فلفله فلفل فلافيو

[msry]

فلافيو لاعب الاهلى اثبت بجدارة انه لاعب ضعيف المستوى لا يصح ان يلعب لنادى زى النادى الاهلى بطل القرن والمصنف اول افريقيا وبطل الدورى. فى متش الاهلى مع التليفونات عمو فلافيو لمس الكورة 4 مرات: المرة الاولى بصاها للاعب من التليفونات والمرة التانية حسبها الحكم ضربة حرة مباشرة للتليفونات والمرة التالتة بصاها بعيدة وجمدة, حاول اسامة حسنى اللاعب المجتهد انه يلحقها بس الكورة طلعت ضربة مرمى للتليفونات. الظاهر انه كان قاصد يبصيها للمصور اللى قاعد ورا خط المرمى. معلش يا اسامة. المرة الاخيرة اللى لمس فيها فلافيو الكورة مخييبش ظنى وبصاها للاعب من التليفونات. بعد كدة اختفى فلافيو فى الملعب وكأن حد خطفه. بس عرفت بعد كدة من الكابتن جوزية ان فلافيو خرج يشترى حاجة وراجع علطول. لية جوزية مصر على انه يلعب بفلافيو اساسى كل متش مع انه اثبت للجميع انه مش لاعيب كورة ؟.. وممكن ياخد مكانة عمرو سماكة او احمد جلال - لاعب مهارى جيد. بس يا رب مستواك ميتغيرش لما تركب الهامر وتجيب شقة عـ نيل -. وزعلت اوى وعيطت من قلبى لما ابتدا الشوط التانى وعرفت ان اللاعب المعجزة فلافيو خرج مكان حسن مصطفى.
يا عم جوزية فلافيو فى الاهلى بيعمل اية ؟؟؟؟؟؟؟؟؟

[أحمد ناصر]

بصراحة يا مصرى
نفسى أعرف إيه اللى عاجب مستر جوزيه فى فلافيو؟
الأهلى بيلعب كإنه ناقص لاعب
أهلا بك فى المنتدى *191*

[عصام كابو]

و الله عندك حق يا مصرى

[فتى مصر]

يا عم مصرى والله فلافيو بيلعب كويس وبيباصى حلو بس المشكلة انه راس حربه فالناس محتاجة منه كل ماتش جون بالاضافة كونه افريقى فالهجوم عليه مبالغ مع ان واحد زى متعب مبيعملش حاجة ابدا ومبيجبش اجوان وحدش بيتكلم عليه وسى سماكه الى دفعلنى فيه مش عارف كام وعمله مشاكل عليه كل ماتش يتصاب بالاضافة ان فلافيو شكله مش محبوب من الاعبين فمحدش بيخدم عليه كله بيخدم على متعب فهو بيحاول دايما يصنع الفرص بنفسه . والدليل انها منحسه معاه انه حتى لو كان ملوش علاقة بالكرة بالمره مكنش هيجيب جون واحد كان هيقف جنب العرضة زى حسام حسن وسيتنى الكرة ويجيب جون ويطلع يجرى ويهلل .

[عمرو صالح]

يا عم مصرى والله فلافيو بيلعب كويس وبيباصى حلو بس المشكلة انه راس حربه فالناس محتاجة منه كل ماتش جون بالاضافة كونه افريقى فالهجوم عليه مبالغ مع ان واحد زى متعب مبيعملش حاجة ابدا ومبيجبش اجوان وحدش بيتكلم عليه وسى سماكه الى دفعلنى فيه مش عارف كام وعمله مشاكل عليه كل ماتش يتصاب بالاضافة ان فلافيو شكله مش محبوب من الاعبين فمحدش بيخدم عليه كله بيخدم على متعب فهو بيحاول دايما يصنع الفرص بنفسه . والدليل انها منحسه معاه انه حتى لو كان ملوش علاقة بالكرة بالمره مكنش هيجيب جون واحد كان هيقف جنب العرضة زى حسام حسن وسيتنى الكرة ويجيب جون ويطلع يجرى ويهلل .
لالالالالالالالا
فلافيو ميستاهلش اللي بقوله عليه ده
بصراحة كتير عليه
فلافيو ده مش مكانه الأهلي ابدا
ممكن يلعب مع فريق متوسط في الدوري
لكن مش مع الأهلي
ربنا يهديه بس ويجيب جون واحد زي الناس
شكرا يا مصري على طرح الموضوع

[محمود زايد]

فلافيو هيبقى كويس وهو له دور فى الاهلى لكن ينقصه الاهداف لان الجماهير بتبص للمهاجم الهداف اكتر
وظن فيلكس وايمانويل مش بعاد عننا لانهم فى اول موسم لهم مع الاهلى والزمالك كان مستواهم ضعيف جداوفى ناس طالبت برحيلهم وبعدين اصبحوا نجوم فى المواسم التاليه وان شاءالله ربنا يكرمه

[فتى مصر]

لالالالالالالالا
فلافيو ميستاهلش اللي بقوله عليه ده
بصراحة كتير عليه
فلافيو ده مش مكانه الأهلي ابدا
ممكن يلعب مع فريق متوسط في الدوري
لكن مش مع الأهلي
ربنا يهديه بس ويجيب جون واحد زي الناس
شكرا يا مصري على طرح الموضوع




استاذى عمرو صالح طاب فند اسباب عدم اقتناعك بفلافيو . انا عارف انك اهلاوى صميم علشان كدا محروق دمك منه بس والله واكيد انت متابعة حركته فى الملعب كويسه وبيصنع فرص عكس متعب واسامه حسنى وسماكة .

[amak_77]

لا يا اخوانا حد شاف متش الأهلي و سانتا اللي اتلعب في القاهرة اليوم
الشوط الأول و الحمد لله فلفل مكنش بيلعب
جابوا اربع تجوان منهم اتنين لمتعب ربنا يجيبوا بالسلامة للتهديف و واحدمن المدافع النحاس
و لا اروع ولا اجمل

الباشا نزل الشوط التاني
الدنيا اتخربت
و ما جابوش جون واحد

جه ليه اربع فرص مجبش و لا فرصه
و جه لمتعب اربع فرص جاب منهم اتنين


اطردوه



اناا اقترح نحط واحد قتاصة على اي مبني قريب
و اول ما ينزل من الأتوبيس

طاخ
جيبوا دماغه الي عمرة ما جاب منها جووووون
الا جون خبط في دماغه مش قصد كمان

و نستريح بقى



يا رررااااااااااجل
دي حاجة تفلق



جوزيه على قدر حرفنته في التدريب

بس ما جابش واحد كويس ابدا


كلهم كسر
و غرورة بيمنعه انه يعترف بكده

[عمرو صالح]

هههههههههه

فكرتني باخويا الصغير:hey:
قالي بفكر اروح الاستاد واهريه بالنبله
واللي يحصل يحصل :rolleyes:
بس اخلص مصر منه;)
هههههههههه

[حسام عمر]

هههههههههه

فكرتني باخويا الصغير:hey:
قالي بفكر اروح الاستاد واهريه بالنبله
واللي يحصل يحصل :rolleyes:
بس اخلص مصر منه;)
هههههههههه


فيه ناس في مصر بتحبه

[محمود زايد]

وايه رايكم فى الانانى اسامه حسنى اللى عاوز كل كرة لنفسه ويرقص كل اللى يقابله ومش بيمرر كرة واحده لزملائه ليه مافيش حد بيتكلم عليه وعماد متعب اللى كان من فترة اسوء من فلافيو ولااهداف ولا لعب وبرضه مافيش حد اتكلم عليه الكل مركز على فلافيو فقط ياترى ايه السبب

[أحمد ناصر]

وايه رايكم فى الانانى اسامه حسنى اللى عاوز كل كرة لنفسه ويرقص كل اللى يقابله ومش بيمرر كرة واحده لزملائه ليه مافيش حد بيتكلم عليه وعماد متعب اللى كان من فترة اسوء من فلافيو ولااهداف ولا لعب وبرضه مافيش حد اتكلم عليه الكل مركز على فلافيو فقط ياترى ايه السبب
السبب يا حودة إن عماد متعب أو أسامة حسنى لهم رصيد سابق عند الجمهور أو النقاد
فمتعب كان هداف الدورى الموسم الماضى
وأسامة حسنى أحرز عدد من الأهداف لابأس به وصنع الكثير أيضا من الأهداف لغيره من اللاعبين
رغم أنه لم يلعب كثيرا
وعلى فكرة لست متفق معك فى إنه أنانى
وبسبب رصيد متعب وحسنى فالجمهور والنقاد يعذرونهم عندما ينخفض منحنى أدائهم
أما فلافيو فهو وافد جديد ولم يستطع أن يصنع لنفسه رصيد حتى الآن
هو لاعب ممتاز فى منتخب بلده
لكن واضح أنه غير موفق مع الأهلى حتى الآن
بالأمس كان ها يجيبلى شلل رعاش بس ربنا ستر
بص على أسماء اللاعبين الذين أحرزوا أهداف
عماد متعب-بركات-أبوتريكة-أسامة حسنى-وائل شيتوس-محمد شوقى-حسن مصطفى-أحمد حسن-حسام عاشور-وائل رياض-عماد النحاس-محمد عبدالوهاب
كل لاعبى الأهلى فى مختلف المراكز تثق فيهم بأنهم يستطيعون إحراز الأهداف
حتى عصام الحضرى فعلها ذات مرة فى السوبر الأفريقى
الوحيد الذى أحرز هدف بالصدفة البحتة هو فلافيو
نفسى فعلا يحرز هدف يمكن يفك النحس عنه
إحتمال يكتب شهادة ميلاده فى مباراة القمة مع الزمالك
لأنها المباراة الوحيدة التى غالبا ما تكون خارج التوقعات

[محمود زايد]

السبب يا حودة إن عماد متعب أو أسامة حسنى لهم رصيد سابق عند الجمهور أو النقاد
فمتعب كان هداف الدورى الموسم الماضى
وأسامة حسنى أحرز عدد من الأهداف لابأس به وصنع الكثير أيضا من الأهداف لغيره من اللاعبين
رغم أنه لم يلعب كثيرا
وعلى فكرة لست متفق معك فى إنه أنانى
وبسبب رصيد متعب وحسنى فالجمهور والنقاد يعذرونهم عندما ينخفض منحنى أدائهم
أما فلافيو فهو وافد جديد ولم يستطع أن يصنع لنفسه رصيد حتى الآن
هو لاعب ممتاز فى منتخب بلده
لكن واضح أنه غير موفق مع الأهلى حتى الآن
بالأمس كان ها يجيبلى شلل رعاش بس ربنا ستر
بص على أسماء اللاعبين الذين أحرزوا أهداف
عماد متعب-بركات-أبوتريكة-أسامة حسنى-وائل شيتوس-محمد شوقى-حسن مصطفى-أحمد حسن-حسام عاشور-وائل رياض-عماد النحاس-محمد عبدالوهاب
كل لاعبى الأهلى فى مختلف المراكز تثق فيهم بأنهم يستطيعون إحراز الأهداف
حتى عصام الحضرى فعلها ذات مرة فى السوبر الأفريقى
الوحيد الذى أحرز هدف بالصدفة البحتة هو فلافيو
نفسى فعلا يحرز هدف يمكن يفك النحس عنه
إحتمال يكتب شهادة ميلاده فى مباراة القمة مع الزمالك
لأنها المباراة الوحيدة التى غالبا ما تكون خارج التوقعات

يااحمد فلافيو الهجوم عليه من اول ما الاهلى اشتراه عارف ليه مش علشان مافرض نفسه ولاحاجه
القصد هو الهجوم على مانويل جوزيه علشان يتقال انه هو اللى جايبه وبكده يقولوا انه مدرب فاشل ومالوش رؤيه فى اللاعبين
فلافيو غيرمحظوظ مع الاهلى انما هو بيؤدى دوره ولعلمك هو لسه للان ما انسجم مع الفريق
شوف امبارح صنع كام كرة لمحمدشوقى علشان يكون فيه تعاون بينهم لكن محمد شوقى كان بياخد الكرة لنفسه ..شوف اسامه حسنى فى كرة كان فيها فلافيو ومحمد شوقى وهما منفردين وهو حب يرقص ويتفذلك كالعاده فضاعت الكرة منه انا بصراحه شايف اسامه حسنى انانى وحركته بطئيه جداوبيضيع فرص اكتر من فلافيو لكن مش هنلاقى هجوم على اسامه حسنى مش علشان انه لاعب ممتاز لا علشان يهاجموا جوزيه كالعاده بسبب فلافيو
وربنا يوفق ويقدر ويفك نحسه صدقنى هيكون احسن من مارادونا فى صحافتنا الغراء اللى هاجمت فيلكس وايمانويل فى اول موسم لهم وبعد كده عملتهم نجوم فوق العاده ولاتنسى اوتاكا كان ايه فى المقاولون واصبح مستواه ايه فى الاسماعيلى فرق السماء والارض

[أحمد ناصر]

إن شاء الله يا محمود كلامك يتحقق
أتمنى من كل قلبى أن يتألق فلافيو فهذا فيه مصلحة الأهلى طبعا
كما أتمنى أن يعود جيلبيرتو مرة أخرى للمشاركة بمستواه المعروف
ونفسى الأهلى يحاول يشترى محمد جدو من الإتحاد وأنور مسعود من طلائع الجيش

[محمود زايد]

ان شاء الله ياحمد
وطب مجدى عبد العاطى مش كان نفسك الاهلى يشتريه
على فكرة الاهلى اشترى مهاجم اسمه رامى ربيع فى نفس طول مجدى كده وهو ده فعلا المهاجم اللى الاهلى محتاجه
جدو لاعب ممتاز وان شاء الله نراه فى الاهلى قريب

[عمرو صالح]

ومين يكره الخير يا محمود لكن طريقة فلافيو في تضييع الاهداف لا يمكن:nooo:
بجد بتحرق دم الجميع:mad:
واحنا مش فريق صغير عشان نقعد نستنى انه يجيب جون ولا يباصي باصه حلوة :o
ولو محمد عبدالله او اي لاعب من الدكة لو اي لاعب من ناشئين الأهلي خد نص فرص فلافيو
من الاحتكاك والصبر كانت النتيجة هتكون احسن من كده بكتير
وبرضه شكلي هبعت اخويا:evil:

[محمود زايد]

ابعت اخوك ياعمرو فى ماتش الاهلى والزمالك بس يبعد عن لعيبه الاهلى وخليه يتوصى بلعيبه الزمالك قوى دول حبايبنا برضه
اما فلافيو ان شاء الله هيبقى كويس

[amak_77]

شوفتوا يا اخوانا اللي بتناصروا
فلافيلو

حد بقى يبعت قناصة و يجيب دماغه دي
يا اخوانا حرام عليكم
فرصتين غريبة
حرام عليكم

[حسام عمر]

الراجل النهاره كان حيجيب جونين

منهم واحد عوز اعرف ازاي ضيعه

[sea_wolf]

الراجل دة مربووووووووووووووططططططططططططط

[حسام عمر]

عرض احتراف فرنسي..ل"فلافيو"



http://www.egyptsons.com/misr/icon.aspx?m=blank تلقي النادي الأهلي عرضاً من أحد السماسرة لاحتراف مهاجمه الأنجولي فلافيو في أحد الأندية الفرنسية اعتباراً من بداية الموسم القادم برغم سوء الحظ وعدم التوفيق الذي يلازمه منذ انضمامه للقلعة الحمراء طوال الموسم الحالي.
تقدم السمسار بالعرض إلي نائب رئيس النادي الأهلي محمود الخطيب الذي لم يعطه رداً نهائياً بشأن الموافقة أو الرفض حيث من المؤكد أن المسئولين بالنادي الأهلي سينتظرون حتي انتهاء منتخب أنجولا من مبارياته بالمونديال الذي سيشارك فيه فلافيو باعتباره أحد عناصره الأساسية لاحتمالات ظهوره بمستوي طيب وبالتالي تلقيه عروضاً أفضل من الناحية المادية.

[عمرو صالح]

شوفتوا يا اخوانا اللي بتناصروا
فلافيلو

حد بقى يبعت قناصة و يجيب دماغه دي
يا اخوانا حرام عليكم
فرصتين غريبة
حرام عليكم


الراجل النهاره كان حيجيب جونين

منهم واحد عوز اعرف ازاي ضيعه


الراجل دة مربووووووووووووووططططططططططططط

شوفتوا بقى انى كان عندي حق
انا هبعت اخويا وراه المانيا يخلص عليه
هيدبسوها في النازيين الجدد
والنبلة جاهزة
بس التذاكر على مين :uff:

[sea_wolf]

:p :p :p محدش يضرب :p :p


http://upload.haridy.org/storage/120004396[1].jpg (http://upload.haridy.org)

[amak_77]

بس التذاكر على مين

لازم نجمع من رابطة محبي النادي الأهلي و كارهي فلافيو
ب المهم ما يكونش عنده امل انه يرجع الأهلي تااااااااااااااااااااااان

[عمرو صالح]

لازم نجمع من رابطة محبي النادي الأهلي و كارهي فلافيو



لو كده ماشي داحنا هنلم ملايين;)

[عمرو صالح]

لازم نجمع من رابطة محبي النادي الأهلي و كارهي فلافيو



لو كده ماشي داحنا هنلم ملايين;)