اقتراح جديد ...

[دموع_مجروحة]

السلام عليكم ورحمة الله وبركاته ...

طبعا انا عارفة انه توقيت مش ممتاز اني أقولكم على اقتراحي .. واحدة أخوها في المستشفى و هي عل النت بتكتب اقتراحات !!!:confused:


أصل هقولكم السبب .. هو في المستشفى بعيد عن النت شوية يعني دي فرصتي الوحيدة اني أقعد عليه :(


ياللا قوام قبل ما ييجي ....


أولا بقول له ترجع لي ولنا بألف سلامة ... :)


ثانيا أحب أقوللكم على اقتراح أود أن أسمع رأيكم فيه ...

ايه رأيكم لو نختار كل أسبوع كاتب أو أديب أو شاعر نكتب سيرته الذاتية ونعرضها عن طريق قاعة الصالون الأدبي ..
كتير من الناس يعرفوا الكاتب الفلاني والأديب العلاني لكن ما يعرفوش هو أصبح كاتب أو شاعر أو أديب ازاي ؟؟ وايه كانت حياته ودراسته ؟؟؟
ويتم اختيار شاعر أو كاتب أو أديب الأسبوع عن طريق اقتراح اتنين ويتم التصويت عليهم ويكون هذا التصويت قبل نهاية أسبوع الأديب أو الكاتب السابق ...


هاه ايه رأيكم ؟؟؟؟ لو عجبتكم الفكرة يا ريت تبلغوني لأني عندي كتاب وأدباء وشعراء كتير حابة كلنا نعرف عنهم ...


شكرا

[إسلام شمس الدين]

أؤيد الفكرة تماماً و أرحب بها . .
و ياليتك تشرعي في تنفيذها سريعاً بحيث تفردي لكل أديب موضوعاً مستقلاً .

أطيب الأمنيات لكِ بالتوفيق أختي الكريمة ، و لأخينا الحبيب بحر الإسكندرية بالسلامة و العافية

تحياتي و تقديري
إسلام شمس الدين

[بنت النيـل]

ايه ده
اول مرة اعرف انك اخت بحر اسكندرية

اخونا العزيز

فرصة جميلة قوي اني اتعرف عليكي من جديد

فكرة جميلة جدا وانا موافقاكي عليها

وممكن لو تحبي اعمل معاكي فيها

ياللا ورينا الهمة

:) :)

[بنت مصر]

فكرة جميلة جدا يا دموع
يلا ورونا وبالتوفيق يارب


بسنت

[جنان الفردوس]

وأنا كمان معاكي في الفكرة اللذيذة قوي دي ..
بس احذري مني عشان أنا هقول لبحر عليك أول ما يرجع بالسلامه:D
يالا ورينا الهمه .. انا مستنية ..

[العاشق]

السلام عليكم ...

أختي دموع مجروحة ..
أحب أقولك ان اقتراحك مفيد وفكرته جميلة .. فياريت تنفذيه بسرعة .. مستنيين الموضوع ..

[دموع_مجروحة]

السلام عليكم ورحمة الله وبركاته ..

أخي \ اسلام ..

أشكرك جدا على تحميسك لية وللفكرة .. وأنا بالفعل من أول ما ما شفت حماسكم للفكرة شرعت في تنفيذها فورا وكل ده بفضل تشجيعكم .. حتى اسألوا بحر الأسكندرية أنا كنت بعمل ايه علشان أحاول أني أجمع كل شئ عن الشخصية اللي هنزلها من حياته لنشئته لدراسته لكل شئ في حياته بس الموضوع محتاج مني شوية وقت علشان كده أنا رفضت اني أدخل المنتدى بعد الاقتراح الا ومعاية الموضوع كامل .. وأنا بالفعل أوشكت على الانتهاء منه .. وباذن الله هينزل قريب .. بس انتم بس ادعولي ...

أشكركم على الاهتمام ..

[دموع_مجروحة]

ازيك يا بنت النيل ..

والله كلكم ليكم وحشة .. أنا ما كنتش أعرف اني المنتدى متملكني للدرجة دي ..
أشكرك جدا على تشجيعك للفكرة وان شاء الله لو فيه أي احتياج مني للمساعدة هتكوني انت أول ايد هطلب منها انها تساعدني .. وربنا يخليكي لية وللمنتدى يا رب ..

[دموع_مجروحة]

ربنا يخليكي يا بسنت والله ليكي وحشة مخصوص ..
وانت كمان يا جنان أشكرك على الحماس والتشجيع .. وان شاء الله أكون عند حسن ظنكم .. وخلاص بحر عرف اني اتكلمت عليه ودخلت المنتدى من وراه .. وما عمليش حاجة :p

[دموع_مجروحة]

أولا يا العاشق أهلا وسهلا بيك ضيف جديد بينا والمنتدى نور بانضمامك ليه .. ويلا بقى ورينا الهمة زي ما أنا هحاول وأعمل ..

[بنت النيـل]

منورة يادموع مجروحة :)

انا عملت موضوع شاعر وقصيدة

يارب يعجبك

منتظرين مجهودك بقى :)