هلاوس تاريخيه

[khaled4]

1929ق.م
هجوم الهكسوس علي مصر..


طبعا كلنا عارفين القصة دي..بس لما نيجي نلعب ف التاريخ اكيد هتتغير
********
الهكسوس دخلوا مصر علشان احمد عرابي معندوش رصيد
اها..متتصدمش كدا..انا هحكيلك الحكاية كلها00اول ما سعد زغلول عرف الهكسوس ناويين يهاجموا مصر من الشرق-و علي فكرة القناة الاولي مقلتش كدا..هوا كان بيتفرج علي السي ان ان-..جمع كل الناس و خد رأيهم..ووصلوا لحل..جابوا احمد عرابي و قالولة لما تلاقي الهكسوس داخلين و معاهم الحملة الفرنسية..ابعت مسج لسعد و هيكون جاهز بجيشة..من قناة السويس..
و طبعا كنوع م الاحتياط..جاب موبايل 6680 علشان الشحن..
و يتعنطظ بية قدام الجيش اللي كان معاه 3310 بس
و المهم الحج عرابي دا..كان ديما يصوت لهاني ف ستار اكاديمي..
..و كان بيشيت ف ميلودي..و كان ديما بيشترك ف مسابقات التلفزيون..
فالرصيد بتاعة اتدمر..
المهم..الجنود كرهوا الموبايلات بسببة و رموهم ف بير مسعود
و بعد كدا...جية عمك عرابي شاف الهكسوس بيجروا و ف ايدهم مسدسات خرز و فلين..اتخض ف البداية..
بس مسك نفسة..و جية بيبعت الرسالة دي:
" من عرابي لسعد زغلول..
جيش الهكسوس جي بقيادة القائد عرق سوس
و معاه عمنا مبارك..ماسك سلسلة فضة..و عمال يلوح بيها..
و عتاد الجيش كالاتي:
- امواس-مطاوي-سيوف-بنادق خرز-و مسدسات خرز برضة-
اعمل اية بس؟تعالي يا نجم بسرعة..انا معييش غير 200 جندي مبيعرفوش غير يلعبوا بالجيم بوي"
***********************
عمك عرابي جية يبعت الرسالة..
لقي مكتوب
"عفوا لقد نفذ رصيدكم يرجي اعادة شحن البطاقة.."

طبعا لهكسوس اقتحموا مصر و اغتالوا الريس رمسيس الاول..بعد عمر يناهز ال 14 سنة كدا..
و علي فكرة:
- لازم نتعلم حاجة مهمة..شحن البطاقة واجب وطني

منقول

[kalecoper]

انت نجم يا جالد
بجد جامده موووووووووت
تحياتى و ......
و شكرا

[khaled4]

مششششششششششكور يا kalecoper على المرور الكريم

[بنت شهريار]

ههههههههههههه
بس الغلطة غلطة عرابى
لو كان خطة فودافون كان سعد قدر يحوله رصيد
يعنى هو اللى رسم الخطة غلط

هههههههههههه
جميله موووووت
تسلم ايدك يا خالد
تقبل تحياتى..

[khaled4]

طيب و الله احنا ممكن نبلغ فودافون وتساهم ف حمايه مصر

[amak_77]

الغرض من القصة مش الشحن
الغرض ان لو هنعمل حرب
او نصد هجوم
لازم يبقى جنب هيبر ماركت
او جنب محل بيبع كروت
عشان لو الكارت خلص نلحق نجيب بسرعه
و لام نقتدي بالناصر صلاح الدين اللي عمل المعركة مع الصليبين
قدام هيبر ماركت حطين
شكرا خالد

[hiline]

علشان كده المفروض كل مواطن
يتصرفلوا كرت شحن كل اسبوع

[khaled4]

لا مش كل اسبوع المفروض كل يوم علشان الحمايه تكون update

[Nwal_1989]

هه
مشكورين

[ميمو المصرى]

اكيد عرابى كان بخيل وبيخاف على الرصيد علشان كده كان مفكر انه معاه رصيد فى موبايله بس رمسيس التانى كان بيشتغله وعمل مكالمتين من وراه لما كان عنده فى البيت وهوه مش كان يعرف انه عمل المكالمتين صح

بس قصه جامده خلى بالك

[khaled4]

لا عرابى مش بيخاف على الرصيد لانو شرقاوى