المــــــ البحر ـــــــيت تنهي جميعها بحرف الـ (( هـ ))

[كويتية تعشق مصر]

الســـــــــــــــلام عليــــــــــــــــــــــــــــكم

*********************************


البارحه ليلي هموم وكوابيس ** وابعد مـن الجـوزاء علـي الوناسـه

ماغير انا والليل والثالث ابليس ** كلـن علـى الثانـي يبيلـه رياسـه

مدري ظروف او حب ولا هواجيس ** والا الثلاثه كلهن فـوق راسـه

اون عقلي صايرن فيه تنكيس ** وللعقل في بعـض الامـور انتكاسـه

يا لايمي لاتلومنـي قبـل ماتقيـس ** واللـوم للميـس يـزوّد بياسـه

والشمت طبع للرجال الهلابيس ** اهـل الهـدف والنمنمـه والبلاسـه

وانا معي عقل ومشاعر واحاسيس ** وعيون واخلاق وقلب وشراسـه

لكن حصلي من زماني عواكيس ** وعجزت هذا الوقت لا اعرف لناسه

هـذا يموهـا بهـرج تماليـس ** وهـذا يتجاهلهـا عنـاد وخساسـه

وهذا يغرك مظهره بالملابيس ** وهـذاك يلبـس لبـس ماهـو لباسـه

وهذا تذعذع له هبوب النسانيـس ** وهـذا تقـل امغمغملـه بطاسـه

واليا حصلك من زمانك كعاميس ** اصبر وللصبر الجميـل انعكاسـه

تدرسك دنياك من غير تدريس ** ماهو لـزوم انـك تـدرس دراسـه

وللناس بالدنيا حظوظ وقواميس ** اللي غرف بـدرام واللـي بكاسـه

وناسً تهجس في غثى الوقت تهجيس ** وناسً تسايسها وتاتي سياسـه

وناس تبي عرشً مثل عرش بلقيس ** وناسً تبي لو يوم فرقا التعاسـه

وترى الردى لو فيك سوى نواميس ** ينقد على نفسه ويرجـع لساسـه

والتيس مثل العنز كان انخصى التيس ** والتيس ماهو تيس لولا التياسه

قنعت واقنعني كتاب الوساويس ** لكن عقب ما صرف شيك الفلاسـه


دمــــــــــــــــــــــــــــــــتم بــــــــــــــــــــود

[عادل الشرقاوى]

كل عام وحضرتك بخير