اعـــتقال شاعر العاميه المصرى الشيخ امين الديب > فلتحيا حرية التعبير يامبارك

[عادل الخطيب]

على قناة الجزيره برنامج من وراء الخبر ناقش اعتقال الشاعر امين الديب والجريمة\ قصيده تندد بقنون الطوارىء هذا هو نظام مبارك ازهى عصور الملوخيه وحرية التعبير سقط القناع الاخير البدايه اعتقال الشيخ امين الديب هذا الرجل الذى تجاوز 67 من عمره لم تسمعوا عنه من قبل مثل الاف المبدعين الرافضين للتدجين قال قصيدته التى هزة نظام باكمله فعتقلوا مازالوا يخافون من الكلمه لم يزل الشعر قنبلة فى وجه الطغيان لم يعتقلوك ياعمى امين انما اطلقوا اجنحتك عبر الفضائيات ليشاهدك العالم كله ولااول مـــره تصدح قصائدك عبر اكبر الفضائيات الاخباريه فى العالم ليعرف الناس من هو امين الدين ابدا لم يعتقلوك ياشيخ امين هذا يوم ميلادك واول الغيث قطره سوف يعتقلوا مثقفى البلاد والشعراء والقضاه لينفجر البركان الخامد من زمن احتقان فى الشارع المصرى يارب يستر على مصــر احنا مش عاوزين سناريو الانفجار الى هيدمر الكل صدقونى يوم الحسم جى اسرح مما تتخيلوا تفجيرات فى سينا وفى الشرقيه اضهاد القضاء طلبة الجامعات ثائرون الاهالى ثائرون تفجيرات فى الشرقيه احتقان طائفى فى الاسكندريه غضب شعبى عارم فى الصعيد من اهالى غرقى العباره حكومه تعتقل اعضاء حركة كفايه وكل الوطنين ربنا يستر بنا يستر على مصر قالها الشاعر احمد فؤاد نجم ان هذا النظام يتمادى فى غباءه والعاقبه وخيمه والناس خلاص صدقونى
الطوفان جاى ومش هيسيب حد الطوفان جاى وقريب جدا ربنا يســــــــــــــتر

[R17E]

علي سيرة الاعتقالات

هذه القصيده أدت إلي إعتقال أحمد نجم لمدة عام كامل حيث أشار فيها إلي السادت بإسم شحاته المعسل

بيان هام
هنا شقلبان
محطة اذاعة حلاوة زمان
من القاهرة ومن كردفان
وسائر بلاد العرب واليابان
ومن فنزويلا أيضا ايران
ومن اى دار
أو بلد مستباحه
بفعل السياحه مع الأمريكان
هنا شقلبان
محطة اذاعة حلاوة زمان
نقدم اليكم بكل اللغات
مراسح وسيما وجميع الفنون
صحافه ومنابر وتلفزويونات
وخطبا ف جوامع وجبنه وزيتون
ونقزح ونركب جميع الموجات
ونبحث ونفهم فى كل الشئون
ودايما نلعلع فى كل الحالات
ولا حد سامع ولا يحزنون
وتسمع ما تسمع دا ما يهمناش
لأن احنا اصلا بناكل بلاش
فخليك فى نفسك وما تخليناش
نسلط عليك القلم واللسان
هنا شقلبان
محطة اذاعة حلاوة زمان
يسر الذاعه ولا يسركوش
بهذى المناسبه ولا بندعيكوش
نقدم اليكم شحاته المعسل
وبدون الرتوش
شبندر سماسرة بلاد العمار
معمر جراسن للعب القمار
وخارب مزارع و تاجر خضار
وعقبال أملتك أمير الجيوش
ما تقدرش تنكر
تقول ما اعرفوش
ما تقدرش ايضا تفول ما أسمعوش
شحاته المعسل حبيب القلوب
يزيل البقع ولاهموم والكروب
يأنفس يأفين يبلبع حبوب
ويفضل يهلفط ولا تفهموش
وتفهم ما تفهم دا ما يهمناش
لأن انت فاهم وعامل طناش
ح تنكر وتحلف ح اقول لك بلاش
ح تتعب دماغنا وتتعب كمان
هنا شقلبان
محطة اذاعة حلاوة زمان
لأن المخبى ظهر واستبان
وكل المسائل بدت للعيان
وطلعت حكاوى ونزلت كمان
عن التهريبه وعن كيت وكان
وعن محسوبيه وعن ألعبان ( بضم الالف)
ظهر فى المدينه كأن الطوفان
وغرق مراكب وسوح غيطان
وبعض المراكب ح تغرق كمان
وأزمة مساكن وأزمة أمان
وعالم بياكل فى عالم جعان
وريحة مؤمره فى جو المكان
مخطط خيانه مع الأمريكان
لدبح العشيره وحرق المكان
وفيه ناس بترغى ولازم بيان
كما ابلغونا جميع الودان
لهذا وذاكا وتلكم كمان
نقدم اليكم عروسه وحصان
شحاته المعسل وهذا البيان
هنا شقلبان
محطة اذاعة حلاوة زمان
بسم الله
سلام عليكم وسلمون وموز
وأما المسائل فهنجف ولوز
فيا اخوتى ويا أخوات
اليكم بيانى كما هو آت
جميع المسائل تمام التمام
وكل الكلام دا مجرد كلام
فصبرا جميلا ولا تقلقوش
وشغل الضغاين أنا ما أقبلوش
ما فيش أى حاجه
على الطلاق والعتاق بالتلاته
ما فيه اى حاجه
وقدر كمان ان فيه أى حاجه
ما لوش أى لازمه الكلام واللجاجه
وعيب ان عيل يسوق السماجه
ويعمل لى باللو ويعمل ديباجه
آنا بطبعى ضد السماسره الكبار
بحكم المنافسه وحكم الجوار
لكن مش فى طبعى
انى أعمل فضيحه
لواحد زميلى هبش كام صفيحه
ما كل الزمايل بتهبش صفايح
وكل اللى جاى مش زى اللى رايح
فيا ايها الشعب صهين تفلعص
مساء التنفس مساء الروايح
أخويا الامير بزرميط الايرانى
بعت لى السنه دى
عزمنى ودعانى وأنا قبلت طبعا
ورحنا العزومه وكانت وليمه
ما تحصلش تانى دا أيه المحمر
وأيه المكمر وايه المشمر
وايه الصوانى
وانا دماغى تعبت ولفت صراحه
من الفخفخه والهنا الاصفهانى
هناك يعنى مثلا اذا شربت طافيه
تمز بكوارع وبسطرمه ضانى
ما شفتش هناك
ناس بتحقد عليهم
ولا ناس بتشتم فلان الفلانى
لأنه اشترى عزبتين من شطارته
وحكمة ادارته وطلع مبانى
وبعد الوليمه استلمنا الهدايا
مفضض ومدهب وقز وقيشانى
وطبعا أخويا الأمير قال لى حاجه
ح اقولهالكو طبعا اذا الوقت ناسب
ح يطلع لى عيل بدون اى حاجه
ويعمل لى فلحس ويقعد يحاسب
دا حقد اشتراكى أنا ما أقبلوش
ولو هو ابنى أنا ما اعتقوش
كلام عن سماسره كلام عن دعاره
حاجات مش صحيحه جمل مستعاره
وعايزين يخلوا البلد اردغانه
وعايزنى اسيب البلد من زمان
وأنا مش ح اسلم واسيب الأمان
ولا بالبوليس والنيابه كمان
فيا ايها الشعب كمل جميلك
وصبرا واذلم حتيجى المصارى
وتاكل وتشرب تبع ما يآتيلك
وتغرق فى بحر العبيد والجوارى
وترسم حياتك حسب ما يرائيلك
ونملا الحوارى فساقى وقصارى
تسبح بحمدك وتشكر جميلك
وفضل الزباله وطفح المجارى
ختاما سلاما وآخر كلاما
ضرورا
يسود الهدوء والوئام فماذا والا
ح طربقها واللا اهرب فلوسى
واسافر قواما سلام عليكم
وسلمون وموز بصفتى رئيسا
وابا وجوز
القاهرة /1976

[amshendy]

هذا ابلغ رد على ايواق اللانظام و اللاسلطه و امثال ابراهيم نافع من ان قانون الطوارئ لم يستخدم الا لمكافحة الارهاب و تجار المخدرات
اتحدى اي انسان ان يذكر لى دوله اي دوله و لو حتى بوركينا فاسو او حتى لو فى كوالالامبور سحل احد قضاتها و رئيس محكمه فى الشارع
هذا نظام فقد عدله
هذا نظام فقد مصداقيته
هذا نظام فقد هيبته
هذا نظام فقد عقله

[ابن الكنانة]

أخي الفاضل:
من فضلك لا تهن كوالا لامبور عاصمة ماليزيا التي تسلمها مهاتير محمد دولة بلا وزن و تركها نمرا اقصاديا نستورد منه سيارات. لقد ترك السلطة طوعا بلا فضائح ليتح لآخرين القيادة.

[amshendy]

من غير المقصود اهانة اي دوله و لا بوركينا لكن هات لى دوله لها حضارة مصر لايوجد فاذا بمصر يسحل قضاتها

[عصفور الشعر]

انا شفت البرنامج يا عادل على قناة الجزيره.. وسمعت القصيده بصوت الشاعر أمين الديب ذات نفسه (( وهى القصيده السبب فى اعتقاله)) وأسمها (( فكر وشوف)) وأقسم بالله .. لم أتأثر بقصيده عاميه منذ زمن .. مثلما تأثرت بتلك القصيده .. والراجل ألقاها بتمكن .. وكمان على فكره فيه قصيده أنقح منها جديده.. واللى كتبها(( الفاجومى ))أحمد فؤاد نجم .. وهى عن التوريث ... واسمها ((عريس الدوله)) .. وللأسف كان فيها كلمه نابيه حبتين جعلت قناة الجزيره تقاطعه فى تكملتها وتنهى البرنامج .. بس القصيده دى جامده جدا وبترجع أمجاد الفاجومى

على فكره القصيده بتاعة أمين الديب ..بصوته على أحد المواقع بس تقريبا تم حجبها .. لانى حاولت المستحيل أنزلها ومعرفتش .. وامبارح فضلت أبحث حتى عن نصها ملقيتوش أبدا .. ولسه ححاول النهارده كمان .. بجد بجد قصيده ناااااااااار .. وربنا يسهل وأنشرها فى المنتدى أول ما أعثر عليها


انا على العموم حاسس بأجواء الفتره ما قبل اغتيال السادات .. نفس السيناريو بيتكرر . وكأن اليوم أشبه بالبارحه ..

ولكن

هل نرى السيناريو يكتمل وحتى النهايه


ألطف بمصر يا رب .. ألطف بمصر يا رب... ألطف بمصر يا رب

[amshendy]

على ما اعتقد محمد حسنين هيكل هيالف قريب (( ربيع الغضب ))
لانه بعد احداث سبتمبر و اغتيال السادات الف ( خريف الغضب )
و دى شكلها فرصه عظيمه ليه يالف عن الخريف و الربيع

[amshendy]

لو سمحتم من يحل على قصيدة عريس الدوله يرسلها لى

[المصراوي]

تم حذف الرد بألفاظه المشينة
وعلى العضو المصراوي
الإلتزام بقواعد المنتدى
والا ستضطر الادارة
الي ايقاف العضوية

[amshendy]

متشكر جدا يامصراوى
ايه الحلاوه دى

[amshendy]

معلش يا اخ مصراوى انا باستاذنك انى نشرتها بعد حذف بعض الالفاظ
لادارة المنتدى هى دى القصيده زى ما سمعتها على قناة الجزيره و ربما لم يشا ان يغير فيها
ارجو عدم التهديد بايقاف العضويه لاننا جميعا اصبحنا لا نستطيع الاستغاء عن اى منا و حتى ان كان الرد من الزميل غير لائق فى بعض الاحيان لكن بالتدريج سنصل الى مانريده
اخيرا ارجوا عدم حذف المشاركه كامله ولكن كان يمكن حذف بعض الالفاظ كما فعلت انا و كانت ستصبح لفته
تقديرى و احترامى لجميع اعضاءالمنتدى و لادارته التى لا اعرف منهمالا شخصيه واحده لها منى فائق الاحترام و التقدير لرجاحة عقلها

[الدهشورى]

الاخوة الاعزاء
السلام عليكم ورحمة اللة وبركاتة
من منايريدن يعيش خارج وطنة
اخوانى الاعزاء كيف نكون فى وطننا ولا نأخـد ابسط حقوقنا فالبلاد لا تقوم الا بنا فذا كان اسياد فلا بد ان يكون هناك عبيد والا .........
هذا ماتتبعة الحكومة المصرية مع ابنائها
فالمواطن المصرى مهان داخل وطنة
فما بالكم خارج وطنة
ولكن الكثير لا ان الاخرون يحترموننا لاننا بشر والحكومة المصرية تتعامل معانا لاننا عكس ذلك والامثلة على ذلك كثيرة
طوابير البنوك وعدم تحرميها
رشاوى المكاتب
تجارة الدورس الخصوصية
تجارة زراعة الاعضاء( القسم الطبى)
الفتاوى حسب الطلب وبالتليفون
واسرق دون ان يراك احد( قطاع القوات المسلحة)
وكفاية كدة النهاردة وشكرى لكل قلم جرئ
لا يخاف الا اللــــــــــــــة ولا يخاف فى اللة لومة لائم
مصــــــــــر دى امى ونيلها بيجرى فى د مــــــى
:f2: احـــمــد الــدهشــورى

[egy_shery]

فيا ايها الشعب صهين تفلعص

ده حالنا اللي وصلنا ليه دلوقتي
إتفلعصنا لما ما بانلناش صاحب

صدق إخونا (عصفور الشعر) لما قال : انا على العموم حاسس بأجواء الفتره ما قبل اغتيال السادات .. نفس السيناريو بيتكرر . وكأن اليوم أشبه بالبارحه

والله ده إحساسي أنا كمان ، وإحساس كل اللي بيكتبوا دلوقتي في صفحة السياسة .. ربنا يستر.

[egy_shery]

لو سمحتم من يحل على قصيدة عريس الدوله يرسلها لى

سهل جدا ، وبدون التعرض لحجب (مصراوي) حبيبي الكل
يمكنك الدخول علي موقع Google وكتابة (عريس الدولة) في خانة البحث ، وستنال ما تريد ، وأكثر.
وسلملي ...

[egy_shery]

انا شفت البرنامج يا عادل على قناة الجزيره.. وسمعت القصيده بصوت الشاعر أمين الديب ذات نفسه (( وهى القصيده السبب فى اعتقاله)) وأسمها (( فكر وشوف)) وأقسم بالله .. لم أتأثر بقصيده عاميه منذ زمن .. مثلما تأثرت بتلك القصيده .. والراجل ألقاها بتمكن .. وكمان على فكره فيه قصيده أنقح منها جديده.. واللى كتبها(( الفاجومى ))أحمد فؤاد نجم .. وهى عن التوريث ... واسمها ((عريس الدوله)) .. وللأسف كان فيها كلمه نابيه حبتين جعلت قناة الجزيره تقاطعه فى تكملتها وتنهى البرنامج .. بس القصيده دى جامده جدا وبترجع أمجاد الفاجومى

على فكره القصيده بتاعة أمين الديب ..بصوته على أحد المواقع بس تقريبا تم حجبها .. لانى حاولت المستحيل أنزلها ومعرفتش .. وامبارح فضلت أبحث حتى عن نصها ملقيتوش أبدا .. ولسه ححاول النهارده كمان .. بجد بجد قصيده ناااااااااار .. وربنا يسهل وأنشرها فى المنتدى أول ما أعثر عليها


انا على العموم حاسس بأجواء الفتره ما قبل اغتيال السادات .. نفس السيناريو بيتكرر . وكأن اليوم أشبه بالبارحه ..

ولكن

هل نرى السيناريو يكتمل وحتى النهايه


ألطف بمصر يا رب .. ألطف بمصر يا رب... ألطف بمصر يا رب


http://www.assiutonline.com/vote/showsound.php?soundid=13
ربنا يستر من الحذف والحجب والازالة

[sea_wolf]

يسقط الاستقلال
تعيش مصر مستعمرة محتلا
فينك يا فاروق تعالى شوف الى جرالنا بعدك

[amshendy]

http://misrdigital.blogspirit.com/files/so2so2.htm
http://www.manalaa.net/master_torturer_walid_el_desoky
http://home.manalaa.net/cgi-bin/share_photos.cgi?photos/politics/el_desouky/
http://www.manalaa.net/master_torturer_walid_el_desoky

[محمد فؤاد]

اتحاد الكتاب يتضامن

أمين الديب.. اعتقال فلاح مصر الفصيح

أوقفت مباحث أمن الدولة يوم الأربعاء الماضى الشاعر الشعبى أمين الديب عضو اتحاد الكتاب من منزله.. بتهمة الانتماء لتنظيم الإخوان المسلمين.. والحقيقة هى أشعار الديب التى يلقيها فى المنتديات والاحتفالات الشعبية وبين العامة.. وفيها انتقاد لاذع للنظام.. وتحريض الجماهير على الوقوف ضد الاستبداد والفساد ومد العمل بقانون الطوارئ ومنها قصيدته فكر وشوف الاستثنائية، التى تم تسجيلها على شرائط كاسيت وتوزيعها.. وكذلك تم إلقاء القبض على المهندس فتحى شهاب الدين وسامى جاويش بتهمة القيام بطبع ونشر الأشرطة التى تتضمن هذه الأشعار.
إلى هذا الحد من الهشاشة وصل النظام.. لم يعد يحتمل أى صوت ينتقده.. حتى إن كان قصيدة شعر يلقيها شاعر شعبى محدود الانتشار.. وتدل على أن النظام لم يعد يحتمل أى معارض وأن المعتقلات ستفتح أبوابها قريبا لكل المصريين..
وطالب اتحاد الكتاب أن يتضامن مع الشاعر ورفاقه، كما طالب الحكومة أن تسارع إلى الإفراجِ عنهم، وعن كافة المعتقلين الذين تعتقلهم بغير حق..
وهنا ننشر القصيدة التى أدخلت أمين الديب السجن وهى بعنوان فكر وشوف ويقول فيها:
فكر وشوف
مين اللى بيمد الطواريء عندنا من كم سنة..
والفجر غايب عننا وحاجات كتير متركنة..
قوانين مهمة لشعبنا فوق الرفوف..
فكر وشوف..
مد الطوارئ لباب المعتقل دخل ألوف..
فكر وشوف..
واسمع كلام شيخ من زمان،
قلك كمان،
بعتر حروف الخوف وشوف،
وبلاش أمور الدروشة الدردشة جوا الجحور..
الحق ميجيش بالكلام،
ولا باللى بيهمس فى الظلام،
الحق نور..
وامشى فى طريقك بالعدل وبلاش تدور،
بتلج ليه فوق الجسور خليك جسور..
واشهد شهادة حق واعلن موقفك..
ولا تكتموش جوا الصدور..
وإن كان لقيت الظلم سادد سكتك،
دلوقت جتلك فرصتك..
يوم الانتخاب قول كلمتك خلف الستار،
ولابد تحسن الاختيار،
أنت النهارده فى الاختبار،
ومن النهارده معنديش ليك أى اعتذار،
لازم تبين قوتك..
فكر وقوم من غفوتك..
صوتك مهم لدنيتك ولأخرتك..
صوتك أمانة فى ذمتك،
أدى الأمانة وانتخب،
لو الانتخاب هيزوروه،
ويبدلوا اللى يبدلوه،
أوحتى صوتك يحجبوه،
سبهم بقى.. والذنب هم يشيلوه..
واحلف يمين..
الشعب ده ما هيغلبوه..

نقلا عن جريده العربى الناصرى