اختراع لمصر

[son of pharaohs]

انا طالب في اولى ثانوي فكرت ازاي ممكن افيد بلدي ودي اول مشاركه ليا وهبدأ ببسم الله

انا فكرت اني ممكن ادخل جهازين مع بعض عشان نوفر في الكهرباء وحطيت مثل على كده الخلاط

في البدايه احنا هنجيب مولد كهرباء مغناطيسي وكلنا عارفينو اللي بيتكون من مغنطيس ثابت والثاني متحرك موصول بيد بأدارتها تولد الكهرباء نتيجه عن احتكاك الموجات المغناطيسيه

هنوصل طرفي السلك بماتور الخلاط اللي هيدور نتيجه للكهرباء المولده عن المغناطيس

الافاده هنا والتغيير عن انو ميكونش خلاط يدوي لان احنا لما نعوز نشغلو هنطر ان احنا نحرك الدراع المتوصله بالمغناطيس دايما عشان يوصل للماتور كهرباء عشان كده احنا ممكن نعمل دراع ونوصلها بالماتور للدراع اللي بتحرك المغناطيس والفكره هنا ان احنا هنحرك الدراع بتاعت المغناطيس فالاول بس بعد كده هيدور الماتور اللي متوصل بالدراع اللي متوصل بدراع المغناطيس مره تانيه عشان يحرك الماتور الدراع اللي هيولد الكهرباء تاني وتروح للماتور وهكذا دون اي توصيل بالقابس الكهربائي وهتتولد الكهرباء بشكل دوري وده طبعا توفير لفلوسنا وطاقه على الدوله كمان

وطريقه ايقافه ان احنا هنحط مفتاح بين السلكين الخارجين من المولد الى الماتور ونفصل التيار


ايه رأيكو في الفكره دي:huh:

اتمنى منكم الرد

[الأزهري المصري]

بداية اهلا بك اخي الصغير في المنتدى

ثانيا احيي فيك روح البحث العلمي ومحاولة الاختراع والتفكير الغير موجودة عند الكثير

ثالثا اتمنى انك توضح لي اكثر فكرتك لانها للاسف مش واضحة تماما بالنسبة لي

م// الازهري المصري

[son of pharaohs]

العفو اخي الازهري وشكرا على اهتمامك
الفكره مختصره ان احنا نوصل سلكين من المولد الى الماتور اللي هيدور بفعل الطاقه المولده وهنوصل عمود بيدور عن طريق تروس موصله من الماتور اليه الذي يصل الى المكان الذي نحركه للتوليد فينشأ عن ذلك ان هو اللي هيلف المولد عشان يولد الكهرباء مش احنا وتستمر العمليه بشكل دوري

[سنتر2000]

جميل جدا

[الأزهري المصري]

العفو اخي الازهري وشكرا على اهتمامك
الفكره مختصره ان احنا نوصل سلكين من المولد الى الماتور اللي هيدور بفعل الطاقه المولده وهنوصل عمود بيدور عن طريق تروس موصله من الماتور اليه الذي يصل الى المكان الذي نحركه للتوليد فينشأ عن ذلك ان هو اللي هيلف المولد عشان يولد الكهرباء مش احنا وتستمر العمليه بشكل دوري
ااااااااااه
فهمتك
بص يا ريس
في حاجه موجودة عمليا شبيهة بهذا الموضوع ويسمى التغذية الخلفية feedback
وتستخدم هذه الطريقة لأخذ جزء من الخرج وتغذية الدخل به من اجل التحكم في الخرج
وهذا باب مهم في دراسة التحكم الكهربي

اما ما تقوله فهذا لا يحدث في الطبيعة لأنه ببساطة يوجد فقد أثناء نقل الطاقة هذا الفقد يجعل الطاقة تختزل حتى تصل الى الصفر

كما اني انصحك اخي ان تحاول ان تقوم بعمل كهربي صغير لك وتفرخ ما يأتيك من أفكار
ربما تخطا مرة واثنان ولكنك ستتعلم في النهاية

والسلام عليكم ورحمة الله وبركاته

[weighty_m_m_z]

يا اخويا فكرتك حلوة قوي
يواريت تفضل عندك نفس الروح دي في البحث والتفكير

وزي ما اخونا الازهري قال ان ده مستحيل يحصل في الطبيعه لان فيه فقد في نقل الطاقة
وان شاء الله هتاخد الكلام ده في الفيزياء في سنه تالته
وللاستفاده اشكال فقد الطاقة هي :

حرارة حيث ان الاجسام المتحركه تذداد حرارتها وده شكل من اشكال فقد الطاقه

صوت حيث ان الطاقة لا تفنى ولا تسدحدث من االعدم واكيد الصوت ده له مصدر ألا وهو الطاقة الداخله في عمل المحرك

ويفقد ايضا بعض من الطاقة اثناء انتقال الكهرباء داخل السلك

الحركة ومقاومة الاجسام الاخرى لهذه الحركه يفقد الطاقة كثير من قيمتها

وفيه اشكال تانيه كمان
وان شاء الله هتدرس الكلام ده في الفيزياء أم عن مقاومة الاجسام فا هتاخدها في رياضة اتنين


وانا منتظر منك الجديد من الافكار لاني مههتم جدا بالمواضيع دي وكان نفسي ادخل هندسة بس ربنا يخلي مكتب التنسيق
شد حيلك وياريت تضع موضوعاتك افضل في القاعة العلمية فيه هناك اعضاء ممكن يفيدوك

وإلى الامام