توقيعك ليه !!

[ميدو مشاكل]

بصراحه لا ادرى اذا كان هذا الموضوع يناسب باب المناقشات :o

فاذا كان فى غير مكانه الصحيح افتضلوا انقلوه مفيش مشاكل ;)

يا ترى التوقيع الذى اختاره كل عضو بالمنتدى له سبب !! ومن لم يختر توقيع لماذا لم يختار !! ومن اختار توقيعا ممكن يقول لنا من قاله وقصة هذا التوقيع معاه !! :p انا هابتدى بنفسى ..

توقيعى بيقول : كل حلم راودنى احيله اليك لتحقيقه :4:

فى الحقيقه الكلمه دى قراتها فى فيلم اجنبى شاهدته من فتره قريبه اسمه شجاعة ام .. الفيلم اذيع فى برنامج حدث بالفجل .:rolleyes:. قصدى بالفعل :oوكان يحكى قصة حياة لاعب كرة سله امريكى اسود و كفاح امه لتربيته هو و اشقائه اللى كان عددهم يزيد عن 9 :eek: الولد ده كان له اخ اكبر منه انحرف و صادق عصابات المخدرات فالام اضطرت لطرده خارج المنزل حتى لا يصبح قدوه سيئه لاخوته الاصغر منه .:confused:. وفى وقت من الاوقات كان بطل الفيلم يفكر فى ترك دراسته و التوقف عن اللعب فاضطرت الام للجوء الى الاخ الاكبر لاقناع شقيقه ان يعود الى الدراسه لانه يراه قدوته فى كل شئ :rolleyes:

الاخ الاكبر قابل الاخ الاصغر وقال له ان النجاح فى لعب السله كان من احلامه ولكن لانه فشل فى تحقيق هذا الحلم و احلام اخرى فقد احال اليه احلامه لتحقيقها .:1:. وقال له تلك العباره التى اعجبتنى جدا و كتبتها فى كشكولى

بس كده زمانكم نمتو :4: لو عندكم اضافات يبقى جميل :D

[بنت النيل]

احم احم

شوف يااخ ميدو بن مشاكل

انا شخصيا عندي اكثر من توقيع ... وفي المناسبات باغير التوقيع

يعني مثلا في اعياد اكتوبر باحط توقيع مناسب ... وفي رمضان وهكذا

وتغيير التوقيع كل فترة دفعاً للملل

حاليا استخدم التوقيع الموجود وقد اعجبني جدا ووجدته في مقدمة كتاب ولم تذكر مؤلفة الكتاب من قال هذه العبارة الأكثر من رائعة

الحق كالموت ... منبوذ لكن حتمي

وفي اغلب الاحيان استخدم ابيات شعر لاني احب الشعر جدا

وللامانة العلمية اكتب تحت الابيات اسم قائلها وحتى يعرف من يقرا التوقيع اسم الشاعر

ولو جد جديد سأضيفه

:)

[ميدو مشاكل]

يا سلام يا اختى بنت النيل :rolleyes:

دايما كده تجبرى بخاطرى :D

على العموم كل توقيع وانتى طيبه :p

[محمد البنيان]

اولا تحية لك
ثانيا اسمك المستعار جذاب ويخوف
تتصور اخي ميدو مشاكل
انني ليست لدية الخلفية الكاملة لعمل توقيع او حتى ارفاق صورة
على شان كده انا مرتاح تماما

وبهذا الطرح
ولوسمح لي معد الطرح والمشاركين
سؤال
هل التوقيع يدل على شخصية صاحبة ؟

ولي مداخلة اخرى لاحقا

من محب لك

[ميدو مشاكل]

ليه بس يا حماده بتخاف منى :confused:

ده انا غلبان خالص صدقنى :(

وقد يكون الاسم اللى بيخوف مجرد حاجز اختبئ خلفه عشان الناس ماتفكرش تضايقنى لكنه لا يعبر مثلا عن شخصى المتواضع :rolleyes:

بالنسبه لسؤالك الجميل عن التوقيع وعلاقته بالشخصيه انا عمرى ما وضعت توقيع شعرت انه بعيد عن شخصيتى :o يعنى لازم يكون جمله اعجبت بيها مثلا او اثرت فيا بشكل ما .. لكنى لن اضع توقيع لمجرد جذب الانظار مثلا لو انا غير مقتنع بيه .. وانا اختار توقيعى تبعا لحالتى المعنويه وقت التسجيل .. ولو لم اجد فى افكارى اى شئ يمكن يكون توقيع ارجئ اختيار التوقيع لوقت آخر ..

وبخصوص عدم معرفة ازاى تعمل توقيع وكيف انك مستريح لهذا .. احيان فعلا عدم معرفة شئ ما تريح .. المعرفه قد تكون نقمه فى بعض الاحيان وقلتها ممكن جدا تصبح نعمه .. لكنك قد تجد نفسك فى لحظه محتاج بشده تختار توقيع يعبر عن موقف تتخذه وساعتها هتقول يا سلام يا ولد يا حماده لو تعرف تعمل توقيع :D وتقول فينك يا واد يا ميدو تعلمنى اعمل توقيع ازاى :p مع تحياتى :1:

[Mrs. Virgo]

:D حلو الموضوع ده ..
شكرا ميدو مشاكل

توقيعي .. عباره عن 4 حاجات ..

1) الصوره دي ..
http://www.egyptsons.com/misr/attachment.php?s=&postid=30689

السبب :
عجبتني علشان نعمه .. واموره .. :)


2) Miss. Virgo
السبب :
اسم المستخدم بتاعي .. :D


3) انا مصريه بجد .. وغصبا عن اي حد ..
السبب :
كلمه استخدمتها في احد المواضيع ...
مدافعه بيها عن مصريتي ... قبل عروبتي ..
عجبتني ... واضفتها للتوقيع .... :)


4) سئمت القوانين وكل الدساتير...
كما سئمت مطرقتي طرق المسامير...
فبعثرت اهتماماتي
وغيرت هواياتي...
و ........ حياتي ...
السبب :
نص قرائته ... وعجبني ....
حسيت انه قريب من افكاري ...
ولو كنت ملكة الكتابه موجوده عندي ...
يمكن كنت كتبتها عن نفسي .. :)

بس كده ..

[maistro]

العزيز / أبو المشاكل ( ميدو مشاكل )
تحية طيبة
والله يا ميدو الموضوع يستاهل يكون موجود فى قاعة المناقشات ودى وجهة نظرى !! لأنه فعلا موضوع كويس جدا .
أما عن توقيعى فببساطة يقول البيت الشعرى الذى قاله الشاعر حافظ ابراهيم وتغنت به السيدة أم كلثوم :
أنا تاج العـلاء فى مفرق الشرق ودراته فرائض عقدى
والبيت معرف ومشروح للجميع ولا يخفى معناه على أحد ،
ولكن لماذا وضعته : لأننى واجهت هجوما ورأيت تطاولات وتجاوزات على مصر فى بعض المنتديات خاصة من الكوايتة والقطريين وده أغرب شىء !!
يعنى مش من حد تانى لأ من المذكورين اللى أساسا دولهم من زجاج !!
ولكن هل عرفوا معنى البيت وهل عرفوا عندما تتحدث مصر عن نفسها ماذا تقول وهل كان لخم أن يعرفوا من هى مصر وهم أسياد العارفين !!
وكنت أتمنى أن أزيد التوقيع ليكون به اقوى بيت فى هذا الشعر وهو :
أنا ان قدر الإله مماتى --- لا ترى الشرق يرفعون الرأس بعدى
ولكننى كنت أكتبها عقب كل مشاركة ليعرفوا حجم دولهم أمام مصر
المايسترو

[بنت مصر]

أنا بقا مختارة توقيعي عشان اسكندرية احلى بلد بالعند في القاهروية وباقي المحافظات واقروا الفاتحة لابو العباس يا اسكندرية يا أجدع ناس :D



بسنت

[محمد البنيان]

ماخلص الموضوع لسه
يا
بنت النيل
Miss. Virgo
maistro
بنت مصر

هل التوقيع يدل على شخصية صاحبة ؟

من محب لك

[ميدو مشاكل]

آسف جدا يا جماعه للتاخر فى الرد

ميدو مشاكل عنده شوية مشاكل بس :(

ميس فرجو :p

معك حق الصوره لطيفه وكلما رايتها تذكرت فيلم نهر الحب و العروسه الصغيره الراقصه التى كانت فى الهديه التى اهداها البطل للبطله .. رغم انى لا احب هذا الفيلم و لا يعجبنى اطلاقا الفكره التى يريد توصيلها لنا الا انى احب هذه الهديه وكان نفسى يكون عندى زيها :1:

موضوع عروبتك و مصريتك ده قد يفتح عليكى ابواب جهنم مع بعض المزايدين على انتمائنا كافراد .. فالبعض يرى ان هويتنا يجب ان تكون "مسلمين" فقط لا غير و ان ننسى اى هويه اخرى قد تكون لنا وهو ما لا اتفق معه .. وده ممكن نناقشه فى موضوع آخر :) احييك على تمسكك بمصريتك بجانب عروبتك ;)

اخى مايسترو :)

تحيات طيبه لك انت ايضا من ارض النيل الغاليه مصر :p
سعيد جدا ان الموضوع عجبك
واكثر سعاده بالابيات الجميله التى اخترتها
فهى اقل ما يقال فى حب مصر
وانا يعجبنى الفرد المعتز بنفسه الواثق بقدراته فما بالك لو كان المتحدث مصر :3:
قد يكون قدر مصر ان تلقى بعض الهجوم من بعض الاخوه ولكن لم يعد هذا يثير ضيقى .. يمكن لانى بدات افكر فيهم كالاخوه الصغار المشاغبين الذين يحتاجون من يستمع اليهم و ينصحهم برفق .. وذلك بعد كميه لا تتخيلها من المعارك المماثله دفاعا عن مصر ضد هذه الاقوال .:eek:. على العموم خلينا نبحث عن نقاط الاتحاد بدلا من ان نبحث عن نقاط الفرقه على الاقل مانشمتش فينا الاعادى :rolleyes:

اختى بنت مصر :)

يا ستى اسكندريه اجدع ناس ولا تزعلى .:D. وفى النهايه هى قطعه عزيزه من مصرنا الغاليه تبقى على العين و الراس :1:

اخى محمد :)

ايوه محدش جاوب السؤال غيرى يا اخى حاجه تقطع القلب :2:

[Mrs. Virgo]

محمد البنيان ..............

سؤالك .......

هل التوقيع يدل على شخصية صاحبة ؟


في أعتقادي .. نعم ...

التوقيع لازم يكون من شخصية صاحبه ....
خاصة اننا مش احنا اخترنا اسامينا في الدنيا ..
بس تواقعنا بتكون بأختيارنا .. حاجه بدل علينا ..
وبتحمل ببساطه ملامح شخصيتنا حتى وان كانت ملامح خفيه ... :rolleyes:

[شادي الفلسطيني]

يا اخ ميدو بشكرك على الموضوع الجميل
انا اعتقد انه نعم التوقيع يدل على صاحبه لان برأيي ان كان التوقيع صوره او مقوله او شعر فأكيد بتدل على شخصيتو لانه جذبته فأخترها
توقيعي:-
المقوله الاولى : "لكل الناس اوطان يعيشون فيها اما نحن فوطننا يعيش فينا".
فهي مقوله قالها الشاعر والكاتب الفلسطيني الشهيد غسان كنافني
ورأيت انه تمثلني كفلسطيني اعيش في فلسطين المحتله او اي فلسطيني يعيش في اي مكان كلاجئأ في مخيمات اللاجئين.
اما المقوله الثانيه : نموت وتحيا فلسطين فهذه المقوله وعيت على الدنيا وانا بقولها وحفضل اقولها طول عمري لانها بتمثل حال الشعب الفلسطيني الرازخ تحت الاحتلال الغاشم
اما الصوره فكل فلسطيني يرا كل يوم مثل هذه الصوره فاصبحت جزء لا يتجزء من حياتنا في ظل الاحتلال.

[أبو منار]

صبح الصباح وال جاي أحسن أكيد من ال راح

ايه الروشنة دي يا شباب

انا توقيعي بسيط جدا

ايميلي عادي صح

[أنفـــــال]

توقيعي ماهو الا تذكرة فقط..
لي و لغيري..
شكراً.. ميدو:)
أنفال