مبروك للزمالك الهزيمة من الأهلى

[أحمد ناصر]

هذا العنوان قد يبدو أنه عنوان لموضوع ملىء بالسخرية من النادى الزمالك
لكن الحقيقة غير ذلك تماما
أنا أقصد فعلا تهنئة الزمالك بهزيمته من الأهلى
الضرر الذى كان سيلحق بنادى الزمالك فى حالة تمكنه من الفوز على الأهلى فى تقديرى كان سيصبح أكبر بكثير من المميزات والفرحة التى كانت ستعم بين جماهير النادى
فالفوز على الأهلى كان سيصبح بمثابة حقنة المخدر(البنج)التى قد تجعل المريض لا يحس مؤقتا بالآلام الموجودة لديه وبعد إنتهاء مفعول الحقنة بعد وقت قصير ستعاود المريض آلامه وربما بصورة أكبر
فإذا تناول المريض حقنة مخدر تلو الأخرى ودون أن يتناول العلاج الحقيقى
فإن مرضه وجرحه سيتفاقم إلى أن يصل إلى درجة قد يستحيل معها العلاج
إذا هناك مرض أو مشكلة حقيقية فى نادى الزمالك والوقوف علي المرض وتشخيصه تشخيصا صحيحا هو أول سبل وصف الدواء الناجع ومن ثم تحقق الشفاء
المشكلة الحقيقية فى نادى الزمالك من وجهة نظرى تكمن فى أعضاء النادى
أو الجمعية العمومية
يجب على الجمعية العمومية أن تنعقد وتسحب الثقة من مجلس إدارة النادى وتدعو إلى إنتخابات جديدة
يحرص فيها أعضاء النادى على إنتخاب مجلس إدارة جديد يتكون من أبناء النادى المخلصين
لا طالبى الشهرة ولا طالبى التربح والثروة
ما يحدث فى نادى الزمالك لا يرضى أى منصف وعاقل مهتم بالرياضة
قلبى مع القاعدة العريضة من جمهور نادى الزمالك (الملايين ممن ليسوا أعضاء بالنادى)
وأتمنى أن تعود الأمور إلى نصابها الصحيح فى أسرع وقت ممكن
فهل يفعلها أعضاء النادى؟

[محمود زايد]

داء نادى الزمالك هو مرتضى منصور ودواء النادى فى رحيله لانه زى ماقال عليه رؤوف جاسر نائب نادى الزمالك راجل لا عنده وعى ولاخبرة كافيه لاداراة النادى ومش فاهم ازاى يدير نادى الزمالك وعاوز يدير النادى كعزبه خاصه له مع وجود اعضاء امعات ليس لهم راى فى اى شئ يبقى الحل هو رحيل مرتضى فقط لاغير لكن استحاله يرحل ووراه ناس تؤيده وتسانده يااحمد مرتضى فاز فى الانتخابات ب10 الاف صوت يعنى نصف الاعضاء معنى كده ان شعبيته كبيرة وله محبينه من اعضاء الزمالك اللى هما سبب البلاوى اللى فيها الزمالك الان لان اغلبهم عاوزين شمسيه وكراسى وحضانات للاطفال يعنى نادى اجتماعى لان اغلب المشتركين عائلات ولما فاز مرتضى نفذ الكلام ده وبكده كسب ودهم ورضاهم
وللاسف ايضا بعد مافاز مرتضى جماهير الزمالك افتكر ان ده اللى هيقدر يجيب لهم حقهم الضايع زى مابيقولوا وطاح فى الكل وهما كانوا فرحانين بكده وساندوه واظنك شوفت اليافطات اللى كانت فى اى ماتش للزمالك ومكتوب عليه اسمه وتحتها درع وسيف نادى الزمالك
كلهم اخطاوا فى حق ناديهم والان بيشتكوامن تصرفاته ومشاكله
نادى الزمالك حله رحيل مرتضى منصور منه نهائى بلاعودة لكن صعب
وشكرا ياباشا على موضوعك

[ابن البلد]

بيتهيألي اللاعبين عليهم دور مهم كمان

[عمرو صالح]

مرتضى منصور انسان يعشق المشاكل ومش عارف لو كان كسب الأهلي كان عمل ايه
ده من يوم ما مسك الزمالك اتغلب من الأهلي خمس مرات واتعادل مره على ما اتذكر
والمره اللي اتعادل فيها مع الأهلي كلنا عارفين ان الأهلي كان منهك تماما
مش عارف لو كسب كان هيعمل ايه
ده كفايه انه بيفاخر بأنه كسب اسمنت السويس في السويس
قال كده في التلفزيون تخيلوا.؟؟؟؟
ومحمود زايد عنده حق في موضوع الكراسي والشمسيات ده في عضوه هنا في المنتدى كانت بتدافع جداً عن مرتضى منصور ولما سألتها قالت انها عضوه في النادي واللي يهمها انها لما تدخل النادي تعرف تلاقي مكان تقعد فيه
الاول كراسي مكسره وحدائق مبعثره وحاجات كده وصلت النادي لحال مراكز الشباب في الاقاليم
لكن بعد ما مسك قالت انها لقت مكان تقعد فيه
مبروك عليهم الكراسي والشمسيات:o
ومبروك علينا الدوري والبطولات:no1:

* شكرا على طرح الموضوع :f:

[عصام كابو]

انا اقول فعلا اعضاء النادى هم السبب
فهم الذين يتحكمون فى اختيار الرئيس و اعضاء مجلس الادارة
لاحظ فى الاهلى الاعضاء اختاروا مجلس متناسق و متناغم
انا بنفسى سمعت حازم امام فى الراديو لما سالوه انت فى المستقبل ناوى ترشح نفسك لرئاسة النادى قال ده شئ مش مضمون فى الزمالك لان فى معظم الاحوال الرئيس لا يكون من رموز النادى بعكس الاهلى الذى يتم اختيار الرئيس و الاعضاء من ابناء النادى المخلصين و عندنا ترىالرئيس و اعضاء مجلس ادارة نزلوا على النادى بالباراشوت
انا سمعت الكلام ده بودنى
لو اعضاء الزمالك اختاروا مجلس نزيه من رموز النادى المخلصين (مش شرط لاعبين كرة قدامى) و ليس من اللقطاء سوف تنصلح احوال النادى بالتاكيد
والله الموفق

[sea_wolf]

اعتقد اعضاء الانادى جميعا
من انتخبة ؟
ومن سكت على ظلمة

[أحمد ناصر]

داء نادى الزمالك هو مرتضى منصور ودواء النادى فى رحيله لانه زى ماقال عليه رؤوف جاسر نائب نادى الزمالك راجل لا عنده وعى ولاخبرة كافيه لاداراة النادى ومش فاهم ازاى يدير نادى الزمالك وعاوز يدير النادى كعزبه خاصه له مع وجود اعضاء امعات ليس لهم راى فى اى شئ يبقى الحل هو رحيل مرتضى فقط لاغير لكن استحاله يرحل ووراه ناس تؤيده وتسانده يااحمد مرتضى فاز فى الانتخابات ب10 الاف صوت يعنى نصف الاعضاء معنى كده ان شعبيته كبيرة وله محبينه من اعضاء الزمالك اللى هما سبب البلاوى اللى فيها الزمالك الان لان اغلبهم عاوزين شمسيه وكراسى وحضانات للاطفال يعنى نادى اجتماعى لان اغلب المشتركين عائلات ولما فاز مرتضى نفذ الكلام ده وبكده كسب ودهم ورضاهم
وللاسف ايضا بعد مافاز مرتضى جماهير الزمالك افتكر ان ده اللى هيقدر يجيب لهم حقهم الضايع زى مابيقولوا وطاح فى الكل وهما كانوا فرحانين بكده وساندوه واظنك شوفت اليافطات اللى كانت فى اى ماتش للزمالك ومكتوب عليه اسمه وتحتها درع وسيف نادى الزمالك
كلهم اخطاوا فى حق ناديهم والان بيشتكوامن تصرفاته ومشاكله
نادى الزمالك حله رحيل مرتضى منصور منه نهائى بلاعودة لكن صعب
وشكرا ياباشا على موضوعك
إزيك يا حودة
إنت عارف إن بالنسبة لموضوع اليافطات التى يكتب عليها يا مرتضى يا مرتضى
فهى غالبا ليست مقياسا حقيقيا لإرتباط الجماهير برئيس النادى
ومثل هذه الأشياء يمكن أن تفعل عن عمد وبتمويل من الشخص المطلوب تلميعه أمام الجماهير
كان يفعلها اللاعبين قديما ويمكن أن يفعلها رئيس النادى أيضا
أشك أن هتافات بنحبك يامرتضى عن طيب خاطر
فى ا لإنتخابات المحلية لمجلس الشعب يمكن أن تزور الإنتخابات أو أن تشترى الأصوات الإنتخابية
أما فى الأندية وبالذات فى نادى كبير مثل نادى الزمالك المفترض أن أغلب أعضاءه من ميسورى الحال فالأمر محير
أشكرك يا حودة على إشتراكك وعلى وجهة نظرك المقنعة جدا
:f2:

[أحمد ناصر]

بيتهيألي اللاعبين عليهم دور مهم كمان
أهلااااا يا أبويوسف
طبعا اللاعبين عليهم دور مهم جدا
وكذلك الجهاز الفنى
لكن الإدارة هى التى توفر الإستقرار والمناخ الجيد للفوز بالبطولات
والدليل على ذلك أن نفس مجموعة اللاعبين الموجودة حاليا بالزمالك حصدت البطولات فى الأعوام القليلة الماضية..فما الذى حدث؟

[أحمد ناصر]

مرتضى منصور انسان يعشق المشاكل ومش عارف لو كان كسب الأهلي كان عمل ايه
ده من يوم ما مسك الزمالك اتغلب من الأهلي خمس مرات واتعادل مره على ما اتذكر
والمره اللي اتعادل فيها مع الأهلي كلنا عارفين ان الأهلي كان منهك تماما
مش عارف لو كسب كان هيعمل ايه
ده كفايه انه بيفاخر بأنه كسب اسمنت السويس في السويس
قال كده في التلفزيون تخيلوا.؟؟؟؟
ومحمود زايد عنده حق في موضوع الكراسي والشمسيات ده في عضوه هنا في المنتدى كانت بتدافع جداً عن مرتضى منصور ولما سألتها قالت انها عضوه في النادي واللي يهمها انها لما تدخل النادي تعرف تلاقي مكان تقعد فيه
الاول كراسي مكسره وحدائق مبعثره وحاجات كده وصلت النادي لحال مراكز الشباب في الاقاليم
لكن بعد ما مسك قالت انها لقت مكان تقعد فيه
مبروك عليهم الكراسي والشمسيات:o
ومبروك علينا الدوري والبطولات:no1:

* شكرا على طرح الموضوع :f:

ومن هنا يا عمرو يأتى السؤال
الزمالك طوال تاريخه كان أغنىأندية مصر
ما الذى أدى إلى تدهور ميزانية ا لنادى إلى هذا الشكل
بحيث أهملت مجالس إدارات النادى المتعاقبة توفير الخدمات للأعضاء
فالنادى إجتماعى أيضا وليس رياضى فقط
والآن أصبحت خزانة النادى خاوية بهذا الشكل
حتى الملايين التى كنا نسمع أنها ستدر على النادى من جراء عمل مشروع المول التجارى داخل النادى أصبحت فى خبر كان ولم نعذ نسمع عنها شيئا

[أحمد ناصر]

انا اقول فعلا اعضاء النادى هم السبب
فهم الذين يتحكمون فى اختيار الرئيس و اعضاء مجلس الادارة
لاحظ فى الاهلى الاعضاء اختاروا مجلس متناسق و متناغم
انا بنفسى سمعت حازم امام فى الراديو لما سالوه انت فى المستقبل ناوى ترشح نفسك لرئاسة النادى قال ده شئ مش مضمون فى الزمالك لان فى معظم الاحوال الرئيس لا يكون من رموز النادى بعكس الاهلى الذى يتم اختيار الرئيس و الاعضاء من ابناء النادى المخلصين و عندنا ترىالرئيس و اعضاء مجلس ادارة نزلوا على النادى بالباراشوت
انا سمعت الكلام ده بودنى
لو اعضاء الزمالك اختاروا مجلس نزيه من رموز النادى المخلصين (مش شرط لاعبين كرة قدامى) و ليس من اللقطاء سوف تنصلح احوال النادى بالتاكيد
والله الموفق
كلامك صحيح جدا يا عصام
فأعضاء الجمعية العمومية فى الأهلى فضلوا القائمة المتناسقة
ومجلس إدارة الأهلى أعد للإنتخابات جيدا
حتى أن الخطيب رشح نفسه لمنصب نائب الرئيس لمواجهة الإحتمال القائم بأن يرشح طاهر أبوزيد نفسه لهذا المنصب
مما جعل طاهر أبو زيد يؤثر السلامة ولم يرشح نفسه لعلمه بشعبية الخطيب الجارفة والتى لن يستطيع أى منافس له أن يقف أمامها
فأجمل ما فى الأهلى أنه يسير حسب خطة موضوعة بعناية ومدروسة جيدا

[أحمد ناصر]

اعتقد اعضاء الانادى جميعا
من انتخبة ؟
ومن سكت على ظلمة
يا سلام يا سى ولف
فعلا السكوت عن الظلم هو العيب الذى لا عذر له
فقد يكون من إنتخب مجلس الإدارة قد خدع فيه
ولكن بعد كل هذه الفضائح
لماذا السكوت ؟