عضو جديد يسعده المشاركه بقصيدة بعنوان ( وقت الغروب )

[sayedattia]

أرجو أن تنال إعجابكم :

باحب ابتسامتك فى وقت الغروب ......
وأنت ياروحى تحب الهروب .........
تشرق ..تغرب.. شمال او جنــوب.....
باحب ابتسامتك فى وقت الغــــــروب..


فى لحظة لقانا ... بنظرة أدوب ....
دى قلبى وقلبك ..يكون جـــروب ..
وساعة ماتطلب .. أفضى الجيوب ..
وأقدم شبابى ..ونغمة طــــروب....
تحاوط عيونك . يانور القلوب ....
تشرق ..تغرب.. شمال او جنـوب...
باحب ابتسامتك فى وقت الغــــروب..

ويوم اللقــا ..تنادى القلوب..
ح أحطك فى قلبى ..وأسد الدروب..
عشان ابتسامتك بتحيى القلوب.....
وتغسل جروحنا ..وتمحى العيوب..
تشرق ..تغرب.. شمال او جنــوب.....
باحب ابتسامتك فى وقت الغــــــروب...




باحبك وعارف عنادك لمين....
وعندك ح ياخد طريقنا لفين ...
وصبرى دا طال ..بقالو سنين..
عنادك وهجرك ..وكل العيوب..
سعادة فى نظرى..بتملا القلوب ..
تشرق ..تغرب.. شمال او جنــوب.....
باحب ابتسامتك فى وقت الغــــــروب...



دا غيرتى عليك ..وشوقى اليك..تفوق الحدود
ونظرة عنيك..ولمســـة لغيرى .. نهاية الوجود
دا انت حياتى .. وبسمة آهاتى .. دا انت الخلود
زمان انت فيه ..زمان أشتهيه.. ولوكان غروب
تشرق ..تغرب.. شمال او جنــوب.....
باحب ابتسامتك فى وقت الغــــــروب...



ملاوعة ولاوعت... خصام وخاصمت .. كفاية بقى..
عشانك خاصمت.. عشانك صالحت .... كفانا شقـى ..
تحب الخصام .. تحب الفراق ... وبرضه اللقــــا .....
ماتيجى قوام .... نخللى السلام .. معاهدة رضـــــا...
وننسى اللى فات ...وكل اللى فات .. سلام أو حروب...
تشرق ..تغرب.. شمال او جنــوب.....
باحب ابتسامتك فى وقت الغــــــروب...