الصحابيات ...المنسيات.........متجدد [الأرشيف]

سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث

مشاهدة النسخة كاملة : الصحابيات ...المنسيات.........متجدد

الدكتورة نسيبة

13-05-2007, 01:32 AM

السلام عليكم ورحمة الله وبركاتة

يمكن كتير من الناس لما بتقرأ اسمى فى المنتدى بتتسائل مين نسيبة وفيه ناس اما بتقراها بتقراها للاسف نصيبة وفيه ناس بتقولى اشمعنى اختارتى الاسم ده

فعشان كده حبيت اقولكم ليه اخترت اسمها

يمكن اخترت اسم نسيبة عشان موقفها مع رسول الله فى الدفاع عنه ويمكن الناس اللى قرتها نصيبة او متعرفهاش ميعرفوش اد ايه الصحابية دى جميلة وعظيمة وانى ليا الشرف انى احمل اسمها فى المنتدى ويارب يجمعنى بيها فى الجنة مع اشرف المرسلين امين يارب

وعشان كتير من الناس هنا ميعرفوش الصحابية العظيمة اللى يعلم ربنا انى بحبها جداااااااااااااااااااااا واتمنى انى اتحلى بصفاتها وتكون عندى ذرية صالحة باخلاق وطباع مواقف نسيبة بنت كعب واللى فعلا لما قريت سيرتها زدت حب ليها واقشعر بدنى من حلاوة مواقفها وصبرها

عشان كده حبيت القى الضوء انا وشعاع من نور على الصحابيات المنسيات اللى قليل حد يعرف عنهم حاجة

وحبيت انى ابدا بالسيدة نسيبة بنت كعب واللى اتمنى انكم تعرفوها وتحبوها زى ما بحبها ونتعلم منها ومن مواقفها
فمن هى نسيبة بنت كعب

نسيبة بنت كعب بن عمرو بن عوف بن مازن بن النجار الأنصارية
وكنيتهـا أمُّ عمارة ، كانت هـي وأختها في بيعـة العقبة الثانية وبايعتا
الرسول -صلى الله عليه وسلم- ، وقد حضر معها زوجها زيد بن عاصم
وابنها حبيب وما تركت غزوة إلا وخرجت فيها مع رسول الله تضمد الجرحى وتسقي الجنود وتعد الطعام وتحمس الرجال على القتال.

أحب مواقفها الى نفسى وسبب تسميتى باسمها فى المنتدى هذا الموقف الرائع مع سيدنا محمد صلى الله عليه وسلم فى غزوة أحد
خرجت نسيبة يوم أحد ومعها سقاء وفيه ماء ، فانتهت الى رسول الله -صلى الله عليه وسلم- وهو في أصحابه ، والدولة والربح للمسلمين ، فلمّا انهزم المسلمون انحازت الى الرسول -صلى الله عليه وسلم- ، فكانت تباشر القتال وتذود (تدافع) عنهم بالسيف ، وترمي عن القوس حتى جُرِحَت على عاتقها جُرحاً أجوفاً له غَوْر ، أصابها به ابن قُميئة(الذى كان يريد ان يقتل رسول الله ) وقد قال الرسول -صلى الله عليه وسلم- ( لمقامُ نسيبة بنت كعب اليومَ خيرٌ من مقام فلانٍ وفلان ) وكان يراها تقاتل أشدَّ القتال ، وإنها لحاجزة ثوبها على وسطها حتى جُرِحَت ، وقد قالت للرسول -صلى الله عليه وسلم- ( ادْعُ الله أن نرافقك بالجنة ؟!) فقال ( اللهمَّ اجعلهم رفقائي في الجنة ) فقالت ( ما أبالي ما أصابني من الدنيا )

ولمّا انكشف الناس عن رسول الله -صلى الله عليه وسلم- بقيت السيدة نسيبة وزوجها وابناها بين يديه يذُبّوا عنه ، والناس يمرون به منهزمين ، ورآها الرسـول الكريـم ولا ترسَ معها فرأى رجـلاً مُوليّاً معه ترس ، فقال له ( ألقِ تُرْسَـكَ إلى مَنْ يُقاتِل ) فألقى تُرْسَـه ، فأخذته نسيبة وتروي ذلك قائلة ( فجعلت أتترَس به عن رسول الله -صلى الله عليه وسلم- ، وإنّما فعلَ بنا الأفاعيلَ أصحابُ الخيل ، لو كانوا رجّالةً مثلنا أصبناهم إنْ شاء الله ، فيُقبل رجلٌ على فرسٍ فضربني ، وتترّسْتُ له فلم يصنع سيفه شيئاً ، وولّى ، وأضرب عُرْقوب فرسِهِ ، فوقع على ظهره ، فجعل النبي -صلى الله عليه وسلم- يصيح ( يا ابن أم عمارة أمَّكَ أمَّكَ !) فعاونني عليه حتى أزْوَرْتُهُ شَعُوب(الموت) )

شايفين اد ايه جمال الموقف وحلاوته وشايفين اد ايه انها خلاص مش فارقة معاها الدنيا كلها ومش فارقة معاها لو ماتت او زوجها او اولادها ماتوا مادام خلاص بقت فى الجنة ما شاء الله . شايفين اد ايه كان رسول عليه الصلاة والسلام فخور بيها وفرحان بيها .الله يرضيها ويرضى عنها ويجمعنا معاها فى الجنة امين يارب ان شاء الله
مش ليا حق برضه انى اسمى نفسى باسمها فى المنتدى؟؟؟!!!

الموقف ده كمان عجبنى اوى وياسلام لو كل ام تعتبره عبرة وتستعين بيه فى تربية اولادها انها تربيهم عشان الاسلام ورفعة الاسلام وخدمة الاسلام

انه قد جُرِحَ يوم أحد ابنها عبد الله في عَضُده اليسرى ، ضربه رجل ورحل عنه ، وجعل الدم لا يرقأ ، فقال الرسول -صلى الله عليه وسلم- ( اعْصِبْ جُرْحَك ) فأقبلت أمه نسيبة ومعها عصائب قد أعدّتها للجراح ، فربطت جُرْحَه ، والنبي -صلى الله عليه وسلم- واقف ينظر إليه ، ثم قالت ( انهضْ بنيّ فضارِب القومَ ) فجعل النبي -صلى الله عليه وسلم- يقول ( ومَنْ يُطيقُ ما تُطيقينَ يا أمَّ عمارة ؟!) وأقبلَ الرجلُ الذي ضرب ابنها فقال رسول الله -صلى الله عليه وسلم- ( هذا ضارب ابنك ) فاعترضته وضربت ساقه فبرَكَ(مات) ، فابتسم الرسول -صلى الله عليه وسلم- حتى رأت نواجذه وقال ( اسْتَقَدْتِ يا أمَّ عمارة(اخذتى بثارك) ) وعندما أتوا على نفسه قال النبي -صلى الله عليه وسلم- ( الحمدُ لله الذي ظفّركِ وأقرّ عينك من عدوّك ، وأراك ثأرَكِ بعينِك )

شفتوا حبها وخوفها على ابنها وانتقامها من ضاربه وفى نفس الوقت شوفتوا حرصها على جهاده وانه يقاوم اعداء الدين ويقوم ويناضل ويحارب حتى لو كان مصاب
والله كل ما اكتب موقف ليها مبقاش عارفة اقول غير ربنى يجمعنى بيها فى الجنة ان شاء الله ويارب اتحلى باخلاقها وصبرها وشجاعتها وتحملها وحرصها على دينها وحبها لرسول الله صلى الله عليه وسلم

موقف جميل وفيه بسمة خفيفة وفيه شجاعة كبيرة جدا لابن السيدة نسيبة (حبيب)

رأى الرسول -صلى الله عليه وسلم- أن يبعث لمسيلمة الكذاب رسالة ينهاه فيها عن حماقاته ، وحمل حبيب بن زيد الرسالة ، وفض مسيلمة كتاب رسول الله له فازداد ضلالا وغرورا ، فجمع مسيلمة قومه ، وجيء بمبعوث رسول الله وأثار التعذيب واضحة عليه ، فقال مسيلمة لحبيب ( أتشهد أن محمدا رسول الله ؟) وقال حبيب ( نعم ، أشهد أن محمدا رسول الله ) وكست صفرة الخزي وجه مسيلمة ، وعاد يسأل ( وتشهد أني رسول الله ؟) وأجاب حبيب في سخرية ( اني لا أسمع شيئا !!) وتلقى الكذاب لطمة قوية أمام من جمعهم ، ونادى جلاده الذي أقبل ينخس جسد حبيب بسن السيف ثم راح يقطع جسده قطعة قطعة ، وبضعة بضعة وعضوا عضوا والبطل العظيم لا يزيد على همهمة يردد بها نشيد اسلامه ( لا اله الا الله ، محمد رسول الله )

مين دلوقتى من شباب الجيل ده ممكن يعمل زى ما عمل حبيب مين اصلا ممكن يروح لمكان وهو عارف انه ممكن يموت فيه بس رايح عشان تلبية لامر رسول الله ...
انت لبيت امر رسول الله على الاقل فى اتباع سنته ؟؟؟؟

موقف ثأرها من قاتل حبيب ابنها

فلما علمت (نسيبة) أقسمت أن تثأر منه وخرجت مع البطل خالد بن الوليد رضي الله عنه لقتال مسيلمة وقاتلت وكانت تصيح (أين أنت مسيلمة اخرج يا عدو الله) وجرحت اثنا عشر جرحا فواصلت الجهاد حتى قطعت يدها فلم تحس بها وتقدم (وحشي بن حرب) بحربته المشهورة ووجهها إلى مسيلمة فصرعه وأجهز عليه ابنها (عبد الله بن زيد) وقد كان أبو بكر الصديق الخليفة آنذاك يأتيها يسأل عنها رضي الله عنها وأرضاها

شايفين اد ايه بقى الصحابية دى عظيمة ياريت تكونوا حبتوها زى ما انا حبتها وياريت نتعلم منها ونستفيد من مواقفها ويارب يارب اجمعنا معاها فى الجنة ان شاء الله

وانتظروا شعاع مع صحابية اخرى جليلة قد تكون من الصحابيات المنسيات او التى لا يعرفهم الا القليل

وجزاكم الله خيرا

emerald

13-05-2007, 11:38 AM

الدكتورة نسيبة

14-05-2007, 01:30 AM

السلام عليكم ..

دكتور نسيبة .. الحقيقة انا اول مرة اعرف ان عبد الله بن زيد هو ابن السيدة نسيبة ..

ماشاء الله موضوع في قمة الروعة .. وان شاء الله نبدأ نرجع معاكم ذكريات الصحابيات .. حتى لا ننساهم .

في انتظار شعاع ..

بارك الله فيكِ.

وعليكم السلام ورحمة الله وبركاتة

الحمد لله انك استفدتى من الموضوع وده اللى يهمنى

والحمد لله ان الموضوع عجبك واستنينا مع صحابية تانية ان شاء الله

جزاكى الله خيرا

شعاع وميرا

رحمة

14-05-2007, 02:57 AM

فكرة أكثر من جميلة أختى العزيزة د / نسيبة و أحسنتِ الإختيار و بإنتظار الأخت الفاضلة شعاع
بارك الله فيكما و حشرنا جميعاً فى زمرة هؤلاء الصحابيات

شعاع من نور

15-05-2007, 11:53 PM

السلام عليكم و رحمة الله وبركاته

النهاردة جايبالكم تاني صحابية من الصحابيات المنسيات في السلسلة اللي بدأتها الدكتورة نُسَيبة...بالصحابية الجليلة رضوان الله عليها نسيبة بنت كعب....

الحقيقية شخصية النهاردة مش شخصية إعتيادية...إمرأة اتعرفت بقوة الشخصية قبل و بعد إسلامها و كلنا نعرف ليها موقف مشهور جداً...لأنها هي المرأة اللي لاكت كبد عم المصطفى_صلى الله عليه وسلم_حمزة ابن عبد المطلب....لاكت كبده و لم تستغه....يا ترى عرفتوها؟؟؟؟؟؟
لسة......

طيب هي المرأة اللي لما رآها الناس مع إبنها توسموا فيه النبوغ قالولها إن عاش ساد قومه ردت عليهم بإباء ثكلته إن لم يسد قومه...

يا ترى عرفتوا هي مين؟....

امرأة فذة اتعرفت بالحزم و الثقة و الحكمة و في الحقيقة الشخصية دي تعتبر رد عملي على كل حد قال إنه الإسلام بينتقص من المرأة أو بيقلل من دورها و شأنها .....ها ؟ عرفتو بتكلم عن مين...

الصحابية الجليلة هند بنت عتبة....

هاخدكم معايا في رحلة ذهنية لطيفة نلقي الضوء على الشخصية دي و نقرب منها أكتر...

من هي هند؟

هند بنت عتبة بن ربيعة بن عبد شمس العبشمية القرشية،أبوها عتبة سيد من سادات قريش، و اتعرف بحكمته وسداد رأيه.

إحدى نساء العرب اللي كان لهم شهرة عالية قبل الإسلام وبعده. زوجة أبي سفيان بن حرب، وأم الخليفة الأموي معاوية بن أبي سفيان –رضي الله عنهم-عرفتوا مين ابنها.....

زواجها...

كانت هند قد تزوجت من الفاكه بن المغيرة المخزومي في بداية الأمر (وهو أحد فتيان قريش)، وعانت من سوء رأيه الكثير مما حملها على الافتراق عنه. وقد أثرت هذه الحادثة على حياتها وعلى تفكيرها بشكل كبير، حتى أنها قالت لأبيها ذات مرة: "إني امرأة ملكت أمري، فلا تزوجني رجلا حتى تعرضه علي". فقال لها: "لك ذلك"

ووفاء لوعده، قال لها يوما: "قد خطبك رجلان من قومك ولست مسميا واحدا منهما حتى أصفه. فأما الأول فيمتاز بالشرف الصميم والحسب الكريم وحسن الإجابة. إن تابعته تابعك، وإن ملت كان معك، تكتفين برأيك في ضعفه. وأما الآخر فيمتاز بالحسب الكريم، بدر أرومته وعز عشيرته يؤدب أهله ولا يؤدبونه، إن اتبعوه أسهل بهم وإن جانبوه توعر بهم، شديد الغيرة".
فأجابت هند مبدية رأيها السديد بالقول: "أما الأول فسيد مطيع لكريمته مؤات لها، شرط أن تلين بعد إبائها وتضيع تحت خبائها. اطو ذكر هذا عني و لاتسمه لي. أما الآخر بعل الحرة الكريمة، المدافع عن حريم عشيرته الذائد عن كتيبتها المحامي عن حقيقتها. وإني لموافقة عليه". قال والدها: "ذاك هو أبو سفيان بن حرب". فقالت هند: "زوجه لي".....

إيه رأيكم...مش فعلاً شخصية فذة و حكيمة و تستحق كل إحترام....

في موقعة بدر....

لما كانت موقعة بدر الكبرى قتل في هذه العركة والد هند عتبة ابن ربيعة وعمها شيبة ، وأخوها الوليد بن عتبة ، فراحت ترثيهم مر الرثاء ، وفي عكاظ التقت مع الخنساء ، فسألتها من تبكين يا هند فأجابت :

أبكي عميد الأبطحين كليهما :::::: وحاميهما من كل باغ يريدها
أبي عتبة الخيرات ويحك فاعلمي :::::: وشيبة و الحامي الذمار وليدها
أولئك آل المجد من آل غالب ::::::: وفي العز منها حين ينمي عديدها

الثأر...

وفي يوم أحد كان لهند بنت عتبة دورها العسكري البارز، فقد خرجت مع المشركين من قريش ، وكان يقودهم زوجها أبو سفيان ، وراحت هند تحرض القرشيين على القتال ، وتزعمت فئة من النساء ، فرحن يضر بن الدفوف ، وهي ترتجز:

إن تقبلوا نعانق :::::: و نفرش النوامق
أو تدبروا نفارق :::::: فراق غير وامق

ثم وقفت والنسوة اللاتي معها يمثلن بالقتلى من أصحاب رسول الله-صلى الله عليه وسلم- ، يجدعن الآذان والأنوف حتى اتخذت هند من آذان الرجال وأنوفهم خدما وقلائد.حتى تبرأ زوجها من فعلتها....

وفي هذه المعركة كانت هند قد حرضت وحشي بن حرب على قتل حمزة بن عبد المطلب-رضي الله عنه-، حيث وعدته بالحرية –حيث كان عبدا لها- إن هو قتل حمزة. وكانت تؤجج في صدره نيران العدوان وتقول له:"إيه أبا دسمة،اشف واشتف". ولما قتل وحشي حمزة-رضي الله عنه- جاءت هند إلى حمزة وقد فارق الحياة، فشقت بطنه ونزعت كبده، ومضغتها ثم لفظتها، ثم علت صخرة مشرفة وأخذت تردد:

نحـن جزيناكم بيـوم بـدر :::::: والحرب بعد الحرب ذات سعر
ما كان عن عتبة لي من صبر :::::: ولا أخي وعمـه وبكـري
شفيت نفسي وقـضيت نذري ::::: شفيت وحشيّ غليل صدري
فشكر وحشي على عمـري :::::: حتى ترمّ أعظمي في قبري

إسلامها..

وبقيت هند على الشرك حتى شرح الله تعالى صدرها للإسلام يوم فتح مكة ، حيث شاءت إرادة الله تعالى أن تنقلب بطلة الجاهلية إلى بطلة في ظل الإسلام ، ففي عشية ليلة الفتح ، فتح مكة ، عاد أبو سفيان بن حرب من عند رسول الله صلى الله عليه وسلم مسلماً وهو يصيح : يا معشر قريش ألا إني قد أسلمت فأسلموا ، إن محمداً صلى الله عليه وسلم قد أتاكم بما لا قبل لكم به ، فمن دخل دار أبي سفيان فهو آمن. فقامت إليه هند فأخذت بشاربه وهي تردد: بئس طليعة القوم أنت....يا أهل مكة اقتلوا الحميت الدسم الأخمش الساقين ، قبح من طليعة قوم ، فقال أبو سفيان : ويلكم لا تغرنكم هذه من أنفسكم ، فإنه قد جاءكم ما لا قبل لكم به ، فمن دخل دار أبي سفيان فهو آمن. فقالوا: قاتلك الله ، وما تغني عنا دارك. قال: ومن أغلق عليه بابه فهو آمن، ومن دخل المسجد فهو آمن. فتفرق الناس إلى دورهم وإلى المسجد.

وفي اليوم الثاني لفتح مكة قالت هند لزوجها أبي سفيان: إنما أريد أن أتابع محمداً فخذني إليه. فقالت لها: قد رأيتك تكرهين هذا الحديث بالأمس. فقالت: إني والله لم أر أن الله قد عبد حق عبادته في هذا المسجد إلا في هذه الليلة ، والله إن باتوا إلا مصلين قياماً وركوعاً وسجوداً.

وتمضي الأيام، وتزداد هند المسلمة ثقافة إيمانية، حيث اشتركت في الجهاد مع زوجها أبي سفيان في غزوة اليرموك الشهيرة، وأبلت فيها بلاء حسناً، وكانت تحرض المسلمين على قتال الروم فتقول : عاجلوهم بسيوفكم يا معشر المسلمين.و خرجت مع نساء المهاجرين في المعركة و هي تنشد....

نحن بنات طارق :::::: نمشي على النمارق
مشي القطار الموافق :::::: قيدي مع المرافق
و من أبى نفارق :::::: إن تغلبوا نعانق
أو تدبروا نفارق :::::: فراق غير وامق
هل من كريم عاشق :::::: يحمي عن العوائق

ثم استقبلت ميمنة المسلمين فرأتهم منهزمين فصاحت بهم:"إلى أين تنهزمون؟ و إلى أين تفرون ؟ من الله وجنته؟ هو مطلع عليكم"....و نظرت إلى أباسفيان زوجها منهزماً فضربت وجه حصانه بعمودها و قالت له:"إلى أين تفر يا ابن صخر؟ ارجع إلى القتال ابذل مهجتك حتى تمحص ما قد سلف من تحريضك على رسول الله_صلى الله عليه و سلم_قال الزبير بن العوام...فلما سمعت كلام هند لأبي سفيان....ذكرت يوم أحد و نحن بين يدي رسول الله_صلى الله عليه وسلم_....قال فعطف_عاد إلى الميدان_أبو سفيان عندما سمع كلام هند و عطف المسلمون معه و نظرت إلى النساء و قد حملن معهم أعمدة خباءهن و رأيتهن يسابقن الرجال...و لقد رأيت منهن امرأة و قد أقبلت على علج عظيم_جندي_و هو على فرسه فتعلقت به و مازالت به حتى نكبته عن جواده و قتلته و هي تقول:"هذا بيان نصر الله للمسلمين"....
و قد قتلت أسماء بنت يزيد بعمود خباءها في هذه المعركة تسعة من الروم....

و استبسل المسلمون لا يريدون غير رضا الله و رسوله...فانكسرت الروم...

وظلت هند بقية حياتها مسلمة مؤمنة مجاهدة حتى توفيت سنة أربع عشرة للهجرة. فرضي الله عنها وأرضاها وغفر لها ورحمها، إنه على كل شيء قدير.

إيه رأيكم؟؟؟صحابية جليلة..فعلاً و شخصية غنية جداً جداً بس للأسف.....منسية...
هي دي...هند بنت عتبة...

يارب منكونش طولنا عليكوا بس فعلاً الشخصيات دي تستحق و قفة...و زي ما بتقول ميرا ربنا يجمعنا بيهم في جنته آمين يارب...و يعيننا إننا نبقى ربعهم حتى...
هنفرق كتيييير قوي....

تحياتنا..

ميرا و ساره....

سيد جعيتم

16-05-2007, 10:48 AM

الفاضلات / دكتورة نسيبة
شعاع من نور
الله عليكم كلنا كنا نتجه لسيرو ومواقف الصحابة من الرجال فكان لكم السبق الجميل فى فتح موضوع الصحابيات . اسلوبكم فى توصيل المعلومة أكثر من رائع لبساطته وخلوه من أى تعقيدات . بارك الله فيكم ونحن فى أنتظار المذيد فلا تجعلونا ننتظر كثيراً . دمتم بخير

نانيس

16-05-2007, 11:17 PM

الموضوع رائع حقا جزاكما الله خيرا ميرا وسارة.

شعاع من نور

17-05-2007, 10:07 PM

الغالية...رحمه...

فكرة أكثر من جميلة أختى العزيزة د / نسيبة و أحسنتِ الإختيار و بإنتظار الأخت الفاضلة شعاع
بارك الله فيكما و حشرنا جميعاً فى زمرة هؤلاء الصحابيات

نتمنى فعلاً إنه تكون الفكرة حازت إعجابكم...و بنرجو من رب العالمين إنه الموضوع يكون مفيد فعلاً...و ربنا يحشرنا جميعاً في زمرتهن آمين يارب....

شكراً جزيلاً على المرور الأكثر من رائع...

تحياتنا...
ميرا و ساره...

شعاع من نور

18-05-2007, 02:54 PM

الأستاذ الفاضل....سيد إبراهيم..

الله عليكم كلنا كنا نتجه لسيرو ومواقف الصحابة من الرجال فكان لكم السبق الجميل فى فتح موضوع الصحابيات . اسلوبكم فى توصيل المعلومة أكثر من رائع لبساطته وخلوه من أى تعقيدات . بارك الله فيكم ونحن فى أنتظار المذيد فلا تجعلونا ننتظر كثيراً .

سعداء جداً بكلام حضرتك الجميل ده...حقيقي..

وكنا بنتمنى و إحنا بنحضر للموضوع إنه نقدر نوصل الفكرة عن النساء الجليلات دي...بصورة سهلة و بعيدة عن التعقيد...الحمدلله إنه الموضوع حاز إعجاب حضرتك...

و إن شاء الله الدكتورة نسيبة تاخدنا في رحلة جديدة مع صحابية جديدة قريب إن شاء الله....

شاكرين جداً مرور حضرتك العطر...

تحياتنا...

ميرا و ساره.....

emerald

18-05-2007, 07:05 PM

جوليا

20-05-2007, 05:24 PM

ميرا وشعاع من نور رائع جدا موضوعكم

اشكرك على حسن اختياركم ومجهودكم

جزاكم اللة خير

الدكتورة نسيبة

21-05-2007, 12:23 PM

الموضوع رائع حقا جزاكما الله خيرا ميرا وسارة.

جزانا واياكم ان شاء الله

والحمد لله ان الموضوع نال استحسانك ويارب تكونى استفدتى منه زى ما احنا استفدنا

تسلم ايدك على المرور يا جميل

سارة وميرا

الدكتورة نسيبة

21-05-2007, 12:36 PM

السلام عليكم ..

عارفة وانا صغيرة كنت اخاف من قصة الصحابية هند بنت عتبه .. لأني ما سمعت الا الجزء الي أخذت بتأر ابيها ..

بس سبحان الله يا اختي العزيزة .. سبحان الله .. كيف تتغير احوال الناس لما تنشرح صدورهم للإيمان سبحان الله .. و اختيار كلمة وتزداد هند المسلمة ثقافة إيمانية، له وقع كبير علي .. لأنه يوضح سبب هذا التغيير الكبير..

اشكرك على هذا الاختيار يا شعاع .. في انتظااار البقية .

بارك الله فيكِ ..

وعليكم السلام ورحمة الله وبركاتة

اولا حابين نشكرك انا وسارة على متابعة الموضوع ويارب تكونى بتسفادى منه ان شاء الله

على فكرة انا كمان لما سارة قالتى انها هتكتب عن السيدة هند مفتكرتش عنها حاجة غير انها اكلت كبد سيدنا حمزة ومكنتش اعرف انها اسلمت وده كان احد اسباب كتابة سارة لقصة السيدة هند عشان متبقاش منسية وعشان متبقاش على طول معروفة بس باكل كبد سيدنا حمزة

وسبحان الله فعلا يا ايمى لما ربنا بيشرح القلوب للاسلام سبحان الله بتغير من النقيض الى النقيض

جزاكى الله خيرا على المتابعة وتسلملنا يا قمر على المرور

سارة وميرا

الدكتورة نسيبة

21-05-2007, 12:47 PM

ميرا وشعاع من نور رائع جدا موضوعكم

اشكرك على حسن اختياركم ومجهودكم

جزاكم اللة خير

اهلا يا جوليا نورتينا والحمد لله ان الموضوع عجبك

ويارب تكونى استفادتى منه ان شاء الله

وتسلم ايدك يا قمر على المرور

سارة وميرا

الدكتورة نسيبة

21-05-2007, 03:07 PM

يمكن بعد ما كتبت عن السيدة نسيبة قعدت ادور وافكر ياترى هكتب عن مين المرة دى وكنت محتارة اعمل بحث على ايه ووانا بدور وقعت عينى على الصحابية ام سليم الرميصاء بصراحة كانت بالنسبة ليا الصحابية دى منسية ومكنتش اعرف عنها كتير على الرغم من معرفتى بمواقف ليها كتير بس مكنتش اعرف انها تخصها

لما عملت بحث عنها وجمعت معلومات عنها بصراحة الصحابية دى كمان حسيت انها عظيمة جدااااا وفاهمة الاسلام صح وفاهمة يعنى قضاء ربنا ومؤمنة بيه جدا لابعد درجة وفاهمة يعنى ايه امومة وتربية للاسلام بمعنى اصح كانت عايشة عشان الاسلام

فحبيت انى القى الضوء عليها شوية عشان متبقاش منسية ليكم زى ما كانت منسية بالنسبة ليا

فمن هى ام سليم الرميصاء ؟؟

أنصارية, خرزجية , تجارية اختلفوا في اسمها و لكنها اشتهرت بالرميصاء و عرفت بكنيتها أم سليم بنت سلمان النجارى

فى المقدمة بتاعتى لما قولتلكم ان السيدة ام سليم او نقول الرميصاء كانت عايشة للاسلام وانا بعمل بحث عنها لقيت انها مش هى بس اللى عايشة للاسلام لقيت اهلها كلهم عايشين للاسلام ومش عاوزين حاجة اكتر من الجنة

شوفوا معايا كده

لها برسول الله بعد صلة الإسلام صلة القرابة فقد كان بنو النجار أخوال أبيه و هى غصن ناضر من شجرة طيبة المنبت نامية الفروع مباركة الثمار فأخوها حرام بن سلمان أحد القرأّء السبعين الذين غدر بهم المشركون فى بئر معونة و هو الذي وقف يناديهم : إني رسول الله إليكم فأتاه آت من خلفه و طعنه طعنة فاجرة فلما أحس حرارة السنان فى جسده قال قولته المؤمنة فزت :فزت ورب الكعبة .
و أختها أم حرام بنت سلمان زوج عبادة بن الصامت التي أخبرها الرسول عليه الصلاة و السلام أن من أمته أناسا يركبون البحر مجاهدين فى سبيل الله كالملوك على الأسرة . فقالت ادع الله أن يجعلني منهم فقال: أنت منهم و حقق الله نبوءة رسوله و استشهدت في غزوة بحرية إلى بلاد الروم زمن معاوية و كانت في صحبة زوجها

شفتوا سبحان الله اسرة كلها مش همها حاجة غير الفوز بالجنة ورفعة الاسلام وسبحان الله زى ما بنقول بالمصرى العامى كده الدم بيحن فهى قريبة لسيدنا رسول الله
فازاى بعد قرابتها بسيدنا رسول الله متبقاش عايشة بس للاسلام ؟؟!!

من مواقفها اللى عجبتنى اوووى وشدتنى وعملت مقارنة بينها وبين حياتنا دلوقتى الموقف ده :

فلما جاء الله بالإسلام أسلمت مع السابقين إليه من الأنصار ثم قامت بواجبها كمؤمنة تبتغى نشر دعوتها و كزوجة تحب الخير لزوجها فعرضت عليه الإسلام فأخذته حمية الجاهلية و غضب عليها و ما لبث أن تركها و فر إلى الشام فهلك هناك و كانت أم سليم تقول : لا أتزوج حتى يبلغ انس و يجلس في المجالس . و هذا ما جعل انسا" يقول بعد : جزى الله أمي عني خيرا" لقد أحسنت ولايتي.
ثم تقدم لها أبو طلحة يخطبها و هو يومئذ مشرك و قال لها لقد جلس أنس و تكلم فقالت له : يا أبا طلحة : اما اني فيك راغبة و ما مثلك يرد و لكنك رجل كافر و وأنا امرآة مسلمة لا يجوز لي أن أتجوزك قال في استغراب : ماذا دها كي يا رميصاء ؟ أين أنت من الصفراء و البيضاء ؟‍‍‍‍‍‍‍‍‍‍‍‍‍‍‍‍‍‍‍‍ يريد الذهب و الفضة ) .
قالت في ثقة و يقين : لا أريد صفراء و لا بيضاء فأنت امرؤ تعبد ما لا يسمع و لا يبصر و لا يغنى عنك شيئا"
أما تستحي يا أبا طلحة أن تعبد خشبة من الأرض نجّرها لك حبش بني فلان ؟‍ إن أسلمت فذلك مهري لا أريد من الصداق غيره .
بهذه الكلمات النابضة بالقوة و الإيمان اهتزت موازين أبى طلحة القديمة و تغيرت و جهته فلم يجد سبيلا" إلا أن يقول : من بالإسلام يا رميصاء ؟ .
قالت : لك بذلك رسول الله صلى الله عليه و سلم فاذهب إليه .. فانطلق أبو طلحة يريد الرسول و كان جالسا" بين أصحابه فلما رآه قال : جاءكم أبو طلحة و غزة الإسلام بين عينيه .. و أسلم أبو طلحة أمام النبى و أخبره بما قالت الرميصاء فزوجه إياها على ما شرطت .

شوفتوا الموقف اد ايه جميل واد ايه الصحابية دى عظيمة ونالت احسن مهر وهو الاسلام

تعلموا يا بنات المسلمين ،شوفوا يا اباء المسلمات الرميصاء قالت انا مش فارق معايا لا ذهب ولا فضة انا مش عاوزة غير الاسلام

قارنى انتى كده بين مطالبك من فيلا وعربية اخر موديل وفلوس كتير وشاب ممكن ميعرفش اصلا يصلى بس عنده كل اللى تتمنيه من احلام وبين مهر الرميصاء

انا هسيبك انتى تقارنى وانا عارفة ان مفيش مجال للمقارنة بس برضه مش عاوزاكى تقوليلى مهو كلهم مسلمين دلوقتى اخده فقير بقى بس مسلم ونشحت بقى وانا هقولك و هلفت نظرك بس انه كتير مننا مسلم بالاسم فقط او فى البطاقة بس انتى اختارى المسلم بحق حتى وان كان فى بداية حياته ومش هتندمى وخدى السيدة الرميصاء قدوة ليكى فى مهرها

الموقف ده بقى انا عرفت منه معلومة كنت اول مرة اعرفها ان سيدنا انس ابن مالك هو ابن السيدة الرميصاء ولما قريت عن كده زاد اعجابى بالرميصاء جداااااااااا لانها كانت عاوزة تتقرب لحب الله ورسوله بخدمة رسول الله ولانها كانت عاوزة تربى ابنها صح وتربيه على الاسلام ويحذو بحذو رسول الله :

إن أول ما مافعلته سيدتنا الرميصاء لما هاجر النبي صلى الله عليه وسلم والصحابة من مكة إلى المدينة وأوى الأنصار المهاجرين في مساكنهم وقاسموهم أموالهم، كان أن أعطت أم سليم رسول الله صلى الله عليه وسلم عذاقا (نخلات) كما جاء في الحديث الشريف.
والموقف الثاني تجلى في إعطاء الولد لخدمة رسول الله فكان سيدنا أنس الولد الذي أعطت أم سليم لسيد الخلق بعد قدومه المدينة.
قال سيدنا أنس رضي الله عنه : جاءت بي أمي إلى رسول الله صلى الله عليه وسلم وقد أزرتني بنصف خمارها وردتني بنصفه فقالت يا رسول الله : هذا أنس ابني أتيتك به يخدمك فادع الله له فقال: اللهم أكثر ماله وولده. قال أنس فو الله إن مالي لكثير وإن ولدي وولد ولدي ليتعادون (يبلغ عددهم) على نحو المائة اليوم. {رواه مسلم}.

شفتوا لولا السيدة الرميصاء مكنش فيه حاجت كتيير عرفناها عن طريق سيدنا انس (فهو من المكثرين لرواية الحديث عن سيدنا رسول الله )

فين انتم بقى يا امهات المسلمين من الرميصاء فين حرصك واهتمامك على ان اولادك يتعلموا سنة سيدنا رسول الله ويحذوا حذوه ؟؟؟

موقف عظيم جدا للسيدة الرميصاء وصبرها على البلاء ومواستها لزوجها كمان

عاشت أم سليم مع أبى طلحة زوجة وفية ودودا" تسره إذا نظر و تطيعه إذا أمر و تحفظه إذا غاب و زاد سعادتهما أن رزقا بغلام صبيح احبه أبو طلحة حبا" شديدا" . و كنوه " أبو عمير " و كان النبى عليه الصلاة و السلام يمازحه إذا زار أم سليم و قد دخل عندها يوما" فوجده حزينا" فقال النبى : (ما لأبى عمير حزينا" ) ؟ فقالت يا رسول الله مات نغيره الذي كان يلعب به ( النغير هو طائر كالعصفور أخمر المنقار ) فجعل النبى يقول له ما زحا" : يا أبا عمير .. ما فعل النغير
و شاء الله أن يمتحن الزوجين السعيدين في زينة عشهما و ثمرة حبهما و فلذة كبديهما فقد مرض الغلام و ألح عليه المرض و شغل به أبوه و حزن عليه أشد الحزن و كان يغدو و يروح على رسول الله فإذا عاد سأل عن الغلام . و في إحدى روحاته إلى النبى اختطف المنون (الموت)الغلام الصبيح المليح فغسلته و كفنته و حنطته و سجت عليه ثوبا" ثم أرسلت أنسا" يدعو أبا طلحة و أمرته ألا يخبره بوفاة ابنه حتى تكون هى أول من تخبره و جاء أبو طلحة و سأل : كيف الغلام ؟ فقالت: قد هدأت نفسه و أرجو أن يكون قد استراح .
و ظن الزوج الأب انه قد عوفي و كان صائما" فقدمت له إفطاره فأفطر و أقبل الليل فتزينت و تطيبت ثم تعرضت له فأصاب منها و قضى و طره فلما أصبح اغتسل و أراد أن يخرج فقالت : يا أبا طلحة .. أرأيت لو أن قوما" أعاروا أهل بيت عارية فطلبوا عار يتهم ألهم أن يمنعوها ؟ قال : ليس لهم ذلك إن العارية مؤداة لأهلها فلما انتزعت منه هذا الجواب قالت : إن الله أعارنا ابننا فلانا" ثم أخذه منا فاحتسبه عند الله ..
قال انا لله و انا إليه راجعون تركتني حتى تلطخت ثم أخبرتني بابني ؟
و ذهب إلى النبى عليه الصلاة و السلام فصلى معه و أخبره بما كان منهما فقال النبى صلى الله عليه و سلم ( بارك الله لكما في ليلتكما ). و صعد الدعاء المحمدي فتفتحت له أبواب السماء فولد لهما من تلك الليلة عبد الله بن أبى طلحة والد اسحق بن عبد الله الفقيه التابعي الجليل و اخوته و قد كانوا تسعة كلهم حمل عنه العلم و ختم القرآن .

شوفتوا سبحان الله اد ايه الموقف صعب عليها جداااا ومع ذلك صبرت على بلاء ربنا وتحملت واستودعت طفلها عن بارئها ومش بس كده دى كمان خففت الصدمة عن زوجها وقالتله بطريقة مش مباشرة عشان تخفف عليه من هول الخبر مع انها هى كمان بتتالم وحزينة على فقدانها لولدها .

مين دلوقتى ممكن من امهاتنا او بنات المسلمين يعمل كده انها تخفف على زوجها فى مصائبه ودلوقتى ما شاء الله الزوجات بتزود العيار من النكد سواء فى المصائب او غيرها ؟؟؟

مين دلوقتى لو حد من اولادها مات هتعمل كده لو دورنا مش هتلاقى ده انت هتلاقى الصراخ والعويل والبكاء وفى بعض الاحيان الناس استغفر الله بتلوم ربنا على انه اختارها بالبلاء ده مفكروش انه ممكن بسبب الابن اللى مات ده ممكن يكونوا من سكان الجنة ؟؟؟

شوفتوا كمان سبحان الله انها لما احتسبت الاجر عند ربنا شايفين اد ايه ربنا كرمهم وبارك لهم فى ولدهم

مين بعد كده لسه مش هيحتسب الاجر على الله؟؟؟ ولو نسيت خد مثال الرميصاء

هى دى أم سليم .. نموذج كريم للزوجة الصالحة و الأم الفاضلة و مثل رفيع للمرأة المسلمة فى فطرتها المتزنة و إرادتها القوية و إيمانها العميق و عقلها الناضج

يارب تكونوا استفدتوا من الموضوع وتعلمتوا من السيدة ام سليم ومن مواقفها وتكونوا حبتوها زى ما انا حبتها واستفدت منها

وانتظروا سارة ان شاء الله مع صحابية تانية جديدة

الورد الاحمر

26-05-2007, 01:59 PM

ماشاء الله
كم هي رائعة فكرة هذا الموضوع
بارك الله لكما اخواتي الفضليات
دكتورة نسيبة / شعاع من نور

جزاكما الله خير الجزاء
فنحن بحق في حاجة للقدوة الطيبة
وما اجمل القدوة عندما تكون من صحابيات
قضين حياتهن لله وفي الله

رضي الله عنهن اجمعين

شكرا لكما اخواتي
وفي انتظار المزيد

اختكم الورد الاحمر

===

emerald

26-05-2007, 02:58 PM

السلام عليكم ..
اخيار ممتاز يا دكتورة نسيبة .. في الحقيقة ما كنت اعرف الكثير عن الصحابية ام سليم.
لها مواقف ماشاء الله تبارك الله .. تغبط عليها .

شكرا لكم .. وفي انتظار سارة .

بارك الله فيكم .

زهــــراء

26-05-2007, 04:01 PM

السلام عليكم ورحمة الله وبركاته ..
تحية طيبة للمجهود الرائع والمغني بصورة كبيرة ...
الغالية دكتورة نسيبة :h: ...
الغالية شعاع من نور :h: ......

في الحقيقة مهما تكلمت لن اعطي الموضوع حقه ...
موضوع غاااااااااية في الروعة ...
الصحابية الجليلة أم عمارة الانصارية حقيقة أحبها كثيراااا ...
فكرتيني ياميرا بالابتدائية كنت درست سيرة هذه الصحابية الجليلة...
وانا بقرأ افتكرت الكثير من ملامح هذه الشخصية الفذة ....

وكذلك الصحابية هند بنت عتبة ...كانت لي الصراحة مفاجأة لان كما قالت الغالية أيميرالد كنا نعرف الجانب الاخر منها ....انما حقيقي معلومات جميلة جدا ...
وكذلك الصحابية أم سليم الرميصاء ...
مواقف يقشعر لها البدن حقيقة هؤلاء هم النسوة اللاتي يجب الاقتداء بهن حقيقة ...
شكرا لكما غاليتاي على هذه التغذية المعرفية في أمور أسلامنا الراقي....
وشكرا على تنشيط أذهاننا بذكر هؤلاء الصحابيات ومواقفهن الجليلة ...

بارك الله فيكما أختاي العزيزتان ...
أدامكما الله في أمانه وحفظه ...
في أنتظار تنشيط الذاكرة بصحابية جليلة اخرى....وأطلالتكما علينا بشعاع من نور ...

تقبلا فائق تقديري واحترامي وأرق التحايا ....
زهراااااء....

شعاع من نور

27-05-2007, 02:49 AM

الغالية...الورد الأحمر...

الأروع هو وجودك و زيارتك للموضوع....بجد نورتينا...و بنتمنى إنه الموضوع يكون أزاح الستار بالشكل الكافي عن شخصيات لنساء مسلمات رائعات...قدموا للأجيال قدوة حسنة..
ربنا يجعلنا من المقتدين بيهم و يحشرنا في زمرتهم....و يتقبل منا آمين يارب...

سعداء جداً حبيبة قلبي بكلماتك الرقيقة الجميلة....

تحياتنا....
ميرا و ساره...

شعاع من نور

27-05-2007, 02:56 AM

الحبيبة..emerald ..
و عليكم السلام ور حمة الله و بركاته

الحقيقة يا ايمي لما ميرا و رتني الموضوع أنا بردو مكنتش أعرف عنها حاجات كتير..الحقيقة صحابية رائعة بكل معنى الكلمة...و الله بجد....

بنتمنى من كل قلبنا إنه اللي مكنش عارف يعرف...لأنه هو ده هدفنا...

حبيبة قلبي...بتنورينا و بتشجعينا كل مرة بحضورك الجميل...

تحياتنا يا قمر....
ميرا و ساره....

شعاع من نور

27-05-2007, 03:07 AM

الحبيبة الجميلة...زهراء...
و عليكم السلام ورحمة الله و بركاته...

يعني أنا مش عارفة أقول إيه....كلامك غطى على كل الكلام اللي ممكن يتقال...تسلميلي يا زوزو حبيبة قلبي...

أخجلتيني بكلامك و الله يا زوزو....و ما تتصوريش مدى السعادة إنه الموضوع فادك كده...و ربنا يقدرنا و نحاول إننا نلقي الضوء أكتر على جواهر الإسلام المختبئة....

ما تتصوريش سعادتنا بوجودك...نورتينا و الله يا زوزو....

تحياتنا يا حبي..
ميرا و ساره...

شعاع من نور

29-05-2007, 02:34 AM

السلام عليكم و رحمة الله و بركاته

رحلتنا النهاردة مع شخصية متميزة فعلا من الصحابيات المنسيات...أتمنى إني أتوفق في تعريفكم بيها...

إمرأة طاهرة خلد التاريخ ذكراها و أعلى الإسلام مكانتها و قدرها....مر عليهم المصطفى_صلى الله عليه و سلم_هي و زوجهاو ابنها و زف اليهم البشرى بقوله الشريف...."أبشروا آل عمار فإن موعدكم الجنة"...

أعتقد بدأتوا تكونوا فكرة عن البطلة اللي بتكلم عنها النهاردة...هنتعرف على الصحابية الجليلة و أول شهيدة في الإسلام....سمية بنت خباط....

الحقيقة شائع جداً إنه اسمها هو سمية بنت خياط...بس الصحيح هو بنت خباط...امرأة ضربت المثل بقوتها و صلابتها النابعين من إيمان متفجر في القلب...بالواحد الأحد..الذي لا والد له و لا ولد.....
اتفضلوا معايا...نتعرف أكتر عليها و نتزود من سيرتها العاطرة الزكية....و نستخلص العبرة من حياة و بطولة المرأة دي......

البداية...

كانت سمية بنت خباط أمة لأبي حذيفة بن المغيرة بن عبدالله ابن عمر بن مخزوم، تزوجت من حليفه_لأنه من عادة العرب لو دخل رجل غريب اي بلدة و استقر فيها لازم يحالف سيد من سادات القوم يمنع عنه أذى الناس و يقدر يعيش حياة هادية مطمئنة في المكان ده_ ياسر بن عامر بن مالك بن كنانه بن قيس العنسي. وكان ياسر عربياً قحطانياً مذحجيًا من بني عنس، أتى إلى مكة هو وأخويه الحارث والمالك طلباً في أخيهما الرابع عبدالله، فرجع الحارث والمالك إلى اليمن وبقي هو في مكة. حالف ياسر أبا حذيفة ابن المغيرة بن عبدالله بن عمر بن مخزوم، وتزوج من أمته سمية وانجب منها عماراً، فأعتقه أبوحذيفة، وظل ياسر وابنه عمار مع أبي حذيفة إلى أن مات….

إسلامها....

يسمع عمار ابن يا سر عن الرسالة المحمدية و ينفتح قلبه لنداء الإيمان و يذهب إلى دار الأرقم ليسمع المزيد من هذا النبي...
فينشرح صدره للإسلام و يبسط يده للحبيب..شاهداً أن لا إله إلا الله و أن محمداً رسول الله_صلى الله عليه و سلم_...
ثم يعود عمار إلى أبويه مسابقاً الريح...و ما إن رآهما حتى قرأ عليهما القرآن فتنفتح القلوب الطاهرة النقية و تبتهج بسماع كلام رب العباد..فيقول ياسر و سمية في لحظة واحدة...أشهد أن لا إله إلا الله و أشهد أن محمداً رسول الله_صلى الله عليه و سلم_....

صبر و إحتساب..

و ماهي إلا ساعات حتى يطير خبر إسلامهم إلى بني مخزوم....فاستشاطوا غضباً و صبوا على آل ياسر أشد العذاب....
فكانت إذا حميت الظهيرة أخذوهم إلى بطحاء مكة و ألبسوهم دروع الحديد و يمنعون عنهم الماء....و يصهروهم في الشمس المحرقةو يصبون عليهم من جحيم العذاب ألواناً...و كانوا يعيدوا عليهم الكرة في اليوم الثاني...
فما كان منهم إلا الصبر و الإحتساب..على الأذى و الحرمان فقد امتلأ قلبهم بنور الإيمان بالله عز و جل....

فعن عمار أن المشركين عذبوه عذاباً شديداً فاضطر عمار لإخفاء إيمانه عن المشركين وإظهار الكفر وقد أنزلت آيه في شأن عمار في قوله عزوجل:"من كفر بالله من بعد إيمانه إلا من أكره وقلبه مطمئن بالإيمان".... وعندما أتى رسول الله صلى الله عليه وسلم قال:ما وراءك؟ قال : شر يا رسول الله! ما تُركت حتى نلت منك وذكرت آلهتهم بخير! .قال: كيف تجد قلبك؟ قال : مطمئناً بالإيمان. قال : فإن عادوا لك فعد لهم..._يعني لو رجعوا عذبوك ارجع أذكر آلهتهم بالخير_ طالما القلب مطمئن بالإيمان....
و ظلت سمية صامدة و محتسبة...مستعذبة العذاب في سبيل الله..و هي أول من أظهر إسلامها من النساء....

عن ابن إسحاق قال: حدثني رجال من آل عمار بن ياسر أن سمية أم عمار عذبها هذا الحي من بني المغيرة بن عبدالله بن عمر بن مخزوم على الإسلام، وهي تأبى غيره، حتى قتلوها، وكان رسول الله -صلى الله عليه وسلم-مر بعمار وأمه وأبيه وهم يعذبون بالأبطح في رمضاء مكة، فيقول: صبراً آل ياسر فإنّ موعدكم الجنة....

استشهادها..

نالت سمية الشهادة بعد أن طعنها أبوجهل بحربة بيده في موضع عفتها...فماتت على إثرها.وكانت سمية حين استشهدت امرأة عجوز، فقيرة، متمسكة بالدين الإسلامي، ثابته عليه لا يزحزحها عنه أحد.

كان إيمانها القوي بالله تعالى هو سبب ثباتها على الإسلام ورفضها ديناً غيره و صبرها على إحتمال الأذى و العذاب الذي لاقته على أيدي المشركين، فقد وقر الإيمان في قلبها وذاقت لذته وأيقنت أنه فيه سعادتها في الدنيا والآخره، فوكلت أمرها إلى الله تعالى محتسبه وصابرة أن يجزيها الله تعالى خيراً على صبرها...

و سنعرف عاقبة صبرها في الدنيا...و توكيل أمرها لبارئها العدل...في الجزء التالي...

يمهل و لا يهمل..

أبوجهل هو عمرو بن هشام بن المغيرة بن عبدالله بن عمر بن مخزوم القرشي، ويكنى بأبي الحكم.كان من أشد الناس عداوة للإسلام والمسلمين، وأكثرهم أذى لهم. وقد لقبه المسلمون بأبي جهل لكثرة تعذيبه المسلمين وقتله سمية، ولكن الله سبحانه وتعالى يمهل ولا يهمل
قتل أبو جهل في معركة بدر الكبرى، حيث قاتل المسلمون المشركين بأسلوب الصفوف، بينما قاتل المشركون المسلمين بأسلوب الكر والفر. طعن أبا جهل على يدي ابني عفراء، عوف بن الحارث الخزرجي الأنصاري، ومعوذ بن الحارث الخزرجي الأنصاري، رضي الله عنهما، ولكنه لم يمت على أثر طعناتهما بسبب ضخامة جسده، ولأن ابني عفراء كانا صغيرين بالسن، لكنه لفظ نفسه الأخيرة على يد عبدالله بن المسعود الذي أجهز عليه. ولقد استشهد ابنا عفراء في هذه معركة رضي الله عنهما
قال عبدالرحمن بن عوف رضي الله عنه: "إني لفي الصف يوم بدر، إذ التفت فإذا عن يميني وعن يساري فتيان حديثا السن، فكأني لم آمن بمكانهما، إذ قال لي أحدهما سراً من صاحبه: يا عم! أرني أبا جهل! فقلت يا ابن أخي! ما تصنع به؟! قال: عاهدت الله إن رأيته أن أقتله أو أموت دونه. قال لي الأخر سراً من صاحبه مثله، فأشرت لهما إليه، فشدا عليه مثل الصقرين"....
فضرباه...و لكنه لم بمت...حتى جاء عبدالله ابن مسعود و وضع قدمه على صدره...فقال له أبو جهل:لم يبقى إلا أنت يا رويعي الغنم؟؟..و قال له : لمن الغلبة اليوم؟؟...أجابه ابن مسعود: لله و رسوله...و ضغط عليه ابن مسعود فقتله....

بعد مقتل أبا جهل، قال النبي صلى الله لعمار بن ياسر:"قتل الله قاتل أمك"...

رضي الله تعالى عن أم عمار....أم أول من بنى مسجداً يصلى فيه...و سلام على أول شهيدة في الإسلام....سمية بنت خباط....

بطلة فدائية بكل معني الكلمة...حققت الإيمان في أسمى منازله...و هي تعتبر من أهم المجاهدات المسلمات...اللي بذلوا النفيس و الغالي في سبيل الله...
إيه رأيكم...هل استفدنا من صبر و شجاعة سمية؟؟؟..هل اتعظنا بمقدار الألم اللي تحملته بجسدها العجوز الفقير؟؟؟؟؟...هل فكرنا في مقدار الإيمان اللي بيحمله هذا القلب..عشان تتحمل كل الأذى ده في سبيله؟؟؟؟...

باتمنى من رب العالمين...إنه رحلة النهاردة تكون عجبتكم....و باتمنى إننا نتدبر و نتفكر أكتر في السيرة العطرة للمرأة دي....

و انتظروا ميرا مع رحلة جديدة و صحابية جديدة....

تحياتنا...
ميرا و ساره..

نانيس

29-05-2007, 11:49 AM

تسلم ايدك يا سارة
ربنا يجعله في ميزان حسناتك.

solla

31-05-2007, 07:06 PM

موضوع رائع جدا

شعاع من نور

01-06-2007, 01:54 AM

الغالية...نانيس..

ربنا يجعله في ميزان حسناتك.

آمين يارب...
متشكرة قوي حبيبة قلبي على وجودك المميز....

تحياتنا...
ميرا و ساره...

شعاع من نور

01-06-2007, 01:56 AM

الغالية...solla ..

الأروع هو وجودك في الموضوع....أسعدتينا بالمرور يا قمر...

تحياتنا...
ميرا و ساره....

emerald

02-06-2007, 03:31 PM

السلام عليكم ..

ما اعرف ليش حسيت ان القصة حتكون عن السيدة سيمة .. سبحان الله .
قصتها جدا مؤثرة خصوصا طريقة وفاتها .. ربنا يعطينا ولو ربع صبرها يا شعاع ..

جزاكم الله خير .. وفي انتظار قصة ميرا ..

بارك الله فيكم .

شعاع من نور

03-06-2007, 08:02 AM

الحبيبة...emerald ..
و عليكم السلام ورحمة الله و بركاته...

دي الكيميا يا ايمي...كيميا..هههههههههههه.....

حتى أنا اتأثرت لما عرفت بطريقة موتها...و عشان كده...كتبت قصاص الحكم العدل من قاتلها...
و يارب يرزقنا ربع صبرها زي ما قلتي...آآآآآمين يارب...

باتمنى يا قلبي تكوني استفدتي فعلاً من رحلتنا مع سمية بنت خباط. و بإذن الله من الرحلة الجاية كمان مع ميرا....

تحياتنا يا قمر....
ميرا و ساره...

زهــــراء

04-06-2007, 07:12 PM

السلام عليكم ورحمة الله وبركاته ..

تسلم الايااااادي يا سارة على المجهود الجميل جداااااااا...
تصدقي حتى انا كنت فاكرة انها سمية بنت خياط مش خباط!!
تصحيح للمعلومة جميل حقيقة ....
القصة مؤثرة للغاية وجميلة جدا ...

ربنا يجعلنا نتحلى ولو بشوية من الصبر اللي تحلت به هذه الصحابية الجليلة ...
تسلم أياديكم على القصص الجميلة الشيقة للغاية ...
في انتظار صحابية وقصة اخرى لتكون شعاع من النور ...

بارك الله فيكما ...وجعله في ميزان حسناتكما ..
دمتما في امان الله ..
ميرا وسارة ...

free_bird

07-06-2007, 10:01 PM

اخوتي في الله جزاكم الله خيرا على المعلومات القيمة
وان شاء الله لي معكم عودة

Egyptian eagle

14-06-2007, 03:40 AM

موضوع رااااااائع و فكره مميزة ...

الدكتورة نسيبة ...

رااااائع جدا لكي كل الشكر و التقدير على التذكير الجميل فعلا و معلومات كتير جديدة بالنسبة ليا ...

شعاع من نور ...

شكرا جدا لكي أختي العزيزة بصراحه مجهود جميل جدا و ان شاء الله في ميزان حسناتك ....

خالص شكري و تحياتي ,,

بنت بلاد

19-06-2007, 03:42 PM

شعاع من نور

21-06-2007, 12:09 AM

خالص إعتذاري للجميع....على التأخير غير المقصود.....

الحبيبة..زهراء..
و عليكم السلام ورحمة الله و بركاته....

الواحد مش عارف يرد على كلامك الرقيق يقول ايه يا زوزو....تسلميلي يا قمر....

ربنا يجعلنا نتحلى ولو بشوية من الصبر اللي تحلت به هذه الصحابية الجليلة ...

اللهم آمين...

فعلاً سعداء جداً إنه الموضوع بيعود بالفايدة و المعلومة على الجميع...ربنا يرزقنا الإخلاص آمين يارب.....

تسلمي على ذوقك و كلامك يا زوزو...و الله أسعدتينا و نورتينا....

تحياتنا يا غالية..
ميرا و ساره...

شعاع من نور

21-06-2007, 12:24 AM

الغالية...free_bird...

جزانا الله و إياكي حبيبة قلبي...بنتمنى تكوني استفدتي فعلاً من الموضوع....

تحياتنا...
ميرا و ساره...

om elbanat

23-06-2007, 01:13 AM

بسم الله والصلاه والسلام على رسول الله
اولا ابدا بشكرى لكل من الدكتورة نسيبه وشعاع من نور جعل الله هذه الفكره فى ميزان حسناتكم ونفعا واياكم بما نقرأه
ثانيا اتمنى ان تسمحوا لى بالمشاركه معكم حيث اننى من المشتركين الجدد وجعلنا الله احبه فى الله من غير سمعه ولارياء
ثالثا ارجو من سيادتكم ان تذكروا عدد لابأس به من هؤلاء الصحابيات لعل الله يجعل بسرد قصصهم عبره لنا ولغيرنا
وارجو ان تقبلوا مشاركتى هذه
**** هـذه الصحـابيـة .. جــبل الـصــبر ..وقـلعة التـّصبـّـر
هي عمة النبي صلى الله عليه وسلم
هي صفية بنت عبد المطلب رضي الله عنها

فما قصتها ؟
روى الإمام أحمد عن الزبير بن العوام رضي الله عنه أنه لما كان يوم أحد أقبلت امرأة تسعى حتى إذا كادت أن تشرف على القتلى فكره النبي صلى الله عليه وسلم أن تراهم ، فقال : المرأة المرأة .
قال الزبير رضي الله عنه : فتوسّمت أنها أمي صفية .
قال : فخرجت أسعى إليها فادركتها قبل أن تنتهي إلى القتلى .
قال : فَـلَدَمَتْ في صدري ! وكانت امرأة جلدة !
قالت : إليك لا أرض لك !
قال فقلت : إن رسول الله صلى الله عليه وسلم عزم عليك
قال : فوقفت ، وأخرجت ثوبين معها ، فقالت : هذان ثوبان جئت بهما لأخي حمزة فقد بلغني مقتله فكفنوه فيهما
قال : فجئنا بالثوبين لنكفن فيهما حمزة ، فإذا إلى جنبه رجل من الأنصار قتيل قد فعل به كما فعل بحمزة
قال : فوجدنا غضاضة وحياء أن نكفِّن حمزة في ثوبين والأنصاري لا كفن له
فقلنا : لحمزة ثوب وللأنصاري ثوب . فقدرناهما فكان أحدهما أكبر من الآخر فأقرعنا بينهما فكفّنا كل واحد منهما في الثوب الذي صار له .

انتهت الرواية . ***************

من الدروس في هذه القصة :

أولاً : صبر هذه الصحابية رضي الله عنها مع علمها بمقتل أخيها حمزة رضي الله عنه وما وقع له من التمثيل بجثته بعد مقتله .

ثانياً : قوة شخصيتها حيث ضربت ابنها في صدرها وهي تعلم على أي شيء تُقبل .

ثالثاً : طاعتها لله ولرسوله وامتثالها لأمر رسول الله صلى الله عليه وسلم وتقديم طاعة الرسول على هوى النفس وعلى العواطف الجيّاشة

فلما أراد ابنها منعها لم تكترث به بل ضربته على صدره
لكن لما أتاها أمر النبي صلى الله عليه وسلم توقفت
فبمجرد أن قال لها :
((( إن رسول الله صلى الله عليه وسلم عَزَمَ عليك )))

توقفت حيث بلغها الأمر
ولم تبرح المكان
ولم تحاول أن تتقدم ولو خطوات
بل وقفت وأخرجت ما كان معها من أكفان
فيالها من صابرة محتسبة
ويالها من مُطيعة ممتثلة
مستجيبة لله ولرسوله صلى الله عليه وسلم
رابعاً : لم تقع المحاباة لحمزة رضي الله عنه مع أنه عمّ النبي صلى الله عليه وسلم
فلم يؤثروه بالثوبين بل أجروا القرعة بينه وبين الأنصاري أيهم يُكفّن في أي الثوبين .
فلنا جميعا في هذه القصة الأسوة
ولك أخيّـه فيها القدوة والدرس والعبرة على وجه الخصوص
*****

.

بسمة أمل

23-06-2007, 02:05 AM

بسم الله الرحمن الرحيم
موضوع جميل جدا ومعلومات رائعة
ومنظمة بشكل جيد
شكرا يا ميرا ويا سارة:m17:
وجزاكما الله كل خير على افادتنا
بمعرفة هذه الشخصيات الرائعة عن قرب

شعاع من نور

23-06-2007, 08:19 AM

أخي العزيز...Egyptian eagle...

قد ايه سعداء إنه الموضوع فادك و حاز على إعجابك...
ربنا يستجيب منك و يكون في ميزان حسناتنا و يتقبل منا آمين يارب...

الصحابية الجاية مع ميرا...فعلاً شخصية رائعة و كانت مفاجأة لي...أتمنى إننا نتوفق في توصيل سيرة الفضليات دول_رضوان الله عليهن_فعلاً...

نورت يا محمود....

تحياتنا...
ميرا و ساره....

الدكتورة نسيبة

27-06-2007, 03:06 AM

اختى فى الله لما شفت اسمك افتكرت على طول ام عماره لانى سامعه القصه من عمر خالد وبصراحه انا جد فرحانه لاختيارك الاسم بس حزينه لاننا لن نصل الى حبهم لرسول الله وللدين وكمان الاسامى هذه للاسف قلت وجزاك الله خيرا :m17:

وعليكم السلام ورحمة الله وبركاتة

متعرفيش اد ايه والله فرحت اما نادينى بكنية السيدة نسيبة بجد فرحت جدااااااااا ويارب اكون زيها ولو حتى ربعها ان شاء الله

عارفة يا بنت بلاد بالمواظبة على القراءة لسيرة الصحابيات وسيرة الرسول عليه الصلاة والسلام بجد هنقدر نوصل لحبهم لرسول الله لانك كل ما بتعرفى حد قريب وبتعرفيه كويس وبتعرفى عنه حاجات كويسة اوى كل ما تتعلقى بيه فما بالك برسول الله

وفعلا الاسامى دى قلت اوى بس حاليا بدات تظهر شوية وتنتشر ربنا يجعلنا مثلهم ويجعلنا ذريتنا كمان ان شاء الله

جزانا واياكم يا قمر ويارب تكونى استفدتى من الموضوع كله وبكرر شكرى وسعادتى بتلقيبك بكنية السيدة نسيبة

وسعداء بوجودك وردك وربنا يجعل متابعتك فى ميزان حسناتك ان شاء الله ونعتذر على التاخير بس ظروف خارجة عن ارداتنا وان شاء الله راجعين بقوة فانتظرينى

سارة وميرا

الدكتورة نسيبة

27-06-2007, 03:14 AM

الدكتورة نسيبة

27-06-2007, 03:17 AM

بسم الله الرحمن الرحيم
موضوع جميل جدا ومعلومات رائعة
ومنظمة بشكل جيد
شكرا يا ميرا ويا سارة:m17:
وجزاكما الله كل خير على افادتنا
بمعرفة هذه الشخصيات الرائعة عن قرب

بسوم حبيبتى الله يكرمك ويعزك يارب

والحمد لله ان الموضوع نال اعجابك ويارب تكونى استفدتى منه ان شاء الله

وجزانا واياكم يا قمر وجعل قرائتك فى ميزان حسناتك ان شاء الله

ونعتذر عن التاخير بس ان شاء الله هنابع السيرة قريب جدااااااااااا باذن الله

سارة وميرا

سيد جعيتم

27-06-2007, 08:50 AM

ارى أن هذا الموضوع قيم جداً وأشكر الدكتوره نسيبة وشعاع من نور على جهدهم الرائع .

om elbanat

06-07-2007, 03:18 PM

السلام عليكم اختى فى الله الدكتورة نسيبه عوده اخرى فى موضوعك الجميل الرائع والمفيد ارجو ان تتقبلوا حضورى وليكى منى كل التحيه والتقدير والى لقاء
قالت: ( تزوجني الزبير وما له في الأرض من مال ولا مملوك ولا شيء غير فرسه وناضحه, فكنتُ أعلف فرسه وأكفيه مؤنته وأسوسه وأدق النوى لناضحه وأعلفه، وأستقي الماء وأخرز غربه وأعجن، وكنت أنقل النوى على رأسي من ثلثي فرسخ, حتى أرسل إليّ أبو بكر بجارية فكفتني سياسة الفرس فكأنما أعتقني ) رواه البخاري ومسلم.
عزيزتي المرأة المسلمة ( هل عرفت من تكون هذه المتكلمة ؟ )
إنها أسماء بنت أبي بكر رضي الله عنها تصف لنا حالها وعطاءها الذي يوصف بأنه (بلا حدود) و(بلا مقابل).
فقد تزوجت أسماء الزبير بن العوام رضي الله عنه وما كان له مال ولا خادم, وكانت تعيش مع الزبير في بداية حياتها في خشونة من العيش كما رأينا، تعلف الفرس وتسوسه, وتدق للبعير وتعجن وغيرها, ولم يكن عندها خادم ليكفيها سياسة الفرس حتى بعث إليها أبو بكر بخادم فكأنما أعتقها .
وما هي إلا سنوات وفتح الله على زوجها أبواباً من رزقه, وبعد أن كان ليس عنده خادم ( أصبح عنده ألف مملوك ) وأصبح ماله من الكثرة حتى ( أقتسم على أربعين ألف ألف )

ولكن قبل أن يرزقه الله تعالى هذا الرزق الوفير؛ وقفت أسماء بجانبه وساعدته بما تملك من طاقة وقوة, وصبرت الصبر الجميل الذي يصاحبه الرضي بقضاء الله, والثقة فيما عند الله .
ولا شك أن عطاء المرأة يحتاج إلى الصبر, وفي الحديث عن رسول الله صلى الله عليه وسلم أنه قال لابن عباس: (( وأعلم أن النصر مع الصبر والفرج مع الكرب وأن مع العسر يسراً )) سنن الترمذي

شعاع من نور

07-07-2007, 02:44 PM

أستاذي الفاضل...سيد إبراهيم...

الأجمل و الأقيم...هو مرور حضرتك العاطر على موضوعنا للمرة التانيه...

و إن شاء الله بإذن الله الرحلة الجاية تحوز على إعجاب حضرتك...و الإخوة الأعضاء...^_^....

سعداء جداً بالمرور الغالي لحضرتك...

تحياتنا...

ميرا و ساره...

شعاع من نور

07-07-2007, 03:09 PM

الفاضلة...أم البنات..
و عليكم السلام ورحمة الله وبركاته..

مشاركة قمة في الروعة عن بطلة من بطلات الإسلام...ذات النطاقين...رضي الله عنها...

اتربينا على قصتها اللي بينضرب بيها أسمى أنواع البطولة و الشجاعة لما كانت بتروح بالطعام و الشراب و اخبار قريش..للمصطفى_صلى الله عليه وسلم_ و الصديق _رضوان الله عليه_في الجبال بين مكه و المدينه...و كانت بتربطهم_الطعام و الشراب_بنطاقها على بطنها و هي الحامل...
و لما سألها عنهم أبوجهل أجابت بأنها متعرفش و لطمها على خدها لطمة...طار على إثرها قرطها...

صاحبة الجملة الخالدة...اللي قالتها لإبنها عبدالله ابن الزبير...قبل أما يمثل الحجاج ابن يوسف الثقفي بجثته...و هي كانت عجوز بنت المئة_رضوان الله عليها_....

"إن الشاة لا يضيرها سلخها بعد ذبحها"..

يااااااه...صحابيه بطلة...بكل معنى الكلمة...عايزة أقول لحضرتك إنها من المثل العلبا في حياتي الشخصية..رضوان الله عليها...

أشكرك جزيلاً أم البنات على المشاركة الراائعة...و التذكير بالصحابيه الجليلة...ذات النطاقين...أسماء بنت أبي بكر الصديق...رضي الله عنها...

أسعدتنا مشاركاتك جداً غاليتي....

تحياتنا..
ميرا و ساره....

بنت بلاد

07-07-2007, 05:26 PM

وعليكم السلام ورحمة الله وبركاتة

متعرفيش اد ايه والله فرحت اما نادينى بكنية السيدة نسيبة بجد فرحت جدااااااااا ويارب اكون زيها ولو حتى ربعها ان شاء الله

عارفة يا بنت بلاد بالمواظبة على القراءة لسيرة الصحابيات وسيرة الرسول عليه الصلاة والسلام بجد هنقدر نوصل لحبهم لرسول الله لانك كل ما بتعرفى حد قريب وبتعرفيه كويس وبتعرفى عنه حاجات كويسة اوى كل ما تتعلقى بيه فما بالك برسول الله

وفعلا الاسامى دى قلت اوى بس حاليا بدات تظهر شوية وتنتشر ربنا يجعلنا مثلهم ويجعلنا ذريتنا كمان ان شاء الله

جزانا واياكم يا قمر ويارب تكونى استفدتى من الموضوع كله وبكرر شكرى وسعادتى بتلقيبك بكنية السيدة نسيبة

وسعداء بوجودك وردك وربنا يجعل متابعتك فى ميزان حسناتك ان شاء الله ونعتذر على التاخير بس ظروف خارجة عن ارداتنا وان شاء الله راجعين بقوة فانتظرينى

سارة وميرا

جزاكم الله خيرا وبارك الله فيكم:h:

الدكتورة نسيبة

08-07-2007, 02:11 AM

جزانا واياكم يا بنت بلاد وبارك فيكى يا حبيتى

وسعداء بمتابعتك للموضوع

جزاكِ الله خيرا

سارة وميرا

الدكتورة نسيبة

08-07-2007, 03:06 AM

عدنا معكم بعد فترة انقطاع غير مقصودة وحبيت انى ارجع ليكم بصحابية ليها ثقلها وفى نفس الوقت تكون صحابية منسية او مش معروفة اوى

كتير اوى لو سالتهم عن ازواج الرسول عليه الصلاة والسلام فيه ناس هتقولهم كلهم وفيه ناس هتقول نصفهم وفيه ناس مش هتقول غير السيدة خديجة والسيدة عائشة على حد علمهم

الصحابية اللى هتكلم عنها النهاردة هى احدى زوجات الرسول عليه الصلاة والسلام كتير مننا عرفها اسما لكن محدش مننا يعرف قصتها او حكايتها فحبيت انى اعرفكم بيها شوية وتستفادو من سيرتها زى ما انا استفدت من مواقف ليها عجبتنى

هي صفية بنت حيي بن أخطب. يتصل نسبها بهارون النبي عليه السلام.

تقول:" كنت أحب ولد أبي إليه، وإلى عمي أبي ياسر لم ألقهما قط مع ولدهما إلا أخذاني دونه. فلما قدم رسول الله المدينة، غدا عليه أبي وعمي مغسلين، فلم يرجعا حتى كان مع غروب الشمس، فأتيا كالين ساقطين يمشيان الهوينا فهششت إليهما كما كنت أصنع، فوالله ما التفت إلي أحد منهما مع ما بهما من الغم. وسمعت عمي أبا ياسر وهو يقول لأبي: أهو هو؟ قال نعم والله. قال عمي: أتعرفه وتثبته؟ قال: نعم. قال: فما في نفسك منه؟ أجاب: عداوته والله ما بقيت"

لا يعرف بالضبط تاريخ ولادة صفية، ولكنها نشأت في الخزرج، كانت في الجاهلية من ذوات الشرف. ودانت باليهودية وكانت من أهل المدينة. وأمها تدعى برة بنت سموال.

وكانت لها مكانة عزيزة عند أهلها، ذكر بأنها تزوجت مرتين قبل اعتناقها الإسلام. أول أزواجها يدعى سلام ابن مشكم كان فارس القوم و شاعرهم. ثم فارقته وتزوجت من كنانة ابن الربيع ابن أبي الحقيق النصري صاحب حصن القموص، أعز حصن عند اليهود. قتل عنها يوم خيبر.

الموقف ده بصراحة اللى شدنى فيه رباطة جأشها وصبرها وقوة تحملها وتغلبها على الصعب من خلال قوتها وصبرها بعكس ابنة عمها شوفوا معايا كده

في السنة السابعة من شهر محرم، استعد رسول الله عليه الصلاة والسلام لمحاربة اليهود. فعندما أشرف عليها قال: " الله أكبر، خربت خيبر، إنا إذا نزلنا بساحة قوم فساء صباح المنذرين[2]".

واندلع القتال بين المسلمين واليهود، فقتل رجال خيبر، وسبيت نساؤها ومن بينهم صفية، وفتحت حصونها. ومن هذه الحصون كان حصن ابن أبي الحقيق. عندما عاد بلال بالأسرى مر بهم ببعض من قتلاهم، فصرخت ابنة عم صفية، وحثت بالتراب على وجهها، فتضايق رسول الله من فعلتها وأمر بإبعادها عنه. وقال لصفية بأن تقف خلفه، وغطى عليها بثوبه حتى لا ترى القتلى. فقيل ان الرسول اصطفاها لنفسه.

وذكر أن دحيه بن خليفة، جاء رسول الله يطلب جارية من سببي خيبر. فاختار صفية، فقيل لرسول الله عليه الصلاة والسلام إنها سيدة قريظ وما تصلح إلا لك. فقال له النبي خذ جارية غيرها.

شايفين ما شاء الله كانت صابرة ازاى مع انها المفروض انها دلوقتى من الأسرى وشايفة اهلها بيموتوا ومع ذلك معملتش زى ما عملت ابنة عمها بالعكس صبرت وتحملت شوفوا دلوقتى لو لا قدر الله كان فيه ميت ولا حاجة واسمعوا العويل والصراخ انواع واشكال وفى بعض الاحيان بتكون مجاملات لاهل الميت للاسف

تعلموا من السيدة صفية وشوفوا الصبر والتحمل على البلاء وتعلموا من استياء رسول الله من تصرفات ابنة عمها فاعيروا الانتباه لتصرفاتكم ولا تفعلوا مثلها فيستاء منكم رسول امتكم

الموقف ده بقى استوقفنى أكتر لسيدنا محمد بجد موقف عجبنى أوى والمرة دى هوجه كلامى للرجال واطلبهم ان يتعلموا الاحسان للزوجات حتى لو كانت زوجة تانية

كعادة رسول الله لا يجبر أحداً على اعتناق الإسلام إلا أن يكون مقتنعاً بما أنزل الله من كتاب وسنة. فسألها الرسول صلى الله عليه وسلم عن ذلك، وخيرها بين البقاء على دين اليهودية أو اعتناق الإسلام. فإن اختارت اليهودية اعتقها، وإن أسلمت سيمسكها لنفسه. وكان اختيارها الإسلام الذي جاء عن رغبة صادقة في التوبة وحباً لهدي محمداً صلى الله عليه وسلم.

عند قدومها من خيبر أقامت في منزل لحارثة بن النعمان، وقدمت النساء لرؤيتها لما سمعوا عن جمالها، وكانت من بين النساء عائشة - رضي الله عنها- ذكر بأنها كانت منقبة. و بعد خروجها سألها رسول الله عن صفية، فردت عائشة: رأيت يهودية، قال رسول الله : " لقد أسلمت وحسن إسلامها".
شايفين رد رسول الله مرضاش انه يقال فى حق زوجته من زوجة اخرى له كلام لا يليق بها وفى نفس الوقت لم يجرح فى زوجته الاولى بالعكس قال لها باللين والراحة

تعلموا يا جماعة شوفوا ازاى التعامل مش دلوقتى لو واحد اتجوز واحدة تانية على زوجته الاولى ممكن يفضل زوجته التانية وممكن يجيى على زوجته التانية عشان خاطر زوجته الاولى او العكس

اتقوا الله فى النساء فالرسول عليه الصلاة والسلام وصاكم بالقوارير

الموقف ده بقى من أحب المواقف الى قلبى وموقف بجد عجبنى جدا للسيدة صفية وتعلمت منه حاجات كتيرة بجد موقف يفيد كل امراة متزوجة وكل فتاة مقبلة على الزواج

لما أخذها رسول الله إلى منزل في خيبر، ليتزوجا ولكنها رفضت، فأثر ذلك على نفسية رسولنا الكريم. فأكملوا مسيرهم إلى الصهباء. وهناك قامت أم سليم بنت ملحان بتمشيط صفية وتزينها وتعطيرها، حتى ظهرت عروساً تلفت الأنظار. كانت تعمرها الفرحة، حتى أنها نسيت ما ألم بـأهلها. وأقيمت لها وليمة العرس، أما مهرها فكان خادمةً تدعى رزينة. وعندما دخل الرسول عليه الصلاة والسلام على صفية، أخبرته بأنها في ليلة زفافها بكنانة رأت في منامها قمراً يقع في حجرها، فأخبرت زوجها بذلك، فقال غاضبا: ً لكأنك تمنين ملك الحجاز محمداً ولطمها على وجهها.

ثم سألها الرسول عليه الصلاة والسلام عن سبب رفضها للعرس عندما كانا في خيبر، فأخبرته أنها خافت عليه قرب اليهود. قالت أمية بنت أبي قيس سمعت أنها لم تبلغ سبع عشرة سنة يوم زفت إلى رسول الله صلى الله عليه وسلم.

شوفتوا أد ايه جمال الموقف وأد ايه حبها وخوفها على رسول الله وشوفتوا كمان اهتمامها بزينتها وظهورها فى احلى شكل لارضاء زوجها سيدنا محمد

مين دلوقتى من نسائنا زوجها يرجع من شغله ويلاقيها مهتمة بنفسها وشكلها ومتعطرة له الا من رحم ربى ده للاسف بيكون بالعكس بيتلاقها متعطرة بجميع البرفانات والعطور من انواع البصل والتوم وتسبيكة الخضار

اهتموا بازواجكم متعوا انظارهم بكم حافظوا عليهم بالاهتمام بانفسكن وخذوا من السيدة صفية مثال لكم

الموقف ده كمان مقدرش موجهش كلامى فيه للرجال تعلموا واستفيدوا وخذوا القدوة من سيدنا رسول الله

بلغ صفية أن حفصة وعائشة قالا بأنها بنت يهودي. فتضايقت من قولهن وأخبرت رسول الله فقال لها: قولي لهما: " إنك لابنة نبي وعمك لنبي وإنك لتحت نبي ففيم تفخر عليك"[3] حج النبي بنسائه، وفي الطريق برك جملها فبكت. فمسح الرسول عليه الصلاة والسلام دموعها وهي تزداد دموعاً وينهاها فلما جاء وقت الرواح، قال رسول الله لزينب بنت جحش: يا زينب اقفزي أختك جملاً. وكانت من أكثرهن ظهراُ قالت: أنا أقفز يهو ديتك؟! فغضب النبي ولم يكلمها حتى رجع المدينة وفي شهر ربيع الأول دخل عليها، فقالت: هذا ظل رجل وما يدخل علي رسول الله! فدخل النبي فلما رأته قالت: يا رسول، ما أصنع؟ قالت: وكانت لها جارية تخبؤها من النبي فقالت فلانه لك، قال : فمشى النبي إلى سرير صفية ورضي عن أهله.

شوفتوا برضه ازاى احترام النبى لزوجاته شوفتوا اد ايه حرصه على عدم الاساءة لاحد زوجاته

تعلم يا من تزوجت الاثنتين او اكثر تعلم كيف يكون التعامل

اللهم صلى وسلم وبارك على سيدنا محمد

الموقف ده جمييييل اوى من السيدة صفية نفسى كل بنات السيدة صفية يتعلموه ويعملوا بيه ياريت نتعلم منه

اجتمعت زوجات النبي عنده وقت مرضه الذي توفي به، فقالت صفية أتمنى أن يحل بي ما ألم بك. فغمزتها زوجات النبي، فرد عليهن والله إنها لصادقة.

وبعد وفاته صلى الله عليه وسلم افتقدت الحماية و الأمن، فظل الناس يعيرونها بأصلها.

شوفتوا أد ايه حبها لسيدنا محمد ومن كتر حبها بتتمنى المرض لنفسها

شوفتوا الحب بيعمل ايه بين الأزواج شايفين المودة

اعملوا كده مقارنة بالسيدة صفية وواحدة دلوقتى وطبعا لامجال للمقارنة تخيلوا كده واحدة دلوقتى لو جوزها تعب شوية قليل اوى لو اهتمت بيه واهتمت بعلاجه و شوفوا دلوقتى ساعات بعض الزوجات فى اوقات الغضب ممكن تدعى على زوجها

مينفعش بجد نقارن بس على الاقل نتعلم ونستفاد من موقف السيدة صفية

الموقف ده أنا عن نفسى بحبه جدااا وبحس ان من خلال الموقف ده بتزداد قيمة السيدة صفية وبيزداد حبها وعظمتها فى قلبى :

وفي عهد عمر بن الخطاب – رضي الله عنه- ، جاءته جارية لصفية تخبره بأن صفية تحب السبت وتصل اليهود، فلما استخبر صفية عن ذلك، فأجابت قائلة" فأما السبت لم أحبه بعد أن أبدلني الله به بيوم الجمعة، وأما اليهود فإني أصل رحمي". وسألت الجارية عن سبب فعلتها فقالت: الشيطان. فأعتقتها صفية.

شوفتوا الموقف جميل ازاى شوفتوا حرصها على صلة رحمها على الرغم من انهم مختلفين فى الديانة

طيب بقالك أد ايه مااتصلتش اطمنت على عمك او خالك وبقالك أد ايه مسالتيش عن أخبار خالتك وجدتك ولا هنقول الحياة ومشاغلها ومش فاضيين

تعلموا من السيدة صفية كانت بتود اهلها وهما مش مسلمين طب احنا فين مش بنود اهلنا مع اننا كلنا مسلمين !!!

مش ليا الحق انه يزداد عظمتها وقيمتها فى قلبى ؟؟!!

وتوفيت في المدينة، في عهد الخلفية معاوية، سنة 50 هجرياً. و دفنت بالبقيع مع أمهات المؤمنين، رضي الله عنهن جمعياً. ولها في كتب الحديث عشرة أحاديث. أخرج منها في الصحيحين حديث واحد متفق عليه- روى عنها ابن أخيها ومولاها كنانة ويزيد بن معتب، وزين العابدين بن علي بن الحسين، واسحاق بن عبدالله بن الحارث، ومسلم بن صفوان.

رحم الله السيدة صفية وجمعنا واياها فى الجنة ان شاء الله

ويارب تكونوا استفادتوا منها واتعلمتوا من مواقفها وحسيتوا بجمالها وعظمتها وزاد حبها فى قلوبكم زى ما زاد فى قلبى واستفدت منها

يارب يجمعنى بيها فى الجنة ويجعلنى ولو حتى ربعها فى مواقفها وفى حياتها

ويمكن أكتر حاجة عجبتنى فى قصة السيدة صفية اننا المرة دى بنخاطب رجال ونساء أعضاء وعضوات لعلهم يستفيدوا منها واتمنى انها تكون صحابية غير منسية الان

وانتظرونا مع صحابية اخرى مع سارة

اسكندرانى

08-07-2007, 08:54 PM

emerald

08-07-2007, 11:44 PM

الدكتورة نسيبة

09-07-2007, 11:38 PM

اختى الكريمة
دكتورة نسيبه
شعاع من نور
اكرمكم الله وبارك فيكم
وزادكم عز وبهاء وصلاح
وجعل هذا الموضوع فى ميزان اعمالكم
ولا اقول لكم الا كلمة واحده
قول الحبيب المصطفى صلى الله عليه وسلم
يحشر المرء مع من احب
حشركم الله مع من احببتم
ورزقكم العفو والعافيه فى الدين والدنيا والاخرة
http://www.falntyna.com/img/data/media/8/1-webzx.jpg ('http://www.fa6a.com/img')

الله يكرمك يارب يا استاذ نادر على الدعوات الجميلة بجد

وربنا يارب يتقبلها منك ويستجيب

ويجمعنا معاهم ومع كل الناس اللى بتقرا وتستفيد من الموضوع ونكون كلنا فى الفردوس الاعلى ان شاء الله

سعدت جدااا بقدوم حضرتك وسعدت اكتر بانى عرفت سبب تسمية صفية

وجزاك الله خيرا على قدومك والدعوات الجميلة وعلى التقييم كمان

وسلامى لصفية الغالية وربنا يارب يجعلها فى اخلاق وصفات السيدة صفية

سارة وميرا

الدكتورة نسيبة

09-07-2007, 11:45 PM

السلام عليكم ..

جميل جدا طرحك يا دكتورة .. ماشاء الله عليكِ.
الحقيقة .. انا احس ان امنا صفية للأسف صحابية منسية .. يعني في المدارس تقريبا لم اجد عنها درس ولم يتكرار ذكرها حتى تثبت في عقول الأطفال .
لماذا ؟؟؟

سبحان الله يا اختي ..

اشكرك من كل قلبي على هذه الوقفة الرائعة .. الى اتعرفنا فيها على بعض مواقفها الرائعة .

بارك الله فيكِ .. وفي انتظار سارة.

بارك الله فيكِ

وعليكم السلام ورحمة الله وبركاتة

جزاك الله خيرا على متابعتك وجعلها يارب فى ميزان حسناتك ان شاء الله

عارفة يا ايمرالد وانا بكتب عن السيدة صفيه بصراحة انا اتفاجئت انها من زوجات الرسول عليه الصلاة والسلام ومكنتش اعرف كده ولما قولت لسارة عليها قالتلى انها متعرفهاش غير اسم فده اللى شجعنا اكتر اننا نتعرف عليها ونخليكم تتعرفوا عليها

يارب تكونى استفدتى من مواقفها وعرفتيها ومتكونش صحابية منسية دلوقتى عندك

وربنا يجعل متابعتك وقرائتك فى ميزان حسناتك ان شاء الله

سارة وميرا

alqadi2002

09-07-2007, 11:56 PM

الف شكر لك

معلومات رائعة

شعاع من نور

10-07-2007, 03:33 PM

أخي الفاضل...القاضي...

الأروع هو وجودك و مشاركتك..

ربنا ينفعنا جميعاً بسيرة الصحابيات الرائعات ال....منسيات....
رضوان الله عليهن جميعاً...آمين يارب...

تحياتي..

نانيس

10-07-2007, 05:04 PM

ياااه يا ميرا .. القصة رائعة جدا
جزاكِ الله خيرا.

الدكتورة نسيبة

13-07-2007, 06:28 AM

جزانا واياكم يا نانيس يارب

والحمد لله ان القصة عجبتك ويارب تكونى استفدتى منها وتعرفتى على السيدة صفية

وتسلمى يا قمر على مرورك وردك ومتابعتك للموضوع ربنا يجعلها فى ميزان حسناتك ان شاء الله

سارة وميرا

شعاع من نور

15-07-2007, 01:46 PM

السلام عليكم و رحمة الله و بركاته

صحابية النهاردة....شخصية متفردة فعلا....مش بس بشخصيتها و لا ما قدمته للإسلام.....

الحقيقة و أنا بدور في سيرة الصحابية دي....لفت نظري إنها أم صحابي جليل له اسم وباع حافل...في سجل التضحيات الجليلة اللي قدمها صحابة المصطفى_صلى الله عليه وسلم_لنصرة الإسلام و إعلاء كلمة الحق....

و بصراحة قعدت أقرا في السيرة العطرة للصحابي ده....و كنت نسيت تماماً إنه هدفي سيرة أمه_رضوان الله عليها_....هنا بقى التفت لحقيقة مكنتش واخدة بالي منها....
اللي لفت نظري في سيرة الصحابية الجليلة دي....ابنها....

على طول بنسمع المقولة اللي بتقول
...."إذا أردت أن تغزو أمة...فأبدأ بعقول نساءها"....

يعني....لو عايز تدمر أجيال من أمة,,,ابدأ بغزو عقول نساءها......لييييه نساءها؟؟؟؟؟...
لأن المرأة ليها دور من أخطر الأدوار اللي ممكن تلعبها...أم...

الأم هي اللي بتبني و تغرس و تربي....هي الجندي المجهول ورا اي إنجاز ممثل في بني آدم عاش و حقق مراد ربنا منه....

بإختصار أي شخص دليل على نجاح أمه أو فشلها في تربيته.....لأنه هو ثمرتها.....

و الصحابي ده...ما أطيبه من ثمره.....سيرة عطرة و إخلاص متناهي....

هو أول من ضحك له الرحمن....و اهتز لموته العرش....
هو من شيعه 70000 من الملائكة.....و تسابق المصطفى_صلى الله عليه و سلم_ و الصحابة على تغسيله خوفا من أن تسبقهم اليه الملائكة كما فعلت مع حنظلة.......
أعتقد كلنا عرفنا الصحابي ده...

سعد ابن معاذ.....

النهاردة هعرفكم بالصحابية الجليلة.....مثال الأم المسلمة....أم سعد ابن معاذ رضوان الله عليه....

كبشة بنت رافع.....

من هي....

هي كبشة بنت رافع بن معاوية بن عبيد بن الأبجر الأنصارية الخدرية....كانت زوجة لمعاذ بن النعمان من بني عبد الأشهل و قد ولدت له سعد و عمرو و إياس و أوس و عقرب و أم حزام....

إسلامها...

بصراحة و أنا بشوف قصة إسلامها...لقيت إنه ممكن تكون في صعوبة في فهم بعض الكلمات....ف هحاول أبسطها.....

أسلمت كبشة رضوان الله عليها على يد ابنها سعد ابن معاذ....اللي أسلم بدوره على يد مصعب ابن عمير رضي الله عنه....

القصة إنه مصعب ابن عمير و أسعد ابن زرارة راحو دار بني عبد الأشهل_في المدينة_ و دار تانيه في المدينة بردو اسمها دار بني ظفر...و كان سعد ابن معاذ رضي الله عنه ابن خالة أسعد ابن زرارة...
المهم دخلوا في دار بني ظفر و قعدوا على بئر فيها و راح قعد معاهم ناس من اللي كانوا سمعوا بالدعوة و أسلموا.....شافهم ساعتها سعد بن معاذ و أسيد بن خضير و كانوا من سادة قومهم و مكنوش لسه أسلموا....

قام سعد بن معاذ قال لأسيد ابن خضير:انطلق إلى هذين الرجلين اللذين أتيا دراينا ليسفها ضعفاءنا_بالدعوة للدين الجديد يعني_ فازجرهما وا نهاهما عن أن يأتيا داربنا...

ليه بقى...عشان اسعد ابن زرارة كان ابن خالته...و مش من أخلاق العرب أبدا_زي ما كلنا عارفين_إهانة القريب...

المهم راح أسيد ابن خضير لمصعب ابن عمير و أسعد ابن زرارة و كان متحفز عليهم....فسبهم.....و أقبل عليهم بحربته,,,
و قالهم:اعتزلانا ان كانت لكما بأنفسكما حاجة.....رد عليه مصعب ابن عمير..:أوَ تجلس فتسمع فإن رضيت أمراً قبلته و إن كرهته كف عنك ما تكره...
قاله أسيد:أنصفت..
و ركز حربته عليهم و أنصت ليهم....حكوله عن الإسلام و تلوا عليه من آيات القرآن....أشرق و جهه و قال: ما أحسن هذا الكلام و أجمله...كيف تصنعون إذا أردتم أن تدخلوا في هذا الدين؟؟...ردوا عليه و قالوله..تغتسل و تطهر ثوبيك ثم تشهد شهادة الحق...

المهم ...قالهم:إن وراءي رجلاً ان اتبعكما لم يتخلف عنه أحد من قومه.....مين بقى الرجل اللي بيتكلم عنه....سعد بن معاذ...
أخد حربته و أنصرف عنه و رجع تاني لنادي_المكان اللي كانوا قاعدين فيه_سعد ابن معاذ...
سعد ابن معاذ لما شافه قال..:أحلف بالله لقد جاءكم أسيد بغير الوجه الذي ذهب...
قاله سعد_رضي الله عنه_:ما فعلت؟؟....قال:كلمت الرجلين فو الله ما رأيت بهما بأسا و قد نهيتهما...قالا نفعل ما أحببت....و قد حُدِّثت أن بني حارثة_قبيلة كان بينها و بين بني عبد الأشهل عهد_ قد خرجوا إلى أسعد ابن زرارة ليقتلوه و قد عرفوا انه ابن خالتك....لينقضوا عهدك...
طبعاً لما سعد رضي الله عنه سمع الكلام ده عن بني حارثة قام غضبان و أخد الحربة من أسيد و راح لمصعب و أسعد....
المفاجأة بقى إنه لقاهم هاديين و مستكينين...ففهم إنه أسيد ابن خضير كان غرضه إنه يرو ح للرجلين عشان يسمعهم...
فقال لأسعد: يا أبا أمامة...أما والله لولا ما بيني و بينك من القرابة...ما رمت هذا مني.._يعني ما بلغت مني هذا المبلغ_ أتغشانا في دارينا بما نكره.؟؟؟؟....
رد عليه مصعب ابن عمير بنفس الكلام اللي قاله لأسيد ابن خضير...و فعلا قعد سعد و سمع كلام مصعب ابن عمير....و أسلم و تطهر لما سمع الحق...

و جت لحظة الحقيقة...
لما عاد سعد ابن معاذ إلى قومه و قالهم..

يا بني عبد الأشهل...كيف تعلمون أمري فيكم؟؟........قالوا سيدنا و أوصلنا و أفضلنا رأيا و أيمننا نقيبة_يعني شخص سديد الرأي_...
قال...فإن كلام رجالكم و نساؤكم علي حرام حتى تؤمنوا بالله و رسوله..!!!!!!!!!!!!!!!....

يقول مصعب ابن عمير و أسعد ابن زرارة...فوالله ما أمسى في دار ابن عبد الأشهل رجل و لاامرأة إلا مسلما و مسلمة...

و في اليوم ده دخل نور الإسلام إلى شغاب قلب صحابيتنا الجليلة...كبشة بنت رافع رضوان الله عليها...على يد ابنها سعد ابن معاذ_رضي الله عنه_...

و من الثابت انها رضي الله عنها هي أول من بايع النبي صلى الله عليه وسلم مع أم عامر بنت يزيد بن السكن، وحواء بنت يزيد بن السكن....

أم شجاعة...

ولقد كان لها رضي الله عنها وقفات إيمانية تدل على جهادها وصبرها...

فقد خرجت في غزوة أحد مع من خرج من النساء ينظرن إلى سلامة رسول الله _صلى الله عليه وسلم_بعد أن وردت الأخبار إلى المدينة باستشهاد عدد من المسلمين ، وكان من بينهم ابنها عمرو بن معاذ رضي الله عنه لكن الأم المجاهدة كانت ترجو سلامة رسول الله صلى الله عليه وسلم ، وأقبلت مسرعة نحو أرض المعركة ، فلما علمت بسلامة رسول الله صلى الله عليه وسلم حمدت الله تعالى واعتبرت مصيبتها هينة.

وكان عمرو بن معاذ رضي الله عنه يجالد في صفوف المشركين حتى لقيه ضرار بن الخطاب فقتله وكان يومئذ ما يزال على شركه.

و قبل أن يدخل الرسول_صلى الله عليه و سلم_ المدينة جاءت أم سعد ابن معاذ سيد الأنصار تعدو نحو رسول الله_صلى الله عليه و سلم_فقال له سعد:يارسول الله...أمي...
قفال المصطفى_صلى الله عليه و سلم_:مرحباً بها....فوقف لها...و لما دنت منه عزاها بإبنها...فقالت له:أما إذا رأيتك سالماً فقد اشتويت_استقللت_المصيبة....

ف دعا المصطفى_صلى الله عليه و سلم لأهل من قتل بأحد و قال لها...:يا أم سعد ابشري و بشري أهلهم أن قتلاهم ترافقوا في الجنة جميعاً...و قد شفعوا في أهلهم جميعاً"..
فقالت له رضوان الله عليها:رضينا يا رسول الله و من يبكي عليهم بعد هذا ؟؟..

ثم قالت: يا رسول الله ادع لمن خلفوا منهم...فقال المصطفى_صلى الله عليه و سلم_:اللهم أذهب حزن قلوبهم و اجبر مصيبتهم و أحسن الخلف على من خلفوا....

عايزة بس أقول تعليق بسيط على الموقف ده...

أي أم....في زماننا ده و وقتنا ده...ممكن تتصرف كده..؟؟؟؟؟؟....قد كده الإيمان اعتمر في القلب و غمره؟؟؟.....ياترى احنا فين من كل ده؟؟؟؟؟؟.....
الموقف ده اصابني بالذهول من هيبته...
اللهم أصلح فتيات المسلمين....آمين يارب...

و في غزوة الخندق...

ومن مواقف الصبر والجهاد لهذه الصحابية الجليلة موقفها يوم الخندق حين كانت مع أم المؤمنين عائشة رضي الله عنهما في حصن بني حارثة ، وقد كان رسول الله صلى الله عليه وسلم وأصحابه حين خرجوا إلى الخندق قد رفعوا الذراري_الأطفال_ والنساء في الحصون مخافة العدو عليهم ، قالت عائشة رضي الله عنها : فمر سعد بن معاذ وعليه درع مقلصة – قصيرة – قد خرجت منه ذراعه كلها ، وفي يده حربة يرفل بها وهو يرتجز بيتاً من الشعر لحمل بن سعدانة الكلبي ويقول :

لبثت قليلاً يشهد الهيجا حَمَل ... لا بأس بالموت إذا حان الأجل

فقالت أم سعد رضي الله عنها : الحق يا بني فقد والله أخرت ،...

هل ربع ده بيحصل دلوقتي؟؟؟؟....أنا بشوف بس الأم تعرف من هنا انه ابنها اتطلب لآداء الخدمة العسكرية....و يبدأ النحيب....
ياترى هل أمهاتنا من الهمم بحيث إنها تدفع أبناءها و فلذات أكبادها دفع للشهادة؟؟؟....
هل أمهاتنا من الإيمان و الجلد...إنهم يقدموا ثمرة عمرهم في سبيل إعلاء كلمة الحق....

و مش بس للجهاد أو القتال و الإستشهاد...في جهاد من نوع آخر...جهاد المعاصي و الفتن الللي ملهاش أول و لا آخر اللي بتعرض على فتياتنا و شبابنا في اليوم ألف مرة...هل أمهات المستقبل مؤهلات فعلاً لغرس روح الجهاد ده في بناتهم و أبنائهم؟؟؟...
الله المستعان...

كل باكية تكذب إلا أم سعد.....

حزنت كبشة بنت رافع_رضوان الله عليها_لموت سعد حزناً كاد ينخلع له قلبها...لولا أن ثبتها الله و عصمها بإيمانها...

بكته و حزنت عليه حزنا شديداً....حتى إذا ما انتهى إليه المصطفى_صلى الله عليه و سلم_ و الصحابة و قد تقطعت شسوع نعالهم و سقطت أرديتهم...عندما كانوا يتسارعون اليه جرياً كي يغسلوه قبل أن تغسله الملائكة كما فعلت مع حنظلة...و كانت تقول:

ويل أم سعد سعداً حزامةً وجُدا

فقال المصطفى_صلى الله عليه و سلم_:"كل باكية تكذب إلا أم سعد"...ثم خرج به عليه الصلاة و السلام...

و تروي أسماء بنت يزيد بن السكن قالت:لما مات سعد ابن معاذ صااحت أمه فقال لها النبي_صلى الله عليه و سلم_:"ألا يرقا دمعك و يذهب حزنك بأن ابنك أول من ضحك الله له و اهتز له العرش؟؟"

فلما سمعت كل هذا الخير...صبرت و احتسبت و ارتضت بقضاء المولى عز وجل.....

ظلت كبشة بنت رافع طوال حياتها...تخدم دينها و تنصر المصطفى صلى الله عليه و سلم....
مجاهدة مؤمنة صابرة.....

وتعد كبشة بنت رافع، واحدة من فاضلات نساء الصحابة، وواحدة ممن أثرين تاريخ النساء بأعمال طيبة في الجهاد والفقه ورواية الحديث....

رحم الله كبشة بنت رافع العابدة القائمة الصائمة...و ألحقها بأحبابها و فلذات أكبادها في جنات النعيم....و رضي عنها و أرضاها و جعل الجنة مثواها....

انتهت الرحلة مع كبشة بنت رافع....

الأم فعلاً سلاح يناطح أعتى الأسلحة الحديثة...بس لو اتوجه صح و اتبنى صح...

في مقولة كنت بسمعها دايماً بس مش عارفة بصراحة مين اللي قالها و مش واثقة قوي من جملتها و إن كنت حسة المعنى قوي..

المرأة بتهز المهد باليمين...و العالم كله بالشمال....

و طبعاً مش هلاقي ابلغ من البيت المشهور...

الأم مدرسة إذا اعددتها :: أعددت شعباً طيب الأعراق....

أتمنى إني أكون اتوفقت في عرض سيرة الصحابية الجليلة....

انتظروا صحابية جديدة من الصحابيات المنسيات مع ميرا..و لحد كده...^_^.....

تقبلوا تحياتنا..
ميرا و ساره..

سندريلا الشرق

02-08-2007, 10:41 AM

nour2005

05-08-2007, 06:30 PM

ميرا سارة الموضوع اكثر من رائع
ومفيد لكل امراة مسلمة تبغي مرضاة الله ورسوله الكريم
بارك الله بكما و حشرنا جميعاً فى زمرة هؤلاء الصحابيات
تسلم الايادي

الدكتورة نسيبة

06-08-2007, 05:36 PM

جزاكما الله خيراً على كل المعلومات الجميلة و المفيدة دى و القصص اللى احنا دلوقتى فى أمس الحاجة أليها و لو سمحتولى عايزة أضيف رأى أستفدت به من القصص دى

و هو على عكس ما ينادى بعض الناس دلوقتى بتحرير المرأة و إن الإسلام بيحد من حريتها أبداً على العكس أنا شايفة أن المرأة فى الإسلام كانت لها قدر من الحرية و الإحترام أكثر من الآن و الدليل هى القصص اللى بتورها دلوقتى و ما كان للمرأة من شجاعة و رأى و قرارات و إشتراك فى الحروب و المعارك

جزانا واياكم يا سندريلا الشرق والحمد لله انك استفدتى من الموضوع ودىحاجة تبسطنا انا وسارة

وفعلا زى ما قولتى عمر ما كان الاسلام متحامل على المراة ابدا بالعكس كان بيفخر بالمراة ويوليها مناصب زى الدكتورة فى الحروب وبعض الاحيان كمان بتكون فارسة فى المعارك وكان الرسول عليه الصلاة والسلام بيشيد بيهم ويشجعهم ويطمئن عليهم دائما

ربنا يجعلنا زيهم ان شاء الله ويحشرنا معاهم
ووسعداء جدااااا بوجودك معانا

سارة وميرا

الدكتورة نسيبة

06-08-2007, 05:40 PM

ميرا سارة الموضوع اكثر من رائع
ومفيد لكل امراة مسلمة تبغي مرضاة الله ورسوله الكريم
بارك الله بكما و حشرنا جميعاً فى زمرة هؤلاء الصحابيات
تسلم الايادي

ربنا يكرمك يارب يا ميس نور

وسعداء جدا بوجودك ومتابعتك للموضوع ربنا يجعله فى ميزان حسناتك ان شاء الله

وربنا يتقبل يارب دعائك

وتسلم ايد حضرتك على مرورك ووجودك الجميل

سارة وميرا

Emad.

07-08-2007, 02:49 AM

الله يكرمك يادكتوره وان سعيد والله بالصدفه اللي حصلت
لاني فعلا فيهم من كنت لا اعرفه
ربنا يجعله في ميزان حسناتك باذن الله
ويكرم اختنا شعاع ويبارك لها باذن الله
وكل من اضاف شئ ربنا يجازيه عنه كل خير
الف شكر

شعاع من نور

14-08-2007, 01:05 AM

أخي الفاضل...عماد...

الحمدلله انه قدرنا نعرف حضرتك بالصحابيات دول....يارب نكون اتوفقنا في عرض السيرة العطرة لكل واحدة فيهم...

سعداء جداً بوجودك...

جزاك الله خيراً....

تحياتنا...
ميرا و ساره...

ميمة اسلام

14-08-2007, 07:03 PM

اختي الكريمة دكتوره نسيبة
موضوع رائع ومعلومات اكثر من قيمة
وعلي فكرة من قبل ما اعرف واستفيد من قصة سيدتنا نسيبةبنت كعب
انا فعلا بحب اسم نسيبة ومكنتش اعرف لية
بس يكفي ان اسم لصحابية جليلة
الف شكر
وفي امان الله

الدكتورة نسيبة

19-08-2007, 12:15 AM

اهلا اهلا يا ميمة

مفتقدينك والله ووحشتينى ووحشتنى مواضيعك الحلوة

انا كمان كنت بحب اسم نسيبة جدااااااا كان بسبب قصتها اختى كانت حكتهالى بس لما قريته عرفت عنها حاجات اكتر واتبسطت بيها اكتر وبمواقفها ربنا يارب يجعلنى زيها ويجعل من ذريتى زيها امين يارب

بجد اتبسطت بوجودك خالص واستفادتك من الموضوع

وتسلم ايدك على مرورك ربنا يكرمك

سارة وميرا

سيد جعيتم

21-08-2007, 07:21 AM

الله الله . نستمتع بهذه السير العطرة . نطمع فى المزيد . اشكركم ودمتم بخير

شعاع من نور

25-08-2007, 11:29 AM

أستاذي الفاضل...سيد إبراهيم..

وجود حضرتك بيسعدنا جداً جداً في الموضوع...يارب نكون اتوفقنا في عرض السير العطرة للصحابيات الجليلات..

و ربنا يحشرنا في زمرتهم آمين يارب....

خالص الإحترام و التقدير لحضرتك...

ميرا وساره....

emerald

05-09-2007, 04:28 PM

السلام عليكم ..

جزاكِ الله خير يا شعاع .. بجد الموضوع هذا رائع جدا .

تصوري..

وتعد كبشة بنت رافع، واحدة من فاضلات نساء الصحابة، وواحدة ممن أثرين تاريخ النساء بأعمال طيبة في الجهاد والفقه ورواية الحديث....

بالرغم من دا .. أنا اول مرة اعرف من هي كبشة بنت رافع ..؟؟؟!!!!
قصتها جدا جميلة ورائعة .. أشكركم عليها ..
وفي انتظارك يا ميرا.. واعتذر على التأخير ..
بارك الله فيكم .

شعاع من نور

14-11-2007, 01:45 PM

الحبيبة...emerald...
و عليكم السلام و رحمة الله و بركاته...

واعتذر على التأخير ..

لو كان في حد المفروض يعتذر ف الحد ده أكيد مش انتي..!!!..
أنا آسفة جداً..و الله بالصدفة دلوقتي بشوف الموضوع و قريت مشاركتك الغالية فيه....

ايمي والله متابعتك للموضوع غالية جداً...بجد أنا مش عارفة ازاي مشفناش مشاركتك كل ده....

بالرغم من دا .. أنا اول مرة اعرف من هي كبشة بنت رافع ..؟؟؟!!!!

الحمدلله انه عرفتي الصحابية الجليلة دي...رضوان الله عليها...

بجد أنا سعيدة بمتابعتك و مكسوفة منك....:$

لكِ...خالص الحب...:f::f:
ميرا و ساره...

سوما

13-01-2008, 10:13 AM

جوهرة فلسطين

19-01-2008, 10:58 AM

ما شاء الله عليكي يا دكتورة نسيبة والله انا كنت بحكي شو هالاسم لكن الاسم نسيبة بيشرفك ويشرف كل مسلمة
بارك الله فيكي وجزاكي الله خيرا

الدكتورة نسيبة

23-01-2008, 11:48 PM

الأعزاء.. ميرا و سارة..
بجد موضوع جميل وفيه معلومات حلوة اوى... جزاكم الله خيرا ..
وده تسجيل حضور بسيط وتسجيل اعجاب شديد بالموضوع وكل الشكر لكل من شارك فى اضافة..:f:
تقبلوا مرورى وتحياتى...:h:

اهلا يا سوما منورانا يا قمر ومعلش اتاخرنا كتير فى الرد فسامحينا

والحمد لله ان الموضوع عجبك وان شاء الله يارب تكونى استفدتى منه

وانتظرينى قريب جدااا ان شاء الله مع صحابية جليلة وجميلة ربنا يجعلنا زيها ان شاء الله

نورتينا يا قمر

سارة وميرا

الدكتورة نسيبة

23-01-2008, 11:57 PM

ما شاء الله عليكي يا دكتورة نسيبة والله انا كنت بحكي شو هالاسم لكن الاسم نسيبة بيشرفك ويشرف كل مسلمة
بارك الله فيكي وجزاكي الله خيرا

اهلا يا جوهرة منورة يا قمر ربنا يكرمك

والله بسطتينى انك الحمد لله استفدتى من الموضوع واتعرفتى على صحابية مكنتيش تعرفيها

منورة يا قمر وانتظرينى قريب مع صحابية جديدة ان شاء الله وبعتذر على التاخير

سارة وميرا

بنت بلاد

26-01-2008, 12:56 PM

السلام عليكم كيفكم يابناااااااااات اشتقت لكم والله كثيرا

سيد جعيتم

29-01-2008, 12:11 PM

زلنا نستمته . بارك الله فيكم ودمتم بخير

شعاع من نور

30-01-2008, 01:21 AM

أختي العزيزة...بنت بلاد..
و عليكم السلام و رحمة الله و بركاته...

كيفكم يابناااااااااات اشتقت لكم والله كثيرا

حبيبتي احنا الحمدلله بخير....يارب انتي كمان تكوني بخير يا قمر...

واحنا كمان اشتقنالك جداً و انتظري الدكتورة نسيبة مع شخصية جديدة و نبراس جديد نسائي لنا المسلمات...

منورانا بجد يا بنت بلاد...:f:

لكِ...خالص التحية و الإحترام...

ميرا و ساره...
:f2::f2::f2:

شعاع من نور

30-01-2008, 01:46 AM

والدي الغالي...سيد جعيتم...

بجد وجود حضرتك بالمشاركة الغالية دي أسعدنا جداً....و دايماً يارب...

و قريباً بإذن الله الدكتورة نسيبة هتنزل شخصية جديدة....

شكراً جزيلاً لتشجيع و تحفيز حضرتك الدائم لينا...:f:

كل الإحترام و الود لشخصك الغالي...

ميرا و ساره...
:f2::f2::f2:

زهــــراء

30-01-2008, 07:15 PM

السلام عليكم ورحمة الله وبركاته ..
ميرا ..اختي الغالية :f: ..
حقيقي ياميرا بارك الله فيكِ على السيرة والسرد الاكثر من رائع للسيدة صفية ..رضي الله عنها..
قصة جميلة جداً ومواقف رائعة في الصمود ..أول مرة أعرف انها كانت من أزواج الحبيب المصطفى_عليه أفضل الصلاة والسلام _..
مواقفها جميلة جداً وحبها لرسولنا الكريم عليه الصلاة والسلام ..
تسلم الايادي ياميرا وأعتذر على تأخري في متابعة الموضوع ..:f:

أختي الحبيبة ...سارة ..:f:
الله عليكِ ياسارة حقيقي ..قدمتِ سيرة وافية وجميلة جداً لأم سعد إبن معاذ ..رضي الله عنها ..
مواقف بطولية يقشعر لها البدن حقيقي ياسارة ..عجبتني جداً قصة إسلام ابنها ..
الصحابيات كلهم بيجتمعوا بشيء جميل جداً هو إيمانهم الراسخ عند كل الظروف المهولة ..
يعني مثل ماذكرتِ انتِ وميرا في مواقف عندما يقتل الابن او يدفع للشهادة ترين هؤلاء الصحابيات في مواقف حقيقي تدمع لها القلوب قبل العيون ..وطبعاً لاتوجد مقارنة في وقتنا هذا الا من رحم ربي ..
سيرة جميلة جداً لكبشة بنت رافع ياسارة تسلم الايادي عن جد ..
وعجبتني جداً المقولة اللي قلتيها ان ..المرأة تهز المهد بيمينها وتهز العالم بأسره بشمالها ...رائعة حقيقي ^_^
بأعتذر ياسارة على تأخري بالرد :girl26:
خالص حبي ومودتي لكما سارة وميرا ..:f::f:

شعاع من نور

09-02-2008, 11:20 AM

حبيبتي الغالية...زهراء..
و عليكم السلام و رحمة الله و بركاته..

الصحابيات كلهم بيجتمعوا بشيء جميل جداً هو إيمانهم الراسخ عند كل الظروف المهولة ..
يعني مثل ماذكرتِ انتِ وميرا في مواقف عندما يقتل الابن او يدفع للشهادة ترين هؤلاء الصحابيات في مواقف حقيقي تدمع لها القلوب قبل العيون ..وطبعاً لاتوجد مقارنة في وقتنا هذا الا من رحم ربي ..

برافو عليكي يا زهراء...

هو ده..

الإيمان هو المحرك الحقيقي للسيدات الرائعات دول...كل واحدة فيهم جواها إيمان حقيقي و ثقة لا تتزعزع بالله العزيز و رسوله...
تلاقي الواحدة منهم بتدفع فلذة كبدها دفعاً للجهاد...و الحقيقة انه اللي بيدفع هو إيمانها..
تلاقيها بتجاهد بكل غالي و نفيس في سبيل نصرة الحق...و بردو القوة الدافعة لكل ده هو الإيمان...الطاقة الداخلية اللي بتمد بالقوة..

و للسبب ده احنا_ميرا و أنا_بنزل السير العطرة للفضليات دول...عشان نتعظ بيهم و نتخذهم نور و نبراس في الظلام القاتم اللي انتشر في زمننا الحالي...الله المستعان...

حقيقي بنتمنى انه المغزى و الفايدة من كل سيرة يكون وصل زي ما وصلك كده يا زهراء...حقيقي سعداء جداً جداً بمشاركتك الغالية و بنعتذر عن التأخير في الرد :$

لكِ...
خالص احترامنا و تقديرنا...
ميرا و ساره...
:f2::f2::f2:

الدكتورة نسيبة

09-02-2008, 12:34 PM

السلام عليكم ورحمة الله وبركاته

ازيكم وحشتونا ووحشتنا سيرة الصحابيات اللى انا عن نفسى استفدت منها جداا واعتقد ان فيه اعضاء برضه استفادوا منها بدليل طلبهم لاعادة كتابة الموضوع

معلش اعذرونا اتاخرنا جدا فى كتابة السيرة بس كل واحد مننا ليه مشاغل فى الحياة فسامحونا وان شاء الله مش هنغيب عنكم تانى ولا عن سيرة الصحابيات

بصراحة انا قعدت افكر كتير ياترى انا هتكلم عن مين من الصحابايت النهاردة وسالت سارة اتكلم عن مين وسالت اصحابى مين من الصحابيات تكون منسية بس سبحان الله وانا بلف كده لقيت سيرة تابعية (وهم من رأوا الصحابة وتعلموا منهم ما كان يفعله النبى ) انا عن نفسى مكنتش اعرف عنها اى حاجة خالص ولا حتى اسمها بس سبحان الله لما قريت فى سيرتها حسيت انى لازم اكتبها ونتعظ منها خاصة فى زمنا ده وملابسنا دى اللى لا حول لها ولا قوة

التابعية اللى هنتكلم عنها هى تابعية ما شاء الله عليها زاهدة وتقية جداا وكان دايما شاغل بالها حاجة واحدة بس عارفين ايه الحاجة اللى كانت شغالها

تخيلوا كده مش شاغلها ولا وظيفة ولازواج و لا موضة ولا ملابس ولا اى حاجة من الحاجات دى اللى كلنا مشغولين بيها وانا معاكم

كان شاغلها حاجة واحدة بس الموت حتى كانت تلقب بصاحبة الكفن فهى السيدة حفصة بنت سيرين

نشأتها:

كان أبوها سيرين غلاماً من أهل جرجرايا - بلدة قرب واسط في العراق - يعيش في ظل الامبراطورية الفارسية، يتكسب من عمل قدور النحاس، وبعد ان انهزم الفرس امام المسلمين بقيادة خالد بن الوليد فأسروا مناها ما أسروا وكان من بينهم نصير والد موسى الفاتح المشهور، جد محمد بن إسحاق المؤرخ المشهور صاحب المغازي.وسيرين والد السيدة حفصة وسيق الأسرى مكبلين إلى الجنة، جنة الإسلام،
وقد وزع هولاء الغلمان على بعض الصحابة، فكان سيرين من نصيب أنس ابن مالك ذلك الصحابي الجليل، خادم رسول الله ـ

ويتزوج سيرين من صفية مولاة أبي بكر الصديق، وتتولى تطييب صفية في عرسها ثلاث من زوجات النبي صلى الله عليه وسلم، وحضر إملاكها جلة من الصحابة، فيهم ثمانية عشر بدرياً، منهم أُبي بن كعب، كان يدعو وهم يؤمنون على دعائه.

دى كانت نشأة السيدة حفصة نشأة بسيطة وسبحان الله القدر هو اللى قادهم للاسلام والهداية

الموقف اللى هحكيلكم عليه دلوقتى عجبنى جداا وفيه عظة كبيرة جدا للاباء والامهات ..شوفوا كده:

بدأ سيرين مع أولاده رحلة العلم، فأحضرهم مجالس أبي هريرة في المسجد النبوي حيث كان يجلس، وأبوهريرة ـ رضي الله عنه ـ أكثر الصحابة حفظاً لحديث رسول الله ـ صلى الله عليه وسلم ـ، وقد عجب من سرعة حفظ يحيى بن سيرين، فكناه بكنيته.
وتلت حفصة أخاها محمداً في الشهرة علماً وورعاً، حتى صارت من أفضل نساء عصرها، وقد عرف أخوها محمد حقها ـ وهو أحد تلامذتها ـ فكان إذا أشكل عليه شيء في قراءات القرآن يقول لتلامذته: اذهبوا فسلوا حفصة كيف تقرأ. ومن خشيتها من الله وورعها أنها كانت تبكي في الليل حتى ليظنها الجاهل أنها قد أذنبت

شوفتوا اد ايه الموقف ده جميل شوفتوا حرص والدها على انهم يتعلموا ويتثقفوا عن امور دينهم وهم فى سن صغيرة مش دلوقتى تلاقى ما شاء الله الامهات فرحانين باولادهم اما يحفظوا اغنية ولما يجيى حد غريب ولا حاجة تقوليلها طب سمعى عموالاغنية الفلانية فيه حد شاف ام بتقول لابنها او بنتها وهو فى سن صغير سمعى سورة الناس ولا الفلق ولا حتى الاخلاص الا من رحم ربى
بجد سبحان الله ياريت نتعلم منهم ونعلم اولادنا القران من وهما صغيرين لان ده فى الاخر اللى هينفعنا وينفعهم

تعالوا بقى شوفوا الحاجة اللى كانت شاغلة بالها وكانت ازاى مسيطرة على تفكيرها كله :

كان ذِكْرُ الموت لايفارقها، فهى تعلم أن الدنيا أيام معدودة، فإذا ذهب يوم فقد ذهب بعضها؛ لذا كانت تتوقع الموت فى كل لحظة، حتى روِى أنها كانت تحتفظ بكفن دائم لها هو جزء من ملابسها فإذا حجت وأحرمت لبسته، وإذا جاءت الأيام العشرة الأخيرة من رمضان لبستْه تقيم فيه

شوفوا سبحان الله مكنتش بتفكر زينا دلوقتى احنا دلوقتى بنفكر اننا عاوزين نشتغل وعاوزين نتجوز وعاوزين نلبس لبس على الموضة والشنطة عاملة ازاى طيب والفستان هيكون شكله ايه

عمر واحدة مننا وانا معاكم فكرى زى ما السيدة حفصةعملت ؟؟!!
انا عن نفسى معمريش فكرت واعتقد ان محدش فينا فكر يعمل كده

طبعا كلنا شاغلنا الموت وكلنا فى اوقات كتيرة بنفكر فى الموت لكن صعب انك تعيشى بكفنك وانتِ عايشة صعب انك تقعدى بيه بالايام والليالى وتتعاملى معاه وكانه احسن فستان عندك

سبحان الله انا لما قريت الكلام ده بصراحة اتكسفت من نفسى جدااا حسيت انى بفكر فى حاجات سطحية جدااا مينفعش انى افكر فيها بجد دى حاجة انا استفدتها جدا من السيدة حفصة وياريت تكونوا انتم كمان استفدتم منها

الموقف ده بقى فيه نصيحة من السيدة حفصة لينا ياترى بتنصحنا بايه ؟؟؟

وكانت تقول: يا معشر الشباب! خذوا من أنفسكم وأنتم شباب، فإنى رأيت العمل فى الشباب

دى النصيحة اللى بتنصحنا بيها السيدة حفصة اننا نستغل شبابنا فى حاجة كويسة مش نستغله فى انى ازاى اهدر صحتى من سجاير وغيره مش استغل شبابى فى انى ازاى اعيش حياتى للدنيا بس ومفكرش فى الاخرة

دى نصيحة السيدة حفصة هل ياترى بقى انتم مستغلين شبابكم ؟؟؟

الموقف ده بقى مش للسيدة حفصة الموقف ده لابنها بس حلو اوى شوفوا معايا كده:

رزقت حفصة بولد بار بها هو هذيل بن عبدالرحمن وبه كانت تكنى، فيقال لها: أم هذيل. كان يجمع الحطب في الصيف ويقشره، ويأخذ القصب فيفلقه، ويدخره لأمه في الشتاء، حتى إذا ما حلّ الشتاء جاء تمسك خوفاً من أن يتأذى بذلك وهو المتفاني في خدمتها. هذا شأن ولدها في الليل، وأما في النهار فقد كانت له ناقة حلوب، يحلبها في الغداة، ويأتي بالحليب إليها، فتقول له: يابني، إنك لتعلم أني لا أشربه، إني صائمة. فيقول بتحبب: ياأم هذيل، إن أطيب اللبن ما بات في ضروع الإبل، اسقيه من شئت

شوفتوا سيدنا هذيل كان بار ازاى بأمه وكان بيهتم بيها من ابسط الحاجات الى اكبرها
مين دلوقتى بيعمل كده احنا لو وقفنا ورا بيوت الناس ممكن تسمع اصوات الابناء اعلى من صوت الاباء او ممكن تشوف الاب ماشى وشايل شنط كتير جدااااااااااا والابن ماشى وراه بيهرج مع اصحابه او حاجة استفزتنى جداا وانا شوفتها حقيقى ان واحد بيتريق على ابوه مع اصحابه تخيلوا !!!
ياريت يبقى فينا ناس بارة بامهاتها زى سيدنا هذيل وياريت نتعلم الدرس ده منه

الموقف ده بقى لكل ام ملكومة فقدت ابنها اوبنتها تعلموا من السيدة حفصة شوفوا موقفها اما فقدت ابنها هذيل وشوفتوا احنا كنا بنقول هو بيعاملها ازاى :

ويمتحنها الله بوفاة ولدها هذا، وهو في مقتبل العمر، ولنسمع إليها وهي تعاني كأم لوعة الفراق، ثم ينسكب الصبر في قلبها وهي تقرأ كتاب الله، وهو لها حقاً منهج حياة، لا مجرد تلاوة كلمات. قالت: ( ولنجزين الذي صبروا أجرهم بأحسن ما كانوا يعملون} قالت فأعدتها، فأذهب الله ما كنت أجد. بهذه العبارات البسيطة النابضة باليقين تنتظر أجر صبرها، و{إنما يوفى الصابرون أجرهم بغير حساب}.

شوفوا سبحان الله تعاملت ازاى مع الموقف قرات قراّن مش قعدت تبكى وتندب ..انا استحالة الوم اى حد فى الموقف ده انه ميبكيش او انه مش يتاثر ولكن ابسط حاجة من الناس اللى حواليها يمسكوها المصحف وتقرا او يشغلوا سورة فيه كلام يريح القلب ويصبر الناس مش الناس اللى بتروح تعزى دلوقتى وكانهم رايحين كافيه بيشربوا القهوة ويمشوا ويقعدوا يجيبوا فى سيرة خلق الله واحنا المفروض فى عزاء

ربنا يارب يلهم كل أم الصبر على فقد ابنها او بنتها ويصبر كل واحد فقد عزيز عنده وان شاء الله محدش يشوف حاجة وحشة مننا

وفاتها:

وقد كانت تتمنى أن تختم حياتها بالشهادة،
ولكن الله لم يقدر لها ذلك، وماتت نحو سنة إحدى ومئة من الهجرة عن نحو سبعين عاماً، قضتها في العلم والعبادة، وشيعها عالما البصرة الحسن وأخوها محمد بن سيرين. وقد بقي تلامذتها من بعدها ينشرون علمها، ويتحدثون بمناقبها رحمها الله

هى دى السيدة حفصة تعلمت من اهلها وابنها ومنها استفدت فعلا من كل حاجة عملتها السيدة حفصة ونصحتنا بيها

سعيدة جدا ان الصدفة قادتنى للسيدة حفصة
ويارب ان شاء الله تكونوا استفدتوا منها وقدرت ارجع لكم بسيرة تابعية جليلة

وانتظرونا ان شاء الله مع صحابية او تابعية جديدة مع سارة

وجزاكم الله خيرا جميعا على كل من تابع الموضوع واهتم به وجعله الله فى ميزان حسناتكم جميعا

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث