ممكن نراعى ربنا فى حكمنا على الناس.....؟؟؟؟؟؟؟؟؟

[سـلـوى]

فتان: اسكت مش انا شفت سناء امبارح و هى ماشية مع واحد فى الشارع
نمام: مش معقولة 0.....و عاملة نفسها محترمة و مش بتكلم صبيان
و انا شفت كمان ندى واقفة مع واحد فى الكلية امبارح
فتان: شاطرين بس يترسموا علينا
نمام: عندك حق اما اروح اقول لباقى الشلة
(محمد كان جنبهم و سامع الكلام)
محمد: حرام عليكم اتقوا الله فى كلامكم و حكمكم على الناس
لية مش يكون دة اخو سناء
و ندى يكون واحد وقفها زميل لها و ردت علية و مشيت
فتان و نمام: بس بس انت مش عارفة حاجة


للاسف ظاهرة اصبحت متواجدة بكثرة بين الشباب و الفتيات
الفتنة و النم على بعض
لدرجة انى بحس ان فية ناس بتحب تقف للناس على الواحده
حتى لو كان خطأ بسيط او امر عادى يكبروه او يفسروة غلط
علشان هما عايزين كدة
و كل واحد يفضل ينشر اللى سمعة او شافة
و طبعا فية ناس بتحب تصدق كل حاجة بتسمعها من غير ما تعقلها
او تفكر فيها

يا جماعة يا ريت بجد نراعى ربنا جميعا
فى تعاملنا و حكمنا على الناس
و نحاول دائما نفرض حسن النية الاول

علشان حتى مش تكتب عند الله انك ظالم

و حاول تتعرف على الانسان و تتاكد من شخصيتة قبل ما تحكم علية
و لو الفرصة لم تتح لك
يبقى بلاش تتسرع

و لا ننسى ان ( كما تدين تدان)
و يا جماعه الإنسان خطاء ومفيش حد معصوم من الخطأ
و ممكن يجى عليك يوم و تخطأ او تعمل شئ و يتفسر غلط
او تكون فى نفس الموقف و اوحش
او حد من اولادك

كمان الاسلام العظيم قال ان اى حد يرمى المحصنات بأى كلمه بتعاقب عليها ب80 جلدة مابلك انت يا مسكين ياللى مش قادر تمسك لسانك

سؤال
حتى لو اللى امامك وحش صحيح وظنك سليم
هل دة يعطيك الحق انك تفضحة ؟؟؟
او تتكلم عنة بسوء؟؟


قال الله تعالى:
(إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ (23) يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ (24))
سورة النور

سـلـوى

[فتى مصر]

فتان: اسكت مش انا شفت سناء امبارح و هى ماشية مع واحد فى الشارع
نمام: مش معقولة 0.....و عاملة نفسها محترمة و مش بتكلم صبيان
و انا شفت كمان ندى واقفة مع واحد فى الكلية امبارح
فتان: شاطرين بس يترسموا علينا
نمام: عندك حق اما اروح اقول لباقى الشلة
(محمد كان جنبهم و سامع الكلام)
محمد: حرام عليكم اتقوا الله فى كلامكم و حكمكم على الناس
لية مش يكون دة اخو سناء
و ندى يكون واحد وقفها زميل لها و ردت علية و مشيت
فتان و نمام: بس بس انت مش عارفة حاجة


للاسف ظاهرة اصبحت متواجدة بكثرة بين الشباب و الفتيات
الفتنة و النم على بعض
لدرجة انى بحس ان فية ناس بتحب تقف للناس على الواحده
حتى لو كان خطأ بسيط او امر عادى يكبروه او يفسروة غلط
علشان هما عايزين كدة
و كل واحد يفضل ينشر اللى سمعة او شافة
و طبعا فية ناس بتحب تصدق كل حاجة بتسمعها من غير ما تعقلها
او تفكر فيها

يا جماعة يا ريت بجد نراعى ربنا جميعا
فى تعاملنا و حكمنا على الناس
و نحاول دائما نفرض حسن النية الاول

علشان حتى مش تكتب عند الله انك ظالم

و حاول تتعرف على الانسان و تتاكد من شخصيتة قبل ما تحكم علية
و لو الفرصة لم تتح لك
يبقى بلاش تتسرع

و لا ننسى ان ( كما تدين تدان)
و يا جماعه الإنسان خطاء ومفيش حد معصوم من الخطأ
و ممكن يجى عليك يوم و تخطأ او تعمل شئ و يتفسر غلط
او تكون فى نفس الموقف و اوحش
او حد من اولادك

كمان الاسلام العظيم قال ان اى حد يرمى المحصنات بأى كلمه بتعاقب عليها ب80 جلدة مابلك انت يا مسكين ياللى مش قادر تمسك لسانك

سؤال
حتى لو اللى امامك وحش صحيح وظنك سليم
هل دة يعطيك الحق انك تفضحة ؟؟؟
او تتكلم عنة بسوء؟؟

سـلـوى



فعلا النم والفتن اصبحت اكثر شئ منتشر دلوقتى بين الشباب . والغالب فى النم بيبقى عن اعتقاد شخصى او تصور خاطئ دون معلومات اكيدة . وفعلا زى ما حضرتك قولتى حتى لو فعلا فى غلط من شخص معين لا يجوز ان نفضحة . لعلنا نستفيد مما كتبتية اختى الفاضلة ولى عودة .

والسلام ختام
فتى مصر

[osha]

موضوع جميل يا سلوى طبعا ويمس قضية حساسة وهي التسرع في الحكم على الآخرين
ولاتقاء الظنون من أصحاب الظنون السيئة يجب أيضا اتقاء مواطن الشبهات وعدم خلط الأمور ببعضها
وعلى فكرة المحصنات هن المتزوجات والله أعلم
ربنا يوفقك ان شاء الله

[سـلـوى]

فعلا النم والفتن اصبحت اكثر شئ منتشر دلوقتى بين الشباب . والغالب فى النم بيبقى عن اعتقاد شخصى او تصور خاطئ دون معلومات اكيدة . وفعلا زى ما حضرتك قولتى حتى لو فعلا فى غلط من شخص معين لا يجوز ان نفضحة . لعلنا نستفيد مما كتبتية اختى الفاضلة ولى عودة .

والسلام ختام
فتى مصر

حقيقى اصبحت منتشرة
و بشكل سئ

ربنا يهدي الجميع

و ربنا يتقبل دعائك و يكون فى المووضوع هداية و إفادة

تحيتى و شكرى

و فى انتظار عودتك

[سـلـوى]

موضوع جميل يا سلوى طبعا ويمس قضية حساسة وهي التسرع في الحكم على الآخرين


اسعدنى مرورك يا ام محمد
ربنا يخليكى


ولاتقاء الظنون من أصحاب الظنون السيئة يجب أيضا اتقاء مواطن الشبهات وعدم خلط الأمور ببعضها



تسلمى
المفروض ننتبة دائما و نسعى لرضى ربنا
و نراجع افعالنا
بس اعتقد ان دة ملهوش دخل بخلط الامور
خلط الامور بيكون من صادر الحكم
و زى ما قلت فوق مفيش انسان معصوم من الخطا
و مهما كان
فاعتقد ان دة لا يحلل للانسان انة يسئ و يفضح غيره
دون تاكد
و يعيب فية
ان كان شك او غيرة او غيرها من الاسباب


وعلى فكرة المحصنات هن المتزوجات والله أعلم
ربنا يوفقك ان شاء الله

المحصنات هم العفائف
و ليس المتزوجات
و للتاكد ادخلى على الموقع دة
http://stream.islamonline.net/sharawi/

تقبلى تحيتى و شكرى

[الصعيدي]

موضوع جميل ورائع يا سلوى .. فعلا بقت ظاهرة مش بس هتلاحظيها في الكلية .. وإنما للأسف في الشغل كمان .. كلام الناس عن بعضيها وسوء الظن والنميمة .. ظاهر سيئة جدا وعواقبها أسوأ وممكن تخرب بيوت .. ربنا يعافينا
أنا حبيت بالمناسبة برضه أقول ما يصحش الواحد يحط نفسه في موضوع الشبهات باستمرار وبعدين يزعل من كلام الناس عنه .. صحيح كلام الناس غلط .. ولكن لازم الواحد برضه يحترم نفسه وما يحطش نفسه في موضوع الشبهات ويجيب لنفسه سوء السمعة .. ربنا زي ما أمرنا بسلامة الباطن أمرنا برضه بسلامة الظاهر
وجزاك الله خيرا على نصيحتك الجميلة .. وأسلوبك الطيب

المحصنات هم العفائف
و ليس المتزوجات


فعلا أختي سلوى .. وأختي أم محمد .. بارك الله فيكم .. المحصنات في هذا السياق بمعنى كل بالغة حرة عفيفة
وأشكرك ياسلوى على الرابط .. أول مرة أشوفه ولقيته مفيد جدا .. جزاك الله خيرا

[osha]

اسعدنى مرورك يا ام محمد
ربنا يخليكى




تسلمى
المفروض ننتبة دائما و نسعى لرضى ربنا
و نراجع افعالنا
بس اعتقد ان دة ملهوش دخل بخلط الامور
خلط الامور بيكون من صادر الحكم
و زى ما قلت فوق مفيش انسان معصوم من الخطا
و مهما كان
فاعتقد ان دة لا يحلل للانسان انة يسئ و يفضح غيره
دون تاكد
و يعيب فية
ان كان شك او غيرة او غيرها من الاسباب



المحصنات هم العفائف
و ليس المتزوجات
و للتاكد ادخلى على الموقع دة
http://stream.islamonline.net/sharawi/

تقبلى تحيتى و شكرى
لايوجدأي شئ يحلل الحكم الخاطئ على الناس ولكن صديقتي الصغيرة اتقاء مواطن الشبهات أفضل وأضمن طريقة لتجنب صدور حكم خاطئ من الآخرين
والأمر فعلا له دخل كبير بخلط الأمور - فالفتاة التي تعلن أنها لا تكلم شباب يجب أن تتبع هذا الأمر بكل ما لا يجعل أحد يعود عليها بالحديث أو بالظن السئ. ولا تعطي الفرصة لمسيئي الظن بالتقول عليها أو بالاساءة اليها.
وبما أننا لا نستطيع التحكم في سلوك سيئي الظن واقناعهم باتقاء الله في ظنهم يبقى الافضل اننا نتقى الله في انفسنا أولا ونبعدها عما يجلب اليها سوء الظن

[أشرف المجاهد]

بسم الله الرحمن الرحيم

أختى الطيبة سلوى

فعلا صفات سيئة وتحتاج الى اصلاحها

وكما تدين تدان وعقابها عند الله كبير

ويجب ان نعامل من يغتاب أو من ينم بالنصيحة بالحسنى

وربنا يهدينا الى ما يحبه ويرضاه

وأستغفر الله العظيم

والحمد لله رب العالمين

وربنا ينفعنا بما علمنا

بارك الله فيك

جزاك الله خيرا

[سيد جعيتم]

موضوع هادف وللأسف النم والفتنة لا تقتصر على الشباب وأنما بجميع الأهمار . الإنسان حامل هذه الصفات السيئة يحتاج للتوبة وللنصيحة .

[المفكر]

أختي الكريمة
أحييك على موضوعك لأنني لاحظته كثيرا في الفتره الحالية
صعب جدا علينا هذه الأيام منع الاختلاط بين الرجل والمرأة
فعلى ما أعتقد لا مانع أن نتكلم في العلم او العمل فهذا للضرورة
لكن هناك من لا يكتفي بذلك ونسأل الله ألا نكون منهم
لكن أزاي نبقى أحنا بس اللي وحشين!!!!!!!!!!!!!!!
يبقى نتصيد أي حاجه نخلق منها موضوع عشان ميبقاش فيه حد أحسن منناعشان يدينا نصائح ولا نبقى احنا أقل من حد
خلينا صرحاء
يستحيل منع الاختلاط في عصرنا وبظروفنا الحالية
سواء في الدراسة أو في العمل
يبقى اتقاء الشبهات بمنع الكلام مستحيل ومندحكش على نفسنا
يبقى الحل الوحيد إننا نقنن الكلام ده بحيث ميخرجش عن حدود المسموح
دا رأيي الشخصي طبعا
أما بالنسبة للنميمة فحدث ولا حرج
من منا لا يقع في هذا الذنب
لكن المهم أن ننتبه قبل أن يقتلنا هذا الفيروس اللعين
وبشكرك تاني يا سلوى على موضوعك الهام جدا واللي يهم الناس كلها على ما أعتقد

[سـلـوى]

موضوع جميل ورائع يا سلوى .. فعلا بقت ظاهرة مش بس هتلاحظيها في الكلية .. وإنما للأسف في الشغل كمان .. كلام الناس عن بعضيها وسوء الظن والنميمة .. ظاهر سيئة جدا وعواقبها أسوأ وممكن تخرب بيوت .. ربنا يعافينا
[/b]
ربنا يخليك يا استاذ محمد
اسعدنى جداااااا مرور حضرتك

و ربنا يتقبل دعائك و يحفظنا جميعا



أنا حبيت بالمناسبة برضه أقول ما يصحش الواحد يحط نفسه في موضوع الشبهات باستمرار وبعدين يزعل من كلام الناس عنه .. صحيح كلام الناس غلط .. ولكن لازم الواحد برضه يحترم نفسه وما يحطش نفسه في موضوع الشبهات ويجيب لنفسه سوء السمعة .. ربنا زي ما أمرنا بسلامة الباطن أمرنا برضه بسلامة الظاهر
وجزاك الله خيرا على نصيحتك الجميلة .. وأسلوبك الطيب
[/b]
و جزاك الله كل خير

و زى ما احنا عايزين الناس تراعى ربنا فى حكمها على الناس
لازم احنا كمان نراعى ربنا دائما فى افعالنا و كلامنا
على الاقل يوم ما يطلع علينا كلام غلط
هيكون عندنا ثقة فى الله و نكتفى برضاه و راحة الضمير


فعلا أختي سلوى .. وأختي أم محمد .. بارك الله فيكم .. المحصنات في هذا السياق بمعنى كل بالغة حرة عفيفة
وأشكرك ياسلوى على الرابط .. أول مرة أشوفه ولقيته مفيد جدا .. جزاك الله خيرا


الشكر لحضرتك
و ربنا يثبتنا جميعا

تقديرى و احترامى الدائم

[سـلـوى]

لايوجدأي شئ يحلل الحكم الخاطئ على الناس ولكن صديقتي الصغيرة اتقاء مواطن الشبهات أفضل وأضمن طريقة لتجنب صدور حكم خاطئ من الآخرين
والأمر فعلا له دخل كبير بخلط الأمور - فالفتاة التي تعلن أنها لا تكلم شباب يجب أن تتبع هذا الأمر بكل ما لا يجعل أحد يعود عليها بالحديث أو بالظن السئ. ولا تعطي الفرصة لمسيئي الظن بالتقول عليها أو بالاساءة اليها.
وبما أننا لا نستطيع التحكم في سلوك سيئي الظن واقناعهم باتقاء الله في ظنهم يبقى الافضل اننا نتقى الله في انفسنا أولا ونبعدها عما يجلب اليها سوء الظن

دة اكيد يا ام محمد
و زى ما قلت لاستاذ محمد
لازم دائما نراعى ربنا فى افعالنا و كلامنا

بس حكاية ان الفتاة مش تكلم شباب
ليها معانى كتير
و بتختلف من شخص للتانى
يعنى مثلا حد يشوف ان خلال المنتديات فقط
او خلال الزمالة فى حدود الجامعة برضو فقط او العمل
مش غلط
غيرة يشوف ان المفروض مش يكون فية خالص تعامل
و اى حد فيهم بيخرج عن النطاق دة اكيد بتتعرض للشبهات

و زى ما قال المفكر احنا فى زمن الاختلاط متواجد فى كل مكان
المهم الحدود التى تضعها كل فتاة او شاب

بس المهم نراعى ربنا
فى اننا لا ننم و نتحدث عن بعضنا البعض
كالسكاكين فى الظهر

و يوم ما نحس ان فى حد نعرفة اخطأ مش غلط ابدا
ننبهة
بس المهم الاسلوب
بيفرق كتييييييييير

اسعدنى مرورك يا غالية
و مناقشتك
ربنا يحفظك دائما
و يقدرنا على رضاه

تحيتى و شكرى

[سـلـوى]

بسم الله الرحمن الرحيم

أختى الطيبة سلوى

فعلا صفات سيئة وتحتاج الى اصلاحها

وكما تدين تدان وعقابها عند الله كبير

ويجب ان نعامل من يغتاب أو من ينم بالنصيحة بالحسنى

وربنا يهدينا الى ما يحبه ويرضاه

وأستغفر الله العظيم

والحمد لله رب العالمين

وربنا ينفعنا بما علمنا

بارك الله فيك

جزاك الله خيرا

اخى الكبير
و استاذى القدير
استاذ اشرف
شرف لى مرور حضرتك
و تقبل الله دعاءك


و حفظنا من كل سوء و من شرور انفسنا



وأستغفر الله العظيم

والحمد لله رب العالمين

تقديرى و احترامى الدائم

[سـلـوى]

موضوع هادف وللأسف النم والفتنة لا تقتصر على الشباب وأنما بجميع الأهمار . الإنسان حامل هذه الصفات السيئة يحتاج للتوبة وللنصيحة .

والدى القدير استاذ سيد ابراهيم
اسعدنى مرور حضرتك
و بارك الله فى حضرتك
لتعليقك
و إضافتك

و ربنا يهدى الجميع

تقديرى و احترامى

[سـلـوى]

أختي الكريمة
أحييك على موضوعك لأنني لاحظته كثيرا في الفتره الحالية
صعب جدا علينا هذه الأيام منع الاختلاط بين الرجل والمرأة
فعلى ما أعتقد لا مانع أن نتكلم في العلم او العمل فهذا للضرورة


اخى الفاضل
ابراهيم
بارك الله فيك
و شكرا لك جزيلا
و حقيقى احنا فى زمن لازم لا نكون متشددين و لا متحررين
نتعامل بالعقل و الدين معا


لكن هناك من لا يكتفي بذلك ونسأل الله ألا نكون منهم
لكن أزاي نبقى أحنا بس اللي وحشين!!!!!!!!!!!!!!!
يبقى نتصيد أي حاجه نخلق منها موضوع عشان ميبقاش فيه حد أحسن منناعشان يدينا نصائح ولا نبقى احنا أقل من حد


ربنا يحفظنا منهم

اوحش حاجة بجد ان الانسان يحاول و يسعى
لان يسئ لغيرة
علشان احسن منة
و زى ما قلت ممكن يلفق لة و خلاص
بس هنقول اية
ربنا يهدى الجميع



خلينا صرحاء
يستحيل منع الاختلاط في عصرنا وبظروفنا الحالية
سواء في الدراسة أو في العمل
يبقى اتقاء الشبهات بمنع الكلام مستحيل ومندحكش على نفسنا
يبقى الحل الوحيد إننا نقنن الكلام ده بحيث ميخرجش عن حدود المسموح
دا رأيي الشخصي طبعا


تسلم يا ابراهيم
المهم الحدود
و الحدود اللى يرضى عنها ربنا مش اللى احنا عايزنها



أما بالنسبة للنميمة فحدث ولا حرج
من منا لا يقع في هذا الذنب
لكن المهم أن ننتبه قبل أن يقتلنا هذا الفيروس اللعين


احلى حاجة الصراحة مع النفس و الضمير
حقيقى كلنا احيانا بنخطأ
احنا بشر
بس المهم نذكر انفسنا دائما
و نغذى روحنا بالدين باى شكل


وبشكرك تاني يا سلوى على موضوعك الهام جدا واللي يهم الناس كلها على ما أعتقد


الشكر لك اخى الفاضل
على إضافتك الرائعة و التى تناولت اكثر من جزئية
بارك الله فيك
و جعل فى الموضوع يا رب هداية و تذكرة

تقديرى و احترامى الدائم

[zizo_ya_zizo]

الموضوع جميل ياسلوى وياريت الكل يفهمه ويعى مايتضمنه من معانى ويارت كل نمام وقوال يقراه ويفهمه بس انا ليا تعقيب بسيط ،،،

مافيش دخان من غير نار والافضل اتقاء مواطن الشبهات ، وكمان مش النمامين والقوالين بس الى ممكن ينقلو الشبهات ده للاسف انه بيكون من الشخص نفسه بمعنى ان البنت اللي بيتقال عليها كلام بتروح هي نفسها احيانا تكرره وتقوله للجميع عشان تشتكي وبالتالي هي بتفضح روحها برضه مش بس النمامين يعني الكلام دا لو مش صحيح هي الاولى بيها انها ماتشاركش في نشره ولو بالشكوى عشان كده بتثير الشبهات ضدها

[سـلـوى]

الموضوع جميل ياسلوى وياريت الكل يفهمه ويعى مايتضمنه من معانى ويارت كل نمام وقوال يقراه ويفهمه بس انا ليا تعقيب بسيط ،،،


ربنا يخليك يا احمد
شكرا لمرورك و تعليقك الكريم



مافيش دخان من غير نار والافضل اتقاء مواطن الشبهات ، وكمان مش النمامين والقوالين بس الى ممكن ينقلو الشبهات ده للاسف انه بيكون من الشخص نفسه بمعنى ان البنت اللي بيتقال عليها كلام بتروح هي نفسها احيانا تكرره وتقوله للجميع عشان تشتكي وبالتالي هي بتفضح روحها برضه مش بس النمامين يعني الكلام دا لو مش صحيح هي الاولى بيها انها ماتشاركش في نشره ولو بالشكوى عشان كده بتثير الشبهات ضدها


هو غلط كمان لانها بتعتبر بتسئ للانسان اللى اساء اليها
حتى لو هو مش كويس
انا نفسى وقعت فى هذا الخطأ و شخصية وجهت لى كلام جارح
و توجهت للبعض من حزنى
بس اضايقت من نفسى
على الرغم انى معبتش فية و كان كل التركيز على الكلام نفسة اللى طلع لى
و اعترفت بخطأى لانى لم اقصد الاساءة لهذة الشخصية
و اتاسفت علنى كمان علشان اصحح خطئى

لكن ان يكون الانسان قاصد انة يعيب
و يفضح غيرة
دة اللى غلط

كلنا بنخطأ المهم نذكر نفسنا دائما
و نعترف بالخطا دون تكابر
و نكون من داخلنا كويسين بجد
و نراعى ربنا سرا و علانية

و ربنا يهدى الجميع


شكرا مرة اخرى لمرورك و إضافتك يا احمد
حفظك الله دائما

تقديرى و احترامى