المساعد الشخصي الرقمي

مشاهدة النسخة كاملة : اطلب الوصفه اللى على بالك ... تلاقيها قدامك الحاصل على ذهبية حورس 2010



الصفحات : 1 2 3 4 5 6 [7] 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57

ديدي
11-06-2006, 09:58 AM
:eat: :eat: :eat:
ايه الحاجات الحلوة اللى تفتح النفس دى
دائما مطبخنا عامر باحلى الاكلات واجمل الاعضاء
صباح الفل

شاعر الرومانسية
11-06-2006, 11:44 PM
لا تشرب هذا الزبادو - الزبادو فيه سم قاتل :d

أخي الفاضل حسن تسلم الأيادي :f: علي وصفة الزبادو الي تجنن دي

جاري التجربة "يا خراب بيتك يا جهينة :d"


ب
بقى الذبادو دة فية سم قاتل... :nooo:
طييييييييييييييب .. بلاها يا ستى

مع انه جميل والله ومفيد
واسالى عزيزى زيزو .. اللى جربة وقالى هاااااااااااااايل برضة
ومن غير خسائر فى ارواح

منتظر نتيجة التجربة ( مع كوب زبادو:eat: )

وبالهنا والشفا مقدما....

sea horse
12-06-2006, 08:51 AM
العزيزه سماء
الف شكر ليكى ولكل الناس الحلوين معاكى على السفرة
ولعلمك جمال الوصفه برضه محتاج نفس فى الاكل
يبقى الشكر ليكى برضه
وتسلم ايدك على الميلك تشيك الرايق ده
والله الحر عايز كله مشروبات متلجة
:good:
وبالف هنا

العزيزه ديدى
دايما منوره احلى مطبخ ..ونردهالك فى الوصفات
صباح الفل
:eat:

أم أحمد
13-06-2006, 09:06 AM
صباح الفل عليكم
سي هورس عملت البطاطس بورية امبارح وزي الفل الحمد لله :hey:
شوية وهانزل لكم الصورة :cool:
خالص تقديري لك

حرحوره
13-06-2006, 09:33 AM
يسلمووووووو هورس على الموضوع
انا زبونه جديده فى مطبخكو اصلى اتخبطت وماما قالت لازم اتعلم الطبيخ عشان ماروحش اجرب فى الراجل حراااااااااااااااااام
وقريب اوووووى هطلب منك وصفه باذن الله

سمـاء
13-06-2006, 09:44 AM
sea horse

شكرا على كلامك ووصفاتك

إن شاء الله هجرب الفراخ بالنعناع، أكيد هتطلع تحفة

بس لو ممكن كمان الطريقة الصح للفراخ المحشية

وتسلم وصفاتك

حرحورة

ألف مبروك وربنا يتمم بخير، خليكى مع sea horse واطمنى وطمنى ماما.....

Amira
13-06-2006, 12:33 PM
ب
بقى الذبادو دة فية سم قاتل... :nooo:
طييييييييييييييب .. بلاها يا ستى

مع انه جميل والله ومفيد
واسالى عزيزى زيزو .. اللى جربة وقالى هاااااااااااااايل برضة
ومن غير خسائر فى ارواح

منتظر نتيجة التجربة ( مع كوب زبادو:eat: )

وبالهنا والشفا مقدما....

شاعر الرومانسية

النتيجة كانت مذهلة - بجد و الله طلع الزبادو تحفة - تسلم الأيادي

و عملته بالفراولة

ليك في ذمتي كوباية :d

بس خلي بالك كدا شركة جهينة ممكن تعمل أحتجاج رسمي - لأ و يطالبوك بتعويض بقي :hey:

في أنتظار المزيد من التجارب الجميلة :f2:

شاعر الرومانسية
13-06-2006, 06:44 PM
العزيزة " اميرة "

بالهنا والشفا ياستى ..
وعلى فكرة بالخوخ والمانجو كمان بيبقى جميل ..
بس الفراولة احسنهم

وبخصوص الكوباية اللى ليا عندك .. ماشى ياستى ..
خليها فى ذمتك والحساب يجمع:1:

اما عن جهينه ... فسييييييييييييبك
حناخد حق الانتاج ونعمل منتج جديد ...
ونسمية ... زبادينا :y:


العضوة الجديدة .. حرحورة
اهلا بيك .. والف مبروك ياستى...
وبعدين لو مش حتجربى فية يعنى امال حتجربى فى مين:2:

عموما اتفضلى اامرى فى اى وصفة .. وحتلاقينا كلنا تحت امرك

سماااااااااء...
ليا سؤال بعد اذنك
ياترى انتى ا قصدك .. بودرة الايس كريم.. والا ايس كريم مصنوع جاهز
اصلى بموت فى حاجة اسمها ميلك شيك:'(

وبخصوص الفراخ المحشية..
اكيد شيفنا العزيز .. شغال فى الوصفة
وعموما لو اتأخر .... حنزللك وصفتها حالا

اصله سايبلى نسخة من مفتاه المطبخ :1:

وللجميع اطيب تحياتى :f2:

sea horse
13-06-2006, 07:54 PM
العزيزه حرحورة
اهلا بيكى و منورة مطبخنا الجميل
بس خللى بالك احنا مالناش فى موضوع صحى ومفيد ده
:notme:
احنا هنا بتوع ضار ولذيذ
:hey: :evil2: :hey:
اهلا بيكى وسلامنا لماما
مساء الفل
:eat:

sea horse
13-06-2006, 08:05 PM
العزيزه ام احمد
الف هنا وشفا صينية البيوريه
وسلام كبير سمين.... من مصر لغاية شمال اوروبا
:4:
العزيزه سماء
الف شكر لذوقك ...شاعره يا عالم
:f:
و شاعر الرومانسيه عنده وصفة حشو فراخ 100%
وبرضه هاكتب لك وصفتى
مساء الفل
:eat:

sea horse
13-06-2006, 08:08 PM
شاعرنا الجميل
نشرة الساعه 9 قالوا فيها
جارى البحث عن الارهابيين اللى بيخربوا شركة جهينه
احترس من الاعداء
ووصفة حشو الفراخ عليك يا معلم حسب وعدك لسماء
وكتر التوابل و الشطة
عايزين المطبخ يتفاعل ... وينتج كل ما هو ضار ولذيذ
مساء الفل
:eat:

boukybouky
14-06-2006, 01:46 AM
أنا جيت علي ريحة الحاجات الصاقعة

حلو موضوع الزبادو يا حسن هجربه بس هو لازم موضوع العسل ده؟؟؟؟

اصلي بحب المشاريب غير محلاه و الا ده يغير في طعمه؟؟؟

اصل الحر خلاص فرهد الواحد و محتاجين اللي يطري علي قلبنا :d

بس ربنا يستر ومش يطلع زي ما أميرة بتقول ههههههههههههههه

الف شكر هجرب و اقولكم

في رعاية الله ،،،

شاعر الرومانسية
14-06-2006, 07:06 AM
العزيزة .. بوكى بوكى
جربى الزبادينا ...
وعلى ضمانتى وضمانة اميرة وزيزو ( هما ياعينى اللى جربوه ...)
وبالنسبة للعسل ..
طبعا زى ماتنحبى ... مزازة الزبادى مع تسكير الفاكهة برضة حيبقى طعمهم لذيذ

وبالهنا والشفا مقدمااااااااا

:f2:
الا صحيح
هو لية المنتدى تقييييييييييييييييييييييييل كدة

شاعر الرومانسية
14-06-2006, 07:31 AM
"ووصفة حشو الفراخ عليك يا معلم حسب وعدك لسماء
وكتر التوابل و الشطة"


حاضر يامعلمى ... حنكتروا الشطة والبهارات على قد مانقدر:007:



الفراخ المحشية

عندنا طريقتين لعمل الفراخ المحشية

اما انها تتحشى بالرز المتبل وهو نى ( ودى لازم تتسلق الاول .. وبتبقى مع الفراخ اللى حجمها كبير )
او اننا نختار فراخ صغيرة ( 3/4:1 كيلو ) ودى ممكن نسوى الارز نص سوا ونحشى الفراخ ونحطها فى الفرن على طول .... وانا بفضل الطريقة دى بتبقى الذ

نجيب كوباية ارز ونغسلها ونسيبة على جنب
نفرم بصلة كبيرة حلوة فرم ناعم ونحطها على معلقتين سمن وفص مستكة على النار وتقلبتين ونضيف الارز وتقلبيتين ونضيف التوابل ( ملح وفلفل وبهارات " كتير عشان خاطر بودا:y1: " وقرفة وجوزة الطيب )

طبعا ممكن بعد البصلة نضيف كبد وقوانص الفراخ متقطعة حنن صغيرة وتقلبتيتن كمان ( يبقوا ست تقليبات :good: ) ونضيف قليل من الماء يسوى الارز نصف سوا

نكون طبعا منضفين الفراخ ( اتنين او اكتر حسب العدد ) ونتبلهم من جوا ومن برا كويس ... بخليط توابل ( ملح وفلفل وحبهان ناعم )
ونحشى المرحومتين من جوة جويس مع ترك فراخ صغير لزيادة حجم الارز وندهن وشهم زبدة ونحطهم فى صنية وعلى الفرن المتوسط ..يستوا براحتهم
طبعا باقى الارز مانرميهوش .. نزود شوية مية ونخلية يكمل سواه ..
ونطلع الفراخ ونحطهم فى سرفيس على باقى الارز وحوليهم بطاطس شيبس


وبالهنا،،، :f2:

Amira
14-06-2006, 09:16 AM
"ووصفة حشو الفراخ عليك يا معلم حسب وعدك لسماء
وكتر التوابل و الشطة"


حاضر يامعلمى ... حنكتروا الشطة والبهارات على قد مانقدر:007:



الفراخ المحشية

عندنا طريقتين لعمل الفراخ المحشية

اما انها تتحشى بالرز المتبل وهو نى ( ودى لازم تتسلق الاول .. وبتبقى مع الفراخ اللى حجمها كبير )
او اننا نختار فراخ صغيرة ( 3/4:1 كيلو ) ودى ممكن نسوى الارز نص سوا ونحشى الفراخ ونحطها فى الفرن على طول .... وانا بفضل الطريقة دى بتبقى الذ

نجيب كوباية ارز ونغسلها ونسيبة على جنب
نفرم بصلة كبيرة حلوة فرم ناعم ونحطها على معلقتين سمن وفص مستكة على النار وتقلبتين ونضيف الارز وتقلبيتين ونضيف التوابل ( ملح وفلفل وبهارات " كتير عشان خاطر بودا:y1: " وقرفة وجوزة الطيب )

طبعا ممكن بعد البصلة نضيف كبد وقوانص الفراخ متقطعة حنن صغيرة وتقلبتيتن كمان ( يبقوا ست تقليبات :good: ) ونضيف قليل من الماء يسوى الارز نصف سوا

نكون طبعا منضفين الفراخ ( اتنين او اكتر حسب العدد ) ونتبلهم من جوا ومن برا كويس ... بخليط توابل ( ملح وفلفل وحبهان ناعم )
ونحشى المرحومتين من جوة جويس مع ترك فراخ صغير لزيادة حجم الارز وندهن وشهم زبدة ونحطهم فى صنية وعلى الفرن المتوسط ..يستوا براحتهم
طبعا باقى الارز مانرميهوش .. نزود شوية مية ونخلية يكمل سواه ..
ونطلع الفراخ ونحطهم فى سرفيس على باقى الارز وحوليهم بطاطس شيبس


وبالهنا،،، :f2:

لألألأ انا جوعت خلالالالالالالالالاص

شكلها و ريحتها تحفة :eat: تسلم الأيادي يا شاعر الرومانسية

بس أنت رطبت علي قلبنا بالزبادو و ولعتها بعد كدا بالفراخ المحشية :d

صباح الفل

sea horse
14-06-2006, 10:11 AM
اولا تسلم ايدك يا شاعر للفراخ المحشية تجنن
ثانيا انا برضه بافضل الحشو بالرز النص سوا بيبقى اسهل و اضمن
ثالثا من غير شطشطة وفلفل و جوزة الطيب ماتنفعش
رابعا ربنا يستر علينا كلنا من الضار ولذيذ جدا ده
:good:
صباح الفل
:eat:

سمـاء
14-06-2006, 10:30 AM
عندنا طريقتين لعمل الفراخ المحشية

اما انها تتحشى بالرز المتبل وهو نى ( ودى لازم تتسلق الاول .. وبتبقى مع الفراخ اللى حجمها كبير )
او اننا نختار فراخ صغيرة ( 3/4:1 كيلو ) ودى ممكن نسوى الارز نص سوا

يبقى أنا أكيد قريت الطريقتين ودخلوا على بعض
علشان كده ما كنتش بعرف اعملها صح

شاعر الرومانسية.... تسلم ايدك... هجرب بالفراخ الصغيرة... خصوصا ان انت و sea horse بتفضلوها، وكويس انها مش مشططة.....كفاية فلفل وجوزة الطيب... :2:

Amira لما أعملها ان شاء الله هبعتلك طبق ع الميل......

أما بخصوص الـmilk shake ، اللى أنا جربته كان ايس كريم جاهز (كيمو)... عاشان كده الضرب بيكون هادى وبيتشرب على طول قبل ما يسيح... وألف هنا

حرحوره
14-06-2006, 12:28 PM
شكرا سماء على ترحيبك بيا وانا فعلا قريت الموضوع من اوله لاخره لقيت حاجات تهببببببببببل
وان شاء الله هجربها في بابا وماما واخواتى الاول عشان ابقى 100 100 ههههههههههههههههههههه

حرحوره
14-06-2006, 12:32 PM
شكرا سى هورس على ترحيبك الجميل بيا وانا فرحانه خالص بالموضوع ده
ومتقلقش انا كمان من انصار ضار ولذيذ ههههههههه بس ربنا يدينا الصحه يااااااارب

الدكتورة نسيبة
14-06-2006, 01:36 PM
بجد الموضوع ده تحفة جداااااااااااااااااااا

انا قريته من الاول للاخر عجبنى فيه اوووى الرز بالالوان ده وغريب والفراخ اللى بانعناع والزبادو والميلك شيك

بجد حاجات تحفة

حسستونى انى فاشلة اووووووووى ومش بعرف اعمل حاجة:uff:


تسلم الايادى يا احلى شيفات

شاعر الرومانسية
14-06-2006, 06:48 PM
لألألأ انا جوعت خلالالالالالالالالاص

شكلها و ريحتها تحفة :eat: تسلم الأيادي يا شاعر الرومانسية

بس أنت رطبت علي قلبنا بالزبادو و ولعتها بعد كدا بالفراخ المحشية :d

صباح الفل



الله يسلمك يا اميرة ..

وبخصوص التوليع بعد الترطيب
ممممممممممممممممم:mm:
وياستى اقلبى الموضوع( اقرائية من الاخر للأول يعنى ) ...
حتلاقى التوليع الاول وبعدة الترطيب:king:

وعموما ولايهمك.. نشوفللك وصفة كمان تهدى ولعة الفراخ:1:

احنا تحت امرك ،،،:f2:

شاعر الرومانسية
14-06-2006, 07:08 PM
بودا
معلشى يا شيفنا
مشيها بفلفل بس ومن غير شطشطة...
عشان نرضى جميع الزباين:eat:
وخلى المشطشط لينا احنا


سمــاء
الله يسلمك ياستى ..
ومنتظرين النتيجة بسرعة
وبالهنا والشفا مقدما

بس كدة برضة حتبعتى لاميرة واحدة بحالها على الميل
وماتبعتيليش دبوس بالدى اتش ال حتى:no:

دكتورة نسيبة
نورتى المطبخ يافندم
وبعدين متقوليش فاشلة ابدا...
يعنى هو احنا لو زورناكى فى المستشفى ..مثلا
حنحس اننا ..............





والا بلاش احسن:smart:

للجميع اطيب تحياتى،،،
:f2:

sea horse
15-06-2006, 01:12 PM
ايه الهنا ده
د نسيبه وحرحوره و.. و ... كل العيله الجميله عندنا
يا مرحبا يا مرحبا
:f:
و فين الطلبات ؟؟؟
ولا بتاكلوا فراخ محشية بس ؟؟؟
:good:
صباح الفل
:eat:

sea horse
15-06-2006, 01:22 PM
تكرار دون قصد
وتمت الازالة
مساء الفل

sea horse
15-06-2006, 05:56 PM
مبروك يا جماعة المطبخ وموضوع الطلبات
تخطى رقم مشاهدات الموضوع حاجز الــ 3000
:hey:
بجد حاجه تفرح
:f2:
وده حصيلة جهد المجموعه كلها
شكر واجب لكل الاكيله والاكيلات ...الطباخين منهم أوالطباخات
:f: :f: :f:
مساء الفل
:eat:

osha
16-06-2006, 12:43 AM
وحشتوووووني جدا ياشلة المطبخ الحلوين
انا بس عديت قلت اسلم وارحب بشاعرنا العائد لأرض المطبخ بعد غياب

شاعر الرومانسية
17-06-2006, 01:23 AM
الله يخليكى يا عزيزتنا الغالية
الحاضرة .. الغائبة

جاية بايدك فاضية كدة..
مفيش اكلة كدة .. وصفة كدة

ماشى ماشى

عموما
خيرك سابق

أم أحمد
17-06-2006, 02:11 AM
يا مساء الخيرات :f:
اغيب يومين اجي الاقي زبادو وفراخ محشية ومين اللي بيقدمها الشاعر الجميل
لا بقي نصيبي يجي بالذوق كده احسنلكم :mazika2:
تسلم ايدك يا شاعر طريقتك جميلة وهي نفس اللي باعملها :y1:
عاوزين بقي نعرف طريقتك في الشيش طاووق :4:
بس من غير بهارات كتير عشان الحر :mazika2:

sea horse
17-06-2006, 07:24 AM
يا صباح الخيرات
ومرت اوشا مرور الكرام المستعجلين
اللى همه غالبا مستلفين خمس دقايق نت من الجيران
:baby: :4: :baby:
وانا برضه مع ام احمد مستنيين وصفة شاعرنا الهمام للشيش طاووق
لان فعلا بيتعمل بطرق كتييييير
صباح الفل
:eat:

Amira
17-06-2006, 07:41 AM
إخواني و أخواتي الأعزاء :f:

صباح الفل عليكم جميعا و علي أحلي مطبخ :f:

مش عارفة ليه انا صاحية النهاردة و نفسي أكل آكل إيطالي "حاجة كدا بالمكرونة ياعني"

مالقيش وصفة جديدة للمكرونة بس تكون سهلة العمايل بليززززززز :baby:

sea horse
17-06-2006, 06:27 PM
للعزيزه أميرة

مكرونه طليانى بالفلفل الاخضر والزيتون الاسود
هاتجيبى نص كيلو مكرونه سباجيتى ونص كيلو مكرونه قواقع او اى شكل تانى
هانسلق المكرونه عادى فى ميه وملح و تتصفى ونشطفها ونسيبها تتصفى
هانبشر بصله كبيره ناعم ونحمرها فى معلقتين زبده و شوية زيت لغاية اللون الذهبى الجميل
هانحط عليها عصير كيلو طماطم ونسيبه يتسبك مع الملح والفلفل و مبشور جوزة الطيب
هانقطع فلفل اخضر شرائح رفيعه ونرميه عالصلصة غلوتين
:2:
نكون محضرين نص كيلو زيتون اسود شرائح
ننزل الصلصة بالفلفل من على النار ونرمى فيها الزيتون ونقلبهم
وندلق منهم عالمكرونه وبالف هنا

تصلح للغدا وللعشا فى ليالى الصيف الحارة الرزله
:uff:
مساء الفل
eat:

أم أحمد
17-06-2006, 07:53 PM
إخواني و أخواتي الأعزاء :f:

صباح الفل عليكم جميعا و علي أحلي مطبخ :f:

مش عارفة ليه انا صاحية النهاردة و نفسي أكل آكل إيطالي "حاجة كدا بالمكرونة ياعني"

مالقيش وصفة جديدة للمكرونة بس تكون سهلة العمايل بليززززززز :baby:


اهلا يا اميرة
بعد اذن سي هورس ممكن ااقولك طريقة بتبقي حلوة برضه
بتجيبي مكرونة شرائط نصف كيلو كده وتسلقيه عادي
بعدين تجيبي مشروم وتقطعيه شرائح
وفلفل احمر واصفر واخضر حلو نقطعه شرائح رفيعة
وجزر نقطعة شرائح رفيعة برضه
وزيتون اسود او اخضر
وبصلة نقطعاها جوانح رفيعه
ونشوح البصل وبعدين الفلفل ومعها المشروم والجزر نسلقه شوية ونشوحه هو كمان معاهم
وشوية ملح وفلفل عليهم كده صغيرين وما نكترش عشان هنحط الزيتون
وبعدين نجيب المكرونة وفي الصلصة بتاعتها ونحطها ونجيب الخليط ده كله عليهم وعلي وش المكرونة ننزلهم وهيبقي عندك احلي طبق مكرونة تاكلي صوابعك وراه :good:
وبالف هنا يا جميل

شاعر الرومانسية
18-06-2006, 12:56 AM
بخصوص طلب اميرة ورغبتها فى ايطاليانو فودز ..
وبخصوص وصفات المكرونة...
وبما ان شيفنا بودا ادلى بدلوة ..
واختنا ام احمد برضة اديت الوصفة التانية المتينة
وزى مابيقولوا التالتة تابتة

نقول وصفة كمان للمكرونة ..
وتنفع جدا فى الصيف والحر ..لانها وصفه باردة ( ولامؤاخذة:y1: )



مكرونة بالصلصة الباردة

نقطع طمطماية قطع صغيرة جدا قد المكروناية ونشيل منها البذر
نشوى فلفلة رومى ونقطعها مكعبات صغيرة برضة

نحط معلقة ليمون على نص كوب صغير زيت زيتون ( او زيت ذرة عشان منعقدهاش :4: ) ويخفق بشدة ونحط علية معلقة مستردة وشوية شطة للى بيحبها

نكون سلقنا مكرونة اسباجيتى بالطريقة المعتادة ونغرفها فى طبق ونحط على وشها الطماطم القطع والفلفل المشوى المقطع وفى الاخر الصلصة اللى عملناها


وبالف هنا وشفا ،،، :f2:

شاعر الرومانسية
18-06-2006, 01:06 AM
معلش ..
نسيت طلب للشيش طووق...:$

زى ماقال شيفنا وكمان اختنا ام احمد..
الشيش طاووق لية طرق كتير

انا عن نفسى بعملة بطريقة معينة .. جربوها وشوفا اخبارها اية:2:



الشيش طاووق- بصلصة الزبادى

بعد تقطيع الفراخ لقطع صغيرة ( مكعبات ) نتبلها بماء البصل والخل وعصير الليمون والملح والفلفل والبهار والكارى وشوية توم مهروس وزبادى ( حفظتوا اللستة اللى فاتت والا نعيد كمان:-s )
ونقلب الخلطة كويس ونسيب فيها الفراخ يتاع تلت اربع ساعات

نجيب الخلة الخشب بتاعة الشيش طاووق ونحط فيها قطع الفراخ ومكعبات البصل والطماطم والفلفل الرومى بالتتابع
ممكن نحطها شوية على الشواية المدهونة بالزيت لفترة صغيرة ( لحد ماتاخد لون الشوى )
وبعد كدة نرصها فى صنية ونحط عليها صلصة التتبيل اللى فضلت من الفراخ
ونحطها فى الفرن لحد ماتستوى.. ونطلعها ونرصها فى السرفيس على فرشة البقدونس المتين وشوية خضار سوتية
وممكن نقدمها بطريقة تانية...
ونرصها زى ماهى باسياخها كدة على سرفيس ارز اصفر ( بالكارى او الكركم )

وبالف هنا وشفا ،،، :f2:

sea horse
18-06-2006, 07:06 AM
رزقك فى رجليكى يا اميره
ادى تلات وصفات مكرونه طليانى بنت رومانى
تسلم ايد العزيزه ام احمد
و تسلم ايد العزيز شاعر الرومانسية
:eat:
ووصفة الشيش طاووق ريحتها مالية المنتدى
:l2:
وجربوا عصير مفروم البقدونس مع صوص الطاووق
صباح الفل
:eat:

Amira
18-06-2006, 08:02 AM
العزيز سي هورس :f:

حبيبة قلبي أم أحمد :f:

العزيز شاعر الرومانسية :f:

بصراحة 3 وصفات مايطلعوش من تحت يد الخواجة نابولي ذات نفسه

أنا أعلنت حالة طوارئ في البيت عندنا "3 أيـــام الغذاء مكرونة" :good:

و الشيش طاووق كمان وصفته مغرية جدااااا أن الواحد يجربها :eat:

تسلم الأيادي و ماتحرمش منكم و لا من وصفاتكم الجميلة :f:

ديدي
18-06-2006, 05:06 PM
:1:
يا مساء المكرونة والشيش طاوووق
انا جيت جرى على الريحة:2:
سى هورس خد بالك من المنافسين ( ام احمد وشاعر الرومانسية);)
انا بس بهدى النفوس
مساء الفل
:f2:

sea horse
19-06-2006, 07:16 AM
العزيزه اميره
بالف هنا وشفا
ووصفات المكرونه هى افضل طريق للرجيم الحديث
يعنى 3 ايام مكرونه و 3 ايام رز ويوم مهلبيه
و هاتدعيلى
:evil:
صباح الفل
:eat:

sea horse
19-06-2006, 07:20 AM
تكرار ...بسبب الزهايمر وتم الازالة
صباح الفل
:eat:

sea horse
19-06-2006, 07:21 AM
العزيزه ديدى
اولا حمدا لله عالسلامه
لانه يظهر انك كنتى مسافره للغياب الطويل
اما موضوع تهدية النفوس ... فربنا يخليكى لينا وتهدى نفوسنا على طول
:3: :@ :3:
وانتى عارفه ان الموضوع ده جماله فى المشاركه الجماعية
و بزمتك وصفة الشيش بتاعة شاعرنا الجميل تستاهل التجربه ولا لأ ؟؟؟
:2:
وبافرح بجد جدا لما حد يشارك بوصفه ويضيف لوصفه
المطبخ يحب العك الجماعى
:no1:
مستنى وصفاتك علشان النفوس تهدى اكتر
بلاش سفر كتير
صباح الفل
:eat:

أم أحمد
19-06-2006, 12:57 PM
يا صباح الشيش طاووق
جيت علي الريحة بسرعة

تسلم ايدك يا شاعر الرومانسية علي الشيش طاووق
ايوة كده هو ده الشغل التمام

طيب يلا بقي عاوزين نشوف طريقة البيكاتا
في انتظار الطريقة بسرعة بقي مش تتاخروا علينا

Amira
19-06-2006, 01:02 PM
العزيزه اميره
بالف هنا وشفا
ووصفات المكرونه هى افضل طريق للرجيم الحديث
يعنى 3 ايام مكرونه و 3 ايام رز ويوم مهلبيه
و هاتدعيلى
:evil:
صباح الفل
:eat:


الله يهنيك يا شيفنا العزيز

علي قولك دا هايكون ريجيم فظيع :3:

و حفاظا مني علي الريجيم القاسي دا

أكلت بطاطس محمرة جنب المكرونة و باليل ذرة مشوي :good:

بس ممكن نبدل المهلبية بـ بودنج شيكولاتة

و لو ممكن طريقة عمايله بقي بالمرة :baby: علشان الدعاء يبقي مستوفي حقه :d

صباحك فللي :f:

ديدي
19-06-2006, 08:42 PM
العزيزه ديدى
اولا حمدا لله عالسلامه
لانه يظهر انك كنتى مسافره للغياب الطويل
اما موضوع تهدية النفوس ... فربنا يخليكى لينا وتهدى نفوسنا على طول
:3: :@ :3:
وانتى عارفه ان الموضوع ده جماله فى المشاركه الجماعية
و بزمتك وصفة الشيش بتاعة شاعرنا الجميل تستاهل التجربه ولا لأ ؟؟؟
:2:
وبافرح بجد جدا لما حد يشارك بوصفه ويضيف لوصفه
المطبخ يحب العك الجماعى
:no1:
مستنى وصفاتك علشان النفوس تهدى اكتر
بلاش سفر كتير
صباح الفل
:eat:
الله يسلمك سى هورس
والله السفر دا مش بايدى هو شوية مشاغل بس انا لو سافرت اخر الدنيا بردوا معاكم
ليه انا بس فى العك الجماعى وعموما مش هاكسفك هانتظر بس فرصة وصفة اطلع معاها مواهبى المدفونة
وصفة شاعر الرومانسية تحفة جارى التجربة انتظروا التقرير:good:
مساء الفل

شاعر الرومانسية
19-06-2006, 09:21 PM
الاخت العزيزة ديدى ....

هدى النفوس زى ماانتى عاوزة ياستى ..

احنا لوحدنا نفوسنا هاااااااااااااااااااااااااااااادية:1:

وياترى بتجربى اية المكرونة والا الشيش طاووووووووق
عموما مستنى النتيجة :f:
بنت ... ولد ... بنت ..... ولد :nooo:


اميرة ..يلا ياستى ... عندك الوصفات ... وعيشى:1:
وماتنسيش وصايا بودا ... عشان دى وفات مجربة:mazika2:

اسألينى انااااااااااااااا:'(

مساءك قرنفللى:f:


أم احمد
الله يسلمك يا ست الكل..
يلا ولو انها مش حتيجى حاجة جنب شيش طاووكك:$

اما بخصوص البيكاتا ...
فالطلعة دى بقى.......




حسيبها لبودا:p


للجميع .. اطيب تحياتى :f2:

سمـاء
20-06-2006, 02:07 PM
صباح الخير على كل الموجودين فى المطبخ والموجودات

اللى بيطبخوا واللى بياكلوا

:bye:

وبما ان التفاح المصرى الجميل مالى السوق

ممكن وصفات للـapple pie

أنا عارفة ان ممكن الحشو يكون فوق أو فى النص

بس نفسى اعرف بتاعة ماكدونالدز المحمرة :y1: ممكن؟؟؟

وياريت طبعا اى حاجة حلوة بالتفاح... لأنه بجد صحى ولذيذ

وتسلم الوصفات

sea horse
21-06-2006, 07:01 AM
تحياتى لكل من حضر وجه عالريحه الجميله
ومعلش ظروف السفر اليومين دول باعدانى شويه
لكن نبدأ بطلب العزيزه ام احمد
البيكاتا
كيلو صدور فراخ مقطعه اجزاء
نص كوباية زبده و علبة مشروم مقطع و علبة كريمه لبانى
تلات بصلات كبار مقطعين انصاف دواير وملح وفلفل وليمون
هانتبل الصدور بالملح والفلفل والليمون و سنة قرفه ونسيبها فى التلاجة ساعه
نحط الزبده فى طاسه كبيره عالنار مع معلقة زيت ذرة ونحط الصدور
ونحمرها عالهادى مع التقليب المستمر لغاية اللون الذهبى
:2:
نشيل الفراخ ونحط البصل فى نفس الزبده والزيت المتبقى لغاية ما يدبل بس
بعد كده نقلب معاه المشروم المتصفى من ميته للسوا
ننزل الصينية من على النار وندلق الكريمه عالبصل والمشروم
نقلب كويس ونرجعها عالنار تغلى بالراحه لزيادة التخانة
نحط الصدور فى طبق التقديم
وندلق عليها صوص البيكاتا ويجمل بمفروم بقدونس
وطبعا للبيكاتا طرق كتير ...ومستنى تعديلات الاصدقاء
وتحياتى للشاعر الجميل
:y:
و بالهنا والشفا
:eat:

sea horse
21-06-2006, 07:08 AM
للعزيزه سماء
بعد طول غياب

apple pie
3 معالق كورن فلاور و نص كوباية لبن و معلقة صغيرة فانيليا
نص كيس بيكنج باودر و 4 معالق كبيره سكر وكوبايه ونص دقيق
و ربع كيلو زبده هاناخد نصه للعجينه ونصه فى الحشو
نخلط اللى فات ده كله فى العجانه حتى التجانس التام ونضبط باللبن
ونسيب العجينه ترتاح نص ساعه ( المهم تكون مش ناشفه ولا ناعمه اوى)
بين البينين
;)
نيجى بقى للحشو...
كيلو تفاح أخضر أو عادى بس مش مستوى اوى ..نقشره ونقطعه نصين وربعين وتمنين
يعنى التفاحه تطلع 8 قطع شكل الهلال
نحط باقى الزبد فى صينية التارت عالنار ( بتكون بحافه متعرجه )
ولما تظهر رغوتها نحط عليها تلتين كوباية سكر ونقلب بسرعه وننزلها من النار
نرص قطع التفاح بحيث تملا الصينيه ونحطها تانى عالنار الهادية
لغاية ما يحصل كرمله للسكر ويتلون التفاح شويه ننزلها تانى من على النار
ونفرد العجينه ونغطى بيها التفاح تماما ونحشر العجينة حول التفاح من الاطراف
وندخلها فرن حامى لغاية احمرار الوش
:evil2:
نطلعها من الفرن ونسيبها تهدا شويه ونغطيها بطبق التقديم ونقلبها
هايبقى التارت من تحت والتفاح بصوص الكراميل من فوق
وممكن نعمل كراميل بزبده تانى ونصبه عليها كمان لو بتحبوا كراميل كتير
و بالف هنا
صباح الفل
:eat:

أم أحمد
21-06-2006, 09:02 AM
شكرا جدا سي هورس علي الطريقة :good:
بس في طريقة تانية بيبقي فيها صوص بني كده بتبقي لحمة بتلو
وبتبقي من غير مشروم
يا ريت لو تعرفها تقولي عليها
وجزاك الله كل الخير :f:

معلش طلب سريع تاني كده
سمعت قبل كده عن الارز البخاري :4:

sea horse
21-06-2006, 07:05 PM
للعزيزه ام احمد
الرز البخارى
نحط نص كوباية زيت فى الحله ونسخنها اوى
نحط نص كيلو لحم مقطع حتت صغيرة ونشوحه مع فصين مستكة
نضيف بصلتين مقطعين شرايح رقيقة ونقلب 5 دقايق
نحط عليهم 3 طماطمايات مبشورين ونقلب 5 دقايق
بعد كده 3 كوبايات ميه سخنه وملح وفلفل ونسيبه عالنار لسوى اللحم
نضيف جزراية مقطعه شرايح رفيعه و ربع معلقة صغيرة قرنفل مطحون
بعد كده نضيف 3 كوبايات رز ونضبط كمية المية
ونسيبه على نار هاديه خالص لغاية السوى
وبالف هنا وشفا
:eat:

شاعر الرومانسية
22-06-2006, 01:13 AM
بودا يابودا....يابودا


البكاتا مفيش بعد كدة

واليكى عزيزتى ام احمد وصفة كمان للأرز البخارى ..عشان تعيش


الارز البخارى
اجمل حاجة فية انه يستوى مع اللحوم فاحنا نتكل على المولى ونفك الكيس ونجيبلنا قد كيلو كيلو ونص لحمة وياريت بعظمها (عشان البخار يبقى دسم ) ونحضرالمكونات التالية
2 كوب ارز ( يفضل البسمتى طبعا )
2 ملعقة صغيرة بهارات مشكلة
2 ملعقة صغيرة ملح
4/1 ملعقة صغيرة فلفل اسود
1 ملعقة صغيرة حبهان مطحون طبعا
4/1 ملعقة صغيرة قرنفل ، مطحون برضة
1 ملعقة صغيرة كزبرة ..شرحة
2/1 ملعقة صغيرة قرفة
4 ملعقة كبيرة زيت او سمن
كام فص ثوم سمان كدة متقطعين شرايح
6 – 8 حبة قرنفل ، صحيح
2 حبة متوسطة بصل ، مقطع شرائح
2 حبة متوسطة جزر، مقطع شرائح
1 حبة صغيرة جزر ، مبشور خشن
حبيتين طماطم حمراء، مقشرة، مفرومة
ربع كوباية صلصة طماطم...تقيلة
ورقتين لورى
تلت اربع عيدان قرفة
شوية مكسرات مشكلة ( ايشى بندق على لوز على زبيب .. ونحمرهم فى شوية سمنه)

حضرنا المقادير ..نخش على العمايل

نغسل الأرز وننقعة في ماء دافئ مملح 20 – 25 دقيقة.

في طبق صغير نحط البهارات، الملح، الفلفل، الحبهان ،القرنفل، الكزبرة و القرفة ونديها تقليب حتى ان تختلط البهارات مع بعضها ، ونحطها فوق قطع اللحم ، ونقلب الى ان تتوزع تماما، ونسبها شوية تتبل .

الزيت في طاسة واسعة، ونسخنة على نار متوسطة، ونضيف البصل ونقلب الى ان يصبح لونه ذهبي غامق ، وبعدين شرائح الثوم ونقلب الى ان تذبل.

نضيف اللحم المبهر الى الطاسة ونقلبة مع البصل الى ان أن يتحمر اللحم قليلا ويكتسب نكهة البهارات .

نضيف الجزر المبشور والشرائح ونقلب الى ان يذبل ، نضيف الطماطم، والصلصة التقيلة (ولو معرفناش نشيلها نجيب البواب يساعدنا مش مشكلة ) وورق الغار وعيدان القرفة، ونضيف 6 أكواب من الماء، ونقلب كيويس

نسيب اللحم على نار متوسطة الى ان يبدأ بالغليان ونخفف النار، نغطي القدر ونسيب اللحم على نار متوسطة 30 – 40 دقيقة الى ان ينضج . بس نراعى ان يتبقى مع اللحم حوالي 2 كوب من المرق السميك، عشان كدة اذا جف المرق أثناء سلق اللحم نضيف مزيد من الماء (ذلك يتوقف على نوع اللحم المستعمل وحجم القطع واسالو الشيف بودا فى الموضوع دة ) .

نصفي الأرز من ماء النقع، ونوزعة على سطح اللحم ، ونضيف بعض الماء الى ان يتغطى سطح الأرز بالماء ( يتوقف احتياجنا للماء على حسب كمية المرق المتبقية ، فالاحسن نحط الأرز اولا ثم نحدد مدى احتياجنا للماء، يجب ان يتم تغطية سطح الأرز بطبقة خفيفة من المرق).

نسيب الأرز على نار متوسطة الى ان يغلي لمدة 1 دقيقة، ثم نغطي القدر ونتركة على نار هادئة جدا الى ان ينضج الأرز تماما ، 20 – 25 دقيقة.

نحط الأرز واللحم في طبق التقديم، ونزينه بشرائح الجزر،، ونوزع المكسرات المقلية على سطحه


Photo Gallery