ألغـــــــــاز . . . ( للأذكياء فقط )

[إسلام شمس الدين]

اللغز الأول


إنسان و زوجته . . لا هو من بني آدم و لا هي من بنات حواء ، فمن هما ؟


في انتظار الإجابة الصحيحة قبل طرح اللغز الثاني . .

إذا عرفت الحل اتصل على اربع اصفار زيرو صفرين لتربح 75 قرشاً
سعر المكالمة 2 جنيه ! !

[إسلام شمس الدين]

هو موضوع ارتفاع نسبة الذكاء في المنتدى دا كان اشاعة و لا ايه ؟

ددا احنا بدأنا بأسهل لغز يا جماعة . . أمال هنعمل ايه بعد كده ؟

كده هتحرجونا قدام ضيوف المنتدى

في انتظار الإجابات عشان نطرح اللغز التاني

خالص تحياتي

[Mrs. Virgo]

:D هما أدم وحواء .. ;)

[deaa]

السلام عليكم ورحمة الله وبركاته ....

اده ...اده ...انا رديت امبارح ....وقلت ادام وحواء ....

هى فين مشاركتى

[maistro]

الأخ العزيز / شمس الدين
تحية طيبة
بصراحة ما رضيتش أجاوب !!
لأن مش معقول أتصل وأعمل مكالمة باتنين جنيه ( 2ج ) علشان أكسب 75قرش
وهو ده سبب احجامى عن الاجابى حتى الآن !!!!
غير أنى أعرف الاجابة ولكن مش هاقول !!!
يا ريت بقى تخفض المكالمة وتخليها بجنيه واحد فقط !!!
أهو الواحد يخسر 25 قرش أحسن ما يخسر جنيه وربع !!!
:D :D :D :D :D :D :D
المايسترو

[إسلام شمس الدين]

برافو ميس فيرجو . .

ياريت بقى تتفضلي توردي 2 جنيه عند وزيرة مالية المنتدى بنت مصر. .
و تعدي علينا كمان 3 شهور تستلمي ال 75 قرش جايزتك .

------------

ضياء أكيد انتي ما دفعتيش الاتنين جنيه . . فعشان كده المشاركة ما ظهرتش .

----------

مايسترو تم تحويل طلبك لبنت مصر للنظر فيه
وتم الموافقة عل تخفيض قيمة المشاركة إلى جنيه واحد
مع إضافة رسوم بدل تخفيض جنيه و نص
فتصبح قيمةالمشاركة 2 جنيه و نص .

[إسلام شمس الدين]

اللغز الثاني


ما هي الكلمة التي تتكون من 8 حروف ولكنها تجمع كل الحروف ؟

[ميدو مشاكل]

الابجديه :1:

انا باخد الجوايز بالدولار :rolleyes::D

[maistro]

حلووووووووووة يا شمس الدين !!
طبعا كلمة ( كل الحروف )
فهى من 8 كلمات وتجمع كل الحروف !!
ك
ل
ا
ل
ح
ر
و
ف
بس كده يبقى ليا عندكم جنيه ونصف ونطرحهم من 5 جنيه يبقى الباقى !!
لا حلوووة دى !!
بس أنا نسي أقولك يا شمس ان أنا مشترك فى المسابقة دى على حسابك !!
يعنى فى الربح معاك وفى الخسارة تتحملها انت !!
ده اتفاقنا والعقد شريعة المتعاقدين
:D :D :D :D
ال م ا ي س ت ر و

[deaa]

السلام عليكم ورحمة الله وبركاته ....


:2:


انا مضربه

[Mrs. Virgo]

:D ماشي ..انا بسحب اشتراكي .. وعايزه ال 2 جنيه بتوعي واروح !!

فين اللغز الثالث ؟؟؟

[إسلام شمس الدين]

ميدو . .
ادفع الاشتراك الأول و بعدين نشوف موضوع الدولار دا .
إجابتك صح . . تسلم

مايسترو . .
( كل الحروف ) دي كلمتين مش كلمة واحدة ، والسؤال كان عن كلمة واحدة .
أما موضوع الاشتراك دا ، فالحساب يوم الحساب و مابين الخيرين حساب .

ضياء . .
مضربة ليه ؟ انتي خايفة ندفعك الاشتراك ؟
طيب عشان خاطرك اشتركي في لغزين ، وتاخدي الاشتراك التالت مجاني


ميس فيرجو . .
سبق السيف العذل . . خلاص طالما شاركتي يبقى هتدفعي يعني هتدفعي


بس هو انا حافضل اطرح ألغاز لوحدي ، ياريت الكل يشارك .
و الا . . جاوبوا على اللغز الجاي
و انتوا اللي جبتوه لنفسكم

[إسلام شمس الدين]

اللغز الثالث


كم كان عدد سكان القاهرة يوم الجمعة الموافق 23 يوليو سنة 1994م الساعة الثامنة و الدقيقة العاشرة صباحاً ؟

[maistro]

يا عم شمـس الدين انت ما حددتش السنة !!
عموما نفس السؤال اللى انت قلته ولكن فى سنة 1956 كان عدد سكان مصـر كلها 20 مليون نسمـة !!!
المايستـرو

[إسلام شمس الدين]

آسف أخي العزيز مايسترو
خطأ مطبعي تم تصحيحه و تحديد السنة . .
بس على فكرة المطلوب تحديد عدد السكان ليس فقط حسب السنة و لكن حسب اليوم و الساعة و الدقيقة . .

خالص تحياتي وآسف للسهو

[deaa]

السلام عليكم ورحمة الله وبركاته ...

اخى الفاضل ...

هو نفس عدد سكان القاهره كل يوم ...

ولالا اقولك ...هو ...23,8 نسمه ...

ولا اقولك ...بس هو نفس العدد اللى متسجل فى مكتب صحة القاهرة يوم الجمعة ........


شوف اختار الى يعجبك ...سلام ...:3:

[بنت مصر]

والله يا شمس موضوع زي العسل وخصوصا مسألة التوريد
دي اصلي بحب اشتغل مسئولة استقبال الفلوس اوي :D

[إسلام شمس الدين]

الاجابات التلاتة للأسف غلط يا ضياء
بس دا ما يمنعش برضه انك هتدفعي


بسنت . .
النص بالنص وماتنسيش نسبة ابن البلد أحسن ييجي يهدلنا المنتدى

[Mrs. Virgo]

:rolleyes:

60 مليون نسمه ..

اعتقد يعني ..

[عابر سبيل]

بلغ عدد سكان مدينة القاهرة حسب الاحصاء فى الوقت الذى ذكرته بالتحديد 61 مليون 275.5 نسمة بالضبط

[بنت مصر]

طيب وماهي اسمائهم ؟؟؟ :D

[عابر سبيل]

اسمائهم معى فى لسته وهى متوفرة لجميع الأعضاء مقابل خمسين مليون جنيه فقط لا غير ارسلوها لى على عنوانى وستصلكم قريبا انشالله
،،،:3:

[HAJHEMO]

المطلوب لحل اللغز تحديد عدد السكان في مصر كلها وعددهم في باقي المدن والقرى والنجوع حسب نفس السنة واليوم و الساعة و الدقيقة ، علشان نطرح ده من ده ويبقى الحل صحيح وتخش ع اللغز اللي بعده . واللا إيه يا جماعة ؟ متقولوا حاجة !!

[بنت مصر]

نقولوا حاجة طبعا وهي

أهلا وسهلا بيك عابر سبيل وأهلا وسهلا بيك HAJHEMO

نورتوا المنتدى وشرفتوه وان شاء الله تعجبكم الاقامة معنا



بسنت

[deaa]

السلام عليكم ورحمة الله وبركاته ...

ادفع ايه ما كفايه هو النت ببلاش ..

وبعدين ..فين الأجابه الصح ....خلاص ...غلب حم......

[إسلام شمس الدين]

عابر سبيل و HAJHEMO . .
أهلا بيكم بين إخوانكم في المنتدى ونتمنى استمرار تواجدكم .
بس المطلوب عدد سكان مدينة القاهرة مش مصر .

بصي يا ضياء . .
انا قلتلكم فين ألغازكم و ماحدش شارك . .
يبقى تستحملوا بقى اللغز دا . .
عقاباً ليكم :D:D

[deaa]

:mad:

[HAJHEMO]

شكرا لك يا بنت مصر
وشكرا لك يا شمس الدين

لكن زي ما سبق وقلت
المطلوب لحل اللغز:
تحديد عدد السكان في مصر كلها حسب نفس السنة واليوم و الساعة و الدقيقة
وتحديدعددالسكان في باقي المدن والقرى والنجوع حسب نفس السنة واليوم و الساعة و الدقيقة
ونطرح ده من ده
يبقى باقي الطرح يطلع عدد سكان القاهرة لوحدها حسب نفس السنة واليوم و الساعة و الدقيقة
والعملية زي ما انتوا شايفين سهلة خالص

[maistro]

:Dبجد يا شمس الدين وبدون تهريج !! هاقول الإجابة !! :D :D :D
بعد فحص وتمحيص ومشاوير من الجهاز المركزى للاحصاء بمدينة نصـر وبعد اللفة والدوخة ع المكاتب واطلع الدور الخامس وأنزل للدور التالت وهكذا للدور السابع ثم السادس توصلت الى الآتى :
ان عدد سكان القاهرة كان فى الوقت اللى طلبته كان حوالى 8مليون نسمة هذا بدون العشوائيات اللى موجودة وبدون المتهربين من الجيش وبدون الناس اللى مش مطاعة بطايق وبدون الوافدين والزوار وغير اللى ليهم قضايا وحالات بالمستشفيات وغيره يعنى كل الموجودين يقدروا بحوالى 12 مليون نسمة !!:D

يا شمس ده اتضح ان الجهاز المركزى للاحصاء نفسه مش عارف الاحصائية وكل الاجابات حوالى وتقريبا واعتقد والذى منه !! :D :mad: :mad:
المايسترو

[Mrs. Virgo]

:D أقولكم لغز عجبني ..

مر جماعة على امرأة تكلم رجلا..فسألوها:من يكون هذا؟ فأجابتهم: مالكم و مالي، أخو زوجته يكون خالي..فمن هو؟
... مين هيحلوا ؟؟؟

[إسلام شمس الدين]

يكون أبوها يا فيرجو


و على فكرة حل اللغز اللي قلته بتاع عدد سكان القاهرة حله :
إن يوم 23 يوليو 1994 كان يوم سبت مش يوم جمعة :D:D

فين اللغز اللي بعده ؟؟؟

[Mrs. Virgo]

:eek: شمس ده انت بتقرطسنا بقى .. :D

طيب .. انا هوريك .. إجابتك الأول كانت صح ..
بس حل اللغز الثاني ..

متى يتوقف السمك عن النمو؟
:D حل بقى يا سي شمس .. :D

[إسلام شمس الدين]

:D

ليه كده بس يا فيرجو ؟ ؟
ما احنا كنا كويسين . .

طيب استني اروح ادور على سمكة اسألها و ارجع أجاوب . .

[Mrs. Virgo]

:D السمك لما استوى قال للخضار يا مش عارفه ايه .. :D

قصدي اقولك اني مستنيه الحل... :D

[إسلام شمس الدين]

:D:D

طيب خليك مستنية . .
أوعي تتحركي من هنا

[Mrs. Virgo]

:confused: طيب حاضر ..

ربنا يسهل يا إبني وترجع بالسلامه .. :rolleyes:

[ana3sola]

السمك بتوقف نموة لما نصطاده وناكله
ههههههههههههههههههههههههههههههههه:D

[إسلام شمس الدين]

أنا جيت يا فيرجو

بس مالقتش سمكة اسألها

فرجعت اقولك مش عارف

شوفلنا لغز على قدنا الله يخليكي

[تامر]

عدد سكان القهاهره يوم الجمعه 23 يوليو سنه 1994 الساعه الثامنه وعشر دقائق يساوي صفر










لان










يوم 23 يوليو 1994






كان اسبت مش الجمعه





ملحوظه




انا من مواليد 23 يوليو علشان كده حاشترك المره دي مجاناً

ولا ايه؟؟؟

[تامر]

اصل انا جديد هنا في المنتدى وده اول يوم ليا واريت اول صفحه بس وحليت اللغز بدون ما اشوف الصفحات الي بعد كده وبعدين لقيت الحل مكتوب
بس يا شمس المفروض الي يقول لغز يستنى لغيه لما الكل يقول غلب حمارنا

[Mrs. Virgo]

:D برافووووووووووووو عسوله ..
ما شاء الله عليكي ..

يتوقف نمو السمك (اخر يوم في عمره)
يعني لما نصيده :D

انا قلت باردوا ما يجبها إلا بنات المنتدى ;)

[أشجان الليل]

إيه ده...هو خلاص كده؟؟؟




أنا عاوزه سؤال جديد علشان أجرب أحله
:(
:(



حد يسأل بقى...



أنا عاوزه لغز جديد

:2:

ماليش دعوه

:2:

[إسلام شمس الدين]

نعملك ايه يا أشجان ؟
انتي اللي جيتي متأخرة

عموما ولا يهمك ، نطرح كمان لغز . . بس ياريت اللي يجاوب عليه إجابة صحيحة يضيف لغز آخر


تحياتي للجميع

[إسلام شمس الدين]

اللغز الخامس


كم مرة يمكن تكرار طرح العدد 10 من العدد 100 ؟

[Mrs. Virgo]

:confused: كووووووووووووول .. إلحقني .... لغز محاسبي :D

[تامر]

الاخ العزيز شمس الدين
الاجابه هيه مره واحده بس طبعاً
لان لما نطرح العدد 10 من العدد 100 مره حايبقى العدد الي باقي 90

لو صح إجابتي
يبقى اللغز بتاعي هوه

سلة بيض عملاقه يتضاعف عدد البيض فيها كل ثانيه وبعد مليون ثانيه امتلئت السله عن اخرها تماماً فمتى بالضبط كانت السلة ممتلئه حتى نصفها تماماً؟

[وادكول مش معقول]

لا انا شايف ان اللغز حله زي ما قال تامر ....... وكمان ليه حل تاني

ان ممكن الرقم 10 يطرح من الرقم 100 ......... كتير قوي ...

لو عندنا كذا 100 يبقي هنطرح منه كذا 10 ههههههههه
ومثلا كمان لو عندنا عشر ميات يبقي هنطرح 10 من كل 100 (عشر مرات)
يفضل عندنا 9 ميات هنطرح منهم رقم 10 من كل 100(تسع مرات )
هيفضل 8 ميات و 10 هنطرح منهم رقم 10 من كل 100 ( ثمان مرات )
هيفضل 7 ميات و 30 هنطرح منهم رقم 10 من كل 100 ( سبع مرات )
هيفضل 6 ميات و 60 هنطرح منهم رقم 10 من كل 100 ( سته مرات )
هيفضل 6 ميات هنطرح منهم رقم 10 من كل 100 ( سته مرات )
هيفضل 5 ميات و 40 هنطرح منهم رقم 10 من كل 100 ( خمس مرات )
هيفضل 4 ميات و 90 هنطرح منهم رقم 10 من كل 100 ( اربع مرات )
هيفضل 4 ميات و 50 هنطرح منهم رقم 10 من كل 100 ( اربع مرات )
هيفضل 4 ميات و 10 هنطرح منهم رقم 10 من كل 100 ( اربع مرات )
هيفضل 3ميات و 70هنطرح منهم رقم 10 من كل 100 ( ثلاث مرات )
هيفضل 3ميات و 40 هنطرح منهم رقم 10 من كل 100 (ثلاث مرات )
هيفضل 3ميات و 10 هنطرح منهم رقم 10 من كل 100 ( ثلاث مرات )
هيفضل 2 ميه و 80 هنطرح منهم رقم 10 من كل 100 ( مرتين )
هيفضل 2 ميه و 40 هنطرح منهم رقم 10 من كل 100 ( مرتين )
هيفضل 2 ميه و 20هنطرح منهم رقم 10 من كل 100 ( مرتين )
هيفضل 2 ميه هنطرح منهم رقم 10 من كل 100 ( مرتين )
هيفضل 1ميه و 80 هنطرح منهم رقم 10 من كل 100 ( مره )
هيفضل 1ميه و 60هنطرح منهم رقم 10 من كل 100 ( مره )
هيفضل 1ميه و 40هنطرح منهم رقم 10 من كل 100 ( مره )
هيفضل 1ميه و 20هنطرح منهم رقم 10 من كل 100 ( مره )
هيفضل 1ميه هنطرح منهم رقم 10 من كل 100 ( مره )

ههههههههههههههه يبقي كده طرحنا الرقم 10 تقريبا 86 مره هههههههه

وبرضه فضل عندنا في الاخر ال 90 اللي تامر قال عليهم .......



تحرموا تقولوا الغاز فيها ارقام ولا لسه .......:1::D:1:

[إسلام شمس الدين]

طيب أنا حرمت أقول ألغاز فيها أرقام يا كول

بس حل بقى اللغز اللي قاله تامر

وانت يا عم تامر بالراحة علينا

[أشجان الليل]

حل لغز تامر..

999999

أي مليون إلا واحد

:D

لو الحل صح يبقى لغزي هو...




























للأسف مش عندي ألغاز:2:

[تامر]

الاخت العزيزه اشجان الليل
الحل صح وتحياتي لكِ
اللغز الي بعده وصل..............
من الذي ولد قبل ان تولد امه؟

[Mrs. Virgo]

:rolleyes: مش عارفه !!!

[إسلام شمس الدين]

كاتب الرسالة الأصلية : Miss. Virgo
:rolleyes: مش عارفه !!!

بصراحة ولا أنا :D

واضح كده يا تامر إن انت اللي حتجاوب

تحياتي للجميع

[ana3sola]

سيدنا ادم علية السلام
صح ولا اية:confused:

[تامر]

الاخت العزيزه عسوله
سيدنا ادم علي السلام لم يولد ولكن الله خلقه مباشرة

[أشجان الليل]

فكرتنى بالبيضه والفرخه...مين الأول؟؟:D

[تامر]

طيب صحيح هيه مين فيهم اول بالمناسبه؟؟؟؟؟

[أشجان الليل]

مين الأول؟؟؟

:3:

[تامر]

شكلكوا كده مش حاتعرفو الحل
هو ابن سيدنا ادم
امه لم تولد ولن خلقها الله مباشره من ضلع ادم وعدين ولدته

[إسلام شمس الدين]

جميل يا تامر

بس فين اللغز الجديد ؟

تحياتي للجميع

[تامر]

طيب نقول لغز يقربنا من ربنا ان شاء الله ويكون حله بسيط


كلمتان خفيفتان على اللسان ثقيلتان في الميزان حبيبتان الى الرحمان

فما هما؟

[إسلام شمس الدين]

سبحان الله وبحمده

بس دي معلومة مش لغز

وعقاباً ليك :D

حتقول لغز تاني

خالص تحياتي

[تامر]

عزيزي شمس الدين
طيب انت بتقول انها معلومه
فين بقى المعلومه؟؟؟
إجابتك غلط:(:(:(

عمال تقولي معلومه وعقاباً ليك

طب قول بقى الاجابه الصح:)

[إسلام شمس الدين]

انا غلطت يعني في ذكر اللفظ بدقة :

انا اسف ياسيدي

سبحان الله العظيم سبحان الله وبحمده

و لا تزعل نفسك

[تامر]

عزيزي شمس الدين
طالما غلطت في اللفظ
يبقى عقاباً ليك تقول انت لغز

[أشجان الليل]

:D

[تامر]

عموماً يمكن استاذ شمس
يكون تقلان علينا
يمكن يكون زعلان
يمكن يكون مادخلش هنا من زمان
مش مشكله اقول انا لغز
اغاية ما نشوف ايه حكايه
الشمس وكسوف الشمس دي
:p:p:p
المهم
حوض معدني عملاق
قاعدته مربعه
طول ضلعها
كيلو متر
وارتفاع حافه الحوض
اتنين كيلو متر
ملينا نص الحوض مياه
يبقى فيه كام ملي متر مكعب مياه في الحوض

سهله ...صح
:D:D:D

[Mrs. Virgo]

:eek: دي سهله قوي ..
لدرجة أني مش عارفه احلها .. :2:

[أشجان الليل]

عشرة أس 12

1,000,000,000,000

واحد وأمامة 12 صفر
صح؟؟؟

[تامر]

للاسف غلط
بس قربتي يا اشجان

[أشجان الليل]

آه صحيح..
18
عشرة أس 18
1,000,000,000,000,000,000

كده بقى صح.. إن شاء الله..
أنا المرة اللى فاتت جت مساحه مش حجم..
العتب على النظر:D

[تامر]

تمام كده
ميه ميه
الله ينور



بس فين فزورتكِ

[أشجان الليل]

فزورتي...؟؟

هو ضرورى يعني؟؟

[تامر]

ضروري طبعاً

[أشجان الليل]

طيب حاضر..
:D

[أشجان الليل]

ها هو اللغز..


خياطة معها قطعة قماش طولها 100 متر
إذا كانت تستغرق 3 ثوان لتقطع المتر .. فكم يستغرق عملها المتصل لتقسيم القماش إلى 100 قطعة ؟؟

[تامر]

الاخت العزيزه اشجان الليل
يستغرق وقت عملها المتصل لتقسيم القماش الى 100 قطعه
297 ثانيه
اي اربع دقائق و 57 ثانيه


صح ولا ايه؟

[ana3sola]

اشجان
الوقت المستغرق
300 ثانيه
5 دقائق
ها صح ولا ايه؟؟

[تامر]

لالالا ماليش دعوه انا متأكد من إجابتبي بقى

[تامر]

انا مستني اعرف صح ولا غلط
يلا بقى

[deaa]

السلام عليكم ورحمة الله وبركاته ...

انا عسوله الى انا واثقه منه ان اجابتك خطأ.........:D

متزعليش .....;)

[أشجان الليل]

آسفة على التأخير..

أخي تامر..
يؤسفني..


بل ويحزنني..




































بل.. ويصعب عليا جدا..
















إني أقول....



















































للأسف الشديد..











إجابتك ....




صح:D

إيدك على اللغز الجديد

[تامر]

هيييييييه
بس انتي كنتي فين كل ده؟
دا انا كنت ناوي اجيب منادي وندور عليكي ..
عايزه لغز...... اممممم
طيب استني شويه احضرلك لغز بس الي هوه

[تامر]

اللغز الجديد

غرقت باخره في المحيط
ونجا احد ركابها الذي عام حتى وصل لاحدى الجزر
فطلب منهم اعادته لبلده
فاخبروه ان هناك سفينه قادمه بعد اسبوع ويمكن ان يصتحبه ربانها مجاناً الى بلده
ولكنهم طلبوا منه مقابل لاقامته معهم اسبوع
فقال لا املك الا هذا الخاتم الذي يزن سبعة جرامات
فوافقوا على اخذ كل يوم جرام واحد من الخاتم على ان:-
1- يعطيهم كل يوم جرام ولا يعطيهم الخاتم كله للايام كلها
2- لا يقسم الخاتم الا الى ثلاثه اجزاء فقط

فاحتار الرجل كيف يقسمه الى ثلاثه اجزاء فقط ويعطيهم كل يوم جرام واحد؟؟
فمن يساعده على حل هذا المأزق الذي وقع فيه؟

[تامر]

ايه يا جماعه
صعبه؟؟
ولا دي ظروف الحرب الي خلتكوا ما تجاوبوش؟؟

[تامر]

طيب لو صعبه
قولوا غلب حمارنا وانا احلها
بس قولوا اي حاجه

[تامر]

مستني حد يرد:(

[Mrs. Virgo]

:confused: اكيد مش انا إلي هساعده .. :D

[أشجان الليل]

انا بقالي اسبوع بفكر..








وبفكر..




وبفكر..

















الصراحه..



الكدب خيبه..:(

أنا مش بفتكرها غير وانا على النت وكل مره أقول أبقى أفكر بعدين:rolleyes:

[عاشق مسكين]

التفكير
يجب ان يتوقف
لأنه لالزومفلنبقى

[تامر]

الاخت العزيزه اشجان
انتي بقالك كتير مش باينه
ليه الغيبه الطويله دي؟
انا مستني رجوعك وعارف انك حاتحليها ان شاء الله


اخي العزيز عاشق مسكين
طول ما فيه في عروقنا نبض لازم نفكر
لأنه لا لزوم للحياه بدون تفكير

[wael204]

يعني انا مش عارف الاقيها منكم ولا من الجهاز الغبي ده اللي قاعد طول الليل بصلح فيه وباين عليه مش هايتصلح...والنبي شوفولنا الغاز صعبة شوية عن كده...اصلي الالغاز دي احلها بصباع رجلي الصغير :p هههههههههههههه

[جمال حمدان]

الاخ / شمس الدين

يا ليتك تذكر لنا أسماء السكان عشان منتلخبطش في العد !:3:

تحياتي

جمال حمدان

[بنت مصرية]

:D:D:D:Dانا عارفة الاجابة بس ياريت تجيب الفلوس الاول بس انا بقبض باليورو لان الجنيه دلوقتى مش بيتصرف
:D:D:D

[تامر]

يا جماعه
حاديلكو يوم كما لو معرفتوش الحل









بردو مش حاقوله:D:D:D

[أشجان الليل]

:rolleyes:

أمرنا لله

[تامر]

ايه غلب حماركوا ولا ايه؟:3:

[أشجان الليل]

الحقيقة..






أنا عن نفسي..

آه
:2:

[تامر]

امري لله احله وخلاص

هو يقطع الخاتم لثلاث اجزاء
الاول جرام والتاني اتنين جرام والتالت اربعه جرام


اول يوم يديهو الجرام
تاني يوم ياخد الجرام منهم ويديهم الاتنين جرام
تالت يوم يديهم الجرام ومعاهم من الاول الاتنين جرام يبقى معاهم 3 جرام
رابع يوم ياخد الجرام وياخد كمان الاتنين جرام ويديهم القطعه الاربعه جرام
خامس يوم يديهم الجرام ومعاهم من الاول الاربعه جرام يبقوا خمسه جرام
سادس يوم ياخد منهم الجرام ويديهم الاتنين جرام ومعاهم من الاول الاربعه جرام يبقى معاهم سته جرام
سابع يوم يديهم الجرام الاخير

وبعد كده يركب السفينه ويرجع بلده

سهله خالص
مش عارف ليه ماعرفتوهاش بس;)

[n3na3aah]

ana lesa fe elmontada gedeed we dkhlt elka3a deh we begad agbtny gedan we fwazerkoh kolaha 7elwa we lazeza awe we bma en mafeesh fazora akhera ashan a7lha fa ana 7a2ool fazora ya reet t3gbkoh bas in english ashan andy moshkela fe elghaz we msh byktb arby m3lesh ma2khozneesh

[n3na3aah]

ana lesa fe elmontada gedeed we dkhlt elka3a deh we begad agbtny gedan we fwazerkoh kolaha 7elwa we lazeza awe we bma en mafeesh fazora akhera ashan a7lha fa ana 7a2ool fazora ya reet t3gbkoh bas in english ashan andy moshkela fe elghaz we msh byktb arby m3lesh ma2khozneesh

[n3na3aah]

Without using a calculator -u are driving a bus from london to milford ,In london, 17 people get on the bus. In reading, six people get off the bus and nine people get on. In swindon, two people get off and four get on. In cardiff, 11 people get off and 16 people get on. In swansea, three people get off and five people get on. In carmathen, six people get off and three get on. you then arrive at milford .what was the name of the bus driver
:D:D:D:D
ITS SOO EASY WLAHY AND ITS FUNNY TOO
I HOPE EVERY BODY LIKE IT HOPE THE ANSWER TOO

[n3na3aah]

twenty years ago,a plane is flying at 20,000 feet over germany. If you will recall,germany at that time was politically divided into west germany and east germany,Anyway, during the flight, TWO of the engine fail . the pilot, realizing that the last remaining engine is also failing , decides on a crash landing procedure . unfortunately the engine fails before he has time and the plane crashed in the middle of(no man's land) between east germany and west germany.. where would you bury the survivors east germany or west germany or in no man's land
shokran le kol ely yhtam be7alha we ya rab akon mosharka makbola fe lka3a slam for all

[lina]

:confused::confused:

اسطى عبدو :cool:

:D:D

[n3na3aah]

la ya lena fakry shewaya wlahy deh sahla khals:cool::1:

[تامر]

:(
نعناعه كنتي بتكتبي عربي بحروف انجليزي وبنتعذب لحد ما نفك الطلاسم وقلنا ماشي
بس تكتبي انجليزي انجليزي كده:(
والله نفسي احلها
بس المشكله مش باعرف انجليزي
اعمل ايه؟:2:

[n3na3aah]

اهلا بيك تامر انا ميخلصنييش زعل حد عشان كده غيرت ال windows خالص و حقولك الفزوره تاني بالعربي اهو

بتقول


بدون استخدام اله حاسبه ، انت سائق اتوبيس من لندن الي ميلفورد ,,, في (لندن) 17 راكب ركبه , في (ريدنج) 6 ركاب نزله و 9 ركبه , في (سويدن) 2راكب نزله و 4 ركبه , في (كارديف) 11 راكب نزل و 16 ركب ,, في (سوان سيي) 3 ركاب نزله و 5 ركبه ,, في (كارما ثن ) 6 ركاب نزله و 3 ركبه ,,, و اخيراا وصلت ميل فورد.. يبقي ايه هوه اسم السواق؟؟؟؟ :D:D:D

والله يا جماعه سهله جداااا و لذيذه في راي الشخصي يا رب تعجبكوه
اما عن الفزوره التانيه حترجمهه برده


بصو يا جماعه
بيقوله كان زمان المانيه متقسمه لغرب و شرق مع اني مكنتش اعرف يس هومه بيقوله كده المهم الطيار و هوه ماشي اكتشف ان في محرك باظ و في اكتشف ان فيه محرك تاني باظ فقرر انه يهبط في اي مكان بس للاسف المحرك الثالث كمان باظ و الطياره وقعت في ارض حياد فبرئيك يدفنو الناجين في المانيه الشرقيه ولا الغربيه ولا في ارض الحياد؟؟
فكره كيويس ده ولله برده سهله جداا
يا رب تكون عجبتكه و انا مكنش مشتركه دمي تقييل
تمنياتي لكم بالحل السرييع سلاااااام

[تامر]

الاخت العزيزه نعناعه
اشكركِ جدا على هذه الاستجابه السريعه
وربنا يخليكي لينا

بالنسبه للسواق في الفزوره الاولى اسمه تامر
لانه انا:)

الفزوره التانيه
الطيار كان ماشي مكانش طاير بالطياره دا اولا
ثانيا مش مهم يدفنوا الناجين خالص
لانهم ببساطه ناجين:D

وشكرا لكي اختي الكريمه

[n3na3aah]

اهلا تامر
طبعا اجابه صح 100% و هيه اسئله سهله جدا بس انا حبيت اشارك باي حاجه كده عمتن شكرا جدا لردك و اتمني اشوف فوازير قريب
تحياتي للجميع

[HAJHEMO]

إزاي صح يا نعناعة؟
إذا كان السواق في الفزورة الأولانية إسمه ( أنت )
يبقى إيه اللي حشر اسم تامر في الفزورة؟
أيوووووووه يا جدعان

[تامر]

:D:D

[HAJHEMO]

تامر .. حبيبي .. أرجوك إوعى تكون زعلان
إنا لا يمكن أقدر على زعلك
بس كل ما فيها حبيت أناغشك
ماشي الكلام؟
ياللا فكها بقى علشان نشوف حل للألغاز دي
أيوووووووووووه

[تامر]

الاخ الكريم HAJHEMO
ولا زعلت ولا حاجه انا عارف انك بتهزر
اهلا بك اخا كريما
بس بقى لازم تكتب انت الفزوره الجايه عقابا ليك;)

[HAJHEMO]

عزيزي تامر .. شكرا جزيلا على هذا الصفح مع العقوبة

مين هو ابن خال بنت عمتك؟

حلها بقى ووريني شطارتك

[n3na3aah]

انا جيت تاني اهوه و كويس اني لقيت فازوره هيه سهله مافيهاش حاجه بس يمكن تكون لتامر بس عشان كده مش ححلها عشان مكونش ادخلت في النص بس انا عارفه ان تامر حيحلها ياله مستنيه ايجابتك سلام:)

[تامر]

اخي العزيز HAJHEMO
تحياتي لك
الحل هو انا او اخي او ابن عمي
شكرا لك اخي العزيز

شكرا نعناعه العزيزه
بس الفوازير مش ممكن تكون مخصوصه لواحد لا دي للي يحل اسرع
وياريت نسمع فزوره منك
تحياتي لكي

[HAJHEMO]

برافو يا عزيزي تامر
أنا بس حبيت ألبي طلبك
وزي ما لاحظت الأخت نعناعة الفزورة كانت سهلة ومافبهاش حاجة
ياللا هاتوا اللي عندكم

[n3na3aah]

شكرا تامر علي ردك الكريم و انشاء الله اشارك في حل الفوازير الجايه و شكرا لك hajhemo علي اشتراكك و يا ريت تبقى في فوازير تلنيه عندك بس انا حاقول فزوره علي قدي كده عشان تامر طلب مني ده و اتمني الكل انه يحلها هي مش صعبه بس لازم الواحد يتخيلها صح عشان تتحل صح المهم
الفزوره هيي

دلوكتي في 5 اشخاص المفروض انهم يعده جسر بلليل بس الجسر ده قديم و معرض انه يتكسر في اي وقت عشان كده لازم ميعديش اكتر من اتنيين في كل مره و لازم يبقي فيه نور بس للاسف همه معهمش غير شمعه اللي حتفضل منوره امده 30 ثانيه بس و مع اختلاف اعمار الاشخاص الشحص الاول يقدر يعدي الجسر في ثانيه واحده و التاني في 3 ثواني و الثالث في 6 ثواني و الرابع في 9 ثواني و الخانس في 12 ثانيه مع ملاحظة الاتي ان الشخصين اللي حيعده حتتحسب عدد الثواني بالابطء يعني لو عدي الشخص ذو ال 3 ثواني مع 12 ثانيه حنقلل من ال 30 ثانيه 12 مش 3 و لازم شخص يرجع تاني عشان يرجع الشمعه للباقي ( يبقي يعده كلهم ازاي في ال 30 ثانيه)

يا رب اكون وصلت ال فزوره بطريقه تقدره تتخيلوها صح و اتمني انكه تحلوها) و يا رب تعجبكه
سلاام

[roby124]

انا شايفة انهم يرجعولبيوتهم تانى ارحملهم وارحملنا ايه رايك
ارجو ان يتسع صدرك
شكرا

[n3na3aah]

ولله فكره برده بس همه عشان يرجعه تاني لازم يعده برده سعدهم الله يكرمك عشان يدعوولك:)

[HAJHEMO]

يعدوا كما يلي :
12ثانية مع 9 ثواني
9 ثواني مع 6 ثواني
6 ثواني مع 3 ثواني
3 ثواني مع 1 ثانية
__
30 ثانية المجموع
يارب تطلع صح :4:

[n3na3aah]

انا مش فاهمه انت حليت ازاي اساسا هوه مين الي راح و مين الي رجع انا حاسه ان الفكره موسلتش كيويس يا ريت تحدد من الي عاده و مين الي رجع مع خصم الثواني و عامتن الايجابه ده مش صح حاول تاني و تخيلها صح

[HAJHEMO]

:D:D
شرح مفصل أكثر ...
ممكن يعدوا كالآتي :
أول اتنين هما اللي يقدر في12ثانية يعدي مع اللي يقدر في9 ثواني ، ويرجع اللي يقدر في 9 ثواني بالشمعة
ويصبح الباقي 18ثانية بعد مانقلل 12ثانية من الـ30ثانية
تاني مرة هما اللي يقدر في9 ثواني يعدي مع اللي يقدر في6 ثواني ، ويرجع اللي يقدر في 6ثواني بالشمعة
ويصبح الباقي 9 ثواني بعد مانقلل 9 ثواني من الـ18ثانية
ثالث مرة هما اللي يقدر في6 ثواني يعدي مع اللي يقدر في3 ثواني ، ويرجع اللي يقدر في 3ثواني بالشمعة
ويصبح الباقي 3 ثواني بعد مانقلل 6 ثواني من الـ 9ثواني
آخر مرة هما اللي يقدر في3 ثواني يعدي مع اللي يقدر في1 ثانية وأول ما دول يوصلوا تنطفي الشمعه لأن لم يبق من الثواني شيء بعد مانقلل3 ثواني من الـ 3ثواني اللي كانوا باقيين
وممكن يعدوا كالآتي :
أول اتنين هما اللي يقدر في1ثانية يعدي مع اللي يقدر في3 ثواني ، ويرجع اللي يقدر في 1 ثانية بالشمعة
ويصبح الباقي 27ثانية بعد مانقلل 3 ثواني من الـ30 ثانية
تاني مرة هما اللي يقدر في1 ثواني يعدي مع اللي يقدر في6 ثواني ، ويرجع اللي يقدر في 1 ثانية بالشمعة
ويصبح الباقي 21 ثانية بعد مانقلل 6 ثواني من الـ27 ثانية
ثالث مرة هما اللي يقدر في1 ثانية يعدي مع اللي يقدر في9 ثواني ، ويرجع اللي يقدر في 1 ثانية بالشمعة
ويصبح الباقي 12 ثانية بعد مانقلل 9 ثواني من الـ 21 ثانية
آخر مرة هما اللي يقدر في1 ثانية يعدي مع اللي يقدر في12 ثانية وأول ما دول يوصلوا تنطفي الشمعه لأن لم يبق من الثواني شيء بعد مانقلل12 ثانية من الـ 12 ثانية اللي كانوا باقيين
وممكن يعدوا كالآتي :
أول اتنين هما اللي يقدر في3 ثواني يعدي مع اللي يقدر في1 ثانية ، ويرجع اللي يقدر في 3 ثواني بالشمعة
ويصبح الباقي 27ثانية بعد مانقلل 3 ثواني من الـ30 ثانية
تاني مرة هما اللي يقدر في3 ثواني يعدي مع اللي يقدر في6 ثواني ، ويرجع اللي يقدر في 3 ثواني بالشمعة
ويصبح الباقي 21 ثانية بعد مانقلل 6 ثواني من الـ27 ثانية
ثالث مرة هما اللي يقدر في3 ثواني يعدي مع اللي يقدر في9 ثواني ، ويرجع اللي يقدر في 3 ثواني بالشمعة
ويصبح الباقي 12 ثانية بعد مانقلل 9 ثواني من الـ 21 ثانية
آخر مرة هما اللي يقدر في3 ثواني يعدي مع اللي يقدر في12 ثانية وأول ما دول يوصلوا تنطفي الشمعه لأن لم يبق من الثواني شيء بعد مانقلل12 ثانية من الـ 12 ثانية اللي كانوا باقيين

:4: :):

[n3na3aah]

اهلا بيك و شكرا علي حلك المفصل ده بس حبيت اووضح جاجه بسيطه ان و همه راجعيين برده بيتخصم من ال 30 ثانيه يعني همه و همه راجعين مش بيستخدمه الشمعه يعني لو الي عاده 9 و 12 و رجع 9 يبقه حنشيل من ال 30 21 ثانيه اسفه اني موضحتش الفكره ده فالحل ده غلط و مفيش غير طريقه واحده بس عشان يعده بيها ياله شد حيلك و حل:D

[خالد بن الوليد]

بسم الله الرحمن الرحيم ..

الحل كالتالي ..
هعتبر ان الول اسمه 1 و التاني اسمه 3 و التالت 6 و الرابع 9 و الخامس 12 ..

الأول يعدي 1 ، 3 .. و يرجع 3 ... المجموع 6 ثواني.
يعدي 12 ، 9 .. و يرجع 1 اللى هو هناك اصلاً المجموع 13 ثانية .. يبقى كدة 19
يعدي 1 ، 6 و يرجع 1 .. يبقى 7 ثواني يبقى المجموع 26 ثانية ..
يعدي 1 و 3 في 3 ثواني يبقى كله 29 ثانية ..

و يبقى ليه عندكم ثانية :D

صح ولا ايه :rolleyes:

[n3na3aah]

صحححححححححححححح مظبووط هايل اخ خالد الحا 100% يا ريت بقه انت تقولنا واحده انا نستنيه:)

[n3na3aah]

مافيش فوازير ليه هوه انا حعض اقول فوازير مش موشكله ياله فيه واحده طازه لسه حلاها امبارح
عندكو غرفه فيها 7 بنات كل بنت معاها 7 صناديق كل صندوق فيه 7 قطط و كل قطه معاها 7 اطفال يبقه كلهم علي بعض كده كاام
هيه سهله بس عايزه تركيييز
بس لوعو تعملو زي ماما و تقولو 5 مليوون:3:
تحياتي

[خالد بن الوليد]

2800 :rolleyes:

[n3na3aah]

اييه الشطاره ده لا ده كده مفيش حد قدك كويس انك معملتش زي ماما بس همه 2801 عشان نسيت تعد الغرفه:D قولنا انت فزوره علبال محد يقولي حاجه

[خالد بن الوليد]

لأ مهو انا ليه عندك واحد من الفزورة اللى قبلها .. خليتهم يعدوا في 29 ثانية بس ..
يبقى احنا كدة خالصين :D

شكراً على ذوقك :o .. بس اصلي مبعرفشي اقول فوازير .. :rolleyes:

الميك مع سيادتك ..:D

[n3na3aah]

ماشي خلاص نبقه خالصين نقول فزوره كمان بص ده برده عايزه واحد يتخيلها عشا تتفهم
كان فيه برده نهر و علي ضفه منهم فيه 3 اشخاص و 3 كائنات كده المهم ال6 دول المفروض نعديهم في مركب للضفه التانيه بس المركب ده مش بتشيل غير 2 و لازم حد يرجعها بس فيه شرط لازم يكون عدد الاشخاص اكبر من الكائنات او قدهم عشان لو الكائنات اكبر حيكلوهم في الضفتين طبعا يبقه يعده كلهم ازاي يا ريت اكون شرحتها كويس
و علي فكلره الفوازير ده انا جبتها من سيت قبل كده علي النت و اما حلتها حبيت اقولهلكم و بجد مش فكره اسمه اول معرفه حقلهولكه
تحيتي

[تامر]

الاخت العزيزه نعناعه
كان نفسي اشارك في حل فوازيرك اللذيذه الي فاتت بس انتي عارفه الامتحانات بقى والحمد لله اخي العزيز خالد بن الوليد قام بالمهمه لوحدو

فزورتكِ الاخيره حلها يا سيتي بقى كالاتي:-
الشخص الاول ياخد معاه كائن ويعدي بيه ويسيبه هناك ويرجع بالمركب
وياخد كائن تاني ويعدي بيه ويرجع بالمركب
وبعدين ياخد واحد من صحابه ويعدي بيه ويسيبه في الضفه التانيه الي كان عليها كائنين ويرجع بكائن منهم ويسيب صاحبه مع كائن واحد ويرجع بالكائن التاني
وبعدين ياخد صاحبه التاني ويسيب الكائنين مع بعض ويودي صاحبه التاني ويسيبه مع صاحبه الاول ومعاهم كائن ويرجع لوحدو
وبعدين ياخد كائن من الكائنين ويوديه ويرجع لوحدو تاني وياخد اخر كائن يوديه
يااااه
تعبت من كتر المرواح والمجي بقى:D

تحياتي لكِ اختي العزيزه نعناعه

[n3na3aah]

اهلا تامر و انا سعيده انك جيت تاني و انشاء الله الامتحانات تعدي علي خير و تشارك في حل كل الفوازير
بس هي الاجابه مش صح مع انك كنت ماشي حلو قوي فيها بس تعالي نشوف ايه الي غلط... انت قلت الول حناخد كائن و واحد حنوديهم و حنسيب الكائن و هوه يرجع مظبووط و تمام بس انت قلت انه حيرجع ياخد كائن تاني و يروح الضفه التانيه سعتها عد بقه كده حيكوون فيه 2 كائن و شخص و كده الكائتات حتكله يبقه مينفعش
حاول تاني و انا جبت الفلاش بتاع اللعبه ده حاحاول انزلها ديلوقتي طبعا حتبقي احسن بكتيير من الخيال بس يا رب تنزل و تحياتي اخي العزييز

[n3na3aah]

الفلاش منزلش عشان .exe بس ولا يهمكو اتفضلو من هنا

http://www.plastelina.net/games/game2.html

[n3na3aah]

و قلولي الحل

[تامر]

نعناعه العزيزه
معلش اصل انا لسه راجع من الامتحان الوقتي
وانتي عارفه بقى كان امتحان في مادة تاريخ التشريع الاسلامي
يعني صعب افكر الوقتي بس ان شاء الله بليل اناقشكِ في الاجابه بتاعتي
وشكرا لكِ اختي الكريمه

[n3na3aah]

ولا يهمك علي رحتك و ربنا يوفقك في الامتحانا و انا كمان ياااااااااااااا ربب

[تامر]

الاخت العزيزه نعناعه
اه كده تفرق
انتي مقولتيش ان الكائن ممكن يقود المركب
انا كنت باحسب ان الكائن ده حيوان مثلا مش ممكن يقود المركب من غير الانسان
بس كده يبقى الحل


راجل يروح ومعاه كائن ويسيبه هناك ويرجع
المره التانيه كائنين يروحو يبقى في هناك 3 كائن وهنا 3 شخص
وبعدين الكائن يرجع لوحدو بالمركب
وبعدين يروح شخصين ويفضل شخص مع الكائن
وبعدين يرجع شخص ومعاه كائنيبقى هنا في شخصين وكائنين وهناك شخص وكائن
وبعدين الشخصين يروحوا ويسيبوا الكائنين
وبعدين الكائن الاخير يرجع لوحدو
ويفضل هناك الاشخاص التلاته
ويروح كائنين ويفضل كائن
يرجع منهم كائن ويسيب كائن مع الاشخاص التلاته
الكائن الي رجع يجيب معاه الكائن الاخير ويروحوا مع بعض
وبكده يكونوا عدوا كلهم ولله الحمد


يارب يكون صح المره دي
ويارب يسمع منك وينجحكِ وينجحني وينجح الجميع ان شاء الله
الا بالمناسبه انتي في كلية ايه؟

[n3na3aah]

الحل صح 100% عليك يا تامر و يا رب يعدي الامتحانات علي خير و انا تقريبن مش حدخل المنتدي مده كده علبال متخلص الامتحانات و ربنا يسهل و اجيب فوازير تانيه و اشوفكه علي خيير
و انا في كليه تجاره انجليزي اسكندريه :70:

[تامر]

شكرا جزيلا للاخت العزيزه نعناعه
وربنا معاكي ومعانا في الامتحانات ان شاء الله

[ابن البلد]

شوية أسئلة
http://www.arabicnation.com/cgi-bin/quirex2/index.cgi?quiz=iq1

[أشجان الليل]

أنا طلعت 130

عبقرية :)

درجة ذكاء ممتازة جدا ويقترب من حدود العبقرية

هم اللى بيقولو كده عليا
:)

[ابن البلد]

ضحكوا عليكي :)

[منيرة]

:)...

[أحمد ناصر]

الإجابة طلعت خمسة
والنبى يا ابن البلد لو طلعت غلط ما تتريقش عليا كتير

[ابن البلد]

الإجابة طلعت خمسة
والنبى يا ابن البلد لو طلعت غلط ما تتريقش عليا كتير
خمس طبعا يا أبو حميد بس في وش العدو :d

[أشجان الليل]

ضحكوا عليكي :)
والله!!!!!*7*

طيب بصراحه كده انت جبت كام يابن البلد؟ *5* :d

[ابن البلد]

والله!!!!!*7*

طيب بصراحه كده انت جبت كام يابن البلد؟ *5* :d
انا مجربتش الإصدار ده
جربت القديم :d


ومحلتش غير سؤال واحد بس *7*

[مجاهد مصري]

يااااااااه يابن البلد
انتا ايه الي فكرك بالموضوع القديم ده؟
دا اخر مشاركه فيه كانت ليا ايام ما كنت باكتب باسم تامر
يعني حاجه كده من القرون الوسطى
عموما هوا موضوع جميل وان شاء الله نحييه تاني

[ابن البلد]

يااااااااه يابن البلد
انتا ايه الي فكرك بالموضوع القديم ده؟
دا اخر مشاركه فيه كانت ليا ايام ما كنت باكتب باسم تامر
يعني حاجه كده من القرون الوسطى
عموما هوا موضوع جميل وان شاء الله نحييه تاني
ومين قالك أني بنسي حاجه أبدا :)

[الكينج أبو وليــــد]

وانا 80 صح ولا ..............؟؟؟؟؟؟؟؟؟؟؟؟

[ابن البلد]

درجة ذكاء جيدة , الحد العام : 80 - 115

شوف أنت بقه :)