سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : ايه اللى بيحصل ده .. ده تهريج

أمير المصرى
28-04-2006, 10:08 PM
شاهدت اليوم مباراة الأهلى مع أسمنت السويس و يا للفضيحة التى شاهدتها ..

لاعبى أسمنت السويس تقريبا كانوا قبل الماتش بيتفرجوا على فيلم ل بروس لى و طبقوا ما شاهدوه فى الفيلم أثناء المباراه ..

عندهم حق .. ما معظم الفرق بتعمل كدة مع الأهلى .. ضرب و تكسير ولا كأنهم بيلاعبوا فريق مكافى تل ابيب ..

المصيبة الكبيرة فى الحكم .. يا عينى على الحكم .. الكابتن ياسر عبد الرؤوف .. كان آخر عظمة .. آخر روقان ..

لمستين يد من لاعبى السويس داخل منطقة الجزاء و هو مش واخد باله .. أسامة حسنى بيتشد من ذراعه داخل منطقة الجزاء و الحكم الهمام الجامد بيديله انذار .. ايه الحلاوة دى ..

لاعب السويس علشان ياخد انذار لازم يموت له اتنين لعيبة من الأهلى و بعد كدة ممكن لاعب الأهلى ياخد انذار علشان ما ماتش كويس ..

ولولا ستر ربنا و خبرة لاعبى الأهلى كان نص الفريق على الأقل طلع من الماتش على المانيا علشان يتعالجوا ..

و بيقولوا التحكيم المصرى بخير ؟!!

أقول لهم كل رباط صليبى و أنتم بخير
Dodda
28-04-2006, 10:22 PM
هنعمل ايه بس يا امير اخونا الزمالكويه شكلهم بيدفعو للعيبه الفرق التانيه
eemee
29-04-2006, 01:30 AM
انت روعة بجد شكرا ع الموضوع التمام دا الاهلي حديد بردوو

الاهلي وبس

الاهلي عمهم كلهم

الاهلي بطل الابطال
أمير المصرى
29-04-2006, 05:28 PM
شكرا على المرور و الرد يا Dodda و eemee

مش عارف لامتى هانسكت على الجهل و الغباء الرياضى ... لما أحسن لاعبى مصر سواء فى الأهلى أو غير الأهلى يتكسروا و يبطلوا كورة .. هى لجنة الحكام دى شغلتها ايه ؟!!.. المفروض تعمل دورات تدريبية و تفهم الباشمهندسين الحكام ان اللاعب اللى يتعمد الايذاء يتطرد فورا مش زى دلوقتى الحكم يستنى لما اللاعب المريض نفسيا و العاجز بدنيا يطلع عقد النقص و العجز اللى عنده بانه ينزل ضرب فى اللاعبين المنافسين علشان نيافته مش قادر يجرى زيهم...
عمرو صالح
29-04-2006, 08:17 PM
اهدى بس يا أمير انا حاسس انه هتنط مش الشاشة:mazika2:
انا قلت الكلام ده قبل كده في نقاش مع حسام عمر
واتفقت معاه ان لازم يحصل حاجة تمنع الأسلوب ده في اللعب
سواء مع لاعبي الأهلي واي لاعب في الدوري المصري
لأن ده في الأول والأخر يضر بالمنتخب المصري
وممكن اوي بالطريقة دي نجي نلعب ماتش مهم زي اسبانيا
منلاقيش لا بركات ولا ابو تريكة لأن معظم الأصابات تتركز في افضل اللاعبين
بسبب عدم قدرة المنافس على مجاراته فنياً فيلجأ للعنف المتعمد
شكرا يا امير:f:
حسام عمر
30-04-2006, 03:43 AM
اه بأمانه تهريج

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث