نحط الزبالة و نشد السيفون عليها

[دكتور مهندس جمال الشربينى]

تسلسل الأحداث جاء على النحو التالى
صباح اليوم فى شارع مصطفى النحاس
واحد من أهم شورارع مدينة نصر
الواقعة فى نطاق محافظة القاهرة


http://i45.photobucket.com/albums/f96/gmsherbini/200604260032.jpg

و جدتهما أمامى يسابقان الريح
و لما مررت بجوارهم شاهدت المنظر التالى


http://i45.photobucket.com/albums/f96/gmsherbini/20060426004.jpg


و السؤال لمحافظة القاهرة إلى متى سنرى هذا المنظر الغير حضارى فى عاصمة جمهورية مصر العربية
فى عهد مبارك 2005
أين شركات جمع القمامة
و هل أستقر رأيكم
هل ستكون مصاريف النظافة
على فاتورة الكهرباء؟
أم فاتورة الغاز؟
أم فاتورة التليفونات؟
و ياريت واحد من مهندسى المحافظة يهرش دماغه و يخترع
لنا أختراع مصرى مبتكر يشبه سيفون المراحيض
لامؤاخذة فى الكلمة
نحط الزبالة و نشد السيفون عليها!

[saladino]

عزيزى البروف الكبير
الهرش ممنوع والزعل ممنوع (( اعتقد حضرتك نسيت تقولها ))

ويعدين دى من المعالم السيفون صعب عليها

[رانيا عمر]

و الله يا دكتور الناس زهقت و تعبت
نحط فلوس المخلفات علي فاتورة الكهرباء
قلنا ماشي . و برده منظر شوارع وحش ولا الريحة
شوية و شلوها لكن الشوارع فضلت زي ما هي
لان الناس اخدت انها ترمي المخلفت في الشارع
اما بالنسبة للمنظر ده .. طبعا هو مش حضاري بالمرة
و اضم صوتي لصوتك ... محدش عنده حل للموضوع ده في مصر ؟؟؟؟؟؟؟؟؟؟؟؟؟؟؟؟؟؟؟
اشكرك يا دكتور علي الموضوع

[يسرا]

welcome 2 egypt
لو مكنتش مصر بالمستوى ده.....مش هتبقى مصر
ولو ماكنوش المسؤولين المصريين بالمستوى ده.....مكنوش هيبقو المسؤولين المصريين
كل حاجة بايظة ومش مظبوطة.........انا مش فاهمة الشخص اللى يوافق يكون محافظ وهو عارف انه مش هيقدر يحسن من الوضع..يقبل ليه السلطة دى؟؟يقبل ليه يدهور اكتر من مستوانا؟؟
والله والله هى مجرد مسألة شغل وضمير.....شوفو مثلا محافظ الاسكندرية عمل فيها ايه
بس للاسف الشديد...النظام ماشي دلوقتى بالفردية....اللى عايز يعمل حاجة بيعملها....حتى المواطنين اتعدو من كده....وبقو بيعندو على نفسهم ...وفى منتهى الاهمال
محدش دلوقتى عنده اى احساس بالمسئولية...واللى حاسس بالمشاكل بتاعتنا ساكت ومابينطقش علشان عنده احباط
حضرتك عرضت بس حاجتين اتنين مفروض مايكونوش فى عاصمة سياحية زى القاهرة.....وانا بضيف للكلام...المواصلات الجميلة جدا بتاعتنا
امتع لحظات تقضيها فى مواصلاتنا وانت بتطلع فى الروح
ياريت الناس تفوق وتحس باللى بيحصل فى البلد.....على الاقل تعترض بينها وبين نفسها ....تدايق من مستوى النظافة والمواصلات والتعليم وكله...وتحاول تصلح حتى لو فى البيئة بتاعتها

[غلبان]

الحقيقة مرة دائما
اتفق مع..دكتور مهندس جمال الشربينى.. فيما ذهب إليه
وأضيف مستنكرا الوضع " بحب لمصر " من جانب وزاوية المظهر الحضاري السياحي.. فتاريخ حضارة صناعة السياحة المصرية لم تعد تقبل مناظر كهذه في الشارع.. ؟!
ولا ادري ماذا يؤخر قانون منع - عربات الكرو التي يجرها الحمار - من السير في الشوارع في المدن.. أو على الأقل إذا كان وجودها ضروريا ان تحدد لها ساعات الليل المتأخرة لجمع النفايات وتمنع بعد ذلك.
نسأل الله أن يصلح الحال
وطالما هناك عين وطنية ناقدة غيورة وأقلام مخلصة مثل قلمك ..يا دكتور.. فالمستقبل سيبشر بخير بأذن الله.
ومحور الإشكالية.. ليس في مصر وحدها إنما في دول ومجتمعات العالم العربي.. تكمن في تعطيل التوعية الاجتماعية الشاملة وعدم بثها في المجتمع.. وشكلية القوانين والانتقائية في تطبيقها.

تحياتي

[مجد الاسلام]

ليه بس جبت سيره السيفون
لحسن يجيبوا سيفون كيبر بجد
:f2:

[Abdou Basha]

د. جمال..
طول ما احنا مش عارفين نفرق بين الريف وبين المدينة، يبقى ولا حيبقى فيه ريف ولا حيبقى فيه مدينة، الصور دي من القاهرة .. من مدينة نصر، أمال في الريف الأمور حتبقى ازاي، يجب إصلاح الريف عشان متنتقلش مشاكله للمدينة ، بدل ما القاهرة على رأي أحدهم (قرية كبيرة)

[atefhelal]

أدفع شهريا 8 جنيه منذ حوالى أربعة أشهر بإيصال شهرى يأتى منفصلا عن إيصال الكهرباء مع محصل الكهرباء .. وأنا راضى .. حيث كنت أدفع من قبل 12 جنيه نظافة مضافة على إيصال استهلاك الكهرباء ..

فى البداية ومع إلغاء الزبال وحماره بشارعنا وضعوا عدد 2 صندوق زبالة شيك يتحركان على عجل ولكل منهما غطاءه الأكثر شياكة ، وسعدت بذلك ، وكنت أنزل بنفسى أضع كيس الزبالة كل يوم صباحا فى حوالى الساعة السادسة .. ثم تم سرقة العجل ، ثم تم سرقة غطيان الصناديق ، ثم تم بعد ذلك سرقة الصناديق نفسها ، وحاليا يضع سكان الشارع كل زبالتهم على الأرض أمام كشك كهرباء النادى الأولومبى الذى يقع بنفس الشارع ..

الشارع الذى أسكن فيه يعتبر من شوارع الحى الهامة يكفى أن سوزان مبارك تمر فيه مرة كل شهر على الأقل لزيارة مكتبة المعادى التى تقع فى نهاية الشارع .. ونحن سعداء جدا بمرورها .. لأن رئيس الحى يشرف بنفسه على غسيل الشارع بالماء والصابون وتنهض هيئة نظافة القاهرة الكبرى بنشاط مدهش لدهان بردورة الرصيف وتقليم الأشجار أمام بيتى وداخل بيتى أيضا ... انتهى .. !! .

لماذا لايتزوج الرئيس زوجات بعدد شوارع مصر وحواريها وأزقتها ويكلفهن بالمرور بصفة دورية على كل تلك الشوارع والحوارى والأزقة .. ؟ !!!! .