سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : أيام فى حضن الليل

د. حورية البدرى
27-08-2002, 05:20 PM
أيام وبتعدّى
يااللى بحور حلمك
بتاخدنى وتهدّى
وف لحظه ننده لك
لا الندهه بتجيبك
ولاحلمنا يسيبك 00
ليه غيبتى عن صوتى
عن لقمتى وقوتى
فى الصبح ماتفوتى
ولا فى المنام جيتى 00
ع الناى باغنى لك
ألحان تنادى لك
ليه غاب قمر ليلك
م العتمه باشكى لك
ليه تطفى قنديلك
وتنام عصافيرك
فى الضلمه مايملك
غير الدياب والبوم 00
ماتزعليش م اللوم
ده اللوم عشان قدّك
ماينحنيشى ف يوم
ولاينفرط عقدك 00
ضمينا من تانى
واملى كفوف ولدك
بالغلّه من خيرك
ياللى ماليش غيرك
وحشانى ضحكايه
ويّا الولاد السمر
ويّا عيون الشمس
قبل انتصار ليلك 00
وحشانى بانده لك
يترد لك أصلك
بازعق وانادى لك
واتعب ولا آجى لك
ولا فيه خبر عنّك
ولا عن مصير خيلك 00
أيام وبتعدّى
يااللى بحور حلمك
بتاخدنى وتهدّى
أيام بننده لك
لا الندهه بتجيبك
ولا حلمنا يسيبك !

----------- د0 حورية البدرى
ابن البلد
28-08-2002, 01:05 PM
معلش د/ خوريه
يعني البيت هذا
وتنام عصافيرك

مش لايق مع جو الظلام حيث أن العصافيير نايمة في هذا الوقت أساساااااا
ثم أن حاسس أن الأبيات يعني غير مرتبة أو بتنقلنا من مرحلة لمرحلة

مش عارف يعني حسيت أن اللي بيتحدث في الأبيات أنسان تائه في اليلي يرسل لمحبوبه ولا يستطيع أن يصف كل الأجواء التي حوله بنتظام وإنما يرسلها بإرتباك و يصفها بإرتباك

:7:
د. حورية البدرى
29-08-2002, 09:50 PM
أخى ابن البلد

كنت كتبت تعليق على قصيدة أخرى وأرى أنه يصلح هنا أيضا -
وهو أن المصريين نايمين 00
عندما وضعت صورة العلم مع القصيدة تصورت انها ازدادت وضوحا 00
لكن بعد قراءة تعليقك 000 أنتظر تعليقا آخر فى حالة تلقى مختلفة منك 00
يمكن الكلام يختلف 00
وعلى فكرة 00 اختاروا هذه القصيدة فى الهيئة المصرية العامة للكتاب لتكون مفتتح ديوانى 00 وتسمى الديوان باسمها 00
أشكرك
ابن مصر
30-08-2002, 06:39 AM
اللة اللة اللة

وادي الكلام والا بلاش

عشت في احياء مصر الجميلة
مع كلامتك المصرية الحاوة

وفكرتني بزمان

واللة انت مصريةبنت مصرين

ربنا ما يحرمنا من شاعرك العظيم

اخيكي مصري كندي:5: :7:
د. حورية البدرى
30-08-2002, 08:04 AM
أخى مصرى كندى

انسى الدموع
وانسى الشجن
وماتفتكرش الا الحسين
أو ضحكه طايره بين صحاب
انسى عتاب النفس عن طول الغياب
ومادام بقيت وسطينا ؛
ماتبصش وراك
بص ف عنينا الطيبين !

------ د0 حوريه البدرى:)
ابن مصر
30-08-2002, 01:02 PM
اللة يارك فيكي
يا شاعرة المنتدي العظيمة
د. حورية البدرى
30-08-2002, 01:17 PM
ربنا يخليك أخى مصرى كندى

النهارده الجمعة
يوم مفترج ولتواصل الأهل والأصحاب
وفيه واحد كندى تانى غاب ولانعرف سبب غيابه
وهو الأخ Sam
يارب مايكونش زعلان مننا
ربنا يرد غيبته سالما باذن الله

وكل جمعة وانت طيّب انت وكل أعضاء المنتدى 000 خصوصا انت وابن البلد الأصيل :7: :)
ابن البلد
31-08-2002, 09:32 AM
ربنا يخليك د/ حورية
و الله أحنا لا نيجي جمبك شيء في الشعر
لكن أنا بس حبيت أوضح مفهومي للقصيدة عندما قرأتها
بس مش اكتر :)
:100:
د. حورية البدرى
31-08-2002, 10:35 AM
أشكرك ابن البلد

ده كفايه حضورك بس
يشرّف القصيده ، ويفرحها 00
:)
أشكرك
ابن البلد
31-08-2002, 11:11 AM
تموت كلمات الحق لو لم تجد من يفهمها

ربنا يخليك يا رب د/ حورية
ابن مصر
03-09-2002, 09:18 AM
واللة انتم الاثنين اصبحتم
غالين عندي اوي

والواحد مش عارف حايعيش
من غيركم ازاي

ياناس انتم يا حلوين

د -حورية العظيمة
اللواء ابن البلد ابو دم خفيف
د. حورية البدرى
03-09-2002, 02:19 PM
وتعيش من غيرنا ليه ياابنى 00 أقصد يااخويا
ح تجننى ليه 00 افتكر خير 00
صلّى على النبى 00 الشر برّه وبعيد
احنا مع بعض دايما باذن الله

:7:
ابن مصر
03-09-2002, 06:43 PM
خلاص طيب يا ماما ------ اقصد ياشقيقتي الغالية اوي
معرفش لية قولهتا --احيانا بنخف نفرح كتير
عادة مصرية بقي-----المهم انتم اخواتي
هو في حد يستغنا عن اخواتوا برضة
دة انا بفكر انزل مصر الصيف القادم
انشاء اللة علشان اشوفكم
انتم مكسب كبير لي -ةاصبحتم جزء
من يومياتي -
اللة يخلينا لبعض -------امين
00000000000000000000
د-حورية -- ابن البلد مشغول شوية
هذة الايام - بيعمل لنا مفاجاة عظيمة
قريبا جدا انشاء اللة -- لذلك مش راح نسمع
منة مثل الماض -- بس اسمعوا احيانا
يعني مرة مرة

مع تحياتي

كان نفسي تكوني بجانبنا -- بس ياخسارة
انت اللي مش عاوزة تكوني مشرفة المشاعر !!
د. حورية البدرى
04-09-2002, 06:36 AM
أخى عماد / ابن مصر

غالى والطلب رخيص
انت تأمر
وأنا معكم دائما باذن الله
بس المهم ان الموقع يفتح معايا ومايزرجنش زى امبارح
والله ماأقدر أرد لك طلب أبدا
مهما كان
ابن البلد
05-09-2002, 03:07 PM
شكرا شكرا
بس انا بعتب عليك ابن مصر
أنا مش لواء
أنا أركان فؤاد ....... أقصد أقول حرب ههههههههههه
د. حورية البدرى
05-09-2002, 04:16 PM
أخى ابن البلد
خير وجالك
ومن قبلك ذهب نفس الخير للموسيقار محمد عبد الوهاب مضافا اليه أيضا الدكتوراة الفخرية 00
كل شئ ممكن 00وممكن باشا 000 لكن - أخى - أنت صعّبتها 00 لأنه من غير الممكن على أى حد يحصل على لقب أركان حرب الا بشروطها 000 لكن 00 تصدّق 00 أرجع وأقول كل شئ ممكن ! 000 فلقب الشهيد مثلا أطلقوه على 00 زى ماانت عارف 000
يبقى اختار اللقب اللى يعجبك 00 المهم مصداقية الجهة المانحة 00 وانت عندك هذه الجهة رفيعة المستوى والمكانة 00 وهى " ابن مصر " 00 بارك الله فيك وفيه وفى منتدى " لؤلؤة المشرق العربى " مصر 00
ابن البلد
05-09-2002, 04:22 PM
ربنا يخليكي د/ حورية
و يخليلنا أ/ ابن مصر الغالي
ابن مصر
05-09-2002, 04:59 PM
جلك كلامي يا ابن البلد
بقي مش عجبك لواء
طب خد ياسيدي

قرارنا نحن ابن مصر العظيمة
تعين اب البلد فريق اول عي المنتدي !!! هههههه
كما قرارنا تعين الست الدكتورة
سيدة المنتدي الاولي
طالما مش عجبكم
اية ريكم -- بقي -- مبسوطين

اعتدزر الي - د- حورية

-------------------------------
واللة مشفتش ردك الجميل دة
ويا اختي العزيزة
واللة دة بر ضة العشم برضة
اصل انت عظيمة - ومش ممكن
حد يغير دة
انا عاجز عن الشكر انت غالية
اخيكي ابن مصر



ابن البلد مش عجبوا لواء - مش فاضل الا رئيس البلد
وبعدين تودنا وراء الشمس
ربنا يجعل كلامنا عليهم خفيف
د. حورية البدرى
16-09-2002, 09:41 AM
المر ليه فارد اديه فوق المدى ؟!
سارق حروفى والمداد
سارق فساتينى الجداد
ومانعنى ألبس الا أتواب الحداد ؟
المر ليه علقم كده ؟
والخطوه لو حرّه - مابين السوس - بقت متردده
ده اختبار من ربنا
وعشان كده لازم أنا أمشى بثبات
يمكن ألاقى بين بوار الأرض زرعه طيبه
يمحى خضارها كل ألوان البوار


----- د0 حورية البدرى

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث