ماذا الأفضل فيات اونو أم دايهاتسو شارد

[نور 2006]

السلام عليكم ورحمته الله وبركاته
:car:
أمامى سيارتين محتارة بينهم حديثتين:cool:
اونو وشارد

انا شوفت الاتنين لكنى احس ان شارد متينة عن اونو وشيك عنها :y1: *15*
لكنى كنت عاوزة اسأل عن قطع غيار شارد هى متوفرة فى السوق وسعرها معقول ولا غالية وقليلة:car2:
وبعدين فيه ناس بيقولولى ان أونو احسن علشان قطع غيار فيات متوفرة ورخيصة:alp16:
محتاجة مساعدتكم:68: وجزاكم الله خيرا

[zizo_ya_zizo]

السلام عليكم

ازيك يانور

انا شايف اولا ان الفيات احسن من الشاريد من حيث الامكانيات بتاعه العربيه وكمان قطع الغيار بمعنى

الفيات اونو

4 سلندر

1000 سى سى

تقريبا اخرها 150 كم / س

خزان الوقود 38 لنر

الناقل 5 يدوى

لا يوجد تكييف

قطع الغيار متوفره ورخيصه

الديهاتسو

تفرق عن الاونو فى الشكل الافضل شويه وكمان وجود التكييف بس اقل فى السى سى

3 سلندر

950 سى سى

خزان الوقود 31 لتر

يوجد تكييف

قطع الغيار حقيقى مش عارف عنها حاجه قوى

الفرق الى مابينهم مش كبير قوى بس الديهاتسو سعه خزان البنزين مع وجود تكييف

كمان هتلاقيها انها بتاخد بنزين كتير

لو فيه جديد هبلغك بردو

[نور 2006]

وعليكم السلام ورحمته الله وبركاته
جزاك الله خيرا أخى زيزو على سرعة الرد وانا بخير والحمد لله ونفسى ربنا يكرمنى واخلص من موال العربية اللى محيرنى ده
على فكرة فيات أنو الجديدة اللى بقلك عليها فيها تكيف وهى 1300سى سى و فيه منها من غير تكيف وكمان الشاريد 1000سى سى مش 950
انا كنت عاوزة اعرف هو التكيف بيستهلك بنزين اكتر؟؟:@

[zizo_ya_zizo]

وعليكم السلام ورحمته الله وبركاته
جزاك الله خيرا أخى زيزو على سرعة الرد وانا بخير والحمد لله ونفسى ربنا يكرمنى واخلص من موال العربية اللى محيرنى ده
على فكرة فيات أنو الجديدة اللى بقلك عليها فيها تكيف وهى 1300سى سى و فيه منها من غير تكيف وكمان الشاريد 1000سى سى مش 950
انا كنت عاوزة اعرف هو التكيف بيستهلك بنزين اكتر؟؟:@


خلاص بردو يبقى الاونو انا حقيقى ماعرفش الشاريد بس طبعا التكيف بيشتغل وبيسحب من بنزين العربيه :d
هههههههههههههه ربنا يتمم بخير ان شاء الله وتيجى العربيه وتكون قدم خير عليكى

[red_hawk]

أنا من رأيي الأونو طبعا للأسباب دي:

1: الأونو 1300 سي سي يعني حتبقى مريحه أكتر في السحب, السحب مش الجري

2:تكييف الشاريد مش حيكون حلو طبعا علشان دي 1000 سي سي و لما حيشتغل حيبان على سحب العربية جامد جدا و مش حتبقة مريحه لأن التكييف بيقلل من عزم الموتور فكل ما ال سي سي علي كل ما بقى التكيييف أحسن و عزم الموتور مش حيقل قوي.

3:الأونو قطع غيارها متوفره جدا و لو فكرت تبيعيها حيبقى بيعها أريح و أسهل بكتيير من الشاريد لأن بيعها سهل و الناس كلها عارفاها و وقتها حتجيب السعر إلي انت عايزاه بعكس الشاريد.

في الآخر انا من رأيي ان الأونو الجديدة 2006 شكلها برضه مش قد كده فلو فعلا زي مانا فهمت إنك حتجيبي أونو زيرو الشكل الجديد يبقى بلاش فيه عندك كيا بيكانتو شكلها أحلى و بياعه و سعرها تقريبا مقارب للاونو و تقريبا نفس المواصفات

1: 1100 سي سي
2:تكييف
3:كاسيت

ياريت مكنش زودت الطينة بلة و قلتلك على عربية تالتة و بدل ما بتفكري في عربيتيين بقيتي تفكري في تلاته ههههههه