احمد ابوسنة
04-05-2006, 03:45 PM
الناى حزين
الناى حزين
بيبخ حزنه فى القلوب
والليل سنين .
وطو.....يـــــــل قوى
نشف الريق فى الحلوق
جوّع الناس للأمل
فأكلو الحلم اللى اندمل تحت الضلوع .
الحب جوع
والحلم جوع
ولافيش أمل
تظهرلنا مريم وفوق إيديها لسان يسوع
اللبن مشتاق يامريم للضروع
* * *
اتغيرت كل الحاجات
ضرع الحليب بقى بودرة بيضا
والنخل ..... زينه
اتغيرت شكل الغيطان .
والريحة دى مش هى ريحة ناس زمان
ساقية وشادوف
وليل بخوف
وعيدان درة على كل سقف وكل حيطة
وطير بينعق من بعيد
ينقر بمنقارة القمر
شكل البيوت مابقتشى طين
فرن فى شتا وماجور عجين
وعيال بتلعب فى القناية
وهما لسه مغمضين
وبيحفروا تاريخ حياتهم ع. الحيطان
اتغيرت كل الحاجات
والليل سنين
والريحة دى مش هىّ ريحة ناس زمان
الطير بينعق أجنبى
والليل سوادة أجنبى
والناى بيبكى أجنبى
وعيال بتنطق اجنبى
وكل ده بدون احتلال
وامة عرب
وده احتمال
أذكى مافيهم كان غبى
* * *
الناى معاه أورج وجيتار
بيقولوا لحن الجاز فى أرض الزيت جنب الكعبة
الناى معاه أورج وجيتار بيقولوا لحن الديسكو
فى أرض الكنانة جنب الأزهر ... فى مصر
مصر ياأم العرب .... يأحلى ام.
مصر يأرض الكنانة
ليه التخاذل والسكات ؟
اللى خبى الحق فات .
واللى قاله ... مات .
ياللى كل القدوة عندك السعادى
تافهين .. وتافهات
ناسنا ليه بقو عريانين وعريانات ؟
مصر ياأم العرب
يا أحن أم
يااللى كنتى قميص بكم
تدفى فيه كل الأمم من الشتات
دلوقتى ليه بقى حملات
* * *
الناى حزين
والليل سنين
والريحة دى مش هيه ريحة أهلى دول الطيبين
ورثت إبنك إيه ياعم ؟
بيتين وطين ؟
وعيون غلابة مغمضين؟
ودراع بيعزق فى الليالى والسنين ؟
وروح بتروى الناس طيابة وشوق حنين؟
وسنان ماتندغشى الحرام ؟
ولسان مربوط اللجام ؟
وام صالحة تصلبه
إن ظهره مال ...
ورثت إبنك إيه ياخال ؟
حبة حاجات .. ولسان بينطق كيت وكات
ودش جوه البلكونات
وكمبيوتر .
وازاى يخش لبت مايصة
فى أوضتها يعيش فى شات
وليل عاقر ... طو... يـــل
ولا عمر الليل كان عاقر
عندى انا بالذات
كدابة الغربة
والله كدابة
سرقتنى من الناس والأهل
وقالتلى ان حب الخير مش سهل
وانى هبقى واحد تانى
ممنوع م. الفكر
رضيع ان كنت او شاب او كهل
* * *
ولسانى فاكرك ياحبيبتى
ياام العيون
حابسة شجونى الضايعة فى ديل السنين
ضمة عليها كتير قوى
لا تنط منها أى آهه أو انين
ياام الخدود خضرا كما روح العيال
لسانى فاكرك فى الحقيقة
والقصيدة والخيال
لسانى فاكرك ياحبيبتى
ياام الإيدين الطيبين
وحه جميله جنب سين
لسانى بعرف فى التاريخ
لسانى بحسب كام سنة
لسانى عارف انتى مين
ومين انا .
والناى حزين
والليل سنين
والريحة دى
مش هيه ريحة أهلى دول الطيبين
ـــــــــــــــــــــ
أحمد ابوسنة
الناى حزين
بيبخ حزنه فى القلوب
والليل سنين .
وطو.....يـــــــل قوى
نشف الريق فى الحلوق
جوّع الناس للأمل
فأكلو الحلم اللى اندمل تحت الضلوع .
الحب جوع
والحلم جوع
ولافيش أمل
تظهرلنا مريم وفوق إيديها لسان يسوع
اللبن مشتاق يامريم للضروع
* * *
اتغيرت كل الحاجات
ضرع الحليب بقى بودرة بيضا
والنخل ..... زينه
اتغيرت شكل الغيطان .
والريحة دى مش هى ريحة ناس زمان
ساقية وشادوف
وليل بخوف
وعيدان درة على كل سقف وكل حيطة
وطير بينعق من بعيد
ينقر بمنقارة القمر
شكل البيوت مابقتشى طين
فرن فى شتا وماجور عجين
وعيال بتلعب فى القناية
وهما لسه مغمضين
وبيحفروا تاريخ حياتهم ع. الحيطان
اتغيرت كل الحاجات
والليل سنين
والريحة دى مش هىّ ريحة ناس زمان
الطير بينعق أجنبى
والليل سوادة أجنبى
والناى بيبكى أجنبى
وعيال بتنطق اجنبى
وكل ده بدون احتلال
وامة عرب
وده احتمال
أذكى مافيهم كان غبى
* * *
الناى معاه أورج وجيتار
بيقولوا لحن الجاز فى أرض الزيت جنب الكعبة
الناى معاه أورج وجيتار بيقولوا لحن الديسكو
فى أرض الكنانة جنب الأزهر ... فى مصر
مصر ياأم العرب .... يأحلى ام.
مصر يأرض الكنانة
ليه التخاذل والسكات ؟
اللى خبى الحق فات .
واللى قاله ... مات .
ياللى كل القدوة عندك السعادى
تافهين .. وتافهات
ناسنا ليه بقو عريانين وعريانات ؟
مصر ياأم العرب
يا أحن أم
يااللى كنتى قميص بكم
تدفى فيه كل الأمم من الشتات
دلوقتى ليه بقى حملات
* * *
الناى حزين
والليل سنين
والريحة دى مش هيه ريحة أهلى دول الطيبين
ورثت إبنك إيه ياعم ؟
بيتين وطين ؟
وعيون غلابة مغمضين؟
ودراع بيعزق فى الليالى والسنين ؟
وروح بتروى الناس طيابة وشوق حنين؟
وسنان ماتندغشى الحرام ؟
ولسان مربوط اللجام ؟
وام صالحة تصلبه
إن ظهره مال ...
ورثت إبنك إيه ياخال ؟
حبة حاجات .. ولسان بينطق كيت وكات
ودش جوه البلكونات
وكمبيوتر .
وازاى يخش لبت مايصة
فى أوضتها يعيش فى شات
وليل عاقر ... طو... يـــل
ولا عمر الليل كان عاقر
عندى انا بالذات
كدابة الغربة
والله كدابة
سرقتنى من الناس والأهل
وقالتلى ان حب الخير مش سهل
وانى هبقى واحد تانى
ممنوع م. الفكر
رضيع ان كنت او شاب او كهل
* * *
ولسانى فاكرك ياحبيبتى
ياام العيون
حابسة شجونى الضايعة فى ديل السنين
ضمة عليها كتير قوى
لا تنط منها أى آهه أو انين
ياام الخدود خضرا كما روح العيال
لسانى فاكرك فى الحقيقة
والقصيدة والخيال
لسانى فاكرك ياحبيبتى
ياام الإيدين الطيبين
وحه جميله جنب سين
لسانى بعرف فى التاريخ
لسانى بحسب كام سنة
لسانى عارف انتى مين
ومين انا .
والناى حزين
والليل سنين
والريحة دى
مش هيه ريحة أهلى دول الطيبين
ـــــــــــــــــــــ
أحمد ابوسنة