مصر تعود بقوة للأقمار الصناعية (للتجسس و الأغراض العلمية)

[Egyptian eagle]

بداية لقد ترددت بين عرض الموضع في القاعة السياسية أم العلمية و لكنني بصراحة شعرت بيأس شديد في القاعة السياسية و نبرة من التشاؤم المنطقي و لذا قررت إضافة هذا الموضوع المبهج هنا و سأستغل الموضوع لتبسيط شديد جدا لكيفية محافظة القمر الصناعي على مداره :

الأقمار الصناعية العربية تستخدم غالبا تبث البرامج المسفة للعقل و المدنية للأخلاق ..

و لكن الخبر الذي وجدت من مصدرين مختلفين ( غير حكوميين ) و أحدهما إسرائيلي جعلني أشعر بسعادة كبيرة :

مصر تطلق أول قمر صناعي للتجسس و بنهاية هذا العام للأغراض العلمية:

المصدر صحيفة يديعوت أرحونوت الإسرائيلية و صحيفة المصريون المستقلة

و إليكم الأخبار تفصيليا :

يديعوت أحرونوت: مصر تطلق أول قمر صناعي للمعلومات‏ 1/16/2007 10:36:00 AM


القدس المحتلة ـ كشف خبراء إسرائيليون لصحيفة يديعوت أحرونوت الإسرائيلية عن أنه من المقرر أن تطلق مصر الاثنين قمرا صناعيا للمعلومات‏.‏

وذكر الخبراء أن القمر الصناعي يزن مائة كيلوجرام‏‏ وسيتم إطلاقه من دولة كازاخستان بواسطة منصة إطلاق أقمار روسية‏.‏

وأضافوا أنه تم تصميم القمر وبناؤه علي يد شركة أوكرانية‏‏ وتم تزويد القمر بكاميرا‏‏ وسيدور حول الأرض بمدار‏410‏ أميال‏‏ وسيتمكن القمر من التقاط صور ملونة وغير ملونة‏‏ وفي الظلام‏.‏

وأعرب الخبراء عن اعتقادهم بأن مصر مهتمة بما يجري في إسرائيل‏‏ وفي دول أخري بالمنطقة‏


أما صحيفة المصريون فقد كان الخبر موسعا و أكثر تفصيلا :

صحيفة "جيروزليم بوست" ومصادر "الموساد" تؤكد إطلاق مصر قمرًا اصطناعيًا للتجسس اليوم


ذكرت صحيفة "جيروزليم بوست" وعدد من المواقع الإسرائيلية على الانترنت القريبة الصلة بـ "الموساد" أن مصر سوف تطلق اليوم من كازاخستان قمرًا اصطناعيًا للتجسس على المنطقة وخاصة إسرائيل وإيران.
أشارت الصحيفة إلى أن القمر المصري يحمل اسم "EGYPT SAT1" (إيجبت سات1) ويزن نحو 100 كجم، ويدور حول الأرض على ارتفاع 668 كيلومتر مستخدمًا كاميرات تليسكوبية متعددة الأطياف، ستكون قادرة على إرسال صور باللون الأبيض والأسود، كما ستكون قادرة على التصوير بالأشعة تحت الحمراء بواسطة كاميرات خاصة.
وقالت إن قمر التجسس المصري يمكنه أن يصور أي شيء على الأرض. كما أكدت أن مصر تخطط أيضًا لإطلاق قمر اصطناعي آخر لاكتشاف الصحراء بنهاية هذا العام يحمل اسم "DESERTSAT 1" (ديسرتسات1) وأنه قيد البناء في إيطاليا.
وقالت تقارير الصحف الإسرائيلية إن قمر التجسس المصري المنتظر إطلاقه صباح اليوم تم بناؤه بالتعاون مع شركة "يوزوهني" الأوكرانية وأنه سيخصص لجمع معلومات استخباراتية عن إسرائيل وباقي دول المنطقة.
واعتبر تال إنبار الباحث الكبير في معهد فيشر الإسرائيلي للدراسات الاستراتيجية للفضاء والجو في هارتيزليا إطلاق القمر "EGYPT SAT1" يعد تحولاً نوعيًا في التوازن الفضائي في منطقة الشرق الأوسط وسيساعدها على جمع المعلومات الاستخباراتية حيث يتميز باستخدامه كاميرات متعددة الطيف وهي الميزة التي تفتقدها أقمار التجسس الإسرائيلية، حسب قوله.
وكانت إسرائيل أطلقت في إبريل الماضي قمر تجسس، وسبق لها إطلاق القمر ""EROSA في عام 2000م. بينما أطلقت إيران قمرها الصناعي "SIND-1" في أكتوبر 2005م وتخطط لإطلاق قمر آخر باسم شهاب قريبًا.
يذكر أن مصر بدأت إطلاق الأقمار الصناعية لأغراض الاتصالات في 28 أبريل 1998م عندما انطلق القمر الصناعي نايل سات 101 للاتصالات ثم أطلقت نايل سات 102 في 17 أغسطس عام 2000، وأخيرا نايل سات 103 في 2004. ويحمل النايل سات 102 أكثر من 150 قناة تليفزيونية رقمية. وكان القمر الأول قد صنع بواسطة الشركة الأوروبية مترامركوني سبيس وأطلق بواسطة شركة إريان سبيس والذي استخدام الصاروخ إريان 4 في إطلاقه من قاعدة جوانا.
وتم تصنيع نايل سات 102 بنفس الشركة وأطلقته نفس شركة الإطلاق وبنفس الصاروخ.



و أما بقية ما سأقوله فهو من خلال دراستي في العلوم ( الفيزياء ) :

The Motion of satellites أو ما يسمى باللغة العربية حركة الأقمار الصناعية

سرعة دوران القمر الصناعي حول الأرض تسمى بالسرعة المدارية و لحسابها
ف v=جذر كلي ل G.M/r و ال v هي السرعة المدارية أما r فهو نصف القطر و أما M فهي كتلة الأرض , من المعلوم أن سرعة القمر لا تتوقف على كتله كما هو شائع هنا في عقل المعظم بل يتوقف على نصف القطر أي بعده عن الأرض أما الشروط الذي نجعل بها القمر يدور في المكان الذي نريده تحديدا فوق منطقة ما فتتوقف على T و أوميجا و اتجاه دورانه حيث T هو الزمن الدوري للأرض و أوميجا السرعة الزاوية للقمر

آمل أن نصنع نحن قريبا هذه الأقمار و أن ندخل عالم الفضاء بقوة أكبر ,,,,,,,

و أرجو أن يكون الخبر أفرحكم كما أفرحني

[حمادو]

الخبر جميل جدا ومفرح جدا جدا
بس اللى انا سمعته من خبراء هنا قبل في مصر ان الكاميرات بتاعة القمر ماتنفعش تكون للاغراض التجسسية لانها بكل بساطة بتلقط الصور على ارتفاع اقصاه 8 متر ودا ماينفعش في التجسس لان كاميرات التجسس بتحتاج تدخل في عمق لغاية 1 سم يعني بكل بساطة تقدر تشوف ماركة الجزمة اللى العسكري لابسها.
انما الكاميرات اللى في القمر المصري لا تتعدي كونها كاميرا فعلا لاستكشاف الصحراء.

دا غير ان اسرائيل عندها اقمار تجسس على اقمار.. واقمار تبطل مفعول اقمار تانية...
دا غير ان الاهم من دا كله ان القمر بغرض التجسس لا يتم اطلاقه بموافقة من وكالات الفضاء وانما يتم اطلاقه في السر.

زي ما سمعت من علماء هنا غير مصريين بيقولوا ان القمر ممكن يفيد في حالة الدفاع انه يقدر يلقط مثلا تحركات الجيوش اللى حوالينا او تحركات الطيران. بس في نفس الوقت دا القمر مافيهوش اي وسيلة للدفاع عن نفسه . يعني لو اسرائيل عايزه تدمره تقدر تدمره قبل القيام باي هجوم علينا لاقدر الله.
وهو كمان مش زي قمر المغرب لان كاميرات قمر المغرب تقدر تصور بعمق 10 سنتي تقريبا على ما افتكر ودا يعتبر تجسس.

على العموم يعني ان دي خطوة مهمة جدا وفي رأيي متأخرة جدا جدا ولكن بداية موفقة لعلم ان شاء الله يفيد اهل مصر.
شكرا على المعلومة مرة تانية

[Egyptian eagle]

أخي العزيز / حمادو

مرحبا بك عزيزي ,, كيف حالك آمل إنك تكون بخير ,,,,

قبل الدخول في المعلومة اسمح لي بأن أشكرك على إطرائك .....

لا توجد أي دولة في العالم تستطيع إيقاع الأقمار الصناعية إلا ثلاث دول و هي روسيا و أمريكا و الصين......

فيه قمرين مصر هتخرجهم و إن فيه احتمال أن أطلقت واحد منهم و احد منه زي ما حضرتك بتقول لا يصلح للتجسس مطلقا ...

أما بالنسبة لإسرائيل فأحدث أقمار تجسسها هو اوفيك -5 ....

و فيه قمر صناعي تاني لمصر و هو دا قمر التجسس و دا حساب اقوال مسؤولين من الموساد مش من الحكومة المصرية

و انت معاك حق بخصوص القمر بتاع مصر و لكن اعتقد إنك تقصد القمر العلمي لإننا هنبعت اتنين مش واحد بس .......

أما قمر التجسس دا فهو حديث أوي في فكرته غير القمر التاني ....

أنا معارفي في مصر مش كتير لإني بيني و بينها آلاف الكيلو مترات للأسف و لكن ما عرفته إن الكاميرا بتاعت القمر الصناعي المصري تتفوق على كاميرا أوفيك-5 الإسرائيلي و دي صورة جبتها أنا للقمر بتاع إسرائيل و هي دي :

http://www.aljazeera.net/mritems/images/2000/12/6/image_design1204_1.jpg

و مننساش إن إسرائيل دائما بتعمل هالة حولين أي حاجة بتعملها ,, فاكر اللي قالوه عن قوة الميركافا بس أدينا شفنا هزيمتها و بأسلحة أقدم منها بكتير..

و مننساش ان قوة القمر الصناعي للتجسس بتاعنا تكمن في حاجة مهمة قوي و هي اننا احنا مش اللي اتكلمنا عنه بس الموساد هو اللي اتكلم .. مش كده و لا إيه ؟


و شوف كدا المكتوب هنا :

إطلاق القمر "EGYPT SAT1" يعد تحولاً نوعيًا في التوازن الفضائي في منطقة الشرق الأوسط وسيساعدها على جمع المعلومات الاستخباراتية حيث يتميز باستخدامه كاميرات متعددة الطيف وهي الميزة التي تفتقدها أقمار التجسس الإسرائيلية،

صاحب الكلام دا مسؤول إسرائيلي و هو تال إنبار الباحث الكبير في معهد فيشر الإسرائيلي للدراسات الاستراتيجية للفضاء والجو في هارتيزليا ....

يعني مش من عندنا

أه و دا لينك تقدر تتأكد منه بنفسك http://www.coptawy.com/news/25.html

شيء آخر بجد أنا شفت مشاركات كتير لحضرتك و أعجبني رأيك في مواضيع كتيرة أوي و أنا سعيد جدا برد حضرتك اللي بيشف عن معرفة متميزة و علم وافي ..



لك مني كل تقدير,,,,,,,,

بالتوفيق ..........

[حمادو]

اشكرك على الاهتمام بالرد وازالة الشكوك عندي في الموضوع دا.
وانا فعلا نفسي والله ان مصر تعمل حاجة بدل حالة التخبط اللى بتحصل في الحكومة والشعب دي لدرجة ان الناس يأست من الحكومة.
ولو الحكومة قالت يمين الناس هاتعرف علطول انها شمال ولا حول ولا قوة الا بالله.

ثانيا موضوع مشاركاتي دا صدقني انا بعيد خالص عن الكلام اللى انت بتقوله ... وعلى العموم اشكرك على حسن ظنك بيا.
وربنا يوفقك ان شاء الله وترجع مصر بالسلامة .... بس صحيح ماقلتش انت قاعد فين؟؟؟ اصلك كاتبها سري يعني ممكن تكون في اسرائيل ولا حاجة.
هههههههه
ترجع بالسلامة ان شاء الله

[Egyptian eagle]

اسمحلي بقا اقول لك صديقي / حمادو

اتفق معاك في الرأي تماما

اشكرك على الاهتمام بالرد وازالة الشكوك عندي في الموضوع دا.
وانا فعلا نفسي والله ان مصر تعمل حاجة بدل حالة التخبط اللى بتحصل في الحكومة والشعب دي لدرجة ان الناس يأست من الحكومة.
ولو الحكومة قالت يمين الناس هاتعرف علطول انها شمال ولا حول ولا قوة الا بالله.


كلامك معاك حق تماما فيه و الحمد لله إن الناس عرفوا حقيقتهم و دائما سبحان الله ألاقي انتكاسات مصر في كل شيء ما عدا حاجتين المخابرات بأفرعها و الجيش المصري....

موضوع مشاركاتي دا صدقني انا بعيد خالص عن الكلام اللى انت بتقوله ... وعلى العموم اشكرك على حسن ظنك بيا.


ايه التواضع دا ,, لأ بصراحة أنا مش بجاملك و لو عايز مثال بص مثلا في مشاركتك حول الموضوع بتاع إشاعة الإصابة بفيرس الإيدز و هتلاقي كلامي و فكرتي صحيحة عنك.. و حتى ردك دلوقتي يعتبر برهان على كلامي و هو الحوار الراقي اللي بتكون فيه منفعة لكل واحد..... و دا ردك اللي اسمحله آخذه كمثال يبرهن على تميز مشاركاتك

وكمان لو الموضوع دا فعلا حصل يبقي اكيد وكالات الاعلام على الاقل في فرنسا هاتتكلم عنه مش هاتخبي زي بعض الناس.
ثانيا مش عارف ليه بس باحس ان كل الرسائل من النوعية دي بتكون على سبيل الاستخفاف بالعقول مافيهاش اي حقيقة.

ثم يجب علينا ان نتبين من صحة الخبر كما امرنا الله سبحانه وتعالي.

مرة تانية يا جماعة لو الموضوع دا حقيقي كانت على الاقل وكالات الانباء الاوربية اتكلمت عنه ومش كان انتشر بس عن طريق الايميلات الصفراء.
دا غير ان انا دخلت اكتر من سينما في اوربا. بيكون فيه تنظيف شامل للسينما قبل العرض دا غير ان قبل ما النور يطفي بيقفلوا ابواب السينما. يعني اللى داخل بيكون داخل على نور مش زي بعض السينمات في مصر ممكن يدخل لغاية اخر ربع ساعة في الفيلم.

بس مشكور على الفكرة المعروضة واللى اعتبرها بصراحة شئ غير حقيقي بالمرة


فاضل الجزئية الأخيرة :

وربنا يوفقك ان شاء الله وترجع مصر بالسلامة .... بس صحيح ماقلتش انت قاعد فين؟؟؟ اصلك كاتبها سري يعني ممكن تكون في اسرائيل ولا حاجة.
هههههههه
ترجع بالسلامة ان شاء الله


عرفت ازاي هههههههه ,, لأ و الله أنا كاتب كده بس علشان تبقى ( حركة يعني ههه ) بس انا فعلا مش عايش في مصر ..........

ترجع بالسلامة ان شاء الله

الله يسلمك يا رب و شكرا ليك مرة تانية

[ابن رشد المصري]

بداية
أبلغ سلامي لصديقي الحبيب حمادو وتحيتي وتقديري للكريم صاحب الموضوع
ذلك هو رابط الخبر مباشرة من جيروزاليم الاسرائيلية
http://www.jpost.com/servlet/Satellite?cid...icle%2FShowFull
لدي خبرة بسيطة في الأقمار الصناعية وخبرتي اما بالقراءة أو بالتدريب في مركز التحكم بالقمر الصناعي المصري النايل سات بالامكان أن أقل لكم أن مثل ذلك القمر من الممكن استخدامه للتجسس ففيه ما يحتاجه أي قمر للتجسس
فقط يعتمد الأمر علي قوة العدسات .. كنت أسأل نفسي هل من علاقة بين تأجيل قضية الجاسوس المصري في هيئة الطاقة الذرية شهرين كاملين واطلاق القمر المصري من كازخستان ؟!
وان القضية وما فيها تكثيف الرصيد العربي" فيما يشبه المقايضة "على الساكت"، هذا جاسوسكم وذاك قمرنا....
للأسف حمادو أفادني بشبه استحالة الأمر بعد أن تعرفت علي قوة عدساته
لكن لو صح الخبر أوصح أن القادم قد يكن للتجسس وبيني وبينكم لا أستبعد ارسال قمر تجسس في المستقبل القريب كوننا بتنا نسير علي خطي ثابتة في ذلك الجانب سيكن ذلك محمود جداً

[Egyptian eagle]

بداية
أبلغ سلامي لصديقي الحبيب حمادو وتحيتي وتقديري للكريم صاحب الموضوع
ذلك هو رابط الخبر مباشرة من جيروزاليم الاسرائيلية
http://www.jpost.com/servlet/Satelli...cle%2FShowFull
لدي خبرة بسيطة في الأقمار الصناعية وخبرتي اما بالقراءة أو بالتدريب في مركز التحكم بالقمر الصناعي المصري النايل سات بالامكان أن أقل لكم أن مثل ذلك القمر من الممكن استخدامه للتجسس ففيه ما يحتاجه أي قمر للتجسس
فقط يعتمد الأمر علي قوة العدسات .. كنت أسأل نفسي هل من علاقة بين تأجيل قضية الجاسوس المصري في هيئة الطاقة الذرية شهرين كاملين واطلاق القمر المصري من كازخستان ؟!
وان القضية وما فيها تكثيف الرصيد العربي" فيما يشبه المقايضة "على الساكت"، هذا جاسوسكم وذاك قمرنا....
للأسف حمادو أفادني بشبه استحالة الأمر بعد أن تعرفت علي قوة عدساته
لكن لو صح الخبر أوصح أن القادم قد يكن للتجسس وبيني وبينكم لا أستبعد ارسال قمر تجسس في المستقبل القريب كوننا بتنا نسير علي خطي ثابتة في ذلك الجانب سيكن ذلك محمود جداً



مرحبا عزيزي / ابن رشد المصري

انا اعتقد بنسبة تفوق 97% ان القمر لأغراض تجسس فكاميرا بتاعته افضل من كتميرا اوفيك فايف و كمان بيصور مصر كل مدة و المناطق حولها (طبعا فاهم قصدي) ,,, انا متفائل جدا ان شاء الله ,,, و اتمنى ان اسمع عن وكالة الفضاء المصرية في القريب العاجل

[ابن رشد المصري]

ربنا يبارك فيك .. جميل جداً نظرة التفاؤل
حقيقي ربنا يديمها عليك لأنها نعمة فعلاً
يمكن حمادو ميصدقنيش لو قولتلك اني في وقت من الأوقات كنت برسم خريطة العالم وبألف سيناريو لخطة وحدة عربية شاملة وبعد كتابة السيناريو أختار الأماكن الاستراتيجية علي الخريطة من وجهة نظري وأتخيل سيناريو لحروب ومعارك وأحرك جيوش من هنا وجيوش من هناك لفتح العالم كله ^_^
شوية شوية الواحد بيبدأ يعرف حاجات كتيرمكنش يعرفها قبل كده وشوية شوية حماسته بتروح وتفاؤله بيروح
علشان كده بقول ربنا يديم تفاؤلك
بالمناسبة أنا عارف انك شاب وطني جداً .. ما شاء الله عليك .. قريت لك مشاركات كتير قبل كده في المؤرخ والطيران العربي
أخوك شاب مصري أو ابن رشد المصري
أو ابن النيل لو رجلك خادتك لأقباط المهجر قبل كده ^_^

[Egyptian eagle]

ربنا يبارك فيك .. جميل جداً نظرة التفاؤل
حقيقي ربنا يديمها عليك لأنها نعمة فعلاً
يمكن حمادو ميصدقنيش لو قولتلك اني في وقت من الأوقات كنت برسم خريطة العالم وبألف سيناريو لخطة وحدة عربية شاملة وبعد كتابة السيناريو أختار الأماكن الاستراتيجية علي الخريطة من وجهة نظري وأتخيل سيناريو لحروب ومعارك وأحرك جيوش من هنا وجيوش من هناك لفتح العالم كله ^_^
شوية شوية الواحد بيبدأ يعرف حاجات كتيرمكنش يعرفها قبل كده وشوية شوية حماسته بتروح وتفاؤله بيروح
علشان كده بقول ربنا يديم تفاؤلك
بالمناسبة أنا عارف انك شاب وطني جداً .. ما شاء الله عليك .. قريت لك مشاركات كتير قبل كده في المؤرخ والطيران العربي
أخوك شاب مصري أو ابن رشد المصري
أو ابن النيل لو رجلك خادتك لأقباط المهجر قبل كده ^_^

انا والله اشكرك بشدة على إطراءك الجميل .... و أحيي فيك روح الملاحظة العالية حيث إنك عرفت إني مشترك في المؤرخ و ساحات الطيران العربي و لكن أحييك جدا لأنك عرفت إني مشترك في المؤرخ بالذات لإني هناك مسجل باسم تاني خالص و مع ذلك عرفته .. (شكلك جاثوث على رأي حمادو هههههههه ) .... و لكني شاهدت مشاركاكتك تحت اسم "شاب مصري" بالرغم من أنها قليلة لكنها كانت في مواضيع هامة فأحييك عليها ,,,,

ربنا يبارك فيك .. جميل جداً نظرة التفاؤل
حقيقي ربنا يديمها عليك لأنها نعمة فعلاً
يمكن حمادو ميصدقنيش لو قولتلك اني في وقت من الأوقات كنت برسم خريطة العالم وبألف سيناريو لخطة وحدة عربية شاملة وبعد كتابة السيناريو أختار الأماكن الاستراتيجية علي الخريطة من وجهة نظري وأتخيل سيناريو لحروب ومعارك وأحرك جيوش من هنا وجيوش من هناك لفتح العالم كله ^_^


مش هكلمك عسكريا لإنك أكيد عرفت الوضع المصري العسكري و انا بصراحة و قد تصدم برأيي لكني ضد اتحاد 22 دولة عربية لأن هناك دول كثيرة ستكون عالة و عبء عليه و كذلك فالفجوة الثقافية أصبحت متسعة جدا بين شرق الوطن العربي و وسطه و غربه و لكن ما أطمح إليه هو نفس الاتحاد الأوروبي .... ناس منظمين جدا و لو فكك الاتحاد فلن تحدث نفس المأساة السوفييتية القديمة و من تراجع روسي رهيب جدا في بداية التسعينات ففي رأيي يجب أن لا تكون هناك عاصمة مركزية في كل شيء بل نفس الاتحاد الأوروبي و لا ننسى المقولة المؤسفة الحقيقية : اتفق العرب على ألا يتفقوا ,,, و لكن بالرغم من ذلك فالفكرة يمكن تطبيقها على بعض الدول العربية ذات التشابه الثقافي أو ذات الاحترام الشعبي المتبادل بينها كمصر و الجزائر مثلا و من الممكن سوريا أيضا ,,, و بإذن الله يتحول التفاؤل لواقع ملموس نحس بيه كلنا خاصة مع بدء خروج دول عربية من عباءة التسليح الأمريكية ...

و بإذن الله نسمع بعد كدا عن وكالة الفضاء المصرية (برئاسة Egyptian eagle هههه) .. و اتمنى من الله سبحانه و تعالى ان نصل لمرحلة غزو الفضاء ,,, فشعب إسرائيل ليس بإذكى من شعبنا ...

[Sanzio]

ما شاء الله
بصراحة مسبتوش لحد حاجه يكتبها
تسلم اديكم
دمت بكل خير ،،،

[Egyptian eagle]

أخي العزيز ... كلماتك الحاني ..

أشكرك جدا على الإطراء الجميل و أتمنى بجد إن مصر تدخل بقوة في مجال الفضاء لإنه في وجهة نظري هو من أهم المجالات العلمية إن لم يكن اهمها إضافة للبيو تكنولوجي و أيضا علوم الذرة ... اتمنى اننا نقدم في المجالات دي ...


لك مني كل تقدير

[فهد مصر]

الصراحة خبر مفرح جدا جدا

لتبقى مصر فى الصدارة فى شى

مشكور اخى الفاضل

[اٍبن سيرين]

الصراحة هذه مشكلة لو كان القمر التجسسي يقدر يتجسس على الناس بهذا الشكل

يعني مثلا هل ممكن يراقب شخص حتى و هو في بيته ؟!

و على اْي حال لو كان هذا الشيء توصل اليه البشر ان يراقبوا بعض من السماء فما بالكم برب العالمين و للله المثل الأعلى !!!

[Egyptian eagle]

الصراحة خبر مفرح جدا جدا

لتبقى مصر فى الصدارة فى شى

مشكور اخى الفاضل



أشكرك جدا على ردك و على شعورك الجميل .. و بالتأكيد دي أمنيتنا كلنا ... ان مصر تكون في الصدارة في كل مجال و كل شيء ...

[Egyptian eagle]

الصراحة هذه مشكلة لو كان القمر التجسسي يقدر يتجسس على الناس بهذا الشكل

يعني مثلا هل ممكن يراقب شخص حتى و هو في بيته ؟!

و على اْي حال لو كان هذا الشيء توصل اليه البشر ان يراقبوا بعض من السماء فما بالكم برب العالمين و للله المثل الأعلى !!!



القمر الصناعي حاليا لا يعتبر من أحدث التكنولوجيا ,,,

و لكن الخبر مفرح مادام في صالحنا ... و بالنسبة لموضوع المراقبة فيوجد تطور كبير في أساليب التجسس ..... و القمر الصناعي يسمى بالجاسوس الأبكم...

أشكرك جدا أخي العزيز ,, لك أرق تحياتي