فين كراستي ؟؟؟؟

[وفاء كحيل]

http://www.lahdah.com/gallery/data/media/2/1107888507112221.jpgفين كراستي


فين كراستي .. عاوزة أشخبط
هرسم ضحكة على وشي بتتنطط
عشان شايفاك يا قلبي مهزوم
وحاسه إنك على طول متلخبط

هاتولي كراستي أنا هرجع طفله
بحن لمامتي وكمان للأبله
عشان يا قلبي انت محروم
وماتبقاش ف دروب الهم متحنط

هرسم صورة حلوه كمان
متلونه بكل الألـــوان
يا قلب حنين م الروح متمكن
يا درب مشيته بقالي زمان

هاتي الحضن الدافي يا أمي
واديني بوستي
قوام أنا رايحة لمدرستي
ادعيلي دعوة حتى ارجع تاني
ولا يبعدناش تاني أي مكان

وهاتولي كراستي عاوزة أعبر
ارسم وش الصبح بيها بينور
يا رب بحبها حب من قلبي
إزاي على بعدها راح أصبر
إزاي على بعدها راح أصبر


بقلم / وفاء محمود كحيل
الثلاثاء‏، 07‏ شباط‏، 2006