عرفت طريق المنتدى ازاي؟؟ [الأرشيف]

بنت مصر

02-11-2002, 02:55 PM

اخوتي وأخواتي أعضاء لؤلؤة المشرق العربي السابقون منهم واللاحقون

أدعوكم جميعا ان تتفضلوا وتقولوا
ازاي عرفتوا سكة المنتدى ومين دلكم عليه
وايه رأيكم فيه .. وما الذي اعجبكم فيه .. وما الذي لايعجبكم فيه

يلا بقا سمعونا كلامكم وعرفونا مين ابن الحلال
اللي عرفكم طريقنا عشان نبعت له في كل خطوة دعوة

تحياتي للجميع

بسنت

Mrs. Virgo

03-11-2002, 06:11 AM

طعمية

بعتتلي موضوع من الموقع على إيميلي .......
دخلت أتفرج ....... ما طلعتش ..............
أصل إبن البلد مسك فيه ..... وحلف لازم أقعد :D

بس ليه يعني عايزه تعرفي يا بنت مصر؟؟؟
هما بيقفشوا ولا حاجه ؟؟؟ :D

وادكول مش معقول

03-11-2002, 06:18 AM

قالت ........

ل فيرجووووووووووووو

و فيرجوووووووووووو

عزمتني اشرب شاي في المنتدي .....................

بس ومن ساعتها وانا لابد .... علي راي المثل ...

يا بخت من زار و فضل لابد

بنت مصر

03-11-2002, 08:10 AM

الله الله يعني طعمية ربنا يخليها هي
اللي جابت الناس الحلوة ديت للمنتدي

اهم شيء ان كل اللي يجي لنا يلبد عندنا وما يخرجش ابدا
ويفضل كابس على انفاسنا ... وكل سنة وانتو طيبين

بسنت

ابن البلد

03-11-2002, 08:57 AM

أنا بقه جيت هنا أزاي
ممممممممم

بيتهيألي برضك طعمية
هي السبب
:p

أنا جيت هنا بناء علي طلب من أ/ بسنت :7:

ta3mia

03-11-2002, 09:14 AM

يا ابن البلد يعني فيرجو و كولت عندهم حق
بس انت ..............زز ايه .. كان عندك غازات و لا ايه

المهم انا بقي بصراحة يا بنت مصر ... انا لازم اقول بقه ... و ما خبيش حاجه خالص
انا كنت واقفة بنشر الغسيل .. بعدين واحد قعد يصفر يصفر .. انا طبعا ما عبرتوش بالمرة
و بعدي شوية بالصدفة يعني كان عندي مشوار .. و كنت لابسة الحطة اللي هي
و فضل الشب ده و رايا ورايا انا امشي وهو وراية
لغايت لما دخلت اخذ ايس كريم من محل قريب على البيت .. دخل ورايا
و بدل ما يديني رقم تلفونه اداني عنوان المنتدي
....... و بعدين .... انتم عارفين ان ده فيلم يعدين و مش بجد
الصراحة ان ابن البلد ارسل لي رسالة على اميلي يدعوني ان اتكرم و اتعطف و اشرف المنتدي
و صعب عليا لانه كان بيعيط .. فقلت يالله بقي ما بدهاش ... اعمل حاجة حلوة في دنيتي
و بس دخلت و معرفتش اخرج
زي اللي طلع على المعاش .... و التساهيل من عند ربنا

بس بمناسبة الكلام عن الموضوع ده
ممكن يا ابن البلد تقولي انت جبت الاميل بتاعي منين
Ta3mia

خالد بن الوليد

03-11-2002, 04:35 PM

طعمية هية اللى عرفتنى المنتدي :)

ابن البلد

03-11-2002, 04:45 PM

و الله يا حجه طعمية
ميلك جيبته منين منين منين
مش عارف بس أنا عندي 36000 ميل أكيد كان فيهم علشان كده وصلتلك الميلات اللي بعيط فيها علشان تعرفي بس أني بدعوا الناس للمنتدي بزمة
:1:

بنت مصر

03-11-2002, 07:12 PM

ابن البلد طيب بذمتك مش اقتراح حلو
وخلانا نتعرف على الناس الحلوة دي

طعمية وخالد اتاري المنتدى منور بيكم وبكل مشاركاتكم الحلوة
وربنا ما يحرمناش من الاستاذة طعمية ويخليها لنا دايما تجيب
الناس الحلوين دايما يارب ....

ta3mia

04-11-2002, 06:35 AM

انا خايفه على نفس من الغرور يا جماعة:D
بس المهم .. في واحد كمان لسه ما اعترفشي

بنت مصر

09-11-2002, 10:56 AM

مين هو يا طعمية يا طعمة اللي ما اعترفشي؟؟؟

MoOn_FlOwEr

09-11-2002, 05:56 PM

هااااااااااي

أنا عرفت طريق المنتدى عن طريييييييييق غاليتي العزيزة على قلبي بسووووووونه

وشكرااااااااااا لكي أختي بنت مصر لدعوتك لي الى هذا الصرح الشامخ

وتقبلي تحياتي........
تشاااااو

ابن مصر

10-11-2002, 12:22 AM

بسم اللة الرحمن الرحيم اخواتي الاعزاء اشكرك اختي الغالية بنت مصر علي الفكرة الجملية دي اديني اهو بكتب يا ست طع100--يا ذكية انت!!! في الحقيقة انا من زمان وانا بدور علي منتدي مصري اصيل ولقد لقيت منتديات عاربية كتير ومنتدي مصري واحد اشتركت في ولم اجد نفسي في ابد واستمرايت في التدوير تاني حتي وافقني اللة واكتشفت هذا المنتدي الرائع بمشرفة العام الاكتر من رائع ووحسيت براحة عجيبة في هذا المكان وكانة واللة مكاني الذي كنت ابحث عنة حب رواحني و-وافقنا اللة في ما هو خيرا لنا جمعيا ولكل المسلمين والعرب بارك اللة فيكم وفينا واشكرك مرة اخري بسنت الذكية اختي الغالية واشكركم جمعيا اعضاء ومشرفين اللي اشتلركة واللي لسة مشتركوش بعد كل عام وانتم بخير اخيكم ابن مصر :D :D :D

محمد على محمد

19-11-2002, 01:31 PM

انا بصراحة اللى عرفنى على المنتدى ابن البلد كنت باكلمة على الماسنجر قالى على المنتدى طب انا عرفت ابن البلد منيين ؟ طبعا لانه صاحب منتدى المصدر العربى التعليمى الى انا مشارك فيييه وعجبى :111: :83: :16: :22: :33: :110: :110: :110:

ابن البلد

19-11-2002, 02:15 PM

محمد علي
انت فين يا بني معدتش ظاهر علي النت ليه

ta3mia

24-11-2002, 11:31 AM

inta 3raft tari2 el mountada azai

سمسمة

25-11-2002, 09:07 PM

عن طريق طعيمة

:D :D :D

UNKNOWN

26-11-2002, 08:52 AM

ahmad Salah

ابن البلد

26-11-2002, 09:40 AM

سمسمة
معقوله عرفتي المنتدي عن طريق طعمية
يا كككككككككككككككككككككككككككككككككككككككككك

لاللالالا سمسمة بتضحك علينا يا رجاله
:D

ta3mia

26-11-2002, 10:07 AM

3an taria2 ta3mia
tap azai
:confused:

بنت مصر

05-12-2002, 12:08 AM

يعني سمسمة ما جتش عن طريقك يا طع 100؟؟
أمال يا سمسمة عرفتي المنتدى ازاي؟؟
اكيد نزلتي لنا من السما :37:

شعاع الشمس

05-12-2002, 09:02 AM

انا عرفت المنتدى عن طريق اعلان فى احدى المنتديات ، وماشاء الله المنتدى كله نشاط وصورة مشرفة لاجتماع العقول و الافكار الشابة العربية.

تحياتى
شعاع الشمس

بنت مصر

05-12-2002, 10:22 AM

الله يخليك يا شعاع الشمس على كلامك الجميل دا
الحمد لله ان ربنا جمعنا على الخير وبصراحة
مجموعة جميلة من اجمل المنتديات اللي شفتها
والمنتدي منور بيك وبكل اخواني واخواتي الغاليين

بسنت

cool_daly_206

08-12-2002, 06:13 PM

:7: احب اقول ان المنتدى موقع ميل و انا الصراحه عرفته عن طريق الصدفه بس الصراحه استمتعت بيه جدا جدا جدا :D موت موت موت :Dو عاوز اكون عضو فعال مش مجرد عضو عادى عاوز أكون مشارك فى المنتدى

بنت مصر

08-12-2002, 06:30 PM

يا أهلا ويامليون وسهلا بيك يا كول دالي
نورت وشرف وربنا يخلي الصدفة السعيدة دي
اللي خلتك تمر علينا وتشارك معانا في المنتدي

ويارب يارب تنبسط في المنتدى وتعجبك مواضيعه
وتكون ضيف اساسي معانا واسمك منور دايما

بسنت

ابن مصر

10-12-2002, 07:18 AM

شعاع الشمس العزيز
كلك ذوق وكلامك جميل جداا
وبناس امثالك انشاء اللة
حا نكون من انجح واحسن
المنتديات علي النت -قولة انشاء اللة

:5::5::5::5::5::5::5:

cool_daly_206اخي العزيز
انت منور وشرفتنا جداا
وبك انشاء اللة رح نثبت لنا الاول
وللجميع باننا اولاد مصر العربية
ماض وحاضر ومستقبل
اهلاا وسهلاا بك -اخ غالي معنا
واحنا كلنا اخوات في اللة
ابن مصر--تحت الامر!!

محمد على محمد

12-12-2002, 10:04 PM

مرحب بيكو كلكوا
حتى بنفسى كمااااان
بقى انا مش على النت ياابن البلد
امال ايه اللى انا قاعد عليه ده ؟؟
تليفون ؟؟؟؟

:D

أشجان الليل

13-12-2002, 12:04 AM

أنا عرفت المنتدى عن طريق...master of hell
والصراحه أدين له بوافر الشكر على الجميل ده:D

master_of_hell

13-12-2002, 12:06 AM

بصراحه
انا جيت هنا بعد ما دخت

كنت بدور على اى منتدى مصرى مش لاقى لحد ما اتقبلت مع شمس الدين فى خناقه وهو بعتلى عنوان المنتدى

بس صراحه انا بقالى كتير فى المنتديات وفى منها منتديات عدد اعضائها كتير جدا بس بصراحه العضو الواحد هنا ب100 من هناك كفايه بس اسلوب الردود
والمناقشه

روامي

13-12-2002, 07:43 PM

مرحبـــــــــــــــــــا

انا عرفت المنتدى دا عن طريق ماستر اوف هل

وبصراحه هو منتدى كويس ومحترم وهاااااااااااااااااادف

مش اي كلام

وكمان فيه حاجات الواحد ممكن يستفيد منها

تحياتي

اختكم

روامــــــــــــــــــــــــــي

بنت مصر

13-12-2002, 08:05 PM

وانا قاعدة اقول المنتدى ليه نوره زايد
اتاري روامي الغالية فيه ،،،،

شهادتك دي وسام على صدورنا
ونتمنى انك تسعدي بيننا وتشعري
بالفعل انك بين اهلك واسرتك وانا فعلا
سعيدة انك بيننا وحنتظر مشاركاتك الرقيقة زيك

و......... و............. و............... تحيا الوحد العربية

بسنت

روامي

13-12-2002, 08:30 PM

بنت مصر

المنتدى منور بأصحابه

وأشكرك على الترحيب الرائع

وأخجلتيني والله

وفعلا المنتدى رائع

وانشالله مشاركاتي حتشوفيها

وبالنسبه لمشاركاتي احاول انها تكون باللغه الفصحى لان الشعر النبطي او الشعبي فد تكون مفرداته غير مفهومه وتحتاج تفسير

بس مش مهم

تحيا الامه العربيه

تحياتي

روامـــــــــــــــــــــــــــي

داود

15-12-2002, 01:19 PM

:7:....مساء الخير بنت البد
...تحياتى للجميع...لحد الأن لاعرف كيف وجدت نفسى بيها المنتدى ولكن ما أن وجدت أنه مصرى حب الفضول دفعنى لتسجيل به والإطلاع عليه
..لذالك لا أستطيع أن أبدى رأى الأن ولكن بعد أن أتصفحه...فنتظرى
.....أخوكم داود
..باى

داود

15-12-2002, 01:23 PM

....لقد دخلت عن طريق هذه الصفحة ..http://www.dirham.7p.com/arabic/email1.htm
..يجد فيها إشهار للمنتدى...
.....تحياتى

بنت مصر

15-12-2002, 02:58 PM

أهلا بيك ومليون ديشيليون تريليون وسهلا داود
واهلا بكل اهل الجزائر الاشقاء ،،،،

ان شاء الله تشعر انك في بيتك وبين أخوانك واخواتك
وان تجد في منتدانا الراحة والسعادة وكل ما ينال رضاك واعجابك

وانتظر ان ارى مشاركاتك في المنتدى لتسعدنا بها

ابن البلد

15-12-2002, 03:11 PM

منورين يا جماعة ولونها جت متأخرة شوية
لكن الحمد لله أنها جت
:179:
:109:

بنت مصر

22-06-2003, 10:55 AM

وتاني نسأل ونقول عرفت طريق المنتدى ازاي

عشان اعضاءنا الجدد يشاركوا هم كمان

وفي الانتظار

بسنت

lina

22-06-2003, 02:02 PM

السلام عليكم ورحمة الله وبركاته

فكرة الموضوع حلوة يا بسنت :D

اما عن نفسي فأنا عرفت المنتدى ده عن طريق صديق وكمان عضو اسمه ماهر كنا بنعمل تشات مع بعض وحسيت انه مشغول في حاجه تانيه ,, قلته بتهبب ايه عندك :mad:
قاللي لا دنا بس ببص في موضوع كده :p
قلتله يا سلام موضوع ايه ان شاء الله و,راح باعتلي اللينك بتاع المنتدى ونا ماصدقت فتحت المنتدى على طول و ده كان اول منتدى اشارك فيه :) وليا الشرف طبعا ;) والفضل يرجع لماهر ههههههههههه :D اوعى حد يكون بيدعى على ماهر بلييييييز هههههههههههههه :p

تحياتي ليكم كلكم :)
لينا

بنت مصر

22-06-2003, 09:59 PM

أهلا بيكي لينا ونشكر ماهر اخينا العزيز انه وصلك الينا
ونورتي يا لينا المنتدى وزودتيه بهجة

بسنت

lina

22-06-2003, 10:09 PM

الله يخليكي يا بسنت لينا كلنا :)

انتي اللي قلبك يساع الكل ما شاء الله عليكي

احييكي اختي العزيزه وبالتوفيق والي الامام دائما :)

اختك
لينا

بنت مصر

22-06-2003, 10:20 PM

ربنا يخليكي حبيبة قلبي وما يحرمنيش منك على الكلام اللي ما استحقهوش دا وربنا يديم الحب بينا جميعا يارب

بسنت

بنت النيـل

22-06-2003, 10:29 PM

انا عرفت المنتدى عن طريق شريف حمدي رحمه الله
وكنا نتنقل سويا عبر المنتديات ومعنا برديس صديقتي العزيزة ورفيقة دربي في المنتديات .

رحلنا نحن الثلاثة في العديد من المنتديات حتى وصلنا لهنا

رحم الله شريف واسكنه فسيح جناته

بنت مصر

22-06-2003, 10:38 PM

الله يرحمه يارب
وبالمناسبة يا بنت النيل
انا سجلت في منتدى البوابة
ودعيت كل المصريين اللي هناك
ومنهم كان اخي الغالي شريف حمدي الله يرحمه

وأهلا بيكي حبيبتي

بسنت

محمد النادي

22-06-2003, 11:25 PM

السلام عليكم ورحمة الله وبركاته

تحياتي لك بسنت

معرفتي بمنتداننا العربي المشرقي المصري......

كان عن طريق اخت عزيزة............

لها مواضيع لا حصر لها قيمة وهادفة ورائعة..........

عرفتوها طبعا...............

هي...........

بنت مصر الجدعة............

بنت مصر

22-06-2003, 11:37 PM

أهلا بيك ومليون وسهلا
والله يا دكتور محمد ان المنتدى
فعلا زاد شرف بانضمامك والف شكر
على كلامك الطيب اللي فعلا ما استحقهوش
وانا بعتبره تقدير كبير ليا من شخصك الكريم

بسنت

بنت النيـل

22-06-2003, 11:54 PM

الحقيقة يابسنت وقت مادعيتي المصريين من البوابة كنت عضوة هناك بس كنت وقتها قررت الا اشارك هناك

ولكن اللقاء نصيب ... فقد احضرني شريف لهنا

بنت مصر

22-06-2003, 11:57 PM

الحمد لله انك معانا منورانا
وربنا يرحم شريف ويغفر له

بسنت

محمد النادي

23-06-2003, 12:13 AM

السلام عليكم ورحمة الله وبركاته

ده اقل كلام اقوله لبنت مصرية بتحب وطنها .......

بنت مصرية

23-06-2003, 12:20 AM

انا بقى اتعرفت على المنتدى ده من خلال صديق عزيز جدا اللى هو

hoseed
انا بشكرك جدا يا حسام انك عرفتنى على المنتدى الرائع ده والناس الجميلة دى

رحومه

23-06-2003, 12:24 AM

عرفته عن طريق رساله الى الأميل الخاص بى
عن طريق موضوع جميل
وهو ( الرجل يكره هذه المراءة ؟

بنت مصر

23-06-2003, 12:35 AM

منور بنت مصرية وشرفتينا والاخ حسام عيد من الشخصيات
المحترمة والاقلام الراقية في المنتدى ولو ان كتاباته قليله جدا
اهلا بيكي وبيه يا بنت مصرية

أخي العزيز رحومة أهلا بيك وبانضمامك الينا
اتمنى ان باقي المواضيع ايضا تكون عجبتك
وان يستمر تواصلك معانا في المنتدى
وسعدنا جدا بانضمامك

أخي محمد النادي الف شكر وربنا ما يحرمنيش من كرم اخلاقك

بسنت

مازن2003

23-06-2003, 12:16 PM

عرفت طريق المنتدى من رسائل المجموعة البريدية لابناء مصر مع انها مش منتظمة لكن بعض موضوعاتها حلوة

مازن صبحي من القاهرة

أشرف المجاهد

23-06-2003, 02:37 PM

بسم الله الرحمن الرحيم

يا جماعة المنتدى باين ومنور على النت ;) ولكن الصراحة أنا عرفت المنتدى

عن طريق اللطش المباشر :( مع الاصرار للدخول وعدم الخروووو:Dوووووج

ووجدت نفسى مع بنت مصرية وطنية بتحب مصر قووووو:1:ووووووى

وشرف لى ان أكون بينكم هنا وما احب افارقكم أبدا ان شاء الله

تفتكروووووووا بقى مين ملكة اللطش الموجودة بينا ;):3:

تفتكر مين يا ابن البلد .................. :p

أكيد اللى يعرف مين هو [you] أو اى حد تانى .......... ;)

إسلام شمس الدين

30-06-2003, 09:16 PM

انت عايزني يعني يا كوكب أقول ان بنت مصر هي اللي متخصصة ( لطش ) ؟
و ان كتير من الأعضاء اللي المنتدى بيفخر بوجودهم عرفوا طريق المنتدى بدعوة من بنت مصر ؟

لا طبعاً مش حأقول . . انت فاكرني فتان ولا ايه ؟ :D

عموماً احنا مفتقدين وجود لؤلؤة المنتدى بنت مصر بقالنا كام يوم ، ومفتقدين روحها اللي بتظلل المنتدى بالمحبة و الاحترام للجميع .
نتمنى ربنا يعينها في شغلها و تعود للمنتدى في أقرب وقت

تحياتي للجميع
إسلام شمس الدين

أشجان الليل

01-07-2003, 12:17 AM

صحيح يا إسلام...
ماقلتش إنت كمان..

عرفت المنتدى إزاى..........!!!!!
؟؟؟؟

العاشق الليلي

01-07-2003, 12:43 AM

سلام

والله انا عرفت هذا المنتدى الحلو :confused:

بالصدفه ( خير من الف ميعاد ) :cool:

العاشق :1:

بنت مصر

01-07-2003, 03:38 PM

اهلا بيك مازن وبدخولك المنتدى
والف شكر للمجموعة البريدية اللي
عرفتك سكتنا .. اهم شيء بقا انك
تنبسط معانا في المنتدى وتشعر فعلا
انك في وسط عيلتك ونشوف مشاركاتك الحلوة

احم احم يا كوكب ازيك
انا طبعا مش فاهمة خالص انت بتتكلم عن ايه
ولا عن مين اصلي سمعي تقيل خالص :D :D

اهلا يا شمس ازيك نمبر تو :)
طبعا كلنا بنات مصر بس حدد لو سمحت
عشان نعرف مين في بنات المنتدى بيلطش
وناخد بالنا منها ونعمل ضدها حملة مقاطعة :D

اشجان اللي ازيك يا حبيبتي
انا اللي بعت لاسلام بس مالطشتهوش
زي ما بيفتري عليا شمس وكوكب :D

تحياتي للجميع

بسنت

أشرف المجاهد

01-07-2003, 10:14 PM

بسم الله الرحمن الرحيم

ايه ده >>>>>>>>> :):)

ايه يا اسلالالالالالالالالام يا حبيب قلبى ده >>>> ;):D:D

أنا قلت لك قووووول كده برضة :1::p

احنا مش عايزين نتكلم عن اللطش ده معقولة بتقول مين ؟؟؟؟؟ :(

لا يا اسلام مش معقولة وكمان مشرف عام ...:rolleyes:..... لالالالالا

مش هاصدقك وكمان هاقدم فيك مذكرة للادارة وحالالالالا دلوقتى .. :cool:

@@@@@@@@@@@@@@@@@@

بس تصدق أحلى لطش شفته فى حياتى ;):D

وياريت نتعلمه بروح األخوة الحلوووة منها يا اسلام ..... صح ولا ايه

أشجان الليل

02-07-2003, 01:05 AM

ههههههه

إشمعنى أنا ماحدش لطشنى...!!!

:D

أشرف المجاهد

05-07-2003, 03:23 PM

بسم الله الرحمن الرحيم

ما تزعليش يا أشجان ;)

انت ملطوشة ملطووووووووووشة بس من غير ما تعرفى :3::cool:

واللطش ما زال مستمرا >>>>>>

تحياتى للجميع وربنا يساعد كل اللى بيلطش للخير والفائدة :):D:1:

n3na3aah

06-07-2003, 05:33 PM

معلشي جييت متاخر قوي بس انت عارفه يا بسنت انا عرفت المنتدي من الاخ العزييز جدا بحر اسكندريه و الصراحه انا اساسا مكونتش اعرف ايه المنتدي ده بس بجد منتدي اكتر من رائع و انا قول مدخلته ازقت علاطوول

بنت مصر

09-07-2003, 11:10 AM

الحمد لله يا كوكب انا بنت المحروسة وبس يبقى اكيد مش انا :D

نعناعة العسل
عشان كده المنتدى منور
الف شكر ومليون كمان لاخي بحر
على دعوته ليكي والف شكر ليكي
انك قبلتي الدعوة وانك موجودة معانا
لانك فعلا فعلا مثال البنت المصرية الشربات :)

بسنت

محمد البنيان

09-07-2003, 01:19 PM

تحية خاصة الي معدة الطرح
وحشتينا موووووت
استاذتي الغالية بنت مصر
بنست

عرفت المنتدى
عن طريق
المهندس جمال شتا
مبرمج كمبيوتر
في
شركة الوالد
وساكن عندنا
و
و
و
و

وهو شخص مصري الجنسية
وحبوب ..

وبس خلاص
ارتحتي .... .... ... .. .

يالله .... يالله
غيرة سؤال تاني

من محب لك

بنت مصر

09-07-2003, 01:38 PM

محمد البنيان العائد

الي المنتدى بروحه الطيبة والجميلة كعادته
ارجو ان تبلغ الاخ شتا كل شكرنا وامتنانا
انه عرفنا على اخ خلوق زيك وكمان تبلغه
اننا بندعوه للمشاركة معنا هو كمان

وفعلا يا اخي محمد من حظنا الجميل وجودك معانا

وعموما انا استريحت دلوقتي لما عرفت القصة من طأطأ لسلام عليكم :D

يخرب بيت الفضول وسنينه

بسنت

خالد المصرى

09-07-2003, 10:45 PM

السلام عليكم ورحمة الله وبركاته

تحياتى عزيزتى بنت مصر على موضوعك

المنتدى بالفعل جميل جدا ً بوجودكم فيه

المنتدى انا عرفته اولاً عن طريق صديقى العزيز العمدة

ولا اعلم اين هو الان

وايضا جائتنى رسالة خاصه فى منتدى اخر اشارك به

للتعريف عن منتداكم ....

واخيرا تمت المعرفه باللؤلؤة وتقدمت اليها ولسه ابوها بيفكر

محمد البنيان

09-07-2003, 11:38 PM

الحمد لله
أن
ريحت
بنت مصر
والليلة انام مبسوط
على شأن ارتحت
بنت مصر

اي خدمه تاني
اي سؤال تاني
اي فضول تاني

على فكره القصة من شتا
مش من طاطا
ههههه
ههههه
ههههه

من محب لك

بنت مصر

10-07-2003, 12:03 PM

أخي العزيز خالد
أحنا فعلا سعداء جدا بانضمام أخ مهذب ومحترم زيك
وفوق كل هذا وذاك كاتب متميز اثبت تواجده بجداره
منذ الوهلة الاولي لانضمامه الينا وعشان كده
ابشرك بان ابو العروسة وافق على الجوازة
ومهرها هو مشاركاتك في المنتدى
وتواصلك بدون انقطاع :)

أخي العزيز محمد البنيان ممكن خدمة لو سمحت؟؟
انك تعزم لنا شتا وطأطأ وسلام عليكم التلاتة :D

بسنت

عاشق لاخر قطرة

10-07-2003, 12:26 PM

بسم الله الرحمن الرحيم
الحقيقة انا عرفت المنتدي عن طريق الاخت ضياء جزاها الله خيرا
الحقيقة انا سعيد جدا بالاخوة والاخوات الزملاء والزميلات الموجودين في المنتدي وبالموضوعات الجميلة اللي بيتم طرحها في المنتدي فعلا جميلة
وقصص مسلية جدا
اتمني اني استطيع التواصل معاكم
واسف لغيابي في الفترة اللي فاتت نتيجة شوية حاجات منعتني من الرد علي رسايل المنتدي
سلامي لجميع الاعضاء والعضوات

خالد المصرى

10-07-2003, 01:13 PM

[QUOTE]كاتب الرسالة الأصلية : بنت مصر
أخي العزيز خالد
أحنا فعلا سعداء جدا بانضمام أخ مهذب ومحترم زيك
وفوق كل هذا وذاك كاتب متميز اثبت تواجده بجداره
منذ الوهلة الاولي لانضمامه الينا وعشان كده
ابشرك بان ابو العروسة وافق على الجوازة
ومهرها هو مشاركاتك في المنتدى
وتواصلك بدون انقطاع :)

[B]اختى العزيزة بسنت :1:

اشكرك على اطرائك اولاً

وثانيا ابلغى والد العروسه انى بفكر اتقل عليهم
ومش هوافق الا لما خالتى طعمه تشرط عليهم يشتروا شفاط للمطبخ :p

ويدفعوا اجر المآذون

تحياتى

بنت مصر

11-07-2003, 11:45 AM

عرفنا السر بقا
اصل اي حد ييجي من طرف ضياء لازم يكون ممتاز زيها بالظبط
الف شكر يا ضياء على دعوتك لاخي عاشق وياريت توصيه يزود
مشاركاته معانا شوية واهلا بيك اخي عاشق ومليون وسهلا
وكمان شكرا شكرا جدا على كلمات الجميلة في حق منتدانا

أخي العزيز خالد
انا صحيح ناسية ان عندنا خاطبة زي العسل
ان شاء الله يا خالد نخليها تشترط على بابا العروسة
ان يدفع لك مهرك وشبكتك وكمان العفش والمنافع :D

بسنت

عاشق لاخر قطرة

11-07-2003, 07:10 PM

بسم الله الرحمن الرحيم
الاخت العزيزة بنت مصر
الله يخليكي لينا كلنا ده بس من ذوقك
والاخت ضياء الحمد لله الجميع يشهد لها بالادب والاخلاق كتر الله من امثالكم جميعا انسات المنتدي
وان شاء الله مشاركاتي تكتر معاكم واشارك معاكم بفاعلية اكتر واكتر ويرتفع شأن المنتدي وتزداد شهرته بفضلكم جميعا
سلامي للجميع

سمسمة

12-07-2003, 02:06 AM

وانا جاية عن طريق بسنت

بنت مصر

12-07-2003, 01:03 PM

أخي العزيز عاشق لاخر قطرة
ربنا يخليك ويبارك لك على كلامك الطيب
وان شاء الله حنشوف منك اجمل تفاعل في المنتدى

أما انتي يا سمسمة يا مشاكستية :D
فانا طبعا ليا الشرف العظيم ان الاستاذة الدكتورة
البروفاية (يعني البروف) تكون جت المنتدى عن طريقي :]

خالد المصرى

12-07-2003, 10:26 PM

[

أخي العزيز خالد
انا صحيح ناسية ان عندنا خاطبة زي العسل
ان شاء الله يا خالد نخليها تشترط على بابا العروسة
ان يدفع لك مهرك وشبكتك وكمان العفش والمنافع :D

بسنت [/B]

ناقص تقوليلى تيجى بعيالها كمان لو انت مكسل

عموما متنسيش تشوفى موديل السيارة والموبيل كاميرا الوان

بنت مصر

12-07-2003, 10:32 PM

هههههههههههههه يا خالد
بسيطة وفي فيلا عالنيل كمان حتى اسأل طنط طعمة

بسنت

خالد المصرى

12-07-2003, 10:40 PM

كاتب الرسالة الأصلية : بنت مصر
هههههههههههههه يا خالد
بسيطة وفي فيلا عالنيل كمان حتى اسأل طنط طعمة

بسنت

كده زى الفل

يلا الفرح الخميس الجاى عليك اجر المآذون
:):)
شوفى مين هيدفع تكاليف الفرح :p:p

والدعوة عامة للجميع :1::1:

بس كله يجيب هدايا

إسلام شمس الدين

24-09-2003, 09:20 PM

للرفـع :)

خالد المصرى

24-09-2003, 09:22 PM

,وبترفع من غير هدايا ;)

العمدة

24-09-2003, 10:09 PM

كان فين الموضوع الحلو ده :)

مين جابك هنا ياعمدة ... مين ؟ ;)

الواحد بينسى كل شي الأيام دي :D

متشكرين يلي جبتني هنا متشكرين :4:

خلاص أنت عارف نفسك :5::5::5:

Mrs. Virgo

25-09-2003, 11:22 AM

طيب ما احنا عايزين نعرف .. علشان نطخه عيارين ..
ابقى اشكره بينك وبينه .. بس احنا عايزين اسامي وعناوين ..

سارة

25-09-2003, 03:18 PM

ياااااااااااا خبر أبيض :eek:

انتوا موش عارفين مين عرفني عليكم ؟؟؟!!!:1::1::1:

طب اسئلوا استاذ اللغة العربية بتاعي;)

اتفضل يا خــــ ..... احم:3:

قصدي يا أستاذ وقولهم :)

gamilagirl

25-09-2003, 07:17 PM

قريبي ..
:)
خالد المصري

تمتمتم تشش
;)

سمسمة

25-09-2003, 07:19 PM

وانا برضو خالد المصرى:)

العمدة

26-09-2003, 11:20 PM

كاتب الرسالة الأصلية : Miss. Virgo
طيب ما احنا عايزين نعرف .. علشان نطخه عيارين ..

مش هاتهون عليكِ :4:

سارة

27-09-2003, 03:27 PM

هو الاستاذ ما ردش ;).. طيب ماشي هو خالد المصري اللي عرفني عليكم:)

خالد المصرى

28-09-2003, 08:05 PM

وانا برضو خالد المصرى

:rolleyes::rolleyes:

معنديش فى القايمة سم سم ة

:5::5::5::5:

تعالى فى الطابور من الاول

العمدة

28-09-2003, 08:28 PM

كاتب الرسالة الأصلية : خالد المصرى
السلام عليكم ورحمة الله وبركاته

المنتدى انا عرفته اولاً عن طريق صديقى العزيز العمدة

ولا اعلم اين هو الان

الله يرحمه .. هو راح فين ;)

سمسمة

29-09-2003, 06:27 AM

ازاى ياخالد

مش جبتنى من المنتديات المجاورة للقارة النتية

مش فاكر

:confused::confused::confused:

البروف سمسم..:112:

بنت مصر

29-09-2003, 09:23 AM

انا ليا الشرف يا عمدتنا اني دعيتك للمنتدى ولطشتك من منتدى السيكو سيكو :5:

اما بقا انتي يا سارة ويا جميلة جيرل فانتوا فعلا نورتونا
وربنا يخليكم دايما مشرفينا بمشاركاتكم وروحكم الرائعة

وشكرا يا خالد جدا على دعوتك لكتير من الاعضاء اللي زي العسل

بسنت

العمدة

29-09-2003, 09:37 AM

:1:

عرفت نفسها ازاي ؟ :5:

لنا الشرف :4:

تحياتي :)

Mrs. Virgo

29-09-2003, 11:13 AM

تحياتي لبسنت .. وكل الأعضاء العسل
إلي بتلطوشهم من المنتديات المجاوره

ربنا يخليها .. ويخلي الملطوشين كلهم :)

العمدة

29-09-2003, 11:16 AM

كاتب الرسالة الأصلية : Miss. Virgo
تحياتي لبسنت .. وكل الأعضاء العسل
إلي بتلطوشهم من المنتديات المجاوره

ربنا يخليها .. ويخلي الملطوشين كلهم :)

كنتو عايزين تضربوهم بالنار :5:

وخليكِ للمنتدى أختنا الرائعة ميس فيرجو :)

koko

01-10-2003, 04:56 PM

هااااى ياجمعه ..........انا عرفت المنتدى عن طريق الأخ الفاضل أحمد صلاح ... بعتلى ميل كتير أوى لغاية مزهئت ...... قولت أجى و أشوف الجو ...... لأيته حر شويه ....

بنت مصر

01-10-2003, 08:57 PM

ربنا يخليكي انتي لينا يا لميس يا قمر
والله انا فرحانة اوي انك رجعتي تاني للمنتدى
وان النت عندكم في الشغل انتي وكول ومنورين
بمشاركاتكم الحلوة اصلنا خلاص بقينا عشرة وفي
بينا عيش وملح وعيش وحلاوة :5:

ربنا يبارك فيك يا عمدة ويكرمك يارب الف شكر على مشاركاتك الجميلة دائما

اهلا يا كوكو ازيك
شرفت المنتدى ويارب تنبسط معانا
وشكرا لابن البلد احمد صلاح على انه عرفك علينا
وحنستنا بقا نشوف مشاركاتك الرائعة

بسنت

koko

01-10-2003, 10:37 PM

شكرا يا بسنت و أتمنى أعرف أصدقاء كتير ........... و يحضرنى قول مأثور بيقال فى المواقف دى ......... (...... صباحو طاطا بالشوكولاته يا كنتلوب تا وش القفص.........):D

خالد المصرى

01-10-2003, 10:52 PM

ازاى ياخالد

مش جبتنى من المنتديات المجاورة للقارة النتية

مش فاكر

:5::5::5:

ايوه افتكرت ساعه لما كنت بتجرى ورا الاسد عشان تعضيه

برطمان مانجة هنا يا بسطاوى الله يكرمك ;)

دانة الكويت

01-10-2003, 11:18 PM

انا ماحدش لطشني من حد :p
جيت لوحدي .. وكانت صدفه
واحلى صدفه ;)

وانا وايد سعيده بوجودي معاكم :)
وحبيتكم كلكم والله ..:9:
وانشالله انتوا كمان تحبوني
وتحبوا مشاركاتي معاكم بالمنتدى :)

سمسمة

02-10-2003, 08:07 AM

الحمد لله:D

بنت مصر

02-10-2003, 02:41 PM

أختي الغالية دانة الكويت
احنا اللي محظوظين بهذه الصدفة
السعيدة اللي عرفتك طريق المنتدى
لانك وفي ايام قليلة قدرتي تكسبي حب
واحترام الجميع .. بالاضافة الي انك متميزة
في مشاركات وتفاعلك في المواضيع

ربنا يديم الحب بيننا واهلا بيكي يا حبيبتي

بسنت

دانة الكويت

02-10-2003, 09:47 PM

مشكوووره حبيبتي بسنت
على كلامك الحلو :)

بنت مصر

06-10-2003, 01:04 PM

العفو يا دندونة :)

سمسمة

06-10-2003, 03:09 PM

لاول مرة هاقول بجد بقى

جاية عن طريق الاعلانات:)

البروف سمسم..:112:

مصــرية

13-10-2003, 08:06 AM

انا لقيتة علي الايميل

بنت مصر

13-10-2003, 01:05 PM

منورة يا مصرية ويارب تنبسطي معانا يارب :42:

:195:

مصــرية

13-10-2003, 01:11 PM

النور نورك يابنت بلادي
وان شاء الله اكون مبسوطة معاكم

سمسمة

13-10-2003, 04:50 PM

معلش الرد اتكرر ههههههههه

اهلا يامصرية

:197:

محمد بدير

17-10-2003, 04:54 PM

الــــــــــــــــــــــــــــــعــــــــــــــمــ ـــــــــــــــــــــــــــده

جارة القمر

17-10-2003, 06:49 PM

انا جابنى راجل على قد حاله
صعب عليا قلت اوصله عندكم علشان ادفع له المواصلات عجبنى الحال عندكم قعدت معاكم:24:

بنت مصر

24-10-2003, 12:08 AM

منورين يا محمد بدير وجارة القمر
والحمد لله انكم عرفتوا طريقنا
وأهلا بكل الاصدقاء

بسنت

wael chetoos

24-10-2003, 03:45 AM

بصراحه انا كنت اتمشي شويه بين المواقع و المونتديات
و فجاءه لقيت اسم جميل اوى اوى
كان اسم بنت مصر
و كان ليه الشرف لدعوتي الي هذا الصرح الكبير

وشكرااااااا اختي بنت مصر

بنت مصر

24-10-2003, 01:28 PM

اهلا بيك اخي العزيز وائل
احنا لينا الشرف انك انضميت لينا

ويارب تكون مبسوط معانا بس اهم شيء بقا
ان اسمك يملا المنتدى بالمشاركات ونشوف تفاعلك معانا

واهلا بيك ومليون وسهلا تاني

بسنت

سومر

25-10-2003, 03:33 PM

أحبائي

أنا تعرفت على المنتدى عبر دعوة كريمة جاءتني من خلال برنامج البالتوك مع أني كنت أدخل البالتوك للمرة الأولى و كانت الأخيرة

لكن كسبت منها هذا المنتدى الرائع الذي كنت أتصفحها كثيرا لكن لم أعقب إلا مرة واحدة على مقابلة الفنان حسين الشربيني

طيب ..ليه أنا سجلت؟

لأني بصراحة كنت أبحث من زمن عن منتدى مصري

فمصر هي الكل في الكل عندنا نحن الجيل الذي درس و تربى على أيدي المصريين العظماء و لازالوا يساهمون في تعليم أبنائنا

لكم كل حبي و تقديري يا أهل مصر

معكم دوما متابعا و قليلا معقبا

te3mah

25-10-2003, 03:51 PM

أنا بقى عرفت المنتدى عن طريق حبيبة قلبي وأختي الصغيرة بسبوسة : بنـت مصـر :)

الهـــــدوء

25-10-2003, 05:29 PM

انا كنت قاعده اتصفح ايميلاتي ولقيت واحد ابن حلال باعت لي عن مجلة ابن مصر
قوم ايه رحت جايه وداخله المنتدى وقلت في بالي يا بنت هو فيه احلى من مصر وبنات مصر
خلاص بقى خليكي هنا معاهم وسجلي.
هادي الحكايه من طقطق وباقي اقول لكم سلام عليكو

اختك الهـــــدوء
تحياتي
باي بقى

إسلام شمس الدين

25-10-2003, 06:01 PM

سومر
الهدوء

أهلاً بكما معنا و شكراً لانضمامكما إلينا فردين عزيزين من أفراد هذه الأسرة الكبيرة
نرجو تواصلكما الدائم متابعين و مشاركين
و كل عام و أنتما بخير

طعمة . .
انتي جاية بعد 7 سنين من تسجيلك تقوليلنا عرفتي المنتدى ازاي ؟؟!! :D
نحن نفخر بوجودك هنا ياطعمة فأنتِ أخت فاضلة
فلكِ وافر الشكر على وجودك ، ولبسنت وافر الشكر على حسن اختيارها

كل عام و الجميع بخير و صحة و سعادة
أطيب تحياتي :)
إسلام شمس الدين

http://ecards.egyptsons.com/rm/images/cards/gif/013.gif

te3mah

25-10-2003, 06:30 PM

كاتب الرسالة الأصلية : إسلام شمس الدين

طعمة . .
انتي جاية بعد 7 سنين من تسجيلك تقوليلنا عرفتي المنتدى ازاي ؟؟!! :D
نحن نفخر بوجودك هنا ياطعمة فأنتِ أخت فاضلة
فلكِ وافر الشكر على وجودك ، ولبسنت وافر الشكر على حسن اختيارها
http://ecards.egyptsons.com/rm/images/cards/gif/013.gif

يوووووووه
هو أنا مخي دفتر
على ما افتكرت يا إسلام :D

طبعا أنا اللي ليه الفخر والشرف لانضمامي لأسرتكم الكريمة :)
أسرة أبناء مصر :)
وكل عام والجميع بكل خير :)

بنت مصر

26-10-2003, 11:29 AM

سومر والهدوء منورين المنتدى واهلا بيكم معانا
يارب تسعدوا دايما بيننا ويارب نشوف مشاركاتكم
الرائعة في المنتدى .. وشهادتكم دي اسعدتني كثيرا

طعمة والله يا حبيبتي انتي نور المنتدى يا طعطوعة
وانا محظوظة اني عترت عليكي وربنا عوض صبري خير
الف شكر يا حبيبتي ربنا ما يدخلش بينا شوشو (على رأيك يا طعطوعة ) :D

اسلام شمس انت بقا واخد شغلتي وقاعد ترحب بالناس في موضوعي
بس عاوزة اقول لك قبل ما انسى يا شمس : ألف شكر والف تحية
على مجهودك الرائع والمتفاني والذي اثمر تطورا كبيرا في المنتدى

وكل عام والجميع بخير

بسنت

العاشق

26-10-2003, 12:13 PM

تسلم ايدك والله يا بنت مصر على الموضوع الجميل دا
معلش أنا جاى متأخر
عرفت طريق المنتدى ازاي ممممممممممممممممممم :
مرة كنت عند ابن خالتى بحر اسكندرية وكنت قاعد معاه على النت لقيته داخل على المنتدى وهو قاعد بيقرا الردود اتعلقت بيه أوى بس اتحرجت أقوله عشان كنت فاكر سنى صغير بس كدة من ساعة ما محمد علمنى ازاي مبقتش أفارق أبدا

بنت مصر

27-10-2003, 12:00 AM

اخي الغالي العاشق

انت منور المنتدى وياريت كل اللي يدخلوا المنتدى
وينضموا اليه يكون اعضاء اخلاقهم زي اخلاقك
انت او العاشق او الغالية جداا والغائبة دموع مجروحة

احنا فعلا بنفخر بيكم وبوجودكم معانا في المنتدى

بسنت

العمدة

29-10-2003, 01:11 PM

هو في إيه :)

كل ما حد يتزنق يدخل هنا ويرحب :)

أما ارحب شوية .. أرحب بهريدي :)

وخليفه :)

ومخيمر :)

والرداله الحلوين دول :)

ورجسني ياجدع ههههههههه :)

sherry

29-10-2003, 09:38 PM

فين ضرب النار يا عمدة سلام سكيت كدة

العاشق

01-11-2003, 12:45 PM

كاتب الرسالة الأصلية : بنت مصر
اخي الغالي العاشق

وياريت كل اللي يدخلوا المنتدى يبقوا زيك

بسنت

وأنا ضيف ولا ايه دا انتوا كلكم اخواتى

كتكوتة مفترسة

08-11-2003, 07:28 PM

السلام عليكم (:
انا عرفت المنتدى بعد توهان 4 ساعات بين المنتديات
واستقريت على ده لاني حبيت الناس اللي فيه (:
وقلت افترسكم مرة وحدة ههههههه
وكمان انا اموت في اعيال مصر (:

سمسمة

08-11-2003, 07:32 PM

اهلا بيكى ياكتكت:D

:155:

(: دى العكس:5:

يعنى: )

:125:

البروف سمسمة..:112:

كتكوتة مفترسة

08-11-2003, 07:40 PM

hehehehehe a9ly met3aweda 3ala el english fonts :)

سمسمة

08-11-2003, 07:45 PM

:D

اعملى اضف رد

وانتى هتلاقى صور كتييييييييييييييييييييييير اوى اوى اوى بدل ماتتعبى نفسك بانجليزى او عربى

واهلا بيكى مرة تانية

:195:

:72:

البروف سمسمة..:112:

كتكوتة مفترسة

08-11-2003, 08:12 PM

هههههههههههههههه شكرا سمسمة :cool:

بنت مصر

08-11-2003, 08:30 PM

اهلا بيكي يا كتاكيتو منورة المنتدى والله
بس انتي يعني اللي جيتي برجليكي للمنتدى ومحدش سمي عليكي؟ :5:

ان شاء الله حتنبسطي معانا وحتحسي اننا كلنا اخواتك وبنحبك خالص

اهلا بيكي مرة تانية وفي انتظار مشاركاتك الحلوة زيك

بسنت

كتكوتة مفترسة

08-11-2003, 08:54 PM

شكرا لك بسنت :)
لا انا كنت افضل مائة موقع عربي
و صفيت نفسي على افضل 50 وانا مغمضة
و اخترت افضل واحد فيهم بعد ما فتحت ههههههههههه

ماهــــــــر

09-11-2003, 08:53 AM

السلام عليكم ورحمه الله وبركاته

اخوانى واخواتى الاعزاء كل عام وانتم بالف خير بمناسبة شهر رمضان الكريم

عرفت هذا المنتدى الطيب والرائع من اختى الغالية بنت مصر ربنا يبارك فيها

وبدخولى لهذا المنتدى اصبحت ادخله باستمرار لما فيه ...........................

بالرغم انى لا اقم بالرد الا انى اسعد بالقراءة والاستفادة

فاسمحوا لى بتقديم شكرى للاخت الغالية بنت مصر

بنت مصر

09-11-2003, 08:51 PM

مش معقول
اهلا اهلا اهلا باخي العزيز ماهر
كل سنة وانت بألف خير وسعادة
انا فرحانة اوي ان اسمك رجع للمنتدى
تاني وياريت ما تتوقفش تاني على الاقل
حتحس برائحة مصر المحروسة من غربتك
وانت بتشارك معانا .. منور يا ماهر ولي الشرف
ان دعيت شخص محترم ومهذب وخلوق زيك

بسنت

ماهــــــــر

09-11-2003, 08:59 PM

السلام عليكم ورحمه الله وبركاته

اهلا باختى الغالية نوارت هذا المنتدى بسنت ( بنت مصر)

ان شاء الله ستجدنى وانا اسف للفترة الماضية وبالفعل احس معكم

بانى فى بيتى ربنا يبارك فيكم يارب:126: :129:

سمسمة

10-11-2003, 07:08 PM

اهلا بيك يااستاذ ماهر

:195:

:165:

<-----------------فى كل حتة هارحب بيك:cool:

:50:

البروف سمسمة..:112:

lina

14-11-2003, 03:01 AM

عرفت هذا المنتدى الطيب والرائع من اختى الغالية بنت مصر ربنا يبارك فيها

ماااااااااااهر ,, حمدلله على السلامة ,, حقيقي ربنا يبارك فيكي يا بسنت ,, انتي كنتي السبب في معرفة ماهر بالمنتدى وبالتالي ماهر كان السبب في معرفتي انا بالمنتدى :) شكرا يا ماهر والبيت بيتك ,, بس ايه الغيبة الطويلة دي :mad:!! ولا عشان رجلي جت في المنتدى انتا خت بعضك ومشيت هههههههه :19:

وكل سنة وانتا طيب

سلام
لينا :41:

mabbas23

19-11-2003, 09:07 AM

mish faker

bas takriban tala3ly fi el manam
ragel labes abyad fi abyad kaly rou7 el web dah

lina

20-11-2003, 05:41 PM

ايه ده يا محمد عباس

عفريت ده ولا ايه :16:

ياممي :44:

سلام
لينا

mabbas23

20-11-2003, 05:48 PM

اه عفريت
عاجبك

:)

lina

20-11-2003, 05:53 PM

عفريت!! :rolleyes:

انصرف :p:p ههههههههههه

باي باي
لينا

mabbas23

20-11-2003, 05:59 PM

dah mabytserfsh dahhhh

forsa tania ba2a ya lina

lina

20-11-2003, 06:16 PM

فرصة عمر , كل العمر:D خخخخخخخخخخ

تحية لعاصي حلاني :p:p ههههههههههه

سلام
لينا

mabbas23

20-11-2003, 06:20 PM

wi maloo bardo

3andy 3afrit so3'ayar kida 3ala makasik yenfa3

lina

20-11-2003, 06:33 PM

:66:

salam
lina :66:

mabbas23

20-11-2003, 06:53 PM

hab3athoulik dhl

bas el fatoura 3aliky

بنت مصر

01-01-2004, 04:34 PM

هو محدش فاكر هو عرف طريق المنتدى ازاي والا ايه؟؟;)

المنتمي

01-01-2004, 05:25 PM

كل اللى أقدر أقوله إن أنا اكتشفت إن انا بعشق تراب مصر...وبحر اسكندرية... ومراكب الأنفوشى ... ونسمة صيف شطوطها.. وكسرة نيلها.... وابتسامة طيبة قلوب أهلها...وشقاوة شبابها... و شمخة المآذن فيها... و لا الحسين وسكوت القمح فى نهارها...وشاى القهاوى المشروب مرة قبل كده... وندا البياعين ... ودعا الأم لابنها أو عليه... ونميمة جارة لجارة.:4: ..... و ... وكل حاجة اسمها مصر ....حب حتى العظم والنخاع... ازاى بعد ده كله ما اعرفش أبناء مصر منتداهم فين؟؟؟؟؟؟؟؟؟؟؟؟؟؟؟؟؟؟

بنت مصر

01-01-2004, 05:43 PM

اهلا بيك يا أحمد
ونورت مصر ومنتدى مصر
يا ابن مصر العزيز ..

وربنا يرجعك لارض الوطن بالف سلامة

بسنت

المنتمي

01-01-2004, 05:49 PM

أهلا بيكى يابنت مصر...
تسمحى لى أعزمك على واحد شاى virtual مصرى ولا ده فيه زعل....أصل انا شايف إنك قايمة بالواجب مع الناس كلها ...وهيه دى بصراحة بنت اسكندرية الجدعة....مصرية أوى يا جدعان...
بينى و بينكم كده؟؟؟؟ بسنت ملطوشة ولا لا؟؟؟؟؟؟

بنت مصر

02-01-2004, 04:14 PM

لا اطمن على الاخر يا احمد انا مش ملطوشة ولا حاجة :5:
انا تخصص لطش لان ببساطة المنتدى دا من بدايته كنت انا
اللي اقترحت على ابن البلد انشاءه وبعدين انشأناه في الحال
ومكنش فيه غيرنا انا وهو .. وبدأت رحله العذاب واللطش :D

bara2a

04-01-2004, 09:46 PM

انا عرفت طريق المنتدى عن طريق صديقه كان بيجلها ايميلات كتير جميله ومفيده
وكان بعضها من بنت مصر وبن البلد
فحبيت اتعرف اتر على المتندى :)

بنت مصر

06-01-2004, 12:16 PM

اهلا بيكي براءة الغالية ومليون وسهلا
نورتينا وسعدنا بانضمامك الينا حبيبتي
ونتمنى نشوف اسمك دايما ساطع ومنور

ونتمني نكون عند حسن ظنك لما تعرفينا

:164:

بسنت

bara2a

07-01-2004, 03:29 PM

شكرا بنت مصر
وادعو الله ان يجمعنا على خير
وكان ليكى دور كبييييييييييييييييييييييير فى اعجابى بالمنتدى
:141:

efat barakat

08-01-2004, 01:19 PM

أنا عرفت مكانه عن طريق تجولى فى المواقع على النت . .
و لم أستطع الاستغناء عنه الآن . . .
كل اهتماماته ترقى للجميع . .
أنا أحب هذا الموقع جدا !
عفت بركات

بنت مصر

08-01-2004, 01:48 PM

العفو براءة على كلامك
واتمنى فعلا اني اكون عند حسن ظنك يارب

بسنت

بنت مصر

08-01-2004, 02:06 PM

شاعرتنا واستاذتي الاديبة الرائعة عفت بركات

شهادتك هذه تاج فوق رءوسنا ووسام على صدورنا
وفخر لنا ان يقال في منتدانا هذه الكلمات من استاذة رائعة مثل حضرتك

ويكفينا فخرا ايضا أن يتواجد معنا قلماً كتب هذه الكلمات (http://www.egyptsons.com/misr/showthread.php?postid=75028#post75028l)

بسنت

فارس الأندلس

08-01-2004, 02:42 PM

فى الحقيقة وصلتنى رسالة على بريدى الالكترونى من مجلة ابناء مصر وسررت جدا بفكرة وجود منتدى أو مجلة لأبناء مصر سواء المقيمين فيها او المغتربين ودخلت الى المنتدى وأنا كلى شوق لأرى ابناء مصر على الانترنت وبالفعل وجدت الفكر المستنير وخفة الدم المصرية التى لا توجد فى اى مكان وروح الدعابة المصحوبة بهدف مش عارف اقول ايه ولا ايه
بس بصراحة انا حبيت المنتدى ده جداجداجداجداجداجداجداجدا
ولا يسعنى الا ان اشكر القائمون عليه من كل قلبى

تحياتى
فارس الاندلس

بنت مصر

08-01-2004, 02:52 PM

واحنا كمان يا فارس سعدنا جدا بانضمامك الينا
ونفخر ان بيننا انسان بثاقفتك وأخلاقك الكريمة ايها المحترم

وبالفعل انت من اول يوم انضميت الي المنتدى
واحنا شعرنا بيك وكأنك معانا فيه منذ بدايته

أشكرك على تواجدك الرائع واشكرك على تفاعلك المميز
واحنا بصراحة اللي مش عارفني نقول فيك ايه والا ايه :)

aynad

18-01-2004, 08:14 AM

انا بقي يا بسبوسة عرفت المنتدي منين ؟؟؟
انا في الاول كنت بدخل علي منتديات خليجية ومكنتش اعرف منتدي مصري وبصراحة انا كنت بدخل علي المنتديات الخليجية دي ومكنتش بفهم اي حاجة منهم ولا فاهمة اللهجة بتعاتهم بس كنت اعمل .. لحد ما وصل من صديق زوجي علي الايميل رسالة منقولة من منتدي ابناء مصر ولما فتحتها فضلت اتصفح في المنتدي وعجبني اوي اوي اوي ومن يوميها مش بفتح اي حاجة تانية غير منتدي ابناء مصر
وعلي فكرة انتي كنتي اول واحدة اقرأ مواضيعك وعجبتني اوي وحسيت انك دمك خفيف اوي علشان كدة انا حبيتك من كل قلبي وعلي فكرة انا والله ما بجاملك لان دي حقيقة واكيد مش انا بس اللي بقولك كدة ..
وشكرا يا بسبوسة علي الموضوع دة لانه دمه خفيف زيك :)

بنت مصر

18-01-2004, 10:32 AM

ايناد الغالية جدا جدا

اشكرك على كلامك الرائع في حقي وفي حق المنتدى بيتنا الغالي
انتي كمان من اول لحظة حطيتي رجلك في المنتدى اقصد كيبوردك :5:
وانتي نورتيه واسعدتينا بمشاركاتك وروحك الرائعة .. ربنا يخليكي لينا
وياريت تشدي مكتوب لصديق زوجك تشكريهولنا من الاعماق انه عرفك
بالمتندى وأتاح لنا الفرصة اننا نشوفك ونتعرف عليكي هنا :42:

الحب النضار

19-01-2004, 08:16 PM

اختي العزيزة بسنت..يظهر ان موضوعاتك اكتر حاجة بتعجبني..:)
بصي يا ستي عرفت طريق المنتدى ازاي؟؟.. بصراحة عن طريق صديق على النت كان بيبعتلي كل مقتطفاته او معظمها من المنتدى على الاي ميل وكنت باشوف عنوان المنتدى في اخر الاي ميل مع كل رسالة.. وبصراحة شدتني حاجات كتيرة فيه فقلت ليه ما اروحش بنفسي واشوفه.. وفعلا عجبني وعجبتني فيه حاجات كتيرة.. كمان لاني زي ما هو ملاحظ اني باحب الرغي الكتير.. بس ما باقدرش اعمل كده الا مع اسرتي في البيت لكن باجد صعوبه امام الاخرين بسبب الخجل والخوف من ايه؟؟ ما اعرفش.. المهم كان من اهم الحاجات اللي شدتني للمنتدى اني احاول اكتب واشوف نفسي واتكلم بانطلاقة.. وربنا يستر.. وربنا يوفقكم دائما..

:85: :83: :85: :83: :85:
:132:
:150:
:175:
:132: :132:

بنت مصر

19-01-2004, 10:47 PM

منورة يا لامور وارغي براحتك احنا اساسا
فاتحين المنتدى للرغي يعني خدي راحتك
ونورتي المنتدى وشكرا لصديقك اللي عرفنا بيكي

بسنت

محب

23-01-2004, 01:03 AM

طبعا أنا لسه جاي المنتدى الجميل بنار القدره آآآآآآسف بنار التاصه اوووووووه قدرة ايه بس وتاصة ايه والله طعميه وشوقي ليها خلتني أخرف
طبعا انا عرفت المنتدى من خلال رساله وصلتني على الخاص بأحد المنتديات التي كنت ومازلت احد اعضاءها وعملتلي أبهار عن هذا المنتدى وطبعا انا مازلت جديد لا استطيع الحكم حتى لا اكون مجامل ولكن على رأي المثل الجواب بيبان من عنوانه ولكن اللي نفسي اعرفه وعمال أدور عليه وأكيد هنا جنبي التي ارسلت لي الرساله عايز اعرفها وده ابسط شئ علشان اشكرها اولا ونصبح اصدقاء ثانيا وطبعا نحن هنا في بوتقة أم الدنيا أخوة ولسنا اصدقاء فقط فيا ريت أعرف مين هيه اللي دلتني عليه عموما أنا سعيد بوجودي بينكم ويا رب نقدر نساهم بين عمالقه في الكتابه ونقدم شئ يحوز الرضا والقبول
وشكرا ليكي يا بسنت على فكرتك الجميله

بنت مصر

23-01-2004, 10:10 AM

اهلا بيك يا محب ومليون وسهلا
نورت المنتدى وشرفته والف شكر
على تلبية دعوة المنتدى اليك وان
شاء الله نكون عند حسن ظنك بينا
وانا واثقة انك حتكون مبسوط عندنا
زي ما احنا مبسوطين بوجودك بيننا

لان منتدانا فعلا فعلا له طابع خاص وفيه رائحة مصر وبيجمع كل اللي بيحبوا مصر
سواء من جوا ارض مصر او من خارجة في اي دوله عربية شقيقة

اتمنى لك كل الراحة والهناء واهلا بيك وبكلماتك الصادقة والرائعة

بسنت

albrens21

23-01-2004, 08:24 PM

أول حاجه بحب اسلم علي جميع الاعضاء في المنتدى وديه اول مشاركه ليه في المنتدى

وانشاء الله المشاركات جيه كتير لاني مغترب بعيد عن بلدي مصر الحبيبه ويهمني ان

اتصاحب علي شباب وبنات مصرين لاني معاهم بحس اني موجود جوه مصر بخفت دمهم

والعفويه المتبادله بتحسس الواحد انه مع اعز اصحابه طبعن الشخص الي عرفني علي

المنتدى انا لازم اذكر اسمه علشان اشكره هي سمسه وصلتني رساله بموضوع اضافته في المنتدى

اطلعت علي الموضوع وشدني ولما دخلت المنتدى لقيته منتدى مصري فرحت ومترددتش

في الاشتراك اتمنا ان اكون صديق محبب للجميع واي حد حابب يرسلني الاميل موجود

يبعتلي وانشاء الله اكون من المتميزين في المنتدي

تحياتي البرنس21

بنت مصر

24-01-2004, 12:33 PM

اهلا بيك يا برنس ومليون وسهلا
نورتنا وشرفتنا والشكر موصول طبعا
لسمسمة على دعوتك وانضمامك الينا

طبعا انت صاحب بيت ما دمت جيت عن طريق سمسمة

ويارب بس تنبسط معانا ونشوف مشاركاتك دايما مالية المنتدى

:158:

اهلا بيك ومليون وسهلا

بنت بس عسولة

24-01-2004, 12:41 PM

انا بقى عرفت طريق المنتدى بالصدفة

انا بتجيلي ايملات من مجموعات اسلامية و كان فيها موضوع تم طرحه في هذا المنتدى فدخلت عليه و انا عارفة انه ممكن يطلع زي غيره
بس بصراحة الموضوع اتغير خالص و بقى حاجة مهمة جدا عشان اشوف المواضيع و اكلم الاعضاء العسولين اللي ما فيش زيهم
و يارب اكون عند حسن ظن كل حد و احاول افيد المنتدى و استفيد برده

:81: :81:

:17: :17:

بنت مصر

24-01-2004, 12:54 PM

احنا حظنا حلو اوي انك عرفتي طريقنا
لانك احلى عضوة عسولة ومشاركاتك جميلة جدااا

وفعلا فعلا انا نفسي اشكرك على مجهودك الجميل معانا في المنتدى
واتمنى لك دايما التألق ,, وربنا ما يحرمناش من احلى بنت بس عسولة

بسنت

كريم يونس

12-02-2004, 06:20 PM

اختى العزيزه بنت مصر

انا مشرف عام على منتدين اخريين

لكننى احببت منتداكم جدا

واظنني سابقى معكم

وعرفت طريقكم من اخت عزيزه وشاعره مجيده

وسابقى معكم ان شاء الله ماحييت

لكى اتعرف بادباء مصر الحبيبه

اتمنى ان اكون عند حسن ظنكم

بنت مصر

12-02-2004, 06:30 PM

أخي العزيز كريم يونس
اتشرفنا جدا جدا بانضمامك الينا
وسعدت جدا بكلماتك الرائعة لنا
اهلا بيك معانا واهلا باهل العراق الشقيقة
ونسعد دائما ان يمتد التواصل بين كل عربي
ومسلم من مشارق الارض الي مغاربها

اهلا بيك بيننا وشكرا على انضمامك الينا
واثق تماما باننا سنستفيد من كتاباتك الرائعة معنا

بسنت

كريم يونس

12-02-2004, 06:32 PM

بارك الله فيك اختنا الكريمه بنت مصر

وشكرا لكلامك الجميل

تحياتي

محمدعبدالقوىحسن

13-02-2004, 03:05 PM

قدرى الجميل
خلانى اوصل هنا
نولت المنى
وفيه ايه جميل
فى الدنيا
نحلم به غير المونه
والسوسنه
والدهشه
والمتعه الجمال
يدوم الوصال
بكتب لكم
كدة بالعجل
وانا برتجل
على لوحة المفاتيح
والكون فسيح
مصر الغنى فيها
والنيل فى واديها
والشط مرسانا
دايما بيلقانا
ويخش فى هوانا
نلاقى بعضينا
نكتب اغانينا
فى مصر ام العرب
الفن فيها الطرب
الشعر فيها والفنون
والسحر كن فيكون
ياهلترى ياخوانا
سعدا معانا هنا
احنا نحب العرب
وياريت يدوم حبنا
وكفايه كده ب س

بنت مصر

14-02-2004, 10:10 AM

دا من حسن حظنا ويا هنانا يا سعدنا
ان محمدعبدالقوىحسن يكون معانا هنا

أهلا بيك يا استاذ محمد نورت وشرفت
واحنا اللي فعلا محظوظين بوجودك بيننا

:158:

بسنت

ملحم

18-02-2004, 12:25 PM

والله مجموعه حلوه جدا

بنت مصر

20-02-2004, 11:23 AM

أهلا بيك يا ملحم معانا
والحمد لله ان رسائل المجموعة شرفتنا بانضمامك الينا
ويارب بس تكون سعيد معانا ونشوفك بيننا على طول

أهلا بيك ومليون وسهلا

:158:

بسنت

يعيش

20-02-2004, 03:25 PM

السلام عليكم
وصلت الى هذا المنتدى المتميز عن طريق الصدفة
ورب صدفه خير من الف ميعاد ,,, مثل ما يقول المثل

كنت ابحث في محرك البحث قوقل فوصلت لكم
وحمدت ربي على ان وجد منتدى ضخم من ارض الكنانه

فهل تقبولني بينكم

يعيش

بنت مصر

20-02-2004, 10:20 PM

أهلا بيك اخي يا يعيش واهلا بانضمامك
وربنا يسلم لنا جوجل ويسلم لنا الصدفة
اللي عرفتك علينا وان شاء الله تسعد بينا

واهلا بيك مرة تانية وننتظر تفاعلك معانا
اخوتك واخواتك واهلك :)

:158:

بسنت

يعيش

21-02-2004, 06:38 PM

سلمكم الله جميعا

واتمنى اكون عند حسن الظن

أحمد ناصر

24-02-2004, 04:54 PM

مع انى مابأتعاطاش حاجة,,,بس والله مانا فاكر
ع العموم أنا مبسوط خالص
شاى وقهوه ومشروبات مجانية
وحتى السراير المريحة بتاعة اتصالاتكو
بس الحاجة الوحيدة اللى قالقانى الصور اللى بتخض

بنت مصر

25-02-2004, 12:14 AM

ههههههههههه انت لسة فاكر يا احمد الصور اللي بتخض
عموما يا استاذ احمد احنا اتشرفنا جدا بانضمامك الينا
وسعداء جدا بمشاركاتك الرائعة واسلوبك الراقي
في المشاركات وفعلا احنا محظوظين بيك
وبكتاباتك وكمان شكرا لك على نشاطك
الواضح وتفاعلك الجميل مع كل الاعضاء

اهلا بيك وان شاء الله حافتكر اجيب لك دوا الضغط والقلب
عشان تاخدهم وانت لسة على باب المنتدى وقبل ما تدخل تقرا حاجة :5:

بسنت

أحمد ناصر

25-02-2004, 12:01 PM

والله موش عارف أشكرك ازاى على كلماتك الرقيقة يا بنوتة مصر
أنا اللى محظوظ بالمنتدى و بكل اللى فيه
بس لمعلوماتك دوا الضغط والقلب ما بيتاخدوش على معدة فاضية
ف ياريت ساندويتش قبلهم لو سمحتى

فاضــل

25-02-2004, 12:18 PM

أما أنا فعرفت طريق المنتدى من رابط جاءني في إيميل من إحدى المجموعات البريدية التي أشترك بها .. و دخلت قلت أشوف إيه الأخبار .. فأخبار أي منتدى ممكن تتعرف من قاعة المناقشات و القاعة العامة و شروط التسجيل..

و كان موعد مع القدر .. الجميل أن ألتقي بهذه الصحبة الرائعة ..

و كان من حسن الطالع أن يكون أول رد على مشاركاتي منك يا بسنت العزيزة .. و أنا شخصيا من الذين يتذكرون جيدا أوائل الأشياء..

و أنتهزها فرصة لتحية كل أعضاء و إداريي المنتدى الجميل مع خالص تمنياتي بدوام الريادة و العلو

:)

أحمد ناصر

25-02-2004, 12:40 PM

.. و أنا شخصيا من الذين يتذكرون جيدا أوائل الأشياء..

و أنتهزها فرصة لتحية كل أعضاء و إداريي المنتدى الجميل مع خالص تمنياتي بدوام الريادة و العلو

ماشى يا عم عشان يعنى أنا ناسى
طب خليك فاكرها

بنت مصر

25-02-2004, 08:38 PM

و كان من حسن الطالع أن يكون أول رد على مشاركاتي
منك يا بسنت العزيزة .. و أنا شخصيا من الذين
يتذكرون جيدا أوائل الأشياء..

اخي فاضل الغالي
لو انت من تواضعك شايف انه من حسن طالعك
فانا احب اصحح لك المعلومة واقول لك انه من
حسن طالعنا احنا اننا شرفنا بيك وبانضمامك الينا

وطبعا في الوقت دا وبعد كم مشاركاتك
الكتيرة اللي في المنتدى .. ما ينفعش اني ارحب بيك
ولكن اسمح لي انتهز الفرصة واشكرك على كل موضوع
وكل قيمة وكل فائدة اضفتها الي منتدانا الحبيب منتدى ابناء مصر
الذي يفخر بقلمك وبوجودك فيه :)

بسنت

بنت مصر

25-02-2004, 08:42 PM

ماشى يا عم عشان يعنى أنا ناسى
طب خليك فاكرها

يعني انت بتفتكر الحاجات اللي على مزاجك يا احمد ناصر :mad:
لما انت بتنسى بقا ليه فاكر لي الامثال اللي بتبدأ بحرف الهاء
انا خلاص اتعقدت :2::9:

فاضــل

26-02-2004, 08:57 AM

اطمئن يا أبو حميد فأنا و الحمد لله بافتكر كويس :D:cool:

و لكن أنا فاكر لك حاجات حلوه أيضا :)

أما أنت يا بسنت العزيزة فلا أملك أن أقول .. أن الشرف كل الشرف لي أنا بوجودي بينكم .. و ما كان يمكن لقلمي أن يكون له قيمة .. لولاكم .. فيلزم للفائدة و النقاش .. طرفين .. لا طرف واحد

:)

shody20

30-03-2004, 09:14 PM

طبعاً حبيت أسلم على كل الناس اللي شاركت في الموضوع هنا..
و فعلاً أنا ما شاركتش هنا قبل كدة... بس بما اننا رجعنا.. حقولكم على السر الحربي بتاعي بقى..

أنا عرفت المنتدى من رسالة بعثت على مجموعة بريدية بشان موضوع يخص الجامعة ..بل الكلية.. بل القسم في الكلية...

و رحت شفت الموضوع..
و بالمرة عديت على المنتدى..
و القاعات.. و شفتها و عجبني..
و حسيت ان في عالم انا مش عارف عنه حاجة...
بس ..

و كانت البداية....
هو أنا كنت قبل كدة في منتدى.. بس ما حسيتش بالألفة بينهم...
فاتعقدت من المنتديات...
بس كان رجوعي له كان من خلال هنا...

تحياتي للجميع.. و ابعث لكم بأشواقي و حبي...

بنت مصر

30-03-2004, 09:18 PM

والله يا شودي انك نورت المنتدى جدااااااااااااااا
بروحك الجميلة وحبك واخلاصك للمنتدى
ربنا يخليك للمنتدى وما يحرمناش منك

واحنا فعلا حظنا حلو جدا ان الرسالة دي وصلتك عشان
تنضم الينا وتسعدنا دايما بمشاركاتك الجميلة والراقية

بسنت

محمد شحاته

22-04-2004, 09:48 AM

*8* *8* *8*

تصدقى بقى يابسنت من ساعه اول يوم ليه فى المنتدى وانا بشوف الموضوع ده بس مش عارف محرج ادخله لسبب بسيط انى مش فاكر ازاى جانى رابط المنتدى ونفسى والله اعرف الشخص اللى دلنى عليه علشان اشكره ويعلم الله انى ادعو له بظهر الغيب لانه فعلا عرفنى على اجمل وارق ناس عرفتهم فى حياتى يربطنى بيهم الان حب الله ومشاعر نبيله واخوه صادقه لايشوبها شىء ادعو الله عزوجل ان تدوم علينا وان يحفظ لنا هذا الصرح الجميل من كل شر وادعو الله ايضا ان يحفظ من دلنى على المنتدى بكل الخير ويهب له الصحه والعافيه ويبارك فى عمره كل تحياتى وتقديرى يابسنت محمد

بنت مصر

22-04-2004, 10:00 AM

والله يا اتصالاتكو انك من أول يوم دخلت المنتدى
واحنا حسينا بصدق مشاعرك للمنتدى وانك فعلا اخونا
ربنا يديم بيننا الحب والاخوة في الله دائما وان يجمعنا على حبه وطاعته

بسنت

الكينج أبو وليــــد

22-04-2004, 10:12 AM

FaNtO

22-04-2004, 09:23 PM

أنا كل ما أقرى ألاقيهم بيقولوا طعمية طعمية طعمية، طعمية هي اللي ودتني ،طعمية هي اللي بعتتلي ميل، طعمية قابلتني في طبق فوول،
بصراحة يا جماعة أنا اللي أنا كنت بصفر لطعمية و هي بتنشر الغسيل و أنا اللي مشيت وراها و اديتها عنوان المنتدى بدل تليفوني
يبقى أنا اللي لي الفضل في مشاركاتكم كلكم.
تقولولي بقى انت عرفت المنتدى من نين.
بصراحة أنا كنت بتمشى في وسط البلد ، قام الأخ فول كعبلني، فلقيت نفسي واقع في منتدى و الباب قفل على صابعي ، و لحد انهاردة ما فتحش.
و باذن الله ما يفتحش
لأ الصراحة بقى، أنا اللي عرفني على المنتدى الباجمهندز جودي دويندي ، بس واعدني ب 51% و ضرب عليهم العواف
إنبي لأغتاله
البندجة يا جعيدي طاااااااااااااااااااااخ
جدكووووووو فانتوووووو

بنت مصر

23-04-2004, 11:32 AM

نشكر السيد الوزير والسيد المحافظ والسيد فول اللي كعبلك على المنتدى :d

وكل الشكر موصول لاخي الغالي والمهذب جدا جدا شودي على دعوة حضرتك الينا
واكيد احنا اتشرفنا جدا بانضمامك الينا وتمنياتنا لك باسعد الاوقات يا فانتو معانا

*194*

بسنت

FaNtO

23-04-2004, 07:02 PM

بليز بليز بليز يا اخت بزند ازمه جودي دوندي مش شودي تونتي وانا عايز اتفاوض مع اي مسئول هنا علي الطريق المناسبه لاغتيال الاغ جودي

بنت مصر

27-04-2004, 01:46 PM

السلام عليكم
بالنسبة لى فأنا عرفت طريق المنتدى عن طريق بنت هى مشتركة معانا هنا
كانت صاحبتى وكنت بكلمها على الماسنجر وفجأة اختفت ولم تكلمنى منذ فترة
وعلمت منها انها مشتركة هنا ووجهت لى دعوة الاشتراك
ومن يوم ما اشتركت وانا فرحان جدا
لكن للاسف انا مش لاقى صاحبتى لانى ما عرفش اسمها فى المنتدى ايه
قولت ادخل وادور عليه يمكن اعتر فيها
ما فيش حد ابن حلال يدور معايا ..؟؟؟؟

ان شاء الله تجد اختنا العزيزة صديقتك يا شاعر العرب
واسفة على تأخيري في الرد عليك لاني لسة شايفة ردك حالا
وأهلا بيك معانا اخي العزيز شاعر العرب واهلا بمشاركاتك الرائعة

اما انت يا فانتو فشكلنا حنروح نمسك في خناق شودي
عملنا لنا فرح وترحيب وفي الاخر تختفي *12*

الكينج أبو وليــــد

27-04-2004, 02:11 PM

السلام عليكم

الاخت العزيزة بنت مصر

يعنى أقدر أعتمد عليكى انك تدورى عليها معايا
أصلها وحشااااااااانى قوووووووووووووى

ويجعله عامر

Shoshou

12-05-2004, 06:02 PM

انا بقى لسه جديده ولسه مشتركه دلوقتى حالا اهو :)
وعرفت المنتدى عن طريق انى مشتركه ف جروب.. واسلام شمس الدين مشترك ف نفس الجروب
وعامل اعلان للمنتدى ف مشاركته
ف دخلت.. عجبنى.. اشتركت .. وكده يعنى
بس حتى الان معرفش حد نهائى هنا :)

بنت مصر

12-05-2004, 07:07 PM

أهلا بيكي يا شوشو نورتي المنتدى وشرفتيه
يارب تنبسطى معانا.. والشكر الكبير لاسلام شمس الدين
اللي عرفنا بيكي بس اسمه ايه الجروب بقا؟؟

*196*

Shoshou

12-05-2004, 07:13 PM

اسمه شباب مصر
[Egyptian-Youth]

وانتى اللى منوره المنتدى يا بنت مصر :)
وان شاء الله اكون موجوده باستمرار

سمسمة

14-05-2004, 11:29 PM

الا مفيش حد عايز يقول ولو بالكدب انه من طرفى;)

بنت مصر

15-05-2004, 12:17 AM

انا يا سمسمة من طرفك ولا تزعلي يا ستي *8*

علوش

15-05-2004, 01:27 AM

من البحث فيالمنتديات

بنت مصر

15-05-2004, 11:54 AM

شرفتنا اخي علوش وننتظر مشاركاتك
ونتمنى ان يلقى منتدانا بمواضيعه استحسانك والقبول لديك

أهلا بك

*190*

الكينج أبو وليــــد

17-05-2004, 09:33 PM

من البحث فيالمنتديات

ايه يا عم علوش الرعب ده

انا شعر راسى شااااب

ابو وليــــــــد

نبراس

09-06-2004, 12:41 AM

عن طريق الصدفة البحتة,,كنت أبحث في محرك البحث عن موضوع ما وصادف
أن ضغطت على وصلة موضوع في المنتدى له علاقة بما أبحث>>>>>قاعدة تحكي قصة حياتها:]

وفعلا سعيدة بالانضمام لهذا المنتدى لانه منتدى مصري

قلب الليل

12-06-2004, 12:33 AM

انا عرفته
بدعوة كريمة
من اختي الغالية
دموع القلب

crazy_with_love

04-07-2004, 11:59 AM

السلام عليكم ورحمت الله

والله انا صدفه وقعت في المنتدى هذا
والله اعجبنى بدرجه مش عاديه
وانا سعيد جدا جدا بانضمامى الى هذا المنتدى
والسلام عليكم ورحمت الله

زهرة حزينة

04-07-2004, 01:39 PM

السلام علكم و رحمة الله و بركاته
الأخوة و الأخوات الأفاضل
مرحباً بكم جميعاً

بخصوص طريقة معرفتى بالمنتدى فكان منذ 3 أيام .. و قد كنت أبحث فى المنتديات الأدبية ككل فوجدت هذا الموقع الذى لا أنكر عليكم لا زلت لم أكتشف أغواره بعد و لكن ما أسعدنى و حثنى علىالإسراع للتسجيل فيه هو أنه " مصرى " *80*

فأنا مشرفة و مراقبة فى أكثر من منتدى آخر و منها منتديات أدبية أيضاً .. و قد تمنيت كثيراً أن أجد موقعاً أو منتدى مصرى الهوية و التأسيس .. ولكم كانت سعادتى بذلك حقاً .. فشكراً لكم جميعاً .. مع خالص المنى لكم بكل خير .. و أن يكون تواجدى بينكم فيه الفائدة لى و لكم

أختكم فى الله
زهـــــــرة حزيــــــــــنة

محمد شحاته

04-07-2004, 03:23 PM

*8* *8* *8*

اهلا بك اختى الكريمه زهرة سعدنا لانضمامك وانا متأكد ان لدينا مايسعدك فى الشعر والادب لوجود عمالقه الشعر والادب بين جنبات منتدانا وافر التحيه والتقدير

وفعلا شكلنا حانعمل احتلال اسكندرانى للمنتدى يابسنت *8*

*193*

زهرة حزينة

04-07-2004, 03:40 PM

محـــــــ*172* ـــــــمد شحاتــــــــة

يسعدنى أن تكون أول المستقبلين لى يا اخى الكريم
و كلماتك تحقق ما بالنفس من حماسة و إستنفار لكل الملكات الروحية و الفكرية للإبداع و الإثراء

فشكراً لــــــــــــــــــــك .......

*122*

زهــــــــــــرة :f: حزيــــــــــــــــــنة

BahY

05-07-2004, 03:17 AM

i Knew about this forum by search for websites about Egypt using google as my search engine.1
What I really hate about the forum is that u can’t write in English properly. Ya3nie I start writing from the right to the left and that complicate things.1 try to write in english and u will know what i am talking about.1

بنت أهلها

05-07-2004, 06:01 AM

السلام عليكم ورحمة الله وبركاته

أولا أتمنى أن تقبلوني ضيفة عليكم...
وأحب أن أذكر لكم أني تحمست للتسجيل في المنتدى بالذات لإني معجبة بطريقة تفكير زميلات مصريات تعرفت عليهن...

أما وشلون(إزاي) وصلت هنا فهو في الحقيقة بالصدفة عن طريق إحدى محركات البحث.

سؤال بسيط يهمني كثيرا أتمنى يجيب عليه أحد الأخوة أو الأخوات من مصر...ممكن أكتب بلهجتي أم يوجد بعض الصعوبة في فهم بعض ألفاظة؟؟*11*
لإني وبصراحة أعرف صديقات لا يفهمون معنى بعض الألفاظ المصرية ...والعكس صحيح.

سمسمة

05-07-2004, 02:56 PM

اكتبى باللهجة اللى انت عايزاها يابنت اهلها وشرفتينا فى المنتدى:f:

اهلا وسهلا بيكِ

*189*

البروف سمسمة..*145*

mohamed osama

05-07-2004, 05:29 PM

عرفت المنتدى بالصدفة
خير صدفه والحمد الله

بنت مصر

09-07-2004, 05:17 PM

نبراس
شرفتنا جدا وسعدنا بيك
وربنا ما يحرمنا من الصدفة البحته اللي جابتك عندنا

قلب الليل
تشرفنا جدا بيك وبانضمامك

كريزي ويذ لاف
احنا كمان سعداء جدا بيك وبانضمانك
والحمد لله ان الصدفة وقعتك فينا

زهرة حزينه
احنا كمان سعدنا بيكي جدا وواضح انك حتزيدي المنتدي اشراقا واثراءً
وان شاء الله معانا حتكوني زهرة في منتهي السعادة

باهي
انا فاهمة قصدك كويس لان اتجاه المنتدى هو العربي
يعني من اليمين الي الشمال وبتكون الكتابة بالانجليزي متعبة جدا
بس انا عاوزة اقول لك على شيء وهو ان ويندوز اكس بي بيدعم
كل اللغات يعني انت مش محتاج ان يكون عندك دعم لغة عربية عشان
تقدر تكتب عربي معانا ,, عموما اهلا بيك

بنت أهلها
انت تكتبي واللي انت عايزاه واحنا نتعلم لك
اللهجة بتاعتك حتى لو بتتكلمي موزمبيقي
تشرفنا بيكي جدا يا بنتنا لاننا من هنا ورايح اهلك

محمد اسامة
تنور انت وكل الصدف اللي بتجيب لنا اخوه
في الله واهلا بيك وسهلا اخي العزيز

اسفة اخوتي على التاخير لظروف غيابي والحمد لله
اخوتي الغاليين سمسمة البروف ومحمد شحاته قاموا بواجبات الترحيب

*196*

بسنت

همسات

13-07-2004, 07:37 AM

عرفت طريق المنتدى من خلال البحث عن موضوع ..

وأشتركت به ..أنا وشخص هااام *11*

حقيقة هو منتدى رائع ..ويكقينى كونه مصرى ..

وأتمنى للجميع كل التوفيق والتقدم ..

وأن يكون هذا المنتدى هو هدف لغاية راقية .. ومفيدة ..

تحياتى للجميع .

pharma_boy4

13-07-2004, 09:42 AM

انا بقي علرفته عن طريق رساله من الرسايل المجهوله المصدر

اه والله ماعرفش مين اللي باعتها

لقيت فيها وصله تحت دخلت راحت حادفاني هنا وفضلت لازق

وكان اول عضو اتصل بيه هو العضو الرائع ادهم صبري

واول سؤال ::: ازاي اضيف موضوع ؟؟؟؟؟

بس المنتدي رائع بس اللي بيضايقني ان ابن البلد ياعات بيقفله في وسط النهار علشان يعمله تعديلات

فلو ممكن يخلي التعديلات دي بالليل بس يبقي احسن

وده مجرد رأي

snake

15-07-2004, 08:02 AM

اهلا بيكوا كلوكوا في المنتدى
*208*
انا عرفت المنتدى عن طريق الفكرة نفسها
كنت مستنفخها في الاول بس شوفت اختي بتتجول في منتديات كدة وعجبتني الفكرة روحت عملت تحريات عن افضل منتديات في الوطن العربي ام تطلعلي عمك ايجيبت سنز وادينى حطوني هنا ومش عارف هيجي يخدونى امتى

بنت مصر

15-07-2004, 01:24 PM

اهلا بيكي يا همسات وبانضمامك الينا
وسعدنا جدا بانضمامك بس مين الشخص
المهم بقا اللي انضم معاكي ؟؟
يخرب بيت الفضول وسنينه *109*

اهلا بيك يا فارما والحمد لله انك عرفت طريقنا
والشكر ايضا للي بعت لك الرسالة عشان تشترك معانا

اهلا بيك يا سنيك والحمد لله ان اختك هي السبب
ياريت بقا تخليها تشارك معانا هي كمان عشان
نشكرها لانها هي اللي جابتك عندنا

اتمنى لكم كلكم اسعد الاوقات معانا اخواتي الغاليين
ويارب انتوا كمان تكونوا مبسوطين عندنا زي احنا ما مبسوطين بيكم

http://www.egyptsons.com/gallery/data/media/12/welcome0014.gif

بسنت

مزمزة

19-07-2004, 02:11 PM

فى البدايو كان عن طريق الأيميل و جذبنى الأيميل اوى فاشتركت فى المنتدى
و لكن الحق يقال انى كنشت بعد كده خالص
لكن... إلى خرج من داره يتقل مقداره و ناوى ارجع واشارك فى المنتدى بقوة ان شاء الله
و كما قال او قالت همسات ( يكفينى انه مصرى)

ابوبكر

20-07-2004, 01:45 AM

محدش يجيب سيرة الطعمية لو سمحتم انا سبتها فى مصر جيت لئتها فى السعودية

بنت مصر

21-07-2004, 10:59 AM

مزمزة وأبو بكر
أهلا بيكم وبمشاركتكم الرائعة
شرفتونا جدا يا جماعة وانت
يا مزمزة خلاص ما بقتش جديد
اما انت يا ابو بكر فننتطر منك المزيد

اهلا بيكم مرة تانية ومنورررررررررررين

*197*

بسنت

الصاعق

24-07-2004, 09:31 AM

أخواني الأعزاء
أنا كنت أبحث عن مقالات عن حرب أكتوبر وظهر المنتدى على محرك بحص Google
ومن ساعتها دخلت ومخرجتش
مش عارف ليه
أرق تحياتي
الصاعق

كنانة

24-07-2004, 06:43 PM

اما انا فعرفت المنتدى دة بالصدفة

كنت عمال اتصفح موقع ( بدون ذكر اسماء ) و لقيت صورة حلوة جدا

و بدافع الفضول اخذت خصائص الصورة و من احدى هذة الخصائص مصدرها و كان منتدى ابناء مصر

و دي الحكاية كلها من طق طق لسلام عليكم

بنت مصر

25-07-2004, 08:28 AM

اخواتي الغاليين
احمد السيد وكنانة

الحمد لله ان البحث عرفكم بينا
وان شاء الله تفضلوا ابناء مصر ومنتدى ابناء مصر

*189*

وأهلا بيكم دائما

Hesen Ali

03-08-2004, 11:15 AM

انا لسا شايف الموقع ده النهاردة

وزعلان جدا اني مشفتوش قبل كده

لاني كان نفسي ادخل موقع او منتدي مصري عام فيه اعضاء مصريين كتير كده

وعرفت الموقع عن طريق البحث عن قصص الأنبياء ودخلت علي هذا المنتدي علي موضوع كده فيه معلومات عن الأنبياء _ عليهم السلام _

أهلا بيكم جميعا

و

تحياتي

بنت مصر

03-08-2004, 11:34 AM

اهلا بيك يا استاذ حسين تشريف لينا
وشكرا للباحث اللي وصلك لينا ..
احنا اصلنا موصيين الجوجول بتوصيل الاعضاء الينا*109*

في انتظارك اخي العزيز مليون مرحب

*189*

بسنت

Hesen Ali

03-08-2004, 11:38 AM

شكرا لكي علي الترحيب

وهوا فعلا جوجل اللي وصلني ليكم وان كنت اعتبر ان افضل موقع بحث هو www.altavista.com

ولكني بشكر جوجل اللي وصلني هنا ..

وانا سعيد بإلانضمام ليكم ..

الصعيدي

05-08-2004, 08:29 AM

وأنا كمان عرفت المنتدى عن طريق البحث بس مش فاكر كان جوجل وللا محرك تاني .. كنت بادور في موضوع سياسي كده لقيت البحث حدفني على موضوعات الأستاذ الفاضل عاطف هلال .. وفوجئت إن فيه منتدى بالجمال ده .. ودي على فكرة أول مرة أشارك في منتدى بجد .. قبل كده شاركت في منتديات ملحقة بمواقع .. بس غالبا بتكون تعليقات على المنشور بالموقع .. وكل فيييييين لما تلاقي مشاركة .. يعني مش زي منتدى لؤلؤة المشرق العربي
الحقيقة اللي شدني للمنتدى وخلاني أشارك واحاول انتظم فيه عدة حاجات ..
أهمها التزام الآداب الشرعية في المواضيع والمشاركات المطروحة .. يعني الواحد الحمد لله مايقراش أو يشوف حاجة تضايقه أو يحس إنه في مكان غلط.
وكذلك لقيت كتير من الإخوة أعضاء المنتدى آراءهم ووجهات نظرهم متقاربة مع وجهة نظري فيما يتعلق بأمور الأخلاق والعلاقات والاختلاط وهموم الأمة بشكل عام وده واضح من أول وهلة من الأسماء والشعارات بتاعة أعضاء كتير في المنتدى
أعجبني جدا التنوع في القاعات والتميز أيضا في المادة المطروحة فيها .. وفيه أسماء كتير أكن لها كل تقدير واحترام من السادة المشرفين والأعضاء أيضا لما لمسته فيهم من أدب جم ورجاحة عقل وفكر راقي *8*
بصراحة العلاقات بين أعضاء المنتدى هنا تخللي الواحد يشعر فعلا بروح الأخوة وده كان ظاهر جدا في التفاعل مع الظرف الأليم اللي مر به الدكتور سلطان حديثا (أسأل الله أن يتم عليه الشفاء) ودي كانت روح طيبة جدا من كثير من الأعضاء.
أنا حاسس إني طولت جدا عليكم بس فيه حاجات أكتر عاجباني هنا .. بس أسيب فرصة لغيري يمكن يقول أحسن من اللي هاقوله.
لي طلب عند إدارة المنتدى وهي إن يكون فيه توضيح لدور ومسئوليات المشرفين وصلاحياتهم وكيفية اختيارهم
وبعدين أنا باشوف تصنيف للأعضاء مش فاهمه بوضوح (عضو جديد لديه مشاركات - عضو سوبر - عضو فاعل)
ياريت أعرف معنى التصنيف ده وكفاية كده أحسن ابن البلد يلغي عضويتى :)

بنت مصر

05-08-2004, 11:34 AM

اخي حسين علي العزيز
واحنا كما سعداء جدا بيك لان من اول
لحظة ليك في المنتدى وانت اثبت حضورك بخلقك الرفيع

أخي العزيز الصعيدي
نفسي طبعا اتخانق معاك عشانك من رفيق الفرسان :d

بس بصراحة كلامك اثلج صدري جداااااااااا لان كل اللي لاحظته في سياسة
المنتدى وفي علاقات اعضائه بعضهم ببعض هو بالتحديد احد اهداف المنتدى
فالحمد لله رب العالمين ,, وكل الشكر ليك على كل كلمة قلتها في حق المنتدى
وطبعا انت خلاص مش محتاج شكر لانك اصبحت دلوقتي واحد من اعضاء
أسرة المنتدى الاساسيين ومش غريب عننا عشان نشكره

بخصوص تعيين المشرف في المنتدى
فهو بالدرجة الاولي بيعتمد على الكيف وليس الكم
ولكن برضه لازم يكون فيه شوية (كم) اللي يضمن
علاقات طيبة وود بين العضو وباقي الاعضاء لان
مع الكم بيحصل تفاعل بين العضو وباقي الاعضاء
وطبعا مهم جدا ان الاعضاء يكون قريبين منهم

اما بقا بخصوص(عضو جديد لديه مشاركات - عضو سوبر - عضو فاعل)
فدي مش احنا اللي بنغيرها ولكن البرنامج مع كل زيادة في عدد المشاركات
بيغيرها اوتوماتيك وكلن انت لو تحب تشيل العبارة دي وتكتب بدلها اي شيء تحبه

بسنت

الصعيدي

05-08-2004, 12:50 PM

العفو بسنت .. أنا ما قلتش غير الحقيقة
وسعدت جدا بالتعرف على أعضاء فريق
الفرسان ومناقشة الأسئلة معاهم على الماسينجر

الصعيدي *8*

كريم99

10-08-2004, 06:46 PM

اهليييين اختي....ومشكوره على المنتدى الحلو

انا صراحه تعرفت على المنتدى عن طريق رساله جتني على الايميل

وشكراااااااااااا

بنت مصر

10-08-2004, 09:38 PM

اهلا بك اخي كريم ومليون وسهلا
الحمد لله ان الرسالة دي وصلتك
حتى نتشرف بانضمامك الينا
اهلا بك واهلا بكل اهل السعودية الغاليين

اتمنى لك اسعد الاوقات معنا

وفي انتظار مشاركاتك

*188*

بسنت

مجروحه

11-08-2004, 12:13 PM

والله يا اخت بنت مصر انا كنت اعده على النت قام سخن ولقيت الجهاز بيفرفر وقام حزق مره واحده وطلعلى رساله
اوم ايه لقيت واحد اسموا احمد صلاح عرفنى وقلى لو عايزه تكتبى شعرك فى منتدى محترم ادخلى الموقع ده دخلت قام النت قفل على صبعى اتحشر صباعى جوه ومعرفتش اطلع علشان كده بقيت مجروحه هئ هئ هئ

مشالي

16-08-2004, 04:49 AM

يمكن زي ما حصل مع الأغلبية كنت بأدور على حاجة على البحث بتاع ال Msn وفوجئت بالمنتدى
نسيت أن كنت بأدور على اية ودخلت اشوف الحكاية لأني ما كنتش أعرف إن فية منتدى مصري (وأنا مصري متعصب شوية لبلدي)
المهم فوجئت إني بأسجل اسمي فية وبأرد على مشاركة لعضو شدتني
يمكن أنا مشترك في أكثر من منتدى عربي لكن هنا فية حاجة مهمة أحط تحتها مليون خط وهو كلمة مصر
ما بالك ان كنت بتشترك في منتدى فية عملاق مثل المهندس / عاطف هلال
أكيد المنتدى مميز جدا ... وأكيد إن أنا الكسبان ... وأكيد إني مش حأخرج ولا بالطبل البلدي

Tarzan

16-08-2004, 11:23 AM

اولا شكرا يا بنت مصر على موضوعك ...

و انا عرفت المنتدى عن طريق رسالة اتبعتت لأخويا - الله يمسيه بالخير - و كان باين فيها موضوع من مجلة أبناء مصر

و لما أخدت اسم الموقع و دخلت المنتدى و شوفته الحقيقة أعجبت بيه اوى اوى و اللى خلانى اشترك فيه انه مصرى خالص

و كل اللى فيه تقريبا و الله اعلم مصريين و دا خلانى معجب بيه اوى اوى خاصة ان انا كل شغلى قبل كده فى المنتديات كان

فى منتديات خليجية مش مصرية و كان بيكون فيه مشاكل فى اللهجة مع اخواننا العرب مع انى كنت فيها صاحب مركز

عالى الحمد لله بس الواحد أكيد بيستريح لما يلاقى الباقى زيه مصريين فى نفس المنتدى ...

اما اللى ما بيعجبنيش فأنا الحقيقة لسه مالقيتش حاجة تزعجنى أو تضايقنى و ماتعجبنيش و اذا كنت لقيت الحقيقة

كنت هاخجل اقولها هنا عشان ماجرحش حد ... شكرا مرة تانية يا بسنت

نهاد صلاح معاطي

22-08-2004, 02:08 AM

اصدقائي لا اتذكر ابدا
و لكن كل ما اذكر ان هذه هي عائلتي
نهوووووووود

شاهين

23-08-2004, 01:06 PM

السلام عليكم ورحمة الله وبركاته
من خلال البحث في جووجل عن عيد الجيزة القومي ووجدت ضالتي فيكم
*4*
والحمد لله ربنا يزيدكم من نعيمه
*3* *8* *6*

سمسمة

23-08-2004, 06:05 PM

وعليكم السلام ورحمة الله وبركاته

اهلا بيك معانا ياشاهين

شرفت المنتدى

*198*

البروف سمسمة..*158*

شاهين

24-08-2004, 01:31 PM

الله يخليكي يا اختي العزيزة
المنتدى مشرف باصحابه يا سمسمة

بنت مصر

26-08-2004, 10:54 PM

اهلا اخت مجروحة لينا الشرف انضمامك ولكن اتمنى ان تتحري استخدام عباراتك لانها ...

مشالي أثبت وجودك المميز منذ انضمامك الينا فأهلا بك وشكرا للام اس ان اللي
عرفك بينا والحمد لله انك انضميت الينا وان شاء الله تنسى كل شيء على النت الا منتدانا

اهلا بيك يا طرزان واهلا بوجودك معانا وان شاء الله عمرك ما تشوف في المنتدى الا كل ما يرضيك عنه وعنا

نهاد صلاح معاطي
منورة دايما بيننا ولو ترجعي
بذاكرتك للخلف حتلاقي ان اللي عرفك
علينا هو ايميل دعوة من ابناء مصر أهلا بيكي دائما اختنا في اسرتنا الكبيرة

شكرا لجوجل يا شاهين اللي عرفك بينا وانا تابعت بعض مشاركاتك
ولقيت فيها المواضيع الهادفة والفكر الرائع ,, فاهلا بك دائما معنا

أهلا بيكم جميعا اخوتي الغاليين

*189*

بسنت

شاهين

27-08-2004, 10:44 AM