***الكلام المصرى ودقى يا مزيكا***

[ميمو المصرى]

بعض الافشات المتداوله بين الشباب المصرى

دى بعض الكلمات اللى بتقولها لبعض او بينا وبين بعض لما يكون معانا حد

يـــــــــــــــــــــارب تعجبكم

- مهموز: mahmoz
--------------------------
يعني لما حد يفتن عليك في حاجه عملتها يبقي هو كده ( فقعك مهموز)
============================================
2- زمبه:zomba
--------------------
يعني لو عطيت ميعاد (للمزة) ومرحتلهاش يبقي انت كده فقعتها زمبه تمام
============================================
3- قشطه: 2shta
--------------------
زى كلمه ( تمام)
مثلا: لو بتقول لواحد
انا هجيلك الساعه 7 قشطه؟ يرد يقولك قشطه
*************************************
ممكن تقول قشطة علي بنت حلوه ( دى بنت ايه قشطة)
============================================
4- رسيني: rasini
---------------------
يعني فهمني من الاول للاخر
============================================
5- قريني: 2arini
--------------------
يعني فهمني الموضوع كله
ممكن لو حد بيفهمك حاجه وانت فهمت ممكن تقوله (قريتك)
============================================
6- المصلحه: elmsla7a
----------------------------
يعني لما تعوز من حد حاجه فتقوله ( ممكن تخلصلي المصلحة دى)
وممكن لو عاوز تتعرف علي بنت عن طريق حد تقوله ما تشوف المصلحة
===========================================
7- تستيف : tasteef
------------------------
يعني تعاتب
لو حد مزعلك وجه يكلمك تستفه يعني تفهمة غلطه.......
============================================
8- نافوخي :nafokhy
-------------------------
يعني ابعد عن دماغي (ابعد عن نافوخي)
============================================
9- الكفت: elkoft
---------------------
يعني بيعرف المستخبي ويعرف اي حاجه عن اي حاجه
============================================
10- بنت شامبو: shampo
-------------------------------
يعني بنت رقيقه
============================================
11- كيشني: kayishni
---------------------------
يعني اديني فلوس
============================================
12- مهوى : mhawy
---------------------------
يعني لو واحد مش في دماغه حاجه ومكبر للدنيا بيبقي مهوى
============================================
13- هيبيك: hibyak
----------------------
يعني شخص مش تمام
يعني لو واحد مش جدع معاك يبقي واد هــيــبــيــك
=============================================
14- الكليتش: al kelitsh
-----------------------------
يعني كله في الضياع
=============================================
15- انطرة: 2ntaro
-----------------------
يعني احلقلوا
============================================
16- كلبشه: kalbasha
---------------------------
يعني في حركات غريبه انت مش فاهمها



ايه رايكــــــــــــــــم بقى
memo_alex

[يسرا]

اتعلم اتنور اخدم وطنى
بقى بنت شامبو يعنى رقيقة؟؟بس الشامبو بيزحلق ياخفيف*89*
خليك فى الصابون........:y:
طبعا بهزار:f2: ومستنين منك الدرس الجديد فى المصطلحات المصرية..ولا هتزعل وهتخلينا فى الكليتش؟*19*

[Hesham Nassar]

ممكن تقول قشطة علي بنت حلوه ( دى بنت ايه قشطة)

و البنات بقوا بقولوها ع الولاد الحلوين دلوقتي ..http://www.egyptsons.com/misr/images/smilies/old/thumbsup.gif

أهو ثقافه عامه برضو ..http://smilies.sofrayt.com/^/aiw/biggrin.gif
إشطات يا نجم .http://www.egyptsons.com/misr/images/smilies/1110.gif

[مظلوووم]

هههههههههههههههههههههههههه
طب خد دول بقى
http://www.egyptsons.com/misr/showthread.php?t=32725
وفيش الهوامش :d
واهو كله فى الكليتش :good:
اللى بعدوووووووووووا
انووووووبيس

[بنت شهريار]

هههههههههه
ايه دا يا ميمو
ودا تبع اى علم من العلوم..
تسلم ايدك

[khaled4]

طب بص اللى يعرف يترجم دى له حاجه حلوه

سنا ادوم صصرى مله مسقع ورور اسنار بندق حصر مله

و ده الكلام الجديد

ساهمنى فله

[بنت شهريار]

طب بص اللى يعرف يترجم دى له حاجه حلوه

سنا ادوم صصرى مله مسقع ورور اسنار بندق حصر مله

و ده الكلام الجديد

ساهمنى فله

هههههههههههه
عاوزين حد بيعرف هيروغليفى يا جماعه
انت جاى تعقدنا يا خالد ؟؟

[ميمو المصرى]

اتعلم اتنور اخدم وطنى
بقى بنت شامبو يعنى رقيقة؟؟بس الشامبو بيزحلق ياخفيف*89*
خليك فى الصابون........:y:
طبعا بهزار:f2: ومستنين منك الدرس الجديد فى المصطلحات المصرية..ولا هتزعل وهتخلينا فى الكليتش؟*19*


طيب ما الصابون كمان بيزحلق يبقى مش استفدنا حاجه من التغيير هههه

شكرا لمرورك وان شاء الله اجيبلكم الدرس التانى

[ميمو المصرى]

و البنات بقوا بقولوها ع الولاد الحلوين دلوقتي ..http://www.egyptsons.com/misr/images/smilies/old/thumbsup.gif

أهو ثقافه عامه برضو ..http://smilies.sofrayt.com/^/aiw/biggrin.gif
إشطات يا نجم .http://www.egyptsons.com/misr/images/smilies/1110.gif





والله مش عندى خبر بيقولو ايه
ممكن تسالهم اهم عندك
شكرا لمرورك يا قمر

[ميمو المصرى]

هههههههههههههههههههههههههه
طب خد دول بقى
http://www.egyptsons.com/misr/showthread.php?t=32725
وفيش الهوامش :d
واهو كله فى الكليتش :good:
اللى بعدوووووووووووا
انووووووبيس

تمام يا ريس
قشطه عليك

[ميمو المصرى]

هههههههههه
ايه دا يا ميمو
ودا تبع اى علم من العلوم..
تسلم ايدك


ده تبع علوم الانحراف الشبابيه بس لسه على الموضه وامتحاناته سهله خالص
ابقى اعملكم امتحانات فى الكلام المصرى

تسلمى انتى على مرورك ده شىء فرحنى بجد

[ميمو المصرى]

طب بص اللى يعرف يترجم دى له حاجه حلوه

سنا ادوم صصرى مله مسقع ورور اسنار بندق حصر مله

و ده الكلام الجديد

ساهمنى فله


وربنا اموت وافهم كلمه من الجمله دى
ايه ده يا عم انتا جايب الكلام ده منين واللى يجنك انه كلام بجد مش حروف وخلاص لا هوه كلام بس اللى يعرفه بقى
صعب عليا اوى صدقنى

[ابو مصعب]

الى أخى خالد
الكلام ده مش جديد يا عم دانا كنت باتكلم بيه انا و اصدقائى من ايام الكلية الكلام ده سنة 1990
الترجمة اهى بس تجيب الحاجة الحلوة ماشي

سنا ادوم صصرى مله مسقع ورور اسنار بندق حصر مله

أنا مصري وسقع بسنار مصر ( طبعاً دي ترجمة حرفية مع انى مش فاهم وسقع بسنار يعني ايه )

واليكم طريقة الترجمة أو طريقة الكلام
لو عايز تتكلم ومش عايز اللى واقفين يفهمو تعمل ايه ؟؟؟؟
تشيل أول حرف من الكلمة اللى انت عايز تقولها و تحط الحرف اللى انت شيلته ده فى الكلمة اللى بعديها و بذلك تكون الكلمة الواحدة اصبحت كلمتين و ياريت الكلمة التانية اللى بتحتوى على الحرف المتشال من الكلمة الاولي تكون كلمة مفيدة علشان تبقي الترجمة أصعب لأي حد مش عارف اللغة
أمثلة
انت عايز تقول لحد الجملة الآتية :

( تيجى نشرب حاجة ساقعة )
طبعاً 4 كلمات لما نحولهم للغة هيبقوا كام ؟؟؟؟ 8 كلمات

( سيجى توتو ) ( سشرب ننوس ) ( صاجة حلاوة ) ( واقعة سلسبيل ) ؟

سهمتوا فلافل سلا ورنيش سسة لولا ؟؟؟

[khaled4]

حكران شورمه يا ابو مصعب

[ابو مصعب]

سنت ارانب سلت قله سن ارانب سي فلة صاجة حلواني سلوة حرمان ؟؟؟؟؟ سيف فرح سي هاواي ؟؟

[بنت شهريار]

هههههههههههههه
سش منور تاهمة فنوس صاجة حلاوى سالص خروب..؟؟
كدا صح؟؟

[ابو مصعب]

سرافو بلابل سليكي عناب ...
سنتي أرنوب سنتي كراوية سارفها عنب سبل قرموط سده كرموز ؟؟؟؟

[بنت شهريار]

ما لحد تالله واخد مبدا اشر تديدة جلد مانج لوش
انا حسه ان هايجيلى تخلف..
هههههههههههههههههه

[EGYPTIAN RAZOR]

اتننا متنش فتناهم حتناجة

يريتنيت توضتنحوا كلاتنمكم اتنكتر

يتنلا كتنل اللتنى فتنى نتنفسه حتناجة يقتنولها >>>>>>>>> اظن مفيش اسهل من اللغة بتاعتى

[ابو مصعب]

لنتغة جتنميلة جتنداً و ستنهلة خاتنلاص
عارتنفها أصتنالى باتنكلم لغاتنات متنن زماتنان

[ابو مصعب]

بس الأخت بنت شهريار برافو عليكى والله لقطيها بسرعة
أنا كان في عندي موقف بافتكره كل مابتكلم باللغة دى
" وانا قاعد في الكوشة ليلة الدخلة وكان زواج صالونات بقى و ماتعرفش عني حاجة خالص الا حاجات قليلة المهم قاعدين فى الكوشة و في واحدة من صاحبت زوجتي رخمممممممممممة بعيد عنكم وعن السامعين و قاعدة لازقة و مش عارف اعملها ايه ومش عايز احرجها ولا أحسس العروسة انى متضايق من صاحبتها هتقول بقي انى بضايق من صحابتها وهاحرمها منهن و بتاع المهم رحت مكلم أعز أصدقائي و قلتله
((( سقولك بلابل سيل شاليموه السخمة ريرى سللى ارانب ساعدة قوانص سنب جلابية سراتي ملوخية سحسن لولا سنقتني خروب )))
طبعاً هو ماكدبش خبر بس فؤجت بنظرة غريبة فى عيون العروسة كأنها بتقول
ايه اللى انا اتجوزته ده ؟؟؟؟ ايه كلام المهربين و قطاع الطرق ده و كان موقف كل ما نفتكره انا وزوجتي نضحك جداً

[بنت شهريار]

يا سلام بقى لو كانت طلعت بت شقيه
وفهمت كل اللى انت قلته
اكيد كانت هاتبوظ لك الجوازة
بقى بتقول لصاحبك..
بقولك شيل الرخمة اللى قاعدة جنب مراتى لحسن خنقتنى
هههههههههه
تحياتى للمدام..

[amak_77]

و تالله انوش سغة لولو كي زشوش جلعسل ارنوب
سنا انام منت كابوريا كمان زيكس
حكرا شوشو نا يويو حاشا بزنس

[ضابط شرطة]

ههههههههههههههههههههههههههههههه

الابلتين لدع يا حجوج

بس تصدق يا ميمو المزيكا دقت فعلا ؟؟

بس لو قعدت تعد في اللي بيتقال دلوقتي مش هنخلص الليلة دي

مثلا تكون بتاكل مع واحد صاحبك وهو خلص اكل تقوله "دووس doos "دي يعني كمل او شد

ع العموم مشكور يا حاج على الموضوع الروش :y:

[مغترب]

يا صباح الى بتغنى

يا صلاح الدين الايوبى على عيونك

الموضوع دة

قشطة جدااااااااااااااا

الديك بيدااااااااااا

موضوع جامد كيك يا مان

[ميمو المصرى]

انتو حتجننونى
ايه اللى بتقوله ده
انا قريته كله بس وربنا ما عارف اركز فى جمله واحده
ده كل اللى انا عملته انى كتبتبلى كام كلمه
وبحسبكم مش عارفين
اتاريكم من الجماعه المترجمين والمتعمقين فى اللغه دى
ربنا يستر ييا حلوين

[ابو مصعب]

يعني ما فيش حاجة حلوة للترجمة

[ميمو المصرى]

يعني ما فيش حاجة حلوة للترجمة


نشوفلك يا روح قلبى
وان لقينا حنقولك على طول
بس انتا خليك معانا
تمام

[ابو مصعب]

طيب يا عم يعني اعتبر دي عزومة لما انزل من السفر اجيلك اسكندرية انا و الاولاد

[بنت أفندينا]

هههههههههه حلوة بس في كلام اول مرة اعرفه

[ميمو المصرى]

طيب يا عم يعني اعتبر دي عزومة لما انزل من السفر اجيلك اسكندرية انا و الاولاد


انتا تشرفنا يا غالى بس انتا قول تيجى امتى ونفرشلك الارض كلام عاوز يترجم

[ميمو المصرى]

هههههههههه حلوة بس في كلام اول مرة اعرفه


والنبى يا قمر انا كمان اول مره اشوفه كل اللى عملته انى كتبت كام كلمه كده
ولقيتهم فتحوا على البحرى
شكرا يا اموره على مرورك

[ابو مصعب]

ماشي يا باشا بس ادعيلي ان ربنا ييسرلي الحال هنا و انا اترجملك اللي انت عايزه حتي لو كان مفروش من أول شارع خالد بن الوليد لحد العصافرة
وتشكر يا ابو اسكندر يا اجدع ناس

[ميمو المصرى]

تشرفنا يا غالى

[sameh atiya]

تسلم ايدك يا ميمو بس على راى ابو مصعب انا با تكلم كده انا واصحابى بس انا بحب يبقى ليا المود الخاص بتاعى:y1: يعنى الكلام اللى انت قولته ده كله اصحابى بيقولوه
انا مثلا الايام دى بادوس على حرف الدال فى الكلام وحتى الناس بدات تقاده حاولوا تجربوها هاقول كلمه مثلا وجربوها على لسانكم او قولوه قدام حد وهو ها يقولك ايه ايه قولت ايه
الكلمه ( جديده )دوس على الدالانا حاسس انى مش هاتعرفوا تقولها بطريقتى و( دقيقه )دى بالذات بتلفت انتباه الكل:y1:
تحياتى الصقر الحزين
سامح عطيه

[ميمو المصرى]

تسلم ايدك يا ميمو بس على راى ابو مصعب انا با تكلم كده انا واصحابى بس انا بحب يبقى ليا المود الخاص بتاعى:y1: يعنى الكلام اللى انت قولته ده كله اصحابى بيقولوه
انا مثلا الايام دى بادوس على حرف الدال فى الكلام وحتى الناس بدات تقاده حاولوا تجربوها هاقول كلمه مثلا وجربوها على لسانكم او قولوه قدام حد وهو ها يقولك ايه ايه قولت ايه
الكلمه ( جديده )دوس على الدالانا حاسس انى مش هاتعرفوا تقولها بطريقتى و( دقيقه )دى بالذات بتلفت انتباه الكل:y1:
تحياتى الصقر الحزين
سامح عطيه

تحياتك مقبوله وكلامك عسل يا عسل شرفتنا ونورتنا يا غالى