الرمال المتحركة

[حنـــــان]

الرمال المتحركة

دائما في الأفلام نشاهد الممثل المسكين التائه في الصحراء... ونتابع بشفقة وألم وهو يأخد خطوة خاطئة وفجأة يجد نفسه "يغرق" في رمال متحركة... يظل يهبط ويهبط فيها حتى يختفي تماما ولا تبقى منه غير قبعته "الستيتسون"!



http://gallery.egyptsons.com/data/media/21/quicksand.jpg (http://gallery.egyptsons.com)



نهاية مؤسفة ومقبضة...

حقيقة الرمال المتحركة... ليست مأساوية كما تود هوليود أن توهمنا...

ما هي الرمال المتحركة...



http://gallery.egyptsons.com/data/media/4/quickdiagram.jpg (http://gallery.egyptsons.com)


بكل بساطة... رمال تشبعت بالماء لدرجة ان الاحتكاك بين حبيبات الرمال قل جدا... والنتيجة رمال رطبة غير قادرة على حمل أي ثقل فوقها...

وعليه فإن الرمال المتشبعة بالماء تتصرف كأنها سائل وليس شئ جاف...

من أين يأتي الماء؟ هناك مصدرين...
الأول... من المياة الجوفية الموجودة تحت الرمال.
الثاني... الزلازل... الهزات العنيفة تؤدي الى ارتفاع ضغط الماء تحت سطح الأرض فتجبره على تخلل حبيبات الرمال. لو وجـُدت مباني فوق سطح هذه الرمال... قد يكون مصيرها ان تـُغمر تحت الرمال أو تنهار.

أكيد الكل يعرف خصائص رمال الشواطئ... الرمال الجافة تستطيع ان تحمل وزنك حين تقف عليها... لو قربت قليلا للبحر ووقفت على رمال رطبة (أي ليست مشبعة بالماء تماما) ستجد انها أصلب من الرمال الجافة... هذا لأن تواجد كمية قليلة من الماء يزيد تماسك حبات الرمل... لهذا السبب نستطيع تشكيل الرمال الرطبة أو بناء القصور بها.

أما في حالة تشبع الرمال بالماء تماما... سيتسبب هذا في ابتعاد حبيبات الرمال عن بعضها... مما سيؤدي الى ضياع الاحتكاك بينهم.

كمية الأملاح المتواجدة في الأرض أيضا تلعب دور في خصائص الرمال المتحركة... كلما زادت الأملاح... كلما كان التحرك في الرمال المتحركة أصعب.

هذه الظاهرة يمكن رصدها في أي مكان تتوفر فيه الظروف المناسبة... على ضفاف نهر أو بحيرة أو على شاطئ أو حول المستنقعات... أو بقرب المياة الجوفية.

بعكس الانبطاع الذي توحي به الأفلام... الرمال المتحركة ليست عميقة جدا... عادة لا يزيد عمقها عن بضعة أقدام...

اذا وجدت نفسك وسط رمال متحركة... لا تخف ولا تتوتر.. الرمال المتحركة لن تبتلعك... لكن الحركة الكثيرة ممكن ان تجعلك تغرق فيها أكتر... يمكنك الخروج من الموقف بقليل من الحكمة والتروي...

معلومة مهمة... كثافة جسم الانسان 1 جرام لكل سنتيمتر مكعب... لهذا نطفو في الماء... لأن كثافة الماء أعلى... أما الرمال المتحركة فكثافتها أعلى من كثافة الماء... في حدود 2 جرام لكل سنتيمتر مكعب... أي ان الطفو على الرمال المتحركة أسهل من الطفو على الماء!

المشكلة تبدأ عندما تغوص قدمك في الرمال المتحركة... لأن هذا يغير ديناميكية الرمال... بحيث تتجمع الرمال حول رجلك... وترتفع المياه للأعلى... تحريك رجلك الآن أصبح أصعب... خصوصا لو حركتها بعنف أو سرعة... الحركة العنيفة ستتسبب في انغمار جسمك في الرمال أكثر. الحركة البطيئة مهمة جدا للتخلص من الموقف.



WIDTH=400 HEIGHT=350



أفضل شئ... ان تنام على ظهرك وتحاول ان تطفو... في أغلب الأحيان الرمال المتحركة لن تكون أعمق من مستوى الركبة... لكن لو كانت أعمق... محاولة الخروج ستكون أصعب... في هذه الحالة يجب التحرك ببطء مع محاولة فرد الذراعين والميل للأمام حتى تخلص نفسك من الرمال وتستطيع ان تطفو على السطح وتصل لطرف الرمال المتحركة... وتخرج منها.

ولكن انتبه! قد يكون الخطر أكبر اذا حاولت أن تستعين بوسيلة خارجية مثل حصان أو عربة لجرك خارج منطقة الرمال المتحركة اذ أن الرمال قد تتشبث بأرجلك أكثر كلما كانت الحركة عنيفة ويصبح جسدك حبيسا بين شد الرمال من ناحية وشد الحصان من ناحية فتنقسم نصفين!

كما ذكرنا... الغرق ليس وارد في معظم الأحيان... أسوأ ما قد يحدث ان تفقد حذاؤك في الرمال... الخطر الأكبر قد يكون ضربة شمس في حالة عدم استطاعتك الخروج من الرمال قبل فترة طويلة... أو الارهاق الشديد الذي سينتج عن محاولة الخروج... خصوصا لو عن طريق حركات عنيفة وسريعة.

من الأماكن المشهور عنها كثرة الرمال المتحركة... خليج موركامب في انجلترا Morecambe Bay



http://gallery.egyptsons.com/data/media/16/morecambe-bay-at-low-tide.jpg (http://gallery.egyptsons.com)



السقوط أثناء فترات الجزر هوالمشكلة الحقيقية في هذا الخليج اذ أن الغرق سيكون مصيرك اذا وصل تيار المد اليك قبل أن تتمكن من الخروج.



الرمال المتحركة الجافة!

سمعنا عن عربات وطائرات تخفتي فجأة دون أن تترك أثرا... وكان الكثير قديما يعتقدون انها تخاريف وتخيلات الرحالة...

هناك نظرية جديدة تقول انه حين يتم تمرير هواء شديد خلال الرمال الناعمة جدا... فإن هذا الهواء يثيرها من مكانها ويعيد ترتيب حبيباتها... بحيث انها حين تعود الى الأرض تصبح هذه الحبيبات مشبعة بالهواء... بعكس الحالات السابقة التي كانت فيها الرمال مشبعة بالماء.
لو وضعنا على هذه الرمال كرة مثلا... سوف تغوص لعمق يساوي أضعاف قطر الكرة... وبسرعة شديدة...



http://gallery.egyptsons.com/data/media/4/dry_quick_sand.gif (http://gallery.egyptsons.com)



الغوص العميق وبهذه السرعة ليس من خواص الرمال المتحركة العادية (المشبعة بالمياة).

نظرية الرمال المتحركة الجافة تم اثباتها معمليا... لكن هل لها وجود في الطبيعة؟ لم يتم رصدها حتى يومنا هذا... ولذلك.... فالعلم عند الله وحده.

----------

المصادر: كلها على النت. دوروا في جوجل باستخدام كلمة البحث "quick sand" :good:
قام بالترجمة: أنا طبعا!

[osha]

موضوع رائع يا حنان
افتكر الافلام المصرية في فترة السبعينيات كلها كانت بتعتبر الرمال المتحركة قاسم مشترك اعظم لازم يتوجد في اي فيلم فيه ناس تايهة في الصحراء
بس حلوة الحقائق العلمية دي يا حنونة
شكرا وتسلم ايديك على الترجمة

[raspberry]

موضوع مميز جدا .. ويحوى معلومات جديده وطريف للغايه .. ويستفيد منها القاصى والدانى

واحلى ما فى الموضوع انه مش منقول.. بل عقل ألح عليه الفضول الايجابى حول ماهية أسطورة الرمال المتحركه .. فنقب وبحث هذا العقل فى غياهب الانترنت .. فوجد ضالته المنشوده فى ماده علميه بالانجليزيه .. فترجمها ونسق الترجمه وقدمها لنا فى وجبة تثقيفيه سهله سلسه سائغة الفهم والاستيعاب

[emerald]

السلام عليكم

موضوع رائع يا حنان, شكرا لك على طرحة...

بالرغم من اني اعرف بعض المعلومات دي قبل كده .. لكن للأن اخاف من الرمال المتحركة .. يمكن زي ما قلتي النهايات المأساوية الى كنت اشوفيها في الافلام .. اترجمت لحقائق ثابتة عندي لاتتغير..

شكرا لك على الطرع المميز جد جدا..

بارك الله فيك.

[بسمله]

موضوع جميل حنان


وانا باقرأه افتكرت فيلم عنتر بن شداد:4:


وفعلا المعلومات جديده جدا بالنسبه ليا


تسلم ايدك يانونا:m10:

[ميمو المصرى]

جميل اوى الموضوع يا حنان
ومفيد جدا جدا ومليان معلومات
بجد الكثير مننا يجهلها
ربنا يباركلنا فيكى وفى مواضيعك

[horse]

الله ينور ياحنان ...
تسلم ايديك ...بجد معلومات هايلة ...
بس يتهيألي صعب أوي إنك تقنعي حد انه لازم يتحرك بهدوء وإنه مش الوارد إنه يغرق في الرمال المتحركة ...
اعتقد الأفلام مررت لينا أفكار غلط ....
الف شكر علي التصحيح...

[الدكتورة نسيبة]

حلو جدااااااااااااااااا يا حنان

موضوع رائع تخيلى انا كنت بخاف جدا من الرمال المتحركة وكنت دايما بتخيل نفسى فى الافلام وانى لو حصلى كده هغرق وهروح فى خبر كان

معلومات بالنسبة ليا جديدة جدا ومفيدة جدا

تسلم ايدك بجد موضوع عجبنى اوى

[حنـــــان]

أوشا... أنا مش عارفه ليه مش متذكرة أي فيلم فيه الحكاية دي عشان كده لما لاقيتك بتقولي كل أفلام السبيعينات استغربت!
نورتي الموضوع يا أم محمد.

راسبريري... الانترنت فعلا شئ جميل جدا... أي كلمة أو مجال يخطر على بالك... أبحث عنه حتلاقي معلومات عنه في مية مكان ومكان... المشكلة ان الواحد اتعود على الخاصية دي جدا... مش عارفة لو اضطريت أعيش من غيره حعمل ايه.
أشكرك على كلامك وسعيدة ان الموضوع حاز على اعجابك.

اميرالد... الأفلام بتبوظ مخنا خالص يا اميرالد... حتى لو المعلومات اللي بتوصلنا مش سليمة... مادام اتزرع الخوف ده بياخد مجهود عشان نقدر نتغلب عليه... فأنا عارفه احساسك ده تماما.
نورتي الموضوع.

بسلمه... هوه كان في مشهد فيه رمال متحركة في فيلم عنتره؟ أنا مش عارفه ليه ذاكرتي السينيمائية منعدمة الفترة دي معلش بقى :elvis:
نورتي الموضوع وأهلا بك في المنتدى يا بسلمه.

ميمو... أشكرك على تواجدك ومشاركتك وسعيدة ان الموضوع حاز على اعجابك. المعلومات دي كلها جديدة فعلا بالنسبة لي وريحتني شويه من ناحية الرمال المتحركة!

هورس... صعب جدا طبعا! تخيل نفسك في الموقف ده... رجلك في الرمل وفاكر انك أول ما حتسحبها حتطلع... تلاقيها مش راضيه تطلع... وأي حركة بتعملها بدل ما تخلصك من الرمل بتنزلك فيه أكتر... زائد بقى انك تقعد تتذكر الرعب المصاحب لفكرة الرمال المتحركة... أكيد لازم تتوتر!
بس يعني... أتمنى قراءة المعلومات دي تساعد أي انسان يتعرض للموقف ده... وتساعده انه يتخلص منه :)
أهلا بك هنا يا هورس.

ميرا... الغرق مرعب... في ماية بقى ولا رمل مش فارقة... مجرد تخيل الموقف بيخلي الواحد مش قادر يتنفس!
اللهم أحفظنا.
نورتي الموضوع يا ميرا وسعيده انه عجبك.

[drmustafa]

موضوع آخر من مواضيعك الرائعة
اختيار موفق
معلومات قيمة وترجمة سلسة وسهلة الفهم
حقاً إنه من العلم الذى ينتفع به
تحياتى وتقديرى

[سابرينا]

شكرا على المعلوت يا حنان
اول مره اعرف المعلومات ديه
بس تصدقى انا خفت اكتر منها خصوصا اما
عرفت معلومات عن الرمال الجافه
وصعب اوى ان لما حد يسقط فيها انك
تطلبى من التفكير بهدوء وعدم الحركه بعنف 0
بس احنا فين والرمال المتحركه فين
ربنا يبعدها عننا

[ندى الايام]

موضوع جميل يا حنان ومش غريب عنك طبعا
بس ايه ده احنا كان بيضحك علينا بقى فى الافلام هههههههه
الموضوع مش صعب اوى كده بس نقول ايه للمخرج بقى ربنا يسمحه هههههههههه
شكرا يا حنان على المعلومات المهمه والمجهود الرائع ده

[حنـــــان]

د. مصطفى... أشكرك على كلامك الطيب... وسعيدة بتواجدك في الموضوع.

سابرينا... ماحنا بقى يا سابرينا قلنا الرمال الجافة دي مافيش اثبات لحد النهاردة ان ليها وجود... وربنا يسترها معانا على أي حال... أعملي زيي... ماتفركيش كتير في الموضوع لاحسن ماتعرفيش تنامي بالليل زيي برضو :d

ندى الأيام... آه والله احنا بينضحك علينا ياما في الأفلام دي... وسائل الاعلام عامة عاملة لنا "غسيل مخ" و مفهمانا حاجات كتيرة مش صحيحة.
أهلا بيكي في الموضوع.

[ابن البلد]

موضوع الرمال المتحركة ده محير أوي يا حنان الحقيقة

وفوجئت لما شوفت فعلا الرمال المتحركة بيكون قريب منها مياه كما شاهدت في بعض الرسومات؟ معلومة جديدة دي يا حنان
وتسلم أيدك علي الترجمة
:f:

[fencer]

موضوع رائع و كله معلومات جميلة و مفيدة
احلى ما في الموضوع انك عملتي فيه مجهود شخصي
و الجديد هو معلومة ان الرمال الناعمة عبارة عن رمال مع مياه
و الجديد ان عمقها قليل
اللي مش هاينفع هو ان واحد يغوص في الرمل و يتصرف بهدوء
غالبا بيصاب بذعر و يقاوم فيحصل له اللي انتي قلتيه
و يغوص اكتر
تحياتي على الموضوع الرائع بحق

[حنـــــان]

أحمد... هيه معلومات كانت جديد بالنسبة ليه أنا كمان... بس الواحد من كتر ما بيشوفها في كل فيلم فيه مشهد في الصحرا ومن كتر الرعب قرر يفهم الحكاية ايه.
نورت الموضوع يا أحمد وسعيدة انه عجبك.

أستاذ حسام...
اللي مش هاينفع هو ان واحد يغوص في الرمل و يتصرف بهدوء
غالبا بيصاب بذعر و يقاوم فيحصل له اللي انتي قلتيه
و يغوص اكتر

ماهيه دي بقى يظهر مالهاش حل يا أستاذ حسام... بس اللي يريح في الموضوع انها في معظم الوقت مش عميقة قوي... حاجة زي كده مثلا

http://www.xenophilia.com/news/quicksand.jpg

أشكرك على كلماتك الطيبة يا أستاذ حسام وأهلا بك في الموضوع.

[قلب مصر]

الموضوع جميل قوى يا حنان
فعلا انا كنت كل ما اشوف فيلم من افلام الرمال المتحركة والاقى احد ابطال الفيلم بيغرق
الاقى جسمى كله أقشعر واصابتنى رجفة
يالا حصل خير والمعلومات اتصححت
عشان لما الاقى البطل بيغرق بعد كدة اقوله قوم قوم بلاش دلع وبطل حركة كتير عشان ميتقلبش الموضوع بجد :d
شكرا يا حنان على المعلومات الجديدة :)

[ابن البلد]

الموضوع جميل قوى يا حنان
فعلا انا كنت كل ما اشوف فيلم من افلام الرمال المتحركة والاقى احد ابطال الفيلم بيغرق
الاقى جسمى كله أقشعر واصابتنى رجفة
يالا حصل خير والمعلومات اتصححت
عشان لما الاقى البطل بيغرق بعد كدة اقوله قوم قوم بلاش دلع وبطل حركة كتير عشان ميتقلبش الموضوع بجد :d
شكرا يا حنان على المعلومات الجديدة :)
بس علي حسب الكلام المترجم أن فيه رمال حنان بتقول عليها
أنها بتكون اتكونت من جديد فممكن تتكون رمال في الصحراء من جديد تكون هشه
فيبقه موضوع الصحراء ده محتمل برضك ;)
:2:

[حنـــــان]

قلب مصر... ربنا يسامح الأفلام واللي بتعمله فينا بقى... الواحد ساعات مش بينام الليل!
منورة الموضوع يا أم يوسف.

ابن البلد... الرمال المتحركة الجافة قدروا يعملوها في المعامل لكن حتى الآن محدش قدر يرصد لها مكان في الطبيعة... بس برضو... الله أعلم!

[ليلة عشق]

الأخت الغالية حنان

موضوع رائع جدا جدا ومعلومات قيمة للغاية ......
سلمت يداكِ عزيزتي علي التوضيح والترجمة الشيقة ......
لكِ خالص الشكر والتقدير .....

تحياتي
ليلة عشق

[حنـــــان]

ليلة عشق... يا أهلا يا أهلا.
أشكرك على كلماتك الطيبة وسعيدة جدا ان الموضوع أعجبك.
نورتي الموضوع :)

[رحال اسكندراني]

موضوع رائع
والأروع كاتب الموضوع .. اول مرة اقرا تعريف كامل عن الرمال المتحركة.
مشكورة أخـت حنــــان
تحياتي لك ...

[حنـــــان]

رحال اسكندراني...
أهلا بك وسطنا.
وسعيدة ان الموضوع عجبك... أشكرك على كلماتك الطيبة.

[^حامل المسك^]

بجد تسلم ايدك والله معلومات جميلة ومفيدة جدا
ربنا يخليكى لينا ولترجمتك الجميلة :d
مصطفى ...

[حنـــــان]

سعيدة ان الموضوع حاز على اعجابك يا حامل المسك
وخصوصا ترجمتي العظيمة :d
نورت الموضوع

[جوليا]

موضوع رائع ومتاكامل

كما تعودنا منك دائما

شكرا على موضوعك وحسن اختيارك

[حنـــــان]

أهلا بيكي يا جوليا والله فرحت انك نورتي موضوع من موضوعاتي
سعيدة ان الموضوع عجبك وأشكرك على مرورك

[winter princess]

ميرسي يا حنـــــان

معلومات لذيذه

ومجهود جميل

keep it uppp

[حنـــــان]

أهلا يا أميرة الشتاء
سعيدة ان الموضوع حاز على اعجابك وأهلا بكي معنا في المنتدى

[bedo_ic]

موضوع رهيب وله رهبه فعلا
شكرا على المعلومات المفيدة وتحياتى
بيدووووووووووووو

[حنـــــان]

أهلا بك يا بيدو... سعيدة ان الموضوع حاز على اعجابك
نورت الموضوع.

[عادل الشرقاوى]

معلومات قيمة وجديدة

جدا بالنسبة لثقافتى المحدودة

مشكورة جدا جدا

[حنـــــان]

أهلا عادل الشرقاوي
هيه كانت معلومات ظريفة جدا وكنت سعيدة وقت ما كنت بعمل البحث والترجمة
شكرا على مرورك وسعيدة ان الموضوع أفادك

[الفرعون المغرد]

الاخت الفاضلة حنان
سلمت يداك على موضوعك الرائع

تحياتى

[حنـــــان]

اهلا بك الفرعون المغرد
سعيدة بتواجدك في الموضوع والحمد لله انه حاز على اعجابك

[اٍبن سيرين]

الحقيقة هذه كارثة لو شخص وقع فيها لأن ممكن تؤدي الى الهلاك

و ايضا من الاشياء الخطرة التيارات المائية او الدوامات المائية و هي تكون في المياه الضحلة او في اعماق البحر فهذه ايضا مهلكة.

نسأل الله العافية

[حنـــــان]

أهلا بك أخي الكريم لا خطاوينا
هوه الحقيقة لو راجعت المعلومات حتلاقي ان الرمال المتحركة مش خطيرة للدرجة دي لو تم التعامل معاها بالاسلوب السليم... وربنا يحفظنا
شكرا على مرورك

[bascouta]

معلومات جديده

بجد اول مره اعرفها

تسلم ايديكى

[حنـــــان]

سعيدة بمرورك يا بسكوتة وأهلا وسهلا بكي.

[ishak7]

الف الف شكر و السلام عليكم

[حنـــــان]

العفو جدا وعليكم السلام

[زهــــراء]

كيفك دكتورة حنـــــــان؟
موضوع غاية في الروعة الحقيقة ...
أعجبني جدا السرد الجميل للموضوع والمعلومات القيمة بداخله ..
هجرب اغوص فيها قريب على حسب القواعد دي ولو طلعت منها هاقولك ههههههه..
سلمت يداكِ على المعلومات المميزة و الترجمة السلسة ..

تقبلي تحياتي ...
زهراااااء..

[حنـــــان]

أهلا بيكي يا زهراء في الموضوع
سعيدة ان الموضوع حاز على اعجابك
منورة
وربنا ما يجيب رمال متحركة أبدا!

[MrX48]

موضوع شيق جدا ومعلومات اول مرة اسمع عنها
تسلم ايديكى ....

[حنـــــان]

أهلا وبك وشكرا على مرورك.

[iptegypt]

طبعا انا اشكر المنتدي ان سمح لي ان اجد موضوع ليكي تاني يادكتورة حنان ( طبعا انا عاوز اعرف انتي تكتورة في اية )


بالنسبة لموضوعك المعلومات الي فية صحيحية بنسبة 99% لية

لان الرمال المتحركة موجودة حقيقة في مصر في جزء من الصحراء الغرابية يطلق علية بحر الرمال الاعظم او الاكبر كدة اولا

ثانيا :الرمال المتحركة الجافة علي حسب تعريفك لها نوعان نوع زي المعمل بالظبط فعلا بتغوصي فية وهذا النوع بتقعي فية بالصدفة و اماكن تواجدة نادرة شوية و لكن ممكن يصل حجم الابتلاع الي حجم ابتلاع قاطرة بالكامل .
اما النوع الثاني فانتي لم تقومي بتعريفة و هو الغرود الرملية المتحركة و دي اخطر من كل الي ذكرتية في مقالتك لان هذا النوع عبارة عن رمال بتقوم بردم الشخص ولا محالة و لا مفر من انه يتردم و النوع دة مجود بكثرة جدا في الصحراء الغربية في بحر الرمال
( كدة طبعا ظهر لية سموه بحر الرمال )

طيب نضيف حتي كمان
الغرود الرملية المتحركة نقل ممكن نعرف مكانها و نتجنبها اقلك للاسف البحر كلة غرود يبقي يجب تتجنبي البحر كلة اما اذا اتطرتي زي حلاتي انك تدخلي فية فهنا مينفعش تتجنبي حاجة لية لان الغرود دي ببتكون طبقا لسرعة و اتجاه الرياح تخيلي بقي يمكن نحددها ازاي



طيب بعد فاصل الرعب دة نكتشف اية
ان بحر الرمال محدش يدخلة غير المغامرين
مينفعش تمشي لوحدك في الصحراء
في العديد من الطرق تحمي رائد الصحراء من الوقوع في الرمال المتحرك ( وليس الغرود )


بس انوي انتم و احنا في الخدمة

[حنـــــان]

iptegypt
شكرا على الاضافة والحقيقة أنا أثناء بحثي مامرتش بحاجة كده فان شاء الله حدور تاني وأقرأ عن الموضوع ده.

أما بالنسبة للنية... الحقيقة أنا معنديش أي نية أروح النواحي دي يا أستاذ ايجيبت :)

شكرا على المعلومات وأهلا بك في الموضوع.

[iptegypt]

المواضيع دي يادكتور مالهاش مرجعية كتب غير كتاب وصف مصر
و ممكن ترجعلي الي متحف العلمين العسكري لتري العربة التي ظلت تحت الرمال من ايام الحرب العالمية الثانية و تم اكتشافها و بها بقايا عظام ركابها عام 1998


المواضيع دي خبرة و احتكاك اكثر منها اطلاع

و شكرا علي مجاملتك

مفيش غير المغمرين الي بيعين القضية الي بيروحوا الاماكن دي
علشان الي زيك و غيرهم من المصريين يناموا في امان
شكرا

[Masrawya]

حنان ازيك
ميرسى على الترجمة حلوه دى
المعلومات جميله و قيمة وجديده
انا كنت فاكره الرمال المتحركه دى زى الافلام باءه
اللى هو غرق وضاع فى الرمل خلاص.

تقبلى تحياتى.

[حنـــــان]

أهلا يا مصرواية ازيك؟

كانت مرت عليا فترة اهتميت فيها ببعض الأمور فبحثت عنها وترجمتها وحطيتها هنا... زي الموضوع ده وموضوع السحب في نفس القاعة. كان في في بالي ظواهر تانية عايزه أبحث عنها أكتر... بس مستنية لما أبقى في "مود" البحث وده بيحصل في السنة مرة :)

سعيدة ان الموضوع حاز على اعجابك.
وأشكرك على مرورك.

[ابن طيبة]

شكرا اختي الفاضلة حنان علي الموضوع الجميل

[شعاع من نور]

الغالية...حنان..

موضوع فعلاً مميز و جميل يا حنان..تسلم ايدك بجد على الترجمة الجميلة دي...:f:

أنا فعلاً سمعت عن وجود رمال متحركة_اللي هي من النوع الجاف_في منطقة الصحراء الغربية...
و كمان في صحراء فزان في ليبيا عند منطقة هضبة تسيلي على الحدود الليبية الجزائرية...

بس بجد الصور جميلة جداً و معبرة فعلاً يا حنان...أحياناً لما بقف على الشاطيء فعلاً ممكن أغوص في الرمل زي الصورة لحد الركبة أو قبليها بشوية...:d

على حد علمي المتواضع انه سطح الرمال المتحركة دي بيبقى أكثر إنتظاماً و نعومة من الرمال العادية....تقدر العين المتشككة انها تلاحظه بسهولة..

طرح رائع بجد...و مفيد...:f:

كل الود...

[om elbanat]

السلام عليكم
موضوع اكثر من رائع دكتوره حنان ومعلومات اول مره الحقيقه اعرفها وفعلا بيضحكوا علينا فى الافلام انا على مااتذكر كان فى فيلم عنتر وعبله وعندك حق انهم بيضحكوا على المشاهد بمعلومات ليس لها اساس من الصحه
احييكى على هذا الموضوع
تقبلى تحياتى
والى لقاء

[حنـــــان]

أستاذ معتز... أهلا وسهلا بك... سعيدة ان الموضوع حاز على اعجابك.

شعاع من نور... الحمد لله احنا لا لينا في الصحاري ولا بنهوب نحيتها :) أنا بخاف بسهولة فخلينا في قلب اسكندرية أضمن!
نورتي الموضوع يا شعاع من نور.

أم البنات... همه من ناحية بيضحكوا عالناس همه بيضحكوا... بس أنا شخصيا عمري ماشفت فيلم عنتر وعبلة ده بحاله... الحاجة الوحيدة اللي فاكراها الحتة بتاعة "تيجي أفقع لك عين وانتي تفقعي لي عين ونصير عور احنا لاتنين؟" :d هوه ده نفس الفيلم مش كده؟ :)
أهلا وسهلا بيكي يا أم البنات.

[ساميو]

موضوع حلو حنان انا اقدم دعوة خاصه لكي لتجربة الرمال في بلدي اكيد موجده عندنا خالد

[حنـــــان]

أهلا وسهلا بك يا ساميو...

المرة الوحيدة اللي زرت فيها السعودية كان لأداء العمرة وكنت صغيرة جدا ومش فاكرة كتير من الرحلة دي... بتمنى قريب أرجع لها في حج أنا وعائلتي ان شاء الله.

لكن عشت فترة طويلة من حياتي في الكويت... وكنا وأنا صغيرة بنخرج رحلات كتيرة مع أصدقاء العيلة "للبر"... كنا نقضي اليوم هناك نلعب ونشوي... كانت بتبقى رحلات جميلة جدا... ولا أذكر ان عانينا نهائي من الرمال.

أشكرك على مرورك وأهلا بك معنا في المنتدى.

[جمال السباعى]

مشكككككككككككككككككووووووووووووووووووووووووورررررر رررر جدا

[حنـــــان]

العفو جدا يا أخ جمال السباعي

[سوما]

العزيزة\ حنان..
موضوع أكثر من رائع .. سلمت يداك..:f2: