سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : عربية لواحد غلبان

الغلبان
09-09-2006, 04:43 PM
ممكن حد يدلني على طريقة مكن واحد غلبان زي حالاتي يشتري بيها عربية مستعملة رخيصة وبنت حلال؟

صاحبنا الغلبان ده معاه حوالي 18000 ألف جنيه وهم دول كل اللي حيلته بس التحق أخيراً بوظيفة يمكن من خلالها يوفر ألف جنيه شهرياً. وظروفه العائلية مخلياه محتاج عربية بشكل عاجل وملح.

لو حب يشتري عربية على قد حاله بالفلوس اللي محوشها يشتري إيه وبكام ومنين؟

ولو فكر يقدم التحويشة اللي معاه كمقدم ويسدد الباقي تقسيط يعمل إيه ويشتري إيه ومنين برضه؟

يعني هل فيه مكان يقبل إنه يدفع ال18 ألف دول كمقدم والباقي تقسيط لمدة سنة ونصف مثلاً؟ يعني 18 ألف زيهم؟
م.محمد ذهني
09-09-2006, 05:45 PM
ممكن تشتري عريبة 127 أو 128 وهاتكون كويسة
الغلبان
09-09-2006, 06:52 PM
على فكرة ... مفيش مشكلة في نوع العربية ..

من الآخر ... الفلوس هي اللي هتحكم نوع العربية ... وكل ما الفلوس زادت كل ما العرض اتحسن ...

الفكرو كلها هي إنه بيحاول يوصل لأحسن عرض في حدود المتاح ... والمتاح هو 18 ألف جنيه حاضرين وقسط شهري ألف جنيه ...

إيه أفضل العروض الممكنة لما تم توضيحه؟

والشكر موصول للأخ tux ويارب ينول أمله.
أمير المصرى
09-09-2006, 09:52 PM
شوف يا باشا انا هاقول لك فى حدود معلوماتى بس تاكد ان اللى هاقولهولك معلومات مؤكدة

18 الف جنيه كاش يجيبوا حاجات زى الريتمو و ال 127 و ده لا انصح بيه لأنك هاتصرف عليها تصليح كتير

لو عايز تجيب بالتقسيط فالمتوافر هو السيارات الزيرو فقط و ليس المستعملة

18 الف مقدم مع قسط الف جنيه على خمس سنين تجيبلك هيونداى اكسنت 2006 الشكل القديم و نظام التقسيط ده هتلاقيه منتشر فى الجرائد اعلانات يومية .. فى الاخبار و الاهرام و خصوصا اخبار السبت و اهرام الجمعة

لكن لو عايز تقسط على سنة ونص يبقى مش هاينفع موضوع الالف جنيه ده لأن مش ممكن هتلاقى عربية زيرو سعرها اقل من 40 الف الا ال 128

العربيات الصينى الصغيرة سعرها حوالى 46 الف

بس ماتنساش الفوايد من 6-7 % سنويا

و ربنا يوفق
zizo_ya_zizo
10-09-2006, 12:11 AM
السلام عليكم اخى الغلبان
اخوتى فى المنتدى قامو بالرد على حضرتك وكلامهم كله جميل ال 18 الف جنيه ميجبوش حاجه دلوقتى زبرو فى العربيات
لكن حضرتك ممكن الاقساط بتبتدى من 9 الاف جنيه مثلا مقدم وتدفع من 550 الى 1700 جنيه تقسيط وده للسيارات مثلا زى الرينو ميجان تو او الميتسوبيشى مثلا الجديده
عن حضرتك مثلا دايو نوبيرا ممكن تدفع 7 الاف جنيه مقدم ول 900 جنيه كل شهر وعربيه كويسه و 1600 سى سى ممكن حضرتك تتابع انظمه التقسيط فى ملحق السيارات مثلا او الجرايد وان شاء الله تلاقى مرادك ولو حضرتك اخترت مثلا عربيه ممكن تيجى بردو تعرضها علينا وتاخد راينا مثلا فى الامكانيات فى المتناه وكده يعنى ده طبعا لو حبيت بس منصحش حضرتك بالعربيات الصينى خالص لان مشاكلها كتير جدا وكمان خفيفه جدا
ان شاء الله تجيب عربيه كويسه وتكون خير عليك وعلى الاسره كلها ان شاء الله
الغلبان
10-09-2006, 08:27 AM
:eek: يا لهوي ... 6 حضرتك في مشاركة واحدة .. ولمين؟؟؟ ... للغلبان؟!!!!

عمرها ما حصلت .. وتقريباً مش هتحصل تاني ....

إيه يا عم زيزو يا زيزو ... ليه كه؟!!
دانت خلتني أتكسف خالص ... آه والله
بجد بجد .. إنت راجل ذووووووووق، وربنا ما يحرمنا منك.

وطبعاً أمير باشا المصري له جزيل الشكر على ذوقه ... ومعلش إننا بدأنا الشكر بعمو زيزو علشان الأقدمية. :1:

الفكرة يا جماعة الخير هي إني (أكيد قفشتوني وعرفتم إني بادور على العربية لنفسي فمفيش داعي للملاوعة) مبفكرش في الزيرو وإلا كنت فكرت في تقسيط الزيروا طبعاً زي ما حضراتكم تفضلتم وقلتم.
لأني مش سواق قد كده، وطول عمري باخاف من السواقة، ولسه متعلمها على كبر بعد تردد طويييييييييل، فمش عايز أجيب زيرو إلا لما أتعلم السواقة كويس علشان مبهدلش الزيرو معايا.

يعني مفيش غير المستعمل ... وعلشان أنا عارف إن ال18 ألف سحتوت دول ميجيبوش حاجة عدلة فكرت في موضوع التقسيط ده، بحيث إني أجيب حاجة تسد معايا شوية وأسدد الباقي من خلال القسط.

علشان مكدبش عليكم، أنا ملقتش خالص حد يعمل معايا المشوار ده، فقلت أسأل خبراء السيارات يمكن يدلوني، لكن يظهر إن الغلابة في البلد دي مالهاش نصيب :'(
zizo_ya_zizo
10-09-2006, 10:19 AM
:eek: يا لهوي ... 6 حضرتك في مشاركة واحدة .. ولمين؟؟؟ ... للغلبان؟!!!!

عمرها ما حصلت .. وتقريباً مش هتحصل تاني ....

إيه يا عم زيزو يا زيزو ... ليه كه؟!!
دانت خلتني أتكسف خالص ... آه والله
بجد بجد .. إنت راجل ذووووووووق، وربنا ما يحرمنا منك.

وطبعاً أمير باشا المصري له جزيل الشكر على ذوقه ... ومعلش إننا بدأنا الشكر بعمو زيزو علشان الأقدمية. :1:

الفكرة يا جماعة الخير هي إني (أكيد قفشتوني وعرفتم إني بادور على العربية لنفسي فمفيش داعي للملاوعة) مبفكرش في الزيرو وإلا كنت فكرت في تقسيط الزيروا طبعاً زي ما حضراتكم تفضلتم وقلتم.
لأني مش سواق قد كده، وطول عمري باخاف من السواقة، ولسه متعلمها على كبر بعد تردد طويييييييييل، فمش عايز أجيب زيرو إلا لما أتعلم السواقة كويس علشان مبهدلش الزيرو معايا.

يعني مفيش غير المستعمل ... وعلشان أنا عارف إن ال18 ألف سحتوت دول ميجيبوش حاجة عدلة فكرت في موضوع التقسيط ده، بحيث إني أجيب حاجة تسد معايا شوية وأسدد الباقي من خلال القسط.

علشان مكدبش عليكم، أنا ملقتش خالص حد يعمل معايا المشوار ده، فقلت أسأل خبراء السيارات يمكن يدلوني، لكن يظهر إن الغلابة في البلد دي مالهاش نصيب :'(


ربنا يخليك يارب وميحرمناش من تواجدك ولا من ذووقك
بص حضرتك الاحسن تجيب زيرو بمعنى ان حضرتك تجيب عربيه مستعمله وتقسط كمان تمنها وغير كده تصرف عليها كمان صيانه وتصليح ؟ ولا تجيب عربيه زيرو وميبقاش وراك غير القسط بس ؟ ويكون كمان اسمها اول استعمال ومش محتاجه قعاد عن ميكانيكى والكلام ده غير بيكون فيه تامين على العربيه وغير كمن ضمانات التوكيل وفى كلا الحالات العربيه هتتبهدل ان كانت جديده او قديمه بمعنى الاستهلاك يعنى ولو جيت تبيعها هتفرق طبعا من انك بتبيع عربيه 2006 عن ماتبيع عربيه مثلا فى التسعينات وهيفرق فى تمنها والخساره كمان لو هتخسر فيها او المكسب بتاعها اهم شى المحافظه عليها

موضوع السواقه هات العربيه كويسه وحضرتك مش محتاج غير 4 او 5 ايام بالكتير ورجلك فى العربيه وهتسوق زى اى حد فى القاهره عادى او حتى ابقى انزل بيها بالليل ولا حاجه وقت مالشوارع تكون راقت وخلى رجليك عليها ديما

موضوع تقسيط المستعمل كمان مظنش انه بيكون موجود كتير علشان الى بيبيع بيكون عايز الفلوس كامله كاش بس حضرتك ممكن تنزل معارض السيارت الى بتبيع مستعمل ووتسال فيه بيدفعلك السعر كامل لصاحب العربيه الاصلى والمعرض هو الى بيقسطلك وبيضيف طبعا الفايده بتاعته ونسبته والكلام ده

شكرا على كلامك وزوقك وان شاء الله تجيب حاجه كويسه وتكون خير عليك وعلى البيت كله ان شاء الله
:f: :f:
الغلبان
10-09-2006, 02:40 PM
فكرك كده يعني؟!!

كل الناس قالو إنهم وهم بيتعلموا السواقة شلفطوا العربيات بتاعتهم ... فكرك إن أنا يعني اللي هابقى فرود فيهم؟!!
محمود زايد
10-09-2006, 06:19 PM
نصيحه ياباشا من مجرب قبل كده اشترى زيرو اواشترى عربيه مستعمله بحاله جيدة لكن من الموديلات الحديثه وابعد نهائى عن العربيات القديمه زى 128 و131 والكلام ده كله ولو حتى هتتعلم مش مهم المهم بعد كده لما تتعلم السواقه هتركب عربيه محترمه ومش هتتعبك نهائى بعكس العربيات القديمه
انا كنت بقول زيك كده اجيب عربيه قديمه اتعلم عليها احسن علشان ما ابهدلش الجديد كل ده كلام اونطه والواحد لو عنده عربيه محترمه وحالتها جيدة هيتعلم برضه ومش هيبهدلها اوعى تعمل زى اخوك جربت وندمت بعد كده لما اشتريت القديم
zizo_ya_zizo
10-09-2006, 10:12 PM
فكرك كده يعني؟!!

كل الناس قالو إنهم وهم بيتعلموا السواقة شلفطوا العربيات بتاعتهم ... فكرك إن أنا يعني اللي هابقى فرود فيهم؟!!
والله يا استاذ غلبان انا شايف موضوع العربيه المستعمله ده لوحده موال مافيش زى الزيرو بس علشان تجيب عربيه مستعمله وبعدين لما تتعلم تشترى جديد ياعالم ايه الى هيحصل بعد كده انا بقول تجيب جديد وحاجه نضيفه وكويسه وهتتعلم بردو فى كلا الحالات موضوع بوظان العربيه ابعد عن الكابوت واعمل الى عايزه مش مشكله المهم بكون معاك كويسه وفنفس الوقت مضيعش فوق الى هتدفعه فيها على ميكانيكى وهتلاقى انك بقيت بتدفع فوق الالف القسط فحرام
شكرا ياجميل :f:

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث