سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : نمازج لازقه جدا !!!!!!!!!!!

د. حورية البدرى
11-09-2002, 03:01 PM
مش لازم كل الناس ترضى
وخصوصا لو كانت سافله
مش باشتم فى " الاخوه السفله "
لاسمح الله
لكنّى - بس - باعبّر عن احساس انسانى جوّانى
من غير لارتوش ولاظبط كلام
وانا عارفه انى مش قد زعلهم
فالسفله لو تزعل ؛ تقتل
وكتير جدا أنا عشت الموت
م الاخوه السفله بكلمه
أو بسكوت
واهى موته تفوت !
وتعود الروح 00 بآلام وجروح
لكن لاتضيع 00 ولاتتندّم
نفس الخطوات
مش هىّ الجاهله من الطعنات
وغباوه يقولوا انها لاتتوب00 ولاتتعلّم
بتعيد دورها
وتدور أغانيها على سطورها
وتحاول ان " الاخوه السفله " ف يوم
- من تكرار دورها - تتعلّم
بس التكرار
يوحى لنا بان حمار الغيط لو يتعلّم
" الاخوه السفله " - مهما اتسطّر
واتعاد الدرس أو اتكرر -
مش ممكن راح تتعلّم
" الاخوه السفله " تلميذ فاشل فاسد حاقد أو متبلّم
قدّام أحلامنا وأمانينا
وان جت أو راحت
ح تاخدنا وتودينا
لنهاية الدور الحتميّه
ونعيش - ويّاها - طقوس الموت !

-------- د0 حورية البدرى
ابن البلد
11-09-2002, 06:04 PM
:(
أحنا منقدرش نقول حاجه علي السفله
فأسمهم لوحده كفاياااااااااااااا
:rolleyes:


د/ حورية العالم في الحلو والوحش
لكن مش لازم دايما نبص علي الوحش لان لما نتكلم عن الوحش كتير بيكون كبير

مثل ما يحدث مع محمد سعد ( اللمبي ) و ما حدث مع شعبان عبد الرحيم ( شعبولا )


لكن ذكر لعلا التذكري تنفع يوما ما
د. حورية البدرى
11-09-2002, 06:42 PM
نعم ابن البلد

" ذكّر فان الذكرى تنفع المؤمنين "

" وذكّر ان نفعت الذكرى "
ابن مصر
11-09-2002, 09:25 PM
اختي العزيزة
اهلاا بك
واحشنا كلامك
واللة صدقتي
والناس معدن
والحمدللة علي اننا مش
مثل بعض ولقد خلق
اللة الناس اشكال والوان مختلفة
والا كانت الدينا شي مملل
بارك اللة فيك اختي الغالية
بالحق-جبتاك اغنية
بابا فين -- في قاعة االمنقاشات
اخيك - ابن مصر
د. حورية البدرى
11-09-2002, 11:06 PM
أخى عماد
فعلا الناس معادن
ومثل معادن الطبيعة نجد أن المعادن النفيسة قليلة 00
ونجد المبدأ التجارى الشائع بين بنى البشر : " العملة الرديئة تطرد العملة الجيدة من السوق ، وتسود ! " 0
لكن نقول : الحمد لله الذى لم يضعنا مكانهم ، وأصلح شأننا ، وفضّلنا على كثير ممن خلق تفضيلا 000 الحمد لله 0
و000 بضدها تعرف الأشياء 00

أشكرك أخى على الأغنية 00 وأنا كنت أطلبها لتسمعوها هنا فى المنتدى 00 لأنها تعبر عن طفولة بريئة وظريفة 000 فالرقم خطأ 00 ولكن بمجرد أن يقول للأطفال : أنا عمو ؛ ينطلقوا فى حكى مشاكلهم له 00 أليس عمو ؟!

لكن مع الأسف عندما أضغط على ( من هنا ) يفتح لى متصفح 00 لكنه يظل أبيض مثل اللبن الحليب !
عموما المهم ان الأغنية تعجبكم 00 وأنا مسجلاها عندى فيديو 00

لك جزيل شكرى

----- د0 حورية:)
د. حورية البدرى
16-09-2002, 09:08 AM
عصافير الكناريا اتنين
صراصير الهموم بالكوم
ومع انى بارش فليت طول اليوم
ماباعرفشى
يموت ازاى غنا العصفور
وصرصار الهموم بيدوم !!!!!!!


----- د0 حورية البدرى

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث