ميدو - صدام - بن لادن .. الاخوه الظرفاء

[ميدو مشاكل]

كنت اقف اليوم فى شرفة بيتنا فى كفر ابو مشاكل :3:
عندنا فى البيت ايريال للتلفاز .. الايريال موجود فى البلكونه :1:
والبلكونه فوقها بلكونة الجيران
الجيران ناشرين غسيل
الايريال شبك فى غسيل الجيران :eek:
الغسيل بققى طين عشان الايريال متوسخ من ساعة المطر من اولة امبارح
الجاره خرجت تشوف الغسيل لقيته مطين :(
ماجاش فى بالها ان الطين جاى من تحت !! ودى تعقل حتى
مسكت فى خناق جارتها اللى فوق وميدو واقف فى البلكون وبراءة الاطفال فى عينيه :rolleyes:

سبت الجارتين ماسكين فى خناق بعض وهات يا ردح ورحت اتفرج على التلفاز بعد ما ظبطت الايريال :p

لقيت مين؟ صورة صدام حسين !! وطبعا الحديث دائر عما سببه لامته من مشاكل !! وان التاريخ سيظل يذكره بالشكر و العرفان لانه اعطى لامريكا و ذيولها الفرصه الذهبيه لوضع اقدامهم بالمنطقه العربيه .. التاريخ الغربى طبعا مش تاريخنا اللى بيكتبوه حسب التساهيل .. وقلت فى عقل بالى .. ايه ده يا واد يا ميدو !! :3: الظاره اخوك صدام ده هو الاخ التايه اللى ابويا قال لى عليه قبل ما يموت زى ما بيجيبوا فى الافلام العربى اللى بتشوفها على القهوه وانت بتلعب 31 انتظارا لخطاب القوه العامشه :rolleyes: ولقيت عيونى بترغرغ من الدموع من اللاكتشاف المؤثر ده ;)

قلبت على القناه التانيه لقيت صورة بن لاسع .. قصدى بن لادن .. ومره تانيه لقيت التاريخ بيلهج لسانه بالشكر و العرفان له .. لانه اعطى امريكا و ذيولها الفرصه لسحق افغانستان تحت دعوى الحرب على الارهاب ووضع كل مسلم و عربى فى خانة المدافع عن نفسه حتى يثبت العكس .. وجعل الكل يخشى من سيف الارهاب الذى اصبح مسلط على رقابنا بعد عملته الكحلى فى 11 سبتمبر !!

ومره تانيه الاقى عيونى مرغرغه بالدموع عشان لقيت اخويا التانى اللى كان بردو بابا قال لى عليه وهو على فراش الموت :(

وقلت اشارك اصحابى فى المنتدى فرحتى بالعثور على اخوانى .. صدان مشاكل واسامه مشاكل .. :3:

[بنت النيل]

يخرب عقلك ياميدو يامشاكل :D

اهي دي اول مشكلة

أزاي ياميدو تتجرأ وتقول كلامك ده عن عمك وعم الكل صدام مشاكل اللى يشهد له التاريخ بالفطنة والذكاء والدهاء والبهاء وكل الكلام اللى آخره هاء وخاء واي حرف ونقطة كمان بعد ماجاب لنا النقط كلها وجاب لنا المقلم والمخطط وكل الانواع ...
وساب اونكل بوش مشاكل ( ده اخوك الامريكاني :D ) يبهدل في القماشة ( الوطن العربي ) ومن يوم عملته المقلمة في الكويت واونكل بوش وولده نازلين قصقصة في القماشة وهات ياتفصيل

اشي طويل ... وأشي قصير
اشي محزق ... وأشي ملزق

وهات ياتفصيل ... وأحنا قاعدين

واسيبك دلوقتي ياابو المشاكل وارجع لك بعدين نناقش بقية المشكلة :D:D

[م. بسمة]

سيبك أنت يا مشاكل....قصدي يا ميدو انت تروح تفض الخناقه الي بين جيرانك وتقولهم ان الاريال هو الي وحش ويغيروه لبرسيل
باي يا ميدو قصدي يا مشاكل

[ميدو مشاكل]

بوش ده لا اخونا ولا نعرفه :mad:

ابويا وهو على فراش الموت نده عليا وقال ولا يا ميدو تعال هنا بطل جرى ورا الفراخ

وزغدنى وقال النذل بوش ده لا اخوك ولا يقرب لعيلتنا مشاكل باى صله .. واى نفر يحاول يقول غير كده تنفى الاشاعات دى وتكذبها ..

فيا اختى العزيزه بنت النيل دى كلها اشاعات مغرضه الهدف منها ضم عائلة ابو مشاكل الى القائمه السوداء للارهاب التى تضم سوريا و ايران و حزب الله و غيرها من الناس .. وانا اهيب بك انتى و الساده المواطنين ان تكفوا عن ترديد هذه الاشاعات .. وفقكم الله وراعاكم و السلام عليكم و رحمة الله وبركاته

[ميدو مشاكل]

ليه بس يا بيه وماله سافو .. ده حتى منتجنا الوطنى :rolleyes: قطيعه تقطع الايريال عالبرسيل عالكل كليله :p

[بنت النيل]

كاتب الرسالة الأصلية : ميدو مشاكل
بوش ده لا اخونا ولا نعرفه :mad:

ابويا وهو على فراش الموت نده عليا وقال ولا يا ميدو تعال هنا بطل جرى ورا الفراخ

وزغدنى وقال النذل بوش ده لا اخوك ولا يقرب لعيلتنا مشاكل باى صله .. واى نفر يحاول يقول غير كده تنفى الاشاعات دى وتكذبها ..

فيا اختى العزيزه بنت النيل دى كلها اشاعات مغرضه الهدف منها ضم عائلة ابو مشاكل الى القائمه السوداء للارهاب التى تضم سوريا و ايران و حزب الله و غيرها من الناس .. وانا اهيب بك انتى و الساده المواطنين ان تكفوا عن ترديد هذه الاشاعات .. وفقكم الله وراعاكم و السلام عليكم و رحمة الله وبركاته

ماشي ياسي ميدو

وبناء على توجيهات سيادتك لن نردد هذه الاشاعات المغرضة ونندد ونشجب ونستنكر للصبح

وبالروح بالدم نفديك ياميدو

كويس كده :D

[maistro]

الله يخرب عقلك يا ميدو مشـاكل
قصدى يا مشــــاكل ميـدو !! :D
--
بقى بتقول كده على بن لادن !!
أهو كده بقى انت بدأت تلبـــــــــــخ !! ودوست فى حلل الجيران والجارة اللى فوقكم كمان !!
الظاهر ان شعارك فى المنتدى هيكون ( ابعـد عن ميدو مشااااكل وصفر له ) !!
لا صفـر له دى ما تنفعش
نخليها حمـر له عشان يبقى كارت أحمـر !! :mad:
مرحب يا زعيم كفر أبو مشاكل
وكفر المشاغبين بيدحرجولك التمااااااااااسى

[حمدي]

مرحباً
بالكاتب المتميز
:D:D
http://animatedgif.net/barslines/holebar2_e0.gif

ميدو مشاكل

http://animatedgif.net/barslines/holebar2_e0.gif

حقيقي يعجبني أسلوبك فى الأدب الساخر
و تعجبني شقاوتك جداً
أتمني أن يطيب لك البقاء معنا هنا

أطيب المني و أرق التحيات
أخوك :D:D شريف

[ميدو مشاكل]

ليه كده بس يا ميسو .. شفت باديك اسم دلع على وزن ميدو عشان ينفع شيخ حارتنا يخرج لك مرسوم ملكى بانتمائك لكفر ابو مشاكل .. وتبقى ميسو مشاكل اخويا فى المشاكسه .. :p

شوف يا ميسو .. موضوع بن لاسع ده بيسبب لى حرج فى كل منتدى اروحه .. الناس تقول لى يا ميدو انت مشاكلم كوم ومشاكل بن لاسع كوم تانى .. طيب انت جايب المشاكل لعيلتك و بس .. طموحاتك متواضعه يعنى وأنوع -قنوع يعنى- انما اخوك بن لاسع ده فتحها على البحرى وجر بلاد بزيها للمشاكل و فى الآخر غطس هو وماقبش .. وبقوا كل ما يحبوا يلبسوا حد جنايه يقول لك ده ضحك فى وش بن لادن .. ده كل معاه فول اولة امبارح .. واللى يقول لك دول شيشوا سوا على قهوة مستكه فى اول الكفر .. وبقت هيصه ولمه :rolleyes: وانا وشى فى الارض منه بس هنعملو ايه بقى .. اخونا نستعرو منه ولا يعنى نستعرو منه :D ايوه يا جدعان .. :eek:

بس بلاش موضوع التلبيخ ده وحياتك يا ميسو .. اللبخه ما حصلت من زمان ومش عشان انا ميدو مشاكل تقوموا تلبسوهالى بالمره ;) بن لاسع لبخها من سنه وزياده وبلاش اللون ده معانا يا ميسو :D

وحياتك بقى حيث هتحمر لى .. ابقى غير الزيت بتاع البطاطس عشان السرطان و الحاجات دى :3: الصحه نعمه واللى يرفسها يعمى :p يرفسها بالسين ولا بالصاد؟ :confused: دايما اتلخبط فى الكلمه دى :o تحيات الكفر كلاته

[ميدو مشاكل]

اخويا شريف

سعيد جدا ان اسلوبى عجبك :p

بجد اخجلتم تواضعنا :o

ميرسى خالص يا ذوق ويجعله عامر بحسك وحس كل الناس الحلوين اللى فى المنتدى ;)

[اسامة يس]

الاخ الفاضل ميدو مشاكل .........

موضوعك الساخر اعجبني جدا واضحكني كثيرا ومعك حق فيما كتبت ........

بس انته خفت من الجارة الي فوق ليه وانته بتحب المشاكل ..........

[ميدو مشاكل]

لا لا لا يا اخ اسامه ;)

اما تعرفنى كويس هتعرف ان ميدو لا يهاب المشاكل :D

وانه اسد هصوووووووووور :3: وله قلب شجااااااااااااع :4:

انا لا خفت من الجاره ولا حاجه بس خفت اتدخل لاصلاح ذات البين بين الجارتين اعك الدنيا اكتر :3: .. بس كده انما انا اخلاقى انى اهدى النفوس طبعا :rolleyes:

ميرسى جدا على كلامك الحلو يا ذوق :p:)

[deaa]

السلام عليكم ورحمة الله وبركاته ....

الأخ الفاضل ...مشاكل ...ياريت كل الناس تكون بتاعت مشاكل ...لعلهم يتشكلو مع السلبيه المتغلله فى عقولهم ...ويخصموها شويه ...

المهم ...

اخى ...امريكا مش مستنيه بن لادن ولا صدام ...عشان تيجى المنطقه بيهم او بغرهم كانت هتيجى ...لأن ده احلامها وامالها وحياتها كلها ...

[بنت مصر]

ميدو مشاكل


بصراحة ابدعت في هذا المقال اللي زي العسل
خليتني اضحك واقهقه والله العظيم


وبالفعل انت اثبت انك مبدع بكل المقاييس في تحليلك الجميل


الف شكر ميدو كوارث :D


هي كوارث والا مصايب :3:


بسنت