سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : أشد جنود الله ............. رؤية شعرية .......

احمد ابوسنة
09-05-2006, 03:56 PM
أشد جنود الله
صعبة الحياه جداً
واصعب مافيها جبال
عالية كما هيه
فى كل عصر اتزال
جبل بيتحدى الزمن وشديد
واقف على ارض الحياه وعنيد
صعبة الحياه جداً
واصعب مافيها حديد
يحفر فى بطن الجبل
ويفجر الانهار
ويهد لون التراب
الظلمة تبقي نهار
صعبة الحياه جداً
واصعب مافيها النار
تحضن قلوب الصلابة
وتحنن الاحجار
فى البرد ندّفي
ولحضنها نشتاق
صعبة الحياه جداً
واصعب مافيها الماء
فيها وجوه الروح
والعمر للأحياء
فيما ثمار الزرع
الجذر فوقه الفرع
الطفل يلقي الضرع
والحبر يتصّنع
من عشقه للأوراق
صعبة الحياه جداً
واصعب مافيها سحاب
يشيل بحور الزمن
ويسبب الأسباب
يحضنها بين ايده
للزرع يوم عيده
يِنزل مطر بحساب
صعبة الحياه جداً
واصعب مافيها الريح
تنقل جبال الخوف
تفتح عيون للشوف
مأمورة من سيدها
والدنيا اهى بإيدها
قادرة تهد الكون
وتفرق الأحباب
صعبة الحياه جداً
واصعب مافيها انت !!
من عهد ادم والصعاب الوان
هَزَمت كل المحن
وكتبت للأنسان
النصر ليك اتحسب
فى الدنيا واللى كان
صعبة الحياة جداً
واصعب مافيها السُكْر
يدخل فى قلب العقول
ويعشش الشيطان
صعبة الحياه جداً
إن ترضي فيها مهان
إن ترضي تتنفس هوا العيان
بص لايديك شوفها
متلونة كفوفها
بالخضره ويا الدم
امسح جبين الهم
وانزع سنين خوفك
وامسح هموم محروم
صعبة الحياه جدا
واصعب مافيها النوم
يهزم عيون السهاره
يخرس لسان القوم
طايل فى كل مكان
وفى قوته سلطان
لسانك آهو اتلم
عن الكلام والنم
صعبة الحياه جداً
واصعب مافيها
الهم
يقتل شفايف فرح
داخل عيون إنسان
يخنق لسان الكلام
عند قول
الحق
لا الأهه تنطقها ولا ارادة
لأ
صعبة الحياه جداً
واصعب ما فيها انت !!
شقيت طريقك للصعاب كلمة
حطيت فى قلبك بذور الحب والجنة
ورويتها ايدك دهور بالعطر والحنة
طرحت بذورك حياه جوه كل الناس
القوة مش بالكَم
والجمع مش ممكن
يجيلُه يوم يتلم
الا بحب الله
الا بصنع حياه
صعبة الحياه جداً
واصعب مافيها
الهم
_______________

احمد ابوسنة
احمد ابوسنة
11-05-2006, 10:03 AM
هو النص وحش للدرجة دى
والا مش واضح
والا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الناس تدخل تقرأ وتمشي
انا بسأل بس
فى حاجة انا مش شايفها ؟؟؟؟؟؟؟؟؟؟؟؟؟؟؟؟؟؟


احمد ابوسنة
طارق المملوك
11-05-2006, 10:44 AM
الاخ العزيز احمد ابو سنة
ما اعمق افكرك التى تطرحها دائما تاتينا بالجدي اعتقد ان الفكرة مقتبسه من كلام لسيدنا على بن ابى طالب بس التعبير القوى و رشاقة الكلمات و الموسيقى الرائعة جعاتنى اقرا كانى اول مرة اسمع بها هذا الكلام
دمت مبدعا يا صاحب القلم الرشيق و عذرا للتاخيرد
عصام علم الدين
11-05-2006, 12:03 PM
أحمد أبو سنه
الشاعر الجميل والإنسان الطيب والمندفع أحياناً
أنا عايزك المره اللي جايه قبل ماتنزل القصيده تبعتلي ماسيج على التليفون
وأنا أوعدك أخش أعلق عليها قبل ماتنزلها
لحسن أنا مقدرش على زعلك أبداً
بس ياأحمد زي ماأنت قلت بهذا الجمال وبهذه الكيفيه
وبتلك الموسيقى الجميله والمفردات اللي على الفرازه
صعبه الحياه جداً
يعني الواحد ممكن يكون عنده وقت يقرا بس ماعندوش وقت يكتب
يكون عنده مزاج يقرا القصيده دلوقتي ع السريع وبعدين يرجعلها بعدين يقراها براحه
يعني إنت إطمن وحط في بطنك بطيخه صيفي ـ كل سنه وإنت طيب ـ البطيخ على الأبواب
إن أنت ماأن تضع قصيده حتى يتلهف الجميع لقرائتها
وبعدين زي ماأنت شايف الواحد مش عارف يلاحق على إيه ولا إيه

عصام علم الدين
منال درويش
11-05-2006, 01:24 PM
يا أحمد يا ابو سنة

الرحمة شوية :)

ح نلاقيها منك ولا من عجايبك ولا من صعبة الحياة جداً
وعايزنا ندخل نرد على طول :)

من غير ما نفكر ونرتشف شوية من هذا النبع الصافى

عموما انا دخلت ابصم بتوقيعى
عشان زعلك والله يا ابو حميد

لكن لي عودة ان شاء الله وانت عارف اا لما بارجع باعمل ايه :):)


كل تقديري

أختك دائماً
صفحات العمر
11-05-2006, 02:27 PM
أشد جنود الله
صعبة الحياه جداً
واصعب مافيها جبال
عالية كما هيه
فى كل عصر اتزال
جبل بيتحدى الزمن وشديد
واقف على ارض الحياه وعنيد
صعبة الحياه جداً
واصعب مافيها حديد
يحفر فى بطن الجبل
ويفجر الانهار
ويهد لون التراب
الظلمة تبقي نهار
صعبة الحياه جداً
واصعب مافيها النار
تحضن قلوب الصلابة
وتحنن الاحجار
فى البرد ندّفي
ولحضنها نشتاق
صعبة الحياه جداً
واصعب مافيها الماء
فيها وجوه الروح
والعمر للأحياء
فيما ثمار الزرع
الجذر فوقه الفرع
الطفل يلقي الضرع
والحبر يتصّنع
من عشقه للأوراق
صعبة الحياه جداً
واصعب مافيها سحاب
يشيل بحور الزمن
ويسبب الأسباب
يحضنها بين ايده
للزرع يوم عيده
يِنزل مطر بحساب
صعبة الحياه جداً
واصعب مافيها الريح
تنقل جبال الخوف
تفتح عيون للشوف
مأمورة من سيدها
والدنيا اهى بإيدها
قادرة تهد الكون
وتفرق الأحباب
صعبة الحياه جداً
واصعب مافيها انت !!
من عهد ادم والصعاب الوان
هَزَمت كل المحن
وكتبت للأنسان
النصر ليك اتحسب
فى الدنيا واللى كان
صعبة الحياة جداً
واصعب مافيها السُكْر
يدخل فى قلب العقول
ويعشش الشيطان
صعبة الحياه جداً
إن ترضي فيها مهان
إن ترضي تتنفس هوا العيان
بص لايديك شوفها
متلونة كفوفها
بالخضره ويا الدم
امسح جبين الهم
وانزع سنين خوفك
وامسح هموم محروم
صعبة الحياه جدا
واصعب مافيها النوم
يهزم عيون السهاره
يخرس لسان القوم
طايل فى كل مكان
وفى قوته سلطان
لسانك آهو اتلم
عن الكلام والنم
صعبة الحياه جداً
واصعب مافيها
الهم
يقتل شفايف فرح
داخل عيون إنسان
يخنق لسان الكلام
عند قول
الحق
لا الأهه تنطقها ولا ارادة
لأ
صعبة الحياه جداً
واصعب ما فيها انت !!
شقيت طريقك للصعاب كلمة
حطيت فى قلبك بذور الحب والجنة
ورويتها ايدك دهور بالعطر والحنة
طرحت بذورك حياه جوه كل الناس
القوة مش بالكَم
والجمع مش ممكن
يجيلُه يوم يتلم
الا بحب الله
الا بصنع حياه
صعبة الحياه جداً
واصعب مافيها
الهم
_______________

احمد ابوسنة


فعلا يا صاحبى صحيح

اصعب ما فيها الهم

سقيل اوى ف طلته

وفرشته تقيله ..

بالعافيه لو تتلم

لو جه حداك ليله

تلقى السحاب سواح

والنجم باكى حزين

وانين انين يا جدع

يشق اجدع صخور

والف سور يحجبوا

الضى لية قمر

دا حتى من طلته

دبلت فروع الشجر

والغيمه نزلت دموع

وجوع ف كل الخلايا

آآآآآآآآآآآآآآه يا جدع م الجوع













السلام عليكم ورحمة الله وبركاته

احمد ابو سنه

منك لله يا صاحبى يا ريتنى ما كنت دخلت هنا يا عم

فقد دخلت هنا بحاله وخارج وقد تملكنى حرفك الصادق حتى النخاع

بارك الله فيك وزادك القا

لك محبتى

محمد سعيد
احمد ابوسنة
11-05-2006, 03:41 PM
الاخ العزيز احمد ابو سنة
ما اعمق افكرك التى تطرحها دائما تاتينا بالجدي اعتقد ان الفكرة مقتبسه من كلام لسيدنا على بن ابى طالب بس التعبير القوى و رشاقة الكلمات و الموسيقى الرائعة جعاتنى اقرا كانى اول مرة اسمع بها هذا الكلام
دمت مبدعا يا صاحب القلم الرشيق و عذرا للتاخيرد


اخي الحبيب طارق المملوك .. كعادتك انت السباق دائماً
وفعلا يااخي النص فكرته كلها من مقولة سيدنا على بن ابي طالب رضي الله عنه وعن صحابة رسول الله
صلي الله عليه وسلم
واسمح لى ان اضيف المقولة بعينها والتى اذا تأمل الانسان فيها اكثر لأخرج اضعاف اضعاف هذا الكلام....
وكيف لا وقد قال فيه رسول الله صلي الله عليه وسلم
انا مدينة العلم وعلي بابها
فقد سأل الناس سيدنا علي رضي الله عنه هذا السؤال والذي وضعته عنواناً للنص
ماهي اشد جنود الله على الانسان فى الارض .. ؟؟؟
وقد قال الشيخ الشعراوي رحمة الله عليه . عندما سمعت منه تلك الرواية ..
ان السؤال عن المعدود .. للشخص
فإذا كان هذا الشخص على علم بعدد المعدود قبل ذكره ..
فإنه دلالة على علم الشخص الذي يفيض على السؤال ....
فأجاب سيدنا علي وقال اشد جنود الله عشرة ....
ثم راح يعد تلك الجنود اقصد المعدود ...
الجبال
والحديد يقطع الجبال
والنار تسيل الحديد
والماء يطفئ النار
والسحاب يحمل الماء
والريح تحمل السحاب
وابن ادم يخترق الريح
والسكر يغلب بن ادم
والنوم يغلب السكر
والهم يغلب النوم
فأشد جنود الله الهم
ــــــــــــــــــــ
وهكذا اردت ان اذكر مقولة سيدنا على حرفياً حتى اكون منصفاً لمعرفة هذا الرجل الذي اتاه الله العلم ...
وان كانت معرفتي افقر بكثيييييييييير بالنسبة له ...
ولا زلنا نأخذ عنه ومنه واذا تأملنا اكثر سوف نجد ونري اشياء ربما لم يراها احد قبلنا .............
لأنهم تعلموا جميعاً فى مدرسة رسول الله صلي الله عليه وسلم ......................................
رضي الله عنهم وارضاهم

ــــــــــــــــــــــــــ
احمد ابوسنة
احمد ابوسنة
13-05-2006, 06:43 PM
أحمد أبو سنه
الشاعر الجميل والإنسان الطيب والمندفع أحياناً
أنا عايزك المره اللي جايه قبل ماتنزل القصيده تبعتلي ماسيج على التليفون
وأنا أوعدك أخش أعلق عليها قبل ماتنزلها
لحسن أنا مقدرش على زعلك أبداً
بس ياأحمد زي ماأنت قلت بهذا الجمال وبهذه الكيفيه
وبتلك الموسيقى الجميله والمفردات اللي على الفرازه
صعبه الحياه جداً
يعني الواحد ممكن يكون عنده وقت يقرا بس ماعندوش وقت يكتب
يكون عنده مزاج يقرا القصيده دلوقتي ع السريع وبعدين يرجعلها بعدين يقراها براحه
يعني إنت إطمن وحط في بطنك بطيخه صيفي ـ كل سنه وإنت طيب ـ البطيخ على الأبواب
إن أنت ماأن تضع قصيده حتى يتلهف الجميع لقرائتها
وبعدين زي ماأنت شايف الواحد مش عارف يلاحق على إيه ولا إيه

عصام علم الدين

اخى الحبيب عصام علم الدين

معلش ياعمنا
اخر مرة ... انت عارف بقى انى بحبكم
وعشان كده بعتب عتابي منكم
وان كان كده
يبقى الكلام كل الكلام
قد المقام
ناس زيكم
بحبكم
ــــــــــــــــــ
احمد ابوسنة
احمد ابوسنة
13-05-2006, 06:44 PM
أحمد أبو سنه
الشاعر الجميل والإنسان الطيب والمندفع أحياناً
أنا عايزك المره اللي جايه قبل ماتنزل القصيده تبعتلي ماسيج على التليفون
وأنا أوعدك أخش أعلق عليها قبل ماتنزلها
لحسن أنا مقدرش على زعلك أبداً
بس ياأحمد زي ماأنت قلت بهذا الجمال وبهذه الكيفيه
وبتلك الموسيقى الجميله والمفردات اللي على الفرازه
صعبه الحياه جداً
يعني الواحد ممكن يكون عنده وقت يقرا بس ماعندوش وقت يكتب
يكون عنده مزاج يقرا القصيده دلوقتي ع السريع وبعدين يرجعلها بعدين يقراها براحه
يعني إنت إطمن وحط في بطنك بطيخه صيفي ـ كل سنه وإنت طيب ـ البطيخ على الأبواب
إن أنت ماأن تضع قصيده حتى يتلهف الجميع لقرائتها
وبعدين زي ماأنت شايف الواحد مش عارف يلاحق على إيه ولا إيه

عصام علم الدين

اخى الحبيب عصام علم الدين

معلش ياعمنا
اخر مرة ... انت عارف بقى انى بحبكم
وعشان كده بعتب عتابي منكم
وان كان كده
يبقى الكلام كل الكلام
قد المقام
ناس زيكم
بحبكم
ــــــــــــــــــ
احمد ابوسنة
احمد ابوسنة
13-05-2006, 06:47 PM
يا أحمد يا ابو سنة

الرحمة شوية :)

ح نلاقيها منك ولا من عجايبك ولا من صعبة الحياة جداً
وعايزنا ندخل نرد على طول :)

من غير ما نفكر ونرتشف شوية من هذا النبع الصافى

عموما انا دخلت ابصم بتوقيعى
عشان زعلك والله يا ابو حميد

لكن لي عودة ان شاء الله وانت عارف اا لما بارجع باعمل ايه :):)

كل تقديري

أختك دائماً
الاخت الكريمة منال دوريش
شكرا لك مرورك الكريم
وفى الحقيقة يعني
انا مش عارف بتعلمي ايه
فرجيني كده :1: :1: :1: :1:
تقبلي احترامي ايتها الشاعرة الرائعة
ــــــــــــــــ
احمد ابوسنة
د.ابودنيا
13-05-2006, 07:26 PM
أشد جنود الله
صعبة الحياه جداً
واصعب مافيها جبال
عالية كما هيه
فى كل عصر اتزال
جبل بيتحدى الزمن وشديد
واقف على ارض الحياه وعنيد
صعبة الحياه جداً
واصعب مافيها حديد
يحفر فى بطن الجبل
ويفجر الانهار
ويهد لون التراب
الظلمة تبقي نهار
صعبة الحياه جداً
واصعب مافيها النار
تحضن قلوب الصلابة
وتحنن الاحجار
فى البرد ندّفي
ولحضنها نشتاق
صعبة الحياه جداً
واصعب مافيها الماء
فيها وجوه الروح
والعمر للأحياء
فيما ثمار الزرع
الجذر فوقه الفرع
الطفل يلقي الضرع
والحبر يتصّنع
من عشقه للأوراق
صعبة الحياه جداً
واصعب مافيها سحاب
يشيل بحور الزمن
ويسبب الأسباب
يحضنها بين ايده
للزرع يوم عيده
يِنزل مطر بحساب
صعبة الحياه جداً
واصعب مافيها الريح
تنقل جبال الخوف
تفتح عيون للشوف
مأمورة من سيدها
والدنيا اهى بإيدها
قادرة تهد الكون
وتفرق الأحباب
صعبة الحياه جداً
واصعب مافيها انت !!
من عهد ادم والصعاب الوان
هَزَمت كل المحن
وكتبت للأنسان
النصر ليك اتحسب
فى الدنيا واللى كان
صعبة الحياة جداً
واصعب مافيها السُكْر
يدخل فى قلب العقول
ويعشش الشيطان
صعبة الحياه جداً
إن ترضي فيها مهان
إن ترضي تتنفس هوا العيان
بص لايديك شوفها
متلونة كفوفها
بالخضره ويا الدم
امسح جبين الهم
وانزع سنين خوفك
وامسح هموم محروم
صعبة الحياه جدا
واصعب مافيها النوم
يهزم عيون السهاره
يخرس لسان القوم
طايل فى كل مكان
وفى قوته سلطان
لسانك آهو اتلم
عن الكلام والنم
صعبة الحياه جداً
واصعب مافيها
الهم
يقتل شفايف فرح
داخل عيون إنسان
يخنق لسان الكلام
عند قول
الحق
لا الأهه تنطقها ولا ارادة
لأ
صعبة الحياه جداً
واصعب ما فيها انت !!
شقيت طريقك للصعاب كلمة
حطيت فى قلبك بذور الحب والجنة
ورويتها ايدك دهور بالعطر والحنة
طرحت بذورك حياه جوه كل الناس
القوة مش بالكَم
والجمع مش ممكن
يجيلُه يوم يتلم
الا بحب الله
الا بصنع حياه
صعبة الحياه جداً
واصعب مافيها
الهم
_______________

احمد ابوسنة
drawFrame()


رغم ان النص مش ظاهر امامى
يمكن عيب عندى بالكمبيوتر
مش عارف لية اشمعنا نصك انت
انت رقيق الكلمة
بس ساعات بتبقى زى مقال الاستاذ عصام اقوى من الايام
هههههههههههههههههههههههههههههه
دمت ياستاذ احمد
ودام قلمك

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث