أم أحمد ضيفة علي مائدة إفطار أبناء مصر

[boukybouky]

السلام عليكم و رحمة الله و بركاته

http://gallery.egyptsons.com/data/media/48/D-14.jpg (http://gallery.egyptsons.com)

أهلاً بك أم أحمد نورتي مائدة إفطار أبناء مصر أهلاً بك في أول أيام شهر رمضان المبارك أعاده الله علينا و علي الأمة الإسلامية باليمن و البركات بجد سعيدة جدا بتواجدك معي في اللقاء اليوم فأنت أخت غالية و قريبة إلي قلبي أدام الله علينا نعمة الأخوة فيه

بسم الله الرحمن الرحيم
اللهم صلي وسلم وبارك علي حبيبنا محمد عليه افضل الصلاة والسلام وعلي اله وصحبه اجمعين
بل انا الأسعد يا ريهام لوجودي معكم في اول يوم من ايام رمضان الكريم ربنا يبارك لنا فيه و يعيننا جميعا علي الصيام والقيام وربنا يتقبل منا جميع صالح الاعمال


نبدأ معك لقاءنا و نسألك:
1- ما هو طبقك المفضل علي مائدة إفطار رمضان؟

في الحقيقة مفيش طبق معين في رمضان ولكن دائما احب انوع في الاكل ولو تكملت عن الافطار عادة اقول احب دائما ابدأ الافطار بطبق شوربة مهما اختلف نوعها واحب طبعا انوع من شوربة خضار او شوربة لسان عصفور او شوربة مشروم او عدس يعني كل انواع الشوربة بتمر عليه في رمضان ده اساسي يعني تاني حاجة بقي بيبقي السلطة دي اساسي جدااا وبرضه بانواعها المختلفة
الطبق الرئيسي بيكون احدي المعجنات
(باشميل. لازانيا ...)او الارز وبجوراه بقي اي نوع خضار ولو ان بعد الشوربة والسلطة مش بناكل تاني ويدوب عشان نعرف نصلي التراويح ونبقي خفاف كده ههههههه
وطبعا ما ننساش بقي الحلو من بسبوسة او كنافة او قطايف اللي بقيت اعملها بنفسي (مجبر اخاك لا بطل هههه)


2- ما هي أجمل ذكريات رمضان؟ مواقف لا تنسي إرتبطت بالشهر الكريم.

يمكن من اجمل المواقف التي مرت عليه واتذكرها لانها حدثت منذ عامين فقط وهي عند دراستي للغة الهولاندية حيث كنت ملتحقة بمدرسة بها عدد كبير من جنسيات وشعوب واديان مختلفة وطبيعي في شهر رمضان يتسائل الجميع عن كيفية قضاء يوم كامل بدون طعام وشراب ولا يعرفون ما هوالصيام ولا كيفية اداءه وكنت اتعرض كثيرا لمثل هذه التساؤلات وبالصدفة كان المفروض اعد محاضرة عن اي موضوع اختاره والقيه والهمني الله بان اختار موضوعي عن رمضان والحمد لله لقد وفقت في عرض صورة كاملة عن شهر رمضان والطقوس والعادات المتبعة في الشهر الكريم واوضحت لهم ان رمضان لا يعني فقط الامتناع عن الطعام والشراب كما يتخيل البعض منهم ودعمت محاضرتي ببعض الصور عن الشروق والغروب لتوضيح مواعيد السحور ومواعيد الافطار وخلافه واوضحت لهم ماذا تعني صلاة التراويح والقيام وليلة القدر وعيد الفطر والحمد لله كان يوم اكثر من رائع ما زال عالقا في ذاكرتي الي هذه اللحظة و وجدت من زملائي تفاعل جميل بعد هذه المحاضرة وهي ان اغلبهم قد رفض ان يأكل او يشرب امامي في فترة الراحة بين المحاضرات مراعاة لمشاعري والاروع من ذلك اني وجدت صدي لهذا الموضوع بعد ذلك فالجميع اصبح قريبا مني اكثر من ذي قبل وخصوصا ان موضوع محاضرتي قد جاء بعد مباشرة بعد مقتل احد مخرجي الافلام علي يد شاب مسلم عربي و وجدت الكثير منهم يريد معرفةالكثير عن الاسلام و تمنيت ان يمن الله علي عدد منهم بالهداية ولكن انك لا تهدي من احببت ولكن الله يهدي من يشاء


3- هل لك طقوس معينة ترتبط بشهر رمضان؟ بمعني كيف تقضي يوم و ليل رمضان.

طقوسي عادية جداا يبدأ يومي من قبل صلاة الفجر بحوالي ساعتين او اقل في اول رمضان تمتد الي ثلاث ساعات في اخر 10 ايام بالقيام وقراءة ما تيسر من القراءن قبل الفجر ثم تحضير السحور ثم الانتظار لصلاة الفجر ثم الراحة قليلا وبعد كده بقضي اليوم في قراءة جزء من القراءن ايضا بالنهار وتصفح النت قليلا ثم تحضير الافطار ومش باخد وقت كبير في اعداد الافطار هههه فبيبقي عندي وقت كبير بحاول ااقضيه كله في العبادة ولله الحمد
ثم يكون الافطار وبعد كده ممكن اشاهد برنامج ديني (الحمد لله انقطعت عن مشاهدة التليفزيون في رمضان نهائيا من 4(سنين) الا بعض البرامج الدينية فقط واصلي التراويح في المنزل لوحدي وبهذا يتنهي اليوم سريعا لياتي يوم اخر الي ان يمر رمضان من بين ادينينا سريعا دون ان نشعر


4- بمناسبة رمضان شهر الصفح و الغفران ..ما هو مقدار التسامح لدي أم أحمد؟؟ هل تستطيعي أن تنسي الإساءة؟؟ و إلي أي مدي ؟؟؟

مقدار التسامح عندي كبير جدااااااااااااا ولله الحمد
في الحقيقة لا اتذكر اني اختزنت في داخلي اي اساءة لاي حد مهما ان كان درجة معرفتي بيه صحيح ممكن ازعل او اضايق من موقف معين بس علي طول لازم افضفض واطلعه بسرعة اوي عشان ما احبش اشيل اي شئ جوايا لاي حد
بالنسبة اذا اساء شخص ما الي يتوقف مقدار تسامحي علي حجم الاسااءة ونوعها وبناءا عليها يتوقف مقدار السماح


5- حدثينا عن رمضان في هولندا.

رمضان هو رمضان في اي بلد مهما حتي مع اختلاف العادات والتقاليد ولكن يظل رمضان هو شهر كريم شهر العطاء والصبر والعفو والتسامح والبركة في كل شئ رمضان في هولندا هو نقطة تحول في حياتي كبيرة اوي فهنا اتعلمت ااقضي اغلب وقتي في العبادة وانقطعت تماما عن معظم العادات اللي مشهورة في مصر جداا واللي كان للاسف بيضيع معها الشهر الكريم اتعلمت هنا يعني ايه افطار جماعي يعن يايه اساعد في تحضير افطار لاكتر من 150 فرد اتعلمت يعني ايه معني افطار صائم بجد احساس تاني مختلف اوي مختلف حتي عن التجمع الاسري روح مختلفة جو جديد شعور رائع


6- متي بدأت هوايتك لحب قراءة الشعر؟؟و ما هي نوعية الأشعار التي تفضلينها، و من هم الشعراء الذين تفضلين القراءة لهم؟

قراءة الشعر يمكن ترجع لفترة اعدادي عندما اتعلمت عن ايدي مدرس فاضل قراءة الزجل وكنت فعلا بالقي بعض القصائد الزجلية وسجلت اكتر من مرة قصائد زجلية وكنت بالقيها في بعض الحفلات ده كان من اهم نشاطاتي المدرسية واستمرمعايا الي الان ثم زاد حبي اكتر ليه عندما بدات اعي وافهم الاشعار وانتقي بنفسي القصائد التي تستهويني
نوعية الاشعار اللي بحبها بقي الرومانسية والسياسية و صراحة لا يهمني كثيرا نوعية القصيدة التي اقرأها او صاحب القصيدة المهم ان القصيدة تحمل فكرة توصلها ويكون ليها هدف. ناس كتير بتكتب شعر بس احيانا لا اجد هدف في القصيدة اقراها مرات ومرات بحيث اصل لمعني او مغزي صحيح بيكون احيانا تعبير عن مكنون شخصي بس مش بتوصل لهدف معين
بحب لما اقرا الشعر الاقيه بيعبر عن احساس جوايا كلام فعلا حساه ومش قادرة اعبر عنه بنفسي بلاقيه في الشعر ساعتها ممكن جداا القصيدة تعلق معايا واحفظها بسرعة
وافضل اردد فيها بيني وبين نفسي كتير جداا
الشعراء اللي بقرا ليهم نزار واحمد شوقي وصلاح جاهين و بيرم وفاروق جويدة
وطبعا كل الشعراء اللي بيكتبوا في ابناء مصر


7- تجربتك مع الإشراف في منتدي أبناء مصر كلمينا عنها،

تجربة الاشراف كانت وما زالت تجربة جميلة فلقد قربتني من عدد كبير جدا من الاعضاء الذين كنت اتمني فعلا الاقتراب منهم ولكن للاسف قد يفهم البعض ان العضو عندما اصبح مشرفا فانه اصبح غريب عنهم واصبح زي عدو لهم ويتصيد لهم الاخطاء ولو علم الاعضاء ان الاشراف ليس الا تكليف قبله المشرف علي حساب وقته وبيته وعمله للحفاظ علي المنتدي في صورة جميلة وذلك بالتنسيق مع الجميع في جميع القاعات لما وجدنا دائما المشاحنات التي تحدث والتي تجعل البعض يتصور ان المشرفين في جبهة والاعضاء في جبهة اخري بل الجميع سواءا في جبهة واحدة وعلي الجميع الحفاظ علي بقاء هذا الجبهة دائما في ابهي صورة وفي الاخر كلنا اعضاء تربطنا جميعا مشاعر اخوة في الله و ومشاعر طيبة اتمني اننا نحافظ عليها جميعا والا نعكر صفو وجودنا في هذا المكان الجميل


8- يقول (تشافلورت) : "الحكمة قد تطيل عمر الإنسان أما الإنفعالات فتزيدها لذة و عمقاً" هل انت من النوع الذي ينفعل سريعاً؟؟ و ما الذي يثير غضبك؟؟ و هل تهدأي بسرعة؟؟

ممكن فعلا انفعل بسرعة عند بعض المواقف ولكن مش دائما يتوقف ذلك علي نوعية الموقف الذي امر به ولكني الي حد ما لله الحمد بهدي بسرعة جداا يعني بالكتير اوي 5 دقائق وانسي بسرعة وارجع زي الاول
الذي يثير غضبي هو الكذب او الخداع


9- هل أفادك النت عامة و المنتدي الخاصة في تكوين صداقات، تخيري أحد هؤلاء الأصدقاء و حدثينا عن صداقتكما.

الحمد لله عندي اصدقاء كثير جداا من خلال النت بعضها استمر الي هذه اللحظة و بعضها كان وقتي انقطع بعد فترة واعتقد انه ما كانش صداقة بالمعني الصحيح مش هاقدر اتكلم عن حد معين لان في كتير اوي فعلا اصبحوا اصدقاء قريبن مني جداا بقضي وقت كبير معاهم وفعلا بحس انهم زي اخواتي واكتر وانتي يا رورو واحدة من اقرب الاصدقاء اللي تعرفت عليهم من خلال النت والحمد لله شعرت بقربك اوي عندما كنت في مصر واحب ااقول لناس هنا ان ريهام فعلا ما سابتنيش لحظة واحدة وانا في مصر من يوم وصولي الي لحظة سفري وانت فعلا نعم الاخت والصديقة القريبة الي قلبي جدااا


10- أمنية نختتم بها اللقاء علي الصعيد الشخصي والإجتماعي.

علي المستوي الشخصي اتمني ان اكمل دراسات عليا اللي فعلا بدات فيها قبل سفري ولكن السفر قد منعني واسعي جاهدة اني احاول الحصول عليها من هنا ولكن في بعض المشاكل التي تعوق ذلك واتمني اني اوفق في انهائها
علي المستوي الاجتماعي اتمني ان احيا مع اسرتي دائما في سعادة ورضا من الله عز وجل


كل الشكر لك أم أحمد علي هذا اللقاء الممتع و يا رب يوفقك و نشوفك بخير انت و أسرتك الكريمة و يجعل كل أيامك بركة
في رعاية الله،،،

وانتِ بكل خير وسعادة يا رب والامة الاسلامية جميعا بخير وفي اتم صحة واحسن حال و بركة الشكر لك انتي صديقتي الغالية وربنا يعلم مقدار معزتك وحبي الكبير ليكي يا ريهام فعلا انتي اخت لم تلدها امي وربنا يكرمك ويرزقك الخير كله والسعادة في الدارين وادعو لكل اخواتي واخواني اعضاء ابناء مصر ان يتقبل الله منهم صيامهم وقيامهم وان يكون شهر رمضان لنا جميعا شهر عتق ومغفرة ورضا من الله سبحانه وتعالي عنا جميعا وان يجمعنا جميعا علي كل خير في الدنيا والاخرة وان يظلنا بعرشه يوم لا ظل الا ظله
اللهم امين امين امين وليكن رمضان هذا العام مختلف لنا جميعا ولنبدا من اول يوم في محاولة الاغتنام بكل لحظة ودقيقة في هذا الشهر الكريم لربما يكون اخر رمضان نلتقي فيه جميعا لكم مني جميعا كل التحية والتقدير

أخواني و أخواتي إلي الملتقي و ضيف جديد علي مائدة إفطار أبناء مصر...فإنتظرونا

في رعاية الله،،،

[ابن طيبة]

الاخت بوكي بوكي شكرا علي موضوعك الجميل و شكرا لانك اخترتي في اول لقاء اخت فاضلة عزيزة علينا جميعا و قريبة الي قلوبنا و هي الفاضلة ام احمد
الاخت ام احمد شكرا لك اجابتك الرشيقة البسيطة البعيدة عن التكلف
دمتما بالف خير
و كل عام وانتما بخير

[الدكتورة نسيبة]

تسلم ايدك يا بوكى ع الموضوع الحلو ده

وتسلم ايد ام احمد ع الردود وربنا يارب يجعل اعمالها كلها فى ميزان حسناتها ويجازيها خير يارب

وكل سنة وانتم طيبين وفى انتظار ضيفك القادم يا بوكى

[طارق المملوك]

اشكرك اختى العزيزة ريهام على الحوار الجميل و الرشيق مع اختنا ام احمد
حقيقة من ارقى و امتع الحوارات التى استمتعت بها فى المنتدى وادعو الله ان يديم الاخوة بينكما
اختى العزيزة ام احمد
جميل ان نسمع منك و نشاهد بعينك فانت تتمتعين بقلب طيب و روح رقيقة الى حد كبير فشعرنا بكلماتك تتخلل مشاعرنا نحسها لا نقراها
بارك الله فيكى و تقيل منك صالح الاعمال
كل عام والكل بخير و سعاده باذن الله

[bedo_ic]

بوكى شكرا على الموضوع والضيف الرائع
وفكرة جميلة واكيد حنتعرف على شخصيات عن قرب ..
تحياتى بيدوووووووووو

[قلب مصر]

اللقاء فعلا ممتع جدا جدا يا ريهام

والشخصية اختياراها رائع
ام احمد انسانة جميلة وقريبة من قلوبنا جميعا
اهلا بيكى يا ام احمد معانا فى اول ايام رمضان

ربنا يكرمك يارب ويباركلك فى احمد ربنا يحميه

كل سنة وانتم طيبين
والف شكر على اللقاء الرائع يا ريهام تسلم الأيادى

[أنفـــــال]

أم أحمد الغالية ..
أعانك الله على الذكر و الصلاة و العبادة ..
و جعل الله شهر رمضان شاهداً لكِ ..
بارك الله فيك .. وفقتِ إلى طاعة الله .
و كل عام و أنت يا حبيبتي بكل الخير..

بوكي ..
متشكرة جدا جدا على اختيارك الجميل..
و كل سنة و انت يا رب طيبة ..

:f2:

[jemmy]

لقاء جميل فعلا جعلنا نقترب اكثر ما اناس نعرفهم عن بعد

ولكن هذا اللقاء سوف يقربنا من اخوه واخوات كثيرآ جدآ

اشكرك اخت بوكى صاحبه الفكره كما اتوجه بالشكر للضيفه العزيزه الاخت ام احمد

كل عام وانتم جميعا بخير وكان الله فى عونكم لرفع مستوى المنتدى اكثر واكثر

بالتوفيق والنجاح ان شاء الله

[عمرو صالح]

لقاء جميل ومميز مع عضوه اعتبرها اخت بالفعل

كل عام وانتم بخير ورمضان كريم

[boukybouky]

مشاركة خطأ

[boukybouky]

السلام عليكم و رحمة الله و بركاته

كل سنة و انتم جميعاً طيبين وبخير و الف شكر علي ردودكم الجميلة

معلش هي بس أم أحمد فيه مشكلة في النت عندها و قريب هتكون معانا

أختي الغالية جداً سمسمة بجد كلامك و الله مش بقيت عارفة أرد اقول ايه عليه

انت اكتر من اخت فعلاً و هذا شعرت به أكثر عندما قابلتك فلم أشعر حينها أن أي شئ

اختلف عن هنا بل شعرت اني اعرفك من زمن:love: ادام الله علينا نعمة الحب فيه

فللحياة طعم حين تعيشها لله و لها طعمان حين تعيشها لله مع أحباب في الله

دمتم جميعاً بكل خير

في رعاية الله ،،،

[ديدي]

لقاء ممتع جدااا فى اول ايام الشهر الكريم
مع شخصية رائعة الغالية ام احمد
ومحاورة مميزة فى اسلوبها الغالية بوكى بوكى
كل سنه وانتوا طيبين وبالف خير رمضان كريم
فى انتظار الضيف القادم ان شاء الله

[أبو منار]

اختي ريهام
اختي ام احمد
جزاكم الله خيرا وجعل الله شهر رمضان شهر عتق من النيران لنا ولكم ولجميع المسلمين يا رب

[عصام علم الدين]

الأخت الفاضله بوكي بوكي
سلام الله عليكم ورحمته وبركاته
وكل عام وإنت والأهل بكل خير وتقبل الله منا ومنك صالح الأعمال

دعيني أطلق على هذا اللقاء ـ لقاء العمالقه ـ فالضيف والمضيف
أي بوكي بوكي
والأخت الرائعه خلقاً وثقافه أم أحمد
هن علامتان بارزتان في هذا المنتدى الجميل أبناء مصر
بل على مستوى المنتديات المنتشره فوق الشبكه العنكبوتيه
ولذلك كانت درجة إستمتاعي بهذا اللقاء بالفعل كبيره
وأسعدني كثيراً أن أقرأ إجابات الأخت أم أحمد والتي أدركت من خلالها
ليس فقط صحة رأيي فيها كأخت فاضله وغاليه ولكن أيضاً أدركت أنها ذات نشاط
إجتماعي ملحوظ في هولندا مما يشير أيضاً إلى حرصها الشديد على خدمة الإسلام وأهله
أينما كانت فبارك الله فيك أختي الفاضله أم أحمد وجزاك خير الجزاء على جهدك الدائم والدؤوب
من أجل خدمة هذه الأمه العظيمه
وشكراً للأخت بوكي بوكي أن جعلتك أول ضيوف مائدة رمضان
وسؤالي إليك أختي أم أحمد ولكن أرجو الإجابه دون مجامله
هل أعجبتك قائمة طعام مائدة إفطار رمضان؟
أو بمعنى آخر : هل الأخت بوكي بوكي طاهيه جيده أم أن طعامها لم يروقك؟ وأرجو ألا يكون سؤالي فيه حرج لك
وكل عام وأنتم جميعاً بكل خير

أخوكم
عصام علم الدين

[ليلة عشق]

الأخت الغالية بوكي بوكي

كل سنة وأنتِ طيبة ....
مع أول دعواتك الطيبة علي الأفطار .....
مع أختي الغالية والصديقة العزيزة أم أحمد .....
قدمتي لنا الصدق والأخلاص والكرم والرقي لأخت يعلم الله مدي اعتزازي بصداقتها .....
أم أحمد من أول الصديقات التي تعرفت عليهم من خلال منتدانا الجميل ....
بهرتني بسمو أخلاقها ، وطيب صداقتها .....
بل أنني عندما كنت في حاجة للكلام في موضوع خاص بي لم أجد بجانبي سواها ....
كم كانت رقتها وهي تتحاور معي بالرغم من الحدود والمسافات التي تفصلنا .....
فهي أنسانة تحمل بين جوارحها قلبا طاهرا حنونا عطوفا الي أقصي مدي ....
تقدر وتحترم الجميع وتحافظ علي مشاعرهم .....
أحمد الله علي صداقتي بها بل واتمسك بها واعتز بها كل الاعتزاز ...
حماها الله وحفظ لها أحمد وأدام عليها حب الناس لها ....
كما أحمد الله أيضا علي صداقتي بك أنتِ أيضا أيتها الغالية بوكي بوكي ....
أدام الله علينا نعمة المحبه في الله .....
وحفظ الله لنا منتدانا الجميل الذي يجمع بين كل ماهو راقي وعظيم ....
لكما مني خالص الحب والود والتقدير والاحترام ....

تحياتي
ليلة عشق

[osha]

شكرا لك يا ريهام على اتاحة الفرصة لنا جميعا للتعرف أكثر على الحبيبة اسماء
حقيقي انا من خلال ردودها حسيت اني عرفتها اكثر ودا اسعدني جدا جدا
اصلا انا سعيدة بمعرفتها وسعدت اكتر بعد ما قريت الموضوع دا
أم أحمد
ربنا يديم علينا المحبة والصداقة
وربنا يخلي لك احمد وتفرحي بيه
وكل سنة والجميع بخير

[nour2005]

اختي الغالية ريهام
الف شكر على الموضوع المميّز
واللقاء الاروع الذي عرّفنا اكثر بشخصية جميلة
اعتزّ بصداقتها واعتبرها اخت لي
وفّقك الله ريهام ,جزاك خيرا
وكل عام وانت بخير

[أم أحمد]

اشكركم جميعا علي مروركم الجميل

رمضان كريم عليكم جميعا

ادعو الله ان تكونوا جميعا بخير

اعتذر عن عدم الرد الان عليكم لانتقالي من منزلي إلى منزل جديد وعدم توفر النت حاليا


بستخدم الان جهاز من مكان اخر مع عدم توفر عربى فيه ولكم ان تتخيلوا مقدار المعاناه في الكتابه من الكيبورد الملحقه بالرد السريع :'( والله انا دخلت مخصوص عشانكم
صعب اوي اتأخر في الرد عليكم و يعلم الله مقدار معزتكم في قلبى ولكن الوضع فعلا صعب بدون نت بالمنزل


مع وعد بالرد سريعا فور توفر النت



اراكم علي كل خير يا رب

وكل عام و انتم جميعا بخير


:f: :f: :f:

[فاضــل]

عندما يجتمع حسن الضيافة مع كرم الضيف مع تميز المضيف في الزمن الفضيل فيكون هذا اللقاء

كل عام وأنتم جميعا بكل خير

و أعاد الله عليكم الشهر الكريم اعواما عديدة و ازمنة مديدة

[بنت شهريار]

رائع رائع رائع بوكى بوكى
ماشاء الله عليكى دايما موضوعاتك مميزة وشيقه
واختيار اكثر من رائع لضيوفك
مع اول ايام رمضان الكريم تختارى اخت وصديقه غاليه علينا كلنا
حوار ممتع وشيق بينكم اسعدنا جميعا
واسعدنا معرفه ام احمد اكثر عن قرب
شكرا لكى اختى الغاليه بوكى
فى انتظار ضيفك التالى
وشكرا لوجودك ضيفه غاليه علينا كلنا ام احمد
وبنقولك وحشتيناااااااااا
كل سنه وانتم طيبين
ورمضان كريم

[نوسة]

الغاليتن الى قلبى

بوكى وام احمد

لقاء اكثر من رائع تعرفت فية على جانب جميل من شخصية ام احمد

منتظرين القاءات الاخرى

كل عام وانتم بخير

تحياتى لكم

[khaled4]

كل سنه و انتى طيبه يا ريهام بجد موضوع جميل و بجد ام احمد انا بعتبرها نبض قلب المنتدى ربنا يبارك لنا فيكو و كل سنه و انتى طيبه يا ام احمد و ربنا يبارك لك فى احمد و يوفقك فى حياتك الاسريه و العمليه و العلميه

[ميمو المصرى]

أختى الغالية بوكى
موضوع ممتاز جدا جدا
أحب انى أحييكى عليه طبعا
وأحب اشكر اختى ام احمد لانها اتعاملت مع الموضوع بشكل ممتاز جدا عرفنا على جوانب مختلفه من عاداتها
فى رعايه الله

[بسمة أمل]

بسم الله الرحمن الرحيم
لقاء جميل جدا يا بوكى
وشكرا جدا يا ام احمد على الفرصة الرائعة للتقرب منك فى هذا الشهر الكريم
وربنا يعيده عليكى دائما بالصحة والتقوى والايمان
*8*

[أمة الله]

بسم الله الرحمن الرحيم
السلام عليكم و رحمة الله و بركاته

طبعا متشكرين لك جدا على استضافتك لشخصية جميلة جدا زى ام احمد
يارب دايما تمتعينا و تتفوقى

أم احمد كنت ضيفه اكثر من رائعة و مسليه بس عايزه اعرف ازاى الفطار ما بياخدش معاك وقت غششينى الله يسعدك

كل سنة و انتوا طيبين يا رب و سعداء بطاعة الرحمن

[emerald]

السلام عليكم

شكرا لك يا ريهام , على هذا اللقاء والفرصة الجميلة .. :h:

كل عام وانت بخير يا ام احمد ..

كلامك بجد قربني لك اكثر .. جمعنا الله جميعا في الفردوس الأعلى يا رب.
:f:

[أحمد ناصر]

إستمتعت جدا بالحوار الذى أدارته بوكى برشاقة
والذى جاوبت فيه أم أحمد عن الأسئلة بتلقائيتها المعهودة
ربنا يخليكم لبعض ويبعد عنكم شر العين يا جماعة
كل سنة وإنت طيبة يا أم أحمد
وعندى سؤال مهم جدا جدا
ياترى كيلو السمنة الهولندى فى هولندا بكام؟ *109*
كل سنة وإنتم طيبين
ورمضان كريم

[Amira]

دائما ما أمتعتنا لقائتكم الجميلة التي تجرونها مع الآخرين
لكن الممتع و الأجمل في هذا اللقاء انه جمعكم أنتم الأثنتان فقط :f2:
أم أحمد و ريهام أدام الله عليكم علاقتكم الطيبة ببعض و وفقكم لما فيه الخير و يحبه و يرضاه :f:
دمتم بخير أخواتي الحبيبات :f2:
و رمضان كريم

[أم أحمد]

السلام عليكم ورحمة الله وبركاته

اخوتي واخواني الغاليين جداا علي قلبي
والله لم اتمالك دموعي عند قراءة مشاعركم الجميلة وردودكم الغالية جداا علي قلبي
فهنا شعرت حقيقي بمعني المحبة في الله خالصة لوجه الله

فاغلبنا لم نلتقي ببعض ولكن مع ذلك تربطنا مشاعر اخوة جميلة
ادعو الله ان يحفظها لنا وان نظل جميعا بمثل هذه الروح

لكم تمنيت ان يكون هذا اللقاء لقاءا حقيقي حتي استمتع برؤية جميع الاخوة الذين اعتز باخوتهم جداا وان شاء الله ربنا يجمعنا في الفردوس الاعلي ويظلنا بعرشه يوم لا ظل الا ظله

والان بقي بعد رجوع النت سوف ارد عليكم جميعا
مع طلب صغير اوي منكم بان تسامحوني علي تاخيري في الرد عليكم للظروف التي اوضحتها في ردي السابق
لكم مني جميعا كل التحية والتقدير
ودمتم دائما جميعا اخوة واخوات اعتز باخوتهم
:f:

[أم أحمد]

الاخت بوكي بوكي شكرا علي موضوعك الجميل و شكرا لانك اخترتي في اول لقاء اخت فاضلة عزيزة علينا جميعا و قريبة الي قلوبنا و هي الفاضلة ام احمد
الاخت ام احمد شكرا لك اجابتك الرشيقة البسيطة البعيدة عن التكلف
دمتما بالف خير
و كل عام وانتما بخير

اخي الفاضل معتز
وغرة الردود ونشاطك الجميل الذي تعودناه منك دائما من اول يوم لك في المنتدي
اكتسبت احترام الجميع ودخلت قلوب الكل واستحققت عن جدارة ان تكون اخا نعتز جميعا بوجوده معنا في اسرتنا الجميلة اسرة ابناء مصر
اشكرك علي كلماتك الطيبة ودمت دائما بكل الخير
لك مني كل التحية والتقدير
:f: :f:

[أم أحمد]

تسلم ايدك يا بوكى ع الموضوع الحلو ده

وتسلم ايد ام احمد ع الردود وربنا يارب يجعل اعمالها كلها فى ميزان حسناتها ويجازيها خير يارب

وكل سنة وانتم طيبين وفى انتظار ضيفك القادم يا بوكى

حبيبة قلبي ميرااا
وحشاني بجد اوي :h:

كل سنة وانتي بكل الخير
كل سنة وانت بروعتك وطيبتك الجميلة
يا رب يتقبل منا جميعا صالح الاعمال
لك مني خالص مودتي
:f: :f:

[أم أحمد]

اشكرك اختى العزيزة ريهام على الحوار الجميل و الرشيق مع اختنا ام احمد
حقيقة من ارقى و امتع الحوارات التى استمتعت بها فى المنتدى وادعو الله ان يديم الاخوة بينكما
اختى العزيزة ام احمد
جميل ان نسمع منك و نشاهد بعينك فانت تتمتعين بقلب طيب و روح رقيقة الى حد كبير فشعرنا بكلماتك تتخلل مشاعرنا نحسها لا نقراها
بارك الله فيكى و تقيل منك صالح الاعمال
كل عام والكل بخير و سعاده باذن الله

بجد كلامك المنمق والجميل اخي طارق اعجزني عن الرد
فانت بحق اخ اعتز باخوته جدا وان كانت كلماتي شعرت بها ولم تقراها فهذا يرجع لشاعريتك الجميلة واحساسيك المرهفة

استمتع جدا بكل ما تكتبه لنا من اشعار جميلة
وبكل مواضيعك الجميلة في المنتدي
جزاك الله كل الخير علي طيب اخلاقك
وبارك الله لك في اسرتك الجميلة ابو زياد
لك مني كل التحية والتقدير
:f: :f:

[محمود زايد]

حوار جميل مع شخصيه جميله ومحترمه مثل الاخت العزيزة ام احمد
الف شكر ياريهام على الحوار الجميل
وكل عام وانتم بخير
رمضان كريم

[أم أحمد]

بوكى شكرا على الموضوع والضيف الرائع
وفكرة جميلة واكيد حنتعرف على شخصيات عن قرب ..
تحياتى بيدوووووووووو

كل الشكر لك بيدو علي مرورك الجميل
وكل عام وانت واسرتك بكل خير يا رب
لك مني خالص تقديري
:f: :f:

[أم أحمد]

اللقاء فعلا ممتع جدا جدا يا ريهام

والشخصية اختياراها رائع
ام احمد انسانة جميلة وقريبة من قلوبنا جميعا
اهلا بيكى يا ام احمد معانا فى اول ايام رمضان

ربنا يكرمك يارب ويباركلك فى احمد ربنا يحميه

كل سنة وانتم طيبين
والف شكر على اللقاء الرائع يا ريهام تسلم الأيادى
الغالية علي قلبي جداا ام يوسف
وحشاني بجد اوووي
انتي اللي انسانة اكثر من رائعة دخلتي قلبي سريعا بدون اي استئذان
ربنا يكرمك يا رب علي كلامك الجميل
ويفرحك باولادك كده ان شاء الله
وكل عام وانتي واسرتك الجميلة بكل خير
مودتي لك دائما

[أم أحمد]

أم أحمد الغالية ..
أعانك الله على الذكر و الصلاة و العبادة ..
و جعل الله شهر رمضان شاهداً لكِ ..
بارك الله فيك .. وفقتِ إلى طاعة الله .
و كل عام و أنت يا حبيبتي بكل الخير..

بوكي ..
متشكرة جدا جدا على اختيارك الجميل..
و كل سنة و انت يا رب طيبة ..

:f2:

الغالية انفال
جزاكِ الله كل الخير علي دعائك الجميل
اللهم تقبل منا جميعا صالح الاعمال
ادعيلي الله يكرمك يا انفال الايام دي كتير اوي
ان ربنا ييسرها لنا ويهونها علينا جميعا
وكل عام وانت طيبة وفي احسن حال يا رب
لك دوما مني خالص مودتي
:f: :f:

[ولاء نور الدين]

لقـاء اكتر من رائع مع شخصية اكتر من رائعة ..
تسلمي يا بوكي على اتاحة الفرصة الجميلة دي اوي لينا ..
ام احمد دايما معانا بروحها وشخصيتها الجميلة .. يارب يخليلها احمد الغالي وتشوفه احسن ما بتتمنى ..
كل رمضان وانتم بخير دايما يارب
:f:

[أم أحمد]

لقاء جميل فعلا جعلنا نقترب اكثر ما اناس نعرفهم عن بعد

ولكن هذا اللقاء سوف يقربنا من اخوه واخوات كثيرآ جدآ

اشكرك اخت بوكى صاحبه الفكره كما اتوجه بالشكر للضيفه العزيزه الاخت ام احمد

كل عام وانتم جميعا بخير وكان الله فى عونكم لرفع مستوى المنتدى اكثر واكثر

بالتوفيق والنجاح ان شاء الله

بل الشكر لك انت اخي الفاضل جيمي علي مشاركاتك الجميلة
وتفاعلك الجميل وردودك الطيبة للجميع
كل عام وانت واسرتك الكريمة بكل خير
وتقبل الله منا ومنك صالح الاعمال
لك مني كل التحية والتقدير
:f: :f:

[أم أحمد]

لقاء جميل ومميز مع عضوه اعتبرها اخت بالفعل

كل عام وانتم بخير ورمضان كريم
اخي الفاضل عمرو
اسعدني مرورك الجميل
كل عام وانت واسرتك الكريمة بكل الخير
تقبل الله منا ومنكم صالح الاعمال
تقديري
:f: :f:

[أم أحمد]

السلام عليكم و رحمة الله و بركاته

كل سنة و انتم جميعاً طيبين وبخير و الف شكر علي ردودكم الجميلة

معلش هي بس أم أحمد فيه مشكلة في النت عندها و قريب هتكون معانا

أختي الغالية جداً سمسمة بجد كلامك و الله مش بقيت عارفة أرد اقول ايه عليه

انت اكتر من اخت فعلاً و هذا شعرت به أكثر عندما قابلتك فلم أشعر حينها أن أي شئ

اختلف عن هنا بل شعرت اني اعرفك من زمن:love: ادام الله علينا نعمة الحب فيه

فللحياة طعم حين تعيشها لله و لها طعمان حين تعيشها لله مع أحباب في الله

دمتم جميعاً بكل خير

في رعاية الله ،،،

طيب بالله عليكي يا ريهام ارد ااقول ايه
ربنا يجمعنا دائما علي كل خير
دمتي لي دائما اخت اعتز بها :h:
ربنا يرزقك الخير كله والسعادة في الدارين
:f: :f:

[أم أحمد]

لقاء ممتع جدااا فى اول ايام الشهر الكريم
مع شخصية رائعة الغالية ام احمد
ومحاورة مميزة فى اسلوبها الغالية بوكى بوكى
كل سنه وانتوا طيبين وبالف خير رمضان كريم
فى انتظار الضيف القادم ان شاء الله
اهلا بعروستنا الجميلة
منورة يا قمري اوي
ووحشاني جداا
كل رمضان وانتي بالف خير يا رب
لك مني خالص مودتي دائما
:f: :f:

[أم أحمد]

اختي ريهام
اختي ام احمد
جزاكم الله خيرا وجعل الله شهر رمضان شهر عتق من النيران لنا ولكم ولجميع المسلمين يا رب
جزانا الله واياكم كل الخير
تقبل الله منا ومنكم صالح الاعمال
:f:

[أم أحمد]

الأخت الفاضله بوكي بوكي
سلام الله عليكم ورحمته وبركاته
وكل عام وإنت والأهل بكل خير وتقبل الله منا ومنك صالح الأعمال

دعيني أطلق على هذا اللقاء ـ لقاء العمالقه ـ فالضيف والمضيف
أي بوكي بوكي
والأخت الرائعه خلقاً وثقافه أم أحمد
هن علامتان بارزتان في هذا المنتدى الجميل أبناء مصر
بل على مستوى المنتديات المنتشره فوق الشبكه العنكبوتيه
ولذلك كانت درجة إستمتاعي بهذا اللقاء بالفعل كبيره
وأسعدني كثيراً أن أقرأ إجابات الأخت أم أحمد والتي أدركت من خلالها
ليس فقط صحة رأيي فيها كأخت فاضله وغاليه ولكن أيضاً أدركت أنها ذات نشاط
إجتماعي ملحوظ في هولندا مما يشير أيضاً إلى حرصها الشديد على خدمة الإسلام وأهله
أينما كانت فبارك الله فيك أختي الفاضله أم أحمد وجزاك خير الجزاء على جهدك الدائم والدؤوب
من أجل خدمة هذه الأمه العظيمه
وشكراً للأخت بوكي بوكي أن جعلتك أول ضيوف مائدة رمضان
وسؤالي إليك أختي أم أحمد ولكن أرجو الإجابه دون مجامله
هل أعجبتك قائمة طعام مائدة إفطار رمضان؟
أو بمعنى آخر : هل الأخت بوكي بوكي طاهيه جيده أم أن طعامها لم يروقك؟ وأرجو ألا يكون سؤالي فيه حرج لك
وكل عام وأنتم جميعاً بكل خير

أخوكم
عصام علم الدين

وعليكم السلام ورحمة الله وبركاته
اخي الفاضل الطيب الكريم عصام علم الدين
اشكرك جدااا علي كلامك الطيب في حقي
من الصبح بحاول اعمل رد علي مداخلتك بس تعجزني الكلمات
فكلامك كتير جداا علينا وخصوصا لقاء العمالقة دي هههههه
انا فرحانة جداا بهذا اللقاء لاني قرنبي اكثر من اعضاء كنت اتمني اني اكون قريبة منهم
حقيقي فخر لي ان يكون لي اخوة مثل حضرتك واحمد الله ان جمعني بمثل قلوبكم الجميلة النقية من خلال هذا المنتدي الجميل

اما بقي بخصوص سؤالك
فطبعا بوكي طباخة ماهرة جدااا
صحيح انا لسه ما دوقتش اي اكل بس متاكدة عشان هي صديقتي الغالية عليه يبقي اكيد بتعرف تطبخ كويس ما اهو معلش اصل انا مش هاصاحب اي حد يعني لازم اتاكد انه بريمو في كل شئ ههههههههههه

اخي العزيز عصام
اسعدني بجد مرورك جدا ومشاركاتك معنا في هذا اللقاء
دمت دائما بكل الخير
:f: :f:

[أم أحمد]

الأخت الغالية بوكي بوكي

كل سنة وأنتِ طيبة ....
مع أول دعواتك الطيبة علي الأفطار .....
مع أختي الغالية والصديقة العزيزة أم أحمد .....
قدمتي لنا الصدق والأخلاص والكرم والرقي لأخت يعلم الله مدي اعتزازي بصداقتها .....
أم أحمد من أول الصديقات التي تعرفت عليهم من خلال منتدانا الجميل ....
بهرتني بسمو أخلاقها ، وطيب صداقتها .....
بل أنني عندما كنت في حاجة للكلام في موضوع خاص بي لم أجد بجانبي سواها ....
كم كانت رقتها وهي تتحاور معي بالرغم من الحدود والمسافات التي تفصلنا .....
فهي أنسانة تحمل بين جوارحها قلبا طاهرا حنونا عطوفا الي أقصي مدي ....
تقدر وتحترم الجميع وتحافظ علي مشاعرهم .....
أحمد الله علي صداقتي بها بل واتمسك بها واعتز بها كل الاعتزاز ...
حماها الله وحفظ لها أحمد وأدام عليها حب الناس لها ....
كما أحمد الله أيضا علي صداقتي بك أنتِ أيضا أيتها الغالية بوكي بوكي ....
أدام الله علينا نعمة المحبه في الله .....
وحفظ الله لنا منتدانا الجميل الذي يجمع بين كل ماهو راقي وعظيم ....
لكما مني خالص الحب والود والتقدير والاحترام ....

تحياتي
ليلة عشق

طيب بالله عليكم ارد ازاي
اهي دي تاني مشاركة يا ليلة مش عارفة ارد عليها
وكل ما اجي اهرب من الرد عليها ما اعرفش
صديقتي الغالية واختي العزيزة
كلماتك وسام علي صدري ساحتفظ بها في قلبي دائما
ما اجمل ان يرزقني الله باخت عزيزة وصديقة غالية مثلك
سبحان الله اللي بيجمع وبيؤلف القلوب حتي بدون ان نري بعض من قبل
ولكنه الله وحده الذي جمع بيننا فيا رب يديم بيننا كل هذه المحبة
ويجمعنا دائما علي كل خير
ولا يفرق بيننا ابدااا
صديقتي الغالية دمتي لي دوما بكل الخير
:f: :f:

[أم أحمد]

شكرا لك يا ريهام على اتاحة الفرصة لنا جميعا للتعرف أكثر على الحبيبة اسماء
حقيقي انا من خلال ردودها حسيت اني عرفتها اكثر ودا اسعدني جدا جدا
اصلا انا سعيدة بمعرفتها وسعدت اكتر بعد ما قريت الموضوع دا
أم أحمد
ربنا يديم علينا المحبة والصداقة
وربنا يخلي لك احمد وتفرحي بيه
وكل سنة والجميع بخير
حبيبتي الغالية جدااا اوشا
هو كل ده ما كنتيش لسه عرفتيني امال زواوي ايه بس ههههههه
لا بجد كده ازعل منك بقي ههههههههه
ربنا يديم بينا المحبة دائما يا اوشا
ونفسي بجد بقي اشوفك عشان اتاكد انك قريني بجد بقي هههه
شوفيلك حل بقي
والله انا اللي سعيدة اكتر بمعرفتي بيك يا رشا
وربنا وحده يعلم مقدار معزتك في قلبي
ربنا يحفظلك اولادك يا رب واسرتك الجميلة
ويديم بنا كل المحبة
لكي مني كل محبتي

:f: :f: :f:

[أم أحمد]

اختي الغالية ريهام
الف شكر على الموضوع المميّز
واللقاء الاروع الذي عرّفنا اكثر بشخصية جميلة
اعتزّ بصداقتها واعتبرها اخت لي
وفّقك الله ريهام ,جزاك خيرا
وكل عام وانت بخير
نور الغالية
كل الشكر لمروك الجميل الهادئ زي النسمة
ربنا يعلم مقدار معزتك في قلبي
انتي فعلا صديقة غالية عليه جداا
ربنا يجمعنا دائما علي كل خير
لك مني خالص مودتي
:f: :f:

[أم أحمد]

عندما يجتمع حسن الضيافة مع كرم الضيف مع تميز المضيف في الزمن الفضيل فيكون هذا اللقاء

كل عام وأنتم جميعا بكل خير

و أعاد الله عليكم الشهر الكريم اعواما عديدة و ازمنة مديدة
وعندما يكون الرد بمثل هذا الجمال والروعة
يعجز اللسان عن الرد
ويظل صامتا في محراب هذا الجمال وهذه الروعة
اخي العزيز فاضل
كل عام وانت واسرتك الكريمة بكل الخير
:f: :f:

[أم أحمد]

رائع رائع رائع بوكى بوكى
ماشاء الله عليكى دايما موضوعاتك مميزة وشيقه
واختيار اكثر من رائع لضيوفك
مع اول ايام رمضان الكريم تختارى اخت وصديقه غاليه علينا كلنا
حوار ممتع وشيق بينكم اسعدنا جميعا
واسعدنا معرفه ام احمد اكثر عن قرب
شكرا لكى اختى الغاليه بوكى
فى انتظار ضيفك التالى
وشكرا لوجودك ضيفه غاليه علينا كلنا ام احمد
وبنقولك وحشتيناااااااااا
كل سنه وانتم طيبين
ورمضان كريم
بنت شهريار الغالية جداا
انتي اللي وحشتيني بجد اوي
بس معلش ظروف وتعدي بسرعة ان شاء الله
واكون معاكم تاني زي الاول
ربنا يبارك فيكي يا رب
ويجمعنا دائما علي كل خير
لك مني خالص مودتي
:f2:

[أم أحمد]

الغاليتن الى قلبى

بوكى وام احمد

لقاء اكثر من رائع تعرفت فية على جانب جميل من شخصية ام احمد

منتظرين القاءات الاخرى

كل عام وانتم بخير

تحياتى لكم

الغالية جدااا نوسة
نورتيني يا قمر اوي
والاجمل هو وجودك معنا في مائدة الافطار
كل عام وانت واسرتك بكل خير يا رب
مودتي
:f: :f:

[أم أحمد]

كل سنه و انتى طيبه يا ريهام بجد موضوع جميل و بجد ام احمد انا بعتبرها نبض قلب المنتدى ربنا يبارك لنا فيكو و كل سنه و انتى طيبه يا ام احمد و ربنا يبارك لك فى احمد و يوفقك فى حياتك الاسريه و العمليه و العلميه
خالد
كل سنة وانت بكل الخير
ربنا يتقبل منا ومنكم صالح الاعمال
لك مني كل التحية والتقدير

[أم أحمد]

أختى الغالية بوكى
موضوع ممتاز جدا جدا
أحب انى أحييكى عليه طبعا
وأحب اشكر اختى ام احمد لانها اتعاملت مع الموضوع بشكل ممتاز جدا عرفنا على جوانب مختلفه من عاداتها
فى رعايه الله

ميمو المصري
بل الشكر لك لوجودك هنا معنا
كل عام وانت بكل الخير
تقبل الله منا ومنك صالح الاعمال

[dodoo_oo]

مرسي رورو على اللقاء الممتع مع سيدتى الجميلة ام احمد

بس عندى استفسار صغير يا ام حامد!!!!!!!!!!!!!
انتى بتقولى بعمل عزومة ل 150 فرد ازااااااااااااااااااااااااى؟؟؟؟؟؟؟؟؟؟؟:eek:

انا لما بنكون عاملين عزومة ل 20 فرد بس وبكون مجرد مساعدة فى البيت يعنى
بنام يومين بعديها اساسا
ازاى انتى بتقدر تعملى عزومة ل 150 فرد قوليلى بلييييييييييييييييييييييييييييييز:'(

اسعدنى جدا الحوار الممتع معكى
وتشرفت بالتعرف عليكى

[سابرينا]

كل عام وانتم بخير
دائما اختياراتك موفقه ياريهام
وفعلا تجعلينا نقترب اكثر من شخصيات رائعه
تحياتى لك يا ام احمد على الردود المتواضعه
بس قوللى بيتك الجديد حلو اكيد ذوقك يجنن

[أم أحمد]

بسم الله الرحمن الرحيم
لقاء جميل جدا يا بوكى
وشكرا جدا يا ام احمد على الفرصة الرائعة للتقرب منك فى هذا الشهر الكريم
وربنا يعيده عليكى دائما بالصحة والتقوى والايمان
*8*


بسمة الغالية
وحشاني جدااا
كل سنة وانتي بكل الخير دائما
انا اللي سعيدة اكتر لوجودك معايا
وكنت اتمني ان اللقاء يبقي حقيقي عشان اشوفك
ادعو الله ان يتقبل منا ومنكم صالح الاعمال
:f2:

[أم أحمد]

بسم الله الرحمن الرحيم
السلام عليكم و رحمة الله و بركاته

طبعا متشكرين لك جدا على استضافتك لشخصية جميلة جدا زى ام احمد
يارب دايما تمتعينا و تتفوقى

أم احمد كنت ضيفه اكثر من رائعة و مسليه بس عايزه اعرف ازاى الفطار ما بياخدش معاك وقت غششينى الله يسعدك

كل سنة و انتوا طيبين يا رب و سعداء بطاعة الرحمن
وعليكم السلام ورحمة الله وبركاته
اهلا باختي الحبيبة ام نهال
بشكرك جداا علي وجودك
بس ايه حكاية رائعة ومسلية دي هههههههه
وبعدين انتي جاية تغشي الفطار اللي مش بياخد وقت ولا جاية تقعدي معايا شوية هنا
مش هاقولك علي السر غير لما تنوريني بجد :good:
كل عام وانت واسرتك الجميلة في طاعة الرحمن
تقبل الله منكم صالح الاعمال
:f2:

[أم أحمد]

السلام عليكم

شكرا لك يا ريهام , على هذا اللقاء والفرصة الجميلة .. :h:

كل عام وانت بخير يا ام احمد ..

كلامك بجد قربني لك اكثر .. جمعنا الله جميعا في الفردوس الأعلى يا رب.
:f:

الغالية emerald
سعيدة جداا بوجودك معايا
وسعيدة اكثر ان الموضوع قربك مني اكثر
تقبل الله مني ومنك صالح الاعمال
وتقبل صلاتنا وقيامنا
كل عام وانت بكل خير
مودتي
:f2:

[أم أحمد]

إستمتعت جدا بالحوار الذى أدارته بوكى برشاقة
والذى جاوبت فيه أم أحمد عن الأسئلة بتلقائيتها المعهودة
ربنا يخليكم لبعض ويبعد عنكم شر العين يا جماعة
كل سنة وإنت طيبة يا أم أحمد
وعندى سؤال مهم جدا جدا
ياترى كيلو السمنة الهولندى فى هولندا بكام؟ *109*
كل سنة وإنتم طيبين
ورمضان كريم


اخي العزيز احمد
كل الشكر علي وجودك الجميل بالموضوع
وادعي لنا كتير الله يكرمك
كل سنةوانت بكل خير انت واسرتك الجميلة
اشتريت فانوس لبني ولا لسه هههههه

بالنسبة لسؤالك
ولا اعرف اذا كان في سمن هولندي اصلا هههههه
كل اللي بلاقيه هو الزبدة
ادعو الله ان يتقبل منا ومنكم صالح الاعمال
وان يجعل كل حياتك في رضا من الله عز وجل

[أم أحمد]

دائما ما أمتعتنا لقائتكم الجميلة التي تجرونها مع الآخرين
لكن الممتع و الأجمل في هذا اللقاء انه جمعكم أنتم الأثنتان فقط :f2:
أم أحمد و ريهام أدام الله عليكم علاقتكم الطيبة ببعض و وفقكم لما فيه الخير و يحبه و يرضاه :f:
دمتم بخير أخواتي الحبيبات :f2:
و رمضان كريم
الاجمل والاروع هو وجودك هنا حبيبتي
اسعدني وجودك معي اميرة هنا
وسعدت اكثر عند رؤيتي لك في مصر
وان شاء الله تتكرر قريب اوي
دعواتك معايا
لك مني خالص مودتي
:f2:

[أم أحمد]

حوار جميل مع شخصيه جميله ومحترمه مثل الاخت العزيزة ام احمد
الف شكر ياريهام على الحوار الجميل
وكل عام وانتم بخير
رمضان كريم

كل الشكر لك محمود لوجودك هنا
تقبل الله منا ومنكم صالح الاعمال
وكل عام وانت بكل الخير
لك مني خالص تقديري
:f2:

[حنـــــان]

دايما لما أكلمك أو أقرا كلامك يا أم أحمد أحس بالهدوء والسكينة بيشعوا منك وبيدوني احساس جميل بالراحة.
استمتعت جدا بقراءة ردودك واستغربت لما لاقيت ردك على واحد من الأسئلة انك ممكن تنفعلي بسرعة! دانتي أكتر الناس اللي عرفتهم صبرا وناااادر أما أشوف منك انفعال أو غضب.

اجابتك بقى على السؤال الأولاني جوعتني :( اللهم اني صائمة :d

كل سنة وانتي طيبة يا أم أحمد وكل الشكر لبوكي على المجهود الرائع.
رمضان كريم.

[أم أحمد]

لقـاء اكتر من رائع مع شخصية اكتر من رائعة ..
تسلمي يا بوكي على اتاحة الفرصة الجميلة دي اوي لينا ..
ام احمد دايما معانا بروحها وشخصيتها الجميلة .. يارب يخليلها احمد الغالي وتشوفه احسن ما بتتمنى ..
كل رمضان وانتم بخير دايما يارب
:f:

اهلا اهلا بولاء الغالية
وجودك اسعدني جداا اختي الغالية ولاء
كل عام وانت بكل الخير
ربنا يتقبل منا ومنكم صالح الاعمال
ويجعلنا من عتقاء الشهر الكريم
لك دوما خالص مودتي
:f2:

[أم أحمد]

مرسي رورو على اللقاء الممتع مع سيدتى الجميلة ام احمد

بس عندى استفسار صغير يا ام حامد!!!!!!!!!!!!!
انتى بتقولى بعمل عزومة ل 150 فرد ازااااااااااااااااااااااااى؟؟؟؟؟؟؟؟؟؟؟:eek:

انا لما بنكون عاملين عزومة ل 20 فرد بس وبكون مجرد مساعدة فى البيت يعنى
بنام يومين بعديها اساسا
ازاى انتى بتقدر تعملى عزومة ل 150 فرد قوليلى بلييييييييييييييييييييييييييييييز:'(

اسعدنى جدا الحوار الممتع معكى
وتشرفت بالتعرف عليكى

دودو الجميلة الغالية
اللي منورة المنتدي جداا
ونشاطها زي العسل الايام دي
اسعدني وجودك هنا جدااا يا جميل

ااقولك بقي علي موضوع الافطار ده
بصي يا ست الكل اي حاجة بتعمليها وتبقي نيتك خالصة لله سبحانه وتعالي
ربنا بيبارك في كل حاجة في صحتك وفي وقتك وفي كل كل حاجة وبيقدرك علي عمل هذا الشئ علي خير وجه وبيطلع احلي من اي شئ تاني فتخيلي بقي انتي نيتك ايه افطار صائم يبقي اكيد ربنا سبحانه وتعالي هيبارك في كل حاجة
جربي كده تجددي نيتك عند كل عمل وشوفي ايه الاخبار وردي عليه

لك مني خالص مودتي وتقديري
:f2:

[a_leader]

انا جاى اسلم و اقول لاختنا الكريمة ام احمد كل سنة و انتى طيبة ,,

[أم أحمد]

كل عام وانتم بخير
دائما اختياراتك موفقه ياريهام
وفعلا تجعلينا نقترب اكثر من شخصيات رائعه
تحياتى لك يا ام احمد على الردود المتواضعه
بس قوللى بيتك الجديد حلو اكيد ذوقك يجنن

اهلا بيكي سابرينا
اسعدني وجودك الجميل جداا
الحمد لله البيت جميل
يا ريت تيجي بقي تشرفينا وتنوريني
كل عام وانت بكل الخير
تقبل الله منا ومنك صالح الاعمال

[أم أحمد]

دايما لما أكلمك أو أقرا كلامك يا أم أحمد أحس بالهدوء والسكينة بيشعوا منك وبيدوني احساس جميل بالراحة.
استمتعت جدا بقراءة ردودك واستغربت لما لاقيت ردك على واحد من الأسئلة انك ممكن تنفعلي بسرعة! دانتي أكتر الناس اللي عرفتهم صبرا وناااادر أما أشوف منك انفعال أو غضب.

اجابتك بقى على السؤال الأولاني جوعتني :( اللهم اني صائمة :d

كل سنة وانتي طيبة يا أم أحمد وكل الشكر لبوكي على المجهود الرائع.
رمضان كريم.


حنان وحشاااني جداا
الله يسامحه العزال اللي ملخبط وقتي ومش عارفة ااقابلك خالص

الله يكرمك يا حنان علي كلامك الجميل ده والاحساس ده بتحسيه عشان انتي قلبك طيب ونقي وجميل :h:

اما بقي بالنسبة لموضوع النرفزة ده
بصي يا ستي انا صحيح هادية لابعد الحدود وباستحمل جدااا وباصبر لاخر مدي بس احيانا يصدر موقف يخليكي تتنرفزي بسرعة جدا بيكون غصب عنك بقي صحيح المواقف دي قليلة بس بتحصل للاسف
والحمد لله انك ما شوفتيش الوش ده بقي ده من حظك معايا ههههههههههه


حنان انا بحبك اوي
بس خلاص كده
في حفظ الله وامنه

[أم أحمد]

انا جاى اسلم و اقول لاختنا الكريمة ام احمد كل سنة و انتى طيبة ,,

اهلا اهلا اهلا بيك اخي محمد
حمد الله علي سلامتك
طولت الغيبة علي المنتدي اوي
ان شاء الله مش تغيب عن المنتدي تاني بقي
اسعدني ان تكون عودتك في شهر رمضان :good:
واسعدني وجودك هنا جدااا
دمت دائما بكل الخير

[a_leader]

http://dream.ps/10/0adfa877a8.gif

اعاده الله عليكم و على الامة الاسلامية باليمن و البركات