السر وراء تراجع مستوى الاهلى

[عصام كابو]

هناك موضوع يؤرقنى منذ فترة........
و هو مستوى اداء الاهلى هذه الايام و الذى اصبح لغزا محيرا.....
فبعد فترة جميلة من الانتصارات المتوالية والعروض الرائعة عشناها نحن جماهير الاهلى و وصلت للذروة فى بطولة افريقيا والتى نحمل لقبها..... حتى اننا وجدنا انفسنا و لاول مرة فى مباراة الاهلى و الزمالك نتساءل عن عدد الاهداف التى سيحرزها الاهلى فى مرمى الزمالك بعد ان اصبح الفوز مضمونا.....
ووجدنا الاهلى يلعب مباراة نهائى افريقيا مع فريق النجم الساحلى فى تونس و كان الفريق مذعورا على ارضه و يدافع باستماتة ولا يجرؤ حتى على الهجوم و اكرر (على ارضه وفى نهائى البطولة) اما الان فللاسف نجد مستوى الاداء متذبذبا بشكل مخيف و لم نعد نرى العروض المتميزة السابقة....
ولم استطيع ان اجد جوابا شافيا.
هل الاجهاد وحده هو السبب ؟؟؟ لا اعتقد...
لذلك اريد منكم مشاركتى بارائكم فى هذا الموضوع...

[khaled4]

و الله انا شايف ان لاعبى الاهلى مجهدين و ما تنساش ان كان ف المنتخب 10 لاعيبه من الاهلى و بعد البطولات دى بيجى للاعب حاله من الاشباع نتيجه حصاد البطولات و ان شاء الله المستوى هايتحسن

[عصام كابو]

و الله انا شايف ان لاعبى الاهلى مجهدين و ما تنساش ان كان ف المنتخب 10 لاعيبه من الاهلى و بعد البطولات دى بيجى للاعب حاله من الاشباع نتيجه حصاد البطولات و ان شاء الله المستوى هايتحسن

اهلا بيك يا خالد.
بس هل تعتقد ان الاجهاد يعمل كل ده؟ وهل اللاعبين حصلوا على 10 بطولات مثلا لكى يتشبعوا؟
على العموم اتعشم ان يعود الاهلى كما كان يا خالد.
يا ريت تصوت فى الموضوع.

[أحمد ناصر]

أخى الحبيب عصام
حمدالله على سلامتك
ويارب تكون بخير حال وموفق فى الدراسات العليا
أعتقد أن السبب الرئيسى فى إنخفاض المستوى يرجع إلى مانويل جوزيه
لماذا؟
مانويل جوزيه مدرب رائع وكل المدربين الذين يقولون أن تفوقه بسبب مجموعة الصفقات الذين ضمهم الأهلى ليس لديهم حق
فهو درب الأهلى قبل ذلك وحقق معه إنتصارات رائعة قبل إنضمام النخبة الأخيرة من اللاعبين
ولكن
مانويل جوزيه كان يجمد التشكيل بصورة عجيبة وغريبة طوال الموسم الماضى
وبدايات هذا الموسم
ثبات التشكيل جميل ورائع
ولكن هناك فرق بين ثبات التشكيل وجمود التشكيل
كان يجب على جوزيه الذى يمتلك مجموعة رائعة من اللاعبين توزيع مشاركاتهم على مدار الموسم
حتى يصبح لدى جميع اللاعبين فورمة المباريات
لو تذكر كيف كان جوزيه متجاهلا لمحمد عبد الوهاب فترات طويلة
وحينما كان يحتاجه لم يكن يؤدى بالشكل المطلوب
واللاعب له العذر حيث أنه ينقصه فورمة المباريات
ولم يرتفع مستوى عبدالوهاب إلا بسبب مشاركاته الأخيرة المتكررة بعد إصابة جيلبرتو الإجبارية
وإحتراف أبو مسلم
فكانت النتيجة مشاركات لعبد الوهاب أسفرت عن إرتفاع مستواه تدريجيا
وتوج هذا بتألقه فى كأس الأمم
ولدى الأهلى كتيبة من اللاعبين لكن للأسف لم يوظفوا توظيفا صحيحا
وهذا هو خطأ جوزيه الوحيد
وفيما عدا ذلك فهو أفضل مدرب فى مصر وربما إفريقيا أيضا

[محمود زايد]

اهلا ياعصام
موضوع مهم واحب اسجل راى المتواضع فيه

اى فريق فى العالم بيحصل له هبوط بعد ارتفاع مستوى لاعبينه لدرجه ممكن توصل للغرور انا مش بقول ان لاعبى الاهلى مغرورين بالعكس الاهلى بيؤدى بشكل ممتاز لكن برغم بهوط المستوى لكنه بيفوز وباستمرار
لكن حد ينكر ان لاعبى الاهلى مجهده والارهاق ظهر عليها وخصوصا على لاعبى المنتخب وهما مش قليلين دول 9 يعنى نصف الفريق
الاهلى اشترك فى الدورى وبطوله افريقا وبعد مافاز بها سافر لليابان ثم رجع راح 9 لاعبين للمنتخب وبقى حوالى 15 لاعب دون لعب لمدة تزيد عن شهرين ...لاعبى المنتخب تم استنزاف طاقتهم مع المنتخب فى بطوله افريقيا واظن حجم انك تلاعب فرق محترفه ده بيتطلب جهد قد ايه
لما رجعوا من المنتخب انضموا للاهلى وعاد الدورى الاهلى اصبح مطالب بلعب مباراة كل 3 ايام لدرجه انه لعب 12 مباراة خلال شهر هل فيه فريق فى العالم يقدر يلعب الكم الكبير ده من المباريات دون انه يصيبه الارهاق والتعب استحاله طبعا
ومافيش حد يقولى البدلاء وفين دور جوزيه فى تجهيزهم هل لما فرقه تغير جلدها بالكامل وتلعب بالبدلاء تظهر بنفس مستوى الفرق الاساسى اللى بيلعب مع بعضه لمدة تزيد على سنتين برشلونه لما بيغيب عنه ايتو ورنالدينهو وديكو بيختلف ادائه نهائى صحيح بيفوز لكن بتختفى المتعه وبيبقى كفته متساويه مع اى فريق يقابله لكن بوجود نجوم الفريق ولاعبينه الاساسين الناس بتتوقع النتيجه بفوزه قبل دخول المباراة
الاهلى فى فترة غاب عنه ابوتريكه وشوقى ووائل جمعه ومحمد بركات وعماد متعب ودول لوحدهم فريق وصعب تعويضهم
انا هقولك اخيره ياعصام
حلمى طولان لما سالوه من حوالى اسبوع بعد خسارة الحرس من المحله ايه سر تراجع الحرس وظهوره بالشكل السئ ده خلال المباريات الاخيره له قال ان سبب التراجع هو الارهاق والاجهاد الشديد الذى يعانى منه الفريق فنحن نؤدى كل 3 ايام مباراة سواء كانت البدايه فى الدورى العام ثم بطوله العرب وبطوله افريقيا وكل ذلك يؤدى الى ارهاق اللاعبين بدنيا وذهنيا والى سوء المستوى الذى يظهرون به فى المباريات الاخيره لدرجه اننى لم اقم بتدريب اللاعبين قبل مباراة المحله التى خسرناها بسبب ارهاقهم كل مافعناه هو دخول اللاعبين الى الساونا وصلات الجيمانيزيم والتدليك الخفيف حتى يزول الارهاق عنهم ولم نستعد جيدا بسبب للمباراة

يعنى الارهاق والتعب السبب الرئيسى فى تراجع المستوى وده مش على قد الاهلى فقط لا كل فرق العالم كده

[عمرو صالح]

الأرهاق يا عصام وده نفس الكلام اللي قالوا العمدة عماد النحاس
في اخر لقاء صحفي
واكد ان الأرهاق تأثيره فوق الوصف على الفرقة عموماً
ربنا يستر الدوري الجديد لأن الفريق مش هيتسريح الا 15 يوم
وده سبب اعتراض الأهلي على موعد بدء الموسم
شكرا يا عصام

[عصام كابو]

أخى الحبيب عصام
حمدالله على سلامتك
ويارب تكون بخير حال وموفق فى الدراسات العليا
أعتقد أن السبب الرئيسى فى إنخفاض المستوى يرجع إلى مانويل جوزيه
لماذا؟
مانويل جوزيه مدرب رائع وكل المدربين الذين يقولون أن تفوقه بسبب مجموعة الصفقات الذين ضمهم الأهلى ليس لديهم حق
فهو درب الأهلى قبل ذلك وحقق معه إنتصارات رائعة قبل إنضمام النخبة الأخيرة من اللاعبين
ولكن
مانويل جوزيه كان يجمد التشكيل بصورة عجيبة وغريبة طوال الموسم الماضى
وبدايات هذا الموسم
ثبات التشكيل جميل ورائع
ولكن هناك فرق بين ثبات التشكيل وجمود التشكيل
كان يجب على جوزيه الذى يمتلك مجموعة رائعة من اللاعبين توزيع مشاركاتهم على مدار الموسم
حتى يصبح لدى جميع اللاعبين فورمة المباريات
لو تذكر كيف كان جوزيه متجاهلا لمحمد عبد الوهاب فترات طويلة
وحينما كان يحتاجه لم يكن يؤدى بالشكل المطلوب
واللاعب له العذر حيث أنه ينقصه فورمة المباريات
ولم يرتفع مستوى عبدالوهاب إلا بسبب مشاركاته الأخيرة المتكررة بعد إصابة جيلبرتو الإجبارية
وإحتراف أبو مسلم
فكانت النتيجة مشاركات لعبد الوهاب أسفرت عن إرتفاع مستواه تدريجيا
وتوج هذا بتألقه فى كأس الأمم
ولدى الأهلى كتيبة من اللاعبين لكن للأسف لم يوظفوا توظيفا صحيحا
وهذا هو خطأ جوزيه الوحيد
وفيما عدا ذلك فهو أفضل مدرب فى مصر وربما إفريقيا أيضا


بداية يا احمد الله يسلمك ربنا يخليك و يكرمك


مانويل جوزيه مدرب رائع وكل المدربين الذين يقولون أن تفوقه بسبب مجموعة الصفقات الذين ضمهم الأهلى ليس لديهم حق
فهو درب الأهلى قبل ذلك وحقق معه إنتصارات رائعة قبل إنضمام النخبة الأخيرة من اللاعبين
هو أفضل مدرب فى مصر وربما إفريقيا أيضا


انا اتفق معك فى هذا الكلام


مانويل جوزيه كان يجمد التشكيل بصورة عجيبة وغريبة طوال الموسم الماضى
وبدايات هذا الموسم
ثبات التشكيل جميل ورائع
ولكن هناك فرق بين ثبات التشكيل وجمود التشكيل
كان يجب على جوزيه الذى يمتلك مجموعة رائعة من اللاعبين توزيع مشاركاتهم على مدار الموسم
حتى يصبح لدى جميع اللاعبين فورمة المباريات


هذا الكلام محتاج للنقاش فعندما يقوم المدرب بالتغيير المستمر فى التشكيل يتم الهجوم عليه من الكثيرين
ولو تتذكر ان جوزية عندما حضر اول مرة من 4 سنوات كان يغير فى التشكيل بصفة مستمرة ووقته هاجموه كثيرا حتى توصل لتشكيل متميز وقام بتثبيته ولعب مباريات رائعة مثل الزمالك 6-1 و الاسماعيلى 4-4 و فاز ببطولتى افريقيا و السوبر

و نهاية اشكرك على مشاركتك المتميزة

[عصام كابو]

مشاركة مكررة

[عصام كابو]

اهلا ياعصام
موضوع مهم واحب اسجل راى المتواضع فيه

اى فريق فى العالم بيحصل له هبوط بعد ارتفاع مستوى لاعبينه لدرجه ممكن توصل للغرور انا مش بقول ان لاعبى الاهلى مغرورين بالعكس الاهلى بيؤدى بشكل ممتاز لكن برغم بهوط المستوى لكنه بيفوز وباستمرار
لكن حد ينكر ان لاعبى الاهلى مجهده والارهاق ظهر عليها وخصوصا على لاعبى المنتخب وهما مش قليلين دول 9 يعنى نصف الفريق
الاهلى اشترك فى الدورى وبطوله افريقا وبعد مافاز بها سافر لليابان ثم رجع راح 9 لاعبين للمنتخب وبقى حوالى 15 لاعب دون لعب لمدة تزيد عن شهرين ...لاعبى المنتخب تم استنزاف طاقتهم مع المنتخب فى بطوله افريقيا واظن حجم انك تلاعب فرق محترفه ده بيتطلب جهد قد ايه
لما رجعوا من المنتخب انضموا للاهلى وعاد الدورى الاهلى اصبح مطالب بلعب مباراة كل 3 ايام لدرجه انه لعب 12 مباراة خلال شهر هل فيه فريق فى العالم يقدر يلعب الكم الكبير ده من المباريات دون انه يصيبه الارهاق والتعب استحاله طبعا
ومافيش حد يقولى البدلاء وفين دور جوزيه فى تجهيزهم هل لما فرقه تغير جلدها بالكامل وتلعب بالبدلاء تظهر بنفس مستوى الفرق الاساسى اللى بيلعب مع بعضه لمدة تزيد على سنتين برشلونه لما بيغيب عنه ايتو ورنالدينهو وديكو بيختلف ادائه نهائى صحيح بيفوز لكن بتختفى المتعه وبيبقى كفته متساويه مع اى فريق يقابله لكن بوجود نجوم الفريق ولاعبينه الاساسين الناس بتتوقع النتيجه بفوزه قبل دخول المباراة
الاهلى فى فترة غاب عنه ابوتريكه وشوقى ووائل جمعه ومحمد بركات وعماد متعب ودول لوحدهم فريق وصعب تعويضهم
انا هقولك اخيره ياعصام
حلمى طولان لما سالوه من حوالى اسبوع بعد خسارة الحرس من المحله ايه سر تراجع الحرس وظهوره بالشكل السئ ده خلال المباريات الاخيره له قال ان سبب التراجع هو الارهاق والاجهاد الشديد الذى يعانى منه الفريق فنحن نؤدى كل 3 ايام مباراة سواء كانت البدايه فى الدورى العام ثم بطوله العرب وبطوله افريقيا وكل ذلك يؤدى الى ارهاق اللاعبين بدنيا وذهنيا والى سوء المستوى الذى يظهرون به فى المباريات الاخيره لدرجه اننى لم اقم بتدريب اللاعبين قبل مباراة المحله التى خسرناها بسبب ارهاقهم كل مافعناه هو دخول اللاعبين الى الساونا وصلات الجيمانيزيم والتدليك الخفيف حتى يزول الارهاق عنهم ولم نستعد جيدا بسبب للمباراة

يعنى الارهاق والتعب السبب الرئيسى فى تراجع المستوى وده مش على قد الاهلى فقط لا كل فرق العالم كده


محمود اهلا بك فى الموضوع
كلامك صح جدا بس لو شفت ماتش امبارح مع بطل غينيا
الاهلى كان رائعا فى الشوط الاول و تغير الحال بعد خروج ابو تريكة فى الشوط الثانى فهل ابو تريكة هو الاهلى؟؟؟؟؟؟؟؟؟؟
شكرا لمشاركتك الرائعة

[عصام كابو]

الأرهاق يا عصام وده نفس الكلام اللي قالوا العمدة عماد النحاس
في اخر لقاء صحفي
واكد ان الأرهاق تأثيره فوق الوصف على الفرقة عموماً
ربنا يستر الدوري الجديد لأن الفريق مش هيتسريح الا 15 يوم
وده سبب اعتراض الأهلي على موعد بدء الموسم
شكرا يا عصام

اهلا اهلا يا عمور نورت و الله
لو الموضوع فعلا سببة الارهاق و الدورى الجديد ابتدى يدرى دى هتكون كارثة بكل المقاييس

[Dodda]

بص يا عصام انا شايف ان اللاعبين مجهدين من البطوله بس لحد امتى هنفضل نقول كده بطوله افريقيا خلصت بقالها 4 شهور

[sea_wolf]

بالاضافة الى ما سبق
عدم وجود بدلاة على نفس المستوى الفنى للاعيبة الاساسين مثل
محمد ابو تريكة - بركات - وائل جمعه - محمد شوقى -
بالاضافة الى وجود النيلة فلافيو

[عصام كابو]

بص يا عصام انا شايف ان اللاعبين مجهدين من البطوله بس لحد امتى هنفضل نقول كده بطوله افريقيا خلصت بقالها 4 شهور

شكرا يا خالد على المشاركة

على فكرة اللاعبين لو مجهدين فعلا ما كانوا ادوا هذا الاداء الرائع فى مباراة بطل غينيا السابقة خاصة فى الشوط الاول

[عصام كابو]

بالاضافة الى ما سبق
عدم وجود بدلاة على نفس المستوى الفنى للاعيبة الاساسين مثل
محمد ابو تريكة - بركات - وائل جمعه - محمد شوقى -
بالاضافة الى وجود النيلة فلافيو

عندك حق فعلا يا سى وولف
بس قولى هنجيب منين حد فى مستوى بركات ولا ابو تريكة
دول فعلا احسن اللاعبين فى مصر

[سـلـوى]

موضوع و مشاركات جميلة
تسلم يا عصام
بس صدقنى هى عين
و حسد
هههههههه

لا بجد
انا صوتت على اول حاجة
اللى هى إجهاد اللعيبه

و عامة بحس بصراحة
يمكن هى مش قاعدة عامة
ان الشعب المصرى
فى اى حاجة
مش بيقدر يحافظ على مستواة دائما
يعنى دائما
تلاقى فترات تراخى
و بعدها فترات كويسة جدا و تقدم
و نرجع تلاقى فى حالة تراخى

و الله أعلم


تقديرى و احترامى الدائم

[عصام كابو]

موضوع و مشاركات جميلة
تسلم يا عصام
بس صدقنى هى عين
و حسد
هههههههه

لا بجد
انا صوتت على اول حاجة
اللى هى إجهاد اللعيبه

و عامة بحس بصراحة
يمكن هى مش قاعدة عامة
ان الشعب المصرى
فى اى حاجة
مش بيقدر يحافظ على مستواة دائما
يعنى دائما
تلاقى فترات تراخى
و بعدها فترات كويسة جدا و تقدم
و نرجع تلاقى فى حالة تراخى

و الله أعلم


تقديرى و احترامى الدائم


شوفى يا سلوى انا عندى رأى بسيط و هو........الفرق الكبيرة دائما تمر بفترات يهبط فيها مستواها و لكن برضه الفرق الكبيرة (فقط) هى التى تستطيع النهوض من كبواتها سريعا و تستعيد رونقها و هو ما ينطبق على الاهلى و الحمد لله

ده طبعا بالاضافة الى طبيعة الشعب المصرى الغريبة و التى اوافقك عليها

اشكرك يا سلوى على مرورك الغالى و مشاركتك فى الموضوع