سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : أبو ليلة

مصطفى سلام
08-05-2006, 11:17 PM
أبو ليلة

الواد صميدة الحدق من عيلة أبو ليلة ..
رجع البلد باكى و عامل ألف هلليلة ..
أبوه فى سوق البهايم باع عشان خاطره الجاموسة ..
أخد الفلوس الولد و اتدلى على المحروسة ..
قاصد ينول العلام فى الأزهر .. أصول الدين ..
قال يبقى مفتى و فى العلوم أستاذ فقى و متين .

خدوه ولاد الحلال يسكن فى تحت الربع ..
الواد دا قيمة و سيما و شوارب و جتة زى السبع ..
فاكرين تحية و شكرى فى " شباب امرأة " ؟ (1)
أسيبكو تستنتجوا إيه اللى جرا له بقى ..
حتة ولية قد امه , أروبة و مدأدأة ..
أخدت صميدة ع المأذون , يللا يا شيخ اكتب ..
و العصمة يا مولانا ف إيديا , لا تـْـلوم و لا تعتب ..

أفكركوا برضه بعوّاد اللى باع أرضه .. (2)
لما العيال استهزءوا من طوله و من عرضه ..
أهى دي الحكاية اللى جرت على سبع أبو ليلة ..
بعزق فلوسه عليها بالوسع , و اتنيل بستين نيلة .
ــــــــــــــــــــــــــــــــــــــــــــــــــ ــــــــــــــــــــــ
(1) تحية كاريوكا و شكرى سرحان فى فيلم شباب امرأة .
(2) أوبريت عواد باع أرضه
مصطفى سلام
عصام علم الدين
08-05-2006, 11:26 PM
الأخ مصطفى سلام

السلام عليكم
إنت المره دي غيبتك طولت
وكنت شاكك في الملايه لف إياها
الأولى والتانيه
بس المره دي طلع العيب في تحيه
بس بجد عسل يامصطفى
إنت حقيقي دمك خفيف
تستطيع أن تجعل من يقرأك يبتسم
ويلمح أيضاً الهدف النبيل الذي تسعى إليه من وراء ما تكتب

أخوك
عصام علم الدين
محمدعثمان جبريل
08-05-2006, 11:58 PM
مصطفي سلام
جميله .. بتقطر خفة دم .. و بتظهر قدرة علي تدوير المعروف بصورة مختلفة لترسم صورة بالكلام بتفكرني برسوم التوني ..*62*
بجد تنفع فعلا كلمات مع لوحة .. وأدعوا هنا من لديه موهبة الرسم أن يفكر في هذا الاقتراح *111* .. ستلهمه هذه المقطوعة الحلوه لوحة أو لوحات تحفه ...
"سلام" قبل ما أقول سلام
لك من تحية تقدير و إعجاب و مودة
مصطفى سلام
09-05-2006, 01:06 PM
يا أستاذ عصام الغالى ..
يبدو أنى ما زلت متهما بمعاكسة " البت بلطية " بنت المعلم أبو كرشة متاع الحارة إياها , أو بالسير خلف الآنسة " زيزى " متاعة الزمالك !!
يا سيدى أنا بطلت مشى ورا البنات لما ما لقيتش ليا معاهم حظ (هاهاها) !!
أما عن غيابى فدا راجع إلى نصيحة قدمت إلىّ بأن أقلل من مشاركاتى الزجلية لإتاحة الفرصة أمام غيرى ..
و بما أنى راجل غلبان , فقد أطعت النصيحة .. و اتجهت إلى قاعات أخرى أنفــّـس فيها عن زعلى لعدم الالتقاء بحبايبى رواد قاعة الشعر العامى !! (ما تصدقشى !! أنا مش زعلان و لا حاجة , دى مجرد مناغشة (بالغين) ) !!!
طب قول لهم إنت بس يفرجوا عنى و انت تشوف !!!
محبتى - و الله - لك على بعد المكان بيننا ..
مصطفى سلام
09-05-2006, 01:23 PM
أستاذ محمد عثمان جبريل ..
شهادة - كشهادتك لى - من شاعر مبدع يبتكر الصور و يدبجها كلمات تشنف الأذن و تُـعمل العقل , و توقظ الوجدان - شهادة كهذه هى أعظم ما يناله شاعر أو كاتب عن عمل يقدمه ..
أعمق الشكر , و أجل التقدير ..
مصطفى سلام
طارق المملوك
09-05-2006, 02:46 PM
الاستاذ العزيز مصطفى سلام
بعد غياب طويل تعود برائعة جديدة من روائعك
دخلت بصلب الموضوع بتلميح للفيلم وهو ما رفع عنك و عنا حرج التوضيح فدللت على ما حدث بمنتهى الحرفية
قصية رائعة ناقشتها بخفة دم اروع
دمت مبدعا وفى انتظار جديدك دائما
malkro7y
10-05-2006, 12:08 AM
هههههههههه احلي ما فيك يا استاذي العزيز انك بترسم بالكلام لوحاتك جميله وبسيطه ورغم كده مليانه بالتفاصيل روووعه يا استاذي خفة دم تحسد عليها بس ايه رايك لو كنا عرفناه علي البلطيه مش كانت تبقي احسن بدل المدأدأه دي الواد صغير ومش فاهم معلش قروي ساذج

كلماتك الجميله شفعتلك في غيابك عنا الفتره دي يا رب تكون بينا دايما وتمتعنا بخفة دمك
sayedattia
10-05-2006, 04:15 PM
شاعرنا الرائع

ايه الحلاوه دي والخفه والرقـــــــه
كأني شفت الفيلم في التو واللحظه
شكري وتحيه هنا كرروا اللقطــــه
وأرض عواد ضاعت وكان الثمن غلطه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

شرفونا بزيارة المكتبة الشعرية الألكترونية

بدر شاكر السياب (http://www.egyptsons.com/misr/showthread.php?t=49213)
محمود درويش (http://www.egyptsons.com/misr/showthread.php?t=49141)
فاروق جويدة (http://www.egyptsons.com/misr/showthread.php?t=49290)
نزار قباني (http://www.egyptsons.com/misr/showthread.php?t=50164)
أحمد شوقي (http://www.egyptsons.com/misr/showthread.php?t=51075)
أمل دنقل (http://www.egyptsons.com/misr/showthread.php?t=50909)
أبو القاسم الشابي (http://www.egyptsons.com/misr/showthread.php?t=50270)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مصطفى سلام
10-05-2006, 07:29 PM
شكرا يا أستاذ طارق ..
إطراؤك يخجلنى .
مصطفى سلام
10-05-2006, 07:35 PM
ابنتى الغالية ملك ..
أسعد دائما بلقائك على أى من صفحات المنتدى ..
1- عن تعريف الواد صميده على بلطية : كانت حتصونه و تحفظه لأنها بنت بلد .. أصيلة , بس تعملى إيه فى الظروف اللى لمته على ولاد الحلال ...!!!
2- أما عن غيابى تلك الفترة فكانت بسبب (مصرع قلمى) الذى كتبت فى حكاية مصرعه قصيدة مستنية دورها فى الوصول إلى هذه القاعة .. بعد ما تفضى شوية ..
أسعدك الله يا بنية , و أدام فى قلبك البهجة و على لسانك البسمة .
مصطفى سلام
مصطفى سلام
10-05-2006, 07:38 PM
الأستاذ الرائع سيد عطية :
كلمات تصدر من شاعر له وزنه فى عالم النظم - كالأستاذ سيد - لا شك أنها وسام يوضع على صدر أى شاعر ..
دمت و دام ذوقك و تذوقك ...
مصطفى سلام

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث