محمود زايد وكرسي التعارف

[أم أحمد]

بسم الله الرحمن الرحيم

السلام عليكم ورحمة الله وبركاته

http://gallery.egyptsons.com/data/media/52/CH-13.jpg (http://gallery.egyptsons.com)

اليوم موعدنا مع عضو اساسي في قاعة الرياضة

هو احد اعمدة القاعة المسئولة عن القلعة الحمراء فى المنتدى :hey:

عضو محب للخير وصديق بحق

عضو صاحب ردود هادئة ومجاملات رقيقة

ومن محبين عمرو دياب جدا والدليل انظر لتوقيعه :1: اللي بيخضك لو مريت من عليه :d

معنا اليوم محمود زايد

محمود ليس عضو انما هو صاحب بيت :king:

محمود يعتبر من الشخصات المميزة في المنتدي لطيبته ولقربه من الجميع :)

اترككم مع محمود زايد وكرسي التعارف

واتمني ان يكون اللقاء ممتع ويحوز علي اعجابكم

[أم أحمد]

منور الكرسي يا محمود

بسم الله نبدأ الاسئلة

يا ريت تعرفنا علي محمود باختصار شديد

ازاي عرفت المنتدي؟

ايه اكتر حاجة بتعجبك في المنتدي واكتر حاجة بتضايقك؟

كفاية كده دلوقتي ولي عودة ان شاء الله

[صفحات العمر]

السلام عليكم ورحمة الله وبركاته

مرحبا بك اختى الغاليه ام احمد وبضيفك الرائع اخى : محمود زايد

مع التعارف وفتح افاق جديده من الموده والصداقه على كرسى التعارف

يسعدنى فى البدايه ان اوجه تحيتى لكم ولى عوده مره اخرى بأذن الله وفى جعبتى بعض الاسئله

لكم خالص تقديرى

محمد سعيد

[الدكتورة نسيبة]

اهلا اهلا يا محمود منور الكرسى

انا هسالك كده كام سؤا ل ع الماشى

اكتر حاجة بتحبها فى محمود واكتر حاجة بتكرهها فيه ؟

عضو بتحسه شبهك اوى وفيه منك كتير ؟؟؟

حاجة نفسك تتغير فى حياتك ومش عارف تغيرها ؟؟؟

وياترى ممكن نقول عليك متعصب للاهلى (فاكر لعبة الاهلى والزمالك)؟؟؟؟

كفاية كده بس يارب متكونش اسئلتى تقيلة عليك

[محمود زايد]

بسم الله الرحمن الرحيم

السلام عليكم ورحمة الله وبركاته

http://gallery.egyptsons.com/data/media/52/CH-13.jpg (http://gallery.egyptsons.com)

اليوم موعدنا مع عضو اساسي في قاعة الرياضة

هو احد اعمدة القاعة المسئولة عن القلعة الحمراء فى المنتدى :hey:

عضو محب للخير وصديق بحق

عضو صاحب ردود هادئة ومجاملات رقيقة

ومن محبين عمرو دياب جدا والدليل انظر لتوقيعه :1: اللي بيخضك لو مريت من عليه :d

معنا اليوم محمود زايد

محمود ليس عضو انما هو صاحب بيت :king:

محمود يعتبر من الشخصات المميزة في المنتدي لطيبته ولقربه من الجميع :)

اترككم مع محمود زايد وكرسي التعارف

واتمني ان يكون اللقاء ممتع ويحوز علي اعجابكم

السلام عليكم ورحمه الله
الاخت العزيزة ام احمد النور نورك طبعا
اشكرك على كلامك الطيب وعلى دعوتك الكريمه للتعارف واتمنى من الله سبحانه وتعالى ان اكون عند حسن ظن الجميع
ويعلم الله مقدار حبى لمنتدى ابناء مصر وكل عضو يشترك فيه اشكرك مرة اخرى على كلامك الجميل بحقى
تحياتى لكى http://www.egyptsons.com/misr/images/smilies/flowers-002.gif

[ريح الشمال]

هههههههههههه
موضوع جميل ورائع تسلمى ياغالية

[محمود زايد]

منور الكرسي يا محمود

بسم الله نبدأ الاسئلة



النور نورك يا ام احمد تسلمى
على بركة الله نبدأ الاجابه




يا ريت تعرفنا علي محمود باختصار شديد



الاسم: محمود عبد العليم عبد الغفار
السن 26 سنه
مواليد محافظه الدقهليه مدينه بلقاس
المؤهل بكالوريوس خدمة اجتماعيه واعمل اخصائى اجتماعى
هواياتى الكمبيوتر والرياضه وقراء الكتب الدينيه والتاريخيه





ازاي عرفت المنتدي؟



عرفت المنتدى عن طريق محرك البحث جوجل واول ما شوفته عجبنى جدا وحسيت بارتياح شديد تجاه المنتدى واعضائه واشتركت على طول والحمدلله دا من حظى علشان اقابل احلى ناس عرفتهم



ايه اكتر حاجة بتعجبك في المنتدي واكتر حاجة بتضايقك؟



الود والترابط والمحبه بين اعضاء المنتدى اكتر حاجه بتعجبنى فيه بجد كأنه اسرة واحدة
اكتر حاجه بتضايقينى صدقينى مش بضايق من المنتدى اطلاقا الممبزات فيه كثيرة جدا وصعب نلاقى عيوب مادام فيه اعضاء متميزين فى لك شئ



كفاية كده دلوقتي ولي عودة ان شاء الله

اشكرك يا ام احمد وتنورى الموضوع وتشرفيه تانى وفى اى وقت
تحياتى لكى :f: :f: :f:

[محمود زايد]

السلام عليكم ورحمة الله وبركاته

مرحبا بك اختى الغاليه ام احمد وبضيفك الرائع اخى : محمود زايد

مع التعارف وفتح افاق جديده من الموده والصداقه على كرسى التعارف

يسعدنى فى البدايه ان اوجه تحيتى لكم ولى عوده مره اخرى بأذن الله وفى جعبتى بعض الاسئله

لكم خالص تقديرى

محمد سعيد

وعليكم السلام ورحمه الله وبركاته
اخى العزيز محمد
يشرفنى ويسعدنى مرورك على موضوعى ويكفينى ان يكون الموضوع بدايه لتعارف فيه من المحبه والود والاحترام لاتعرف به على شخصك الكريم ويزيدنى ذلك فخر
منتظر عودتك ان شاء الله
تحياتى لك http://www.egyptsons.com/misr/images/smilies/flowers-002.gif

[boukybouky]

السلام عليكم و رحمة الله

منور يا محمود الكرسي و دوختنا عليك يا راجل انت كنت فين

المهم يكون الكرسي عجبك و مرتاح عليه :)

نبدأ بقي في المهم :

1- إيه رأيك في قاعة الرياضة بالمنتدي ؟؟ و إلي أي مدي تري التعصب فيها؟؟؟

2- تفتكر ليه كرة القدم لها تلك الشعبية؟؟ و تلك الضجة ؟؟و تلك المشاحنات؟؟؟

3- نسيب الكرة و نتكلم عنك انت شوية...ما هو طموح محمود زايد؟؟؟

4- مساحة ااتفاؤل عندك ما هو حجمها؟؟؟ و مساحة التسامح أيضاً؟؟؟

كفاية كده و راجعة تاني ان شاء الله

في رعاية الله ،،،

[malkro7y]

اهلا اهلا يا منصوري نورت الكرسي فرصتي بقي :eat: :eat: بص يا سيدي

انا عارفه انك حساس جدا وسريع الانفعال ايه اكتر حاجه تغضبك:mad: ؟
ايه الغلط اللي مش ممكن تسامح مرتكبه:no: ؟
يا تري بتقول لمين الله لا يحرمني منك:evil: ؟
مين اكتر عضو في المنتدي بيستفزك مواضيعه وردوده:-s ؟
لو اتمنيت تكون انسان تاني غير محمود تتمني تكون مين؟( ملحوظه لازم تحدد اسم )
كفايه عليك كده اصلي عارفه كله هيطلع علي دماغي في الاخر يا منصوري وبلاش اجابات دبلوماسيه

[محمود زايد]

اهلا اهلا يا محمود منور الكرسى
انا هسالك كده كام سؤا ل ع الماشى


اهلا بيكى يادكتورة ميرا دا النور نورك
واتفضلى اسالى زى ماتحبى


اكتر حاجة بتحبها فى محمود واكتر حاجة بتكرهها فيه ؟


اكتر حاجه بحبها فيا : مش هقدر اشكر فى نفسى لكن افضل صفه عندى وبعتبرها ميزة واحمد الله عليها كثيرا انى عمرى ماشلت فى قلبى تجاه اى انسان اى حقد وغل الحمدلله

اكترحاجه بكرهها فى نفسى التردد فى اتخاذ اى قرارات الصفه دى وبحاول اتخلص منها باى طريقه لكن طبعى بيغلبنى احيانا كثيره



عضو بتحسه شبهك اوى وفيه منك كتير ؟؟؟


الاخ العزيز المفكر او (ابراهيم ) بحس انه قريب منى وطريقه كلام زيى يمكن فى اوقات بدخل مواضيع الاقيه كاتب ردود انا بكتفى بقرأتها وكانى اللى رديت وهو اوقات بيقدر يعبر افضل منى وانا بيعجبنى طريقه تفكيره وردوده ربنا يكرمه



حاجة نفسك تتغير فى حياتك ومش عارف تغيرها ؟؟؟


انا امنيه حياتى اللى نفسى احققها بجد انى اهاجر واسافر واشوف الدنيا دى كلها بجد حاولت اكتر من مرة احققها لكن ماقدرت وهو ده الشئ الوحيد اللى نفسى اغيره فى حياتى واتمنى من الله تحقيقه



وياترى ممكن نقول عليك متعصب للاهلى (فاكر لعبة الاهلى والزمالك)؟؟؟؟


بصراحه انا متعصب جدا جدا للاهلى يعنى ما اقدرش اقولك حبى للاهلى قد ايه انا بعشق الكيان الكبير دا وافتخر انى واحد من مشجعينه
طبعا فاكر لعبه الاهلى والزمالك فى قاعه المسابقات وفاكر كنتى بتحبى الزمالك ليه ههههههههههه اقولك يعنى



كفاية كده بس يارب متكونش اسئلتى تقيلة عليك

اشكرك يادكتور ميرا على تواجدك الجميل وبالعكس انا سعيد جدا باسئلتك وتشريفك http://www.egyptsons.com/misr/images/smilies/flowers-002.gif

[محمود زايد]

السلام عليكم و رحمة الله
منور يا محمود الكرسي و دوختنا عليك يا راجل انت كنت فين
المهم يكون الكرسي عجبك و مرتاح عليه :)
نبدأ بقي في المهم :


وعليكم السلام ورحمه الله وبركاته
اهلا اهلا يا باشمهندسه ريهام النور نورك وانا هنا والله بس النت بقى الله يجازيه كان فاصل
انا مرتاح طول مانا معاكم
نبتدى الاجابه على الاسئله يامسهل يارب



1- إيه رأيك في قاعة الرياضة بالمنتدي ؟؟ و إلي أي مدي تري التعصب فيها؟؟؟


قاعه الرياضه فى المنتدى ممتازة وانا اكتر مكان فى المنتدى برتاح فيه هى قاعه الرياضه هى بس محتاجه
مشاركه اوسع من الاعضاء واهتمام اكبر بس الاغلبيه هنا واضح انهم مخاصمين الرياضه :rolleyes:
اعتقد ان مافيش تعصب فى القاعه بالعكس كلها مشاركات هادئه ومتميزة ويارب تدوم على كده


2- تفتكر ليه كرة القدم لها تلك الشعبية؟؟ و تلك الضجة ؟؟و تلك المشاحنات؟؟؟


كرة القدم هى اللعبه الشعبيه الاولى فى العالم وطبيعى تستحوذ على الاهتمام من كل الناس لانها فيه الاثارة والمتعه والانتماء وعلى فكرة موضوع الانتماء دا مهم جدا وكرة القدم بتنمى الشعور دا لدينا وكلنا شوفنا ايام بطوله افريقيا كان الشارع المصرى عالم ازاى كله كان على قلب واحد وعززت الانتماء تجاه بلدنا بشكل غير مسبوق ودا دور مهم لكرة القدم واوقات كرة القدم بتصلح ما افسدته السياسه زى ماحصل بين ايران وامريكا فى كأس العالم 98 وكلنا نعرف ايه اللى بينهم لكن كان فيه شئ من الود والاحترام للطرفين من خلال كرة القدم


3- نسيب الكرة و نتكلم عنك انت شوية...ما هو طموح محمود زايد؟؟؟


انا طموحى كبير جدا جدا فقط اريد من الله فتح الطريق امامى لتنفيذ ما اريده ومخطط له عندى بشكل جدى ان شاء الله


4- مساحة ااتفاؤل عندك ما هو حجمها؟؟؟ و مساحة التسامح أيضاً؟؟؟


التفاؤل موجود لكنه قل بشكل كبير عكس ما كنت متوقعه ايام دراستى وبعد الانتهاء منها
مساحه التسامح كبيرة جدا دى بصراحه انا مش بعرف ازعل اواغضب من اى انسان بمجرد ما يزول اى غضب عنى انسى كل شئ وكأنه لم يكن الحمدلله


كفاية كده و راجعة تاني ان شاء الله
في رعاية الله ،،،

تنورى فى اى وقت ياريهام وانا سعيد جدا جدا بتشريفك :f2:

[محمود زايد]

اهلا اهلا يا منصوري نورت الكرسي فرصتي بقي :eat: :eat: بص يا سيدي



اهلا بيكى ياملوكة انتى اللى منورة المنتدى والحمدلله ان ربنا هداكى :4:



انا عارفه انك حساس جدا وسريع الانفعال ايه اكتر حاجه تغضبك:mad: ؟


بالعكس يا ملك انا طبعى اصلا هادى جدا جدا ومش بنفعل بسرعه بس انتى مش واخده بالك انا مش بحب الشئ اللى مش مظبوط يعنى لما بشوف حاجه مش بتعجبنى مش بسكت عليها ودى ممكن تتفسر على انها سرعه انفعال لكن دا رد فعل طبيعى لشئ غلط انما انا هادى يابنتى وبلاش اشاعات الله يرضى عنك :xx:


ايه الغلط اللي مش ممكن تسامح مرتكبه:no: ؟

اكتر شئ مش بحبه الغدر ونسيان المعروف والتنكر لاى انسان مهما كان



يا تري بتقول لمين الله لا يحرمني منك:evil: ؟

بقولها لانسان عزيز جدا على واتمنى يكون حاسس بالرساله دى وفاهمها كويس وبدعى من ربنا انه مايحرمنى منه ابدا ابدا يارب تفهم يالى فى بالى


مين اكتر عضو في المنتدي بيستفزك مواضيعه وردوده:-s ؟



صدقينى مافيش لانى مش هسمح لنفسى ان حد يستفزنى بمواضيعه ابسط شئ التجاهل مع اى عضو تكون مواضيعه وردوده مستفزة والتعامل معه كأنه مش موجود من غير عقد فاهمه



لو اتمنيت تكون انسان تاني غير محمود تتمني تكون مين؟( ملحوظه لازم تحدد اسم )


انا كده حلو قوى ولا اتمنى اكون انسان اخر غير محمود بصفاته وعيوبه وكل شئ الحمدلله ياملوكة كده رضا قوى


كفايه عليك كده اصلي عارفه كله هيطلع علي دماغي في الاخر يا منصوري وبلاش اجابات دبلوماسيه


ليه مالسه بدرى هيبقى هنا وهناك اعمل ايه بس قدرى وربنا يتولانى برحمته هو اللى عالم بحالى
انا اللى بشكرك على وجودك وتشريفك الموضوع زاد نورك بيكى يا ملك http://www.egyptsons.com/misr/images/smilies/flowers-002.gifhttp://www.egyptsons.com/misr/images/smilies/flowers-002.gif

[amr emam]

محمود من الشخصيات اللى بعتز بيها جدا وبحبها

ان بسجل حضورى ولى عوده ان شاء الله باسئله فتاكه

تحياتى

عمرو امام

[محمود زايد]

محمود من الشخصيات اللى بعتز بيها جدا وبحبها

ان بسجل حضورى ولى عوده ان شاء الله باسئله فتاكه

تحياتى

عمرو امام

تسلم ياعمرو ربنا يكرمك ويخليك وانت اخ عزيز ياباشا
مستنيك تشرفنى فى اى وقت
تحياتى لك :f: :f:

[zizo_ya_zizo]

ازيك يامحمود باشا معلش انا عارف الزنقه بتاعه الكرسى سبقناك قبل كده واتعصرنا هههههههههههه
ربنا معاك ياجميل يعنى انا مش هتقل عليك هما يعنى كام سؤال كده

1- امنية نفسك تحققها ولسه لحد دلوقتى محققتهاش ؟

2-عضو بتحب تقراله ؟

2-ليه اخترت ابناء مصر وايه الى شدك ليه ؟

4-مين من الاعضاء تنسب ليهم الصفات ديه(طيب-مخلص-شقي-ذكي-رومانسي-اجتماعي-صارم-دماغه ناشفه-محبوب-مواضيعه تحفه)

5-تتمني ايه لمنتدي ابناء مصر؟

6- محمود امتى يبتسم ابتسامه امل ومتى يصاب باحباط ؟

7- رساله حب تبعتها لمين وتقول فيها ايه ؟

8- رساله اعتذار تبعتها لمين وتقول فيها ايه ؟

كفايه كده عليك ولى عوده باذن الله

[محمود زايد]

ازيك يامحمود باشا معلش انا عارف الزنقه بتاعه الكرسى سبقناك قبل كده واتعصرنا هههههههههههه
ربنا معاك ياجميل يعنى انا مش هتقل عليك هما يعنى كام سؤال كده


اهلا اهلا يازيزو واحشنى ياراجل بقالى يوم ونص ما اتكلمتش معاك كنت فين وياسيدى كلنا لها
اهم حاجه اكون معاكم وبينكم دائما
اه واخد بالى انهم كام سؤال بس ومش هتقل فعلا منك لله يامفترى :rolleyes:
ونتبدى نجاوب


1- امنية نفسك تحققها ولسه لحد دلوقتى محققتهاش ؟


انا اهم امنيه عندى بجد ونفسى احققها انى ازور قبر الرسول صلى الله عليه وسلم ياه بتخيل نفسى كل يوم امامه بجد هى الامنيه الاغلى والاهم عندى وبعدها امنيه انى اسافر خارج مصر وربنا يحققها ليا


2-عضو بتحب تقراله ؟


فى اعضاء كتير بحب اقرأ لهم لكن اكتر عضو محبب الى قلبى بمواضيعه الاستاذ سيد ابراهيم احب اشوف ايه الجديد عنده وبتابعه دائما حتى لو ما رديت لكن اسلوبه وبساطته فى المواضيع والردود بتعجبنى جدا


3-ليه اخترت ابناء مصر وايه الى شدك ليه ؟

والله دا من حسن حظنى انى اشتركت فى منتدى ابناء مصر واللى شدنى له حاجات كتير جدا اهمها الحب والاحترام بين كل اعضائه ودى صعب ونادر نلاقيه كتير



4-مين من الاعضاء تنسب ليهم الصفات ديه(طيب-مخلص-شقي-ذكي-رومانسي-اجتماعي-صارم-دماغه ناشفه-محبوب-مواضيعه تحفه)


والله هو فى كتير قوى ممكن اقول عليهم الصفات دى
طيب : احمد ناصر _ حسام عمر _ هشام نصار _ عصام كابو _ ماما زوزو
مخلص : احمد ناصر
شقى : زيزو _ ظابط شرطه
ذكى : عبده باشا
رومانسى : ملك روحى _ لورد كازا
اجتماعى : نوسه
صارم : الصاعق
دماغه ناشفه : دكتور جمال الشربينى
محبوب : فى كتير لكن من خلال ماشوفته مافيش غير اخى الحبيب احمد ناصر
مواضيعه تحفه: كل اعضاء منتدى ابناء مصر الكرام


5-تتمني ايه لمنتدي ابناء مصر؟

يارب فى تقدم وتوفق على طول واتمنى يكون ترتيبه الاول فى كل المواقع وربنا يعلم حبى للموقع دا قد ايه


6- محمود امتى يبتسم ابتسامه امل ومتى يصاب باحباط ؟

والله اى شئ من عند الله خير ويرضينى ولو كان قليل
اما الاحباط فموجود طبيعى :uff: لكن ربنا كبير


7- رساله حب تبعتها لمين وتقول فيها ايه ؟

ارسلها لاهلى ابى وامى واخواتى اقولهم ربنا يخليكم ليا وما يحرمنى منكم ابدا :f:


8- رساله اعتذار تبعتها لمين وتقول فيها ايه ؟

لكل انسان اخطأت فيه لكن الحمدلله تعود على عدم الخطأ فى احد ابدا وربنا مايجيب زعل بينى وبين اى انسان


كفايه كده عليك ولى عوده باذن الله


تنور يازيزو فى اى وقت بس ابقى قولى هترجع امتى علشان ابعت لابن البلد يقفل الموضوع عليك ههههههههههههههه
الف شكر يا باشا على اهتمامك واسئلتك الجميله :f2:

[محمود زايد]

مشاركه مكررة

[ميمة اسلام]

اهلا اهلا
نورت يا محمود الكرسي
واحب اسجل اعجابي في البداية بشخصياتك
لاني ملحظة ردودك قد اية فية تركيز ومجاملات وهدوء
بصراحة شخصية مميزة جدا جدا
اما بقي الاسئلة
انت كدة محتاج تحضير
اخلص التسليم وارجع اسال براحتي
بس حبيت اسجل ترحيب بوجودك
في امان الله

[قلب مصر]

اهلا بيك يا أستاذ محمود
الكرسى زاد نور بوجودك الجميل
انا جيت اسلم
ومتابعة الموضوع الأخوة الأعضاء ما شاء الله مش سايبين حاجة الواحد يسألها
اهلا بيك

[الوطواط الفدائى]

مع السلامو عليكو
ازيك يا حودا يا أهلاوى يا حبيبى
نورت الكرسى يا باشا

أنا الصراحة مش بأعرف أسأل
لكن بأحب أدخل أقرأ و أتعرف ع الناس و الشخصيات الملفتة زى حضرتك كدا
و آدينى معاك للآخر أهو أقرأ ردودك و أتعرف عليك أكتر
ربنا يعينك يا باشا و يقويك و تفضفض أحلى فضفضة
و بلاش الاجابات المختصرة
خلليك كدا " راديو " .. عايزين نعرفك أكتر يا لورد
أحلى سلام و تحيه
أبو الوطاويط

[محمود زايد]

اهلا اهلا
نورت يا محمود الكرسي
واحب اسجل اعجابي في البداية بشخصياتك
لاني ملحظة ردودك قد اية فية تركيز ومجاملات وهدوء
بصراحة شخصية مميزة جدا جدا
اما بقي الاسئلة
انت كدة محتاج تحضير
اخلص التسليم وارجع اسال براحتي
بس حبيت اسجل ترحيب بوجودك
في امان الله


اهلا بيكى ياميمه النور نورك والله
وربنا يكرمك على كلامك الجميل بحقى واتمنى اكون عند حسن ظن الجميع
الموضوع اتشرف بيكى ومنتظر حضورك فى اى وقت واسالى زى ماتحبى
تحياتى لكى :f2:

[محمود زايد]

اهلا بيك يا أستاذ محمود
الكرسى زاد نور بوجودك الجميل
انا جيت اسلم
ومتابعة الموضوع الأخوة الأعضاء ما شاء الله مش سايبين حاجة الواحد يسألها
اهلا بيك

اهلا بيكى يا ام يوسف
تسلمى على كلامك الاجمل
تنورى فى اى وقت واحب اسجل اعجابى بمواضيعك المتميزة حضرتك اضافه كبيرة للمنتدى
تحياتى لكى :f2:

[محمود زايد]

مع السلامو عليكو
ازيك يا حودا يا أهلاوى يا حبيبى
نورت الكرسى يا باشا

أنا الصراحة مش بأعرف أسأل
لكن بأحب أدخل أقرأ و أتعرف ع الناس و الشخصيات الملفتة زى حضرتك كدا
و آدينى معاك للآخر أهو أقرأ ردودك و أتعرف عليك أكتر
ربنا يعينك يا باشا و يقويك و تفضفض أحلى فضفضة
و بلاش الاجابات المختصرة
خلليك كدا " راديو " .. عايزين نعرفك أكتر يا لورد
أحلى سلام و تحيه
أبو الوطاويط



ومع عليكوا السلام
الحمدلله يا وطواط يا زملكاوى ياحبيبى والنور نورك ياجميل
مش ناوى تغير وتبقى اهلاوى اسمع الكلام علشان صحتك ;) :p
يااحمد مجرد وجودك فى الموضوع وكتابه اى رد تشريف ليا والموضوع ينور بيك
وادينى برد على قد ما اقدر يا نجم
شكرا ياباشا على تشريفك ومرورك الاجمل
تحياتى لك :f2:

[Hesham Nassar]

أنا لقيت محمود زايد في الموضوع رحت داخل من غير ما افكر ..http://www.egyptsons.com/misr/images/smilies/050103big_prv.gif

ازيك يا باشا و ازي احوال اتمنى تكون بخير دايماً .http://haridy.com/ib/images/smilies/give_rose.gif

أنا معدي بس و ربنا يسهل أول ما احضر اسئله هاجي أوام ..

انت من الناس اللي بعزهم و بحترمهم بجد في المنتدى ..
خصوصاً و انك خدمه اجتماعيه يعني زُمُل .http://www.egyptsons.com/misr/images/smilies/old/thumbsup.gif

تحياتي يا باشا .

[badry_1986]

ازيك يا حودا
الاول احب اشكر ام احمد على استضافتك على الكرسي
ثانيا بقى ندخل فى الاسئله (جاهز؟؟؟)
هدفك وحلمك ايه ؟؟؟؟؟؟
طبع تتمنى يكون فيك بس للاسف مش فيك ؟؟؟؟
شئ نفسك تتعلمه فى الايام الجايه؟؟؟
عضو بتفرح لما بتلقيه موجود فى مواضيعك ؟؟؟؟
ايه اكتر حاجه بتفرحك؟؟ وايه اكتر حاجه بتزعلك ؟؟؟
ايه العمل اللى بتحرص انك تعمله يوميا ؟؟؟
كفايه كده لتحدفنى بحاجه *7*

[amr emam]

ازيك يا محمود اخبارك ايه ياباشا

ودلوقتى حان وقت الاسئله الفتاكه


كلنا نعرف من هو محمود زايد داخل المنتدى

عضو كريم وصديق واخ عزيز جدا محبوب

ومعروف بارائه وكتاباته الرياضيه

والسؤال

من هو محمود زايد خارج ابناء مصر


المنتديات هى عباره عن تواصل فكرى بين الاعضاء وتبادل الخبرات

واكتساب علاقات جديده وايضا تنمى عند الفرد ملكه ابداء الراى

والسؤال هو

هل انت مشترك فى منتدى اخر غير ابناء ومصر

ولو الاجابه نعم ما الفرق بينه وبين ابناء مصر

ماذا استفدت من ابناء مصر

ما وجهه نظرك لمستقبل ابناء مصر

عضو تتمنى مقابلته من المنتدى ... من هو ؟

عضو تعجبك ارائه وافكاره وتتابع كتاباته ... من هو ؟


الصداقات من اجمل العلاقات الانسانيه وامن اهم الروابط اللتى تجمع البشر

فى رحله الحياه الكبيره

والسؤال هو

رجلان فى حياتك ... من هما ؟

امراتان فى حياتك .. من هما ؟

طفلان فى حياتك .... من هما ؟

كفايه عليك كده بس ممكن ارجع تانى باسئله صواريخ ارض ارض .......

تحياتى محمود

عمرو امام

[رانيا عمر]

الاخ محمود زايد
اهلا بيك علي كرسي التعارف
و يمكن انا متشرفتش بحضرتك قبل كده
و ده هيكون سؤالي
ممكن اعرف مين هو محمود زايد .. نبذة مختصرة عنك ؟
مع الشكر و نورت كرسي الاعتراف قصدي التعارف

[محمود زايد]

أنا لقيت محمود زايد في الموضوع رحت داخل من غير ما افكر ..http://www.egyptsons.com/misr/images/smilies/050103big_prv.gif

ازيك يا باشا و ازي احوال اتمنى تكون بخير دايماً .http://haridy.com/ib/images/smilies/give_rose.gif

أنا معدي بس و ربنا يسهل أول ما احضر اسئله هاجي أوام ..

انت من الناس اللي بعزهم و بحترمهم بجد في المنتدى ..
خصوصاً و انك خدمه اجتماعيه يعني زُمُل .http://www.egyptsons.com/misr/images/smilies/old/thumbsup.gif

تحياتي يا باشا .





اهلا اهلا بهشام باشا
انا بخير الحمدلله تسلم على سؤالك
وربنا يعلم انت معزتك فى قلبى قد ايه وشرفنى انى اتعرف عليك من خلال المنتدى :good:
تنورنى فى اى وقت يازمل :y:
تحياتى :f: :f:

[محمود زايد]

ازيك يا حودا
الاول احب اشكر ام احمد على استضافتك على الكرسي
ثانيا بقى ندخل فى الاسئله (جاهز؟؟؟)


اهلا ياحودة
الحمدلله انا بخير وانت اخبارك ايه
وشكرا على كلامك :y:
وانا جاهز



هدفك وحلمك ايه ؟؟؟؟؟؟


انا ليا اهداف واحلام كتيرة جدا لكن اهم هدف بحاول احققه هو السفر والهجرة خارج مصر انا جربت المحاوله اكتر من مرة لكن ربنا ما وفقنى فى المرات الماضيه واتمنى من الله الوقوف بجنبى لتحقيق الهدف ده وايضا هدفى الثانى وحلمى الذى اتمناه هو زيارة قبر الرسول صلى الله عليه وسلم والصلاه فى مسجده امنيه وحلم ادعوا من الله كل يوم لتحقيقها


طبع تتمنى يكون فيك بس للاسف مش فيك ؟؟؟؟

طبع واحد كنت اتمنى وجوده فيا وهو سرعه اتخاذ القرار وعدم التفكير طويلا والتردد فى اى وقت حتى لو كان الامر بسيط باخد وقت فى التفكير فيه وده انا شايفه مش صح واتمنى انى اقدر اغيره


شئ نفسك تتعلمه فى الايام الجايه؟؟؟

كتير جدا لكن انا نفسى اتعلم


عضو بتفرح لما بتلقيه موجود فى مواضيعك ؟؟؟؟

والله كل اعضاء المنتدى بافرح لما بشوف اى حد فيهم فى موضوعى لكن بالاخص كل مجموعه قاعه الرياضه وايضا ملك روحى والاستاذ سيد ابراهيم والمفكر


ايه اكتر حاجه بتفرحك؟؟ وايه اكتر حاجه بتزعلك ؟؟؟


اكتر حاجه بتفرحنى انى اشوف والدى ووالدتى راضين عنى دائما
اكتر حاجه بتزعلنى الغرور والتكبر على اى انسان مهما كان وضعه ونكران الجميل من الناس


ايه العمل اللى بتحرص انك تعمله يوميا ؟؟؟


صلاة الضحى


كفايه كده لتحدفنى بحاجه *7*

ما اقدرش ياجميل كفايه تشريفك ليا واسئلتك الجميله
وانا شاكر لك تواجدك
تحياتى لك وربنا يوفقك دائما :f: :f:

[محمود زايد]

ازيك يا محمود اخبارك ايه ياباشا
ودلوقتى حان وقت الاسئله الفتاكه


الحمدلله ياعمرو اهلا بيك وباسئلتك ياباشا

كلنا نعرف من هو محمود زايد داخل المنتدى
عضو كريم وصديق واخ عزيز جدا محبوب
ومعروف بارائه وكتاباته الرياضيه
والسؤال
من هو محمود زايد خارج ابناء مصر

محمود زايد مختلف نهائى عن منتدى ابناء مصر والنت بصفه عامه انا اخد حريتى اكتر على النت فى المنتدى بضحك واهزر واتكلم كتير عكس الواقع انا اغلب الوقت ساكت وقليل الكلام واحب الهدوء جدا
لكن احب انى اكون متواجد مع الناس حتى لو كنت مش بتكلم المهم اشعر ان فى اشخاص احس بتوجدهم بجانبى يعنى باختصار شخصيتى مختلفه عن شخصيتى فى المنتدى نهائى :sorry:


المنتديات هى عباره عن تواصل فكرى بين الاعضاء وتبادل الخبرات
واكتساب علاقات جديده وايضا تنمى عند الفرد ملكه ابداء الراى
والسؤال هو
هل انت مشترك فى منتدى اخر غير ابناء ومصر
ولو الاجابه نعم ما الفرق بينه وبين ابناء مصر

نعم مشترك فى منتديات اخرى كثيرة والحقيقه انا من خلال مشاركتى فى المنتديات الكثيرة دى اتعلمت حاجات كتيره واكتسبت معلومات جديدة عنى وزاد دائرة معرفتى والحقيقه انا المنتدى الوحيد اللى تابعت فيه واشركت فيه بكثرة واتفاعلت مع اعضائه هو منتدى ابناء مصر لشعورى بالارتياح تجاه اعضائه للترابط الشديد بين الجميع وايضا الاحترام والود والمحبه التى شعرت بها هنا كمان هناك تفاعل بين الاعضاء فى المواضيع والمناقشات على مستوى عالى اوقات بدخل المواضيع اتعلم فقط كيف يكون الرد وكيف يكون تنسيق الموضوع وكتابته هنا ممكن تلاقى اساتذة نتعلم منهم ربنا يخليهم لنا
وده الفرق بينه وبين المنتديات الاخرى اللى اشتركت فيه

ماذا استفدت من ابناء مصر

هنا فى ابناء مصر ممكن نستفاد من حاجات كتير واولها الصداقه الحقيقيه والاخلاص فى التعامل بين الناس هنا بحس الناش على طبيعتهم الكلام بتلقائيه الفكرة ممكن تيجى لاى عضو تصير موضوع يتم مناقشته يعنى الطبيعه وعدم التكلف فى الكلام والحديث دى اكتر حاجه استفدت منها

ما وجهه نظرك لمستقبل ابناء مصر

اعتقد ان المنتدى الان فى احسن حالاته ومع اهتمام الاعضاء به هيتقدم اكثر من الان

عضو تتمنى مقابلته من المنتدى ... من هو ؟

والله اعضاء كثيرة جدا جدا وما اقدرش احصرهم انا نفسى اقابل كل عضو و اتكلم معاهم واتعرف عليهم عن قرب

عضو تعجبك ارائه وافكاره وتتابع كتاباته ... من هو ؟

الاستاذ سيد ابراهيم تعجبنى موضوعاته فى قاعه فى حب الله فيها شرح وتوضيح لكل شئ ومش بيترك حاجه الا ما يوضحها
ايضا هناك الاستاذ فاضل طريقه عرضه للموضوع متميزة جدا
وفى غيرهم الكثير مثل الصاعق وعبده باشا واحمد ناصر وهشام نصار
الصداقات من اجمل العلاقات الانسانيه وامن اهم الروابط اللتى تجمع البشر
فى رحله الحياه الكبيره
والسؤال هو
رجلان فى حياتك ... من هما ؟

هما مش اثنين يمكن 3 واولهم
والدى العزيز
وزوج خالتى الله يرحمه
الحقيقه الاثنين دول احب الناس الى قلبى واتعلمت منهم يعنى ايه الطيبه والشهامه والوقوف بجانب اى انسان مهما كان
والرجل الثالث اللى اتمنى ان اكون ولو جزء بسيط منه سيدنا عمر بن الخطاب رضى الله عنه يالله كم احب هذا الراجل انا قرأت سيرته اكثر من مائه مرة وكل مرة يزداد اعجابى به وحبه فى قلبى وبحاول اتعلم منه ومن سيرته العطره بجد شخصيه فريدة وليس لها مثيل ربنا يجمعنا معه

امراتان فى حياتك .. من هما ؟


والدتى سر الحنان والعطاء بلاحدود لو فضلت اشكرها طول عمرى مش هقدر اوفى ولو جزء بسيط من فضلها على ربنا يخليها
وايضا جدتى ام والدتى هى الاخرى لها فضل كبير على وافتقدها الان رحمها الله


طفلان فى حياتك .... من هما ؟

الحقيقه الان لايوجد لكن كان اخى الاصغر عندما كان صغير واعتبر انا اللى ربيته فى وقت غياب والدى فى السفر وهو الاقرب الى قلبى



كفايه عليك كده بس ممكن ارجع تانى باسئله صواريخ ارض ارض .......

تحياتى محمود

عمرو امام

انا اللى بشكرك ياعمرو على اسئلتك الجميله وتواجدك الرائع ويارب نتقابل على خير لانى يشرفنى اتعرف على شخصيه محترمه زيك :f2: :f2: :f2:

[ديدي]

اهلا بيك يا محمود منور الكرسى
انا هاسأل على طول ربنا يعينك على الاسئلة وعلى القاعدة دى
ايه اكتر صفة مش بتحبها فى محمود ونفسك انه يقدر يغيرها؟
امنيه تحمد الله على انها لم تتحقق ؟
تقبل تحياتى وتقديرى

[محمود زايد]

الاخ محمود زايد
اهلا بيك علي كرسي التعارف
و يمكن انا متشرفتش بحضرتك قبل كده
و ده هيكون سؤالي
ممكن اعرف مين هو محمود زايد .. نبذة مختصرة عنك ؟
مع الشكر و نورت كرسي الاعتراف قصدي التعارف

اهلا بيك اختى رانيا
انا يشرفنى اتعرف عليك وشاكر لكى وجودك فى موضوعى
انا اسمى محمود عبد العليم عبد الغفار ولقب زايد ده لقب عائلتى
من محافظه الدقهليه مدينه بلقاس وعندى 26 سنه
ومعى بكالوريوس خدمه اجتماعيه دفعه 2000 واعمل اخصائى اجتماعى
يمكن انا شخصيتى الحقيقيه مختلفه تماما عن شخصيتى فى المنتدى انا بعتبر نفسى باشتراك فى منتدى ابناء مصر اخد حريه اكبر فى التعبير عن نفسى وراحه اكتر والكلام هنا مش بيخلص عكس اغلب الاوقات فى حياتى الطبيعيه اكون قليل الكلام واحب الهدوء جدا كمان هنا بكون سعيد بالتعرف على كل الاعضاء يمكن انا ماليش اصحاب كتيره عكس المنتدى هنا من خلال تعرفى على الكثير من الاصدقاء وانا بعتبر نفسى محظوظ
حياتى العمليه مقسمه بين الشغل والانترنت اللى بقضى عليه اغلب الاوقات وبعتبره من افضل الاختراعات اللى حدتث لانه بسبب ازادات دائرة معرفتى بكل شئ واكتاسب خبرات جديدة بتاسعدنى على التعامل مع الناس بحكم طبيعه عملى
اما عن صفاتى مش هقدر اشكر فى نفسى لكن هناك صفات بعتز بها جدا وحمدت ربى انها موجوده فيا مثل الهدوء وعدم الانفعال والغضب والطيبه وعدم التكبر على اى انسان وفى عيوب اتمنى انى اتخلص منها مثل التردد والقلق الى بيسيطر على عند حدوث اى امر او قرار
وكده كفايه :1:
مرة ثانيه شاكر مرورك ووجودك الاجمل
تحياتى لكى :f: :f:

[عمرو صالح]

اهلا يا محمود :4:

مش عارف اقولك مبروك ولا الله يكون في عونك:2:

سؤالي ومش عارف اذا كنت اتسألته قبل كده ولا لأ

هل انت محمود زايد اللي بتتمناه ولا لأ ؟

هل كان ليك حلم وحققته فعلاً ؟

كفايه عليك كده
الله يكون في عونك

[bedo_ic]

الاسئلة كتير بس مش عارف اقولك ايه
طيب سؤال صغير ممكن .... اجمل الاوقات اللى بتوصل فيها لقمة السعادة ؟؟؟
بس كفاية كده

[محمود زايد]

اهلا بيك يا محمود منور الكرسى
انا هاسأل على طول ربنا يعينك على الاسئلة وعلى القاعدة دى
ايه اكتر صفة مش بتحبها فى محمود ونفسك انه يقدر يغيرها؟
امنيه تحمد الله على انها لم تتحقق ؟
تقبل تحياتى وتقديرى

اهلا بيكى ياديدى النور نورك
وربنا يعينا جميعا
اكتر صفه مش بحبها فى نفسى هى التردد سواء فى عمل شئ او التفكير فى امر واتمنى انى اتخلص منه لانه بينعكس على ويسبب ليا قلق كبير فى كل امر بعمله

هى مش امنيه هو كان مشروع سفر وكان لدوله عربيه والحمدلله انه ماتم لان بعدها حصلت مشاكل وقلق فى الدوله دى وكان ده يمكن افضل قرار اخذته انى ما سافرت وحمدت ربنا كتير على فضله

شكرا ليكى ياديدى على وجودك الجميل
تحياتى لكى :f2:

[Hesham Nassar]

الأخ الحبيب محمود زايد ..

هسألك كام سؤال كده عشان أخفف :

إيه هي أجمل مرحله عمريه عشتها في حياتك "الطفوله -المراهقه - الشباب" ؟

نظرتك إيه في المستقبل لمهنة الخدمه الاجتماعيه في مصر هل هتكون مزدهره و للا .... زي ماهي و للا أسوأ مما هي عليه ؟

تخصصك الحالي إيه كأخصائي اجتماعي ؟

تنصحني بأيه لأني بفكر أشتغل في المهنه فأنهو تخصص أبتدي فيه أو أحطه في بالي" مدرسي وللا مسنين و للا معاقين و للا طفوله ...
و للا دفاع اجتماعي .http://www.egyptsons.com/misr/images/smilies/080402cool_prv.gif
و للا حاجه تانيه غير ما سبق .http://www.egyptsons.com/misr/images/smilies/old/rolleyes.gif
كده حلو أوي .. و ميت فل

و ربنا ميحرمناش منك يا زميلي العزيز ..http://www.egyptsons.com/misr/images/smilies/050103hrm_prv.gif
http://www.w6w.net/album/30/thumbs/w6w_20050520110447a1d82138.gif

[مظلوووم]

حووووووووووده مزنوووووووق
هههههههههههههههههههههههههههههههه
اهلا وسهلا بيك يا جميل على كرسى التعارف
وحقيقى من الشخصيات اللذيذه والمحترمه فى المنتدى *8*
وانا شايف البشوات قالوا ووفوا ;)
بس انا برضوا مش هاسكت ههههههههه :d
وحان وقت الاسئله *9*

ما تخافش مش هاجيب اسئله صعبه ولا برا المقرر
ايه اصعب سؤال اتسال ليك وانت على الكرسى ؟
ايه السؤال اللى كنت متوقع تتسال فيه وما اتسالتش ؟
سؤال ضحكك ولو ان الاسئله ما بتضحك
سؤال لا تتوقعه من عضو معين واتسال لك
يالا جاوب كفايه عليك كدا :d
واتمنى لك اقامه سعيده يا باشا *3*
اخووووووك
الشترى

[محمود زايد]

اهلا يا محمود :4:
مش عارف اقولك مبروك ولا الله يكون في عونك:2:

اهلا بك ياعمور ياسيدى كلنا لها :1:


سؤالي ومش عارف اذا كنت اتسألته قبل كده ولا لأ
هل انت محمود زايد اللي بتتمناه ولا لأ ؟


الحمدلله انا لا اتمنى انى اكون شخصيه اخرى غير محمود زايد الحالى بكل مميزاته وعيوبه وصفاته
لم اتمنى انى اكون فى يوم من الايام شخصيه اخرى ممكن يكون ليا قدوة ومثل اعلى احاول ان اصل له واتعلم منه دائما لكن تبقى شخصيتى كما هى بدون تغيير


هل كان ليك حلم وحققته فعلاً ؟


لا لسه احلامى كثيرة ولم يتحقق منها شئ حتى الان :uff:
اتمنى تحقيقها فى يوم ما


كفايه عليك كده
الله يكون في عونك



ربنا يكرمك ياعمرو وشكر على تواجدك الكريم :f:

[محمود زايد]

الاسئلة كتير بس مش عارف اقولك ايه
طيب سؤال صغير ممكن .... اجمل الاوقات اللى بتوصل فيها لقمة السعادة ؟؟؟
بس كفاية كده

اهلابيك ياباشا منورنى :smart:
واسال زى ماتحب :y:

والله اجمل اوقاتى اللى بكون فيها اسعد انسان بدون تزويق او مجامله اما بكون مع اهلى وكلنا مبسوطين وسعداء وخصوصا والدى ووالدتى لما احس انهم راضيين عنى وبيدعوا ليا وقتها بكون فى قمه السعادة ولا تساويها اى لحظة سعاده اخرى مهما كانت

شكرا لك ياباشا على تواجدك الجميل :f:

[نوسة]

محمود زايد منورنا على الكرسى

مرحب بيك يا محمود يا اهلاوى يا حديد

الحقيقة يا محمود انا كل ما اجهز سؤال ادخل الاقية موجود والحقيقة واضح حب الاعضاء ليك جدا

وربنا يحبب فيك خلقة كمان وكمان

انا عارفة الكرسى متعب جدا والله يعينك علية

وحضورى لآحيك وبجد اتعرفت من خلال الردود على محمود زايد الشخصية الجميلة

وبشكر فعلا ام احمد وبوكى على الموضوع لاننا بنتعرف فية على بعض اكتر

اسفة على التاخير

عميق تحياتى وامتنانى اليك

[حسام عمر]

باااااااااااااااااااااااااااااااااه

دنا نفسي في الموضوع ده من زمااااااااااااااااااااااان


اخيرا ً


وعشان علاقه الود الماسنجريه اللي بينا

انا حسألك حوالي 50 سؤال

وكل مره بسؤال

لماذا لا يشارك اخاك مدحت معنا


وراجع تاني

يا حوده

[حسام عمر]

السؤال التاني

ليه لما انطلب منك انك تيجي مقابله مع اعضاء المنتدى

( نفضت )


السؤال الثالث


هل اسمك محمود زايد في كل المنتديات

فاصل قصير

ونعود مجددا ً

[بنت مصر]

أهلا بيك وسهلا أخي محمود على كرسي التعارف

وكالعادة باوصل متأخرة
سؤالي التقليدي الاول هو
عرفت طريق المنتدى ازاي؟؟

سؤالي التاني وارجو اني مكونش بأثقل عليك
ايه اكتر شيء بتحبه في أبناء مصر وايه أكتر شيء بتكرهه فيه

سؤالي التالت
أحب شخصية الي قلبك في المنتدى
شخصية تعرفت عليها في المنتدى وأصبحت صديقة لك خارج المنتدى
عضو في المنتدى تتمنى لقائه خارج المنتدى

سؤالي الرابع والاخير
حدث كان له أثر كبير في تغيير شخصيتك أو نقول مسارك

تمنياتي لك بكل التوفيق

بسنت

[محمود زايد]

الأخ الحبيب محمود زايد ..
هسألك كام سؤال كده عشان أخفف :
إيه هي أجمل مرحله عمريه عشتها في حياتك "الطفوله -المراهقه - الشباب" ؟

اهلا بعودتك اخى العزيز هشام
والله ياباشا لو اختارت مش هيكون غير فترةالطفوله لانى بجد اتمتعت جدا جدا فيها وبتحمل فى نفسى ذكريات رائعه بمعنى الكلمه انت عارف انا اوقات بتمنى انى ارجع طفل تانى وافتكر حاجات كانت بتحصل وانا صغير مع اصحابى فى الشارع والمدرسه ومع اهلى وبخصوص جدتى ام والدتى الايام دى لو عرضوا على اى شئ فى مقابل انها ترجع مش هتردد لحظة واقبل انى ارجع طفل تانى
فى المدرسه رغم عدم حبى للدراسه :rolleyes: لكن فى فترة الابتدائى والاعدادى عشت فيها اجمل ذكريات وقضيت وقت ممتع مع اصحابى هناك ولغايه الان انا متذكر جزء كبير منهم لانهم اثروا فيا بشكل كبير وللان اتذكر احداث ومواقف جميله معاهم رغم انى كنت طفل هادى مش شقى لكن كنت ببقى سعيد معاهم
وفى الشارع والمنطقه اللى اسكن فيها كانت اجمل واحلى ذكرياتى مع اصدقائنا هنا كنا مش بنفترق ابدا على طول فى اى مكان مع بعض لعب وهزار وفسح والميزة اللى كانت موجوده اننا كنا كتير جدا
ومع اهلى وبخصوص جدتى ام والدتى الله يرحمها كنت اتمنى انى اقضى معها حياتى كلها كل الذكريات اللى معها جميله لانه كانت بتحبنى جدا اكتر من اى انسان وكنت اتمنى وجودها للان الله يرحمها


نظرتك إيه في المستقبل لمهنة الخدمه الاجتماعيه في مصر هل هتكون مزدهره و للا .... زي ماهي و للا أسوأ مما هي عليه ؟


رغم قدم مهنه الخدمه الاجتماعيه فى مصر والعالم وبتعتبر من اهم المهن ودى من خلال وجهه نظرى لكن مافيش اهتمام بها الى الان بالشكل الكافى لعدم وجود الدعم لها ونظرة بعض الناس لها وايضا لعدم تحديد تخصصات فيها الى الان رغم تعدد الاختصاصات فى مجال الخدمة الاجتماعيه وانا اتوقع بقائها كما هى لا زيادة فى السوء ولا تحسن فى الاداء مجرد وجودها نعمه ;)


تخصصك الحالي إيه كأخصائي اجتماعي ؟

والله من خلال عملى فى المدارس الخاصه كنت اعمل اخصائى اجتماعى شامل يعنى كله ومسئول عن كل مايخص المدرسه وعمل الاخصائى فيها من رحلات واعداد تقارير عن الحالات الخاصه ومساعدة الطلاب
وتوزيع التبرعات التى تأتى للمدرسه وهناك اعمال كتابيه اخرى بتدخل فى تخصص الاخصائى الاجتماعى كالنشاط الاجتماعى والانسانى للطلاب فى المدرسه


تنصحني بأيه لأني بفكر أشتغل في المهنه فأنهو تخصص أبتدي فيه أو أحطه في بالي" مدرسي وللا مسنين و للا معاقين و للا طفوله ...
و للا دفاع اجتماعي .http://www.egyptsons.com/misr/images/smilies/080402cool_prv.gif
و للا حاجه تانيه غير ما سبق .http://www.egyptsons.com/misr/images/smilies/old/rolleyes.gif


الافضل هو مجال التدريس لانه الاريح والافضل فى التعامل التخصصات الاخرى لم اختبرها لكى اتعرف عليها لكن اعتقد ان مجال التدريس وما اخبى عليك انا كان جاى لى سفريه اخصائى اجتماعى لكن لما عرفت طبيعه العمل وكانت مع المعاقين تاكدت من صعوبه العمل فى التخصص ده بالذات عن غيره لانك هتكون مسئول مسئوليه كامله عنهم ;)
العمل فى المدرسه كأخصائى هو الافضل والاحسن حسب وجهه نظرى :007:


كده حلو أوي .. و ميت فل
و ربنا ميحرمناش منك يا زميلي العزيز ..http://www.egyptsons.com/misr/images/smilies/050103hrm_prv.gif
http://www.w6w.net/album/30/thumbs/w6w_20050520110447a1d82138.gif






ربنا يكرمك ياباشا انا اللى سعيد بمرورك الجميل واسئلتك الاجمل واتمنى من الله انه يوفقك دايما فى حياتك وشغلك :f2: :f2:

[محمود زايد]

حووووووووووده مزنوووووووق
هههههههههههههههههههههههههههههههه
اهلا وسهلا بيك يا جميل على كرسى التعارف
وحقيقى من الشخصيات اللذيذه والمحترمه فى المنتدى *8*
وانا شايف البشوات قالوا ووفوا ;)
بس انا برضوا مش هاسكت ههههههههه :d
وحان وقت الاسئله *9*
ما تخافش مش هاجيب اسئله صعبه ولا برا المقرر


اهلا اهلا بالباشا الكبير حبيب الكل
تسلم ياباشا على كلامك الجميل والله وانت كمان من الشخصيات اللى بعتز بها
وواسال زى ماتحب ياباشا كلنا لها بقى :king:



ايه اصعب سؤال اتسال ليك وانت على الكرسى ؟


اصعب سؤال كان سؤال الاخت العزيزة رانيا عمر لما طلبت نبذه نختصره عنى لانى الحقيقه مش بعرف اتكلم عن نفسى والحقيقه فضلت افكر فى اجابه السؤال واجمعها علشان اقدر اجاوب واكتب الرد واخذ منى وقت طويل لان صعب جدا الانسان يعبر او يحكى عن نفسه من وجهه نظرى لكن قدرت الحمدلله اجاوب لكن بعد مدة


ايه السؤال اللى كنت متوقع تتسال فيه وما اتسالتش ؟

هو سؤال معتاد توقعته انى اتسال فيه لكن ماتم وهو
هل قابلت اى عضو من اعضاء المنتدى اما لا ؟


سؤال ضحكك ولو ان الاسئله ما بتضحك


هو فيه سؤال لحسام عمر لما شوفته ضحكت عليه وانا لسه ما جاوبت عليه وشكله ناويلى ماهو مصدق بقى وانتهزها فرصه :rolleyes:


سؤال لا تتوقعه من عضو معين واتسال لك


هو سؤال من عمروصالح وهو السؤال الاول له لان السؤال ده دائما اساله لاى عضو من الاخوة الكرام لما يكون على كرسى التعارف لكن بصيغه مختلفه ويمكن فكرت ما اتساله لكن لقيت عمرو كاتبه والحقيقه كنت سعيد به جدا :king:



يالا جاوب كفايه عليك كدا :d
واتمنى لك اقامه سعيده يا باشا *3*
اخووووووك
الشترى


شاكر لك تواجدك الجميل يامحمد باشا وربنا يوفقك ان شاء الله دائما :f2:

[ميمو المصرى]

بسم الله الرحمن الرحيم
انا جديد معاكم ومش عارف يا ترى اقدر اطرح اسئله ولا لا
بس انا ونصيبى بقى واسف لو كان ده تدخل منى يعنى

ايه اكتر موقف حصلك خلاك تحس بالاحراج ؟؟
ايه موقفك الصريح تجاه ربنا سبحانه وتعالى؟؟
اقصد يعنى بتقوم بالواجب المفروض عليك كاملا تجاه الله----

السلام ختام

[حسام عمر]

السؤال هو ده الرابع ولا الخامس

مش فاكر

مش اشكال

هل قابلت اى عضو من اعضاء المنتدى اما لا ؟

[amr emam]

ورجعنا تانى

صباح الخير يا حوده

منور الكرسى يا زعيم

حان وقت الاسئله الفتاكه


نعم مشترك فى منتديات اخرى كثيرة

طب اسمك فى المنتديات هل هو محمود زايد برضه

ولا فى كل منتدى مشترك باسم مختلف ولو الاجابه نعم ممكن تشرح السبب ؟؟


السؤال التانى

هل تمنيت ان تكون لاعب مشهور فى النادى الاهلى ؟ :no3:

ولو الاجابه نعم هل لو عرض عليك عرض من نادى الزمالك تقبله ؟:nooo:

السؤال الثالث

ايه القرار اللى اخذته وندمت عليه ؟

حدث سعيد فى حياتك واخر حزين ويارب مايكونش فيه

تحياتى محمود

واشكرك على سعه صدرك وعلى صراحتك الجميله اللى قدرنا من خلالها نتعرف

على شخصيتك الجميله

دمت لى اخ وصديقا غاليا .....:love: ...

ولى عوده بسؤال قنبله :nooo: :uff: :uff: ...........

عمرو امام

[حسام عمر]

السؤال رقم ولا بلاش ارقام

عشان بنسى


هو انتا مبتردش ليه

يمكن الحراره مقطوعه

والله اعلم

[محمود زايد]

محمود زايد منورنا على الكرسى
مرحب بيك يا محمود يا اهلاوى يا حديد
الحقيقة يا محمود انا كل ما اجهز سؤال ادخل الاقية موجود والحقيقة واضح حب الاعضاء ليك جدا
وربنا يحبب فيك خلقة كمان وكمان
انا عارفة الكرسى متعب جدا والله يعينك علية
وحضورى لآحيك وبجد اتعرفت من خلال الردود على محمود زايد الشخصية الجميلة
وبشكر فعلا ام احمد وبوكى على الموضوع لاننا بنتعرف فية على بعض اكتر
اسفة على التاخير
عميق تحياتى وامتنانى اليك


اهلا اهلا يانوسه يااهلاويه ياصميمه
بشكرك على كلامك الجميل وربنا يكرمك دائما
ويكفى تواجدك ومرورك الاجمل علشان الموضوع يزيد نور
تحياتى لكى وربنا يوفقك فى حيتك ويارب منورة المنتدى دايما :f: :f:

[a_leader]

السلام عليكم و رحمة الله و بركاته
نورت الكرسى يا محمود
يارب تكون بخير و تحقق كا احلامك
انا جاى اسلم عليك و لى عودة ان شاء الله
:f2: :f2: :f2:

[محمود زايد]

باااااااااااااااااااااااااااااااااه
دنا نفسي في الموضوع ده من زمااااااااااااااااااااااان
اخيرا ً
وعشان علاقه الود الماسنجريه اللي بينا
انا حسألك حوالي 50 سؤال
وكل مره بسؤال
لماذا لا يشارك اخاك مدحت معنا
وراجع تاني
يا حوده


حبيبى ياحسام والله
شكلك شايل فى قلبك علشان اللى حصل من العلاقه الماسنجريه بينا كرهتنى من قبل ما تعرفنى هههههههههه
واسال ياعم براحتك انا معاك
مدحت كان ناوى يشارك فعلا وكنت هعمله اشتراك فى المنتدى لكن رجع قالى لا لانه بيزهق بسرعه ومش واخد على كده الا هناك اصل مافيش خناقات هنا وانت عارف بقى مسمى نفسه حامل درع وسيف المنتدى وصعب ده هنا هههههههه
على العموم مسيره يشارك معانا ان شاء الله
وبراحتك ياباشا تعال وقت ماتحب

[محمود زايد]

السؤال التاني
ليه لما انطلب منك انك تيجي مقابله مع اعضاء المنتدى
( نفضت )
ً

مش بقولك شكلك ناوى تخلص القديم والجديد:xx:
والله ياباشا لا نفضت ولا حاجه بس افتكر انت قولتى امتى ان فيه اجتماع قبلها بيوم بعتلك رساله وانت رديت على وقولتى اتمنى انى اراك غدا واستحاله طبعا انى اعرف ان فيه اجتماع قبلها بيوم اكيد لازم اكون عارف قبلها من فترة علشان اقدر اظبط نفسى واكون مستعد انى اجى الاجتماع انما انا ما اقدرش انفض ياعم حسام لاى حد من المنتدى ولا فاكر انت بقى لما نفضلتى وقولتى انا جاى عندكم المنصورة يوم الجمعه قولتلك هتيجى الساعه كام وعرفنى نظامك ايه علشان اقابلك هناك وتيجى معايا بلقاس انت اللى نفضت وما سالت صح ولا لا ;)


السؤال الثالث
هل اسمك محمود زايد في كل المنتديات
فاصل قصير
ونعود مجددا
ً

لا انا ليا اسماء اخرى بشترك بها فى المنتديات لكن فى الفترة الاخيرة بدأت اشترك بمحمود زايد فى كل المنتديات علشان اقدر افتكر بدل ماكل منتدى باسم يبقى كله موحد

ومستنيك تانى ياحسومة :bye: :f:

[محمود زايد]

أهلا بيك وسهلا أخي محمود على كرسي التعارف
وكالعادة باوصل متأخرة
سؤالي التقليدي الاول هو
عرفت طريق المنتدى ازاي؟؟


اهلا بيكى اختى العزيزة بسنت نورتى الموضوع :hey:
ولامتأخرة ولا حاجه انتى تيجى براحتك خالص يكفى تواجدك الكريم
انا عرفت المنتدى عن طريق محرك البحث جوجل كنت بعمل بحث عن مصر وبعدين فضلت ادور فى الصفحات لغايه ما لفت انتباهى اسم المنتدى دخلت واشتركت فيه ومن وقتها ماخرجت منه ومش ناوى نهائى ان شاء الله لان بجد عشقت المنتدى واحببت كل من فيه


سؤالي التاني وارجو اني مكونش بأثقل عليك
ايه اكتر شيء بتحبه في أبناء مصر وايه أكتر شيء بتكرهه فيه

الترابط والاحترام الموجود فى المنتدى وايضا تميز المنتدى بالنقاشات والمواضيع التى تثرى معرفه اى انسان بجد وبدون مبالغه يوجد هنا اساتذه بنتعلم منهم كل يوم
والله مافيش حاجه تكره فى منتدى ابناء مصر المنتدى يخلى اى انسان يحبه ويتعلق بيه بشكل غريب



سؤالي التالت
أحب شخصية الي قلبك في المنتدى
شخصية تعرفت عليها في المنتدى وأصبحت صديقة لك خارج المنتدى
عضو في المنتدى تتمنى لقائه خارج المنتدى

والله فى ناس كثيرة جدا ويمكن اقربهم لقلبى احمد ناصر وحسام عمر والمفكر
للاسف انا اتعرفت على اعضاء فى المنتدى لكن ماقابلت وولا واحد فيهم واتمنى انى اقدر اتعرف عليهم لانى ده شئ يشرفنى ويسعدنى
كل اعضاءء المنتدى اتمنى مقابلتهم بلا استثناء


سؤالي الرابع والاخير
حدث كان له أثر كبير في تغيير شخصيتك أو نقول مسارك

يمكن مافيش حاجه محددة الان لكن اهم حدث ليا منذ 5 سنوات لما انتظمت مرة اخرى فى الصلاه بعد فترة كنت لا اواظب عليها باستمرار او متقطع فيها وده كان فضل ونعمه من الله بسبب حلم رايته وعاهدت نفسى على عدم قطع الصلاة مرة اخرى واتمنى من الله ان يساعدنى على حفظ الصلاه ويتقبلها منا جميعا


تمنياتي لك بكل التوفيق
بسنت


اشكرك يابسنت على مرورك الكريم والحقيقه سعدت جدا به وباسئلتك الجميله
تحياتى لكى :f2: :f2:

[محمود زايد]

بسم الله الرحمن الرحيم
انا جديد معاكم ومش عارف يا ترى اقدر اطرح اسئله ولا لا
بس انا ونصيبى بقى واسف لو كان ده تدخل منى يعنى


اهلا وسهلا بك معانا ياميمو نورت المنتدى وان شاء الله يعجبك وتقدر تفيده وتستفاد منه بكل جديد
وكلنا هنا اخوات ولاداعى للاسف ومرورك وتواجدك يسعدنا ويشرفنا :y:


ايه اكتر موقف حصلك خلاك تحس بالاحراج ؟؟


والله هو كان موقف انقطاعى عن الصلاة فى فترة ما ده كان اكتر موقف محرج بالنسبه لى تخيل نعم الله سبحانه وتعالى كلها التى لاتعد ولاتحصى مسخره ليا وانا اعصيه وما ااؤدى اهم فرض فى الاسلام وهى الصلاة والمشكله كمان عندى انى انا بأنب ضميرى دائما وبحس بالذنب على اى بسيط خطأ ارتكبه فما بالك بالخطأ الكبير ده اتمنى من الله سبحانه وتعالى ان لايرجع هذه الايام التى انقطعت فيها عن الصلاة


ايه موقفك الصريح تجاه ربنا سبحانه وتعالى؟؟
اقصد يعنى بتقوم بالواجب المفروض عليك كاملا تجاه الله----
السلام ختام


الحمدلله انا بحاول انى اقدر اقوم بواجبى تجاه الله سبحانه وتعالى لكن طبعا مافيش انسان كامل اكيد هناك اخطاء الانسان بيرتكبها بتعمد او عن غير تعمد وانا بحاول انى اقلل من اخطائى على قد ما اقدر وربنا غفور رحيم لكن هناك اساسيات لانستطيع االتهاون فيها كالصلاه والصوم والزكاة وصله الرحم والحمدلله انا بحافظ عليها وبحاول انى ازيد فيها لانها الاساس فى دينا وتعاليمنا وربنا يهدينا جميعا لما فيه الخير دائما

شاكر لك تواجدك ومحاوله التعرف على وده اسعدنى وشرفنى واتمنى انك تقضى معنا اجمل واطيب وقت ان شاء الله
تحياتى لك :f2:

[محمود زايد]

السؤال هو ده الرابع ولا الخامس
مش فاكر
مش اشكال
هل قابلت اى عضو من اعضاء المنتدى اما لا ؟

ههههههههههه
ياعم وعلى ايه تتعب نفسك ماتعدشش اتحسن اهم حاجه تكون موجود يا حسومة :y1:

لا ماقبلت ولاعضو من المنتدى كان فيه واحد بيقول انه جاى المنصورة علشان يشوف الشيخ محمد حسان ولما بعتله رساله وقولته هاتيجى امتى علشان اقابلك نفض ليا وما رد على ياترى عارفه :mm:
انا نفسى اقابله علشان العب معاه :xx:

ان شاء الله لما يكون فى تجمع قريب اكون موجود واشوف كل الناس اللى اتمنى رؤيتهم :bye: :king:

[محمود زايد]

ورجعنا تانى
صباح الخير يا حوده
منور الكرسى يا زعيم
حان وقت الاسئله الفتاكه


اهلا اهلا ياباشا والله انت اللى منور ياعمور وانا سعيد جدا برجوعك تانى :good:




طب اسمك فى المنتديات هل هو محمود زايد برضه
ولا فى كل منتدى مشترك باسم مختلف ولو الاجابه نعم ممكن تشرح السبب ؟؟


فى المنتديت فى الفترة الاخيرة بدأت اختار اسم محمود زايد للاشتراك بها يعنى كنت الاول ليا اكتر من اسم لعدم معرفتى بالنت جيدا كنت اختار اى اسم وكمان كنت بقول بلاش اكتب اسمى الحقيقى يعنى اختار اسم مستعار افضل حتى هنا فى المنتدى كان اسمى الاول mahmoud 79 لكن غيرته الى اسمى الان
وسبب اختيار ل mahmoud79 لان ده اسمى و79 ده تاريخ ميلادى وبدات بعد فترة اختار اسم محمود ابوالسعد واسماء اخرى حتى قررت توحيد الاسم فى اى منتدى اشترك فيه باسمى الحالى


السؤال التانى
هل تمنيت ان تكون لاعب مشهور فى النادى الاهلى ؟ :no3:
ولو الاجابه نعم هل لو عرض عليك عرض من نادى الزمالك تقبله ؟:nooo:


والله كنت اتمنى طبعا وللاسف ما تحقق رغم ان والدى كان لاعب كرة فى بلقاس وكان بيلعب فى منتخب المحافظه واصبح مدير للكرة يعنى اتربيت فى بيت رياضى وكروى لكن للاسف ما طلعت زيه رغم انى دى كانت امنيتى فى يوم من الايام لكن ظروف سفره وبعده صعب انى اشترك فى اى نادى وطبعا الاهلى شرف لاى لاعب مصر وعربى انه يلعب فيه يكفيه فخر هيلعب فى اكبر مؤسسه رياضيه فى الشرق الاوسط ونادى القرن فى افريقيا ونادى اسسه المصريون بتعبهم وكان اول رئيس له سعد باشا زغلول
اما عن انى اقبل عرض من نادىالزمالك هما بيقولوا الكرة احتراف وماده لكن لو انا لاعب كرة اهون على العب فى اى نادى صغير درجه عاشرة ولا العب فى نادى ينافس الاهلى ابدا حتى لو كان الزمالك
لان الاهلى حبى وعشقى الاول والاخير ولايوجد نادى عندى افضل منه فى العالم

والصورة دى هديه منى ليك ياباشا علشان تعرف رونالدينهو نفسه يلعب فين وبيدعى من كل قلبه

http://img183.imageshack.us/img183/7771/w6w200510100938467e204b4c1wh4t.jpg


السؤال الثالث
ايه القرار اللى اخذته وندمت عليه ؟
حدث سعيد فى حياتك واخر حزين ويارب مايكونش فيه


كانت وظيفه رفضتها لانى اعتقد انها مش مناسبه وندمت عليها فى الاول لكن ربنا عوضنى عنها خير

حدث سعيد كان يوم تعيين اخى الاكبر محمد فى عمله
حدث حزين وفاة زوج خالتى الله يرحمه لانه كان انسان طيب جدا ولم ارى مثيل له حتى الان والحقيقه انا حزنت لوفاته اكثر من حزنى على اى انسان اخر



تحياتى محمود
واشكرك على سعه صدرك وعلى صراحتك الجميله اللى قدرنا من خلالها نتعرف
على شخصيتك الجميله
دمت لى اخ وصديقا غاليا .....:love: ...
ولى عوده بسؤال قنبله :nooo: :uff: :uff: ...........
عمرو امام

انا اللى بشكرك والله وسعدت جدا بتواجدك الرائع الجميل وربنا يوفقك اللى ماتحبه وترضاه ان شاء الله
واهلا بيك فى اى وقت اخى العزيز :bye: :f2: :f2:

[محمود زايد]

:good: السؤال رقم ولا بلاش ارقام
عشان بنسى
هو انتا مبتردش ليه
يمكن الحراره مقطوعه
والله اعلم

انا برد اهو ياعم حسام وما تستعجلش على رزقك :xx:
النت كان بيفصل وبيجى مش مظبوط انما بقى تمام دلوقتى :good:
المهم يكون مزاجك حلو وماتزعلش نفسك احسن انا سمعت ان زعلك وحش ويخوف :stpd: :3:

[محمود زايد]

السلام عليكم و رحمة الله و بركاته
نورت الكرسى يا محمود
يارب تكون بخير و تحقق كا احلامك
انا جاى اسلم عليك و لى عودة ان شاء الله
:f2: :f2: :f2:

وعليكم السلام ورحمه الله وبركاته
النور نورك يامحمد باشا
وتسلم على مرورك وسلامك الطيب
واهلا وسهلا بك فى اى وقت
تحياتى لك وربنا يوفقك دائما :f: :f:

[عصام كابو]

اخويا حودة........ منور الكرسى يا اكسلانس
:f2: :f2: :f2:
انا دخلت بس عشان اسلم عليك
بصراحة معنديش اسئلة ليك و كفايا عليا اسئلة الامتحانات اللى بوظتلى اعصابى

[محمود زايد]

اخويا حودة........ منور الكرسى يا اكسلانس
:f2: :f2: :f2:
انا دخلت بس عشان اسلم عليك
بصراحة معنديش اسئلة ليك و كفايا عليا اسئلة الامتحانات اللى بوظتلى اعصابى

اهلا يادكتور عصام منورنا والله ياباشا
وتسلم على سلامك ووجودك الكريم وانا سعيد جدا بعودتك ومشاركتك معنا
ويكفى تواجدك فى موضوعى وربنا يكون فى العون ويوفقك ان شاء الله
:f2: :f2: :f2:

[سيد جعيتم]

الأبن الفاضل / محمود زايد
جلوسك على الكرسى أسعدنا جميعاً . دائماً العضو المميز يكون له شعبية كبيرة وأنت شعبيتك وقبولك فى المنتدى واضح من الجميع . اشكر السيدة الفاضلة أم أحمد على أختيارك فأنت شخصية محبوبة تشتهر بأدبك الجم وبثقافتك العالية

[حسام عمر]

اخيرا ً وليس اخرا ً

هل تعلم يا محمود

اني رسملك

صوره في خيالي

لو قلتلي عليها

تبقى

10 على 10

من نطاق ردودي وشات والخ

فحتعرف ولا اقول أنا

[محمود زايد]

الأبن الفاضل / محمود زايد
جلوسك على الكرسى أسعدنا جميعاً . دائماً العضو المميز يكون له شعبية كبيرة وأنت شعبيتك وقبولك فى المنتدى واضح من الجميع . اشكر السيدة الفاضلة أم أحمد على أختيارك فأنت شخصية محبوبة تشتهر بأدبك الجم وبثقافتك العالية

الوالد العزيز والاستاذ الفاضل سيد
يعلم الله مدى حبى واحترامى لك وانا سعيد جدا جدا بتشريفك وتواجدك فى موضوعى حتى يزداد نور وفخر بحضرتك والحقيقه حضرتك من الشخصيات اللى بتعلم منها كل يوم والله بموضوعاتك واراء الجميله والقيمه وفعلا حضرتك اضافه كبيرة للمنتدى يارب دائما معنا متواجد ومنور المنتدى
تحياتى لك وتمنياتى بدوام الصحه وتكون فى افضل حال :f2: :f2:

[محمود زايد]

اخيرا ً وليس اخرا ً
هل تعلم يا محمود
اني رسملك
صوره في خيالي
لو قلتلي عليها
تبقى
10 على 10
من نطاق ردودي وشات والخ
فحتعرف ولا اقول أنا

قول انت ياحسومة ياحبيبى لانى مش هقدر اوصف نفسى ولابعرف اصلا ;)
يارب تكون صورة كويسه استر يارب :007:

[حسام عمر]

دي مش كويسه بس يا محمود

دي اكثر من رائعه

انا بجد بعتبرك اخ عزيز جدا ً

[محمود زايد]

دي مش كويسه بس يا محمود

دي اكثر من رائعه

انا بجد بعتبرك اخ عزيز جدا ً

ربنا يكرمك ياحسام وربنا يعلم معزتك ومحبتك فى قلبى قد ايه
وربنا يديم المحبه بينا جميعا :f2:

[Amira]

صباح الخير يا محمود :f: منور كرسي التعارف يا بطل

بصراحة أنا من 3 أيام و أنا بفكر هاسألك عن أيه يقربنا أكثر من معرفتنا بك و كل ما أحس أن عقلي الجهنمي :stpd: نضح بسؤال أجي تاني يوم ألاقي حد سأله :uff: و أنت مجاوب عليه و ماشاء الله ردودك تظهر شخصية جميلة و محبوبة لدي الجميع :f: "ربنا يحبب فيك خلقه كمان و كمان"

أنا هاسأل بقي في الخفيف كدا :2:

1- إننا جميعا معرضون للخطأ في حكمنا علي الأشخاص !! هل مررت بهذا الموقف و علي من حكمت و كان حكمك علي الشخص سلبي أم أيجابي ؟

2- "إذا أحببت شيئا أطلق سراحه فإذا عاد إليك فهو لك و إذا لم يعد فهو لم يكن مكتوبا عليك" هل لهذه العبارة علاقة بحياة محمود زايد - و إذا كان "نعم" فأحكي لنا ما هو الشيئ و ما كانت النتيجة ؟

خلاص كدا "و يا بخت من زار و خفف" و مش عايزين تزويغ في الأجابات :d

تمنياتي الطيبة لك بكل الخير :f:

[محمود زايد]

صباح الخير يا محمود :f: منور كرسي التعارف يا بطل
بصراحة أنا من 3 أيام و أنا بفكر هاسألك عن أيه يقربنا أكثر من معرفتنا بك و كل ما أحس أن عقلي الجهنمي :stpd: نضح بسؤال أجي تاني يوم ألاقي حد سأله :uff: و أنت مجاوب عليه و ماشاء الله ردودك تظهر شخصية جميلة و محبوبة لدي الجميع :f: "ربنا يحبب فيك خلقه كمان و كمان"


اهلا بيكى يااميره نورتى الموضوع والله وشكرا على وجودك الرائع
واشكرك على كلامك الجميل ويارب اكون دائما عن حسن ظن الجميع :f:
وانا رايح اجاوب بقى :1:



أنا هاسأل بقي في الخفيف كدا :2:
1- إننا جميعا معرضون للخطأ في حكمنا علي الأشخاص !! هل مررت بهذا الموقف و علي من حكمت و كان حكمك علي الشخص سلبي أم أيجابي ؟


فعلا انا مريت بالموقف ده وكان مع صديق عزيز جدا على ويعتبر صديق من الطفوله لانه كان معايا فى كل مراحل التعليم ووالحقيقه ان الموقف ده كان سببه شخص اخر قام بنقل كلام غير حقيقى نهائى لكل واحد فينا وطبعا كان نتيجه الكلام ده خصام لمدة ولفترة ويمكن انا اتسرعت واحتديت علي صديقى شويه وحكمت عليه من غير ما اسمع كلامه او اعرف وجهه نظره فى الموضوع ده وكان حكمى عليه طوال الوقت سلبى الى ان انتهت المشكله بينا واتضح لنا سبب المشكله والحمدلله مر كل شئ على خير لكن انا اتعودت بعدها على الهدو والتفكير قبل اى موقف او موضوع احكم فيه على اى انسان


2- "إذا أحببت شيئا أطلق سراحه فإذا عاد إليك فهو لك و إذا لم يعد فهو لم يكن مكتوبا عليك" هل لهذه العبارة علاقة بحياة محمود زايد - و إذا كان "نعم" فأحكي لنا ما هو الشيئ و ما كانت النتيجة ؟


العباره دى لها علاقه بالقدر اكثر لان كل شئ محدد ومكتوب لاى انسان مهما كان درجه رغبته وتمسكه بالشئ ده انا مؤمن تماما بذلك لكن لم يحدث لى موقف تنطبق عليه هذه العباره فى حياتى


خلاص كدا "و يا بخت من زار و خفف" و مش عايزين تزويغ في الأجابات :d
تمنياتي الطيبة لك بكل الخير :f:


انا جاوبت اهو ومازوغت :stpd:
وشكرا على تواجدك واسئلتك الرائعه سعيد جدا بها وبحضورك الجميل
وبالتوفيق دائما فى حياتك :y:
تحياتى :f: :f: :f:

[أم أحمد]

كل الشكر لك محمود
مر الوقت سريعا وها قد حان الوقت لكي تاخد نفسك من الاسئلة :hey:
واكيد قد اجهدت وتعبت من الردود
بس ده يدل علي حب الاعضاء لك وحرصهم علي معرفتك اكثر عن قرب
خالص تقديري لك علي روحك الطيبة

:f2:
وان شاء الله الي لقاء جديد مع عضو جديد مع بوكي بوكي فانتظرونا

[محمود زايد]

كل الشكر لك محمود
مر الوقت سريعا وها قد حان الوقت لكي تاخد نفسك من الاسئلة :hey:
واكيد قد اجهدت وتعبت من الردود
بس ده يدل علي حب الاعضاء لك وحرصهم علي معرفتك اكثر عن قرب
خالص تقديري لك علي روحك الطيبة

:f2:
وان شاء الله الي لقاء جديد مع عضو جديد مع بوكي بوكي فانتظرونا

الشكر كله ليكى ياام احمد على دعوتك الكريمه ليا بالتواجد عل كرسى التعارف مع الاخوة الاعضاء الكرام
وانا سعيد جدا بتواجدى وبشكر كل من قام بالرد وشرفنى بزيارة الموضوع ومحاولتهم التعرف على
تحياتى لكى وبالتوفيق دائما ان شاء الله :f: :f:

[اسكندرانى]

اخى الكريم محمود ابو زيد
بصراحه انا معنديش اى اساله
بس انا بحبك وبيسعدنى جدا وجودك فى المنتدى ومواضيعك وردودك
ونفسى تعزمنى فى المنصورة بقى وبلاش بخل
بس تعزمنى انت مش حد تانى فاكر ولا افكرك بموضوع الربع جنيه
انا بدات اخد فكره كده على اهل المنصورة مش ولا بد
بس مش كلهم
مش عاوزين مشاكل مع جمهورية المنصورة المتحده
ارق تحياتى لك دائما
وتقبل تحيتى لك ولكل الاخوة اللى شاركوا فى تعريفنا بك
http://www.egyptsons.com/misr/attachment.php?attachmentid=13210&d=1141691067

[محمود زايد]

اخى الكريم محمود ابو زيد
بصراحه انا معنديش اى اساله
بس انا بحبك وبيسعدنى جدا وجودك فى المنتدى ومواضيعك وردودك
ونفسى تعزمنى فى المنصورة بقى وبلاش بخل
بس تعزمنى انت مش حد تانى فاكر ولا افكرك بموضوع الربع جنيه
انا بدات اخد فكره كده على اهل المنصورة مش ولا بد
بس مش كلهم
مش عاوزين مشاكل مع جمهورية المنصورة المتحده
ارق تحياتى لك دائما
وتقبل تحيتى لك ولكل الاخوة اللى شاركوا فى تعريفنا بك
http://www.egyptsons.com/misr/attachment.php?attachmentid=13210&d=1141691067

اهلا اهلا ياباشا نورت الموضوع والله ويكفى وجودك فيه وانا سعيد جدا جدا بتقديرك ليا :f:
ياباشا انت تنورانى فى المنصورة مش كلام والله
المنصورة كلها تتشرف بيك نتفق على معاد وتشرفنى فيه وهتشوف كرم اهل المنصورة على اصوله
وهخليك تغير الفكرة اللى لسه ما بدات عندك دى لاننا مش عاوزين مشاكل برضه مع الاسكندرانيه اجدع ناس انت شايف المنتدى معظمه اسكندرانى يعنى الاغلبيه وكده خطر علينا :hop:
تحياتى لك ياباشا وسعيد بتواجدك ومرورك الكريم
:f2: :f2: :f2: