خد حقك لو سابتك

[khaled4]

بص يا معلم البت سابتك .. ومكسوفه تقولك بس إنت عارف .. تعمل إيه ؟
قولها السؤالين دول .. وقول برضه إن علاقتكو معتمده عليهم .. وبعدين ؟!! .. سيب الباقى على السؤالين ومالاكش دعوه يامان
السؤال الأول : -
إيه العلاقه بين الجاموسه وعلبة الزبادى ؟
طبعاً ها تقول إن الجاموسه بتجيب اللبن وووو ... و تخريف كتير من النوع ده .. وطبعاً ده كله غلط .. إتقل عليها شوية و أما تصعب عليك قولها " طب أنا هاحلها ليكى بس خليكى معايا "
قولها : ثانية وثانية ؟ ** هاتقول : ثانيتين
قولها : ثانيتين وثانيتين ؟ ** هاتقول : أربع ثوانى
قولها : طب و56 ثانية ؟ ** هاتقول : دقيقة
قولها : دقيقه ودقيقه ؟ ** هاتقول : دقيقتين
قولها : وكمان دقيقتين ؟ ** هاتقول : أربعه
قولها : طب و56 دقيقه ؟ ** هاتقول : ساعة
قولها : وكمان واحده ؟ ** هاتقول : ساعتين
قولها : طب وساعتين كمان ؟ ** هاتقول : أربعه
قولها : و20 ؟ ** هاتقول : يوم
قولها : يوم ويوم ؟ ** هاتقول : يومين
قولها : يومين ويومين ؟ ** هاتقول : أربعة
قولها : و 26 ؟ ** هاتقول : شهر
قولها : وشهر كمان ؟ ** هاتقول : شهرين
قولها : وكمان إتنين ؟ ** هاتقول : أربع شهور
قولها : و 8 ؟ ** هاتقول : سنة
قولها : وسنه كمان ؟ ** هاتقول : سنتين
قولها : وسنتين ؟ ** هاتقول : أربع سنين
قولها : و 96 ؟ ** هاتقول : 100
قولها : قرن يعنى وقرن وقرن بأه ؟ ** صدقنى هاتضحك غصب عنها
لكن هاتقول برضه : قرنين
ساعتها بأه ترزعها دى : والجاموسه عندها قرنين والجاموسه بتجيب لنا اللبن وإحنا بنعمل اللبن زبادى

http://www.mor3ben.com/forum/images/smilies/003.gif http://www.mor3ben.com/forum/images/smilies/003.gif
كده يا معلم يبقى إنت كسرت رجلها باقى بس تنفخ فيها .. لكن الملايكة بس ÷ما اللى بيعملوا كده لكن إحنا عندنا شغل على واسع
http://www.mor3ben.com/forum/images/smilies/3d/36_1_18.gif
قولها السؤال التانى : العلاقه بين الحمار واللبن ؟
هاتلبخ كتير ومش ها تعرف
قولها : حمار يعنى إيه بالإنجليزى ؟ ** هاتقول : donkey
قولها : طب وآخر 3 حروف منها تعمل كلمة إيه ؟ ** هاتقول : key مفتاح يعنى
قولها : والصبر مفتاحه .... ؟ ** هاتقول : الفرج
قولها : والفرج قريب ما تخافيش .. عكس قريب ؟ ** هاتقول : بعيد
قولها : وبعيد يعنى إيه بالإنجليزى ؟ ** هاتقول : far
قولها : والفار بيخاف من القطه والقطه بتشرب اللبن إشطه يامان خلصت منها .. إدعيلى بأه
http://www.mor3ben.com/forum/images/smilies/3d/36_1_41.gif http://www.mor3ben.com/forum/images/smilies/3d/36_1_41.gif

منقله

[ســــsaraــــارة]

اه وهي بعد كده تديله الم تمام على وشه وتبقى توتة توتة خلصت الحدوتة

[khaled4]

الم ايه دا انتى قديمه اوى فى اختراع اسمو البوكس ههههههههه

[lost]

هههههههههههههههههههههههه


بس بجد حلوة

[amak_77]

ايه يا حج خالد
ازاي عايزة تسيبه و تصبر كل ده
هوه بيتمحك
و هيه بتتمحك
شكرا

[ميمو المصرى]

والنبى يا خالد ده انا لو واحد اللى قالى الكلام ده يبقى فى حلين
اول حل انى اسيبه وامشى وده مستبعد
ثانى حل انى اضربع على دماغه لحد ما اطلعله القرنين من راسه
هههههههههههههههههههههههههههههههههههههههههههه
امال لو بنت بقى واحد قالها كده حتعمل ايه ؟؟؟؟؟؟؟؟؟؟؟؟؟؟
حلوه اوى يا خالد شكرا

[طالبة علم]

هههههههههههههههههههههه
حلوة اوي خصوصا علاقة الحمار باللبن
مشكور وياريت ياخالد لو تجيب حجات
زي دي تاني

[Far&Away]

صدقنى هخبطه بأى حاجة قبل مااتشل وانا قاعدة
او هحمد ربنا علشان عايزة اسيبه

[khaled4]

صدقنى الكلمه دى كونت بسمعها زمان من الممثل حسن صدقى صادائى مشكوره يا far awayو ان شاء الله اجيبلكو مواضيع حلوه و دمها خفيف و يا رب اكون خفيف على قلوبكو و اكون عند حسن ظنكم

[Far&Away]

دايما ياخالد والله
شكرا لذوقك

[روح المسلمه]

السلام عليكم ورحمة الله وبركاته
حلوه ياخالد
ههههههههه
بس هي مش هاتستحمل تسمع كل ده بالتأكيد
وخصوصا بقي لو كانت ناويه تسيبه
وياسلام بقي ياخالد لو كان ليها هوايات رياضيه
وبتلعب بقي كونغ فو ولا كارتيه يبقي بقي إلي انت اديتله النصائح دي راح في شربه مايه

[مغترب]

قشطة جدااااااااااااااااا

يا مان

نورت المحكمة

[بنت شهريار]

هههههههههههههههههههه
هى لسه هتستنى تسمه السؤال التانى
بوووووووووووووووووووووكس.. وتاااااااااااااااااااكسى
مشكوووووووووووووووووووور خالد

[mohamed salama]

مين اللى عنده صبر يصبر لكل الكلام ده

بلاش عبط

[the_chemist]

بصراحة يا خالد سبحان من صبرنى عليك

هههههههههههههههههههههههههههههههههههه

أنت جبت لى أنفلونزا البدنجان يا راجل مش الطيور حتى

هههههههههههههههههههههههههههههههههههههه

[فراس الغامدي]

هههههههههههههههههههههههههه حلوه حلوه بس حلوه في كلماتها ينفع الحنها ويغنيها سعد صغير وتكون اغنيه محصلتش ويكون عنوان الاغنيه موال الحمير ويبقى نجيب الواد ده يرقص :mazika3: