سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : الباب الخلفى

د. حورية البدرى
13-09-2002, 08:41 AM
الباب الخلفى دايما للمشبوهين
ولكلب ولص وناقص دين
وان كنّا ح نعرف نتفلسف
ونقول : الحال المتشقلب خلاّ الدنيا تضرب تقلب
والباب الخلفى صبح قدّام !
فده بس كلام
وده دس معانى فى الأوهام
الباب الخلفى طول عمره باب الخدّام 00
الباب الخلفى له بروتوكول
وأصول وتاريخ دايما بطّال
وان كان أبطال العصر عوالم أو أندال
واخدين شهادات ونجوم
فماهيش ح تدوم
ودوام الحال - طبعا - محسوم ؛ بالنفى القاطع
وان حشدوا العالم ، والعالمات
عدسات الزوم دايما بتجيب
وبتوضح صورة البوابات
والباب الخلفى المخفى ساعات ؛ بيبان
دايما مشبوه
وان وعى الدنيا ف لحظه يتوه ؛
لابد تفوق
وتقول بالعافيه أو بالذوق :
الباب الخلفى عمره ماكان واضح أو فوق
الباب الخلفى باب ضيّق ، مخنوق ، مزنوق
ممكن مخلوق ينفد منّه
لو م الأقزام !
ويفوز بشهادات التقدير على انجازه
وان كان التقدير له ناسه ؛
فماتحزنشى ياجمال حمدان 00
ان كان التقدير له ناسه ؛
الناس مش دايما م الفرسان
فيه ناس واخدين الدنيا شطاره وبدنجان
وان كان الباب الخلفى ساعات يصبح قدّام
لو بعض رجال الدوله تلف وراه
بس المأمول
لو كلمه تقول اصحوا يانايمين
الباب الخلفى للخايبين
وان حتى يحوزوا ميت نجمه ويّا النياشين !


-------د0 حورية البدرى
د. حورية البدرى
16-09-2002, 09:09 AM
السوس صبح انسان
لما لبس فستان ، واما لبس بدله
وامّا بقى له لسان ؛ خدّاع ومش خايف !
واللى اختشى لو مات ؛
له ألف حق يفوت تعلب سبع مرات 00
أحداث بتتكرر
وان حق يتقيّد
بالطبع ح نلاقى الشر متحرر !


----- د0 حورية البدرى

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث