جمعية ضرب الزوجات

[برديس]

اختار الكاتب يحيى حقى هذا السطر السابق عنوانا لاحدى رواياته .:confused:. بالحقيقه اعتقد انه يحيى حقى ولكنى غير متاكده

تذكرت هذا العنوان وانا اقرا احد الردود بالمنتدى يتحدث عن ضرب الزوجه وانه فى بعض الاحيان قد يكون ضرورى لاصلاحها :eek:.. طبعا الضرب ذكر فى الاسلام كوسيله من وسائل اصلاح الزوجه ولكن اى ضرب يا اخوانى !! ليس ضربها قلمين طبعا كما كانت النصيحه !! بل ان ضرب الزوجه فى الاسلام اذا طبق كيفما قال الرسول سنجد انه لن يتعدى مداعبه بسيطه ورغم هذا نجد من يتمسك بالضرب كحق اساسى للزوج يمارسه كيفما اتفق .. اريد ان اعرف رايكم .. رجال او نساء .. هلى الضرب وسيله مقترحه للتعامل مع الزوجه !! :(

[مصراوى]

أهلا برديس
ياترى رد مين اللى بيقترح الضرب ده
هو حد فى الزمان ده يقدر يضرب زوجته
انا شخصيا رغم انى أشد اعضاء لمنتدى عداء للمرأه بضرب زوجتى 30 مره يوميا (فى الخيال الجميل )
لكن فى الحقيقه بستعيذ بالله من شر الاكياس النايلون
نطالب بجمعيه حماية الازواج
:D:D:D

[برديس]

أهلا برديس

اهلا مصراوى

ياترى رد مين اللى بيقترح الضرب ده

لا مش هاقدر اقول عشان الاخت العزيزه ماتزعلش وانا مش قصدى حد بعينه يعنى

هو حد فى الزمان ده يقدر يضرب زوجته

اعتقد كده :(:(

انا شخصيا رغم انى أشد اعضاء لمنتدى عداء للمرأه

ليه بس طيب :rolleyes:

بضرب زوجتى 30 مره يوميا

30 مره بس :2:

(فى الخيال الجميل )

ربنا مش يحرمك منه ابدا .. يبقى لا خيال ولا حقيقه !! :D

لكن فى الحقيقه بستعيذ بالله من شر الاكياس النايلون

النايلون مابقاش موضه عشان بيسيح :rolleyes: دلوقت بقى فيه تقنيات احدث ;)

نطالب بجمعيه حماية الازواج

طيب ابعتوا هاتوا قوات التحالف تدافع عنكم :p

[heba]

بسم الله الرحمن الرحيم
الأخت برديس
اهلا بك عضوه جديده
ولكن اى مشاركات تشجع على ضرب الزوجات؟ فى أى موضوع؟ احنا فى المنتدى عندنا جمعيه نسائيه لمناهضة اعداء النساء زى مصراوى فمن الذى شجع على ذلك لنضمه لمصراوى؟
اما رأى فى ضرب الزوجه يا عزيزتى فهو مرفوض فماذا يبقى للمرأه بعد اهانتها بالضرب 0

[saroo02]

انا معاكي إن الضرب ممنوع ومتخيلشي زوج يضرب زوجتوا إلي بيعمل كدة يعني يبقي مختل عقليا لانة فاكر إنوا كدة بيربي مراتوا الست لو عاوزة تعمل حاجة مفيش حاجة بتمنعها

دي حتي الطفل الصغير ممكن الضرب ميجبشي معاه نتيجة يعني حكاية الضرب دي كانت موضه قديمة وإنتهت خلاص


ليكي عليا لما أتجوز مضربشي مراتي خالص ولا اعملها اي حاجة ربنا يستر من الاكياس النيلون :D

[وادكول مش معقول]

قبل ما تطالب بجمعية حماية الازواج

نطالب اولا بمنع تصنيع واستيراد الاكياس النايلون السوداء

وبعدين ازاي تطالب بجمعية ........... حماية........ الازواج

جمعية ....... مؤنث
حمايـة ....... مؤنث

طالب ...... جمع حماة الازواج ههههههههههههههههههه

بكده يتم جمعهم كلهم في مكان والستات تستفرد بيهم ههههههههههه

[برديس]

شكرا يا اخت هبه على ردك :)

يا جماعه المشكله مش مين كتب هذه الجمله .. انا ممكن ابعت لك فى رساله خاصه بس مش قصدى والله شئ سئ لانه حدث مره ان استشهدت بكلام عضو فى موضوع فى موضوع جديد وفوجئت به يغضب :( لهذا لا اريد ان اقول فلان قال او فلانه قالت :o

المهم يا اختى . سعدت ان وجدت رايك متفق مع رايى .. بصراحه لا استطيع ان اتصور ان الزوجه يمكن ان تتعامل مع زوجها عادى لو اهانها اهانه فظيعه مثل الضرب :( وما يؤلمنى احيانا انى اجد بعض الزوجات لا يرين غضاضه فى هذا الامر :eek: واشعر انى انا الغير طبيعيه رغم ان العادى ان يغضب الانسان ايا كان جنسه لكرامته :confused: مش فاهمه :(

[برديس]

شكرا سارو :p

الحمد لله ان هذا راى رجل .. اقصد يعنى الطبيعى ان ترفض المراه هذا الامر فاحبيت ان اتاكد ان راى الرجال ايضا ان الضرب امر مرفوض تماما :rolleyes:

ان شاء الله ربنا يهبك زوجه تقدرك و تحترمك من دون ادخالك اكياس نايلون ولا دياولو :D

[برديس]

واد كول مش معقول :o

اولا الصوره الرمزيه لك فعلا مش معقوله :1:

ثانيا انصحكم فعلا بعمل جمعيه لحماية الازواج على غرار جميعة حماية المستهلك :D اصلها زى قلتها :rolleyes:

[deaa]

السلام عليكم ورحمة الله وبركاته ...

الأخت الغاليه ...برديس ..اهلا بيكى ...

سأحكى لك ....


الرسول عليع - الصلاة والسلام- كان له عدة زوجات ...واحبهن الى قلبه السيده عائشه -رضى الله عنها -....وكانت تتسم بغيرتها من باقى زوجاته ...
فقامت احدى زوجاته بأعداد طعام لذيذ للرسول -صلى الله عليه وسلم- فغارت السيده عائشه ...وضربت الصحن برجله وكسرته وكان هذا المشهد امام الصحابه - رضى الله عنهم - فقام الرسول-صلى الله عليه وسلم - ولملم الطبق وهو يبتسم وقال للصحابه ...لقد غارت امكم ...
وذهب لها وعاتبها بكلمات رقيقه .....ادمعت عينها ....

بالله عليكى ...هل هذا موقف يكون تصرف رجل من بتوع اليومين دولت كده ...
دى مش بعيد كان حدفها من الشباك ...
على الرجل ان يتفهم طبيعة المرأه الحساسه والعاطفيه فى التعامل ليستطيع ان يعلمها ويهذبها .....اما الضرب ...فهذا تصرف الرجال الذين لا يوجد فى عقولهم ذرة من الحكمه ...


ودى حالات بسيطه ....ويكون الراجل فيها فيه شئ اما من الأدمان او بتاع القهاوى ......

اما الغالبيه العظمى ...الست هى التى تكسر عظام الراجل ....مثل المسكين خالد واسكندرانى وما فعلته بيهم بنت النيل لما وافقو المسكينه ضياء ....فى موضوع .......:2:

[saroo02]

انا مقدرشي اقول غير كدة حكم القوي

[برديس]

وعليكم السلام ورحمة الله وبركاته ...

الأخت العزيزه ضياء اشكرك على الترحيب الجميل :)

وقد تاثرت كثيرا بقصة نبينا الكريم عليه افضل الصلاة و اتم التسليم

ولكنى تعجبت فى الحقيقه من رايك ان المراه غالبا هى الظالمه رغم انك قلت انت بنفسك انه فى الغالب ليس هناك رجل هذه الايام يقتدى برسولنا ويفعل ما فعله فى الموقف الذى ذكرتيه !! :confused:

وبصراحه اعترض على ان ضرب الزوجه يحدث فى حالات بسيطه !! :2: يا اختى الفاضله ما يتكتب فى الجرائد عن هذا الموضوع مجرد قطره فى بحر .. لسبب بسيط ان الضرب عموما وليس ضرب الزوجه فقط جزء اساسى من ثقافتنا العربيه :rolleyes:!! وتجدى كثير من الجهلاء يدافعون عن حقهم فى ضرب زوجاتهم متخيلين ان الشرع يبيح لهم هذا الضرب ايا كان نوعه و طريقته !! :mad:

الست لا تكسر عظام الرجل الا فى حالات بسيطه .:3:. هذا ما اراه لان الرجل غالبا يكون اقوى جسديا من زوجته .:D. والمراه حين تضرب قد تبتلع اهانتها كى تسير الحياه ولا تشرد اطفالها بينما الرجل !! الموضوع مالوش محل من الاعراب اصلا بالنسبه له ;)وجربى تسالى اى رجل

ماذا تفعل لو ضربتك زوجتك :eek:

هتلاقيه قال لك تضرب مين وهى تستجرى اصلا !! :1:

يعنى الموضوع غير وارد على ذهنه من اساسه لندرة حدوثه :rolleyes:

[deaa]

السلام عليكم ورحمة الله وبركاته ....

اختى الفاضله....

المرأه لا تحتاج للضرب ...بل يكفيها ان تبرق لزوجها ....:rolleyes:

[برديس]

هل انت جادة فى هذا القول ;)

تبرق لزوجها !! :rolleyes:

وهل تتزوجين "رجلا" يخاف من تبريقة زوجته !! :D

i think u r kidding :3:

[deaa]

السلام عليكم ورحمة الله وبركاته ...

لا طبعا انا لا اتمنى ان اقع فى مثل هذا الرجل ...ولذالك اقوم بمناصرة قضية الرجل المعذب لأضمن لى زوج اسد ....:D

[العمدة]

ليس من الرجولة ضرب الزوجة ..

وليس من الرقة ضرب الأزواج :D


أهم شيء في نظري في العلاقة الزوجية الأحترام ثم الأحترام

التفاهم ... والأنسجام ..

وقتها لن نحتاج لا لأكياس البلاستيك .. ولا لذهاب الزوج لأقرب مصحة نفسية

شكراً للكاتب .

[برديس]

يا حلاوته :D

وهو الرجل محتاج حد يعلمه يبقى اسد !! :rolleyes: قصدى يعنى هتناصرى الرجل المعذب على امل يتحول اسد فى يوم من الايام :p ياختى عليه :3: ارجو الا تتضايقى انا باهزر :1:

[برديس]

كاتب الرسالة الأصلية : العمدة
ليس من الرجولة ضرب الزوجة ..


الله ينور يا عمده :D جبت المفيد :p
العفو العفو لا شكر على هوم وورك :1:

[Mrs. Virgo]

:confused: انا إلي قلت "يرزعها ألمين"

بس دي مش كامل الجمله :confused:
ولا هو ده اصلا كان قصدي :confused:

أنا كنت بهزر ... على موضوع الزن ؟؟؟

حواء بتزن على ادم علشان ياكل من الشجره ..
طيب ادم كان المفروض يرزعها آلمين ...

:rolleyes: مش فاهمه ليه دايما قصدي بيتفهم العكس منه !!!!

طيب روحوا كده وشوفوا الموضوع ؟!؟!؟!؟

http://www.egyptsons.com/misr/showthread.php?s=&postid=33637#post33637

وارحموني بقى ..
يا برديس يا حبيبتي ..

ده أنا رئيس عصابة الستات في المنتدى ..
قصدي جمعية حماية المراءه في المنتدى ..
حد يقولها بقى اننا قصدي خير ..

:D

[deaa]

السلام عليكمورحمة الله وبركاته ....

ههههههههههه
هههههه
ههه

ادى التهمه لبست فى زعيمة العصابه ...( ينساء المنتدى اتحدو )

هه
ههههه
هههههههههه

[برديس]

يا اختى العزيزه لهذا السبب تماما انا لم اقل من صاحب العباره

ببساطه شديده لانه عبارتك هى السبب فى فتح هذا الموضوع وعليه يبقى المفروض انى اقول لك شكرا مش اى حاجه تانيه

لكنى كما ذكرت حصل معى هذا الموقف من قبل و استشهدت بكلام عضو فى موضوع غير الموضوع الذى قيل فيه الكلام فهذا العضو زعل

وانا والله لم يكن قصدى اى فهم خطا واعتذر عن اى خلط غير مقصود :)

[Mrs. Virgo]

:D انا مش زعلانه والله .. انا بوضح وجهة نظري مش اكثر :cool:




:( بس اسكتي .. مش sarooo بيقول انه هيجيب حديث عن الرسول
بيثبت ان حواء فعلا هي السبب من طلوع ادم من الجنه .. :(

ربنا يستر بقى .. :2: لو كده هقفل الجمعيه وقعد في البيت :)

[Mrs. Virgo]

:D ضيا .. الله يسمحك .. فرحانه فيه .. :(

ما كنش العشم بردوا .. :(

[برديس]

:confused::confused::confused:

قرات فحوى الحديث و بصراحه اول مره اسمع عنه :rolleyes::rolleyes::rolleyes:

على العموم ها نحن منتظرون :o:o:o

[Mrs. Virgo]

:) هبه .. يا لهوتي .. انت عايزه تضميني لمصراوي .. لأ والنبي اوعي ..
في حد يحط أسدين في قفص واحد .. :D

[saroo02]

إن شاء الله هتتقفل علي إيدي يا مس فرجوا قريبا جدا
إنتظروني أنا جاي ومعي الحديث

معدنا يوم الاربع علشان انا بكرة أجازة :183: :113: :117: :124:

[برديس]

ان شاء الله هتتكبس :p و الباب هو اللى يتقفل على ايدك مش الجمعيه :D

[saroo02]

ها ها ها ها هاي
إبقي تعالي قبليني انا عندي الكتاب وهحفظوا صم :D:D

[خالد بن الوليد]

نعم .. فيه ايه ..
عاوزين ايه تاني يا ستات .. ليكم عين تتكلموا اصلاً :mad:

قال ضرب قال !! هوة حد يقدر .. دا الراجل مبقاش يقدر يضرب عياله دلوقتي ..
دنا عندي البنت عطيات بنتى ( اللى في خامسة ابتدائي ) كل يوم تضربلها 2 ولا 3 من المدرسة ..
افترى منذ الصغر :p

:D

بجد طبعاً الضرب مرفوض بصفة عامة في التعامل مع الست أو الراجل أو الطفل .. أو حتى في الشارع .. :3:

[خالد بن الوليد]

بالمناسبة .. يمين شمال آدم هوة المسؤول ..
و نصوص القرآن واضحة .. و مش ممكن يكون فيه حديث بيقول خلاف النص القرآني .. :rolleyes:

أى خدمة .. روح رياضية :D

[maistro]

الأخت / برديس
تحية طيبة
طبعا الضرب ضرورى اذا لزم الأمر فهو شرع ومذكور فى القرآن .
ولكن أتساءل وبشدة هل هناك من يطبق هذا الضرب كما هو فى الشرع ، فالضرب ليس المرحلة الأولى فى عقاب الزوجة !!
ومعنى تحديد القرآن لعقاب المرأة المختلف معناه أن المرأة خطاءة أو هى مهيئة للخطأ دائما فى كثير من الأمور !!
عموما لا يوجد هناك من يقوى على ضرب المرأة !! ليس بسبب القوة الغير موجودة !! لا بل بسبب كثرة الفتيات الآن !!
فأى زوجة تطيع زوجها الآن خوفا من احتلالها مرتبة فى صف المطلقات أو الحصول على لقب مطلقة وبتزايد نسبة الفتيات يبقى خوف المرأة من غضب زوجها !! فأعتقد أن من يضربها زوجها الآن تكون أسعد من أن تكون مطلقة !!
المايسترو

[بنت النيل]

الإخوة والاخوات أسعد الله اوقاتكم بكل الخير

الرجل الذي يلجأ للضرب كوسيلة للتعامل مع المرأة يكون قد اعلن فشله الذريع كربان لقيادة سفينة الاسرة وفشل في ايجاد وسيلة للتفاهم مع زوجته

والمرأة التي تقبل الضرب لاتسحق الرثاء

ومعذرة ياأخ مايسترو لااتفق معك فيما قلت من قبول المرأة للضرب خوفا من استبدالها بأخرى
الحقيقة لم اصادف في حياتي امرأة تقب بهذا الوضع

فما رايكن ؟؟؟

[maistro]

العزيزة / بنت النيل
تحية طيبة
لعلكى لم تلحظى أننى كتبت أننى اعتقد ( معنى أن هذا اعتقادى ) وليس هذا هو الموجود أو الواقع فلقد أشرت الى كثرة الفتيات أو بمعنى أصح الجنس اللطيف !! أم أنكى لست معى فى أن نسبة الاناث تفوق نسبة الذكور !!
تحياتى وشكرا لكى كما أننى معكى بالطبع !!
المايسترو

[بنت النيل]

الأخ مايسترو

انا ملاحظة انك دائما ماتلفت نظري لأن الاحظ أو أفهم او ماشابه

والله انا عارفة وملاحظة ان ده اعتقادك الشخصي ... ولكن هذا لايمنع ان اختلف معك في وجهة نظرك

ام تراني يجب ان اخفي اختلافي او أؤمن على ماتقول

[برديس]

يا اخ خالد :o

حرام عليك .:(. بقى عطيات بتضرب زملاءها فى المدرسه !!;)مش يمكن حد فيهم حاول يتطاول عليها قامت هى وقفته عند حده؟ :mad: اظن لا لوم ولا تثريب عليها ولا ايه بقى !! :p

اسمح لى ابدى اعجابى بروحك الرياضيه العاليه .:D. يا سلام يا سلام هو ده الكلام :) :) :)

[برديس]

اخ مايسترو

الضرب نعم ذكر فى القرآن ولكن الرسول عليه الصلاة و السلام حدد كيف يكون هذا الضرب ولو تفكرت فيه لوجدته ليس ضربا على الاطلاق .:eek:. بل يمكن اعتباره عقوبه معنويه اكثر منها جسديه !!

اسمح لى اختلف معك فى معنى تحديد عقاب للمراه فهذا ليس معناه انها خطاءه او مهياه للخطا .:rolleyes:. فالرجل يخطئ ايضا ولكن لانه هو القوام على المراه امكن تحديد عقوبه للمراه يطبقها الزوج بوصفه قوام عليها لكن لو اخطا الزوج فالزوجه لا تستطيع معاقبته فلم يحدد لها الشرع طريقه لتقويمه مثلا .:confused:. هذا راى قد يصيب او يخطئ لكن انا اختلف معك بشده فى موضوع المراه مهياه للخطا ده .:mad:. اذا كان الرسول عليه الصلاة و السلام قال استوصوا بالنساء خيرا و رفقا بالقوارير وقال ايضا خيركم خيركم لاهله :( لا فعلا انا متضايقه جدا من التفسير ده :2: ولكن طبعا انت حر فى رايك :rolleyes:

بخصوص موضوع ان الزوجه بتخاف من عصيان زوجها حتى لا تصير مطلقه !!:eek: ده شئ عجيب جدا .:confused:. هو الرجل ممكن يطلق زوجته ببساطه كده !! :3:انت ادرى على العموم لانك رجل .:rolleyes:. لكن اعتقد انى اقدر اقول لك ان المراه التى تضرب لا يمكن ان تكون اسعد حالا من المراه المطلقه ..:( مؤكد كلتاهما تعيستان .:2:. المراه التى تضرب تعيش فى حالة فزع دائم و خوف من زوجها فهل تتصور قيام حياه زوجيه سليمه فى ظل هذا الخوف !! :rolleyes:اشك جدا ..:p مع تحياتى

[برديس]

سالخير يا اخت بنت النيل :p

لا فض فوك يا اختى العزيزه :D الرجوله ليست عضلات مفتوله ولا شوارب يقف عليها الصقر كما يتصور البعض :mad: بل هى معنى اعمق من هذا بكثير وانا ارى ان الرجل الحق يتصف بالحنان و العطف على زوجته وقد لا يفكر اطلاقا فى ان يعاقب زوجته بما يؤذى مشاعرها لانها جزء منه وهو جزء منها :3: هكذا يجب ان يكون التعامل بين اى زوجين :rolleyes:

[خالد بن الوليد]

الرجولة أدب .. مش هز كتاف ..

اوعي يغرك جسمك يا استاذ لمبى :3:

:D

و الراجل مش بس بكلمته .. الراجل ببدلته ..اوب .. قصدي ..
الراجل برعايته لبيته و اسرته ;)

[برديس]

كاتب الرسالة الأصلية : خالد بن الوليد
الرجولة أدب .. مش هز كتاف ..



كتاف !! :eek: وايه علاقة الكتاف بالموضوع :confused: انا اول مره اعرف ان فيه علاقه بين الكتاف وبين الرجوله :rolleyes:

[saroo02]

لية علاقة طبعا
الكتف الكبير بيشيل كتير والكتف الصغير علي أدوا :D

[خالد بن الوليد]

يا فندم انها دعابة .. :rolleyes:
it was a jok :3:

[برديس]

كاتب الرسالة الأصلية : saroo02
لية علاقة طبعا
الكتف الكبير بيشيل كتير والكتف الصغير علي أدوا :D


مرح :p :p :p والله العظيم مرح :) :) :)

:D :D :D

[برديس]

كاتب الرسالة الأصلية : خالد بن الوليد
يا فندم انها دعابة .. :rolleyes:
it was a jok :3:

يافندم آى نو اتس جوك :D :D :D كل ما هنالك انى اول مره اسمعها :p :p :p

[saroo02]

الله يخليكي دي من زوقك :D:D:D:D

[Mrs. Virgo]

:D هو انا ابتدي الخناقه .. وارجع القيكم بتقطعوا في بعض :D



مايستروا .. انا معاك ان في ستات بترضى بحجات كثيره .. علشان ما يبقاش اسمها مطلقه ...

فهي بترضى بالذل والمهانه ..
وبترضى بتحكم اسرة زوجها كلها فيها ...
وبترضى بالضرب زي ما قلت ..
وبترضى انه يتجوز عليها كمان .... بس يسبها على ذمته ..
حتى لو لم ينفق عليها ... حتى لو لم يزورها هي واولادها ابدا ..

بالذمه بعد كل ده .... لسه مش قدرين تشوفوا ان الست في مجتمعنا مش
بس مظلومه من الرجاله .... دي كمان مقهوره ....

بالذمه ... مش لقب ارمله .. احسن ... اريح .... واشيك ... واحلى :D

:D مع تحياتي ..
رئيسة جمعية تدبيح ... قصدي تحرير المرأه .. :D

[خالد بن الوليد]

ميس فيرجو ..
كل مقرأ مشاركاتك .. ببلع ريقي بالعافية :(

يا مفترية :mad:

أولاً الستات اللى من النوع ده قليلين .. و بصراحة اللى ترضى بكدة تبقى هية اللى غلطانة ..
غلطانة في الاختيار من الأول اصلاً انها تقبل تتجوز واحد مفتري و مايعرفشي ربنا ..

عموماً كالعادة هقول الستات 100 100 .. و يحي الظلم :3:

[maistro]

الأخت العزيزة / بنت النيل
تحية طيبة
أراكى مازلتى غاضبة من مشاركة مختلفة بيننا ولا يمكن أن تكون مشاركتك السابقة هى مشاركة عادية !!
لا أريدك أن تؤمنى على كلامى فقط لكى حق الرد وحق الاختلاف وكل الحق فى مشاركاتك ولكن أن تجعلى من ردى سببا لما أفردتى فهذا لا يعقل ، عموما مشاركتى لا تتعدى الاعتقاد ولستى مجبورة على الرد عليها !!
الأخت / ميس فيرجو والأخت / برديس
تحية طيبة لكما
أشكركما على ردكما الرائع ،
وبالتأكيد ليس هذا شرطا أن يكون الأسلوب سائدا وأنا أفردت كلمة أعتقد ولا يخفى على أحد أن الآ لقب مطلقة تهابه الكثيرات أى كان الطلاق وليس هذا معناه أن تعيش المرأة حياة ذليلة ومهينة خوفا من ذلك ليس الى هذه الدرجة ،
فأنا أرفض هذه الحياة لأخواتى أو لزوجتى أو لأى امرأة أخرى .
لكما تحياتى الحارة
المايستـرو

[عروسة النيل]

القرآن الكريم قال واضربوهن

صدق الله العظيم








عروسة النيل

[Mrs. Virgo]

خالد بن الوليد
:D انا جيت نواحيك ؟؟؟
ولا حتى أعرف مي علشان اوصيها عليك ؟؟؟

خالد بن الوليد
صدقني .. الستات من النوع ده هما الأغلبيه ..
بس هما زي ما قولنا ..
بيستعدوا للحصول على لقب ارامل بدل من لقب مطلقه ..

علي يدي .. ;)

يا مايستروا ..
:D ما هو يا مايستروا هي دي المشكله ..

أن انت بتكره اللقب ده لأحد نساء عائلتك ..
وكل الناس في مجتمعنا العربي بيكرهوا اللقب ده ....

مطلقه = "ست وحشه ما عرفتش تحافظ على بيتها وجوزها"
هي دي كلمة مطلقه من منظورنا العربي .. بغض النظر عن إيه الأسباب ..

مع تحياتي ..

رئيس جمعية
سواطير ............. قصدي .. سوا تعيش النساء حياه افضل .. :D

[maistro]

العزيزة / ميس فيرجو
تحية طيبة
يا عزيزتى أن أقصد أننى أكره الحياة الذليلة !! وليس لقب المطلقة !!
فهناك مطلقات مظلومات ، وهناك مطلقات لأن أزواجهن ليسوا على مستوى المسؤولية !! وهناك مطلقات لأن أزواجهن لا يتقين الله فيهن وفى أولادهن أو بيوتهن أو معاملتهم لهن !!
وفى الحالات السابقة أهلا بلقب المطلقة طالما أن الخطأ يرجع الى الزوج !!
--------
ميس فيرجو --- والله أنا خايف ان الجمعية اللى انت رئيسة فيها دى تكون جمعية ( سواطير واكياس النايلون للنساء ) !!:D :D :D
فى الحالة دى يا مرحبا بلقب أرمل أو عازب !!
المايسترو

[Mrs. Virgo]

maistro

طيب ..... ده انت شكلك استسلمت .. :D