اشتريت عربيه سوزوكى سويفت موديل 1995 و عاوز أظبطها ممكن تساعدونى ؟

[ahmed_]

صباح الفل ياشباب انا خلاص ريحتكو من التدوير على علربيه تعبانه ليا :stpd: واشتريت سوزوكى سويفت حالتها زيرو ب 35000 و عاوز اروشها و هل ممكن اقلبها اوتوماتيك ولا المانيوال احسن و هل ممكن اعمل فتحة سقف كهرباء تكون كويسه و سعرها حلو ؟ أى صور عندكو تقدرو تساعدونى بيها تبقو 100 ميه :good:

[zizo_ya_zizo]

اولا مبروك عليك العربيه ويجعلها قدم خير عليك

انا بقى عايز اقلك على حاجات كده انك تغير العربيه وتقلبها اتوماتيك بدل المانويل بلاش منها لانه

علشان يقلبهالك لازم هيغير الجير بوكس كله طبعا ده لو كان نازل منها اتوماتيك وهيغير

حاجات فى الموتور وطبعا مش هتكون زى الى نازله من المصنع وكمان سحب المانويل

على الطرق احسن من مليون اتوماتيك

موضوع فاتحه السقف مش هتكون بنفس كفائه الفتحه الى بتيجى مع العربيه بردو احنا

عملناها قبل كده فى عربيه واحد صحبى وطبعا بفعل بقى الانكمشات والحراره والكلام

ده لقينا ان فى الشتا الميه بتدخل علينا فى العربيه من المطره واضطرينا نلزقها من

فوق بسلوتيب منعا لدخول المياه الى االصالون ده غير طبعا لو كانت مركونه ولا حاجه كنا

بننزل نلاقى العربيه من جوا غرقانه

لكن انت ممكن تظبط عربيتك وابتدى مثلا

جنوط سبور - سبويلر - ركب زينون للعربيه - عندك كمان زينون الرعاش غير الفوانيس

وهاتلها فوانيس كريستال

جلد العربيه وركب عليها ديكيلز مثلا

ركب كسحات من قدام وكسحات من ورا ( بس بردو متخليهاش واطيه قوى علشان

المطبات فى البلد )

تيجى للعفشات مثلا ممكن تركب عفشه سبور كونى مثلا هتلاقيها هتكلفك 4000 جنيه

ولا حاجه

ممكن تغير الكابوت من قدام وتجيب كابوت بهويات ممكن تنفخ من فوق الكاوتش وتعمل

هاويتين من الجناب

تركب ديفيل - تيربو - تغير مثلا فلتر الهوا تجيب واحد افضل مثلا ينقى اكتر الهوا ويجعل

معدل احتراق البنزين كامل وبتالى يزيد سحب العربيه

فى النهايه ممكن تسقط موتور جديد زياده فى السى سى بس احنا مش ناقصين

البنزين بقى زى الدهب :d

ممكن تدور على واحد يركب نيون ليك وهتلاقى بردو