اختار أفراد أسرتك من أعضاء المنتدى

[أشجان الليل]

اختار أفراد أسرتك..من أعضاء المنتدى..

فكرة من بنـــات أفكاري.. ويا رب تعجبكم كلكم..
إن كل واحد يختار أفراد أسرته كلها من أعضاء المنتدى..
أكتب اسم العضو المناسب أمام كل فرد..

1-والــــدتي.. (أكتب اسم العضوة التي تشعرك بعاطفة الأمومة. أو التي تتمنى أن تصبح والدتك)
2-والــــدي .. ( أكتب اسم العضو الذي تتمنى أن يصبح أباً لك..أو تشعر معه بذلك)
3-أختي الكبيـرة .. ( عضوه تراها/ ترينها أختاً كبيرة لك..)
4-أخي الكبيــر .. ( عضو تراه/ترينه أخاك الكبير..)
5-أختي الصغيـرة ..
6-أخي الصغيــر..
7-صديقي/صديقتي.. (عضو تتمنى أن يصبح صديقك بالفعل..أو عضو صديقك في الواقع)
8-فتى / فتاة أحلامك.. ( أكتب اسم العضو/ العضوة الذي/التي تتوافر به/بها أكبر عدد من مواصفات فتى/فتاة أحلامك.....المتزوجون يمتنعون...:D...)
9-ابنــــك.. (عضو تشعر معه أنه ابنك..)
10-ابنتــك.. (عضوة تراها ابنة لك..)
11-بواب العمارة التي ستسكن بها مع أسرتك تلك... (وبلاش تكتبوا كلكم ابن البلد كالعادة...أى نعم هو أمين جدا..وينفع للشغلانه دى..بس حرام عليكم..الولد يتعقد)


في الآخر اتمنى إن الفكرة تعجبكم...وياريت نشارك كلنا فيها

[n3na3aah]

جمييل يا اشجان
مع اني معرفشي الاعضاء كلهم لكن حشترك معاكي

1-والــــدتي.. بنت مصر بمووت فيها
2-والــــدي .. ابن البلد هوه اكييد مش اكبر مني للدرجه دي بس بجد بحس انه اب
لكل الاعضاء و انه بيحب كل الاعضاء
3-أختي الكبيـرة .. بسنت بجد هيه اكتر من اخت ليه
4-أخي الكبيــر .. بحر اسكندريه افادني كتير
5-أختي الصغيـرة ..جنان شقيه قوي اعتبرها اختي الصغيره مع ان عقلها
كبيير جدا و انا احييها جدا
6-أخي الصغيــر..اعتقد ملاك الحب
7-صديقي/صديقتي.. لينا شقيه و احب انها تكون صديقتي و اشجان و طعمه و كل بنات المنتدي
8-فتى / فتاة أحلامك.. لا معرفشي
9-ابنــــك.. يوسف هوه مش عضو بس اتمني ان يكون ليا ولد عسوول كده زيه
10-ابنتــك.. شهد شودي العسوله طبعا
11-بواب العمارة التي ستسكن بها مع أسرتك تلك...ميين يا تري مش عارفه بس انا حقوول كوول و مودو مشاكل عشان همه عفارييت و مجنني الاتنيين في المنتدي

تحياتي ليكي يا اشجان:)

عايزه اشوف ردك انتي كمان يا اشجان

[بنت مصر]

موضوع جميل يا اشجان

1-والــــدتي..
2-والــــدي .. يشرفني انه يكون أستاذ محي رغم انا بابا اكبر بكتير جدااا
3-أختي الكبيـرة .. طبعا طعمة في نفس سني تقريبا بس انا اتمني يكون لي اخت كبيرة في عقلها وطعامتها وأخلاقها
4-أخي الكبيــر .. طبعا ابن مصر وشمس وكوكب
5-أختي الصغيـرة .. بلا تردد نعنوعة العسولة بحبها اوي
6-أخي الصغيــر.. محمد البنيان وبحر اسكندرية
7-صديقي/صديقتي.. ابن البلد
8-فتى / فتاة أحلامك.. زوج المستقبل
9-ابنــــك.. عاوزاهم بنات كلهم
10-ابنتــك.. عاوزاها زي براود مسلمة
11-بواب العمارة التي ستسكن بها مع أسرتك تلك... مفيش بقا بوابين اصلهم عملة نادرة

[ابن البلد]

1-والــــدتي.. هبه

2-والــــدي .. ( مفيش حد ينفع للخناق معاه كل يوم )

3-أختي الكبيـرة .. بنت مصر

4-أخي الكبيــر .. ابن مصر / إسلام شمس الدين

5-أختي الصغيـرة .. انجل

6-أخي الصغيــر.. محمد علي محمد

7-صديقي/صديقتي.. هو فيه كتير اوي بس انا هخص بالذكر ميس فيرجو / خالد بن الوليد / أسامه يس / واد كول مش معقول

8-فتى / فتاة أحلامك.. هو فيه كتير أوي بس همتنع عن الذكر هو أنا ناقص

9-ابنــــك.. هو فيه زي يوسف يالهوي

10-ابنتــك.. كتير برضك بس هقول منهم لينا ونعناعه مع أنهم سنهم كبير بس ياله مش مشكلة :)

11-بواب العمارة التي ستسكن بها مع أسرتك تلك ابن البلد وواد كول مش معقول بيعرف يسيأ السلم كويس :)



شكرا يا أشجان علي الموضوع المحرج ده :) ;)
:141:

[ابن البلد]

علي فكرة يا جماعه
انا رديت والله قبل ما أقري الردود بتاعتكم
وبعدين قريتها
وعلشان كده


اشكرك يا نعناعه والله أنا بعتبرك بنتي برضك انتي ولينا مش عارف ليه مع اني أكب رمنكم بحاجات بسيطة هههههههه


و برضك بقه مش هشكر بنت مصر لان مينفعش اشكرها :)

[te3mah]

1-والــــدتي : للأسف مافيش بنت أكبر مني في المنتدى علشان أعتبرها والدتي .
2-والــــدي : أستاذ محيي إبراهيم ... بالرغم من إن فارق السن مش كبير قوي .
3-أختي الكبيـرة : براود مسلمة .
4-أخي الكبيــر : إسلام شمس الدين وابن البلد .
5-أختي الصغيـرة : بسنت ولينا وبنت النيل وأشجان الليل وجنان الفردوس (عائلة كبيرة :D)
6-أخي الصغيــر : خالد المصري ومودو مشاكل .
7-صديقي/صديقتي : بسنت وينت النيل وابن البلد .
8-فتى أحلامك : في علم الغيب لسه :3:
9-ابنــــك : مش قادرة أحدد قوي .
10-ابنتــك : أشجان الليل وجنان الفردوس ولينــا .
11-بواب العمارة التي ستسكن بها مع أسرتك تلك : حاليا إحنا في خيم الإيواء .... لما ربنا يفرجها علينا إن شاء الله ونروح العمارة هابقى أديكم خبر مين البواب :D .

جزاكِ الله كل خير يا أشجان على الموضوع الجميل ده :) .

[بنت مصر]

ايواء يا طعمة ههههههه
انا عندي ليك فيلا تجنن
في حارة الفقر حشمة
وقصر يهوس في حارة كل واشكر :D


:5: :5: :5: :5: :5: :5:


بسنت

[te3mah]

كاتب الرسالة الأصلية : بنت مصر
ايواء يا طعمة ههههههه
انا عندي ليك فيلا تجنن
في حارة الفقر حشمة
وقصر يهوس في حارة كل واشكر :D


:5: :5: :5: :5: :5: :5:


بسنت
يا ريت كمان شاليه في قرية بَمْبَة كَشّر السياحية اللي في الساحل الجنوبي :D

:5: :5: :5: :5: :5: :5:

[بنت مصر]

ايوة في بمبة كشر وبمبة بوز كمان :5: :5: :5: :5:

[جنان الفردوس]

هههههههه
خلو قوي الموضوع ده يا أشجان..
استني شوية كده وارجع لك ..

[أشجان الليل]

شكرا ليكم كلكم على التفاعل مع الموضوع...

لي عوده إن شاء الله...


بس مافيش حد صريح قوي غير ابن البلد........
(((-فتى / فتاة أحلامك.. هو فيه كتير أوي بس همتنع عن الذكر هو أنا ناقص )))

ههههههه
حرام عليك أم يوسف:D

[جنان الفردوس]

انا جيت ..
ومتخافيش انا صريحة جدا وشجاعة كمان ..
اتفضلي رايي..

والدتي .. هبهوبة الحبوبة انا بعتبرها والدتي لطيبتها وقلبها
الكبير يا ريت كل الامهات زييها..

والدي.. الأستاذ الفاضل.. محيي إبراهيم أعظم إنسان عرفته
في حياتي.. واتمنى فعلا ان ربنا يرزقني في المستقبل بانسان
زيه .. ولو اني ماظنش ان في اتنين منه على وجه الأرض..

أختي الكبيرة .. أنا بعتبر كل بنات المنتدى أخواتي الكبار لأني
لحد دلوقتي ملقتش بنت أصغر مني.. بس ممكن نقول بنت النيل
وبنت مصر .. وبنت مصرية.. ولينا .. و نعنوعة الحبوبة .. وطعمه
.. الخ .. الخ ..

أخي الكبير.. برضه كل أعضاء المنتدى أخواتي وكلهم والله بحبهم
جدا.. بس ممكن نقول.. أستاذ إسلام شمس الدين.. وبحر .. ومودو..
.. ابن البلد.. كول.. الخ .. الخ..

أختي الصغيرة.. طبعا مافيش..

أخي الصغير.. محمد على محمد.. الوحيد اللي بيحسسني ان انا مش
طفلة المنتدى..

صديقي / صديقتي.. أنا بحب نعنوعة قوي.. ولينا.. وسارة..
وكل البنات والله اتمنى انهم يكونوا أصدقائي..

فتى / فتاة أحلامي.. طبعا الموضوع ده لسه بدري عليه..
بس انا قلت اني اتمنى ان ربنا يرزقني بواحد زي أستاذ محيي
.. أو واحد زي أستاذ إسلام..بس للأسف الشخصيات العظيمة دي
بتبقى موجودة مرة واحدة بس في العمر ومبيبقاش فس منها اتنين..

ابني.. مافيش للأسف.. ممكن اعتبر يوسف ابني ولو ان ابو يوسف
شايف ان يوسف ينفع صاحبي لانه من سني وعايزني اقوله يا اونكل..

بنتي.. انا مش لاقية اختي الصغيرة تقوليلي بنتي.. على العموم تنفع
شؤدد برضه.. بس يا رب ميكونش كول شايف انها صاحبتي هي كمان..

بواب العمارة.. احنا عندنا بواب فعلا ومش محتاجين بواب من المنتدى..
بخصوص البواب بتاعنا ده كنت عايزة اقولكم ان اسمه رجب.. وابنه
اللي هو بيجيبه معاه اسمه عيد.. ( 8 سنين) بس انا كنت بفكريعني
لو عيد ده بعد ما كبر جاب بنت سماها فرح.. هيبقى اسمها
فرح عيد رجب منير.. اسم شاعري جدا مش كده..
انا بس حبيت آخد رايكم ..


على العموم شكرا يا أشجان على الموضوع اللذيذ ده..
وكفاية رغي بقى عشان انا ايدي وجعتني ..

[أشجان الليل]

هههههههه
حلو أوى فرح عيد رجب منير ده....

[n3na3aah]

عسل يا جنان دمك خفييف ولله

فرح عيد رجب منير يا عييني يا عيني

[lina]

mawdoo3ek gameel geddan ya ashgaan wallahi fazeee3,,hahahahah
ana 3'ayba 3anokom 3'asb 3anni we shokran le ebn el balad 3ashan dalleni 3ala el mawdoo3 wa ella ma kontesh ha3raf arod 3ala eih wala eih hahahha :p

tab agaweb ana ba2a

bas fel awel 3ayza a2ool en el mawdoo3 dah mafehoosh za3al we tab3an kollena e7'wat begad we masha alla 3ala el montada kol ele feeeh nas mo7tarama we tet7ab bas akeed kol meen feena et2assar be 3odw aw 3odwa we arrab menno awi

for me

والــــدتي.. habhooba tab3an,,im sure she's a great mother in real life,, we 3atefat el omooma beten3akes 3aleeha we fe ketabetha el ra2ee2a

2-والــــدي .. 3emaad (ebn masr ),,he's a wonderful daddy be kol el makayees,,kefaya albo el abyad,,agmal 7aga feeh,, ela ganeb ostaaz mo7i wa islam shams el deen ta7eyya kbeera leehom :)

أختي الكبيـرة .. bent masr+proud muslima + bent el nile +we miss virgo+te3mah and gar7 el zamaaaaan roo7 albi :9:

4-أخي الكبيــر .. shody20 i like him really and i missed his writings here,we kaman mohammed al bnyaan

5-أختي الصغيـرة ..genaan el ferdous wel 3asoola bent masreya

6-أخي الصغيــر..maftekersh en leyya a7' so3ayyar hena

7-صديقي/صديقتي.. ebn el balad we na3anee3o roo7 albi

8-فتى / فتاة أحلامك.. mmmm,aywa a7san amtane3 3an el egaba :D

9-ابنــــك.. ensha alla 7'aled enb el waleed 3ashan haykoon 3ala esmo :5: hahahah..we ba7eb yekoon fe sha2awet ahmed(ebn el balad)

10-ابنتــك.. 3ayzaaha zay na3noo3a ..amuaah wa7shani awi ya na3anee3o wallahi

11-بواب العمارة 3ayzaah zay shody :),,haykon bawab 3mara zay el 3asal hahahah

bye bye everyone
i love u allllllllll
lina

[أشجان الليل]

ههههههه

عسل يا لينا..
شكرا لمشاركتك الجميله...
خير مال جهازك..؟؟؟ يارب يف بسرعه علشان ترجعيلنا من تانى

[heba]

بسم الله الرحمن الرحيم

ايه يا اشجان الأفكار الحلوه دى فكره جميله يا حبيبتى

والدتى لأ مفيش لأن انا اكبر واحده فيكم
والدى نفس الحكايه بس لو اعتبرنا يعنى انه ممكن يكون اب رائع ابن
مصر و العمده
اختى الكبيره ما قلنا انا اكبر واحده فى المنتدى و لكن لو اخذنا
بالشخصيات و ثقلها حاقول بنت مصر

اخى الكبير برضه مفيش حد اكبر منى و لكن برضه ساعتبره محى
محى ابراهيم

اختى الصغيره كل بنات المنتدى

اخى الصغير ابن البلد وكول و شمس الدين و اسامه يس و محمد البنيان بصى يا اشجان فعلا باعتبرهم كلهم اخواتى الصغيرين

صديقتى بنت مصر -فيرجو
صديقى العمده- ابن مصر- محى اسماعيل
ابنى يا ه كثير ابن البلد و كول ابو شهد و شودى و غيرهم ههههه كلهم ابنائى

ابنتى بنت مصر- لينا -سمسمه- اشجان ضياء-براود نادين-جنان الفردوس-جرح الزمان كلهم بناتى يا اشجان
البواب


كفايه كده يا اشجان و تحيه لكى لعلى الفكره الجميله دى

[أشجان الليل]

والله أنا سعيدة جداً إن الفرة أعجبتك يا هبه..

على فكرة..
كل الناس هنا..قالت ماما هبه... :)

[heba]

بسم الله الرحمن الرحيم
حبيتى الفنانه اشجان
شرف لى ان يعتبرونى ماما هبه والله يا اشجان هو انا اطول ابقى ام لكوكبه جميله مثلكم ربنا يخليكم اخوه لبناتى سهى و نهى 0
تحياتىلكى يا اشجان و لكل من شرفنى باختيارى اما له


:):):):):):):):):):):)

[محمد البنيان]

أنا جدا سعيد بهذا الطرح الأسري البحت
وان دل يدل على رقي المنتدى
وما يزخر به من مجموعة أسرية
متكاتفة محبوبة

كذلك لا ننسى
معدة الطرح مشرفتنا الغالية
أشجان الليل
التي تتميز بالفكر النير
وخفه دم طرحها

والحقيقة
أنا محتار في الإجابة
وبما إنني
في كلية علوم سياسة
سوف أرد رد دبلوماسي
بس ... نابع من قلب صادق

من اعرف
من جنس الرجال أو الجنس اللطيف
أنه
يكبر ني سنا .... فانه عز لي
بان يكون لي أخ وأخت
في المنتدى وخارجه

ومن اعرف
من جنس الرجال أو الجنس اللطيف
أنه
يصغرني سنا ... فأنني لتشرف
بان يكون لي أخ أو آخت
في المنتدى وخارجه

وفي كل الحالتين فانني
لتشرف بهم جميعا
أن يكونون أخوة لي

آما ناحية الأبوة والأمومة
فأنني اراى
ان السيدة الفاضلة
هبة
هي من تستحق
ان تكون ام لكل من في المنتدى
وشرف ايضا لنا جميعا

اما الاطفال
طبعا بدون كلام
ابن البواب
ابن البلد
الشيخ يوسف
أطال الله في عمره
أمين

والطفلة أموره المنتدى
شهد
أنبتها الله نبات حسن
أمين

اما ناحية الأصدقاء
بصراحة تامة
من لي اتصال دائم معهم يوميا
هو الاستاذ العزيز / احمد
ابن البلد
وعلى فكره
كل يوم يخسرني 25 ريال
اجور مكالمات على الجوال
والأستاذ العزيز
مصراوي
والأستاذ العزيز
عبد الحكيم
والأستاذ العزيز
إسلام
بس انا اتصل عليهم دائم
الــ3ــ الأسماء الأخيرة
وهم ما يتصلوا علية
مره زعلان منهم
وهذه مناسبة ان اشرح لهم
زعلي وعتبي فقط
ممكن يحنوا علية

إما الصديقة
الحقيقة
برضة محتار
ولكن الجواب الذي من أول وهله
يكون هو الصدق بذاته
هي
المستشارة ومعلمتي
وأختي
الغالية عندي
بنست
بنت مصر
فهى لها الفضل بعد الله
في ان اعمل رسخ في المنتدى
بفضل توجيهاتها
وتعليمتيها الدائمة لي
دوما
وكمان جارتي العزيزة
الآنسة
لينا
التي دوما تسدي لي النصح وكل جديد
ولن أنسى
الأميرة الغالية عندي
الآنسة
جنان الفردوس
فكاهة المنتدى

والمبدعة المتميزة
الآنسة
نادين

وبس خلالالاص بلا إحراج
وفي النهاية
راجيا من الله ألعلي القدير
آن نكون في هذا المنتدى
والذي جمعنا من غير ميعاد فيه
آن تدوم وتدوم المحبة
بيننا
أمين

من محب لك

[أشجان الليل]

هه...؟؟
هو في إيه...؟

أنا تهت يا جدعاااااااااااااان...

[ابن البلد]

محمد البنيان لازم الفضايح
جمعهم ياعم ولما اشوفك هسدد لك النص ههههههههه :D

[أشجان الليل]

حد يفهمنى إيه اللى بيحصل هنا يا جدعان....


ياللا يا جماعه...
أختاروا قريابكم..
دى فرصة ماتتعوضش أبدا.....هو حد لاقي..:D

[ابن البلد]

طيب وأنتي فين من الموضوع ده يا إشجان ؟؟؟

مش هتختاري أنتي كمان ؟؟

[Mrs. Virgo]

فكره جميييله جدا اشجان ..
ربنا يخليلكي للمنتدى .. واعضاء المنتدى .. :)

1-والــــدتي..
ما فيش حد ابدا زي ماما :o ربنا يخليهالي

2-والــــدي ..
ما فيش حد زي بابا باردوا :o ربنا يخليهولي ..

3-أختي الكبيـرة ..
طبعا هبه .. حرام عليكم كبرتوها كلكم :) -
وطعميه رغم غيابها عننا :(

4-أخي الكبيــر ..
استاذي / محي ابراهيم
ابن مصر - عمده - مصراوي - اسلام :)

5-أختي الصغيـرة ..
ما فيش !!!

6- أخي الصغيــر..
معلش ما كنش قصدي - Hemo - ملاك الحب

7-صديقي/صديقتي..
صديقتي: بنت مصر - براود مسلمه - Manoo - طعمه - لينا
صديقي: ابن البلد :) واد كوول :)

8-فتى / فتاة أحلامك..
:rolleyes: ده زي بابا وماما بالنسبه لي ..
ما فيش حد ابدا زيه :)

9-ابنــــك.. ما فيش ..

10-ابنتــك.. ما فيش ..

11-بواب العمارة التي ستسكن بها مع أسرتك تلك... مش لاقيه بوابين عندنا !!! :D

[أشجان الليل]

بعد ماشفكم كلكم يابن البلد أبقى أقول......ههههه


ميس فيرجو...
ميرسي أوى إن الموضوع عجبك,,,والله فرحتيني :)

بس إنتى مش كاتبه اسمي يعنى ضمن إخواتك.... :(

[ابن البلد]

أشجان لما تشوفي كلنا مين
ده المفروض انتي أول واحده تكتبي
ولا أنتي مستنيه ال1200 عضو ؟؟

[ملاك الحب]

مساء الحب :)

ألف شكر لك أشجان الليل على الموضوع الجميل
و أودّ لو أشارككم ..أنا طبعا سأصنّف عائلتي ليس بالأعمار و لن أقول هذا أكبر منّي أحسن يكون بابا:5:
ربنا يخليلكِ للمنتدى .. واعضاء المنتدى .. :)

1-والــــدتي..
هبة تستحقّ هذه المكانة لو مهما كان عمرها
2-والــــدي ..
تامر أصل أنا ده معجب كتيير بمواضيعه و شخصيته و أفكاره

3-أختي الكبيـرة ..
جرح الزمان .أشجان اليل ..لينا..مس فيرجو-زهرة برية

4-أخي الكبيــر ..
استاذ محي ابراهيم
ابن مصر -أسامة يس - مصراوي - اسلام شمس الدين-خالد المصري:)
و لا ننسى الحبيب دكتور قايماز
5-أختي الصغيـرة ..
جنان الفردوس ..بنت مصرية..نعناعة
6- أخي الصغيــر..
العاشق
7-صديقي/صديقتي..
صديقتي: بنت مصر - رشا - متواضع جدا- طعمه - لينا
صديقي: ابن البلد :) واد كوول :)
8-فتى / فتاة أحلامك..
في كتيييييييير ..بس مش من المنتدى:5:
9-ابنــــك..
محمد علي محمد المبدع الصغير
10-ابنتــك..
بنتي سمسة و أنا الدكتور الكبير سمسم :5:
11-بواب العمارة التي ستسكن بها مع أسرتك تلك... هو في بس قاللي ما تقولش على إسمي :5:
أتمنى أكون ما نسيتش حدّ و لو نسيت أتمنى ما يزعلش

بالحب نلتقي و بالحب نفترق:)
(سمسم)

[أشجان الليل]

شكرا لمشاركتك معانا ملاك الحب.. :)

[lina]

شكرا للمشاركات والردود الحلوة و احب اوجه تحيه مره تانيه للمبدعه اشجان على الموضوع الحلو :) ولجميع الاعضاء المشاركين

بس انتي مشاركتيش ليه لحد دلوقتي
يلا يا بنتي منتظرين نسمع منك ;)

باي باي
لينا :)

[ابن البلد]

مش هتقولي أنتي بقه يا أشجان

[جنان الفردوس]

هي مش قالت لما الكل يقول الاول..
انت دايما كده مستعجل يا ابو يوسف..
شوية صبر..
:mad:

[أشجان الليل]

:)

[ابن البلد]

الكل مين يا جنان

ممكن بستقولي بعد مين بالظبط هي هتقول



وعلي العموم خلاص مش عايزين نعرف
ربنا يهد القوي يا رب

[أشجان الليل]

:eek:


ربنا يسامحك

[جنان الفردوس]

هههههههههههه..
هو بيقول ربنا يهد القوي..
في حد قوي هنا يا جماعة..
الحمد لله كلنا ضعيف مافيش حد قوي خالص..
:5:

[سمسمة]

اهلا ياشوشو

منورة والله:)

1-والــــدتي..

طبعا يعنى هبة مع انى اكبر منها بكتير:D

2-والــــدي .. ابن البلد:p


3-أختي الكبيـرة ..لينا:D

4-أخي الكبيــر .. اسلام شمس الدين


5-أختي الصغيـرة ..طعمة

6-أخي الصغيــر..تامر:p

7-صديقي/صديقتي..اشجان ولينا وطعمة وجنان واسلام وبسنت وهبة وابن البلدومصرواى ونعنانة واسامة يس ومحيى ابراهيم وكل المنتدى واتمنى مااكونش نسيت حد
بس كل المنتدى اصدقائى

8-فتى / فتاة أحلامك.. اما يبقى يجى

9-ابنــــك.. محمد على

10-ابنتــك..نعنانة..مش هى اصغر واحدة

11-بواب العمارة التي ستسكن بها مع أسرتك تلك...ابن البلد
خخخخخخخخ

ماتخافيش عليه يااشجان

دة ادها وادود

البروف سمسم..:112:

[lina]

حمدلله على سلامتك يا سمسومه ازيك انتي كنتي فين ؟!!!:42:

اختك
لينا

[أشجان الليل]

سمسمه حبيبتي...

شكرا على مشاركتك الجميلة..
تسلم إيدك..

وميرسي أوى إن الموضوع عجبك :)

[ميادة]

بسم الله الرحمن الرحيم

فكرة تجنن يا شوشو بجد حلوة اوى...... وكمان خليتنى اعرف حاجات كتير عن الاعضاء الحلوين اللى عندنا.......

ومستنية مشاركتك انت كمان بس مش هستعجل زى ابن البلد احنا ورانا ايه يعنى........

بس تصدقى مش عارفة اجاوب الاسئلة تحير اوى ياريت تبقى تحطى اختيارات او وسايل مساعدة مش كده.....ههههههههه.....

عايزة كمان اقولل لينا انها حبيبة قلبى اوى جدا خالص ووحشانى خاااالص
واقول لسمسمه حمدا لله على السلامة (هقلبها شات وادايئك عشان اسئلتك الصعبة بس هه)
شوفى يا ستى:

1-والــــدتي..هبة الغالية (طبعا انا عندى 3 سنين بس) وتبقى بنت النيل خالتى

2-والــــدي ..ابن مصر بس يكون خالى محيى ابراهيم وعمى مصراوى وهكذا
والسيد ابن البلد لو هطلع شبه يوسف...هههههه

3-أختي الكبيـرة..يااااااااه كتير زى مثلا بى واى اتش وبنت مصر ورشا وسمسمة وحبيبتى مها
وعلى فكرة براود مسلمة و طعمة اخت و قدوة حسنة كمان

4-أخي الكبيــر ..اسامة يس وتامر و اسلام شمس الدين وخالد المصرى ود.سلطان وبحر اسكندرية ومحمد البنيان وواد كول

5-أختي الصغيـرة ..لينا ونعناعة و بنت مصرية وطبعا توتى حبيبتى

6-أخي الصغيــر..هو فى حد اصغر من ملاك الحب هنا؟هو فعلا زى اخى الصغير

7-صديقي/صديقتي..كلللللل الاسامى اللى ذكرتها فوق اتمنى يكونوا اصدقائى فعلا اما اصدقائى فعلا انت عارفاهم طبعا نانا وجنان وشوران واسمولومو واتمنى اشجان

8-فتى / فتاة أحلامك.. هو حد لاقى اليومين دول ههههههههه

9-ابنــــك.. طيب ممكن ابقى طماعة واعمل كوكتيل طالما الموضوع احلام فىاحلام
يارب ابنى ياخد من ا\مصراوى غيرته على دينه ووطنه
ومن ا\تامر تدينه
ومن ا\اسامة اخلاقة
ومن ا\ ابن مصر كرمه
ومن ا\ اسلام ذوقة فى الرد والمناقشة وحبه لمصر
ومن ا\محيى صراحته
ومن ا\وادكول خفة دمه وحبه للمكرونة عشان دى الحاجة الوحيدة اللى بعرف اعملها
ومن ا\خالد سرعة بديهته
و من ا\البنيان قدرة على تخليق مواضيع الحوار عشان ما نملش ونزهأمن الكلام عن المدرسة والكوره وفين الهدوم يا ماما
والموهبة من كل اللى فاتو...هههههههههههه..مش بقولك احلام ......

10-ابنتــك..كوكتيل بردو شويتين من براود على حبة من اشجان وحتة تانى من طعمة وهبة وبسنت وبنت النيل فى احترامهم لذاتهم وسعة ثقافتهم وحاجات كتيييير على خفة دم سمسمة ولينا واشوف فيها بكره زى جنان الفردوس وبلاش اجيب سيره اصحابى عشان ما انضربش

11-بواب العمارة ..مش لما نلاقى العمارة اصلا..



للجميييييييع محبتى واحترامى

[Mrs. Virgo]

أشجان الليل
انت ليه زعلانه اني مش قلت اسمك !!
طيب ده في اعضاء كثيير قوي هنا بحبهم جدا والله ..
وبحترمهم جدا قوي خالص .. بس للأسف ..
ما فيش مسمى ينفع لهم .. يعني مثلا ..

سمسمه .. تامر .. اشجان الليل .. نعناعه - خالد ابن الوليد ..
جنان .. جرح الزمان .. محمد البنيان .. كوكب .. اسامه يس ..
براود مسلمه مودو مشاكل - بحر اسكندريه - خالد المصري -
بنت النيل ........ وانا متأكده اني لسه ناسيه اعضاء
كثير قوووووي بس بجد .. مش عارفه اديلهم صفه تميزهم ..
لأنهم كلهم مميزين في قلبي .. واعتقد ان كل واحد منهم
عارف بجد انا بعزه وبحترمه قد ايه :)
حتى ولو ما كنش حصل حوار مباشر معاهم ..

عموما ... الجميع اخواتي في الله ..
وتحياتي لهم :)

[ميادة]

أشجان نسيت اقولك كمان

اخى الكبير..كوكب وخالد ومودو و.....و.....
واختى الكبيرة ضياء ولميس و حلا و.... و....

ونفسى ابنى بنتى يبقو زيهم كمان

انا مش عارفة لو احنا اخوات بجد بابا كان هياكلنا ازاى...هههههههههههه

لميس يا امورة انت كمان اكيد عارفة ان كل الاعضاء والمشرفين هنا كمان بيعزوك وبيحترموك قد ايه
عايزه كمان اعترف انى ماكنتش فاهمة ان قلبك كبير كده بس دلوقتى فهمت..نعمل ايه ف الفول والفلافل اللى بيودونا ورا...هههههههه

[أشجان الليل]

جرح الزمان..
جزاك الله خيرا...
مشاركتك زى العسل..
ربنا يكرمك.. :)

[أشجان الليل]

لميس حبيبة قلبي..
مش زعلانه والا حاجه..
انا بحب اعاكس الناس اللى بحبهم بس.. :)

وأكيد أنا عارفه إنى جوه قلبك طبعا.. بس أنتى مش عاوزه تقولى أدام الناس دى كلها علشان خاطر الحسد.. :p

[أشجان الليل]

أنا جيـــــــــــــــت.... :5:
شوفوا بقى..
عيلتي آهي..

1-ماما...
هبه

2-بابا...
محيي...بس يارب يوافق

3-أختي الكبيرة...
بسنت..وطعمة

4-أخي الكبير...
عماد(ابن مصر) و إسلام شمس الدين

5-أختى الصغيرة..
لينا..

6- أخي الصغير..
محمد على محمد...الكاتب الكبير قوى :)

7-صديقي/صديقتي...
براود مسلمة ..، بنت مصر

8-فتى أحلامي...
هو خليط من ناس كتير بحترمها أ/محيي ، أ/شمس الدين ، العمدة ، ابن مصر ، وواد كوول
وأكيد ابن البلد لأ وألف لأ..... :D

9-ابني...
صعب لأن فارق السن بيني وبين أي من الأعضاء ليس كبير.. ولكن أتمنى أن يصبح أولادي مثل ابن مصر

10-بنتى...
برضه صعب بس عاوزاهم زي سمسمه :)

11-بواب بيتنا...
أنا قلت من الأول..مافيش غير هو واحد بس أمين جدا..وطيب جداجدا..ينفع للشغلانه دي..
سامحني يابن البلد :p

[سارة]

بابا ..

معرفش اول ما جيت حسيت ان بابا هو العمدة مع اني شحطة يعني بس ليه الله العالم:o

ماما ..

أول من رحب فيا هنا الزعيمة قصدي ماما سمسمة .. وربنا يستر على الله ما اطلعش قد أمها :6:

أختي الكبيرة

مين يا بت يا سرسر :confused:.. مين يابت يا سراسيرو:confused:

ايوووة:eek:

طمع أختي الغالية بس مش الكبيرة سناً لحسن تزعل .. الكبيرة عقلاً طبعاً:)

أخي الكبير

خالد المصري .. هو أكبر مني ب40 سنة بس.. ازعل عنك ما ارضيت ابداً كلام الحق ما يتزعلش منه والا ايه يا جماااعة:p

أخي الصغير

ما عنديش ما كفاية عليا اخ واحد ومطلع عيني:p

أختي الصغيرة

السكرة .. جميلة جيرل:)

صديقي/صديقتي

يا رب كل المنتدى بشبابه البنات و الأولاد يبقوا أصحابي وأخواتي .. رب أخ لك لم تلده أمك:)

فتى أحلامي ..

أفندم ؟؟؟ ..نعم :rolleyes: .. ما اسمعتش كويس :confused:

عندي واحد مش مكفي والا ايه؟؟;)

ابني و بنتي

على فكرة أنا خايفة أطلع في الآخر قد مامتكم كلكم خليني ساكتة أحسن
بواب العمارة

مش محتاجين بوابين عمارة ما البركة في خالد .. امال لزمته ايه يعقد يغلس عليا طول اليوم وبس :mad:

طبعاً مش معقولة تزعلوا من اختكم الصغيرة أوي أوي أوي يا جماعة والا فلااااا:mad:

[ابن البلد]

:1:
عجايب

[ابن البلد]

ساررة أنتي مقلتيش حاجه ولا قلتي أيه مش عارف ههههههههههههههه

[أشجان الليل]

هههههههههه

أهلا سارة..
شكر لمشاركتك...


بس إزاى سمسمه تبقى قد ماما.....:5:
دى لسه ماكملتش 20 سنه...........!!!!!:eek:

[سمسمة]

مش مشكلة يااشجان

هما يعنى الـ 19 سنة قليلن:D

البروف سمسم..:112:

[حلا]

قضيت فترة بسيطة جداً في المنتدى ولكني أحمل مشاعر كبيرة لجميع الأعضاء وبالخصوص:

أخي الكبيــر : مصراوي:) والعمدة:) طبعاً، أشعر بقربهما مني دائماً وأحب أن أقرأ كل مايكتبانه في المنتدى.

أختي الصغيـرة : جرح الزمان، لاأراها الله جرحاً لامن قبل الزمان ولامن غيره، وحبيبتي جنان الفردوس والحلوة سمسة.

صديقتي: أحببت بسنت منذ اللحظة الأولى لدخولي في المنتدى، وأرتاح كثيراً لأشجان الليل، ولهبة، ولرشا،ميس فيرجو، ولأميرة العشق أيضاً(رشا)، وأتمنى أن تكون جميع فتيات المنتدى صديقات لي.

صديقي: لو كنت ولداً لتمنيت أن يكون صديقاً لي كل من إسلام شمس الدين وأسامة يس.

فتى أحلامي: الحمد لله أنه ليس موجوداً في المنتدى لأنه سيكون تركيبه معقدة جداً لاتتلائم مع جو المنتدى.

ابنتــي: مستعدة لأن أكون أماً لأي فتاة في المنتدى:)

1بواب العمارة : لن يكون ابن البلد طبعاً ، فأنا اشعر بأنه أخي الصغير على الرغم من أنني لا أعرف عمره، وعلى الرغم من أنه لم يرحب بي في المنتدى ولكني أعتبره أخي الصغير.:)، وكذلك أعتبر واد كول أخ صغير بالنسبة لي:)

[ابن البلد]

الحمد لله
اني اخوكي الصغير يا حلا
ولاوني يعني انا فوجأت بك فيالمنتدي ولم يكن لي علم بموضوع الترحيب ولذلك ملحقتش ارحب
وعلي العموم ملحقوة

:179:
:176:
اهلا بك معانا يا حلا
ولو أنها جايه متأخره شوية :)

[أشجان الليل]

كاتب الرسالة الأصلية : سمسمة
مش مشكلة يااشجان

هما يعنى الـ 19 سنة قليلن:D

البروف سمسم..:112:


:5:

:4:لا مش قليلين....






يا..



تيته:5:

[أشجان الليل]

حلا...
شكرا لمشاركتك معانا...

((سعيده جدا انك برتاحيلي)) :)


وبالفعل إحنا كلنا هنا أصدقاء إن شاء الله
ربنا يكرمك

[سمسمة]

هههههههههههههههههههههه

ليه كدة يابنتى هتكبرينى بدرى:D

انا لسة ماكملتش الـ 90 سنة

وتقولليى ياتيتة:2:

البروف سمسم..:112:

[أشجان الليل]

:D
:5:

لا معلش يا جدتى..
أنا آسفة

[سارة]

ساررة أنتي مقلتيش حاجه ولا قلتي أيه مش عارف ههههههههههههههه

هشششششششششششششش:3:

أوع تجيب سيرة لحد يا ابن البلد :4:.... اتفقنا;)

[سارة]

بس إزاى سمسمه تبقى قد ماما
دى لسه ماكملتش 20 سنه

احم:o

على كدا انا اللي قد مامتك يا سمسمة:( .. نشوف لنا أم تانية بقا


بالمناسبة يا جماعة أنا بهزر في معظم كلامي أوع حد يزعل خصوصاً الصعايدة اللي عارفين نفسهم كويس .. ;)

[أشجان الليل]

هههههههه

تقصدي مين بالضبط.....
ده المنتدى نصه صعايده:p

[سارة]

تقصدي مين بالضبط.....
ده المنتدى نصه صعايده

لا يا اشجان مش النص ده ... انا قصدي على النص التاني .. هو واحد بس في النص التاني وعارف نفسه كويس;)

[أشجان الليل]

ههههههههههههههههه


طيب

أخرج منها أنا يعنى.....؟

[جنان الفردوس]

انا بقول كده برضه..;)

[أشجان الليل]

:5:

حاضر

[سارة]

:eek:

يا سلااااااااام:confused:

انتوا بتتفقوا من ورايا:mad:

ما شي خمنوا انتوا سوا و طلعوني منها انا و ابقوا وروني مين اللي هيرد عليكم :p

[جنان الفردوس]

هههههههههه..
طيب مادام انتي عارفه ما تقولي وتريحينا..
;)

[أشجان الليل]

هههههههههه

[سارة]

ماشي آدينا قاعدين مع بعض و بنضحك سوا اهو

ههههههههههههههههههههههههههه


بس مين مش هأقووووول:p

[أشجان الليل]

هــــا...
أمال باقي الناس مش بتختار عليتها ليه...؟؟


يا جماعه دى فرصة...

أوكازيون..
مش بتتكرر كل يوم:5: :p ;)

[سمسمة]

عايزة اشكر بس حلا واشجان ولميس

وكل اللى قالونى فى مشاركتهم

:D:D:D

وبعدين عايزة اسأل بتعملوا ايه هنا؟؟

بتتكلموا بالشفرة ولاايه

<-----------مابتفهمش;)

البروف سمسم..:112:

[أشجان الليل]

والله يا سمسمه لو كنت أنا فاهمه حاجه ..كنت أكيد هاقوللك... :5:

الوحيده اللى فاهمه هنا هى..ســــــــــارة :eek:

[سمسمة]

طب الحمد لله مش انا لوحدى:D

[أشجان الليل]

:5:

[سارة]

موش فاهمة حاجة خاااااالص:confused::confused::confused:

:rolleyes:

حد يفهمني يا جدعااااااااااان:p

[سمسمة]

انتى كمان

لا بقى!!!

[أشجان الليل]

طالما الموضوع طلع فشنك..
نرجع بقى نختار قرايبنا من المنتدى...




هـــا....


مين يزود...؟

ألاؤنا... ألادوى.....


ها.....

[حلا]

ابن البلد الغالي حتى وإن كنت أكبر مني سناً، ستكون أخي الصغير:) وشكراً لأنك رحبت بي، وقد أعجبتني الصور التي أرفقتها كثيراً:):)

[العمدة]

معقول يا أشجان تعملي المواضيع الحلوه دي ولا أخد بالي :)

الف تحية يا أشجان على اختيارك لهذا الموضوع الرائع والجميل

حبيت أحييكِ على الموضوع الجميل ..

وعلى وعد بالدخول مرة أخرى للمشاركة :)

على مااختار بئى :)

[أشجان الليل]

وأنا أسعد منك ...
ومجرد مرورك بالموضوع يزيدنى فخرا...

فشكرا لك

[سر الجنون]

-والــــدتي.. سمسمه
2-والــــدي ..العمده
3-أختي الكبيـرة .tem3.
4-أخي الكبيــر .الاستاذ شمس الدين
5-أختي الصغيـرة ..اشجان الليل
6-أخي الصغيــر..مافيش
7-صديقي/صديقتي..جرح الزمان
8-فتى / فتاة أحلامك.. شكرا متزوج ومش عاوز مشاكل......)
9-ابنــــك.. مصراوي)
10-ابنتــك..انا باتمنى جرح الزمان
11-بواب العمارة هو مافيش إلا امن الدوله علشان هو امن

مع الشكر الجزيل وياريت يكون ده حقيقي

[سمسمة]

ماما سمسمة!!!!!

[عروسة النيل]

فكره جميلة يا اشجان الليل
1_ والدتى هبه
2_ والدى ابن مصر
3_ اختى الكبيرة بنت مصر
4_ اخى الكبير اسامه يس اسلام شمس الدين العمده
5_صديقى بلاك تايجر مودو مشاكل
6_ فتاه احلامى اكيد مش من المنتدى لانها فرنسية ان شاء الله
7_ ابنى وابنتى _________















عروسة النيل

[ابن مصر]

بسم الله
موضوع بجد عسل جدا ودمة سكر
بس يارب محدش يزعل مني



1-والــــدتي.. ----------- انتم كلكم
2-والــــدي ..----------- - برضة انتم كلكم
3-أختي الكبيـرة .---. --المقام---هبة و ضياء و برواود مسلمة
-والدكتورة حورية
-مع انهم اصغر مني سنا
4-أخي الكبيــر ---------.. برضة كبير المقام وصغير السن----
-ابن البلد بدون شك وكوكب

5-أختي الصغيـرة ..------ بنت مصر -طعمية --عزيزة --و دموع مجروحة
6-أخي الصغيــر--------.شمس الدين --عبدالحكيم-
7-صديقي/صديقتي.. .محي -العمدة-مصرواي-
8-فتى / فتاة أحلامك.. متاخرة شوية --متزوج ولله الحمد -
9-ابنــــك.. اسامة -بحر -محمد علي -مودو --عروسة النيل--
10-ابنتــك.--- .جنان واشجان نسمة وعسولة ولينا
وطمعة ونعنة وجرح الزمان
11-بواب العمارة ----العمارة بدون بواب --هههههههه
12--محامي المنتدي ---شمس الدين
13-

[أشجان الليل]

سر الجنون شكرا للمشاركه...

بس انت تانى واحد تقول ماما سمسمه.... :5:

[أشجان الليل]

عروسةالنيل..
شكرا لمشاركتك..
سعيدة إن الموضوع عجبك ...:)

[أشجان الليل]

ابن مصر الغالى..
سعيده جدا جدا.. إنك اعتبرتنى ابنتك..

وشكرا للإضافة الأخيرة :)

[العاشق]

معلش انا جيت متأخر على العموم انا هاختار:
والدتى : عشان مخليش حد عجوز أقول أمى اللى فى البيت
والدى :نفس الحكاية
أختى الكبيرة :كتير منهم :هبة وطعمة وأشجان و بنت مصر و فيرجو وسمسمة
أخى الكبير :كتير بردو منهم : بحر ومودو وابن مصر وابن البلد
أختى الصغيرة :ــــــــــــــــــــ
أخى الصغير : ــــــــــــــــــــــــ
صديقى :ملاك الحب
صديقتى جنان الفردوس
ابنى وابنتى :ــــــــــــــــــــــــ
مقدرش أهين حد أقوله بواب

[سمسمة]

الحمد لله انه ماقالش ماما سمسمة هو كمان

لاحسن انا خلاص

حسيت انى بودع:D


جدتكم البروف سمسم..:112:

[أشجان الليل]

:5:

[ابن مصر]

بسم الله
ةاللهي انتي اللي سكر يا اشجان

[سر الجنون]

:5::5::5::5::5:
ايوه انا حاسس ان سمسمه هي مامتى دا هو احساس وشعور بالرغم ان عمر سمسمه الحقيقي 20 سنه وان عمري 43 سنه مش في شكلها او تصرفها ولكن
عندي احساس داخلى:5::5::5::5:

[سمسمة]

هيجيلى الضغط حالا

[العاشق]

لو كانت قالت على الجد والجدة
عارفة كنت اخترت مين الجدة ؟ كنت هأختار :
هههههههههههههههههههههه سمسمة

[سمسمة]

والنبىىىىىىىىىىىىى

دة انتوا كلكم عليا بقى

وكمان على فكرة انا لسة ماكملتش الـ 19

مش عندى عشرين

ها

قال جدتكم قال

شوية كدة وهاكون من اجدادنا الفراعنة

:2::2::2::2:

البروف سمسم..:112:

[lina]

الموضوع ده الي عاملاه اشجان كان جميل اوي
ياريت اللي مشاركش فيه يشارك

انا كنت شاركت قبل كده ومشاركتي كانت كالتالي :

mawdoo3ek gameel geddan ya ashgaan wallahi fazeee3,,hahahahah
ana 3'ayba 3anokom 3'asb 3anni we shokran le ebn el balad 3ashan dalleni 3ala el mawdoo3 wa ella ma kontesh ha3raf arod 3ala eih wala eih hahahha

tab agaweb ana ba2a

bas fel awel 3ayza a2ool en el mawdoo3 dah mafehoosh za3al we tab3an kollena e7'wat begad we masha alla 3ala el montada kol ele feeeh nas mo7tarama we tet7ab bas akeed kol meen feena et2assar be 3odw aw 3odwa we arrab menno awi

for me

والــــدتي.. habhooba tab3an,,im sure she's a great mother in real life,, we 3atefat el omooma beten3akes 3aleeha we fe ketabetha el ra2ee2a

2-والــــدي .. 3emaad (ebn masr ),,he's a wonderful daddy be kol el makayees,,kefaya albo el abyad,,agmal 7aga feeh,, ela ganeb ostaaz mo7i wa islam shams el deen ta7eyya kbeera leehom

أختي الكبيـرة .. bent masr+proud muslima + bent el nile +we miss virgo+te3mah and gar7 el zamaaaaan roo7 albi

4-أخي الكبيــر .. shody20 i like him really and i missed his writings here,we kaman mohammed al bnyaan

5-أختي الصغيـرة ..genaan el ferdous wel 3asoola bent masreya

6-أخي الصغيــر..maftekersh en leyya a7' so3ayyar hena

7-صديقي/صديقتي.. ebn el balad we na3anee3o roo7 albi

8-فتى / فتاة أحلامك.. mmmm,aywa a7san amtane3 3an el egaba

9-ابنــــك.. ensha alla 7'aled enb el waleed 3ashan haykoon 3ala esmo hahahah..we ba7eb yekoon fe sha2awet ahmed(ebn el balad)

10-ابنتــك.. 3ayzaaha zay na3noo3a ..amuaah wa7shani awi ya na3anee3o wallahi

11-بواب العمارة 3ayzaah zay shody ,,haykon bawab 3mara zay el 3asal hahahah

bye bye everyone
i love u allllllllll
lina




احب اضيف للمشاركه السابقه باني بعتبر ماماا زوزو mahe128 زي والدتي ,, وكمان سمسمة اختي وصديقتي والعمدة اب مثالي :)

اسرتنا جميله بس ياريت الغايب يعود ,, ياما نفسي تسمعنى يا غايب:)

تحياتي للجميع نفر نفر :5:

**بقولك ايه يا سمسمة انا عارفه انك هتنطي ورايا هنا ولذلك مش عايزاكي تقري الكلام الانجليزي اللي مكتوب فوق ,, متفرحيش محمد عباس فينا وتقولي عنيا اتمئئت :5: ههههههه

سلام
لينا

[سر الجنون]

يعني مش انا بس اللى عاوز من سمسمه ان تكون ماما
فيه اللي عاوزها جده
ههههههههههههههههههههههههههههههه نانا سمسمه سماسم
هو مش العمر اللى بيحدد هي فيه حاجات تانيه
سمسمه فيها مواصفات الأم المصريه المثاليه
ودي تستحق عليها التقدير مش بتزعل
يابنتى ياسمسمه
انا اتمنى ان تكون لى بت زي سمسمه
وبينادوها ياماما ويانونو
هههههههههههههههههههههههه
علشان كده ماتزعليش يانانا سمسمه

[lina]

يا لهوي على اللي هيجرالك يا سر الجنون :53:

يالهوي يا لهوي يا لهوي :61:

خخخخخخخخ

سلام
لينا :7:

[أشجان الليل]

هههههههههههه

شكرا لينا على إحيائك لموضوع...


وعيني عليكي يا سمسمه............:5:

[lina]

العفو يا اشجان,, الموضوع كده :81: ويستاهل :)

تحياتي ليكي :)

لينا

[سمسمة]

ادينى جيت يالينا

:5:

ولعلمك يعنى انا مامئئتش فى الكتابة زى ماقولتلى

دة وجع دماغ يابنتى

سر الجنون
:mad:
ماشى
:mad:
:mad:
مااااااااشى

وانتى يالينا انتى واشجان
فرحانين فيا ولا ايه
ها:mad::mad:

قال جدتكم قال

العيشة السووودة<----------اوسة:200:

:43:

البروف سمسمة..:112:

[أشجان الليل]

هههه..
والله انتى عسل فعلا يا سسمسمه...

بقولك إيه...؟

انتى وحشانى جدا.. ولازم تتصرفى وتدخلى النت مرة وأنا موجوده علشان أرغى معاكي شويه...
أوكى...؟

[سمسمة]

انا موجودة ياختى كل يوم بس محدش عاد بيشوفك والاخوة البعدا بيسألوا عنك على طول:5:

يعنى جايبين سيرتك على طول:D

وحشتينى اوى انتى كمان:42:

:43:

:141:

الجدة القادمة فى الافق البروف سمسمة..:112:

[أشجان الليل]

أنا دخلت تانى آهو علشان خاطرك...

ومش شايفاكِ خالص برضه...

أعمل إيه بس ياربي.......:(

[سمسمة]

حظك بقى انا مادخلتش الا على 11 النهاردة بقى

مش عارفة الجمهور متمسك بيا اوى كدة:p


انا قاعدة على الماسنجر بقالى ساعة اهوه مفيش حد منكم دخل;)

:68:

البروف سمسمة..:112:

[العمدة]

كالعادة البروف :) يحول الموضوع لشات :)

يعني كده الموضوع انتهى :)

[سمسمة]

:eek:

انا مالييش دعوة هى بتقولى عايزة اشوفك ياسمسمة وانا رديت عليها

وهى زعلانة عشان ماشافتنيش من زمان

كان المفروض من البداية فى الرسايل الخاصة

بس هى سألت عليا؟!

ماردش عليها:(

البروف سمسمة..:112:

[العمدة]

ماترديش ازاي :p:p:p

دي تبقى عيبه :D

تحياتي يابروف :)

[elite_warrior]

والدىىىىى:confused:
والدتىىىىى:confused:

اختى الكبيرة:طعمة و بنت مصر(هى اللى معرفانى سكة المنتدى):)
اخويا الكبير:العمدة وابن البلد و ابوشهد:81:
اختى الظغيرة: سمسمة العجيبة :117: ولينا:44:
اخويا الظغير: محمد عباس:42:
صديقى: كول و مصراوى و محمد عباس:42:
صديقتى: اشجان / لينا / سمسمة:117:
ابنى: anyad :117:
ابنتى: سمسمة:117:فوكاها يا ناااسس
بواب العمارة: ينفع للشغلانة دى كتكوتة المفترسة:49:
يارب ما تطق بجد

[sherry]

والدتى
















والدى















اخواتى


كل اعضاء المنتدى

[أشجان الليل]

كاتب الرسالة الأصلية : elite_warrior

والدتىىىىى:confused:




مافيش داعى للحيرة....


سمسمه هى مامت الأعضاء كلهم:p

[elite_warrior]

كاتب الرسالة الأصلية : أشجان الليل
مافيش داعى للحيرة....


سمسمه هى مامت الأعضاء كلهم:p

قصدك هي اللى هتموتهم كلهمhttp://smilies.networkessence.net/s/contrib/ruinkai/crossbonesgif.gif

[أشرف المجاهد]

بنت مصر
بسم الله الرحمن الرحيم

أحسنت أختى الغالية أشجان وربنا يوفقك لكل خير أختى فى الله

ربنا يبارك لنا فيك .. :)

1-والــــدتي..
مش عارف تقريبا ما فى أكبر سنا ليصل لدرجة والدى

2-والــــدي ..
لا يوووووووجد

3-أختي الكبيـرة ..
أختى هبة - أختى مس فيرجو - أختى جرح الزمان

4-أخي الكبيــر ..
أخى ابن مصر - أخى اسلام شمس الدين

5-أختي الصغيـرة ..
أختى بنت مصر - أختى أشجان الليل

6- أخي الصغيــر..
محمد على

7-صديقي/صديقتي..

العمدة - مصراوى

8-فتى / فتاة أحلامك..
مثل عرووووووستى ربنا يخليها لى ((M))


9-ابنــــك.. >> أخى خالد المصرى

10-ابنتــك.. >> أختى ريم

11-بواب العمارة التي ستسكن بها مع أسرتك تلك... مش محتاج لبواب والحمد لله البيت كله مفيش حد فيه الا أنا والباقى فاضىىىىىى !!! :D

أشكركم وربنا يخليكم ليا كلكم أخوانى واخواتى فى الله :4::5:

[سمسمة]

فى كل حتة سمسمة هى الماما

الله

:mad:

محدش عاد يقولى ياماما تانى بقى:2:

انا مش ام حد (انا n بس :5: )



الييت

حاطط لى صورة بلياتشو جنب اسمى كل مرة.. انتى فاكرنى بلياتشو ولا ايه:p

:25:

البروف سمسمة..:112:

[lina]

ههههههههههه سمسمة

انتي بلياتشو :117:

وانا عندي حول :44: ههههههههههه

المفروض يشغلونا معاهم في السيرك :19:

تشاو
لينا

[elite_warrior]

نسيت اقول مين هى فتاة احلامى
:47:

فتحيييييية

:5::5::5:

[أشجان الليل]

أخى كوكب شكرا لمشاركتك الكريمه... :)

[أشجان الليل]

كاتب الرسالة الأصلية : سمسمة
فى كل حتة سمسمة هى الماما

الله

:mad:

محدش عاد يقولى ياماما تانى بقى:2:

انا مش ام حد


أديكي أما اتبطرتي...كوكب ماكتبش ماما خالص...:eek:

لأن مافيش ماما غيرك...:p

ولا تيته غيرك:D

[أشرف المجاهد]

بسم الله الرحمن الرحيم

أختى الصغيرة والكبيرة فى المقام سمسمة :)

كل سنة وأنت طيبة :) يا سمسمة المنتدى

ولا يهمك من أشجان دى بتحسدك على لقب تيته :5::5::D

سلالالالالالالالالالالالالالام سمسوووووووووومة :)

[أشجان الليل]

كاتب الرسالة الأصلية : كوكب




ولا يهمك من أشجان




:eek:

بقى كده..........!!!!!


طيب












مش هاتكلم:o
:6:
:2:

[moon1]

موضوع حلو خالص تسلم ايديكم
انا اختار اختى بنت مصر
واختى بسمة امل
واختى سمسة
واختى لينا
واخويا sherry
واخويا ابن البلد
هما كتير بس انا بعتبرهم اسرتى فى المنتدى

[أشجان الليل]

انت كده أخترت أخواتك بس......



أمال فين بابا وماما...وأنور وجدى..............:5:

[moon1]

بابا وماما مممممممممممممم هدور عليهم فى المنتدى وابقى اقولك عليهم

[Eskandarani]

فكرة عبقرية يا أشجان الليل فشكرا لكي ولكل من شارك، ويارب ردي ما يزعل أحد ويارب ما أنسى أحد؟

1-والــــدتي..أسف لن يحل مكانها كائن من كان مع حبي وإفتقداي لها بجنون، ولكن جدلا ممكن تكون طنط: هبة!
2-والــــدي .. يرحمه الله فكان نعم الصديق والمعلم والأب ولن يحل محله أحداً أبداً
3-أخواتي الكبيـرات .. وكلهن كبيرات مقاما وليس سنا : بنت مصر-براود مسلمة-ميس فيرجو
4-أخوتي الكبار..(كبار قوي) ابن مصر-ابن ابلد-محي الدين
5-أخواتي الصغيـرات.. وكلهن صغيرات سنا وكبيرات مقاما : جرح الزمان-أشجان اليل-طعمه-سمسمة "الفليسوفة"- نعناعة-لينا-إنجل-ووووووكثير تاني نسيت اسمائهن من كثرهن
6-أخوتي الصغار.. محمد علي محمد + Al Umdah (اخويا الصغير حقيقي)
7-أصدقائي/صديقاتي .. خالد ابن الوليد-شمس الدين-أسامة يس-فاضل-محمد البنيان-مصراوي-العمدة-بنت مصر+براود مسلمة
8-فتاة أحلامي.. لازم الإحراج! راحت كندا تاخذ الجنسية من 13 سنة ولم تعد الى الأن!( صابونة) وإوعوا تقولوا لمراتي انا في عرضكم
9-ابنـــي.. في المتندي لم يولد بعد!
10-ابنتــي.. في المتندي لم تولد بعد!
11-بواب العمارة التي أسكن بها مع أسرتي .. بلا فخر أنا شخصيا ليسعدني خدمتكم أولاً و الأهم فلوسكم ثانياً من شهريات وعيديات وبقشيش وأجرة مسح السلم وغسيل عربياتكم وسمسرة من تأجير الشقة الي في الدور السادس والثامن(بالدولار) وكمان عشان حا أقف لكم بالمرصاد لإستتباب الأمن والأمان وأطلع عينيكم

[سمسمة]

اشجان الليل

مرة واحد اتكبس..............دمه اتحبس:5:

اهوه كوكب قال لى فى رد لوحدىىىىىىىىىىى:p

مش مشكلة اذا ماكنش قال قبل كدة بس اهو قال وخلاص:D

شكرا ياكوكب:)

شكرا يامون وانت كمان زى اخويا:)

وربنا يديمكم علينا اعضاء:5:

اسكندرانى:
اه يااسكندرانى اه ..يامين ياحكمنى على زوجتك وانا ..............


اه اسكت اسكتى:5:

الا قولى .. انت هتدينى اد ايه عشان اسكت عن اللى شوفته دة
انا مااقدرش اكتم واسكت عن اللى حصل دة...ابدا ابدا:d

شكرا يااسكندرانى ... :)

البروف سمسمة..:112:

[أشجان الليل]

كاتب الرسالة الأصلية : Eskandarani
فكرة عبقرية يا أشجان الليل

طبعا طبعا...
:p
مش من بنات أفكاري.. :9:
لازم أغيظ سمسمه شويه:p:p

كاتب الرسالة الأصلية : Eskandarani

11-بواب العمارة التي أسكن بها مع أسرتي .. بلا فخر أنا شخصيا ليسعدني خدمتكم أولاً و الأهم فلوسكم ثانياً من شهريات وعيديات وبقشيش وأجرة مسح السلم وغسيل عربياتكم وسمسرة من تأجير الشقة الي في الدور السادس والثامن(بالدولار) وكمان عشان حا أقف لكم بالمرصاد لإستتباب الأمن والأمان وأطلع عينيكم


لو الحكاية كده....:confused:
ممممممم...





يبقى هات لى دكه علشان أعد جنبك;)
:5::5:

[العمدة]

للرفع :)

[أشجان الليل]

thank you umdah :)

[سمسمة]

أضم للاسرة ناس جديدة ولرفع الموضوع كمان

-والــــدتي.. ماما زوزو

2-والــــدي ..الاستاذ عاطف هلال ود.جمال مرسى

3-أختي الكبيـرة .. انفال وساكنة السحاب وحلا وسمورة وزهرة العلا وانا عسولة وايناد

4-أخي الكبيــر .. فاضل ود.عادل واحمد ناصر والازهرى المصرى ومحمد فاروق وعلى درويش

5-أختي الصغيـرة ..مفيش غير العيلة جنان الفردوس وعضوة جدية اسمها المفكرة والبت الدلوعة داريا

6-أخي الصغيــر..سناك وفارما بوى وماتريكس ولورد اوف دارك وميدو وطرزان وشلة قاعة الكمبيوتر كلهم

7-صديقي/صديقتي..اتمنى صداقة مع كل المنتدى وكل المنتدى اصدقائى وصديقة عمرى كلها هى بسنت وحبيبتى لينا
وكمان ابن البلد وشمس الدين
8-فتى / فتاة أحلامك..................


9-ابنــــك.. يعنى هابقى طالبة صغنتوتة ويكون عندى عيال:p
10-ابنتــك.. مش حكاية بقى انا لو حتى كبيرة ماكنتش هاقولك انا عايزة عيال فى المنتدى :d

11-بواب العمارة التي ستسكن بها مع أسرتك تلك... احمد ناصر :p

[أحمد ناصر]

أضم للاسرة ناس جديدة ولرفع الموضوع كمنا

-والــــدتي.. ماما زوزو

2-والــــدي ..الاستاذ عاطف هلال ود.جمال مرسى

3-أختي الكبيـرة .. انفال وساكنة السحاب وحلا وسمورة وزهرة العلا وانا عسولة وايناد

4-أخي الكبيــر .. فاضل ود.عادل واحمد ناصر والازهرى المصرى ومحمد فاروق وعلى درويش

5-أختي الصغيـرة ..مفيش غير العيلة جنان الفردوس وعضوة جدية اسمها المفكرة والبت الدلوعة داريا

6-أخي الصغيــر..سناك وفارما بوى وماتريكس ولورد اوف دارك وميدو وشلة قاعة الكمبيوتر كلهم

7-صديقي/صديقتي..اتمنى صداقة مع كل المنتدى وكل المنتدى اصدقائى وصديقة عمرى كلها هى بسنت وحبيبتى لينا

8-فتى / فتاة أحلامك..................


9-ابنــــك.. يعنى هابقى طالبة صغنتوتة ويكون عندى عيال:p
10-ابنتــك.. مش حكاية بقى انا لو حتى كبيرة ماكنتش هاقولك انا عايزة عيال فى المنتدى :d

11-بواب العمارة التي ستسكن بها مع أسرتك تلك... احمد ناصر :p
ماهو إنتى تختارى حاجة من إتنين
يا أخوكى الكبير يا بواب العمارة
إنما الإتنين مع بعض
ده إيه الشرف الكبير ده كله يا سماسيمو
*109*

[daria]

والدتي:اكيد ماما زوزو:) وام حسام وسمورة وايناد:d

والدي:دول كتير بس مش عايزة اكبرهم يعني الاستاتذة عاطف هلال وجمال النجاروعمرو اسماعيل*3*

اختي الكبيرة :دول ياما بس نقول حلا وبسنت وسمسمة وايمي ميشووانفال (غايبة عنا) .........كتير*3*

اخي الكبير:دول ياما بردة وفيه مش اعرف اعمارهم بس نقول استاذ فاضل واحمد ناصرواسلام شمس الدين والازهري المصري والصعيدي وشودي وابن البلد مش عارفة ازاي بس ابن البلد يعني:d ........كتير

اختي الصغيرة:هوه انامن الصغيرين اصلا بس مفيش غير يعني جنان .....ضنايا ثانوية عامة*6*

اخي الصغير:مفيش غير طرزان اصلا *4*

صديقي:في كتير من اللي تم ذكرهم اعلاه مضافا ليهم حبيبتي ميادة وسلمى البنا ومي واشجان الليل*9*

فتى احلامي:عيب تؤتؤتتؤتؤ لكني في ناس فيهم صفات هايلة زي التدين الثقافة الوطنية خفة الدم اللباقة المنتدى مجتمع عادي.............حلوة الدبلوماسية دي؟؟:d

ابنك:لو في عضو عنده سنتين او تلاتة يادوبك ابني .........هههههههههه مفيش:d

ابنتك:الاجابةالسابقة مضااف اليها تاء التأنيث...........هههههههه:d

بواب العمارة:ماقدرش اقول على عضو كدة عييييييييييييييب:d

[ana3sola]

الدور عليا انا بقى

-والــــدتي.. ماما زوزو طبعا

2-والــــدي ..الاستاذ عاطف هلال ود.جمال مرسى

3-أختي الكبيـرة .. سمسه وزهرة العلا *42*
4-أخي الكبيــر .. الازهرى المصرى ومحمد فاروق
5-أختي الصغيـرة ..جنان الفردوس وبسنت ولينا
6-أخي الصغيــر..سناك ولورد (على فكرة هما اصحاب من الطفوله)
7-صديقى... كل اعضاء المنتدى اصدقائى.
8-صديقتى ..... سمسه وبسنت ( وكل بنات المنتدى )
8-فتى احلامى ..... ما خلاص اتجوزت بقى*156*
9-ابنــــك.. ابنى عندة سبع شهور فيه حد هنا عندة سبع شهور؟؟*43*
10-ابنتــك.. عندها 8 سنوات لوحد هنا السن دة يبقى ابنتى*63*
11-بواب العمارة التي ستسكن بها مع أسرتك تلك... صاحب الادارة هههههههههههههههه

[ماما زوزو]

حبايب قلبى العسل
نور عيونى السكر
فلذة كبدى اولادى
لينــــــــــا*3**8*
سمسمــــة*3**8*
داريـــــــا*3**8*
انا عسولة*3**8*
لى عظيم الشرف ان اكون اما لكم
ولكل اعضاء المنتدى..........
ودائما اقولها ( رب ابن او ابنة لى لم الدهم)
وانا والحمد لله انعم عليا الله بعدم الانجاب
لذلك اشعر من اعماقى بانكم اولادى حقا
لكم تحياتى وتقديرى ...........
واعتذر لتاخرى فى الرد لانى لم ارى الموضوع الا اليوم....
فشكرا جزيلا لكم لهذا الشعور العظيم منكم...........
فلكم منى باقة ورد*167* تحية منى لكم...

ماما زوزو......

[ابن البلد]

:>
سمسمة شكرا علي الرفع
والحمد لله أني مبقتش البواب

داريا أنا تخيلت فتي أحلامك هيكون محمد فاروق ؟؟
زي كل البنات دائما ما بتحب ان جوزها يكون زي أخوها مش عارف ليه مع أن محمد فاروق ده يا بنتي مينفعش يبقه أخ


أنا عسوله
مبروك الجواز
وعقبال البكاري
:d

[daria]

ههههههههههه:) :d :d

محمد فاروق:d
اكيد ممكن يصلحلك المعلومة دي:d
او ماما:d
لاني مشغولة فطسانة من الضحك:d

[أشجان الليل]

أضم للاسرة ناس جديدة ولرفع الموضوع كمان
.
.

4-أخي الكبيــر .. فاضل ود.عادل واحمد ناصر والازهرى المصرى ومحمد فاروق وعلى درويش

8-فتى / فتاة أحلامك..................
:p

أخص عليكي كسرتى قلبى يا سمسمه.....
يعنى مش راضيه بيا أبقى فتى أحلامك...
طيب اعتبريني زى أخوكى الكبير برضه *9*

[أشجان الليل]

داريا و أنا عسولة...

جزاكم الله خيرا على مشاركتكم

وأول مرة اعرف إن عسوله كبيرة كده...
والله أنا كنت فاكره نفسي أكبر منك!!!:eek:

بت يا داريا...
انا رجعت من السفر خلاص...
وموجوده فى البيت..
أبقى عبريني واتصلى..علشان أنا كرامتى بتنقح عليا ومش هاتصل *9*
خخخخخخخخخخ
ياللا بقى انتى الكبيره

[ana3sola]

ماما زوزو
ربنا يخليكى لينا يا ام قلب حنين *3*
وكل سنه وانتى طيبه رمضان كريم

اشجان الليل
مين قلك بقى انى اكبر منك ؟؟؟
دة انا اصغر منك بكتير :d
كل سنه وانتى طيبه

[أشجان الليل]

وأنتى طيبه *8*

[أنفـــــال]

الموضوع دة جميل اوي يا أشجان الليل..
مش عارفة ازاي ماشوفتهوش قبل كدة.. :)
ياللا ما علينــــــا..
اسمحي لي بالمشاركة.. *3*

1-والــــدتي.. ماما زوزو.. طيبة و بحبها اوي و باحس اني بابقى سشايفاها و هي بتكتب الكلام.
2-والــــدي .. دكتور جمال مرسي و دكتور سلطان واستاذي عاطف هلال.
3-أختي الكبيـرة ..بسنت و ايناد و سمورة
4-أخي الكبيــر .. الطيب الغالي أحمد ناصر.. و مهندس علي درويش و السيد صفحات العمر
5-أختي الصغيـرة .. سمسمة الشقية ام دم خفيف. و بسمة أمل الالتزام في ثوب واثق..
6-أخي الصغيــر.. قلبوظ هو موجود هنا بالفعل و هو شقيقي و اضيف اليه أحمد سمير..
7-صديقتي : هنا هي بسنت و انا افتقدها بشدة.. و أحبها لأنني اراني أشبهها في بعض الاشياء.
ممكن اضيف.. زملائي في المهنة : الازهري المصري و احمد ناصر
8-فتى / فتاة أحلامك.. هو صعب بس انا عاوزاه كوكتيل .. :) يعني..
عاقل محترم زي فاضل
طيب بشوش زي أحمد ناصر..
عسل و سكر زي محمد فاروق
طموح و مجتهد زي الازهري المصري
ملتزم و يدعو الى الاسلام زي أسد و أشرف المجاهد
مهذب و حسن الكلام زي علي درويش
رقيق و رومانسي زي صفحات العمر
حنون و قلبه ابيض زي دكتور جمال مرسي
لبق و متمكن زي استاذ عاطف هلال
ذكي و مثقف زي اسلام شمس الدين
صعب يكون في كوكتيل بالروعة دي .. :) مش كدة يا اشجان؟؟
9-ابنــــك.. ابني هنا يا أشجان مش موجود لأن الاعضاء صغار السن قليلين بس انا عاوزاه زي أسد او الازهري المصري او اشرف المجاهد
10-ابنتــك.. حبيبتي الرقيقة داريا و حبيبتي الذكية لوست و كمان بسنت باحس انها بنتي برضه :)
11-بواب العمارة التي ستسكن بها مع أسرتك تلك... (وبلاش تكتبوا كلكم ابن البلد كالعادة...أى نعم هو أمين جدا..وينفع للشغلانه دى..بس حرام عليكم..الولد يتعقد)
لأ مش هاقول ابن البلد..:)
لأن الاسرة دي ستحظى بالامان من غير مايحتاجوا بواب
و شكراً على موضوعك الجميل يا أشجان الليــــل

[أشجان الليل]

8-فتى / فتاة أحلامك.. هو صعب بس انا عاوزاه كوكتيل .. :) يعني..
عاقل محترم زي فاضل
طيب بشوش زي أحمد ناصر..
عسل و سكر زي محمد فاروق
طموح و مجتهد زي الازهري المصري
ملتزم و يدعو الى الاسلام زي أسد و أشرف المجاهد
مهذب و حسن الكلام زي علي درويش
رقيق و رومانسي زي صفحات العمر
حنون و قلبه ابيض زي دكتور جمال مرسي
لبق و متمكن زي استاذ عاطف هلال
ذكي و مثقف زي اسلام شمس الدين
صعب يكون في كوكتيل بالروعة دي .. :) مش كدة يا اشجان؟؟


ههههههه
بقولك ايه؟؟؟
لو لقيتي واحد بالمواصفات دى..
أعملى له استنساخ لكل بنات المنتدى...
......حب لأخيك ما تحب لنفسك :)
وشكرا على مشاركتك اللى زى السكر زيك *8*

[أنفـــــال]

للرفع ..:)

[ماما زوزو]

بسم الله الرحمن الرحيم
ابنتى الحبيبة جدا انفال
لكى جزيل شكرى وامتنانى
ربنا يخليكى ليا انت وكل اولادى
حبايب قلبى ونور عيونى
*170*

[حنـــــان]

والله يا جماعه الواحد لسه بيتعرف عالكل بس لحد دلوقتي ماتعرفتش على حد الا وقلبي انفتح له او لها والجو فعلا عائلي وهادي وجميل... http://smilies.sofrayt.com/fsc/girl%20with%20butterfly.gif

و افتكروني لما تستنسخوا الكوكتيل الروعة http://smilies.sofrayt.com/fsc/wink.gif

مع تحياتي واحترامي و تقديري للجميع

http://pics.homere.jmsp.net/t_24/64x64/040225_coeur.gif

[أشجان الليل]

أنا قلت بقى نونا دلوقت عرفت الاعضاء كلهم..
فممكن تختار براحتها..
وبدعوا كل الاعضاء اللى انضموا لنا قريب للمشاركه فى اختيار أسرتهم!!
دى فرصه لن تعوض

اتفضلوا يا جماعه..
الدخول من هنا :)

[أنفـــــال]

باحب موضوعك دة جداً يا اشجان الليل ..:)
و ممكن الباقي يكملوا.. :)
ماما زوزو انتي احلى ماما في الدنيا ..:)
أنفال

[ميشو]

للاسف انا عضو جديد بالمنتدي ولسه ماتعرفتش على بقية الاعضاء *13*

فمقدرش احكم على حد وانا ماعرفش شخصيته *12*

بس انا متاكد ان المنتدي كله عائلتي *3*

وبقدم بوكيه الورد ده لكل اعضاء المنتدي *7*

http://www.w6w.net/album/35/w6w2005042200042058081e51.jpg

*8* *8* *8* http://www.w6w.net/album/35/w6w200504230212344b50e998.gif*8* *8* *8*

http://www.w6w.net/album/35/w6w2005042200042058081e51.jpg

http://www.w6w.net/album/35/w6w2005042100215073c0551e.gif

[أشجان الليل]

أهلا بيك يا ميشو..
المنتدى نور والله
*8*

[snake]

تحباتي ليكي ياشجان جميل الموضوع *8*
1-والــــدتي..
ماما زوزو

2-والــــدي ..
استاذي الصعيدي باشا

3-أختي الكبيـرة ..
نوسة وديدي

4-أخي الكبيــر ..
استاذ فاضل

5-أختي الصغيـرة ..
اسيرة الصبر

6- أخي الصغيــر..
مش عارف

7-صديقي/صديقتي..

مظلوم

8-فتى / فتاة أحلامك..
لا الحمد لله معايا *109*


9-ابنــــك.. >> لسة شوية
10-ابنتــك.. >> برده لسة

تحياتي ليكي

[مووورا]

*38**38**38*أنا بقى ياجماعه متغاظه وغيرانه قوى منكم ...........لأنكم كلكم عارفين بعض ...........وعايزه اعرف ازاى ممكن اعرفكم أوتعرفونى ....بصراحه أنا حبيت المنتدى قوى ..أنا خلاص هعيط....حتى شوفوا....عااااااااااااااااع .

[سمسمة]

*38**38**38*أنا بقى ياجماعه متغاظه وغيرانه قوى منكم ...........لأنكم كلكم عارفين بعض ...........وعايزه اعرف ازاى ممكن اعرفكم أوتعرفونى ....بصراحه أنا حبيت المنتدى قوى ..أنا خلاص هعيط....حتى شوفوا....عااااااااااااااااع .

خلاص انا هاكون اول اصدقائك *3*

http://members.lycos.co.uk/smsma2005//3d/gif_24_06.gif

اهلا وسهلا بيك ومنورة المنتدى يامورا

http://members.lycos.co.uk/smsma2005//welcome/hi37.gif

[مووورا]

*3*
الله يخليكى ياسمسمه
ياطيبه
ياحنينه
والله الواحد مش عارف يودى جمايلك فين

[ابن البلد]

للرفع :2:

[زهــــراء]

السلام عليكم ...
شو ياجماعة هذا موسم الرفع ولا شنو بالظبط:xmas7: كل شوية ترفعوا موضوع اجمل من اللي قبله ..شكراً جزيلاً استاذ أحمد على رفع الموضوع :f:
على كده انا شكلي حأتبنى ناس كثييييييير,طيب أجاوب وأمري لله :xmas9:

1-والــــدتي.. .......ماما عبير طبعا بنت شهريااااااااااار بحسها ماما بجد وبموت فيها بموت فيها بموت فيها ..3بموت فيها :xmas3:وبلاش اقول حاجة ثاني كفاية فضايح :d

2-والــــدي .........استاذ نادر اسكندراني واستاذ سيد جعيتم دول حقيقي غلاوتهم عندي لاتوصف ...:f:

3-أختي الكبيـرة .........شعاع من نور وندى الايام ومي مؤمن واميرالد وايناد وقلب مصر واحلى كلمة وام البنات..:f:

4-أخي الكبيــر .. .......ابيه مظلوم وزيزو واستاذ حسن شاعر الرومانسية وحمادو وسيف الدين واستاذ ليدر ودكتور بيدو واستاذ معتز ودكتور عصام كابو وخالووووو وابن البلد ...

5-أختي الصغيـرة ..ريم جهاد حبيبتي ..

6-أخي الصغيــر........هو الحقيقة ما أعرف عضو أصغر ولكن ممكن اقول سامح عطية _معلش ياسموح فرق سنة مش كتير:xmas3:_

7-صديقي/صديقتي.. ................... بعد ماكتبت جريدة مسحت اللي كتبته لأن بجد ما حكون مبسوطة لو بعدين افتكرت أحد نسيت أكتبه..:xmas9:

8-فتى / فتاة أحلامك.................... ده ايه السؤال ده :xmas4: لاءة مافيه جواب :xmas10:

9-ابنــــك.................. ساااااااااااااااااااامح مش عارفة تيجي ازاي بس هي كده :d

10-ابنتــك............... ريم جهاد وماروكو وتوتا بحسهم بناتي وبموت فيهمممممممم وكذا حد بس ما حأقول:xmas10:

11-بواب العمارة التي ستسكن بها مع أسرتك تلك..............هريدي :d


موضوع جميل جداً تسلم إيدها أشجان الليل ..
خالص تحياتي :girl25:

[بنت شهريار]

ههههههههههههههههههههههههههههههههههه
عسل يازوزوووووووووووووو
خلى بالك المخبرين بيدوروا عليا انا وانتى
استخبى بقى
هههههههههههههههههههههههههههههههههههه

شكرا للرفع
لى عودددددددددددددة
تحياتى

[sameh atiya]

6-أخي الصغيــر........هو الحقيقة ما أعرف عضو أصغر ولكن ممكن اقول سامح عطية _معلش ياسموح فرق سنة مش كتير:xmas3:_


9-ابنــــك.................. ساااااااااااااااااااامح مش عارفة تيجي ازاي بس هي كده :d
:girl25:

ههههههههههه:xmas3:
اخوكى الصغير وشويه ابنك وشويه مش عارف ايه:xmas22:
يا بنتى ارسى على حل ا تبقى بنتى يا ابقى ابنك:d
شكرا يا زهراء على مشاعر الاخويه بجد انا بحترمك زى اختى :xmas20:

[بنت شهريار]

-والــــدتي.. اوشا (( مش كبيرة سناً لكن بحس فيه حاجة مشتركة بيا ، محدش يقولهاااااااااا ))
2-والــــدي .. بابا فى بيتنا
3-أختي الكبيـرة .. نور2005
4-أخي الكبيــر .. دكتور عصام كابو - أ / ليدر
5-أختي الصغيـرة .. عدوا معاياااااااااااااااااااااا
ندى الايام ، مى مؤمن ، شعاع من نور ، ايميرالد ، دعاء ثابت ، ارتحال ، ماروكوا ، احلى كلمة
6-أخي الصغيــر.. زيزوووووووو
7-صديقي/صديقتي.. كل اعضاء المنتدى نفرررررر نفررررررررررررر
8-فتى / فتاة أحلامك.. مش هناااااااااااااااااااااااااااااااا
9-ابنــــك.. عدوا معايا بس بالحروف المتقاطعه علشان بتوع ا لتعداد السكانى والحسد هههههههههههههههههههههه
أ - أ - س - م - ع - ح - م اعتقد كفاية دول حاليا
10-ابنتــك.. زوزووووووووووووووووووووو
11-بواب العمارة التي ستسكن بها مع أسرتك تلك... أـ محمد نديم
(( بشعر ان اى موضوع ليه قادر بشكل رائع انه يجمعنا حواليه
ويرد علينا كلنا باسلوب اكثر من ممتاز
فعلا بيتحكم فى الموضوع بشكل جميل جدا
هو الحكم فعلا ))

تحياااااااااااااااااااااااااااااااااااااااتى