إحنا فعلا بنتعلم ليه؟.......ليست دعوه للأمية.

[horse]

كان حوارا أجريته مع مجموعه من أصدقائي .......بدأ الحوار بسؤال ألقيته علي مسامعهم :" حد يعرف يقوللي ياشباب احنا فعلا بنتعلم ليه؟"
غلفنا الصمت بضع لحظات.....أمارات الحيرة بدأت تظهر علي بعضهم ....وعلامات التفكير ظهرت علي آخرين .
قال أولهم:" أكيد احنا بنتعلم عشان نشتغل ، لأن من غير الشهادة الجامعيه مش هاتقدر تشتغل شغلانه كويسه"أجبته بسرعة : "ازاي واحنا نسبة البطاله بتزيد عندنا يوم ورا يوم، ازاي واحنا بنعاني من فائض في العماله زي ماالمسئولين بيقولوا وكأن العمال بقوا شوية فضلات ، ازاي يكون التعليم بيهيء لينا فرصة عمل واحنا بنشوف شبابنا معلقين شهادة الليسانس أو البكالوريوس في الصالون ودايرين علي الكورنيش بيبيعوا حرنكش وترمس؟"
عقد حاجبيه وكأنه يبحث في رأسه عن رد ثم قال:" بس ماتنكرش يامحمد إن التعليم علي الاقل بيعلمنا الشغلة أو الحرفة اللي بنحب نشتغها ،وحتي لو إن ظروف البلد مش مساعدانا اننا نشتغل بس علي الاقل ادينا بنخرج من الكليات واحنا بنعرف نعمل حاجة".
هززت رأسي وكأني أنفض غبار الفكرة عن رأسي: " كلامك يبقي صحيح لو كان الكليات بتدربنا علي أساس متطلبات سوق العمل، يعني لو الطالب بيخرج وهو متقن لمتطلبات المهنه اللي هايشتغلها ، لكن للاسف الطبيب عندنا بيخرج يموت بني ادميين لأنه ببساطة ماشفش في خلال دراسته نص الحالات اللي بيطلع يعالجها ، المهندس بيخرج من الكليه فيكتشف ان ببساطة" بليه" صبي الميكانيكي بيفهم عنه لأنه ببساطه برده اتعلم المهنه صح وعلي أصولها مش قعد يحفظ في شوية كتب من غير مايفهم ، حتي المدرس حاليا يفتقر لأبسط أساليب التربيه والتعامل مع الطلبه ولايحتوي قاموسه التربوي إلا علي عصايه وصباع طباشير".
تدخل صديق آخر في النقاش قائلا: " لحظة ياجماعة التعليم مش بس بيهييء لنا شغله لأ ، التعليم بيخلينا بشر ، بيخرجنا من الجهل والتخلف ويحط رجلنا علي طريق النور والتقدم ، وماتنساش يامحمد ان التعليم هو اللي بيخللي الانسان انسان، عشان كده سموا الوزارة -التربيه والتعليم-".
ابتسمت ابتسامه واسعه : " يبدوا انك بتقري جرايد كتير ، وشكلك متابع لحملة محو الاميه ، كلامك صح علي فكرة وأنا موافق عليه بس في مشكله .... هي انك مش بتلاقي مادة واحده في المواد التعليميه بتهتم فعلا بتقديم مواد تربويه علي درجة عاليه من الواقعيه والرقي، حتي مواد التربيه الدينيه اتلغت ، لأنها ببساطة وللأسف ماكنش لها دور وسط الطلبه ، الأستاذ اللي في الفصل اللي مفروض يكون انسان تربوي علي قدر المسئوليه بنلاقيه في -بعض الاحيان عشان مانظلمش حد -أسوء شخصيه ممكن أي طالب يقابلها في حياته ، لو كلامك صحيح ماكنش يبقي فيه دكاتره ومهندسين ومدرسين وأساتذة جامعه بيرتكبوا جرائم وبيعملوا مصايب مايعملهاش واحد أمي مع انهم المفروض يكون وصلوا لرأس هرم التعليم في بلدك" .
غلفنا الصمت مرة أخري قبل أن يقطعه صديق ثالث قائلا:" طب والثقافه يامحمد".
أجبته : " مالها الثقافه ؟" .
أردف قائلا : " مش هو التعليم اللي هايحط رجلك علي طريق الثقافه والمعرفه ، هو ايه الفرق بين انسان متعلم وغير متعلم؟، هو ان الانسان المتعلم يقدر يقري ويتابع كل جديد ويطور نفسه ، أما الغير متعلم فهو واقف محلك سر ، ازاي بقي هانقدر نعمل جيل محترم من غير مانتعلم".
عقدت ذراعي أمام صدري وتجولت في أنحاء الغرفة قبل أن أحرك أحدهما قائلا :" فاكر لما كنا صغيرين وكنا بنقري ان الاستاذ عباس العقاد اللي لحد دلوقتي بنتعب عشان نفهم أعماله لما نيجي نقراله ماكنش معاه غير ابتدائيه ، وبعدين استني .... ثقافة مين وانت شباب بلدك بيكرهوا في الدنيا حاجة اسمها كتب ؟.......ازاي نقدر نتكلم عن الثقافه ومعظم الطلبه بتقبل علي المذكرات والملزمات اللي بتريحها من انها تقعد تقري الكتاب المقرر وتدور علي المعلومة بنفسها ، شباب مين دا اللي هايطور نفسه والتعليم في بلدنا بيقتل فيك أي موهبه أو أي قدرات خاصة وبيحولك لآله جوفاء كل شغلتها تحفظ وبس حتي لو كان من غير فهم" .
غلفنا الصمت للمرة الثالثه قبل أن يقطعه صديقي الرابع الذي اكتفي طوال الوقت بالعبث في هاتفه الجوال وكأن الأمر برمته لا يعنيه ثم ألقي بهاتفه جانبا قائلا " بعد اذنك يامحمد شغل التلفزيون عشان الماتش هايبتدي ":good: .وأنا محتاج أسألكم ياجماعة أنتم أصحاب الرأي السديد والفكر القويم : احنا فعلا بنتعلم ليه ؟ ......والله ليست دعوة مني للأميه ولكنه سؤال.
فهل من مجيب؟

[horse]

كنت أتمني أجد إجابة عن سؤالي اللي محيرني هنا ، بس واضح ان السؤال صعب أ أو إن الموضوع مش مهم أصلا.
شكراااااااا

[عاشقةتراب الوطن]

لأ موضوعك مهم جدا يا هورس احنا بنتعلم لأني ربنا أمرنا بالعلم أمرنا بالمعرفة و إن كان أسلوب التعليم في تقصير شديد اليومين دول لكن ده مايلغيش فرضية التعليم لأني التعليم بيجيب البحث العلمي قبل الشغل أنا عارفة إني المشوار صعب جدا و محتاج وقت ومحتاج قبل كل ده عزيمة يتربى عليها العيل من الصغر وده دور الاب والأم لازم يفهموا الولد يعني غيه تعليم وإيه أهميته و إزاي إنه ربنا بيرفع بيه أمم و إنه هو طريقنا للثقافة لكن عليه العوض في تعليم بلدنا لكن مانفقدش الأمل في شبابنا وربنا ينقذنا بقى من الوحل ده
العلم يرفع بيوت لا عماد لها ..................

[horse]

جزاكي الله خيرا أختي الفاضلة علي مرورك الكريم.
كلامك جميل وصحيح ومايختلفش عليه اتنين.
بس أنا واحد من الناس اللي ماكنش في دماغه كل الكلام ده وهو في الثانوي العام مثلا، اللي هي المفروض أهم جزء في تقرير مستقبلنا ، يمكن لما دخلت الكليه فهمت ده واستوعبته .
وطبعا مش محتاج اقوللك ان في كتير قوي مايعرفش أي حاجة عن اللي حضرتك قولتيه دلوقتي ، غير انه ماشي في طريق مغصوب عليه اسمه التعليم.
الف شكر ليك وجزاك الله خيرا

[moura]

عارف يا (هورس) انا زمان من وانا صغيرة...ما كنتش بحب اروح المدرسة....وكنت تقريبا

كل يوم بعيط. قبل ما اروحها...كنت فاكرة انى لازم اروح المدرسة لمجرد انى لازم اروح....

ما حدش قاللى ليه لازم اروح المدرسة.....يمكن عشان فعلا ما حدش عارف ليه....

بس لما خلصت مرحلة المدرسة دى خالص......كنت بشترى روايات وكتب...كتب كتيرة..

وقلت لازم اعرف كل حاجة..عن كل حاجة.............وفكرت كتير واتاكدت انى مش ممكن

اقدر اعرف كل حاجة عن كل حاجة......ووقتها بس عرفت انا ليه كنت بروح المدرسة

عرفت ليه كنت بدرس رياضة..وعلوم..وعلم نفس..وفلسفة..وعربى...ولغات...وفنون

موسيقى ورسم.....عرفت انى ما كانش ممكن اتعلم كل دة ......الا اذا كنت رحت

المدرسة.......بس اعمل ايه دلوقت...خلاص مش هاقدر ارجع المدرسة تانى...انا

دلوقت كبرت.....وزعلت اوى عشان ما حدش كان فهمنى وانا صغيرة........

خسارة....خسارة كبيرة اوى...........بنروح نتعلم.....واحنا مش عارفين ليه....

وفى الاخر ممكن نعرف... وممكن عمرنا ما نعرف.............الف شكر على موضوعك

الجميل جداااااااااااا....:f: :f: :f:

[horse]

الله ينور عليك يامورا....
بجد كلامك جميل وواقعي جدا وطريقة سردك جميله أوي .
أنا رغم ان مجال دراستي بعيد تماما عن الشعر والتاريخ والفلسفه والدين ، إلا إني بحب أقري فيهم جدا .....عارفا ليه لأني بحب أعرف عن الموضوعات دي ....تعرفي لما كنت في الثانوي وبدرس بالفعل المواد دي كنت مش مهتم بيها خالص .
يمكن لأن زي مانت بتقوللي احنا بنتعلم عشان نتعلم .....مافيش اهتمام ان كل طالب يختار المواد اللي بيتعلمها ...أو حتي الموضوعات اللي يحب يتعلمها في كل ماده ...هو لازم نحفظ المنهج ده عشان ندخل الامتحان ونجيب الدرجة النهائيه حتي لو كنا بنكره اللي احنا بنتعلمه مش مهم.
ويظل السؤال .......: احنا فعلا بنتعلم ليه؟
ألف شكر علي مرورك الكريم.

[moura]

الف شكر لكلامك ....وفعلا السؤال صعب الاجابة عليه



:f: :f: :f: :f:

[(هدهد)]

ايه يا جماعه
فى ايه
انت بتتعلم عشانك
مش عشان زظيفه
بتتعمل عشان تعرف يعنى ايهنت
يعنى ايه حياه تانيه
يعنى ايه كواكب
يعنى ايه فيزا وكميا
مش مهم انك تشتغل فى المجالات دى
بس المهم انك تبقى عايش وانت عارف فكرهعامه عن كل حاجه بدور فى حياتك
عشان كده بنتعمل
عشان نبقى مدركين ايه الى بيحصل حولينا بالظيط
ببس هو موضوع جميل جدا
طيران بقى
ورررررررررررررررررررررررررررررررررررررررررررر ررر

[AM_I_ERROR]

السلام عليكم ورحمة الله وبركاته

الإبتدائية:
بتروح المدرسة معيط ومضروب بالجزمة عشان أهلك عايزين كده , لكن بتروح ليه متسألش- أحلي حاجة وقتها الساندوتشات وحصة الألعاب والفسحة والباقي غصب ومناهج عقيمة.

الإعدادية:
بدأت خواصك الفسيولوجية تتغير وتجد بعض من الإجابات التي تدور بذهنك داخل كتاب الأحياء مثلاً, وإذا كنت محب للغة ستجد متعة في حفظ الكلمات التي تذكرك بفيلم أو أغنية معينة لكن الباقي "إنسي"

الثانوية:
أهم حاجة الكريم علي شعرك وأنت نازل عشان البنات الصبح؟ ومتنساش تعدي علي أصحابك في القهوة قبل المدرسة تنتشلهم ومتنساش تعدي علي بوتيك الروشنة تشوف أخر ألبومات المطربين _ أما إذا كنت من ذوات اللآباء المتعلمين سوف تكون كالحمار في الساقية (أسف في التشبيه) طول النهار والليل عمال تحفظ في معادلات انت مش فاهمها ونصوص انت مش مقتنع بيها ونحو انت كاره نفسك وأنت بتقرأه أصلاً كل ده عشان بنك الدرجات يشتغل وتقدر تحشر نفسك في كليه كويسة.
نسيت أقول أن كلنا بتعدي علينا لحظات في السن ده بنلتزم بالدين إلتزام وقتي مجرد كام أسبوع كده وبعدين نجيب ورا.

الكلية:
أنت مقتنع تماما أن كل المهاترات اللي في الكتب دي مجرد تفتيح مخ ولكن الحياة العملية غير كده خالص والإمتحان مالوش قيمة لأن كل اللي قبلك قالولك اننا ذاكرنا ومنفعش وساعات بنطنش وبتيجي معانا 10/10.

أول الحياة العملية:
في أول سنة شغل تجد الحماس المشوب بالجهل ينهال عليك , عايز تعمل كل حاجة في أسرع وقت ممكن ومن جواك عمال تقول ايه المدير المتخلف ده, أنا أحسن منه.

بعد سنتين من الحياة العملية:
يبدأ ربنا يهديك وتلتزم وأفكارك تهدا وتكتشف انك يا ريتك كنت أهتميت بحاجات كتير انت طنشتها زي:
يا ريتني كنت أهتميت بالنحو كان زماني فاهم حاجات كتير في التجويد والقرآن
يا ريتني كنت أهتميت بالأحياء بدل ما ألجأ إلي مصادر تانية غير موثوق بها
سيبك من الرياضة مالهاش لازمة :)
يا ريتني ويا ريتني ... .

بس يا سيدي - دي قصة التعليم

مجرد وجهة نظر !!!!!!!!!!!!!!!!

[horse]

ايه يا جماعه
فى ايه
انت بتتعلم عشانك
مش عشان زظيفه
بتتعمل عشان تعرف يعنى ايهنت
يعنى ايه حياه تانيه
يعنى ايه كواكب
يعنى ايه فيزا وكميا
مش مهم انك تشتغل فى المجالات دى
بس المهم انك تبقى عايش وانت عارف فكرهعامه عن كل حاجه بدور فى حياتك
عشان كده بنتعمل
عشان نبقى مدركين ايه الى بيحصل حولينا بالظيط
ببس هو موضوع جميل جدا
طيران بقى
وررررررررررررررررررررررررررررررررررررررررررررررر

كلامك جميل أوي ياهدهد ...
بس مش عارف ليه أنا نسيت كل الفيزيا اللي تعلمتها تقريبا بس لمجرد ان مجال دراستي مافيهوش فيزيا .
بجد كان نفسي الواحد يبقي فاكر كل اللي اتعلمه ويبقي قادر يحتفظ بيه في دماغه أكبر فترة ممكنه ...بس تقريبا لان طريقة تعليمنا......أو طريقة مذاكرتنا احنا قائمة علي أسلوب ...:احشر المعلومه في دماغك علشان تفرغها علي ورقة الامتحان وبعدين انساها....أعتقد الاسلوب ده هو اللي مخليني دلوقتي مش فاكر حتي قانون أرشميدس مع اني جبت في الفيزيا الدرجة النهائيه.....:good: .
ألف شكر علي مرورك الكريم.

[horse]

السلام عليكم ورحمة الله وبركاته

الإبتدائية:
بتروح المدرسة معيط ومضروب بالجزمة عشان أهلك عايزين كده , لكن بتروح ليه متسألش- أحلي حاجة وقتها الساندوتشات وحصة الألعاب والفسحة والباقي غصب ومناهج عقيمة.

الإعدادية:
بدأت خواصك الفسيولوجية تتغير وتجد بعض من الإجابات التي تدور بذهنك داخل كتاب الأحياء مثلاً, وإذا كنت محب للغة ستجد متعة في حفظ الكلمات التي تذكرك بفيلم أو أغنية معينة لكن الباقي "إنسي"

الثانوية:
أهم حاجة الكريم علي شعرك وأنت نازل عشان البنات الصبح؟ ومتنساش تعدي علي أصحابك في القهوة قبل المدرسة تنتشلهم ومتنساش تعدي علي بوتيك الروشنة تشوف أخر ألبومات المطربين _ أما إذا كنت من ذوات اللآباء المتعلمين سوف تكون كالحمار في الساقية (أسف في التشبيه) طول النهار والليل عمال تحفظ في معادلات انت مش فاهمها ونصوص انت مش مقتنع بيها ونحو انت كاره نفسك وأنت بتقرأه أصلاً كل ده عشان بنك الدرجات يشتغل وتقدر تحشر نفسك في كليه كويسة.
نسيت أقول أن كلنا بتعدي علينا لحظات في السن ده بنلتزم بالدين إلتزام وقتي مجرد كام أسبوع كده وبعدين نجيب ورا.

الكلية:
أنت مقتنع تماما أن كل المهاترات اللي في الكتب دي مجرد تفتيح مخ ولكن الحياة العملية غير كده خالص والإمتحان مالوش قيمة لأن كل اللي قبلك قالولك اننا ذاكرنا ومنفعش وساعات بنطنش وبتيجي معانا 10/10.

أول الحياة العملية:
في أول سنة شغل تجد الحماس المشوب بالجهل ينهال عليك , عايز تعمل كل حاجة في أسرع وقت ممكن ومن جواك عمال تقول ايه المدير المتخلف ده, أنا أحسن منه.

بعد سنتين من الحياة العملية:
يبدأ ربنا يهديك وتلتزم وأفكارك تهدا وتكتشف انك يا ريتك كنت أهتميت بحاجات كتير انت طنشتها زي:
يا ريتني كنت أهتميت بالنحو كان زماني فاهم حاجات كتير في التجويد والقرآن
يا ريتني كنت أهتميت بالأحياء بدل ما ألجأ إلي مصادر تانية غير موثوق بها
سيبك من الرياضة مالهاش لازمة :)
يا ريتني ويا ريتني ... .

بس يا سيدي - دي قصة التعليم

مجرد وجهة نظر !!!!!!!!!!!!!!!!

والله ياسيدي احنا كنا مهتمين بالمواد وبرده مافيش نتيجة .
مش عارف ليه الواحد ماكانش بيحس بأهمية المعلومه وقتها ....ليه صحيح ؟
انت عندك جق لما قلت ان احنا لما بنكبر بندرك أهمية المواد دي وان احنا ازاي كنا مفروض نهتم بيها .....طب وهو احنا ماننفعش نحس بده واحنا بندرسها ، ماينفعش يحسسونا بأهمية المواد اللي في ايدينا الا لما نكبر ونحتاج فعلا المعلومات دي ؟
أشكرك علي مرورك الكريم ...وطريقة سردك المميزه دي .

[AM_I_ERROR]

ممكن نسأل السؤال بشكل أخر

هل لو كنا ركزنا أكتر في مذاكرتنا كان هيبقي ده حالنا؟
ولو لأ إزاي واحنا حوالينا كتير أوي أوي ناس ناجحة في حياتها العملية وخريجين كليات قمة ومع ذلك منتقدين تماما التعليم ؟

[زهــــراء]

ايه يادكتور هورس بقى انت مش عارف ليه بنتعلم يا استاذ انت كلها كم يوم وتبقى دكتور اد الدنيا وتساعد الناس الغلابة اللي متكلين على ربنا وعليك كل دة وبتقول انت بتتعلم ليه
خلي املك في ربنا كبير
مع تحياتي
زهراء

[horse]

,والله يازهراء انت عندك حق ....
شكلها بايخ فعلا لما نبقي علي مشارف التخرج من كليات القمة زي مابيقولوا ومش عارفيين احنا ليه اتعلمنا.
أنا قلتلك قبل كده اني اخترت المجال اللي شايف نفسي فيه ، ومبسوط بإختياري والحمد لله ....بس نفسي أعرف فين هي المواد اللي قعدت حوالي اا سنه اتعلمهم قبل ماادخل الكليه .....فين الفيزيا ، والنحو، والاحصا , والهندسه , والفلسفه, والفرنساوي , اللي الواحد كان بيفتخر انه شاطر جدا فيهم .
أنا يمكن فعلا فاضللي شوية صغيرين واتخرج ان شاء الله , لكن مش حاسس انس استفدت الاستفادة المثلي من حوالي 18 سنه تعليم بما فيهم الجامعه طبعا .
لذلك يطرح السؤال نفسه مرة تانيه ....احنا فعلا بنتعلم ليه؟
أشكرك علي مرورك الكريم.

[mohamed_oweis]

السلام عليكم ورحمة الله و بركاته
جميل جدا أخي هورس لطرحك لهذا الموضوعغ الهام...
اعتقد ان الاجابة على سؤالك تختلف من شعب لآخر و من ثقافة لاخرى..واعتقد ان اصعب احابة يمكن ان تجدها هنا فى أوطاننا للأسف
فمثلا اعتقد ان الاغريق كانوا يدرسون لمجرد اشباع رغبة العلم و المعرفة بداخلهم...نوع من الفضول..
أهل اليابان مثلا..سمعت ان كل نهضتهم تلك ( التي كانت نتيجة العلم ) بهدف ارضاء بوذا ! ..وهكذا
واذا فتشت عن سبب للتعليم عندنا كمسلمين ستجده متأصل فى ديننا الاسلامي بوضوح...بل هو أول ما وصى به الروح الأمين جبريل علبه السلام رسولنا صلى الله عليه وسلم ...( اقرأ )...بل هو طريقة للتقرب من الله عز و جل و رفع الدرجات
(يرفع الله الذين آمنوا منكم و الذين أوتوا العلم درجات )..
( وقل ربي زدني علما)
وكان اللاسول صلى الله عليه وسلم يوصي بالعلم و لو في الصين و أوصى به من المهد إلى اللحد ...وكان تعليم الكتابة طريقة لفداء الأسرى فى أعقاب غزوة بدر....
ولكن أمتنا للأسف تناست كل تلك الأهداف القيمة للتعليم و راحوا يطلبونه لأغراض أخرى..وعلى رأسها طبعا التعلم من أجل الوظيفة :eek: .... و في تلك الحالة تختفي الرغبة الحقيقية عند طالب العلم في التعلم ( بلغتنا ..بيتعلم من غير نفس ! ) وذلك لان مدرسيه يسقونه العلم بمعلقة من فضة ..أو يأخذها على شكل كبسولات لكي يجتاز بها الأمتحان...( وهكذا ضاع الإبداع ! )....
ولكن مع كل هذا ..فهناك فرق ليس بالقلبل بين المتعلمين اليوم و غيرهم من الأميين فى شتى المجالات الفكرية و العلمية الاجتماعية...
لقد احسنت أخي فى السؤال...وأعتقد ان اجابته جد صعبة!

[زهــــراء]

عندك حق بخصوص المواد اللي بننساها بس لولا المواد دي مكنتش هاتدخل الكلية اللي نفسك فيها ولولا المواد دي مش هايبقى فيه دكاترة ومهندسين وعلماء ....الخ
يعني في الحقيقة احنا بننسى المواد دي بس هية مش بتنسانا
وبعدين لو احنا بنحب حاجة معينة يعني لوكنا بنحب المواد دي اوي مش هننساها
ولو اعتقد انك بتبالغ شوية لما تقول انك نسيتها كلها
انا بعتقد ان احنا بيتهيالنا ان احنا نسيناها بس ساعة متسمع اي حاجة منها هتفتكر انك في يوم من الايام كنت تعرفها وتحاول تجمع معلوماتك على فكرة الكلام اللي انا بقوله دة جاي من تجربة شخصية مش بقوله كدة يعني لما كنت بادرس في اخر سنة ثانوي كان متهيالي اني نسيت كل حاجة من السنين اللي قبلها بس اول ما واحد بيسالني عنها بافتكر اني كنت اعرفها قبل كدة واجمع معلوماتي وافتكرها بس اكيد مش هافتكر كل التفاصيل بس على الاقل هافتكر الحاجات الاساسية منها
المواد دي عاملة زي البطارية تستهلكها وتستفاد منها وبعدين ترميها
واتمنى اني متقلتش عليك

[يسرا]

والله ياهورس

احنا بجد اتربينا علشان نبقى حاجة وحدة..........فشلة
والفشل حاجة نسبية.........

عارف
عندنا فى الكلية فى منحة جاية من المانيا تشرحلنا نظام التعلم عن بعد وكذا حاجة كده معرفهاش
وتخيل اللى بيشرحو للمعيدين بتوعنا عندهم كام سنة........
واحد عنده 17 سنة(سنة عادية من السنين بتاعتنا اللى عندنا منها كتير)
والتانى 22 سنة(من نفس السنين)

تخيل انت اكبر انجاز عملته فى حياتك(ايام ماكنت 17 سنة )ايه؟؟؟؟


ربنا يرحمنا ياهورس

[horse]

عندك حق بخصوص المواد اللي بننساها بس لولا المواد دي مكنتش هاتدخل الكلية اللي نفسك فيها ولولا المواد دي مش هايبقى فيه دكاترة ومهندسين وعلماء ....الخ
يعني في الحقيقة احنا بننسى المواد دي بس هية مش بتنسانا
وبعدين لو احنا بنحب حاجة معينة يعني لوكنا بنحب المواد دي اوي مش هننساها
ولو اعتقد انك بتبالغ شوية لما تقول انك نسيتها كلها
انا بعتقد ان احنا بيتهيالنا ان احنا نسيناها بس ساعة متسمع اي حاجة منها هتفتكر انك في يوم من الايام كنت تعرفها وتحاول تجمع معلوماتك على فكرة الكلام اللي انا بقوله دة جاي من تجربة شخصية مش بقوله كدة يعني لما كنت بادرس في اخر سنة ثانوي كان متهيالي اني نسيت كل حاجة من السنين اللي قبلها بس اول ما واحد بيسالني عنها بافتكر اني كنت اعرفها قبل كدة واجمع معلوماتي وافتكرها بس اكيد مش هافتكر كل التفاصيل بس على الاقل هافتكر الحاجات الاساسية منها
المواد دي عاملة زي البطارية تستهلكها وتستفاد منها وبعدين ترميها
واتمنى اني متقلتش عليك
وليه يازهراء المواد دي ماتكونش شبكة توليد كهربا أو حتي مفاعل نووي يولد كهربا وينتج طاقه بدل ماتبقي غبارة عن بطاريه في شحنه هاتستهلك وهاتنفذ في يوم من الايام؟
مستني اسمع رأيك.

[horse]

أستاذ محمد ....
أظن إن حضرتك رغم انك كتبت كلمات قصيرة إالا انك قدرت تلخص كل اللي كنت عايز أقوله بعبارة ....." بيتعلم من غير نفس" .
فعلا إحنا بنتعلم من غير نفس واللي عايز يتأكد يروح يسال طلبة المدارس والجامعه هما فرحانين وهما رايحين كلياتهم ومدارسهم خصوصا مع بداية العام الدراسي ...ولا رايحين من غير نفس .
والسؤال يطرح نفسه ....وليه رايحين من غير نفس ؟
أشكرك علي مرورك الكريم .

[horse]

والله ياهورس

احنا بجد اتربينا علشان نبقى حاجة وحدة..........فشلة
والفشل حاجة نسبية.........

عارف
عندنا فى الكلية فى منحة جاية من المانيا تشرحلنا نظام التعلم عن بعد وكذا حاجة كده معرفهاش
وتخيل اللى بيشرحو للمعيدين بتوعنا عندهم كام سنة........
واحد عنده 17 سنة(سنة عادية من السنين بتاعتنا اللى عندنا منها كتير)
والتانى 22 سنة(من نفس السنين)

تخيل انت اكبر انجاز عملته فى حياتك(ايام ماكنت 17 سنة )ايه؟؟؟؟


ربنا يرحمنا ياهورس
" فشلة ".....
والله يايسرا انت مابعدتيش عن الحقيقة لما قلتي الكلمة دي ...
فعلا الطبيب اللي بيموت كل يوم عيان يعتبر ........إنسان فاشل.
المهندس اللي بيصمم عمارة عشان تقع بعدها بأسبوع برده نقدر نقول عليه .....أنسان فاشل.
المدرس اللي بيخرج أجيال تافهة من غير مايتعلموا حاجة يستحق نقول عليه ....إنسان فاشل.
وطبعا يايسرا النظام التعليمي اللي خرج كل دول نقدر نقول عليه .........أيوه أنا سامعك بتقوليها في سرك .... : نظام فاشل .
وسؤال آخر يطرح نفسه ...إلي متي سيظل الفشل يطاردنا ، ومتي سنتذوق طعم النجاح؟
وبالنسبه لاكبر أنجاز عملته وأنا عندي 17 سنه .....يتهيألي كنت بلعب كورة كويس ..ايه رأيك؟:good:
متشكر علي مرورك .

[أبو منار]

عارف يا (هورس) انا زمان من وانا صغيرة...ما كنتش بحب اروح المدرسة....وكنت تقريبا

كل يوم بعيط. قبل ما اروحها...كنت فاكرة انى لازم اروح المدرسة لمجرد انى لازم اروح....

ما حدش قاللى ليه لازم اروح المدرسة.....يمكن عشان فعلا ما حدش عارف ليه....

بس لما خلصت مرحلة المدرسة دى خالص......كنت بشترى روايات وكتب...كتب كتيرة..

وقلت لازم اعرف كل حاجة..عن كل حاجة.............وفكرت كتير واتاكدت انى مش ممكن

اقدر اعرف كل حاجة عن كل حاجة......ووقتها بس عرفت انا ليه كنت بروح المدرسة

عرفت ليه كنت بدرس رياضة..وعلوم..وعلم نفس..وفلسفة..وعربى...ولغات...وفنون

موسيقى ورسم.....عرفت انى ما كانش ممكن اتعلم كل دة ......الا اذا كنت رحت

المدرسة.......بس اعمل ايه دلوقت...خلاص مش هاقدر ارجع المدرسة تانى...انا

دلوقت كبرت.....وزعلت اوى عشان ما حدش كان فهمنى وانا صغيرة........

خسارة....خسارة كبيرة اوى...........بنروح نتعلم.....واحنا مش عارفين ليه....

وفى الاخر ممكن نعرف... وممكن عمرنا ما نعرف.............الف شكر على موضوعك

الجميل جداااااااااااا....:f: :f: :f:

صح لسانك

[زهــــراء]

وليه يازهراء المواد دي ماتكونش شبكة توليد كهربا أو حتي مفاعل نووي يولد كهربا وينتج طاقه بدل ماتبقي غبارة عن بطاريه في شحنه هاتستهلك وهاتنفذ في يوم من الايام؟
مستني اسمع رأيك.
يا دكتور هورس ...
احنا بادينا ممكن نخليها شبكة توليد كهربا وممكن نخليها بطارية.....
دة بيعتمد علينا احنا ....يعني اللي تعلمناه في المدرسة وفي البيت وفي الدنيا بصورة عامة ....اكيد فادنا ...وبلاش الياس وبلاش الفشل ..لاننا لو فضلنا حاطيهم في دماغنا
وقلنا ان احنا مش هانبقى غير ناس فاشلة مش هانتقدم ابدا مش هانوصل للي عايزينه

وبعدين ابسط مثال على فايدة اللي اتعلمناه ..
هو ادارة حوار ونقاش حول مواضيع مختلفة زي مابنعمل هنا...واختلاف وجهات النظر ...
وتعدد الاراء دي كلها حاجات كويسة ومفيدة لينا ...ولو مكناش متعلمين مكناش نقدر
نقول راينا في اي حاجة لاننا اصلا مش هانبقى عارفين اي حاجة..
وبعدين حكاية الروحة للمدرسة من غير نفس دي حاجة عادية يعني ....
وبعدين يا دكتور هورس ...انت قلت ان انت اكبر انجاز عملته وانت عندك 17 سنة كنت بتلعب كورة كويس ..يعني ايه مثلا كنت عايز تصنع طيارة في العمر دة...
انا في رايي ان لما يكون عندك 17 سنة مش مطالب انك تعمل انجاز خارق علشان تثبت انك ناجح..وبعدين مالها الكورة دة حتى العقل السليم في الجسم السليم....
يعني لازم كل مرحلة عمرية نمر فيها ليها متطلباتها وحلاوتها ومسؤوليتها...
وكلما نتقدم بالعمر بتزيد المتطلبات والمسؤوليات دي....
وشكرا اوي لحضرتك عالموضوع دة....بس على فكرة انا كنت بروح المدرسة بنفس مش من غير نفس

زهراء

[horse]

يا دكتور هورس ...
احنا بادينا ممكن نخليها شبكة توليد كهربا وممكن نخليها بطارية.....
دة بيعتمد علينا احنا ....يعني اللي تعلمناه في المدرسة وفي البيت وفي الدنيا بصورة عامة ....اكيد فادنا ...وبلاش الياس وبلاش الفشل ..لاننا لو فضلنا حاطيهم في دماغنا
وقلنا ان احنا مش هانبقى غير ناس فاشلة مش هانتقدم ابدا مش هانوصل للي عايزينه

وبعدين ابسط مثال على فايدة اللي اتعلمناه ..
هو ادارة حوار ونقاش حول مواضيع مختلفة زي مابنعمل هنا...واختلاف وجهات النظر ...
وتعدد الاراء دي كلها حاجات كويسة ومفيدة لينا ...ولو مكناش متعلمين مكناش نقدر
نقول راينا في اي حاجة لاننا اصلا مش هانبقى عارفين اي حاجة..
وبعدين حكاية الروحة للمدرسة من غير نفس دي حاجة عادية يعني ....
وبعدين يا دكتور هورس ...انت قلت ان انت اكبر انجاز عملته وانت عندك 17 سنة كنت بتلعب كورة كويس ..يعني ايه مثلا كنت عايز تصنع طيارة في العمر دة...
انا في رايي ان لما يكون عندك 17 سنة مش مطالب انك تعمل انجاز خارق علشان تثبت انك ناجح..وبعدين مالها الكورة دة حتى العقل السليم في الجسم السليم....
يعني لازم كل مرحلة عمرية نمر فيها ليها متطلباتها وحلاوتها ومسؤوليتها...
وكلما نتقدم بالعمر بتزيد المتطلبات والمسؤوليات دي....
وشكرا اوي لحضرتك عالموضوع دة....بس على فكرة انا كنت بروح المدرسة بنفس مش من غير نفس

زهراء
أختي زهراء ...
أولا أنا متشكر جدا لمتابعتك واهتمامك بالموضوع وده طبعا شيء يشرفني ويسعدني .
ثانيا...انا لما فكرت إني أعرض الموضوع ده في المنتدي كان الغرض منه أني طبعا آخد رايكم في الطريقة اللي بنتعلم بيها ، هل هي صح؟....ولا غلط ؟....طب ولو غلط ازاي ممكن نخليها صح؟.
طبعا كانت فرصة إن كل واحد من السادة الأعضاء الكرام يقول رأيه ويعبر عن وجهة نظره في طريقة التعليم اللي اتعلم بيها .
وأنا كمان لما بشوف النظام التعليمي اللي احنا بنتعلم بيه بحس إنه نظام غلط ، رغم إن إحنا طبعا بنستفيد منه ، بس مش الاستفادة الكاملة ، يعني أنا كان ليا قراءات عن نظم التعليم في الدول الخارجية ، وطبعا اتحسرت علي بلدي اللي علمت العالم في يوم من الايام فنون العلم والثقافه انها تكون في آخر الصف ، وإن مركزها يكون متأخر جدا لو قورنت بنظم تعليم الدول التانيه.
مش عايز أطول عليك بس أنا قابلت شباب قضوا حوالي 15 سنة في التعليم ومش بيجيد لغة _ حتي لو كانت لغة بلده _ .
قابلت شباب صرف في التعليم مبالغ كبيرة جدا .....ومصيرة دلوقتي داير في الشوارع بيبع اي حاجة .
وفي المقابل ..قريت وسمعت عن شباب بتصمم أجهزة موبايل وكمبيوتر وهما عندهم 16 سنه .
سمعت عن شباب بيتخرجوا من كلياتهم وبتكون مشاريع التخرج بتاعتهم اختراعات كلها مثمرة ومفيدة وبيتسجل بيها فورا براءات اختراع وبتتطرح في الاسواق العالميه .
خلليني أسألك هل ده ليه علاقة من قريب أو من بعيد بالتعليم؟
للأسف طبعا الشباب الاول هما شباب شوفتهم في بلادنا ...والشباب التاني هما شباب في دول خارجيه .
ماذا ينقصنا لنرتقي بمستوي التعليم في بلادنا ؟......وهل هناك أيدي خفيه تعبث بالتعليم من مصلحتها أن يبقي الحال علي ماهو عليه من تدهور وتراجع في المستوي التعليمي ؟
الافكار تتوالي .....والأسئلة تزيديني حنقا وحيرة ......والدعوة مازلت مفتوحة للحوار.

[زهــــراء]

والله يا دكتور هورس احنا بينقصنا حاجات كتير مش حاجة واحدة...
والله انا شايفة ان المسؤولين عن النظم التعليمية او كل النظم الموجودة عندنا بينقصهم الضمير الصاحي..
اكيد مش كلهم لكن اغلبهم....
الناس دي لو عندها ضمير صاحي ...ما كانش حالنا هايبقى بالشكل دة..
وطبعا في جهات بتستفيد من جهل الناس.....لمصالحها الشخصية...
ولما حضرتك ذكرت ان في دول تانية شباب بيصمموا الاجهزة دي وهمة عندهم 16 سنة
طيب ....همة عندهم دماغ واحنا كمان اي فرقهم عننا يعني ...ما احنا كمان عندنا عقول ذكية ويمكن اذكى من اللي عندهم ...بس الفرق ان احنا مش مسموحلنا نطور تفكيرنا او ان احنا نوسع خبراتنا لان دة هايحررنا من الجهل وهايطلعلنا اصواتنا ....
ويخلينا عارفين احنا عايزين ايه....واللي مش عايزينه نزيحه من قدامنا....
ودة بالتالي بيخلق جو من الحرية والديمقراطية ....ودة بقى مش في مصلحة الناس الكبيرة اللي احنا عارفينهم....لانهم ساعة ما هاتكون في حرية وديمقراطية بجد...
مش هايبقى ولا واحد فيهم....
فكل شيئ في حياتنا متعلق فيهم ....واكيد في ايدي خفية في الموضوع....
ربنا يهديهم بقى ويرجعوا لعقولهم ويصحى ضميرهم ....
واتمنى متكونش زهقت مني .....

[horse]

زهقت منك ؟.......ليه بس بتقوللي كده .
بالعكس أنا سعيد والله جدا يازهراء إني بتناقش معاكي .
إنت كده حطيت ايديك علي نقطة البداية ....عارفه بداية ايه؟......بداية معرفة العدو .
معلش يمكن أنا بستخدم ألفاظ ربما البعض شايفها كبيرة شوية ....بس أنا شايف إن اللي من مصلحته إن بلادنا تنهار هو عدو .....اللي بيجتهد عشان يخرج شبابنا شباب تافه هايف مايعرفش حاجة ومايقدرش ينتج حاجة هو عدو لبلادنا .....حتي لو كان مصري أو شغال في منصب كبير في البلد.
في فرق كبير قوي يازهراء بين ان في ناس ماسكة التعليم في بلادنا ومش عارفه تصلحه وبين انهم يكونوا مش عايزين يصلحوه .
طبعا انتي فهماني.....

[زهــــراء]

عندك حق في كل كلمة قلتها....
وربنا يوفق الجميع ويهدي الجميع...
بس انا لسة عندي امل ....واملي بربنا اكبر ..ان احنا هانبقى حاجة في يوم من الايام
واذا انقطع الامل هانروح ورا الشمس...
واتمنى من كل حد يقدر يساهم ولو بجزء بسيط جدا في انجاح اي حاجة في بلده ..
ميترددش ابدا ....واتمنى ان احنا نبقى ايد واحدة ضد العدو اللي ذكرته
علشان نطلع من هذا الواقع المرير ...انا عارفة ان دي احلام بس فيه احلام بتتحقق..
ويارب يحققلنا حلمنا...
ما دام املنا بربنا كبير ...اكيد مش هايخيبنا...
واكيد الحلم دة مش هايتحقق الا اذا كنا ايد وحدة وعندنا صوت عالي ممكن انه يتسمع في يوم من الايام...ولازم التغيير يبدا من عندنا احنا الاول ...
وبشكرك جدا على سعة صدرك ....ودمت في امان الله...

[ميمو المصرى]

والله يا اخى الكريم اوى الموضوع بيجرح اووووووووى
من ناحيتى انا مش بتعلم دلوقتى بس انا حعتبر نفسى بتعلم وارد عليك
انا بتعلم علشان لازم اتعلم كل اللى حواليا بيحسونى على التعليم
بتعلم علشان اهو لو حد سالنى انتا متعلم اقوله اه انا متعلم
وكمان بتعلم علشان لو قريت موضوع زى ده اقدر افهمه وارد عليه
وكمان بتعلم علشان لو الظابط قابلنى فى مره فى الشارع وشاف بطاقتى مكتوب فيها طالب يسيبنى مع انها مش حصلت معايا بس حتحصل اكيد
انما مش بتعلم علشان اشتغل لانه شىء مستحيل
ومش بتعلم علشان اكون مثقف لان الثقافه مالهاش حد بيفهمها دلوقتى وكله سايح على بعضه
ومش بتعمل علشان انفع وطنى لانه خربان اصلا والمتعلمين مش حيفيدوه بشىء يعنى

اقولك حاجه كويسه
مبقتش احب اتكلم مع بنى ادم يقعد يتكلم فى فوائد التعليم لانه بجد بيبقى انسان قديم اوى ومش معاصر
حاول انك تبعد عن النوع ده

شكرا على الموضوع اللى يغيظ ويقلب المواجع
شكرا يا هورس والله موضوع جميل

[horse]

عندك حق في كل كلمة قلتها....
وربنا يوفق الجميع ويهدي الجميع...
بس انا لسة عندي امل ....واملي بربنا اكبر ..ان احنا هانبقى حاجة في يوم من الايام
واذا انقطع الامل هانروح ورا الشمس...
واتمنى من كل حد يقدر يساهم ولو بجزء بسيط جدا في انجاح اي حاجة في بلده ..
ميترددش ابدا ....واتمنى ان احنا نبقى ايد واحدة ضد العدو اللي ذكرته
علشان نطلع من هذا الواقع المرير ...انا عارفة ان دي احلام بس فيه احلام بتتحقق..
ويارب يحققلنا حلمنا...
ما دام املنا بربنا كبير ...اكيد مش هايخيبنا...
واكيد الحلم دة مش هايتحقق الا اذا كنا ايد وحدة وعندنا صوت عالي ممكن انه يتسمع في يوم من الايام...ولازم التغيير يبدا من عندنا احنا الاول ...
وبشكرك جدا على سعة صدرك ....ودمت في امان الله...

وهل لنا غير الامل يازهراء ؟.....
وهل تشتعل قلوبنا بعشق هذا الوطن إالا أننا نأمل أنا نراه يوما بخير ؟...
وهل نحتمل الذل والهوان تحت سماء تلك البلاد إلا لأن الأمل في مستقبل مشرق تملكنا فصرنا عبيدا له؟...
نعم هو الأمل يازهراء الذي جمعنا في هذا المنتدي لنملأ صفحاته بمشاكل بلادنا ......ونبث بين قاعاته مآسي أوطاننا ...وكلنا أمل في يوم مشرق يتحقق فيه هذا الأمل .
أشكرك علي تواجدك معي يازهراء ، ودمتي بكل خير.

[horse]

والله يا اخى الكريم اوى الموضوع بيجرح اووووووووى
من ناحيتى انا مش بتعلم دلوقتى بس انا حعتبر نفسى بتعلم وارد عليك
انا بتعلم علشان لازم اتعلم كل اللى حواليا بيحسونى على التعليم
بتعلم علشان اهو لو حد سالنى انتا متعلم اقوله اه انا متعلم
وكمان بتعلم علشان لو قريت موضوع زى ده اقدر افهمه وارد عليه
وكمان بتعلم علشان لو الظابط قابلنى فى مره فى الشارع وشاف بطاقتى مكتوب فيها طالب يسيبنى مع انها مش حصلت معايا بس حتحصل اكيد
انما مش بتعلم علشان اشتغل لانه شىء مستحيل
ومش بتعلم علشان اكون مثقف لان الثقافه مالهاش حد بيفهمها دلوقتى وكله سايح على بعضه
ومش بتعمل علشان انفع وطنى لانه خربان اصلا والمتعلمين مش حيفيدوه بشىء يعنى

اقولك حاجه كويسه
مبقتش احب اتكلم مع بنى ادم يقعد يتكلم فى فوائد التعليم لانه بجد بيبقى انسان قديم اوى ومش معاصر
حاول انك تبعد عن النوع ده

شكرا على الموضوع اللى يغيظ ويقلب المواجع
شكرا يا هورس والله موضوع جميل

تعرف ياميمو.....إنت لفت نظري لموضوع مهم جدا ..أنا بعد كده هايبقي كارنيه الكليه في جيبي علطول عشان لو قابلت أي لجنه علي الطريق أعدي منها والله فكرة حلوة:good: .
بس أتمني إني ماكنش من الناس اللي مش معاصريين اللي بيتكلموا عن فوائد التعليم اللي انت مش بتحب تتكلم معاهم .......أنا بس كنت بسأل ايه هي فوائد التعليم ؟.....أظن في فرق ولا ايه :1: .
أنا متشكر علي وجودك معايا ياميمو.

[شهــد]

السلام عليكم

اولا اشكرك جدا يا اخ " هورس " على طرح الموضوع ده لانه بجد مهم

و ثانيا اسمح لي اقوللك تعليقي....

معروف اننا بنتعلم و بندرس و كل ده اغلبه بيتنسى و الحمد لله مع اول ارتطام بالواقع العملي او لاننا اصلا بنكون عاطلين عدة سنوات لحد ما نشتغل و غالبا بنشتغل في مجال مالوش دعوة اطلاقنا بتخصصنا ....

انا مثلا درست اقتصاد و دارساتي العليا كانت سياسة دولية ....

و المفروض اكون بالمجال ده طبعا لاني اصبحت متخصصة فيه و لكن للاسف انا اشتغل في شركة استيراد

اذن التعليم ليس له دخل بشغلنا اطلاقا الا اذا كان دكتور او مهندس مثلا ....

لما نيجي نفكر في اسلوب التعليم نجد انهم بشكل متخلف بيحاولوا يكرهونا في المادة

يعني دكتور الجامعة " اللي المفروض بيفهم تربويا حتى " يحببنا في المادة او يوصلها لنا صح ....
لكن للأسف نجد انه بمنتهى التحدي يحاول يثبت فشل الجميع في فهم مادته _ مع انه بذلك بيثبت فشله هو كأستاذ _

نرجع ونقول العيب مش في التعليم و لكن العيب في اللي بيقوموا بالتعليم .....

يعني لابد من طفرة في تأهيل المعلمين و استاذة الجامعات و كمان لازم نغير المناهج
اللي اصبحت متخلفة و اثبتت انها غير صالحة لتأهيلنا للعمل او الثقافة اصلا و لكنها عبارة عن حشو مخ متخلف .... " زي جدول اللوغاريتمات اللي من ايام الدولة العثمانية "

انت عارف ... كلنا فاهمين المشكلة كويس جداااااااا

و المشكلة الحقيقية اننا لا نجد لها حل الى الان ...... شر البلية ما يضحك

و اشكرك على فتح الموضوع الباكي ده


أختك

شهد

[horse]

السلام عليكم

اولا اشكرك جدا يا اخ " هورس " على طرح الموضوع ده لانه بجد مهم

و ثانيا اسمح لي اقوللك تعليقي....

معروف اننا بنتعلم و بندرس و كل ده اغلبه بيتنسى و الحمد لله مع اول ارتطام بالواقع العملي او لاننا اصلا بنكون عاطلين عدة سنوات لحد ما نشتغل و غالبا بنشتغل في مجال مالوش دعوة اطلاقنا بتخصصنا ....

انا مثلا درست اقتصاد و دارساتي العليا كانت سياسة دولية ....

و المفروض اكون بالمجال ده طبعا لاني اصبحت متخصصة فيه و لكن للاسف انا اشتغل في شركة استيراد

اذن التعليم ليس له دخل بشغلنا اطلاقا الا اذا كان دكتور او مهندس مثلا ....

لما نيجي نفكر في اسلوب التعليم نجد انهم بشكل متخلف بيحاولوا يكرهونا في المادة

يعني دكتور الجامعة " اللي المفروض بيفهم تربويا حتى " يحببنا في المادة او يوصلها لنا صح ....
لكن للأسف نجد انه بمنتهى التحدي يحاول يثبت فشل الجميع في فهم مادته _ مع انه بذلك بيثبت فشله هو كأستاذ _

نرجع ونقول العيب مش في التعليم و لكن العيب في اللي بيقوموا بالتعليم .....

يعني لابد من طفرة في تأهيل المعلمين و استاذة الجامعات و كمان لازم نغير المناهج
اللي اصبحت متخلفة و اثبتت انها غير صالحة لتأهيلنا للعمل او الثقافة اصلا و لكنها عبارة عن حشو مخ متخلف .... " زي جدول اللوغاريتمات اللي من ايام الدولة العثمانية "

انت عارف ... كلنا فاهمين المشكلة كويس جداااااااا

و المشكلة الحقيقية اننا لا نجد لها حل الى الان ...... شر البلية ما يضحك

و اشكرك على فتح الموضوع الباكي ده


أختك

شهد



أختي العزيزة شهد ...
أتفق معاك جدا في اننا لازم نسعي لإعادة تأهيل المعلمين واساتذة الجامعات ...أنا والله بأقترح ان المدرسين بالذات لازم نعملهم اختبارات نفسية وسلوكيه قبل مانقبلهم في كليات التربية ....وكمان أساتذة الجامعة لازم يعدوا علي الاختبارات دي، أحيانا والله الواحد بيلاحظ إن بعض المدرسين وبعض أساتذة الجامعه بيحاولوا يعقدوا الطليه ويكرهوهم في المادة لمجرد ان الدكاترة أو المدرسين دول اتعرضوا لضغط نفسي وعصبي وهما في سننا ....يعني تخيلي لما يكون أستاذك متعقد وبيطلع عقده عليك.
بس أنا ليا تعليق علي كلمة اننا عارفين المشكلة ومش عارفين الحل ....لأ ياشهد احنا كمان عارفيين الحل بس مش عايزين نطبقه .
بقي سهل جدا دلوقتي ياشهد إن الواحد يستعير أسلوب التعليم اللي بيطبق في الدول المتقدمة ويحاول ينفذ البرامج التعليمية دي هنا ، خاصة ان احنا عندنا بعثات تعليمية وغيره .
بس هي القصة ان دافع التغيير مش موجود ، في ناس ياشهد مستفيدة من تردي أحوال التعليم سواء الناس اللي بره البلد ، أو العملاء اللي جوه ....دايما بقول أن في فرق كبير بين انك تكون مش قادر تصلح وانك تكون مش عايز تصلح.
أشكرك علي وجودك.