موبايلي مش شايف الميموري كارد تعالوا شوفولي حل

[عمرو صالح]

سلام عليكم

لاحظت ان موبايلي بقى تقيل جداً ولو شغلت كليب بيقطع صوت وصورة
توقعت ان في فايرس
وفعلا طلع عندي عدد من الفيروسات بس في الميموري كارد
وكلهم كانوا في فايل TEMP
حاولت امسحهم مفيش فايدة
نقلت كل اللي على الميميوري كارد في فايل على الكومبيوتر
وغمات فورمات للميموري فقط
ورجعت بعدها نزلت كل اللي نقلته تاني وعملت سكان تاني
مظهرش ولا فايرس
المفاجأة ان الميموري كارد مش ظاهر تماما في الموبايل
ايه السبب
على فكره انا عندي ميموري تاني والموبايل شايفه
اللي عنده طريقة يتفضل يساعدني قبل ما اولع فيه
* الموبايل نوكيا 6630

[badry_1986]

الاول انت عملت فورمات للكارت عن طريق ايه ؟؟
الموبيل ولا fat 32 ولا ntfs ولا ايه ؟؟؟؟؟
على العموم كل الانواع دى من الفورمات للكارت غير سليمه وانا ان شاء الله هرفع دلوقتى البرنامج بتاع فرماته الكروت الميمورى وهحط لحضرتك الرابط ان شاء الله انهارده

[badry_1986]

بالفعل لقيت فى احد الاعضاء الافاضل قام بالموضوع وانا بعد اذنه اقتبسته منه علشان تستخدمه

هذا البرنامج يعمل على جميع كروت الميمورى الموجودة فى الموبايلات ذات حجم الذاكرة



يعمل هذا البرنامج بعد توصيل الموبايل بالكومبيوتر ثم
1-الدخول على حجم الذاكرة
2- اختيار ذاكرة كارت الميمورى مهما كان حجمه
3- عمل فورمات
وكان كارتك جديد ولسه طازة

11994
ملحوظة يعمل هذا البرنامج على ويندوز (xp)/

[عمرو صالح]

شكرا يا بدري
انا الحمد لله عرفت افرمته
بس عن طريق بس المره دي كان ادامي خيارين
fat30
fat
واخترت التاني وفرمته تاني وطلع تمام
برضه نزلت البرنامج اللي انت ارفقته
شكرا على مجهوك يا بدري

[badry_1986]

شكرا يا بدري
انا الحمد لله عرفت افرمته
بس عن طريق بس المره دي كان ادامي خيارين
fat30
fat
واخترت التاني وفرمته تاني وطلع تمام
برضه نزلت البرنامج اللي انت ارفقته
شكرا على مجهوك يا بدري
الحمدلله انه اشتغل
دمت بكل خير:f:

[أبو منار]

الحمد لله
قلت اخش اساعد لاقيت ربنا حلها
الحمد لله

[مات الحنين]

الف شكر اخى الكريم بدرى وجزاك الله كل خير
انا اول مره اشارك شاركت بسببك
لانى كنت واقع في المشكله دى وبعت الكارت وجبت بداله بسبب انى مكنتش عارف افرمت الكارت بس انته حليت المشكله بالبرنامج ده
وعندى استفسار ليك
انا جهازى
6260
وفجاءه وقف خالص كل ما افتحه يقف رحت لمكتب صيانه وصله بالكمبيوتر وقرا البيانات وقالى خلاص انا ركبت سوفت وير وطبعا دفعت مبلغ محترم رغم انى مشفتوش عمل حاجه بس انا قلقت من موضوع تغيير السوفت وير ده فهل ده حيتكرر تانى اتخلص من الجهاز ولا هو كان مهنج ياريت تدينى رايك
والسلام عليكم ورحمة الله وبركاته

[badry_1986]

الف شكر اخى الكريم بدرى وجزاك الله كل خير
انا اول مره اشارك شاركت بسببك
لانى كنت واقع في المشكله دى وبعت الكارت وجبت بداله بسبب انى مكنتش عارف افرمت الكارت بس انته حليت المشكله بالبرنامج ده
وعندى استفسار ليك
انا جهازى
6260
وفجاءه وقف خالص كل ما افتحه يقف رحت لمكتب صيانه وصله بالكمبيوتر وقرا البيانات وقالى خلاص انا ركبت سوفت وير وطبعا دفعت مبلغ محترم رغم انى مشفتوش عمل حاجه بس انا قلقت من موضوع تغيير السوفت وير ده فهل ده حيتكرر تانى اتخلص من الجهاز ولا هو كان مهنج ياريت تدينى رايك
والسلام عليكم ورحمة الله وبركاته
ده شرف لى طبعا يا "مات الحنين" انك تشارك بسببى ولعلمك المنتدى ده رائع جدا اتمنى انك تستمر فيه
ثانيا الحمد لله ان المشكله اتحلت واحنا فى الخدمه ياباشا:good:
وبالنسبه لل6260 وحكايه السوفت وير ده ولا بيأثر على الجهاز ولا حاجه طول ما الفلاشه اللى نزلها الانسان ده اصليه يبقى مفيش قلق لانه ببساطه زى الويندوز للكمبيوتر ومفيش اى داعى للقلق وحته انه يحصل تانى ويوقع سوفت دى صعبة الا لو فى عيب فى الراما بتاعة الجهاز ولو حصل بتعمل السوفت عند نفس المحل ببلاش لانك دافع اول مره وبعد كده تبقى تطلع منه (ده لو لا قدر الله وحصل لكن من اول مره ده امر طبيعى وعادى خالص ممكن فيروس يتسبب فى توقيع سوف)
وحكايه مبلغ محترم طبعا انا مفهمتش كام بالظبط بس لو لغاية 20 جنيه فعادى اعذره لانه مشترى الجهاز اللى بينزل به السوفت برضه مش رخيص وليه مشاكل بتكلفه برضه ولو اكتر فقول حسبى الله ونعم الوكيل فيه
واسف على تاخر الرد بسبب امتحناتى والله
ونورت المنتدى يا باشا *197*

[atef6600]

اخوانى الاعزاء انا عندى موبايل 6600 وكان فيه مشكلة سوفت وير ونزلت من جديد السوفت وير ولكن لما الموبايل اشتغل ظهرت مشكله معقدانى على الاخر الا وهى الباص ورد بتاع الميمورى كارد وانا من الاتساس مكنتش حاطط باص ورد ومش عارف اعمل ايه ارمى الكارت واريح دماغى واشترى غيره حقيقى انا مستحرم افيدونى افادكم الله وشكرا

[badry_1986]

اخوانى الاعزاء انا عندى موبايل 6600 وكان فيه مشكلة سوفت وير ونزلت من جديد السوفت وير ولكن لما الموبايل اشتغل ظهرت مشكله معقدانى على الاخر الا وهى الباص ورد بتاع الميمورى كارد وانا من الاتساس مكنتش حاطط باص ورد ومش عارف اعمل ايه ارمى الكارت واريح دماغى واشترى غيره حقيقى انا مستحرم افيدونى افادكم الله وشكرا
يا سيدى ده بيبقى فيروس او ما شابه نزل للكارت وممكن يكون اللى فرماته فرمته غلط
على اى حال علشان يشتغل تانى بيتفرمت على جهاز 9210i وبيرجع يشتغل تانى عادى وبالطبع اى داتا كانت عليه بتتمسح
دمت بكل خير:f: