء الله اللي يكرهوك :D
ولتحيا الفانلة الحمرا :5: :D

[Mrs. Virgo]

:2: :6: :2: :6: :2:

[العمدة]

يا ميس الصورة اتعرفت :)

احنا منتظرين الجديدة :)


يلا شدي حيلك :)

[بنت مصر]

طعطوعة حبيبة قلبي والله لسة كنت حبعت
لك رسالة خاصة اسأل عليكي
الف الف سلامه عليكي
ربنا يديكي الصحة
يارب


ميس فيرجو حبيبتى الغالية
المرة الجاية حسهلها خالص
عشان نفسي تكسبي والله


العمدة ما حدش أدك عمال تقرب وما حدش عارف يحوشك


شدي حيلك يا طعمة


بس معلش نسيت احط الصورة الصحيحة


أهــــــــي

[Mrs. Virgo]

ايوه ما انا انتبهت بعد فوات الأوان ..
علشان كده غيرت اقوالي..

الله يسمحك بقى .. :(