الدروس الخصوصية

[أم أحمد]

يواجه بعض الطلاب على اختلاف مراحلهم الدراسية مشكلات في فهم بعض محتوى موادهم الدراسية خلال العام الدراسي، ومع الإهمال تصبح هذه المواد بمرور الوقت شيئا معقدا فيلجأ الطلاب إلى الدروس الخصوصية التي أصبحت ظاهرة منتشرة في مختلف معظم دول العالم وتكون في تصاعد مع اقتراب موعد الاختبارات أو في المراحل النهائية من مستويات الدراسة

واصبح الاعتماد علي الدرس الخصوصي كنوع من الراحة‏ وعدم بذل الجهد الشخصي‏,‏ يشجعهم علي هذا أولياء أمورهم كنوع من تدليل الأبناء واصبحت تمثل خطورة اقتصادية وايضا تسبب في تخريب عقول أبنائنا بما يحفظونه من معلومات‏,‏ وملخصات‏,‏ بل وملخصات المخلصات‏,‏ ومذكرات ليلة الامتحان‏,‏ وما قبل الامتحان بساعة‏,‏ وغيرها من الأساليب المخربة للعقول‏,‏ فضلا عن المدمرة للعلاقات الانسانية‏,‏ وماينبغي أن يكون بين المعلم والتلميذ من قيم وأخلاقيات لها اهميتها القصوي في البناء والتكوين الانساني والأخلاقي والاجتماعي لأبنائنا من الطلاب والتلاميذ‏.‏


يا تري بقي انتم مع او ضد الدروس الخصوصية وهل تجد لها مميزات ام ان سلبياتها دائما اكبر؟

اري ان هناك اباء بيعطوا لابنائهم من المرحلة الابتدائية دروس في جميع المواد حتي لو لم يشتكي الطالب بان هناك مواد لا يفهمها
لدرجة ان الطالب مش بيبقي عنده وقت عشان يقعد يركز ويذاكر لان وقته بيقضيه في الغالب في اخد الدروس
وبعدين الموضوع اصبح في ازدياد بصورة بشعة حتي وصل الي مرحلة الجامعة وهو موجودد بصورة كبيرة

تعالوا نتناقش في الموضوع بموضوعيه شديدة ونسمع اراء بعض المختلفة وليه الطالب بيلجا للدروس الخصوصية في جميع المراحل

[حنـــــان]

أنا أحب أعرف رأي الطلائع في الموضوع ده
شكرا يا أم أحمد

[osha]

موضوع الساعة والله يا ام احمد
المشكلة ان الولاد بقت عندهم مسألة نفسية بعدم الاكتفاء بشرح المدرس مهما كان المدرس كويس وبقت الدروس الخصوسية عندهم زي المخدرات كده يعني ادمان لدرجة ان البعض لا يمكن ان يفكر في الاستغناء عنها
انا طبعا لا اويدها البتة بس هم فين الشباب يردوا علينا

[emerald]

السلام عليكم ورحمة الله وبركاته

لو سمحتي لى يا ام محمد اريد ان اعلق على الموضوع.
وبعدين الموضوع اصبح في ازدياد بصورة بشعة حتي وصل الي مرحلة الجامعة وهو موجودد بصورة كبيرة

انا اؤيد الدروس الخصوصية في المرحلة الجامعية.لانه لاتوجد اعذار للفشل في هذه المرحلة . حتي ان لم تشرح الدكتورة جيدا حتى ان ضغط المنهج في شهر واحد وهذه الامور تحصل مع كل طالب جامعي بالاضافة الى ضغوط المواد الاخري والبحوث وغيرها , لذالك انا اؤيد الدروس في هذه المرحلة بالذات, انا شخصيا اخذت في اخر سنة دروس في الاقتصاه الاداري هي ليست مادة صعبة لكن كما قلت لاتوجد اعذار للفشل في الجامعة.
اما عن المراحل الاخرى فلا اري داعي للدروس فيها الا اذا كان الطالب لا يستوعب المنهج هذا امر اخر.
وشكرا لكي على طرحك للموضوع تقبلي تحياتي

[أحمد ناصر]

أهلا بك يا أم أحمد
الحقيقة إنى ضد مبدأ الدروس الخصوصية
أفضل أن يعتمد الطالب على نفسه
فلسفة التعليم تكمن فى كيفية الحصول على المعلومة وإستيعابها الإستيعاب الصحيح
والدروس الخصوصية تضعف هذه الملكة فى الطلاب

[أم أحمد]

أنا أحب أعرف رأي الطلائع في الموضوع ده
شكرا يا أم أحمد

شكرا يا حنان علي مشاركتنا الموضوع بس كنت احب اسمع وجهة نظرك في الموضوع برده واشوف نظرتك التحليلة للموضوع :good:
بس نورتينا الشوية الصغيرين دول
:f: :f:

[أم أحمد]

موضوع الساعة والله يا ام احمد
المشكلة ان الولاد بقت عندهم مسألة نفسية بعدم الاكتفاء بشرح المدرس مهما كان المدرس كويس وبقت الدروس الخصوسية عندهم زي المخدرات كده يعني ادمان لدرجة ان البعض لا يمكن ان يفكر في الاستغناء عنها
انا طبعا لا اويدها البتة بس هم فين الشباب يردوا علينا

اهلا يا اوشا نورتي الموضوع جدا
المشكلة بقت اكبر من كده كمان يا اوشا تلاقي الطالب من قبل ما يدخل المدرسة واهله بيتقفوا مع المدرسين ومين احسن مدرس والله بيبقي احيانا ايضا بالدور عند المدرس وخلاص اتحجز ومش عنده وقت تاني ياه حاجة صعبة اوي
والادهي كمان طالب في الصف الاول الابتدائي اللي مفروض لسه بنفتح له مداركه تلاقيه بياخد دروس في كل المواد طيب ده هيروح المدرسة امتي وهياخد الدروس امتي وهيذاكر امتي وهيلعب امتي يعني احنا كده حرمنا من ابسط حقوقه
الموضوع فيه كلام كتير اوي
كل الشكر لك اوشا
:f2:

[الدكتورة نسيبة]

والله يا ام احمد الموضوع ده منتشر من زمان اوى

بس للاسف ده نتيجة سوء التعليم سواء بقى كان فى المدرسة او الجامعة لان المدرسين والمحاضرين هما اللى مش بيشرحوا كويس عشان يجبروا الطالب انه ياخد دروس خصوصية عندهم

ويمكن الدروس الخصوصية دى بتنفع فى مرحلة مؤقتة يعنى عشان بس انجح واطلع سنة جديدة لكنها مش بتدوم يعنى لو سالتى اى طالب فى اى حاجة هو اخدها قبل كده فهيرد ببساطة هو انا فاكر انا بس بذاكر عشان انجح واعدى وخلاص

بس لو فكرنا اننا نلغى الدروس الخصوصية حاسة اننا هنتعب اوى ده لو فضلت الكتب زى ما هى ولو فضلوا المحاضرين والمدرسين زى ما هم

تسلم ايدك يا ام احمد على الموضوع المهم ده والحمد لله الواحد خلص من الدروس الخصوصية والتعليم كله بخيره وشره ههههههه

[أم أحمد]

السلام عليكم ورحمة الله وبركاته

لو سمحتي لى يا ام محمد اريد ان اعلق على الموضوع.

انا اؤيد الدروس الخصوصية في المرحلة الجامعية.لانه لاتوجد اعذار للفشل في هذه المرحلة . حتي ان لم تشرح الدكتورة جيدا حتى ان ضغط المنهج في شهر واحد وهذه الامور تحصل مع كل طالب جامعي بالاضافة الى ضغوط المواد الاخري والبحوث وغيرها , لذالك انا اؤيد الدروس في هذه المرحلة بالذات, انا شخصيا اخذت في اخر سنة دروس في الاقتصاه الاداري هي ليست مادة صعبة لكن كما قلت لاتوجد اعذار للفشل في الجامعة.
اما عن المراحل الاخرى فلا اري داعي للدروس فيها الا اذا كان الطالب لا يستوعب المنهج هذا امر اخر.
وشكرا لكي على طرحك للموضوع تقبلي تحياتي


اهلا بك قلم و طبشورة
نورتي الموضوع بطلتك الجميلة وبرائيك الجميل :good:

بس انا لي رائ اخر انا لا اؤيد الدروس الخصوصية في جميع المراحل سواءا قبل الجامعة او في المرحلة الجامعية لعدة اسباب ساوردها في ما يلي

1- لان الدروس الخصوصية لا تساعد الطالب علي تنمية مداركه بل يعتمد فقط علي الملخصات وعلي ملزمة ليلة الامتحان :hop:

2- سوف نجعل الطالب يعتمد علي الصم والحفظ وهو حفظ الملخص بدون ان يفهم ويعي ما يتضمنه لانه ضامن ان بحفظه الملخص هيقدر ينجح وده المهم عنده وخصوصا في الجامعة ونسي حاجة مهمة انه كده مش بيتعلم ولما يخلص دراسة هينسي كل حاجة لانه لم يفهم وانما حفظ وصم :(

3- دائما نلقي باللوم علي المعلم او استاذ الجامعة صحيح يمكن يكون في تقصير منهم ولكن التقصير الاكبر يكون علي الطالب الذي يريد اخذ كل شئ بسهولة :n:

4- عوامل اقتصادية وده عامل صعب اوي لان في بعض الاحيان الاباء بيضغطوا علي نفسهم كتير اوي لكي يوفروا الفلوس الخاصة بالدروس وده بيسبب ضغط كبير اوي


الكلام كتير والاسباب اكتر
كل الشكر لك اختي العزيزة

:f2:

[بنت مصر]

أولا يا أم أحمد انا عايزة أشكرك جدا على مواضيعك الساخنة
اللي بتطرحيها .. واللي فعلا بتمس مشاكل كل بيت مصري

بخصوص الدروس الخصوصية ولجوء التلاميذ اليها من ابتدائي الي الجامعة
مش عارفة هي صحيح كسل من التلاميذ انهم يبذلوا مجهود عشان يذاكروا بنفسهم
لكن برضه لازم نعرف ايه سبب هذا الكسل .. أنا شايفة ان كسل الطلاب عن المذاكرة
أول اسبابه هو فقدان العلاقة بين التلميذ والكتاب .. البيت لم يعط الاهتمام الكافي
للطفل ليحببه في القراءة ليكون الكتاب صديقا له .. القراءة عادددددددددددددة
لازم تنمى في الطفل منذ نعومة اظافره .. لو قلنا ان كثير من أدباءنا وكتابنا
نشأوا في مناخ أمي لا يعرف فيه الاب والام حتى القراءة والكتابة .. أقول
ان المدرسة .. الكتاب .. الجار .. اي منهم ساعده واخذ بيده وحببه في
القراءة .. لكن تعالى ننظر الي المدرسة .. وما تفعله مع الأطفال في
المدارس!! لو الطفل داخل المدرسة سعيد ومقبل عليها .. سيتحول
هذا الاقبال من اليوم الاول الي هروب وعداء .. سيتحول هذا
الامل الي خيبة أمل .. خيبة أمل لأحلام بناها في خياله عن
المدرسة والمدرسين والكتاب والتعليم .. للاسف المدارس
بتقضي على أي رغبه أو اي علاقة يمكنها ان تنشأ بين
الطفل والكتاب ...!!

فكسل التلاميذ عن المذاكرة بمفردهم سببها المجتمع واساليب التعليم الفاشلة ..

بالاضافة الي .. ان زمان كان مجموع الـ 80% في الثانوية العامة بيتيح للطالب
الالتحاق بكليات القمة .. أما اليوم .. فهذا المجموع قد لا يؤهل الا للمعاهد أو الكليات الخاصة

فالمنافسة شديدة والتحديات كبيرة .. والطلاب يحتاجون الي العلم في كبسولة .. ولا وقت
عندهم لاستهلاكه في قراءة كتاب المدرسة المطول .. لذلك فان كفاءة المدرس عن غيره لم تعد
تعتمد فقط على الشرح وانما أيضا في ملزماته .. ومدى تركيزها وتغطيتها للمنهج الدارسي بأسلوب
سهل سهل الهضم لدى الطالب ..


بسنت

[emerald]

السلام عليكم

من الجميل ان ارى هذا الاتفاق الكبير بين اعضاء المنتدي ,لكن الا تري معي يا ام محمد ان هذا الاجماع
غريب انتم بذالك تمحوا فكرة واساس اختلاف الادراك من طالب الى طالب علما بان هناك تخصصات قائمة بحد ذاتها عن هذا الموضوع .
لكن هذا لا يعني اني لا احترم ارائكم ارائكم انا احترمها قبل ان تنطقوا بها تقبلوا تحياتي .
شكرا.

[osha]

والله يا ام احمد انا قبل ما انتقل للإقامة هنا وكانت بنتي في الصف الثالث كنت باديها دروس في 3 مواد غير المجاميع ودي نتيجة تانية لزيادة الكثافة في الفصل الواحد مع انها كانت في مدرسة خاصة لغات الا ان الكثافة في الفصل الواحد قد تؤدي الى عدم امكانية المدرس ان يتفاعل ويركز مع الكل

ودي نقطة تانية نسيتها في ردي الاولاني

[ابن البلد]

أؤيدها طبعا
:)
لولوها مكنتش نجحت
:)

[أم أحمد]

أهلا بك يا أم أحمد
الحقيقة إنى ضد مبدأ الدروس الخصوصية
أفضل أن يعتمد الطالب على نفسه
فلسفة التعليم تكمن فى كيفية الحصول على المعلومة وإستيعابها الإستيعاب الصحيح
والدروس الخصوصية تضعف هذه الملكة فى الطلاب

اهلا بك اخي العزيز احمد
اوافقك الرأي تماما
فعلا الدروس بتؤثر علي الطالب وتجعله لا يحاول التفكير ويعتمد الاعتماد الكلي علي الدرس وهدفه الاساسي هو النجاح باسهل واقصر الطرق
لك مني كل التحية والتقدير
:f: :f:

[أم أحمد]

والله يا ام احمد الموضوع ده منتشر من زمان اوى

بس للاسف ده نتيجة سوء التعليم سواء بقى كان فى المدرسة او الجامعة لان المدرسين والمحاضرين هما اللى مش بيشرحوا كويس عشان يجبروا الطالب انه ياخد دروس خصوصية عندهم

ويمكن الدروس الخصوصية دى بتنفع فى مرحلة مؤقتة يعنى عشان بس انجح واطلع سنة جديدة لكنها مش بتدوم يعنى لو سالتى اى طالب فى اى حاجة هو اخدها قبل كده فهيرد ببساطة هو انا فاكر انا بس بذاكر عشان انجح واعدى وخلاص

بس لو فكرنا اننا نلغى الدروس الخصوصية حاسة اننا هنتعب اوى ده لو فضلت الكتب زى ما هى ولو فضلوا المحاضرين والمدرسين زى ما هم

تسلم ايدك يا ام احمد على الموضوع المهم ده والحمد لله الواحد خلص من الدروس الخصوصية والتعليم كله بخيره وشره ههههههه


اهلا يا ميرا نورتي الموضوع يا جميل
انا عارفة ان احيانا المدرس واستاذ الجامعة بيكونوا سبب رئيسي في لجؤء الكثير من الطلبة الي الدروس وايضا رداءة المحتوي التعليمي وتكدسه سبب رئيسي لاخذ الدروس الخصوصية
بس اجد ان الدرس الخصوصي ليس الحل لنجاح الطالب لان هذا النجاح يكون وقتي اي بانتقال الطالب من صف الي اخر او من مرحلة الي اخري ولكنه سوف يستمر علي الدروس لكي يستطيع ان يكمل مراحله التعليمية ولن يستطيع تذكر اي شئ من الذي درسه لانه لم يشغل قدراته العقلية ولم يستوعب المواد التي درسها
يبقي لازم ندور علي حل للتغلب علي هذه الظاهرة ونشوف مثلا تعديل المقررات الدراسية وعدم تكديسها بمواد معقدة وتبسيطها ووجود معلمين علي كفاءة عالية قادرين علي توصيل المعلومات ببساطة الي الطالب
واكيد الحلول كثيرة ان شاء الله
ميرا لكي مني كل الحب والتقدير
:f2:

[ابن البلد]

أهلا بك يا أم أحمد
الحقيقة إنى ضد مبدأ الدروس الخصوصية
أفضل أن يعتمد الطالب على نفسه
فلسفة التعليم تكمن فى كيفية الحصول على المعلومة وإستيعابها الإستيعاب الصحيح
والدروس الخصوصية تضعف هذه الملكة فى الطلاب
مش عارف أنا مش معاك أوي في النقطة دي يا أحمد

أنا في نظري الدروس الخصوصية هي الرقيب السليم لكي يجعل الطالب محفز دائما دون تهاون للدراسة
في حالة كونه كسول زيي :d

[دكتور مهندس جمال الشربينى]

هاكم ما توصلنا إليه بخصوص موضوعنا الحالى:
التصدي لظاهرة الدروس الخصوصية . . مسئولية من ؟..ميت وصحى! (http://www.egyptsons.com/misr/showthread.php?t=43119)

التصدي لظاهرة الدروس الخصوصية . . مسئولية من ؟

http://www.egyptsons.com/misr/showthread.php?t=4424 (http://www.egyptsons.com/misr/showthread.php?t=4424)

و أنا أتصفح المنتدى تكعبلت فى موضوع قديم عنوانه " التصدي لظاهرة الدروس الخصوصية . . مسئولية من ؟" و دار فيه النقاش حول مقال للأستاذ الدكتور ‏.‏ احمد حسن البرعي بنفس عنوان الموضوع بتاريخ 29 يناير 2003 و كان أبطال النقاش كل من إسلام شمس الدين كاتب الموضوع فى المنتدى و العزيزة بنت مصر بسنت و "سيد الجحيم" تامر عبد الغنى ...من تلك المناقشات خلصت إلى الآتى:

بسنت ترى أن:
هذا الموضوع فعلا مهم جدااااااااااا وتعاني منه كل البيوت المصرية ولكن انا مش عارفة ليه برضه مش قادرة الوم المدرس على اللي بيعمله....وزارة التربية والتعليم سلبت من المعلم كل شيء فهو افقر موظف في الدولة رغم ان وظيفته من اهم واخطر الوظائف على الاطلاق فهو الذي يتسلم النشء منذ نعومه اظافرهم ليكون الطرف التكميلي للاسرة في مهم التربية قبل التعليم فكيف نطلب منه ان يؤدي كل هذه المهام على أكمل وجه وهو مطحون ودخله لا يغطي المطالب الاساسية لبيته؟؟؟

أسلام شمس الدين يرى أن:
المناقشة تشعبت لتشمل العملية التعليمية و سياساتها و بعض عناصرها . و هو ما يصعب طرحه من خلال مناقشات عابرة ، فالسياسات التعليمية لا يتم وضعها بمجرد فكرة أو رؤية، و إذا كان هناك الآلاف من الخبراء التربويين و الخطط التربوية التي فشلت في إصلاح السياسة التعليمية نتيجة لعدم استجابة المجتمع ( و أعني به الطلاب و أولياء الأمور ) و مشاركتهم في الاصلاح التعليمي، مكتفيين بالطريق الأسهل للوصول إلى الجامعة و الحصول على الشهادة
و هو يعتقد أن ظاهرة الدروس الخصوصية ظاهرة إجتماعية بالمقام الأول و ليست تعليمية

تامر عبد الغنى يرى أن:
الآختلاف بينه وبين أسلام شمس الدين كبير جدا فى اساس الموضوع "انت بتقول على الدروس ظاهرة وانا بقول انها حقيقة واقعة ونتيجة وعلشان تتحل لازم تتحل من جذورها....وجذورها هى السياسة التعلمية وانت تريد القضاء على الظاهرة اذا اصلح السياسة ومتقدرش تفصل الاتنين عن بعض"
##############
ومن هنا أمسك الفتيل المشتعل للقنبلة التى ألقاها منذ ثلاثة سنوات زميلنا فى المنتدى تامر عبد الغنى بمطالبته حل المشكلة حلا جذريا و لماذا لا بد أن يكون حل المشكلة حلا جذريا وهل هناك حلول غير جذرية؟ وما الفرق بين الحل الغير جذرى والحل الجذرى؟ الحل الغير جذرى هوالحل الذى إذا توصلنا إليه سيتسبب فى عودة المشكلة ذاتها مرة أخرى و على النقيض من ذلك هوالحل الجذرى الذى يريحنا للأبد من تلك المشكلة بحيث لا تتكرر مرة أخرى فى المستقبل...الحل الجذرى هو المبنى على السبب الجذرى للمشكلة والسبب ليكون جذريا لا بد أن يكون سببا نستطيع التحكم فيه ولكن إذا كان السبب لا نستطيع التحكم فيه فهو للأسف سببا غير جذرى و يستبعد نهائيا و لا يلتفت إليه...تصنيف المشكلة إجتماعيا أو سياسيا لن يفيدنا بشئ بقدر توصلنا إلى السبب الجذرى للمشكلة فهو الأهم و الأفيد لنا

يخطئ من يلقى اللوم والعيب على الأسرة المصرية...هى المتلقى النهائى لما هو موجود من بضاعة سيئة فى السوق

يخطئ من يلقى اللوم والعيب على التلميذ والطالب المصرى...هوالمتلقى فى فصول المدارس

يخطئ من يلقى اللوم والعيب على وزير التعليم المصرى...هومجرد ترس صغير فى منظومة تروس أكبر

يخطئ من يلقى اللوم والعيب على واضعى السياسية التعليمية المصرية...هم تروس أصغر يديرهم ترس أكبر هو وزير التعليم المصرى

يخطئ من يلقى اللوم والعيب على المدرس الخصوصى المصرى...الذى تأثر بالظروف الفاسدة المحيطة به والتى لا تجرم وتحرم إعطائه لتلك الدروس الخصوصية وفوق ذلك وجد تلك المافيا التى تحميه وتسهل عليه تقديم سمومه للأسرة المصرية لا فرق بينه و بين تجار السموم و المخدرات!

إذا كان الأمر هكذا فعلى من يلقى اللوم والعيب فى إنهيار و تدهور العملية التعليمية متمثلة فى مشكلة المدرس الخصوصى والدروس الخصوصية؟!

لست أنا الذى سيلقى اللوم بل هوالتحليل الجذرى للمشكلة هوالذى سيوصلنا للسبب الجذرى للمشكلة...ذلك التحليل أسمه:ِ
Apollo Cause/effect Chart Root Cause Analysis
http://www.bill-wilson.net/root-cause-analysis (http://www.bill-wilson.net/root-cause-analysis)

هذا التحليل أوصلنا إلى النتيجة التالية:
صلاح الرعية فى جميع المناحى الحياتية من صحة وتعليم وغذاء و إقتصاد ...الخ من صلاح الراعى...حقا كلنا راعى وكل راعى مسئول عن رعيته!....الراعى المشترك للشعب المصرى هومثلث ذو ثلاثة أضلاع ...الضلع الأكبر هورئيس النظام و الذى هونفسه رئيس الحزب الحاكم ...والضلع الثانى هو الحزب الحاكم واضع السياسيات ...أما الضلع الأضعف فهو تلك الحكومة المنفذة لأوامر الضلع الأكبر فى ذلك المثلث غير متساوى الأضلاع والقوى....التدهور الذى حدث لنا ليس وليد الصدفة ولم يأتى و يظهر فجأة بل حدث تدريجيا وتنامى وتعاظم بمرور الوقت يتشابه فى ذلك مع الأمراض السرطانية لا ينفع معه إلا التدخل الجراحى والبتر...بإستمرار وجود مثل هذا المثلث فى حياتنا لا أمل على الأطلاق فى حل مشكلة التعليم و الدروس الخصوصية فى المحروسة مصر!

و الحل يكمن فى شئ بسيط للغاية ألا و هو "الأم" عصب الأسرة المصرية ...و سأوافيكم بالتفاصيل غدا بإذن الله

[ســــsaraــــارة]

السلام عليكم ورحمة الله وبركاته

انا من رايي ان الموضوع اساسه هو الدولة

لان الدولة لاتعطي المدرس حقه وبالتالي هو لا يعطي الدولة حقها(لايخلص في عمله)

وهذا يؤدي الى حاجة التلاميذ الى الدروس الخصوصية لتقوية مستواهم العلمي

وحاجة المدرس الى الدروس الخصوصية ليزيد دخله

وشكرا

[mido_0a0]

السلام عليكم

بم اني في ثانويه عامه احب اقول ان اي حد في ثانويه لو مخدش دروس 7%انه ينجح لانه مش هيفهم اي حاجه في المدرسه مهما كان المدرس الي في الفصل شاطر او لا
وللاسف اكتر المدرسين دلوقتي معندهمش ضمير ومبيشرحوش علشان كده الطلاب بيخدو دروس علشان ينجحوا


وشكرا:fartnew:

[mr_virus]

السلام عليكم

انا من وجهة نظرى كطالب لسه مخلص الثانويه العامة واول سنه ليه السنه دى فى الجامعه

ورغم انى كنت باخد دروس فى كل المواد ولو ان فى مدرسيين خصوصيين فى الرسم كنت خدت

بس رائى ان الدروس دى موضوع فاشل بجد وبيضيع وقت وبالذات للولاد ::: لانى واحد من الناس كنت

بانزل قبل معاد الدرس بنص ساعه على الاقل واخد الدرس اللى مش بيعدى الساعه ونص وبعد الدرس كنت

اسرح شويه مع اصحابى يعنى تقريبا كنت من ساعت ماانزل من البيت لغاية لما اروح اخد حوالى 3 ساعات

طب فيها ايه لما الواحد يشد حيله شويه ويذاكر لوحده انا لما دخلت الجامعه معندناش حجه اسمها دروس

خصوصيه علشان معظم دروسى عملى

بجد ندمت انى كنت باخد دروس

[kitten]

المسألة اصبحت واقع .. فالناس تنظر للدروس باعتبارها خلاص حاجة اساسية و اهم من المدرسة.. و في المقابل المدرس يدخل الفصل و ينااام في سبات عميق لان التلاميذ كلهم بياخدوا عندة درس مش فارقة معاه بقي الناس اللي مش بياخدوا.. و دي تجربة شخصية حدثت لي

[دكتور مهندس جمال الشربينى]

سأقول كلمتى الأسبوعية عن التدخين و أضراره و العلاج الشافى غدا بعد صلاة الجمعة فى مسجد الصفا بجوار مستشفى جيهان بالزاوية الحمراء
الدعوة عامة و الأعتذارات مرفوضة

[Maruko]

يا أم احمد مبدأ الدروس الخصوصية المفروض يبدأ بع مرحلة معينة يعني لو المدرس شرح بضمير في الفصل والفصل كان عدده مناسب والطلبة شاركت في حل الاسئلة والمدرس مقصرش معاهم وتوصلنا في الاخر ان الولد ماستوعبش الدرس ساعتها ياخد درس ومايبقاش عشان بياخد درس مفضل عند المدرس بتاعه لا يبقى زيه زي اي حد في الفصل ساعتها لا يلام على المدرس لكن انتي شوفي بقة البيحصل من الكلام الي انا قلته ده ايه؟؟؟؟؟؟؟؟؟؟؟
مع العلم اني فاضلي سنتين وأتخرج من كلية تربية فحبيت أشارك معاكوم ويلرب أكون قدرت اوصل وحهة نظري

[مصريه وافتخر]

انا عن نفسي مش جربت النظام ده
والحمد لله يعني
بس اكيد اعرف عنه كتير اوي

الدروس الخصوصية شيء مش كويس خالص
لان المدرسين بيستغلوا الطلبه
والمجتمع بقى مادي
والناس ضمايرها اتباعت بالفلوس
عشان كده انا طبعا ضد
ويمكن يكون في فئة من المدرسين بيعملوا كده بنية خالصة
يعني مش بالتفكير المادي
لكن اللي انا اعرفه
هو ان الدروس الخصوصية ممنوعة حكوميا
بس ده مش مانع المدرسين من استغلال الطلبة
ده غير ان الدروس دي هي السبب في التسيب اللي حاصل لولادنا
والكلام عن الموضوع ده هيطول
لانه ملف تحقيق كامل
وشكرا لفتح الموضوع

[دكتور مهندس جمال الشربينى]

الحكومة اللى بيقولوا عليها حكومة ذكية فاكرها بذكائها اللى مافيش زيه فى العالم أنها لما ترفع كادر و مرتبات حتحل المشكلة الخطيرة و المزمنه ألا و هى الدروس الخصوصية و المدرس الخصوصى...المرتبات و الكادر الضعيف للمدرسين ما هو إلا سبب من أسباب مشكلة التعليم فى مصر و للأسف هذا السبب غير جذرى و لن يحل المشكلة و ستعاود تكرار نفسها و لن تحل مشكلة الدروس الخصوصية و المدرس الخصوصى فى مصر....المشكلة عويصة و حلها الجذرى مرتبط بمنظومة التعليم ككل و هذه المنظومة مرتبطة بمنظومة أخرى هى منظومة الصحة فى مصر و هذه المنظومة مرتبطة بمنظومة الأسكان فى مصر و هذه المنظومة ....الخ كل هذه المنظومات تظللها منظومة الحكم فى مصر و لكن للأسف هذه المنظومة فاسدة و لإصلاح مشكلة التعليم من جذورها لا بد من تغيير منظومة الحكم الفاسدة و لإصلاح هذه المنظومة الفاسدة لابد من دستور جديد و دائم يكون مرجعه الوحيد القرآن و السنه ...
قولوا "لا " :poster_oops:لتفصيل الدستور المرقع و المهترئ ...
قولوا "لا" :poster_oops:لدستور يكون أحد مراجعه القرآن و السنه...
قولوا "لا" :poster_oops:لدستور مصرى تكون مراجعه الدساتير الأمريكية و الفرنسية!:poster_oops:

[waelemam]

انا مع الدروس الخصوصيه لان التعليم فى مصر وبالخصوص فى المدراس الحكوميه وطبعا مش كلها بس الاغلبيه مفيش فيها مدرسين بضمير فبناخد دروس

[شعاع من نور]

الغالية..أم أحمد...

الحقيقة هو فعلاً موضوع مهم جداً جداً....و بنتناقش فيه من سنين....و أنا عن نفسي لما كنت في ثانوية عامة كنت باخد دروس...

بس كنت باخد الدرس لأنه مدرسين الفصل يا إما مش موجودين يا إما موجودين فقط تأدية واجب عشان الغياب...و لا حول ولا قوة إلا بالله.....

عارفة يا أم أحمد...حتى المدرسين اللي كانوا يعتبروا شايفين شغلهم...كانوا بيحجروا علينا حقنا في التفكير...كل حاجة كانوا بيقلولنا خدوها و متسألوش ليه..الإمتحان جي في ده...احفظوا ده...!!!!!!!!....
عن نفسي مفيش مرة حسيت إنه مدرس أو مدرسة الفصل ادوني فرصة إني افكر و أبدع...
و من هنا بدأ موضوع الدروس بالنسبة لي...لأنه المدرس في الحالة دي ملزم إنه يسمعني و يساعدني إني أطور تفكيري للأحسن....
و للأسف بردو نفس الموضوع منتشر أيام الجامعة و إن كان أقل طبعاً....بس قبل الإمتحانات بيحصل طوفان ورق و مذكرات و ملازم...مع إنه المحاضرات أو المراجع بس كفاية قوي....بس للي يحضر من الأساس....

من وجهة نظري...المشكلة كمان في المدرسين و الدكاترة...هل هم فعلاً بيتقوا الله في الأجيال اللي بين إيديهم؟؟؟؟...
المعلم ليه دور غاية في الخطورة...نيوتن اتغير تفكيره 180 درجة لما قابل مدرس حببه في الفيزياء...بعد أما كانت أمه فاقدة الأمل فيه نظراً لغبائه الشديد!!!!!!!...
و كانت بتقول سقفه يبقى نجار مشهور أو حداد ناجح...و جود معلم في حياته مش أثرى إسحاق نيوتن بس...ده أثرى البشرية بعالم من العلماء العباقرة...بكل معنى الكلمة....

و السؤال دلوقتي...هل المدرسين فعلاً بيتقوا الله في الفصول؟؟؟؟؟؟؟؟....

و هنا أفتكر الأبيات الجميلة لأحمد شوقي...

أعلمت أشرف أو أجل.....من الذي ينشئ أنفساً و عقولاً...

الموضوع فعلاً محتاج لوقفة جدية من الجميع...أولياء أمور...أساتذة...تلاميذ....و قبل كل ده النظام الحاكم....لأنه سلاح التعليم سلاح ما يقلش خطورة عن أسلحة الدمار الشامل.....بس لو وجهناه صح...

موضوع فعلاً رائع و في العمق أم أحمد....

تحياتي....

[أبو كريم وبس]

أنا مع أبن البلد فى رأية...........وأؤيدها
ولولها كتير أوى مكنوش ينجحم ولا يشوفو نجاح.

[بنت اسكندريه]

انتى عندك حق انا ساعات احب الدروس الخصوصيه ولاكن فى مدرسين خنيقه
تحياااااااااااااااتى