بحبها مووووووووووت

[صفحات العمر]

يا ام الدنيا دى بحالها
يا تاج راسى
يا صاينه اسمى وكيانى
وبانيه اصلى واساسى
ولو ليلى يطول حبه
بلاقى الضحكه ف عيونك
تخفف عنى وتواسى
وتحكيلى على جدى
كلام واضح
يكون ف الصعب نبراسى
وتكتب جوه كراسى
انا مصرى
دا من ساسى كدا لراسى



محمد سعيد


http://img.villagephotos.com/p/2005-3/983350/3594591-lg.jpg

بعشق ترابها و ارضها
وبحب ناسها الطيبين
والقانى عيل
لسه نونو ف حجرها
والقانى فارس
لو يطل المعتدين
وبادوب ادوب..
ف جمالها ويّـا سحرها
لما اصلى الصبح ..
فى سيدنا الحسين
وابكى عليها ..
وارمى نفسى ف حضنها
لو يوم جافتنى ..
او سابتنى ما بين وبين
واشتاق اليها..
لو بعدت عنها
إن شالله حتى..
لو بعادى ثانيتين
وافرد دراعى ..
لجل اسند ضهرها
القاها بسمه..
منوره ع الضفتين
والقانى زى النيل..
بيجرى ف دمها
والقاها اعظم ام ..
على مر السنين

[منال درويش]

صفحات العمر

احببت أكون اول المصافحين

انتظرنى سأعود ان شاء الله

فأنت تجعل القلم يخجل من ان لا يجاري رقة وجمال ما ابدعت

اختك دائماً

[أم أحمد]

الله علي القصيدة الاكثر من رائعة
كلمات بسيطة وسلسلة جدا تصل للقلب بسهولة
قصيدة فعلا اكثر من رائعة عن حب الغالية مصر
بها كل المعاني الجميلة والمشاهد الرائعة
واه فكرتني بقي بسيدنا الحسين
والنيل الجميل
اخي العزيز سلم قلمك الرائع ودمت دائما رائعا

[رانيا عمر]

كلمة مصر تقولها . تحس انك مرتاح البال
كلمة من ثلاث حــروف . بس حبي ليها ده شرح يطـول
لو قالولي تحبي مين قدها . هسكت ساعتها و اخلي قلبي يقول
بحبك يا مصر مهما يطول الزمان و مهما حصل انك وياكي علي طول

يعني كلماتك طبعا مش زي ما انت وصفت و قولت بس لاقيت ان دي
طريقة اعبر بيها عن اولا اعجابي بكلماتك و ثانيا حب مصر للجميع
اشكرك و لك التحية

[محمدعثمان جبريل]

أخي الحبيب محمد سعيد
في البداية أعلن بلا تورية إعجابي بشاعريتك .. و أري أن الحديث فيها تزيد .. بالضبط كمن يطيل الشرح ليثبت أن منظر شروق الشمس في الأرياف ساحر .. و أن لوحة الجيوكنده ( الموناليزا ) فيها غموض ...!
فتقبل هذا الإعجاب ... واجعل تقبله هدية لي .
نعم أخي مصر في خاطرنا فيها كل هذه الصفات و أكثر ..
لكن .. و آه من مرارة لكن ... هناك مصر أخري .. غير التي تعيش في شرايننا ( و من فضول الكلام .. أن أقول أن ما أقصده بمصر ليس الوطن/التاريخ .. ولا الأهل) لكن الوطن/الزمني...
فاسأل الله أن يعيدها كما تصفها ... و يثبتك علي نظرتك المتسامية عن مرارة الواقع ...
و لا لوم علي المحبين .. فمن أراد أن يرى جمال المحبوبة فعليها أن يراه بعيون المحب الوله :l:
و بلادي و إن جنت علي عزيزة !!!
تقبل صافي مودتي و قبلها تقديري

[عصام علم الدين]

يا ام الدنيا دى بحالها
يا تاج راسى
يا صاينه اسمى وكيانى
وبانيه اصلى واساسى
ولو ليلى يطول حبه
بلاقى الضحكه ف عيونك
تخفف عنى وتواسى
وتحكيلى على جدى
كلام واضح
يكون ف الصعب نبراسى
وتكتب جوه كراسى
انا مصرى
دا من ساسى كدا لراسى



محمد سعيد


http://img.villagephotos.com/p/2005-3/983350/3594591-lg.jpg

بعشق ترابها و ارضها
وبحب ناسها الطيبين
والقانى عيل
لسه نونو ف حجرها
والقانى فارس
لو يطل المعتدين
وبادوب ادوب..
ف جمالها ويّـا سحرها
لما اصلى الصبح ..
فى سيدنا الحسين
وابكى عليها ..
وارمى نفسى ف حضنها
لو يوم جافتنى ..
او سابتنى ما بين وبين
واشتاق اليها..
لو بعدت عنها
إن شالله حتى..
لو بعادى ثانيتين
وافرد دراعى ..
لجل اسند ضهرها
القاها بسمه..
منوره ع الضفتين
والقانى زى النيل..
بيجرى ف دمها
والقاها اعظم ام ..
على مر السنين

أخي الحبيب محمد
سلام الله عليكم ورحمته وبركاته
آسف على التأخير
منهم لله بقى اللي في بالي وبالك
خلوني إنشغلت عن هذه القصيده الجميله اللي شفت فيها مصر
اللي واحشاني قوي
الناس الطيبين
والصلاه في سيدنا الحسين
ونهر النيل
هم أضلاع مثلث تمكنت من خلاله رؤية هذا الجمال البديع
الذي تتمتع به مصر وبأسلوب قلم يبعث بكل صدق
الهدوء إلى نفسي المضطربه بفعل الغربه
تقبل خالص ودي ومحبتي

أخوك
عصام علم الدين

[د.ابودنيا]

بعشق ترابها و ارضها
وبحب ناسها الطيبين
والقانى عيل
لسه نونو ف حجرها
والقانى فارس
لو يطل المعتدين



الى اخى الفضل الشاعر المبدع محمد سعيد

غزلت بكلمتى حبى
وفولت احط حبى على حبك
عشان يكتر
مصر عايزة منا كتير
وحب كبير

ابدعت يارجل
كلام موزون بميزان الدهب

[طارق المملوك]

اخى العزيز محمد سعيد
ما اوع المحروسة بين سطورك الجميله الرقيقة المشربة ماء النيل
و الممزوج برائحة الناس الطيبين و الارض الطيبة
دمت اخى العزيز راقيا مخلصا ابنا بارا للمحروسة

[عايده العشرى]

يا ام الدنيا دى بحالها
يا تاج راسى
يا صاينه اسمى وكيانى
وبانيه اصلى واساسى
ولو ليلى يطول حبه
بلاقى الضحكه ف عيونك
تخفف عنى وتواسى
وتحكيلى على جدى
كلام واضح
يكون ف الصعب نبراسى
وتكتب جوه كراسى
انا مصرى
دا من ساسى كدا لراسى



محمد سعيد


http://img.villagephotos.com/p/2005-3/983350/3594591-lg.jpg

بعشق ترابها و ارضها
وبحب ناسها الطيبين
والقانى عيل
لسه نونو ف حجرها
والقانى فارس
لو يطل المعتدين
وبادوب ادوب..
ف جمالها ويّـا سحرها
لما اصلى الصبح ..
فى سيدنا الحسين
وابكى عليها ..
وارمى نفسى ف حضنها
لو يوم جافتنى ..
او سابتنى ما بين وبين
واشتاق اليها..
لو بعدت عنها
إن شالله حتى..
لو بعادى ثانيتين
وافرد دراعى ..
لجل اسند ضهرها
القاها بسمه..
منوره ع الضفتين
والقانى زى النيل..
بيجرى ف دمها
والقاها اعظم ام ..
على مر السنين
الله عليك ياشاعر النيل والضفتين
وسيدنا الحسين
والناس الطيبين
خليتنى اقوم احضر الشنط وارجع على اول طياره
بس يارب الاقيها زى مابتقول كده

[صفحات العمر]

صفحات العمر

احببت أكون اول المصافحين

انتظرنى سأعود ان شاء الله

فأنت تجعل القلم يخجل من ان لا يجاري رقة وجمال ما ابدعت

اختك دائماً


السلام عليكم ورحمة الله وبركاته

اختى الغاليه منال درويش

اسعدنى كونك غرة الردود

وانتظر بمنتهى الشغف عودتك وما ستحمله باذن الله من اثراء للموضوع

لك خالص احترامى وتقديرى

محمد سعيد

[صفحات العمر]

الله علي القصيدة الاكثر من رائعة
كلمات بسيطة وسلسلة جدا تصل للقلب بسهولة
قصيدة فعلا اكثر من رائعة عن حب الغالية مصر
بها كل المعاني الجميلة والمشاهد الرائعة
واه فكرتني بقي بسيدنا الحسين
والنيل الجميل
اخي العزيز سلم قلمك الرائع ودمت دائما رائعا


السلام عليكم ورحمة الله وبركاته

اختى الغاليه ام احمد

لكم يشرفنى مرورك المضىء دوما على صفحاتى

وهذا بالفعل اقل ما تستحقه الغاليه على كل القلوب ارض الكنانه مصر

حفظك الله ودمت بصدق ورقى

لك احترامى

محمد سعيد

[صفحات العمر]

كلمة مصر تقولها . تحس انك مرتاح البال
كلمة من ثلاث حــروف . بس حبي ليها ده شرح يطـول
لو قالولي تحبي مين قدها . هسكت ساعتها و اخلي قلبي يقول
بحبك يا مصر مهما يطول الزمان و مهما حصل انك وياكي علي طول

يعني كلماتك طبعا مش زي ما انت وصفت و قولت بس لاقيت ان دي
طريقة اعبر بيها عن اولا اعجابي بكلماتك و ثانيا حب مصر للجميع
اشكرك و لك التحية

السلام عليكم ورحمة الله وبركاته

بارك الله فيك اختى الرائعه رانيا عمر:hey:

ما اروع مداخلك وما بها من عشق ابدى يسكننا جميعا للحبيبه مصر

حفظك الله ودمت بكل الخير والسعاده

لك تقديرى

محمد سعيد

[منال درويش]

أخى العزيز / محمد سعيد
عدت اليك كما وعدتك ، خالص تقديري

اكتب يا شاعر ودوس على قلب الوجع بايديك
لملم جراح الحبايب وابدر بذور الوفا بعنيك
اياك تسيب حضنها مرة ولاّ تعيش وحديك
دي هيه بلسم جراحنا ومن الحنان تسقيك

بلد الخضار والعمار والنور وكل الخير
تعشقها من اسمها عشق السما للطير
تقطع جسور المنافى ترجع لها مشاوير
تحلم لها الف مرة ، لو جنتك عصافير !

اكتب يا شاعر وغنى للسمرة أم الرجال
القوة في ضعفها وتشيل هموم كالجبال
صخرة ، عفية ،بهية ما تهزهاش أهوال
بلد النايات والحاجات والصبر ، طولة بال

اكتب يا صاحبي وقول احكي لكل الناس
عن الحبيبة القريبة م القلب والاحساس
ترابها كحلة عنية ف القلب ما ينداس
لوعشت يوم دنيا تانية هيه الوجود والاساس

اكتب ياشاعر نشيد.... للوفا والحب
بلدى اللي نورها بيضوى جوه الحشا والقلب
محتاج أنا حضنها لو كان ضنى أو كرب
الجوع ، أكلنى.. لكن قلبي ماليه الصب

[صفحات العمر]

أخي الحبيب محمد سعيد
في البداية أعلن بلا تورية إعجابي بشاعريتك .. و أري أن الحديث فيها تزيد .. بالضبط كمن يطيل الشرح ليثبت أن منظر شروق الشمس في الأرياف ساحر .. و أن لوحة الجيوكنده ( الموناليزا ) فيها غموض ...!
فتقبل هذا الإعجاب ... واجعل تقبله هدية لي .
نعم أخي مصر في خاطرنا فيها كل هذه الصفات و أكثر ..
لكن .. و آه من مرارة لكن ... هناك مصر أخري .. غير التي تعيش في شرايننا ( و من فضول الكلام .. أن أقول أن ما أقصده بمصر ليس الوطن/التاريخ .. ولا الأهل) لكن الوطن/الزمني...
فاسأل الله أن يعيدها كما تصفها ... و يثبتك علي نظرتك المتسامية عن مرارة الواقع ...
و لا لوم علي المحبين .. فمن أراد أن يرى جمال المحبوبة فعليها أن يراه بعيون المحب الوله :l:
و بلادي و إن جنت علي عزيزة !!!
تقبل صافي مودتي و قبلها تقديري


السلام عليكم ورحمة الله وبركاته

اخى الحبيب واستاذى محمد عثمان جبريل

حق لى ازهوا طويلا بهذه المداخله التى طوقت عنقى

وخاصة عندما تكون من قامه ادبيه نعتز ونتشرف بتواجدنا الى جوارها هنا فى ابناء مصر

حفظك الله راقيا فى كل شىء

لك خالص محبتى

محمد سعيد

[صفحات العمر]

أخي الحبيب محمد
سلام الله عليكم ورحمته وبركاته
آسف على التأخير
منهم لله بقى اللي في بالي وبالك
خلوني إنشغلت عن هذه القصيده الجميله اللي شفت فيها مصر
اللي واحشاني قوي
الناس الطيبين
والصلاه في سيدنا الحسين
ونهر النيل
هم أضلاع مثلث تمكنت من خلاله رؤية هذا الجمال البديع
الذي تتمتع به مصر وبأسلوب قلم يبعث بكل صدق
الهدوء إلى نفسي المضطربه بفعل الغربه
تقبل خالص ودي ومحبتي

أخوك
عصام علم الدين


السلام عليكم ورحمة الله وبركاته


الحبيب عصام علم الدين

اطلالتك الابداعيه على اعمالى امر انتظره

ورأيك اعتز به كمتذوق لا يقل صدقا عن شاعريته السخيه

حفظك الله دائما اخا وصديقا غاليا

لك خالص محبتى

محمد سعيد

[صفحات العمر]

بعشق ترابها و ارضها
وبحب ناسها الطيبين
والقانى عيل
لسه نونو ف حجرها
والقانى فارس
لو يطل المعتدين



الى اخى الفضل الشاعر المبدع محمد سعيد

غزلت بكلمتى حبى
وفولت احط حبى على حبك
عشان يكتر
مصر عايزة منا كتير
وحب كبير

ابدعت يارجل
كلام موزون بميزان الدهب


السلام عليكم ورحمة الله وبركاته

اعزك الله اخى الحبيب د. ابو دنيا

دائما لا تأتى خالى الوفاض

فأنسانية قلبك وسخاء روحك دائما سباقين بنثر الاحرف المعطره

برحيق الصدق والمبلله بنقاء ماء الندى

حفظك الله ودمت برقى دائم

لك محبتى

محمد سعيد

[صفحات العمر]

اخى العزيز محمد سعيد
ما اوع المحروسة بين سطورك الجميله الرقيقة المشربة ماء النيل
و الممزوج برائحة الناس الطيبين و الارض الطيبة
دمت اخى العزيز راقيا مخلصا ابنا بارا للمحروسة

السلام عليكم ورحمة الله وبركاته

اخى الحبيب طارق

بالفعل هى الام التى لا نرضى عنها بديلا ولعل توقعيك ينبأ عن عشق لها حتى الثماله

اسعدنى مرورك الذى انتظره واسعد بصدق مشاعرك من خلاله

لك دوما جم محبتى

محمد سعيد

[صفحات العمر]

الله عليك ياشاعر النيل والضفتين
وسيدنا الحسين
والناس الطيبين
خليتنى اقوم احضر الشنط وارجع على اول طياره
بس يارب الاقيها زى مابتقول كده

السلام عليكم ورحمة الله وبركاته

اسعد الله قلبك اختى الغاليه عايده العشرى

هيا دى صورة مصر اللى فى قلوبنا فعلا

لكن يمكن الصوره دى بتتغبر حبه وسرعان ما يعود لها رونقها عند ازالة هذا الغبار

حفظك الله وسلمك دائما من كل سوء

لك خالص احترامى

محمد سعيد

[صفحات العمر]

أخى العزيز / محمد سعيد
عدت اليك كما وعدتك ، خالص تقديري

اكتب يا شاعر ودوس على قلب الوجع بايديك
لملم جراح الحبايب وابدر بذور الوفا بعنيك
اياك تسيب حضنها مرة ولاّ تعيش وحديك
دي هيه بلسم جراحنا ومن الحنان تسقيك

بلد الخضار والعمار والنور وكل الخير
تعشقها من اسمها عشق السما للطير
تقطع جسور المنافى ترجع لها مشاوير
تحلم لها الف مرة ، لو جنتك عصافير !

اكتب يا شاعر وغنى للسمرة أم الرجال
القوة في ضعفها وتشيل هموم كالجبال
صخرة ، عفية ،بهية ما تهزهاش أهوال
بلد النايات والحاجات والصبر ، طولة بال

اكتب يا صاحبي وقول احكي لكل الناس
عن الحبيبة القريبة م القلب والاحساس
ترابها كحلة عنية ف القلب ما ينداس
لوعشت يوم دنيا تانية هيه الوجود والاساس

اكتب ياشاعر نشيد.... للوفا والحب
بلدى اللي نورها بيضوى جوه الحشا والقلب
محتاج أنا حضنها لو كان ضنى أو كرب
الجوع ، أكلنى.. لكن قلبي ماليه الصب

هكتب واقول يا منال
عن كل شىء فيها
واغنى كام موال
يمكن اوفيها
والملم الصفحات
واكتب ف قلبيها
هيا الاصيله الطيبه
عاشقين ضيا عنيها

:f2:





وانتى يا صفحه
من ورا صفحه
عيشى العمر
وكونى مصافحة
اول ضى لبكره الجى
شوفـتى بيبقـى جـمـيـل ازاى
معنى الطيبه
فيكى يا طيبه
حضنك عمـره ما كان نساى
صاحبى صديقى
فرحى وضيقى
لمااندهله يقولى انا جاى
غيط فلاح
ارضه براح
تلاقيه قاعد تحت التوته بيشرب شاى
عاشق أرضه
شرفه وعرضه
دايب دوب من صوت الناى
صـافـحـى وصـافـحـى
مريله صفرا ومريله كحلى
وولد هـايل
شـايل حرف ال..تى فرحان
وصافحى بكل حنيه
اخويا العامل الشقيان
بشوف ديما على هدومك عرق طـابع
ولك طابع
صنايعى صحيح لكين فـنـان
عليك اهة تهد جبال
ولما القاك ف يوم تضحك
بادوب فى ضحكتك دوبان



السلام عليكم ورحمة الله وبركاته

اختى الغاليه منال درويش

اسعدتنى عودتك التى استنفرت قلمى على مجارة نبض ابداعك

لك كل الامنتنان والتقدير

محمد سعيد

[بنت مصر]

استاذ صفحات الغالي
قصيدة عشق رائعة في مصرنا الحبيبة
معرفش ليه اشمعنا مصر اللي أهلها بيحبوها كده
رغم الظروف اللي بتمر بيها مصر اليوم الا ان
حبها بيسرى في عروق كل المصريين
من ساسه لراسه زي ما حضرتك بتقول

شكرا ليك يا استاذ محمد على هذه القصيدة البديعة
التى تضاف الي رصيد روائعك ..

دمت بكل خير

بسنت

[احمد ابوسنة]

الله عليك يادي الجدع
عود الربابة فيه البدع
شايل فى ايدك السلام
طاير على روحي حمام
الله عليك غني كمان
الغنوة ماليها تمن
واللحن جوانا ببلاش
اصواتنا طايره فى الهوا
الله عليك يادي الطبيب
اوصفلي اكتر م الدوا
مريضة روحنا من زمان
وسرير بيجمعنا سوا
فى الهوسبتاليا اتجمعوا
والقلب منهم انكوا
الله عليك يادي الجدع
اكتب وطن
لحن وطن
غني وطن
كل الوطن اصبح بدع
ــــــــــــــــــ
الحبيب محمد سعيد

احييك على تلك الروح الجميلة رغم انك تعيش هناك ............
وبصراحة انا احسدك على امرين
الاول انك تعيش وسط صورك التى تكتبها والثاني ...... الخضرة التى رأيتها فى حروفك .. .. ولا زالت خضراء ولم تدبل بعد ......
وفى الحقيقة لفت نظري تعليق الاخت عايدة العشري .....
وهى قد عزمت على تحضير الشنط ولكن تسألك اولاً للتتأكد ....
هل عندما تعود سوف تراه كما كتبت ....
ام ان اغاني الشعراء امثالنا .. مجاناً .....
اللى يشيل يشيل ......
وخلي بالك عايدة ممكن تغرمك تذكرة الطيران ذهاب وعودة .....
وماخبيش عليك يامحمد المبلغ كبير ....

ولكن ولا يهمك
دائما ما نحتاج الى تلك الخضرة .. دائما مانحتاج الى ربع الكوب الملئ بالماء ..
حيث ان الثلاثة ارباع الفارغة قد طغت على ارواحنا جميعاً
بارك الله فيك
ـــــــــــــــــــــــ

احمد ابوسنة