سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : osha ضيفة علي مائدة إفطار أبناء مصر

boukybouky
02-10-2006, 05:24 PM
lالسلام عليكم و رحمة الله و بركاته

http://gallery.egyptsons.com/data/media/48/D-10.jpg (http://gallery.egyptsons.com)
أهلاً بك osha نورتٍ مائدة إفطار أبناء مصر و كل عام و انت بخير و رمضان كريم أعاده الله علينا و علي الأمة الإسلامية باليمن و البركات

وعليكم السلام ورحمة الله وبركاته
وانت بخير يا ريهام وكل أسرة أبناء مصر بخير


نبدأ معك لقاءناو نسألك:
1- ما هو طبقك المفضل علي مائدة إفطار رمضان؟

شوربة لسان العصفور مع الكثير من الليمون


2- ما هي أجمل ذكريات رمضان؟ مواقف لا تنسي إرتبطت بالشهر الكريم.

أجمل ذكريات رمضان وقت ما أدينا عمرة رمضان من 11 سنة وكانت ثاني عمرة ليا وكانت والدتي معانا
ذكرى تانية جميلة في رمضان وكانت السنة اللي فاتت كان فاضل 10 ايام على انتهاء رمضان واتعزمنا على حفلة عيد ميلاد صاحب محمد وكانت في محل العاب كبير وكان فيه طبعا غداء وبيتزا غير التورتة انا اعطيت لولادي الاذن للافطار حيث ان سنهم مازال صغيرا بخلاف اني اعتقدت انهم ممكن يضايقوا بس الحمد لله هم رفضوا تماما الافطار وكانوا سعداء جدا وفخورين جدا بصيامهم الموقف دا كان له أثر طيب في نفس أحد الاصدقاء الذي كان حاضرا تساءل عن الصيام وكيفية احتمالنا له فشرحت له انا وزوجي ان الصيام مش بس حالة فسيولوجية من الامتناع عن الطعام وانما هي حالة روحية للامتناع عن كل شئ يمكن أن يسئ للصيام يعني لازم طباعنا تكون حسنة ونوايانا حسنة ولا نقول كلمة سيئة الحقيقة ان هذا الصديق قرر صيام باقي رمضان معنا وقابلته تاني يوم عند مدرسة الولاد وقالي ما معناه اننا اقوياء جدا لنتحمل هذه المعاناة الجسمية ولكنه أكمل لنهاية رمضان وكان يسألني يوميا عن مواعيد بداية الصوم ونهايته وامتنع عن شرب الكحول حتى نهاية رمضان
بل انه منذ اسبوع تقريبا ارسل لي ايميل ليسألني عن بداية رمضان لكي يصوم لانه كما قال اذا أتم الصيام كما ينبغي له فإنه سيولد شخص جديد تماما.


3- هل لك طقوس معينة ترتبط بشهر رمضان؟ بمعني كيف تقضي يوم و ليل رمضان؟

الطقس الوحيد لي في رمضان والذي لا استطيع التخلي عنه هو النوم بعد الافطار مباشرة ولو لمدة نصف ساعة
يوم رمضان عندي زي اي يوم تاني يعني لو ورايا مشوار باعمله وباحضر الاكل بس مش باتابع التليفزيون خاصة المسلسلات والموضوع دا بقاله من سنة ما اتعرض مسلسل لما التعلب فات بتاع يحيى الفخراني ومحمود مرسي ودا كان اخر مسلسل رمضاني اشوفه
ليل رمضان يتنوع بين التراويح وقراءة القرآن والمنتدى مؤخرا


4- بمناسبة رمضان شهر الصفح و الغفران ..ما هو مقدار التسامح لديosha ؟؟ هل تستطيع أن تنسي الإساءة؟؟ و إلي أي مدي ؟؟؟

انا للأسف لا أنسى الاساءة خاصة لو أحسست انها كانت متعمدة - ولا أقبل الاعتذار لمجرد سد خانة فإذا كان هناك عقل اوجب الاعتذار فأين كان هذا العقل وقت الاساءة؟
قد يتهمني البعض بأني قلبي أسود ولكني سعيدة مع حياتي نسيان الاساءة شئ مستحيل عندي للأسف
لدي مقدار من التسامح لا اتساهل في بذله حتى لا تصير الاساءة عادة يتبعها اعتذار فسماح وهكذا دواليك


5- حدثينا عن رمضان بالولايات المتحدة الأمريكية.

زيه زي اي شهر تاني بس احنا من حقنا اننا ناخد اجازة للولاد في العيد ومش بتكون محسوبة عليهم يعني بيتكتب انها مناسبة دينية وبنروح نصلي العيد ونتفسح شوية وبس


6- عندما تخلين إلي نفسك ما هو أول شئ يخطر ببالك؟؟

يخطر ببالي أولادي وتأمين حياتهم وتعليمهم وانشغل بتربيتهم


7- بعض الأحيان نتعامل مع أشحاص ثم نفاجئ بعد فترة أننا لم نكن نعرفهم ويصدر منهم تصرفات تجعلنا نعيد النظر في حكمنا علي الأشخاص و المواقف ..من وجهة نظرك ما هي أفضل طريقة للتعامل مع هؤلاء هل مواجهتهم أم تجاهلهم؟؟ و هل قابلتِ هذه النوعية من قبل و كيف تصرفتِ حينها؟؟

معنى اني اعيد النظر في تصرفات شخص يعني اني فقدت الثقة فيه ودي للأسف مش علامة طيبة في العلاقات الانسانية حكمي غالبا لا يتغير نحو الاشخاص - قد يتوتر قليلا بناء على بعض المواقف ولكن اذا تغير فهذه هي بداية النهاية وغالبا اواجه من اشعر ناحيته بتوتر لكي أصل معه الى نقطة اتفاق فإما أن نعبر سويا الى حيث الثقة التامة وإما ألا يكون هناك ثقة من أصله.


8- رشحي لنا أغنية من أغاني رمضان لها ذكري لديك و عرفينا تلك الذكري.

أغنية الراجل دا حيجنني للراحل العظيم فؤاد المهندس وصباح والذي بكيته حين عرفت وفاته حيث له نصيب من أي فترة سعيدة في حياتي سواء في طفولتي أو شبابي وحتى الآن - رحمه الله وأسكنه فسيح جناته
كنت أنتظر هذه الأغنية بفارغ الصبر أن تأتي وأول ما تخلص كان ريقي يجري على طبق الفول!


9- هل أفادك النت عامة و المنتدي الخاصة في تكوين صداقات، تخير أحد هؤلاء الأصدقاء و حدثنا عن صداقتكما.

الحمد لله أفادني كثيرا النت وأنا ليس لي على النت من مكان سوى المنتدى والمسنجر
أما أن أتخير أحد هؤلاء الأصدقاء وأتحدث عن صداقته ممكن نخليها موضوع كامل لكل صديق أو صديقة من المنتدى.


10- أمنية نختتم بها اللقاء علي الصعيد الشخصي و الإجتماعي.

اتمنى ان الناس تسمع بعضها كويس وتعقل الكلام اللي بيتقال لها قبل اصدار احكام جزافية!! كما أتمنى ألا يسود الجزم بالحكم على النوايا بين الناس لان الله وحده هو المطلع على النوايا وهو وحده الاعلم بها

كما أتمنى صلاح أمة المسلمين بعيدا عن الاخبار الهايفة التي تملأ الانترنت في كل مكان وأن يبحثوا ويتفكروا جيدا في حاضرهم وعين على الماضي ترصد الجيد منه لتتبعه والسئ منه لتتجنبه والعين الاخرى على المستقبل

كل الشكر لك osha علي هذا اللقاء الممتع و يا رب يوفقك انت وأسرتك الكريمة و نشوفك بخير و يا رب يجعل كل أيامك بركة
في رعاية الله،،،

وكل الشكر لك يا ريهام على اتاحة المساحة دي ليا عشان اشارك معاكم في رمضان وكل الشكر لمن تفضل وأفرد وقتا لقراءة كل كلمة في هذا الموضوع وربنا يتقبل صيامنا وصلاتنا وقيامنا جميعا
والسلام عليكم ورحمة الله وبركاته

أخواني و أخواتي إلي الملتقي و ضيف جديد علي مائدة إفطار أبناء مصر...فإنتظرونا

في رعاية الله ،،،
bedo_ic
02-10-2006, 05:36 PM
اوشششششششششششششششا.. يا لها من ضيفة عزيزة علينا كلنا .
الاجابات البسيطة . الجميلة .. الواضحة ... تعرفنا عليها اكثر واكثر ..
وهى من الشخصيات التى نتعز بها جميعا على مدى معرفتنا بها ..
تقبلى احترامى ........ وكل عام وانتى بخير والاسرة الكريمه جميعا.
تحياتى
بيدووووووووووووووووووووو
أم أحمد
02-10-2006, 06:35 PM
اوشا الغالية صديقتي واختي وحبيبتي
ولقاء اكثر من رائع
وحاجات كتير كانت مختفية كنت عارفها برضه ههههههه
سعيدة جدااا بالتعرف عليكي اكثر من قرب

دمتي دائما بكل الخير
وربنا يرزقك السعادة دائما انتي واسرتك الجميلة
ودام دائما كل ما يجمعنا من اخوة ومحبة في الله
أبو منار
02-10-2006, 06:46 PM
اوشا اهلا وسهلا بيكي وصوما قبولا وافطارا شهيا
ليلة عشق
02-10-2006, 06:48 PM
الأخت الغالية والعزيزة بوكي بوكي

لك الشكر عزيزتي باختيارك لشخصية الأخت العزيزة أوشا
علي مائدة أفطارك العامرة بالشخصيات المحببة الي قلوبنا جميعا .....
فهي من الشخصيات الرائعة المحببة جدا الي قلبي لما ألتمستة فيها من صدق وصراحة وخفة دم متناهية ....
وحوار ممتع اتسم بالبساطة وقربنا منها أكتر واكتر ....
واسمحي لي أن أرسل تحياتي لأبنائك من موقفهم الرائع في عيد ميلاد صديقهم ....
حفظهم الله لك وحماهم من كل شر .....
وكل عام وأنتي وأسرتك الكريمة بأسعد حال .....

تحياتي
ليلة عشق
ميمو المصرى
02-10-2006, 06:50 PM
أختى الغالية
حوار جميل جدا
شرفتى ونورتى يا أوشا وجوانب جميلة جدا اتعرفنا عليها معاكى
كل سنة وحضرتك والاسرة الكريمة بخير وسعادة دايما يارب
فى رعاية الله

بوكى متميزه كالعاده وشكرا ليكى على حواراتك وأختياراتك المميزة
فى رعاية الله
ابن طيبة
02-10-2006, 07:35 PM
الاخت الفاضلة اوشا تشرفت بمعرفتك من خلال موضوعاتك و ردودك علي الموضوعات و الان اتشرف بك من خلال لم نكن نعلم عنها شيء
اعجبني جدا دعوتك للتسامح بارك الله لنا فيكي
دمتي بالف خير
Amira
03-10-2006, 02:02 AM
عرفت اليوم يا صديقتي الحبيبة ما هي الأشياء المشتركة بيننا :2: كما سبق و أشرتي

بصراحة يا اوشتي :h: أعجبني كثيرا حوارك الرائع مع ريهام "شعرت أنها مستضيفة عمرو موسي :d"

فكان اسلوب أجاباتك علي قدر كبير من الوضوح و الصراحة :good: و دا شيئ مش غريب علي رشا

أصدقك القول فأنتي من أحد المكاسب الرائعة التي نلتها من دخولي المنتدي :f:

متعك الله بالصحة و العافية و دمتي بألف خير أختي الحبيبة :f2:

ريهام تهنئة خاصة جداا علي فكرة "ضيف علي مائدة الأفطار" لأن المائدة عامرة بضيوفها الرائعين :f:

و المائدة المختارة لـ أوشا "تري شيك" تسلم الأيادي يا جميلة :f:
nour2005
03-10-2006, 02:35 AM
اوشا هي نفسها
الصراحة , البساطة , وخفة الدم
متّعك الله بالصّحة اختي الحبيبة
وزيّن اولادك بالتّقوى والالتزام
وحفظهم الله من كل سوء
وكل سنة وانتي واسرتك الغالية
بالف خير
شكرا ريهام على موضوعك الرائع

:h: :f: :h:
اسكندرانى
03-10-2006, 02:50 AM
اوشا هي نفسها
الصراحة , البساطة , وخفة الدم
متّعك الله بالصّحة اختي الحبيبة
وزيّن اولادك بالتّقوى والالتزام
وحفظهم الله من كل سوء
وكل سنة وانتي واسرتك الغالية
بالف خير

مش حلاقى كلام احلى من كده اقوله
واضح ان حب اوشا وتقديرها واحترامها غالبين على كل الاعضاء
وهى تستحقه عن جدارة واخلاص
لك دائما ارق تحياتى لك وللاسرة الكريمة
قلب مصر
03-10-2006, 03:10 AM
مين رشااااااااااااااا
وانا اقول المائدة منورة ليه والطعام فاخر ومستورد من بنها العسل
لا بجد انا سعيدة قوى انى عرفت افطر معاكى النهاردة الفطار الرائع دا
والمآدبة كانت ثرية وممتلئة بخيرات الله على عباده من الثقافة والخلق والإحساس وإن كان ينقصها القليل من التسامح الذى من الممكن أن يتأتى عبر الأيام
سعدت كثيرا بموقف ابناءك وفخورة بهم معكى وكأنى تمثلت يوسف كبيرا بعض الشيئ ويفعل مثلهم
هكذا يكون الأبناء عندما يربيهم الآباء على الطبيعة السمحة للإسلام
الإفطار معك يصيب الإنسان بالتخمة الفكرية والعقلية من كثرة الحديث الرائع والشيق

هروح اشرب سفن اب علشان اهضم هذا اللقاء الرائع

ريهام لكى كل التحية على مجهودك الرائع والجميل فى إعداد هذه اللقاءات الرائعة
متعكى الله بالصحة والسعادة
osha
03-10-2006, 03:59 AM
اوشششششششششششششششا.. يا لها من ضيفة عزيزة علينا كلنا .
الاجابات البسيطة . الجميلة .. الواضحة ... تعرفنا عليها اكثر واكثر ..
وهى من الشخصيات التى نتعز بها جميعا على مدى معرفتنا بها ..
تقبلى احترامى ........ وكل عام وانتى بخير والاسرة الكريمه جميعا.
تحياتى
بيدووووووووووووووووووووو
أهلا يادكتور بيك معانا في مائدة رمضان لأختنا الكريمة بوكي
شكرا ليك على كلامك الجميل وشكرا ليك على حضورك :f:
osha
03-10-2006, 04:01 AM
اوشا الغالية صديقتي واختي وحبيبتي
ولقاء اكثر من رائع
وحاجات كتير كانت مختفية كنت عارفها برضه ههههههه
سعيدة جدااا بالتعرف عليكي اكثر من قرب

دمتي دائما بكل الخير
وربنا يرزقك السعادة دائما انتي واسرتك الجميلة
ودام دائما كل ما يجمعنا من اخوة ومحبة في الله
أهلا قريني :stpd:
متشكرة ليكي حضورك يا زواوي وحقيقي انا سعيدة بيك وبمعرفتك الجميلة
ولك مثل ما دعوت به
osha
03-10-2006, 04:02 AM
اوشا اهلا وسهلا بيكي وصوما قبولا وافطارا شهيا
أهلا بك أبو منار
وكل سنة وحضرتك طيب والأسرة كلها بخير ان شاء الله
osha
03-10-2006, 04:03 AM
الأخت الغالية والعزيزة بوكي بوكي

لك الشكر عزيزتي باختيارك لشخصية الأخت العزيزة أوشا
علي مائدة أفطارك العامرة بالشخصيات المحببة الي قلوبنا جميعا .....
فهي من الشخصيات الرائعة المحببة جدا الي قلبي لما ألتمستة فيها من صدق وصراحة وخفة دم متناهية ....
وحوار ممتع اتسم بالبساطة وقربنا منها أكتر واكتر ....
واسمحي لي أن أرسل تحياتي لأبنائك من موقفهم الرائع في عيد ميلاد صديقهم ....
حفظهم الله لك وحماهم من كل شر .....
وكل عام وأنتي وأسرتك الكريمة بأسعد حال .....

تحياتي
ليلة عشق
وأنا أقول النور دا كله جاي منين:eek:
أتاريك هنا
منورة يا حبيبتي وانا فعلا مش عارفة ارد على الكلام الجميل المكتوب هنا
والتحية توصل ان شاء الله للولاد بس انت ادعي لهم ربنا يثبت اقدامهم في الدين أكثر وأكثر
وكل عام وانت بخير والأسرة كلها ان شاء الله
osha
03-10-2006, 04:05 AM
أختى الغالية
حوار جميل جدا
شرفتى ونورتى يا أوشا وجوانب جميلة جدا اتعرفنا عليها معاكى
كل سنة وحضرتك والاسرة الكريمة بخير وسعادة دايما يارب
فى رعاية الله

بوكى متميزه كالعاده وشكرا ليكى على حواراتك وأختياراتك المميزة
فى رعاية الله
أخي العزيز ميمو المصري
أنا اللي اتشرفت بوجودك هنا وقراءتك لحديثي مع ريهام
وأضم صوتي لصوتك في شكر الحبيبة ريهام على مجهودها في اخراج الموضوع بالشكل دا
osha
03-10-2006, 04:07 AM
الاخت الفاضلة اوشا تشرفت بمعرفتك من خلال موضوعاتك و ردودك علي الموضوعات و الان اتشرف بك من خلال لم نكن نعلم عنها شيء
اعجبني جدا دعوتك للتسامح بارك الله لنا فيكي
دمتي بالف خير
وأنا أيضا سعدت بمرورك الكريم أخي الفاضل الذي نعتز جميعا بوجوده بيننا
شكرا جزيلا لك:f:
boukybouky
03-10-2006, 04:07 AM
كويس انك ظهرتي انا كنت لسه رايحة أبلغ الانتربول

و أقولهم أوش أوش مفقودة و محتاجة البحث عنها

لسرعة الرد علي مظاهرة حب في موضوع ضيافتها

عارفة بجد انا بستمتع بمواقفكم و ذكرياتكم جميعاً بشكل رهيب

بحس و انا بقرأ ردود المواضيع قبل تنزيلها اني بتعايش مع الشخصية

مش مجرد لقاء علي ورق لا لقاء حقيقي بجد ربنا يجمعنا علي خير دايما

و كل سنة و انت طيبة و ربنا يبارك لك في أسرتك و يديكي الصبر :d

في رعاية الله ،،،
osha
03-10-2006, 04:31 AM
عرفت اليوم يا صديقتي الحبيبة ما هي الأشياء المشتركة بيننا :2: كما سبق و أشرتي

بصراحة يا اوشتي :h: أعجبني كثيرا حوارك الرائع مع ريهام "شعرت أنها مستضيفة عمرو موسي :d"

فكان اسلوب أجاباتك علي قدر كبير من الوضوح و الصراحة :good: و دا شيئ مش غريب علي رشا

أصدقك القول فأنتي من أحد المكاسب الرائعة التي نلتها من دخولي المنتدي :f:

متعك الله بالصحة و العافية و دمتي بألف خير أختي الحبيبة :f2:

ريهام تهنئة خاصة جداا علي فكرة "ضيف علي مائدة الأفطار" لأن المائدة عامرة بضيوفها الرائعين :f:

و المائدة المختارة لـ أوشا "تري شيك" تسلم الأيادي يا جميلة :f:
كويس انك عرفت المشترك ايه يااميرة عشان تاخدي بالك
بس ضحكتني اوي حكاية عمرو موسى دي؟ يخرب عفلك
وبعدين ايه الكلام الكبير دا يا اميرة مكاسب وصراحة ووضوح ..كده حاصدق روحي:stpd:
شكرا على حضورك يا اميرة
osha
03-10-2006, 04:34 AM
اوشا هي نفسها
الصراحة , البساطة , وخفة الدم
متّعك الله بالصّحة اختي الحبيبة
وزيّن اولادك بالتّقوى والالتزام
وحفظهم الله من كل سوء
وكل سنة وانتي واسرتك الغالية
بالف خير
شكرا ريهام على موضوعك الرائع

:h: :f: :h:




شكرا لك يانور على كلامك الجميل ومش عارفة اقول ايه بصراحة
ولأولادك مثل ما دعوت به لأولادي وربنا يكفيهم جميعا الشر
وكل سنة وانت طيبة :f:
osha
03-10-2006, 04:37 AM
مش حلاقى كلام احلى من كده اقوله
واضح ان حب اوشا وتقديرها واحترامها غالبين على كل الاعضاء
وهى تستحقه عن جدارة واخلاص
لك دائما ارق تحياتى لك وللاسرة الكريمة
انا متشكرة ليك يا اسكندراني على وجودك على مائدة الافطار النهارده معايا
وشكرا على كلامك الحلو عني وياريت اكون فعلا استحق كل الكلام الجميل دا
وكل عام وانت والاسرة جميعا بخير
osha
03-10-2006, 04:45 AM
مين رشااااااااااااااا
وانا اقول المائدة منورة ليه والطعام فاخر ومستورد من بنها العسل
لا بجد انا سعيدة قوى انى عرفت افطر معاكى النهاردة الفطار الرائع دا
والمآدبة كانت ثرية وممتلئة بخيرات الله على عباده من الثقافة والخلق والإحساس وإن كان ينقصها القليل من التسامح الذى من الممكن أن يتأتى عبر الأيام
سعدت كثيرا بموقف ابناءك وفخورة بهم معكى وكأنى تمثلت يوسف كبيرا بعض الشيئ ويفعل مثلهم
هكذا يكون الأبناء عندما يربيهم الآباء على الطبيعة السمحة للإسلام
الإفطار معك يصيب الإنسان بالتخمة الفكرية والعقلية من كثرة الحديث الرائع والشيق

هروح اشرب سفن اب علشان اهضم هذا اللقاء الرائع

ريهام لكى كل التحية على مجهودك الرائع والجميل فى إعداد هذه اللقاءات الرائعة
متعكى الله بالصحة والسعادة
أهلا أم العيال:hop:
شوفي يانهلة
بالنسبة لموضوع التسامح انا الحقيقة كان ممكن اقول عندي تسامح وخلاص وحتعدي
بس انا حبيت اكون صادقة مع نفسي ومع الآخرين
يعني انا قلت عندي مقدار من التسامح باحافظ عليه عشان ماتبقاش العملية غلط وبعدين إعتذار وتسامح وبعدين نرجع نعيد من الاول تااااااااني
فتلاقيني باحافظ على حبة التسامح دول اوي
وبعدين يعني حتحبسي بعلبة سفن لوحدك:eek: هاتي لي معاك بس اكسترا ليمون وحياتك
شكرا لك على مرورك يا نهلة وكل عام وانت بخير
osha
03-10-2006, 04:48 AM
كويس انك ظهرتي انا كنت لسه رايحة أبلغ الانتربول

و أقولهم أوش أوش مفقودة و محتاجة البحث عنها

لسرعة الرد علي مظاهرة حب في موضوع ضيافتها

عارفة بجد انا بستمتع بمواقفكم و ذكرياتكم جميعاً بشكل رهيب

بحس و انا بقرأ ردود المواضيع قبل تنزيلها اني بتعايش مع الشخصية

مش مجرد لقاء علي ورق لا لقاء حقيقي بجد ربنا يجمعنا علي خير دايما

و كل سنة و انت طيبة و ربنا يبارك لك في أسرتك و يديكي الصبر :d

في رعاية الله ،،،
من غير انتربول ياختي اديني جيت
ارتحت لما جيت :stpd:
شكلك ضليت طريقك لفنون جميلة وكان اولى تبقى صحفية:1:
شكرا ليك على اللقاء ويارب متجمعين في الخير:f:
أحمد ناصر
03-10-2006, 12:23 PM
أهلا يا رشا
كل سنة وإنت طيبة
معلش ما لحقتش أفطر معاكم إمبارح:d
قصدى أشارك بالموضوع يعنى
لكن برضه يا ريت آخد حقى ناشف
يعنى مش أقل من تلاتة جنيه إلا ربع :d

كل سنة وإنت طيبة
وسلامى للأستاذ حسام والأولاد
*168*
zizo_ya_zizo
03-10-2006, 12:31 PM
كل سنه وانتى بخير وبصحه يا اوشا
كلامك كله جميل جدا انتى من الشخصيات الى الواحد يكن لها كل الاحترام والتقدير سعدنا بيكى جدا جدا يوم منورتى مصر وشرفتينا بالزياره
انتى اخت عزيزه عليا جدا ربنا يديمها علينا نعمه المحبه فى الله
بس ده ميمنعش ان الواحد عايز طبق بسبوسه بردو :d
ديما منورانا ومشرفه الموضوع
dodoo_oo
03-10-2006, 04:02 PM
رورو كالعادة تختارى لنا شخصيات رائعة
استمتعت جدا بهذا الحوار الهادئ والجميل معكى اختى الكريمة اوشا
وشرفنى جدا التعرف عليكى
osha
04-10-2006, 05:00 AM
أهلا يا رشا
كل سنة وإنت طيبة
معلش ما لحقتش أفطر معاكم إمبارح:d
قصدى أشارك بالموضوع يعنى
لكن برضه يا ريت آخد حقى ناشف
يعنى مش أقل من تلاتة جنيه إلا ربع :d

كل سنة وإنت طيبة
وسلامى للأستاذ حسام والأولاد
*168*
عشان مجيتك الحلوة وكلامك مش بس تلاتة جنيه الا ربع
لأ
قول 4 جنيه ورقة واحدة يا باشا :elvis:

وحتى لو متأخر شوية برضه نورت يا احمد وعلى طول ان شاء الله
وكل سنة وانت ولبنى وأم لبنى بخير
osha
04-10-2006, 05:03 AM
كل سنه وانتى بخير وبصحه يا اوشا
كلامك كله جميل جدا انتى من الشخصيات الى الواحد يكن لها كل الاحترام والتقدير سعدنا بيكى جدا جدا يوم منورتى مصر وشرفتينا بالزياره
انتى اخت عزيزه عليا جدا ربنا يديمها علينا نعمه المحبه فى الله
بس ده ميمنعش ان الواحد عايز طبق بسبوسه بردو :d
ديما منورانا ومشرفه الموضوع
جبرنا البسبوسة يا زيزو خلاص واتاكلت وحبسنا وراها بعلبة بيبسي:beer:
وانا كمان يا زيزو كنت باكون سعيدة جدا في اللقاءات مع اعضاء المنتدى
نورت سفرة رمضان بس اكلت كل الاكل وماسبتش حاجة لحد:ranting2:
osha
04-10-2006, 05:05 AM
رورو كالعادة تختارى لنا شخصيات رائعة
استمتعت جدا بهذا الحوار الهادئ والجميل معكى اختى الكريمة اوشا
وشرفنى جدا التعرف عليكى
شكرا ليكي يا دودو على المرور وعلى كلامك الجميل
ويارب يكون الاكل عجبك :2:
الحمد لله مش انا اللي طابخة عشان كده الناس مبسوطة:plane:
مظلوووم
04-10-2006, 05:23 AM
قد يتهمني البعض بأني قلبي أسود
يا خبر ابيض
دا انتى ملاك يا رشا هانم :d
هههههههههههههههههههههههه
حقيقى لقاء ممتع يا بوكى مع ضيفه اكثر امتاعا وهى اختنا الفاضله ام محمد
وكما تعودنا من ام محمد فى اجابتها التلقائيه المصداقيه دائما والتى لاتخلو من خفه الدم :)
كل سنه وانتى طيبه يا ام محمد :f: :f: :f:
وربنا يعود عليكم الايام وعلى الاسره الكريمه بالخير والصحه والسعاده
وتكونى معانا دايما فى احسن حال واهدا بال
ورمضان كريم عليكى وعلى المسلمين المصريين منهم والامريكيين :d
وربنا يتقبل منكم ومنا صيامه وقيامه وسائر الاعمال الصالحه
بس ده ميمنعش ان الواحد عايز طبق بسبوسه بردو
فكرتنا والله يا زيزو بطبق البسبوسه اللى جابتهولنا ام محمد يوم اللقاء
ونزلنا فيه حرت زى الصاروخ :d
بجد كان طبق بسبوسه مالوش حل :good:
تسلم ايدك يا ام محمد وان شاء الله المره الجايه يبقوا طبقين:d
ههههههههههههههههههههههههههه
ويجعلوا عااامر بيكم دايما
اخووووكى
شترتر
أمة الله
04-10-2006, 12:07 PM
بسم الله الرحمن الرحيم
السلام عليكم و رحمة الله و بركاته

أوشا الجميلة مبسوطه اوى باللقاء اللى خلانى احبك اكتر شوية مما كنت سابقا و ذلك لوضوحك التام و شفافيتك الجميلة

ربنا يعينك على تربية اولادك تربية اسلامية و يجعلهم ربهم من الصالحين ان شاء الله

مشكورة يا ريرى على الحورات الجميلة اللى خلتنا نشوف الناس اللى بنحبهم اكثر و اكثر من داخلهم فيزداد حبنا لهم

جعل الله الموضوع الرائع دع فى ميزان حسناتك
تقبلى منى الحب فى الله
ديدي
04-10-2006, 01:21 PM
الغالية اوشا كل سنة وانتى طيبة وبالف خير وافراد اسرتك الكريمة
لقاء جميل يا ريهام واجابات اوشا وافية
تحياتى وتقديرى وكل سنه وانتوا بالف خير ورمضان كريم
حنـــــان
05-10-2006, 03:28 AM
لانه كما قال اذا أتم الصيام كما ينبغي له فإنه سيولد شخص جديد تماما.

الجملة دي جميلة قوي وأعتقد كتير منا بيسهو عنها في رمضان وبيصوم عن الاكل وبس مع اننا لو صمنا بالشكل الصحيح حتبقى فرصة عظيمة اننا نتولد من جديد. بقول الكلام ده لأني حسيت بالفرق بين الصيام عن الأكل ومحاولة الصيام بالشكل الصحيح... وأتمنى من الله الهداية الى الصواب لنا ولكم جميعا.

فإذا كان هناك عقل اوجب الاعتذار فأين كان هذا العقل وقت الاساءة؟

دي مش متفقة معاكي فيها...

لدي مقدار من التسامح لا اتساهل في بذله حتى لا تصير الاساءة عادة يتبعها اعتذار فسماح وهكذا دواليك

بس دي عجبتني :2:

حوار جميل يا رشا... منورة مائدة الافطار.
وتسلم الأيادي يا بوكي. في انتظار باقي المقابلات.
osha
05-10-2006, 07:01 PM
يا خبر ابيض
دا انتى ملاك يا رشا هانم :d
هههههههههههههههههههههههه
حقيقى لقاء ممتع يا بوكى مع ضيفه اكثر امتاعا وهى اختنا الفاضله ام محمد
وكما تعودنا من ام محمد فى اجابتها التلقائيه المصداقيه دائما والتى لاتخلو من خفه الدم :)
كل سنه وانتى طيبه يا ام محمد :f: :f: :f:
وربنا يعود عليكم الايام وعلى الاسره الكريمه بالخير والصحه والسعاده
وتكونى معانا دايما فى احسن حال واهدا بال
ورمضان كريم عليكى وعلى المسلمين المصريين منهم والامريكيين :d
وربنا يتقبل منكم ومنا صيامه وقيامه وسائر الاعمال الصالحه

فكرتنا والله يا زيزو بطبق البسبوسه اللى جابتهولنا ام محمد يوم اللقاء
ونزلنا فيه حرت زى الصاروخ :d
بجد كان طبق بسبوسه مالوش حل :good:
تسلم ايدك يا ام محمد وان شاء الله المره الجايه يبقوا طبقين:d
ههههههههههههههههههههههههههه
ويجعلوا عااامر بيكم دايما
اخووووكى
شترتر

طبعا ملاك ياشتري والا فيه مانع:@
وفكرتني والله بايام مصر لما كنا نتجمع وبالبسبوسة
يالا كل ما تاكل بسبوسة افتكرني :elvis:
شكرا على انك جيت عزومة الفطار بتاعتي
osha
05-10-2006, 07:23 PM
بسم الله الرحمن الرحيم
السلام عليكم و رحمة الله و بركاته

أوشا الجميلة مبسوطه اوى باللقاء اللى خلانى احبك اكتر شوية مما كنت سابقا و ذلك لوضوحك التام و شفافيتك الجميلة

ربنا يعينك على تربية اولادك تربية اسلامية و يجعلهم ربهم من الصالحين ان شاء الله

مشكورة يا ريرى على الحورات الجميلة اللى خلتنا نشوف الناس اللى بنحبهم اكثر و اكثر من داخلهم فيزداد حبنا لهم

جعل الله الموضوع الرائع دع فى ميزان حسناتك
تقبلى منى الحب فى الله
انا اللي متشكرة ليكي يا داليا على حضورك الجميل ودعائك لي ولأولادي
وعقبال ما تشوفي نهال قد نهال يارب وتفرحي بيها
osha
05-10-2006, 07:24 PM
الغالية اوشا كل سنة وانتى طيبة وبالف خير وافراد اسرتك الكريمة
لقاء جميل يا ريهام واجابات اوشا وافية
تحياتى وتقديرى وكل سنه وانتوا بالف خير ورمضان كريم
وانت طيبة ياديدي وكل سنة وانت طيبة والسنة الجاية نيجي نزورك في بيتك ان شاء الله
osha
05-10-2006, 07:29 PM
لانه كما قال اذا أتم الصيام كما ينبغي له فإنه سيولد شخص جديد تماما.

الجملة دي جميلة قوي وأعتقد كتير منا بيسهو عنها في رمضان وبيصوم عن الاكل وبس مع اننا لو صمنا بالشكل الصحيح حتبقى فرصة عظيمة اننا نتولد من جديد. بقول الكلام ده لأني حسيت بالفرق بين الصيام عن الأكل ومحاولة الصيام بالشكل الصحيح... وأتمنى من الله الهداية الى الصواب لنا ولكم جميعا.

فإذا كان هناك عقل اوجب الاعتذار فأين كان هذا العقل وقت الاساءة؟

دي مش متفقة معاكي فيها...

لدي مقدار من التسامح لا اتساهل في بذله حتى لا تصير الاساءة عادة يتبعها اعتذار فسماح وهكذا دواليك

بس دي عجبتني :2:

حوار جميل يا رشا... منورة مائدة الافطار.
وتسلم الأيادي يا بوكي. في انتظار باقي المقابلات.
يعني الراجل اللي مش مسلم فهم الصيام من اول شرح له
عندنا بقى تلاقي المسلمين ما شاء الله عليهم في الشوارع بيشتموا بعض من اقل حاجة وكمان وصلت اني شفت مرة اثنين بيسبوا الدين لبعض في نهار الصيام والناس بس واقفة تقول رمضان كريم يا جماعة والتانيين ولا هنا !
مشكلة التسامح دي ليها جذور عميقة وتجارب مريرة لدرجة اني وصلت للقناعة دي برضا تام عنها
وبرضه زي ماقلت اني عندي مقدار من التسامح بس فعلا لا اتساهل فيه وصدقيني دا بيخلي الناس حريصة في تعاملها معاك - يعني انا كده مرتاحة :hop:
نورت السفرة ياحنان
jemmy
05-10-2006, 11:22 PM
الاخت الفاضله / osha
ام محمد

انا اسف جدآ بجد حضوري المتاخر وارجو ان يكون اعتزاري هذا مقبولآ

معلش بقى ( طبق اليوم ) فى المطبخ بتاعنا واخد اكتر وقتى

لقاء اكثر من ممتع مع اخت اكثر من رائعه تعرفنا من خلاله على جوانب خفيه من شخصيتك
الجميله

كل سنه وانتى طيبه ويارب يعود عليكى الايام بالخير والصحه والسعاده انتى والاسره جميعآ

تحياتى وكل الشكر للمحاوره الرائعه الاخت / بوكى

مع تحياتى واحترامى للجميع

*174*
a_leader
06-10-2006, 04:39 AM
السلام عليكم
انا جاى اسلم و اقول لاختنا اوشا كل سنة و انتى طيبة
نوسة
06-10-2006, 06:44 AM
العزيزة الغالية اوشااااااااااااااااا

طبعا لقاء جميل يا ريرى واكثر من رائع لشخصية جميلة كلنا بنحبها ولها مكانة بقلوبنا جميعا

جميعنا عرفناكى يا اؤش اؤش جريئة ورقيقة وشجاعة وصريحة والاكثر جمالا هو خفة دمك التى لمستها فى


احاديثنا معك

فرحنى اوى موقف اولادك ربنا يبارك ليكى فيهم ويثبت اقدامهم فى الدين اكثر واكثر

ويبارك فى اسرتك ويحفظها

ويحفظنا جميعا اخوة واخوات متحابين فى الله

وكل عام وانتى بخير ورمضان كريم وموائد عامرة با الخير والحب

خالص تحياتى اليك
http://www.br2h.com/up/uploads/a7efcbac91.jpg
بنت مصر
06-10-2006, 01:35 PM
حوار رائع جدا
شكرا ياريهام على استضافة
اخت وصديقة غالية على الجميع
وشكرا يا أوشا على ردودك الواضحة
والمقنعة كما عهدناك دائما ..

كل عام وانتم بكل خير


بسنت
osha
06-10-2006, 07:45 PM
الاخت الفاضله / osha
ام محمد

انا اسف جدآ بجد حضوري المتاخر وارجو ان يكون اعتزاري هذا مقبولآ

معلش بقى ( طبق اليوم ) فى المطبخ بتاعنا واخد اكتر وقتى

لقاء اكثر من ممتع مع اخت اكثر من رائعه تعرفنا من خلاله على جوانب خفيه من شخصيتك
الجميله

كل سنه وانتى طيبه ويارب يعود عليكى الايام بالخير والصحه والسعاده انتى والاسره جميعآ

تحياتى وكل الشكر للمحاوره الرائعه الاخت / بوكى

مع تحياتى واحترامى للجميع

*174*
لولا ان عذرك طبق اليوم يا جيمي كان بقى لينا كلام تاني :stpd:
بصراحة مجهودك فيه اكثر من رائع
وشكرا على انك جيت هنا واتفضلت معانا الفطار بتاع بوكي اللي ماعرفش هو ايه لغاية دلوقت:elvis:
osha
06-10-2006, 07:46 PM
السلام عليكم
انا جاى اسلم و اقول لاختنا اوشا كل سنة و انتى طيبة
وعليكم السلام ورحمة الله وبركاته
الله يسلمك اخي الكريم والف الحمد لله على السلامة
وكل عام وحضرتك والأسرة كلها بخير ان شاء الله
osha
06-10-2006, 07:48 PM
العزيزة الغالية اوشااااااااااااااااا

طبعا لقاء جميل يا ريرى واكثر من رائع لشخصية جميلة كلنا بنحبها ولها مكانة بقلوبنا جميعا

جميعنا عرفناكى يا اؤش اؤش جريئة ورقيقة وشجاعة وصريحة والاكثر جمالا هو خفة دمك التى لمستها فى


احاديثنا معك

فرحنى اوى موقف اولادك ربنا يبارك ليكى فيهم ويثبت اقدامهم فى الدين اكثر واكثر

ويبارك فى اسرتك ويحفظها

ويحفظنا جميعا اخوة واخوات متحابين فى الله

وكل عام وانتى بخير ورمضان كريم وموائد عامرة با الخير والحب

خالص تحياتى اليك
http://www.br2h.com/up/uploads/a7efcbac91.jpg



شكرا يا نوسة على كلامك الجميل
ويارب يحفظلك أمير وتفرحي بيه
بس يا شيخة ماكنتيش جبت في ايدك قطة وانت جاية ما انت عارفة يعني الادمان والحال من بعضه :elvis:
كل سنة وانت طيبة وأمير وأبو أمير بخير
osha
06-10-2006, 07:50 PM
حوار رائع جدا
شكرا ياريهام على استضافة
اخت وصديقة غالية على الجميع
وشكرا يا أوشا على ردودك الواضحة
والمقنعة كما عهدناك دائما ..

كل عام وانتم بكل خير


بسنت
والله يابسنت بوكي فعلا ماشاء الله مجهودها رائع في الموضوع دا بكل حلقاته
وشكرا ليك على الحضور :h:
وكل سنة وانت والأسرة كلها بخير ان شاء الله
سابرينا
07-10-2006, 12:39 PM
رمضان كريم منوره السفره يااوشا
بس ايه رايك فى السفره الاكل حلو
بوكى عامله الواجب اكيد طبعا
يعنى تجيبك من امريكا وميكنش الاكل حلو
هههههههههههههه
الاحلى ان ضيفة المائده
osha
08-10-2006, 08:14 PM
رمضان كريم منوره السفره يااوشا
بس ايه رايك فى السفره الاكل حلو
بوكى عامله الواجب اكيد طبعا
يعنى تجيبك من امريكا وميكنش الاكل حلو
هههههههههههههه
الاحلى ان ضيفة المائده
الله اكرم يا سابرينا والسفرة منورة بيكم
الاكل طبعا كان حلو انا اقدر اقول حاجة :hop:
بس ان كان على بوكي هي تجيبني من امريكا وبعدين تقولي بصلة المحب خروف:d
الدكتورة نسيبة
09-10-2006, 11:54 AM
ايه الجمال ده يا اوشا

تسلم ايدك حوارك كان ممتع جداااااااااا وما شاء الله عجبنى اوى موقف نهال ومحمد ربنا يباركلك فيهم ويهديهم ويثبتهم ان شاء الله

بجد استمتعت معاكى جداااا فى لقائك زى ما استمتعت بلقائى معاكى فى القاهرة

ربنا يكرمك يا بوكى يا صاحبة الافكار النيرة على موضوعك الرائع وضيوفك الاروع
a_leader
22-10-2006, 03:21 PM
http://dream.ps/10/0adfa877a8.gif

اعاده الله عليكم و على الامة الاسلامية باليمن و البركات

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث