عذرا لن أدخل قاعة كلام فى الممنوع مرة أخرى !!

[maistro]

العزيزة / بنت مصر
تحية طيبة
كان من الممكن أن أقبل أن تغلقى الموضوع لو أنكى أعلمتينى مبدئيا برسالة خاصة تنوهين لى فيها بإغلاق الموضوع .
أما أن تهضمى حقى فى ذلك وتهضمى احترامك لى فهذا ما لا يقبله أى أحد وللأسف دخلت وشرعت فى الرد ولم أنتبه الى أن الموضوع تم اغلاقه !!
فهل هكذا تحترمون الأعضاء وهكذا تعاملونهم !!
----
ان القاعة اسمها كلام فى الممنوع وطالما أن هذا الاسم هو لمجرد الديكور ولا ترضون بنشر كل ما هو ممنوع لنتحدث ونتحاور فيه فإنى لا أجد سوى اعتذارى عن دخول هذه القاعة نهائيا وربما سأفكر فى عدم الدخول الى الموقع عامة لأن هذه القاعة هى مراد كل عضو ومنفذ للجميع كى يعبر عن ما يمر عليه من أحداث وغيرها فى الوطن العربى .
----
للأسف أخذت أقوى وأغرب لطمة منكى يا بنت مصر وأنتى التى جعلتينى أتأكد من أن المنتدى يسير فى حياد وعدل ومساواة .
فلقد أعلمتى ونوهتى من قبل لأخ لى بإغلاق موضوعه بعد تجاوزاته على وكان الأولى والأجدر أن تفعلى ذلك معى أيضا لأتقبل اغلاق الموضوع بصدر رحب .
للعلم لم تصل لى أى رسالة منكى بذلك حتى كتابة هذه السطور لتعلمينى بذلك لكى لا يقال أننى استلمت رسالة منكى مسبقا .
--
عموما تمنياتى لكم بالتوفيق
والسلام عليكم ورحمة الله وبركاته
المايستـرو

[بنت مصر]

أخي الفاضل والغالي جدااااااا مايسترو المحترم


أقسم لك بالله العظيم انه ما منعني عن الرسالة التنويهية تلك الا ظروف عملي
التي اضطرتني الي الخروج من النت فجأة بدون ما ألحق مراسلتك عبر
الرسائل الخاصة .. وأوعا تقول اني هضمت حقك في شيء لاني انا
بعتبر نفسي اقل واحدة في المنتدى وبكره السلطة موت .. بس كمان
انا قفلت الموضوع حرصا على علاقاتنا كلنا العرب ببعض

كمان في حاجة مهمة عاوزة أقولها لك اني فعلا بعتذر لك قدام الجميع
على عدم اعلامك باغلاق الموضوع ولكنها ظروف الشغل اخي الفاضل


أنا سعيدة جدا انك قلت لي على اللي مزعلك عشان اقدر اعتذر لك
ولكن انك تقول مش داخل قاعة كلام في الممنوع او انك مش داخل المنتدى
تاني فدا اللي فعلا يزعلني لاننا مستحيل نقدر نعوض شخص في حسن خلقك ولا
في ابداعك في التعبير عن الرأي ،،

انا والله داخلت النت دلوقتي عشان ألحق اعتذر لك لكن انت بقا اللي سبقتني
برسالتك دي واللي ليك كل الحق فيها وحستنا اشوف ردك بانك فعلا مش زعلان



أختك بسنت

[maistro]

الأخت العزيزة / بنت مصر
تحية طيبة
لا أعتقد أن أحدا بعد كلامك هذا يصر على ما قصده أو نوى عليه ولهذا أسطر تراجعى عن ما كتبته بترك القاعة والرجوع عن ما نويت عليه .
العزيزة بنت مصر عرفت سبب عدم ارسالك رسالة لاعلامى باغلاق الموضوع وهذا سبب يكفى لقبول عذرك .
وحقيقة كل ما ورد فى مشاركتك من اعتذارك الراقى والكبير أعتبره أكثر من حقى وشكرا لتوضيحك .
وان دل هذا على شىء انما يدل على سمو أخلاقك ونبل شخصك الكريم .
شكرا بنت مصر
وتحياتى لكى
أحترمكى وأعتز بكى وصافى يا لبن
بنت مصر لكى أيضا اعتذارى على تسرعى فى طرح الموضوع
وشكرا مرة أخرى لاهتمامك الملحوظ بالأعضاء جميعهم .
تحياتى وأمنياتى لكى بالتوفيق
المايستـرو

[ابن البلد]

:8:
:8:
:8:
:8:
:8:
:8:
:8:

حمد له علي سلامة روجعي :d

[بنت مصر]

الحمدلله يا مايسترو ان قبلت الاعتذار ومليون حليب ياقشطة :128:


والحمد لله يا ابن البلد على سلامة رجوعك :60:




:14: :133: :146:

[مصراوى]

ما أجمل اخلاقك يا بسنت
وما أجمل كرمك يا مايسترو
تحياتى لكم
وادام الله محبتنا

[وادكول مش معقول]

وهكذا التقت لميس بكمال علي نفس الكوبري الذي جمعهما من قبل بعد ان قالا ان لا تلاقيا هههههههههههههه

والله انتم زي العسل ........ وبعدين يا مايسترو اساسا اساسا فيه حد ممكن يزعل من العسولة بسنت ........ دي نوارة المنتدي .....

[Mrs. Virgo]

maistro
شكرا على الرساله ... كلامك بيدل على أصلك ..
كلك ذوق اخي العزيز ..
وأنا بعتذرلك عن اني يمكن أكون السبب في إغلاق الموضوع ..

====================================

شمس الدين
فهمت كلامي بالعكس تماما .. وفسرته زي ما انت عايز ..
المقصد الوحيد كان
"لو أنه صدفة وقابلت في حياتك كلها ناس من بلد وحده وطلعوا كلهم وحشين"
ده باردوا ما يديش لحد الحق بأنه يحكم على وطن وشعب كامل بأنه وحش ..

انا لا قارنت ولا عايزه اقارن ..
لأن كل انسان فيه نصه الحلو والوحش .. احنا مش ملائكه ..
فما بالك بدوله كامله ؟؟؟

====================================

مصراوي ..
عايزه أقولك أني ابعد ما يكون عن الفريق الذي ((( يحاول التنصل من كل مايربطه ببلاده تملقا وتزلفا لمواطنى بلد المهجر فيتحدث لكنتهم ويتكسب رضاهم بمهاجمة بلده علهم يلقون اليه ببعض الفتات او ينعمون عليه بابقائه بينهم فيما يظنه النعيم المقيم))))

أنا مصريه قلبا وقالبا ...
عمري ما اتكلمت غير مصري .. واعتقد ده واضح جدا حتى في مشاركاتي ..
عمري ما قلت كلمه وحشه على بلدي ولا أولاد بلدي ...
يمكن إلا بالحق .. ومش كنوع من الشتيمه .. أو التعملق أو كسب رضا حد..
بل علشان عايزه اصلح الحاجات الوحشه .. "انتقاد بناء" ان صح تسميته ..
عمري ما خنت بلدي أو اخ ليه .. مصري .. . ولا عمري هعملها ..

وعمري ما حاولت "اوصل" لأي حاجه ... لا عطايا ولا فتات خبز ؟!؟!
أنا وأمثالي .. نتشرف بأن نكون خلقنا من تراب مصر ..
ويمكن أمنيتي الأخيره ..
أن أخر زوايا الحياه التي سألفظ إليها في نهاية الطريق ...
تكون باردوا تحت تراب مصر ...

مصراوي ..
وانا خارجه من هنا .. وراجعه بلدي "مصر" .. ومهما طالت المده ...
مش هاخد معايا غير جواز سفري "المصري" وشهادتي واسرتي ..
ودي حاجات كلها اديتهالي مصر ..

====================================

بسنت - بنت مصر ..
كان قصدي أني اغير "ما يتبادله العرب من مشاعر كره" بس للأسف ..
كلامي جاب النتيجه العكسيه تماما .. بعتذر منك ..

وعندك حق لما قلتي
"تلك المشاعر كفيلة ببقاء حالنا على الخزى والهزيمة الي ان تقوم الساعة"

====================================

بس في حاجه دلوقتي بعلمها لأخواتي الصغيرين ..
وأنا السبب فيها .. لأني فعلا حببتهم في مصر ..
ولأنهم يمكن لسه صغيرين أو مش مدركين ..
كونوا في دماغهم أفكار مضاده ..
يعني حبوا مصر .. وكرهوا غيرها ..
المهم أني بعلمهم
"عيب أنك تكون ضيف عند حد ..كل العمر ده ..
تاكل معاه وتشرب .. وتنام .. وتلعب .. وتضحك وتحزن .. و .. و
وبعدين تطعنه في ظهره وانت ماشي ..
أو تعرف عيوبه وتبتدي تحكي عنها للرايح والجاي .. "

يا رب تكونوا كلكم فهمتوا قصدي ..

====================================

اخيرا عايزه أقول ...
عارفه المصري "كبرياء"
وأنا إذا كنت جرحتكم في مصريتكم بدون قصدي ..
أنتم طعنتوني في مصريتي .. بقصد ...

بعتذر لكم .. وبعتذر عن الإشتراك في أي موضوع سياسي قادم ..
وذلك ليس لقلة "وطنيتي" أو عدمها كما تفضلتم ونعتموني..
بل ربما لقلة خبرتي ..
وضعفي في التعبير عن نفسي ..
وتوصيل افكاري أو مشاعري بالطريقه الصحيح ..

يمكن أكون باردوا لخبطت الدنيا ..
أو معرفتش أوصل إلي أنا عايزه أقوله ..
علشان كده عايزه أقولكم ..
بكلام بسيط ..

انا مصريه بجد .. وغصبا عن اي حد ..

[مصراوى]

الاخت الفاضله miss virgo
كلامك الان واضح تماما
ويؤكد حبك وانتمائك
اعذرينى لكلماتى ولكن مافهمته المنى جدا لانه يمس شيئا غاليا لدينا جميعا وانتِ أولنا إن شاء الله
أرجو أن نظل دائما أخوة و أصدقاء
وتقبلى تحياتى

[بنت مصر]

مصراوي اخي الغالي
لك كل الشكر على هذه الصفة والتى اتمنى ان اكون جديرة بها



واد كول الغالية فينك غايب ياكول والله وحشتنا جدا والمنتدى على فكرة من غيرك ما يسواش تلاتة ابيض ولا حتى اسود ..

شكرا جدا يا كول على نقلك مشهد لميس وكمال على
كوبري عباس ماشية وماشية الناس:D وربنا يخليك يارب


اختى الحبيبة الغالية ميس فيرجو الرقيقة
الحمد لله انك وضحتي وجهة نظرك واحنا يا حبيبتي واثقين تمام
الثقة من مصريتك وحبك لبلدك لان مصر حبها بيجري في عروقنا ومستحيل
نلاقي بلد على وجه الارض اهلها بيعشقوها زي المصريين ما بيعشقوا مصر



هبهوبة الغالية
اما انتي ربنا وقعك في قاعة ماشاء الله كلها خناقات ومطاوي وجنازير:D



يلا ياجماعة بقا كده كل واحد يوسع من هنا عشان عاوزين نرش مية قدام المحل:3:


بسنت

[tannjour]

هذه المرة لن أقحم نفسي فيما ليس لي فيه دخل
ولكن أتمنى أن ماحدش من اللي نعرفوا زي الأخ العزيز الماسيترو
والوطنية Miss. Virgo مشرفة قاعة الفن يزعل من حد

دي أمنيتي :
أنو ماحدش يزعل من حد وماحد يجرح مشاعر الأخر أو يسئ فهمه

وكما أتمنى أنو ماحدش من الناس الطيبين اللي أعرفهم في المنتدى أنو يغادر
المنتدى



التوقيع :
رمضان

[ابن البلد]

و الله أنا مش لاحق أقرأ بس المهم أن الموضوع أنحل والحمد لله

و بس ألحق أقول يا رامييييي واد كول مش معقول أزيك عامل أيه
و مان ازيك يا لميسه :D
وأيه أخبراتك واحشني كلكم والله \

مايسترو أنا مش عارف أيه اللي حصل بس ياله حصل خير


مصراوي أزيك يا فندم أخبار سياتك أيه :D
توقيعك 100 /100 ;)